 |
#عشقت_امبراطور_الصعيد2
#انتقام_مجهول
#البارت_الحادي_عشر_|11|
قاسم : قرب من الجثه و حط أيده علي رقبته لقاه لسه عايش بس فجأه في صندوق اترمي علي قاسم خلاه يترعب بس الصندوق ده كان غير التاني اول ما قاسم فتحه رماه لورا و خد عربيته و قام مشي بسرعه ...
******
في قصر عبد الحميد ...
فهد كان واقف قدام الصندوق مش عارف يقول أي بعدين جالها تليفون من الشركه ..
المندوب : و الله يا فهد بيه زي ما قولت لحضرتك كده ساهر بيه رجع و قاسم بيه خرج من الشركه و كان شكله متعصب و في حاجه كان بيحاول يلحقها ...
فهد : طيب اقفل انتي دلوقتي ...
اول ما قفل معاه رمي التليفون و قال نهايتك خلاص علي أيدي بعدين نده علي البواب .
البواب : خير يا بيه ..
فهد : افتح كده اللفه دي و شوف فيها أي (كانت عباره عن ملايه بيضه و فيها دم و ملفوف فيها شخص )
بدأ البواب يفتح فيها لكن الصدمه كانت هنا مفيش جثه كان موجود بدالها مليكان (من الموجود في محلات الهدوم )
فهد : سحب الملايه خالص و ظهر الجسم كله بعدين زعق بصوت عالي و قال أحنا هنهزر أي ده ...
البواب : معرفش حضرتك انا لسه شايفها دلوقتي .
بعد شويه وقف قاسم بعربيته قدام القصر و كان عرقان و متوتر جدا فضل يمسح وشه بالمنديل و هو داخل القصر ...
اول ما دخل شافهم كلهم قاعدين في الصالون و متوترين و فهد واقف بيتكلم في التليفون و بيزعق ...
صفيه اول ما شافت حالة قاسم جريت عليه و قالت أنت كويس ..
قاسم كان بيتكلم بصعوبه بعدين قال : أيوه ..
فهد قرب منه و قال : أنت كنت عارف كل حاجه صح عرفت أن ساهر رجع و مقولتش مش كده .....
قاسم : مقولتش عشان مكنتش فاضي أقول بعدين شاور علي ميرا و قال كنت بشوف جوزها الي مش عارفين ليه طريق ساهر رجع و بينتقم من كل واحد فيكم علي الي حصل في أبوه ..
ميرا قامت من علي الكنبه و قربت لفهد و قاسم بعدين قالت : أي الي بتتكلموا في ده و فين جوزي ...
فهد : مش وقته دلوقتي و بعدين بص ل قاسم و قال أنا رايح الشركه أشوف هعمل أي مع الزفت ده و انت اطلع ارتاح شويه شكلك تعبان ...
قاسم : روح العنوان ده هتلاقي معتز متصاب هناك بس لسه عايش..
ميرا : من غير متستني رد فهد جريت بسرعه علي بره ...
فهد : بيتكلم بعصبيه و بيقول لسه فاكر تقول و بعدين حري ورا ميرا ..
صفيه مسكت أيد قاسم و قالت : تعالي معايا دلوقتي ...
ريتال كانت قعده علي الكنبه و شغاله تبص علي الصندوق و دموعها نازله ...
ماسه : ممكن تهدي شويه ده كله مش حقيقي ...
ريتال : المنظر مرعب اوي
ماسه ادتها كوبايه ميه و قالت : خلاص عم علي هيشيلها دلوقتي خدي انتي اشربي ..
********
في الشركه.
ساهر كان قاعد علي مكتب فهد و شغال يدي أوامر للناس الي كانت بتنقل العفش بتاع فهد عشان يحطوا عفش ساهر...
العامل : حلو كده حضرتك و لو عايز حاجه تانيه ..
ساهر : لأ كده حلو أوي بعدين شاور علي تحفه كان شكلها راقي و قال أي الهبل الي هنا ده ...
العامل : دي عليها اسم فهد بيه حضرتك .
ساهر : اه قولتلي فهد ، راح مسكها و حدفها في الحيطه اتكسرت لأكتر من جزء ...
العامل : اتصدم بعدين قال حضرتك لازم تمشي قبل ما فهد بيه ييجي و يعرف بالي أنت عملته ده ...
ساهر اتضايق من كلامه و قال : طب غور يلا أنت شوف شغلك ...
*******
عند فهد و ميرا ...
ميرا بعد ما خرجت من البيت فهد لحقها بعربيته و مشيوا سوا ..
بعد شويه كان فهد هو و ميرا و صلوا المكان .
ميرا نزلت من العربيه و فضلت تبص حواليها يمين و شمال يمكن تشوف حاجه لكن للأسف المكان كان أشبه بالصحراء مفيش حاجه غير مبني قديم و باين أن مفيش حد عايش في ...
فهد : لقيتي حاجه ..
ميرا بتبصله و هي بتعيط بعدين قالت : مفيش انا دورت كويس مفيش ....
فهد طلع تليفونه و رن علي قاسم ...
قاسم كان لسه خارج من الحمام و سمع صوت التليفون و هو بيرن راح قرب منه و مسكه و رد ...
قاسم : ايوه ..
فهد : أنت شفته في انهي مكان بالظبط مفيش حد في العنوان هنا.
قاسم : ازاي مفيش انا سبته هو و واحد تاني كان ميت ..
فهد : طب اقفل دلوقتي .
بعد ما قاسم قفل فهد زق باب العربيه جامد ب رجله و قال ااااه...
********
في الشركه
ساهر : كان باصص ل مونيكا و المندوب و بيقول دلوقتي كل حاجه جاهزه و مونيكا سكرتيرتي الشخصيه يعني مفيش غيرها يدخل المكتب ...
المندوب : تمام يا ادهم بيه ...
ساهر : تؤ تؤ ده كان زمان دلوقتي اسمي ساهر عاصي الحلواني ( الظل الاسود)...
بعدين خرج من المكتب و قال ساعه و راجع ....
********
عند ميرا و فهد
ميرا قربت منه و قالت : قالك أي طمني انا خلاص مبقاش عندي طاقه و فجأة سمعوا صوت واحد جاي من ورا العربيه و ماسك سلاح في أيده و بيقول اوبس الجثه اختفت مش كده ...
فهد : قرب منه و مسكه من قميصه و ضربه بدماغه في منخيره ...
ساهر كان بيحاول يرد الضربه ل فهد لكن فهد كان اسرع منه و بعده عنه ...
فضلوا يتخانقوا أكتر من ربع ساعه فجأة ساهر طلع سلاحه و صوب في وش فهد و قال نهايتك قربت يا ابن الدمنهوري ...
ميرا كانت واقفه تعيط و مش عارف تعمل أي بعد ما شافت السلاح في أيد ساهر ...
ساهر : احم احم تحب تقول حاجه قبل ما اخلص عليك أصل الصراحه انا واحد مشغول و مش فاضي للعب العيال ده ...
فهد : تقدر تعمل الي أنت عايزه ...
فجأة طلقه طلعت و جت في كتف ساهر لدرجه ان السلاح وقع في الأرض بعدين جري بسرعه ناحيه عربيته
ميرا غمضت عنيها و سدت ودانها من الصوت ...
فهد كان شغال يبص حواليه لكن مكنش في حد غيرهم في المكان فجأه شاف حاجه خليته سحب السلاح و قال : ل ميرا تركب العربيه بسرعه ...
ميرا : أنت ازاي تمشي كده من غير ما نعرف مكان معتز ...
فهد : معتز مكنش موجود هناك افهمي ده كان فخ ...
ميرا بتتكلم بعصبية : قصدقك أن قاسم كان عارف كده و برضو خلانا نروح ...
فهد : مفيش أي حاجه من دي قاسم كمان كان ضحيه الفخ ده ، هو زينا جه عشان كان خايف علي معتز و ياريت دلوقتي تسبيني اعرف افكر هنعمل أي ...
ميرا : انا مش هعرف اهدي الي لما اعرف جوزي فين انت فاهم ...
فهد وقف فجأة ب العربيه لدرجه ان ميرا اتخبتط في ازاز العربيه بعدين قالت أي الغباء ده أنت كمان عايز تموتني ...
فهد : عارفه لو سمعت كلمه تانيه ليكي أنتي حره ...
فضلوا واقفين حوالي عشر دقائق فجأه جهم شخصين و وقفوا جمب العربيه و فهد نزل وقف معاهم و فضلوا يتكلموا شويه بعدين ركبوا العربيه ...
ميرا كان حاطه أيديها علي وشها و أول ما شافت الشخصين الي ركبوا اتصدمت كانت فيونا و معتز باين انه مغمي عليه ...
ميرا اتكلمت بتوتر و خوف : حقيقي صح هو عايش مش كده ...
فيونا : متقلقيش عايش هو بس مضروب في دراعه مش في مكان خطير يعني ...
ميرا : ممكن أفهم أي علاقتك بيه و ازاي هو معاكي ...
فيونا بدأت تحكي
Flash back
فيونا كنت واقفه من اول ما خرج ساهر من الاوضه الي فيها ساهر و سمعت كل حاجه لحد ما أمر أنه يتم قتله أنهارده
خرجت من الفيلا و مشيت وراهم و شفت قاسم و هو واقف مستني الحارس و معتز و فجأة سمعت ضرب نار استنيت لحد ما الجو هدي شويه بعدين خرجت من مكاني و روحت أخدت معتز و استخبيت بعد شويه لقتكم واقفين كنت جايه عليكم لكن لحظت ساهر و هو جاي و لحسن الحظ اني خدت سلاح الحارس و قبل ما يضرب عليك روحت ضربت عليه ....
ميرا : اتكلمت بسخريه شكرا جدا ليكي و الله
بعد شويه وصلوا القصر و كان الكل متوتر و خايف لحد لحظه دخول فهد و ميرا ...
ماسه جريت علي فهد و قالت : انت كويس ..
فهد : حضنها و قال متقلقيش أنا كويس...
نقلوا معتز الاوضه تحت صدمه الكل ...
عبد الحميد قرب من فيونا و قال : إزاي ليكي عين تيجي دلوقتي ...
ميرا : بابا ممكن نتكلم بعدين و اخدت فيونا و مشيت ...
ريتال قربت من عبد الحميد و قالت : مين دي يا جدي
عبد الحميد : ام ميرا ...
*************
في فيلا ساهر
ساهر داخل من الباب و ماسك دراعه و بينادي علي (غيث ) رئيس الحرس بتوعه ..
غيث : خير يا بيه و متجرأش يسأل علي دراعه لأنه عارف أن ساهر مش بيحب الاسئله و خصوصاً لو كانت زي دي ..
ساهر : طلع من جيبه شريط و قال نفذ حالاً ...
بعدين ضحك و قال و بكده نقول نهايه فهد الدمنهوري قربت ...
أن شاء الله البارت هينزل كل يوم الساعه 12 و لو هنزل بدري هقول ...
احم مفيش تفاعل لي ...
الروايات فاضل فيها 4 فصول و تخلص و انزل بحاجه تانيه ياريت اسمع رأيكم في الكومنتات...
#يُتبع
#عشقت_امبراطور_الصعيد2
#انتقام_مجهول
#البارت_الثاني_عشر|12|
ساهر : طلع من جيبه شريط و قال نفذ حالاً ...
بعدين ضحك و قال و بكده نقول نهايه فهد الدمنهوري قربت ...
غيث : حضرتك مش هتلف دراعك عشان نزف كتير
بهتت ملامح ساهر بعدين بص ل غيث و قال : أنت هنا عشان تنفذ و بس و مش عايز شغل الستات و النصايح الي ملهاش لازمه يلا روح شوف شغلك .. ...
***********
في قصر عبد الحميد .
عبد الحميد قاعد في المكتب بتاعه و بيفكر في كلام ميرا و هل فيونا هتقدر تاخد ميرا منه ؟!....
شويه و الباب خبط ...
عبد الحميد اتعدل في قعدته و ظبط هدومه شويه بعدين قال : ادخل ...
فيونا : فاضي نتكلم دقيقتين ؟!...
عبد الحميد : مفيش كلام يتقال ببني و بينك ، و اعملي حسابك معتز يرجع زي الاول هو و ميرا و تسافري علطول أنتي سامعه......
فيونا : ممكن تسمع انا هقول أي الاول عشان كلامي في مصلحه ليكم ....
عبد الحميد : قولي ..
فيونا : ممكن تنادي علي فهد عشان كل كلمه هقولها مهمه و هتفيدكوا ...
في اللحظه دي كان لسه فهد داخل المكتب و باين علي وشه الإرهاق
فهد : معلومات أي دي ...
فتحت فيونا شنطه الايد بتاعتها و خرجت منها ملف كده لونه ازرق و ادته لفهد و قالت : نهايه ساهر الحلواني هنا
فهد بصلها بإستغراب و قال : اشمعنا أنا الي جايه تديني دلوقتي الملف ده ...
فيونا : عشان ساهر ضحك عليا و بعدين هو لو عرف أني أنا الي ضربت عليه مش هيرحمني و أنا عايزه اخد حقي منه ....
اخد فهد الملف و فتحه بعدين لقي في مستندات كتير ممكن توصل ساهر ل حبل المشنقه ...
فهد : حلو اوي كده روحي انتي دلوقتي ارتاحي و متقلقيش من حاجه و متخافيش من ساهر طول ما انتي هنا ...
بعد ما خرجت فيونا و قف عبد الحميد قدام فهد و قال أنت ازاي واثق فيها و اوراق اي دي ...
فهد : الورق ده لو راح القسم اعتبر أن نهايه ساهر جت و انهارده في صفقه مخدرات هتتعمل ......
بعدين طلع التليفون من جيبه و رن علي واحد من رجالته...
فهد : كل الي هقوله دلوقتي يتنفذ بالحرف اطلع علي *** و خد معاك رجاله و بلغ البوليس ...
مرتضي : أمرك يا بيه ...
بص عبد الحميد ل فهد و قال : ناوي علي أي يا بني ...؟!
قعد فهد علي الكرسي و بص لجده : ناوي علي كل خير يا جدي ..
انا لازم انزل دلوقتي عايز حاجه ..
عبد الحميد : لا يا بني خلي بالك من نفسك ..
بعد ما خرج فهد طلع علي الاوضه عشان يجهز نفسه و ينزل ...
**********
عند ساهر ..
ساهر واقف في نص الصالون و شغال يزعق في الي في الناس الي بتشتغل في البيت ..
ساهر : مين اخر واحد دخل المكتب و مين المسؤول عن تنضيفه...
الخدامه : انا حضرتك بس انا بقالي يومين مدخلتش زي ما حضرتك أمرت ...
زعق ساهر لصوت عالي و نده علي غيث ...
غيث جاي يجري من بره بعدين قال : خير يا بيه ؟!
ساهر : 5 دقايق و تكون فديوهات الكاميرا بتاعت أوضه المكتب تكون قدامي ...
غيث : تحت أمرك يا بيه و جري علي أوضة الكمبيوتر ...
قعد ساهر علي الكنبه و سند دماغه علي أيده و قال ل مونيكا معادنا انهارده الساعه كام ...
طلعت مونيكا تليفونها و قالت : ثواني هتأكد ، المعاد انهارده الساعه 12 بليل ...
ساهر : كل حاجه جاهزه مش كده ..؟!
مونيكا : ايوه بس الشيفرات مش معانا ...
ساهر : انا معايا كل حاجه بس جهزي نفسك عشان هنتحرك علي الساعه 10 كده ..
بصت مونيكا في ساعتها بعدين قالت : تمام أنا هطلع اجهز الحاجات عشان متفضلش غير 3 ساعات ...
ساهر : تمام و ياريت تجهزي حاجاتي معاكي و متنسيش تحطي الجهاز عشان نبقا علي ضمانه ....
********
عند فهد .
فهد واقف قدام المرايا و هو بيظبط هدومه عشان ينزل ...
ماسه بتكلم فهد و هي قاعده علي السرير : نفسي أفهم أنت رايح فين دلوقتي و مالك مبسوط كده ...
فهد : مبسوط عشان خلاص هنخلص من ساهر و نعيش زي الناس الطبيعيه و كان لسه بيقرب من وشها فجأه تليفونه رن ..
وقف فهد قدام السرير و كان بيكلم ماسه بصوت واطي و بعدين قال حبيبي ثواني بس و جاي ...
ماسه هزت دماغها بمعني طيب ..
رد فهد علي التليفون و كان المتصل الرائد جلال..
فهد : ايوه ...
جلال : أنت واثق من المعلومات الي بعتها دي ..
فهد : اه و بنسبه ميه ف الميه كمان ...
جلال : طالما كده يبقي نتحرك و شكراً لمساعدتك ...
فهد : أنا هكون في الموقع انا ورجالتي تحسباً لأي حاجه ممكن تحصل أنا مش مستعد بعد ده كله يفلت من ايدي ...
جلال : متقلقش كل حاجه جاهزه و انا نظمت خطه كويسه و هنتحرك دلوقتي عشان ناخد أماكنا في المكان قبل ما يوصلوا ...
فهد : تمام و انا هتحرك أنا و رجالتي دلوقتي ...
نزل فهد من القصر بعد ما كلم ماسه و قالها أنه نازل ..
لسه كان هيمشي سمع خبط علي ازاز العربيه فتحه لقي معتز و قاسم و اقفين ..
فهد : مالكم انتو الاتنين ..
معتز : افتح العربيه ..
فهد : انا مش فاضي للعب العيال ده انا لازم اتحرك دلوقتي ...
قاسم : طب ما تفتح عشان نمشي .
فهد : نمشي فين ..؟!
معتز : جايين معاك يا عم أي أنت شارب حاجه و بعدين مينفعش تستفرد بيه لوحدك و كان بيغمز ...
فهد : انتو عرفتو منين ..
خرج عبد الحميد من القصر و قال : انا الي قولتلهم مينفعش تتحرك من غير اخواتك ...
فهد : طب اركبو عشان مفيش وقت ...
********
عند ساهر
وقف ساهر قدام الاب توب بتاعه و قال تقلبوا الدنيا و بنت الكلب ( فيونا ) دي تكون قدامي انتو فاهمين و كان بيوجه كلامه للحرس ..
غيث : تحت أمرك يا بيه
مونيكا : ساهر خلاص فاضل نص ساعه و نتحرك ممكن تهدي و أكيد هي مش هتعرف تهرب أو تروح مكان و هي معهاش فلوس و بعدين دي ملهاش حد غيرك تروح عنده و اكيد مش هتروح عند ميرا عشان هي في بيت أبوها ...
ساهر : عندك حق و يلا لو جاهزه هنتحرك دلوقتي ...
*******
في قصر عبد الحميد ..
فيونا واقفه قدام ميرا و بتحاول تفهمها هي سابتها لي ..
ميرا : متحوليش عشان انا خلاص أعتبرتك مش موجوده من وقت ما سبتيني أنا دلوقتي عايشه مع ناس بيعاملوني اكني فرد منهم مش واحده لقوها في الشارع بعد ما أمها رمتها ...
عبد الحميد دخل علي صوت عياط ميرا و زعيقها و قال : أنتي فعلاً بنتي و مفيش حد يقدر يغير ده و بالنسبه ل أمك أنك تسامحيها و كده ف ده قرارك أنتي أنا مش هجبرك علي حاجه ...
ميرا نزلت من علي السرير و راحت حضنت عبد الحميد و قالت أنت أصلا ابويا الحقيقي و محدش يقدر يقول غير كده ...
فيونا حست ببعض الغيره و التعب بعدين قالت : عن أذنكم هروح ارتاح ...
ميرا بصتله و متكلمتش لحد ما عبد الحميد قال أذنك معاكي ..
خرجت فيونا بعدين ميرا قالت بما أن جوزي الي هو معتز و كانت بتضحك نزل و قال هيرجع متأخر تقعد تحكيلي حدوته أو نقرأ روايه زي زمان ...؟!
ضحك عبد الحميد و قال : يلا بس تحبي نقرأ لمين انا هقرأ ل أحمد حسن سمير لو تعرفيه ..
ميرا : أكيد أعرفه أنا بقا هقرأ روايات مافيا و اكشن كده عشان زي حياتنا
عبد الحميد : أي رأيك ننزل نقرأ في المكتبه تحت ..
ميرا بصتله و قالت : ثانيه بس و جاريه و جريت علي المكتب الي في الأوضه و طلعت منه بوكس صغير و قالت دلوقتي نقدر ننزل ...
عبد الحميد : ياه هي الحاجات دي لسه معاكي ..
ميرا : هزت رأسها و قالت أيوه يلا بقا ...
*******
عند الرائد جلال ..
كان الرائد جلال واقف في الموقع الي هيتم في التسليم و بيراجع الخطه مع العناصر ...
جلال : دلوقتي المهمه دي هتبقي أصعب مهمه مرت علينا أن شاء الله لازم نقدر نمسك ساهر و الناس الي معاها عشان دي هتبقي فرصتنا الوحيده ...
واحد من العناصر : و أحنا قدها يا رائد جلال ...
جلال : و أنا واثق فيكم ...
شويه و جماعه فهد وصلت ...
فهد واقف بيكلم جلال و بيقول : ها كل حاجه جاهزه
جلال : أن شاء الله و بعدين أن جهزنا خطه حلوه و أمنا المكان كويس ...
فهد : تمام اعتبر رجالتي مع العناصر و هما تحت أمرك بس الأهم ساهر ما يفلتش أنهاره ...
جلال : أن شاء الله لأ....
فهد : شكلهم وصلوا عشان في حركه في المكان ...
بصوا عليهم طلعوا جماعه ساهر ...
جلال : بيتكلم بصوت واطي و بيقول : كل واحد ياخد مكانه و مش عايز غلط و كل حاجه زي ما اتفقنا ....
العناصر و معاهم رجالته فهد كل واحد أخد مكانه و حاوطوا المكان ....
لحظات و تليفون فهد رن...
فهد : عملتوا أي و كل حاجه تمام ..
معتز : لسه مفيش حد جه و لسه مخلصش كلامه شاف عربيات جايه بعدين قال اقفل دلوقتي عشان شكلهم وصلوا ....
شويه و العربيات وقفت قدام كمين كان عامله معتز و قاسم حسب خطته فهد ...
نزل راجل من العربيه و باين عليه مش مصري و بدأ يتكلم مع قاسم ...
جاكسون : ?May I know who are you
(ممكن اعرف انتو مين ؟ )
قاسم : We are the black shadow group and Jenna to take you because the place is changing
(احنا جماعه الظل الاسود و جينا عشان نخدكم لأن المكان اتغير)
جاكسون : Oh well let's go
(اوه حسنا هيا بنا)
شويه و اتحركوا في طريق عكس طريق مكان التسليم ...
فجأة العربيات وقفت و نزلت رجاله قاسم و حاوطوا رجاله جاكسون و تم القبض عليه ...
جاكسون فضل يزعق بعدين قال : What are you doing, you idiot
(ماذا تفعل أيها الاحمق ؟ )
قاسم : و حياه امك راح ضربه بضهر السلاح علي دماغه ...
معتز بيرن علي فهد ...
فهد : خلصتوا ...
معتز : كل حاجه تمام تقدرو تتحركوا ...
الرجاله و العناصر بدأو يتحركوا شويه شويه بعدين حاوطو ساهر و جماعته ...
ساهر كان واقف متوتر جدا و مخضوض بعدين قال : أي الي بيحصل ده ..؟!
صوت اغنيه تركيه كده ليها مزيكا مميزه اشتغل ...
فهد شغال يغني مع الاغنيه بعدين قال استوب الاغاني وقفت و قرب من ساهر و قال : احم نسيت اقولك نهايتك خلاص يا أبن الحلواني و كان بيتكلم بسخريه ...
ساهر : لأ مش المرادي و داس علي زرار الجهاز الي أيده و قال جود لاك ...
فجأة دخان ابيض طلع و كل واحد راح في اتجاه ...
شويه و الدخان اختفي فضلوا يدورو عليهم لكن كانوا اختفوا
فهد واقف متعصب و جمبه جلال ...
لحظات و كان معتز و قاسم وصلوا عندهم و عرفوا بالي حصل ...
ساهر كان شغال يجري و كل شويه يبص وراه بعدين شاف عربيه راكنه علي الطريق و حد شغال ينور و يطفئ ...
جري ساهر عليه فكروا حد من رجالته ...
اول ما ركب ساهر لقي الشخص مصوت السلاح عليه و بيقول : نورت يا ساهر بيه ...
ساهر لونه اتخطف و كان مرعوب جدا ..
احم مفيش تفاعل لي 👀
بارت حلو و كبير و في احداث كتير زي ما وعدتكم ...
ياريت بقا القي تفاعل حلو علي البارت ده ..
علق ب 20 ملصق
#يُتبع
#عشقت_امبراطور_الصعيد2
#انتقام_مجهول
#منه_رضا
#بقلمييي
انا عدلت حاجه صغيره في البارت........
يتبع
تعليقات
إرسال تعليق