 |
دار الايتام
البارت الثالث والعشرون...
فجأه ايه ده عشق
لفو الشباب كلهم على الصوت اللي نادت على عشق
عشق بثبات مها ازيك
رجعوالبنات وقفو جمب عشق
مها..الحمد لله ايه ده تمارا وزهره كمان عاملين ايه
تمارا برخامه اهلا
ملحوظه..مها دي كانت موظفه في دار الايتام اللي البنات كانو فيه وكانت الدراع اليمين لحنان المديرة وشافوا البنات على ايدها هي وحنان الويل والحزن كله
مها..بتبص بنظرات خبيثة ووقحة عالشباب اللي معاهم
مها..وهي متعمدة تخلي الشباب تسمع الكلام عشان تعرفهم حقيقتهم بس مكانتش تعرف انهم عارفين وخطتها باظت ايه يابنات عاش من شافكم من يوم ما طلعتوا من الدار ومحدش سمع صوتكم ولا شافكم طب حتى كنتو سألتو ولو مره واحدة على الناس اللي كانت معاكم طول عمركم
مها..عامله ايه يا تمارا انتي وزهره..كده متسألوش ده مكنش عيش وملح
تمارا..معلش بقى تقولي ايه قلة اصل
مها..بضحكة صفرا وخايفة من لسان تمارا اللي عرفاه لا ابدا مقصدش بس يعني كنتو سألتو
تمارا..هو اللي يخرج من عندكم يعرفكم تاني اصلا
الشباب..كانو مصدومين من رد تمارا وجرأتها
مها..ايه ده ليه كده بس مش دار الايتام دي اللي لمتكم من الشارع
تمارا..واخر صبر عندها نفذ وشها اتغير واتبسطت مها انها احرجتها وبردو متعرفش ان الشباب يعرفو
تمارا..بضحكه وهي بتقرب منها تعملي ايه بقى في بنات لا ليهم اهل ولا اصل ولا فصل من الاخر الاصل عندنا معدوم واطيين يعني كملت بابتسامه وعلى فكرة لو ممشتيش من وشي الوقت شايفة المول ده كله مش هيعرف يخلصك من ايدي وساعتها هتندمي انك وقفتي عشان تسلمي علينا
عشق..وهي بترجع تمارا خلاص
مها..بخوف ايه ده انتي زعلتي ولا ايه انا مقصدش انا بضحك معاكي
تمارا..واديكي جربتي الضحك مع واحده ملهاش اصل فكري بقى تضحكي مرة تانية كده وانا هخليكي تكرهي الضحك وتلغيه من حياتك
عشق..خلاص ياتمارا قولتلك
مها..على فكرة ياعشق انا مقصدش هي بس اللي زعلت شكلي كده عكيت الدنيا ادام الشباب وشكلهم ميعرفوش انكم كنتو عايشين في دار ايتام
فاللحظه دي ولاول مرة عشق تكون عنيفة ومتتحكمش في غضبها على عكس طبيعتها تمارا دايما هي اللي بتغضب بسرعه عكس عشق لكن المرادي عشق فاقت كل توقعاتهم.
غضب..الشباب جدا من السمجة اللي بتتكلم دي ولسه ليل هيدخل
قربت عشق من مها...ومسكتها من رقبتها بأيد واحده وضغطت عليها بكل قوتها مها كانت هتطلع فالروح في اديها
عشق...كلمه كمان وقسما باللي خلقني وخلقك ما هندم اني اقتلك وهتبقى اول مره اوسخ ايدي في واحده زباله زيك
ليل..عشق عشق
قربو صحابها كلهم منها يشيلو مها من تحت ايدها والناس ابتدت تقف تتفرج
ليل..سحب ايدها من رقبت مها بالعافية
مها فضلت تحاول تاخد نفسها وتتكلم بعصبية وهي نفسها متقطع وديني ما هسيبكم ياعشق وهخليكو تندمو عاليوم اللي جيتو فيه الدنيا ياولاد الحرام
في اللحظة دي الشباب كانو وصلو لاعلى درجات الغضب وعلى رأسهم ليل اللي عنيه احمرت واتحول لوحش في نظراته مسك ايد مها بين ايده اقسمت مها بداخلها ان كل عظام ايدها اتفتفتت لحتت صغيره
ليل..من بين سنانه كلمة تانية وهرميكي من فوق السور ده
مها بصاله برعب
ليل..فكري كده يازبالة تقربي لحد فيهم وصدقيني هتندمي عاليوم اللي لمحتيني فيه
عشق..ليل خلاص
مها..بألم سيب ايدي
ليل..كلامي اتفهم ملمحكيش فأي مكان تاني ولو بنت فيهم قالت بس انها شافت خيالك تعرفي بعدها ان ليل السيوفي هيقبض بأيده روحك
رماها بأيده رجعت مها كذا خطوه لورا
جاسر..خلاص ياليل يلا بينا من هنا الناس ابتدت تتلم
فضل..ليل واقف باصص على مها اللي لفت وطارت برعب من ادامه وثواني وكانت اختفت
ليل..بص لعشق انتي كويسه
عشق..هزت دماغها بثبات تمام
ليل..يلا
نزلو تحت واعدو في مطعم مشهور وهادي بعيد عن زحمه المول
كان الجميع صامت تمامآ
البنات من جواهم غضب وقهره من اللي حصل
ليل..أعد يهز رجله بغضب ويشرب سيجارته في صمت
ادم..ايه ياجماعة في ايه مالكم ما تصلو على النبي كده مفيش حاجه حصلت دي واحدة مريضه
الجميع..عليه الصلاة والسلام
تمارا..احنا غلطانين من الاول عشان يوم ماخرجنا مروحناش عملنا فيهم محضر
زهره..محضر في مين اذا كان كل اللي ورا حنان مضوا وادوها التمام وكانو موافقين
تمارا..اهو اللي وراها دول ازبل منها فاكرين ان بفلوسهم يقدرو يعملو اي حاجة
عشق..بعصبيه ممكن خلاااص اقفلو السيرة دي بقى
ليل..خلاص يابنات حصل خير هي مش هتقدر تقربلكم تاني ولو شافتكم مره تانية صدفه هتخبي وشها اصلا
جاسر..بابتسامه عشان يغير الجو ما طبعا كفايه بصتك ليها رعبتها
نوح..بضحك نظره ايه ده كفايه اللي عشق عملته فيها تصدق بالله انا معملتش حاجه وخوفت
ابتسمت عشق غصب عنها على نوح
نوح بتضحكي وربنا انا خوفت منك
عشق..انت بتهزر مش كده
نوح..باصطناع الخوف وبطريقه كوميدية لا وربنا ما اقدر
ادم.. بضحك اهو شوفتي جبان وسلم نمر
نوح..جبان جبان يا عم انت مشوفتش قفشتها ازاي من رقبتها انا لسه مدخلتش دنيا
انا كنت دايما اقلق من ليل لكن الوقت بقى ليل وعشق
عشق..بابتسامه على فكرة انا مش كده والله بس هي مستفزة وطلعتني عن شعوري
نوح..اقولك حاجه انا توقعت ده من تمارا
تمارا..واشمعنى تمارا يعني
نوح..اشمعنى ما انتي كنت هتكليها قبل عشق
قولت الطلعه دي هتيجي منك بس اتفاجأت بعشق
جاسر..وانا كمان
تمارا..لا والله هو انا باين عليا اني شريرة اوي كده
جاسر..وهو بيبصلها بنظره طويله وابتسامه اوي
تمارا حست بالاحراج ووشها احمر بعدت وشها عنه بسرعه وهي بتبتسم
تمارا..على فكرة انا والله مش شريرة بس هي زي ما عشق بتقول حقيقي مستفزة جدا
ادم..هو ممكن سؤال بسيط يعني لو مش هيضايقكم
عشق..طبعا اسأل
ادم..هي ليه عملت معاكم كده وليه مش بتحبك هي والمديرة دي
عشق..صدقني انا معرفش حاولت اعرف كتير بس مقدرتش وبعدين الكلام ابسط كتير من اللي كانوا بيعملوه فالحقيقة
الحقيقة اصعب من انها تتحكي بص هي طبيعتها كانت شديدة جدا لكن احنا التلاته بالاخص كانت بتكرهنا من غير سبب معروف بس انا دايما كنت بقول للبنات ان اكيد في سبب اصل اشمعنى احنا بالذات اللي دايما بتتعامل معانا كده وبعدين في وراها ناس كبار كانوا بيوافقوها على اي حاجة من غير حتى ما يعرفوا
ادم..طب ومها دي
عشق..مها دي دراعها اليمين ومتقدرتش تعمل حاجة من غير معرفه حنان ومتقدرش ترفضلها طلب من ناحية خوف منها ومن ناحية تانية عشان ترضيها وترضى عنها عشان كده حنان كانت بتحبها اوي خصوصا انها كانت دايما تفرحها بأذيتنا
ليل..اخيرا اتكلم اذيتكم ازاي
اتكلمت عشق في وسط ذهول ليل والشباب
عشق..يعني كانت ساعات تقطع ورق المحاضرات بتاعتنا اوقات كتير في عز الشتا كانت تاخد هدومنا كلها وتسيبنا بالغيار اللي علينا بالاسبوع عشان تفضل ادام الدار كله تحرجنا وتضايقنا اننا اعدين بهدومنا اسبوع بحاله
اوقات تانية كانو يستغلو خروجنا من الاوضه لاي سبب وندخل نلاقيهم مغرقين المراتب وواخدين البطاطين كلها وطبعا الارض مش مفروشة لا كنا بنعرف ننام عالسراير ولا حتى بترحمنا وتسبنا ننام عالارض
وكملت بضحكه مليانه وجع كنا بنقطع ورق الكشاكيل بتاعتنا ونفرشها عالارض ونأعد احنا التلاته جمب بعض عشان نحاول نسيطر عالبرد اللي وجع جسمنا
كانت دايما قبل الامتحانات عشان منذاكرش كانت طول اليوم تفضل تخلينا نساعد مع الموظفين باقي الاولاد الصغيرين فالدار واول ما ندخل بليل نفكر اننا نذاكر شويه. نتفاجأ انها شايله اللمبه خالص والدنيا ظلمه
كنا بنحاول على اد ما نقدر نذاكر مكناش بنعرف مكنش عندنا حل غير اننا نقف على الشباك كان في كشاف كبير بعيد عننا بس كان يادوب بينور شوية كنا بنفضل نذاكر لحد الفجر وبعدها نقوم نعمل كل ده تاني
كانت دايما تحاول تستفز تمارا عشان عارفه ان تمارا بتغضب بسرعه وبعدها نتعاقب تدخلنا الاوضه وتقفل علينا باليومين من غير اكل ولا ميه ولا حتى حمام كانت
في رمضان تخلينا نفضل طول اليوم نشتغل فالدار من تنضيف لحد عمايل الاكل انا وزهره وتمارا نعمل في الاكل وبعد ما نخلص نبتدي نجهز زي وجبات ونفضل نوزع فالاكل ونرجع نلم كل حاجة وننضف تاني مكان الاطفال وبعدها نبتدي نحضر السحور وكانت فالاخر بتحن علينا وتسبنا نفطر ونتسحر مع بعض كان اخر دور فالمبنى السطح السور بتاعة قصير جدا كانت عارفة ان تمارا عندها فوبيا من الاماكن العاليه لما كانت بتقول حاجة وتمارا تعترض عليها كانت تعاقبها انها تطلعها فوق وتسيبها وتقفل عليها الباب
بصلها جاسر بشفقة وافتكر اللي حصلها فالطيارة
عشق..حاجات كتير اوي وتفاصيل يمكن لو حكيتها مش هتصدقوها
جاسر..هو في حد كده بجد
نوح..دي اكيد مريضة بجد مش فكرة انها متجوزتش او عندها عقده دي فعلا مش طبيعية
ادم..انا اسف بجد ياعشق واسف ليكم بجد يابنات مكنتش اقصد والله افكركم بحاجة بس كنت حابب اعرف سبب الكره ده بجد انا اسف والله
عشق..مفيش حاجه يا ادم احنا اصلا عمرنا ما نسينا يمكن احنا فعلا محسناش اننا بني ادمين غير يوم ما خرجنا..يمكن اول يوم خرجنا فيه كنت متحمسه وبحاول اطمن البنات اللي جاي احسن بس اخر اليوم كنت ابتديت افقد الامل وكنت مرعوبة من فكرة اننا ننام فالشارع بس الحمد لله ربنا سمع دعائي ليه وجبلنا بابا محمد وكأنه ملاك نازل من السما..ومن يومها واحنا مرتاحين وبقينا نعرف ننام بجد
ليل..عشق اللي فات انسوه خلاص راح احنا فالوقت واللي حصل في حياتكم قبل كده احنا هنقدر ننسيهلكم اهم حاجه مش عايز حد يضايقكم بكلمه مش عايزكم تتهزو ولا اي كلام يأثر فيكم بصو لحياتكم اللي جايه ولو اللي فات فيها كان متعب فاللي جاي بأديكم تخلوه احلى بكتير وينسيكم اللي فات
جاسر ممكن بقى نغير المود ده ونطلب بقى الغدا
ليل..يلا تحبو تاكلو ايه
طلبو الاكل وحاولو الشباب يغيرو مودهم ويضحكوهم وينسوهم اللي حصل
بعد الاكل
ليل..ايه لسه ناقصكم حاجة
تمارا..يعني
ليل..تمام انا هقوم بس اعمل تليفون شغل مهم وانتو يلا شوفو ناقصكم ايه وجاسر وادم ونوح هيبقوا معاكم هخلص وارجعلكم
الجميع..تمام
قامو البنات يجيبو اللي محتاجينه وفضل معاهم الشباب وبعد شويه رجعلهم ليل كملو لف واخيرا خلصوا وخرجوا ركبو العربيات واتحركو مع بعض
ليل..عشق
عشق..بصتله نعم
ليل..انتي كويسه
عشق..الحمد لله
ليل..مش عايز اشوفك مضايقه ابدا
عشق..صدقني انا احسن مفيش حاجه
ليل..لسه زعلانه مني عالكلام اللي قولته قبل كده
عشق..لا انا نسيت الكلام ده اصلا
ليل..اكيد
عشق..ببراءه اه والله العظيم
ابتسم ليل بطريقه جميله
عشق..بتضحك ليه
ليل..اصلك طيبه اوي ياعشق
عشق..بابتسامه جميله شكرا وفضلت بصاله شويه بعد ما لف وشه للطريق كانت معجبه بشكله اوي اول مره تشوفه لابس كده
ليل..وهو باصص عالطريق حاسس انها باصه عليه
ابتسم..ايه بتشبههي عليا ولا ايه
عشق..باحراج هاااا لا انا بس سرحت
ليل..بصلها وشاف وشها اللي قلب لونه احمر ايه مستغربه شكلي بره الشغل
عشق..اتخضت انه عرف هي كانت بتفكر في ايه
ليل..ضحك ايه مش هو ده اللي كنتي بتفكري فيه
عشق..اه لا اقصد يعني اصل اول مره اشوفك بتلبس عادي يعني
ليل..ضحك اكيد يعني ياعشق مش هفضل طول حياتي بلبس الشغل بس ايه رأيك ايه فيهم احلى
عشق..وهي مبتسمه وسرحانه الاتنين شكلك حلو في اي حاجه بتلبسها وفجأه حست باللي قالته
اقصد كله حلو
ليل..ابتسم وحب يلغبطها اكتر على فكره
عشق..نعم
ليل..انتي كمان جميله اوي ياعشق
عشق بصتله وسكتت
ليل..يعني بلبس الشغل بلبس البيت بطرحه وبشعرك وغمزلها
عشق بصت ادامها بسرعه وبعدت عنيها عنه وبصت من الشباك من غير ماتنطق ولا حرف ووشها اتحول للون الاحمر
اما ليل فا بعد ما وصل للي هو عايزه كمل سواقه في طريقه وطول الطريق مبتسم وكل شويه يبص عليها وهي زي ماهي ساكته ونفسها الطريق يخلص عشان تجري من ادامه
اما عند جاسر وتمارا
كانو ساكتين خالص تمارا محرجه منه من ساعة ما اعترفلها بحبه وكل ما تيجي فرصة انه يتكلم متديلوش فرصه بعد طول فتره الصمت قرر جاسر يقطع الصمت ده
جاسر..وحشتيني على فكره
تمارا..باصه ادامها وقلبها بيدق بجنون من بعد كلمته
ابتسم جاسر ايه هتفضلي ساكته بردو
تمارا..ساكته ومصدومه
جاسر..قرب ايده ببطئ مسك ايدها اللي كانت متلجه
بين ايديه تمارا معترضتش لكن مقدرتش تبصله
قرب جاسر ايدها من شفايفه وطبع عليهم بوسه بحنيه
فاللحظه دي انهارت تمارا ورعشه اصابت جسدها بالكامل غمضت عنيها
جاسر..ايدك متلجه كده ليه انتي بردانه
تمارا هزت راسها بلا
جاسر..وقف العربيه
ووقف قلب تمارا معاه
قرب جاسر..ايده من دقنها ولف وشها ليه ساكته ليه
تمارا..خرج صوتها اقول ايه
جاسر..اي حاجه انا راضي مالك ياتمارا
تمارا..مش عارفه
جاسر..مش عارفه ايه بالظبط
تمارا..حاسه اني متلغبطه وخايفه
جاسر..طيب متلغبطه وممكن افهمها لكن خايفه!! من ايه
تمارا..صدقني معرفش بس حاسه اني بحلم وهصحى على حاجه توجعني
جاسر..ليه بتقولي كده ياتمارا
تمارا..يمكن عشان مفيش فرحه كملتلي او يمكن عشان اول مره احس احساس حلو وخايفه افوق من الحلم والاحساس الحلو اللي انا حساه يضيع
جاسر..بمشاكسه وهو لسه ماسك ايديها وايه بقى الاحساس الحلو ده
تمارا..نزلت راسها باحراج
رفع جاسر وشها بايده شاف دمعه نزلت من عنيها
جاسر..بقلق تمارا في ايه انتي في حد اتعرضلك او عملك حاجه وانا معرفش
تمارا..لاخالص
جاسر..امال في ايه وليه الدموع دي
تمارا..صدقني مفيش غير اللي قولتهولك ياجاسر خايفه مش اكتر
جاسر..تمارا انا مش عايزك تخافي ابدا طول ما انا جمبك
ومش عايز اشوف دموعك دي ابدا انا بحبك بجد
زادت دموع تمارا بعد اعترافه ليها للمره التانيه
جاسر..صدقيني مش هبعد عنك ولو بتفكري في موضوع هايدي ياتمارا وده اللي مخوفك فاعايزك تطمني هايدي وجودها في حياتي مسأله وقت مش اكتر صدقيني والله ياتمارا مسأله وقت وعلى فكره انا في ايدي اني ابعد عنها الوقت قبل بكره بس مش هينفع اعمل كده الوقت لاني وقتها مش هحس انك في امان انا مستني وقت معين وكل حاجه هتخلص وساعتها هبقي ملكك انتي وبس ياتمارا قرب ايده من خدها مسح دموعها وباسها من راسها براحه وباس ايدها وبص في عينها بحبك ياتمارا
ابتسمت..تمارا بحب
جاسر..كمل بمرح مش ناويه تقوليها بقى
اتحرجت تمارا وبعدت عنيها عنه
جاسر..علي فكره مش عايزك تقوليها غير لما تحسي انك عايزه تقوليها وانا يكفيني الحب اللي شايفه في عنيكي ودقات قلبك اللي بتقولها وفضحاكي دي
وكمل بضحك ابقي قولي لقلبك يخبي شويه بقى مش اسلوب ده
ابتسمت تمارا غصب عنها
دور جاسر العربيه وطلع وهو ماسك ايدها بين ايده
....
نور..نوح
نوح..نعم
نور..هو انا ممكن بكره معلش اتأخر شويه واجي بعد البنات
نوح..اشمعنى
نور..لا مفيش بس لازم بكره اجيب ورق ضروري
نوح..لا
نور..هو ايه اللي لا
نوح..مفيش مرواح
نور..ليه
نوح..من غير ليه يانور شوفي عايزه ايه وبكره هيكون عندك
نور..ايوه بس المشكله مش فالورق بس انا بكره عندي سكشن مهم وهيتحط في اعمال السنه الامتحانات خلاص قربت فاضل 3اسابيع يعني اقل من شهر
نوح..نور
قاطعته نور..هو ممكن اعرف انت معترض ليه والله مش هتأخر عالشغل ولو اتأخرت ممكن اعد انشالله امشي اخر واحده فالشركه
نوح..شغل ايه يانور هو انا بقول كده عشان الشغل ما يتحرق الزفت
نور..ممكن تهدي انت ليه متعصب كده طيب قولي في ايه
نوح..نور انا مش عايزك تروحي عشان البني ادم السمج اللي اسمه سامر ده
نور..طيب وانا مالي وماله
نوح..انا مقولتش انك ليكي دعوه بيه يانور
نور..والله يانوح انا هخلص واجي عالشركه بسرعه ولو شوفته همشي واسيبه ومش هقف ثواني
نوح..ساكت
نور..ايه قولت ايه
نوح..ماشي يانور روحي بس هتخرجي تلاقيني واقفلك بره وهنرجع عالشركه سوا
نور..طب ليه انا هعرف اجي
نوح..اظن انتي سمعتي اللي قولته يانور صح
نور..حاضر يانوح زي ما تحب ولفت وشها وهي مضايقه من طريقته
ثواني وحس نوح بتأنيب الضمير
نوح..انا اسف يانور
نور..وهي باصه ادامها لا ابدا مفيش حاجه
نوح..لا والله ده شكل حد مش زعلان
نور..وهي بتلف وشها ليه وكملت كلامها بغضب طفولي انا مش فاهمه انت ليه بتعمل كده ومن يوم ما شوفت اللي اسمه سامر ده وانت طريقتك متغيره معايا وكل ما تيجي سيرته تتعصب عليا وكل ما تشوفه تتحول ولو طول اليوم كويسين بسببه تقلب عليا في ثانيه
نوح..عشان خايف عليكي يانور سامر ده مش كويس وممكن يعمل اي حاجه في سبيل انه يضايقني ويعمل اي حاجه تأذي غيره ولا بيفرق معاه عشان كده انا خايف عليكي انا اعرف سامر اكتر منك
نور..وانا معرفهوش ولا عايزه اعرفه وقولتلك اطمن والله العظيم لو شوفته ما هكلمه وهعمل نفسي معرفهوش وهمشي
نوح..ماشي ياستي وانا مصدقك خلاص بقى متزعليش
نور..مش زعلانه
نوح..بجد
نور..ايوه
نوح..مسك ايدها وبدون سابق انذار باسها
نور..اتصدمت وسحبت ايدها منه بسرعه وبصت ادامها
نوح..انتبه عاللي عمله وكمل سواقه من غير ولا كلمه
............
ادم..زهره مش عايزك تضايقي من اللي حصل وبجد اسف اني خليت عشق تحكي وكنت سبب في دموعك
زهره..اسف على ايه بس يا ادم مفيش حاجه
ادم..علي فكره يا زهره تعرفي ان انا وانتي فينا من بعض
زهره..بابتسامه استغراب ازاي
ادم..يعني انا تقريبا نفس ظروفك اصل انا كمان امي وابويا من زمان ميتين يمكن ظروفك كانت اقسى بس صدقيني احساس انك لوحدك نفس احساسي
زهره..بس انا عارفه ان طنط مامت ليل ونوح بتعتبرها زي مامتك
ادم..طبعا انا مش بعتبرها هي فعلا امي وعمرها ما فرقت بيني وبين ليل ونوح بالعكس يمكن ديما كانت تيجي عليهم واحنا صغيرين عشاني عشان متحسسنيش بأي حاجه وليل ونوح مش بس ولاد خالتي دول اخواتي واصحابي بس صدقيني بردو بيبقي جواكي كده حاجه وجعاكي رغم ان ممكن تكون الظروف اللي عشت فيها وقربهم مني محسسنيش بده بس بردو بيبقي جواكي حزن مش قادره تفسريه يمكن انا معشتش مع امي وابويا حتى نص اللي عشته معاهم بس بردو احساس اليتم دايما مأثر عليا فهماني
زهره..فهماك يا أدم هو حقيقي احساس صعب بس بجد احمد ربنا عالاقل انت لقيت ام بديله عن امك اخوات واهل بجد مكان كويس تعيش فيه لاكن انا مكنش عندي كل ده صدقني يا ادم رغم اللي مريت بيه بس صدقني بحمد ربنا يمكن كان اهلي دول طلعو وحشين او يمكن كانو طلعو كويسين وحد فيهم يموت واتوجع عليهم ربنا مش بيعمل حاجه وحشه
ادم..عندك حق عارفه احلى حاجه فيكي ايه يازهره
زهره..ايه
ادم..انك راضيه وبتحاولي تتأقلمي عالحياه
زهره..الحمد لله الرضا ده نعمه جميله اوي و فعلا انا راضيه ومش زعلانه
ادم..زهره انا عايز اعملك حاجه تخليكي مبسوطه ممكن تقوليلي نفسك في ايه
ابتسمت زهره يعني ايه
ادم..يعني قوليل على حاجه نفسك فيها وتكون هتفرحك وانا هعملها
زهره..وهي بتفكر ومبتسمه اي حاجه؟
ادم..اي حاجه
زهره..مش هترجع في كلامك
ادم..جربي مش هتخسري حاجة
زهره..نفسي اروح الملاهي
ادم..ضحك ضحكه عاليه
زهره..بتضحك عليا
ادم..بجد نفسك تروحي الملاهي
زهره..اه والله العظيم ايه مينفعش
ادم..لا مين قال مينفعش ينفع طبعا بس متأكده
زهره..ايه شكلي عيله صح
ادم..لا خالص العفو بس عيني حاضر هوديكي ياستي انتي تؤمري وكمل ضحك
زهره..بردو بتضحك طب تصدق بقى انك هتوديني وكمان هتلعب معايا
ادم..لا اوديكي اه انما العب متفقناش على كده
زهره..وهي بتربع اديها مليش دعوة انت قولت نفسك في ايه وتعملهولي انا بقى بقولك اهو نفسي اروح الملاهي وانت كمان تيجي وتلعب موافق اوك مش موافق يبقى هعتبرك مش اد وعدك
ادم..خلاص ياستي نروح بس الملاهي وبعدين نشوف حوار اللعب ده حضري نفسك بقى الجمعه الجايه تمام
زهره..ماشي تمام
بعد وقت بسيط وصلو اخيرا تحت البرج
نزلو البنات ومعاهم الحاجه اللي اشتروها كلها
وقف الشباب يستنوهم لحد ما يطلعو بعد ما سلمو عليهم
عشق..كانت لسه باين على وشها صدمه كلام ليل الجريئة
نور..حالها مكانش يقل عن عشق بعد بوسة نوح لايدها
اما..تمارا فكانت طايرة بعد اعتراف جاسر بحبه ليها لتاني مره وحاسه انها مطمنه معاه
زهره..كانت مبسوطه بالكلام مع ادم وانه هيوديها الملاهي
مشيو الشباب اخيرا وطلعو البنات كل واحدة فيهم رتبت حاجتها اللي اشترتها وبعد الشاور والصلاه دخلو عشان ينامو ويجهزو ليوم جديد
عشق..حطت دماغها عالمخده وفضلت مركزه بعينها على صوره ليل عشان تعرف تنام وبقت عاده عندها تفضل باصه على صورته لحد ما تروح فالنوم وفوسط ما هي سرحانه في صورته وفأحداث اليوم اللي على اد ما مها جات وبوظت جزء منها لكن فالنهايه كان وجودها مع ليل كفايه انه يخرجها من اللي هي فيه
خرجها من شرودها صوت موبايلها اللي اول ما لمحت اسم ليل فضلت متنحه وباصه علي شاشه الموبايل ثواني واخيرا فتحت
عشق..الو
ليل..نمتي اسف لو صحيتك
عشق..لا لسه منمتش
ليل..اكيد
عشق..اكيد في حاجه
ليل..بارتباك لا بس كنت عايز اقولك ماتنسيش الورق بتاع الصفقه اللي ادتهولك وقولتلك تشوفيه وتقولي في رأيك
عشق..متقلقش محضراه وبكره هيكون معاك وهقولك رأيي فيه
ليل..شكلك متحمسه
عشق..يعني
ليل..عموما هشوف وهعرف
عشق..متقلقش وبعدين انا هقول رأيي والقرار فالاخر ليك
ليل..لا يبقى مفهمتيش الشغل اللي انتي دخلتي عليه
عشق..يعني ايه
ليل..يعني انا قولتلك ان رأيك هيكون زي رأيي ومش هيحصل توقيع غير لو انا وانتي مقتنعين انها صفقه تفيد الشركه
عشق..بس فالاخر انت المدير
ليل..وانتي بتنوبي عني في غيابي والكل فالشركه هيوافق علي اي قرار تاخديه
عشق..اتمنى اكون اد ثقتك فيا دي اللي مش عارفه انت جبتها منين
ليل..منك ياعشق
عشق..مني
ليل..اه منك من يوم ما شوفتك وانتي واثقه في نفسك ودي حاجه بتعجبني فالشخص اللي بتعامل معاه وكان اولهم لما جيتي معايا عشان تساعدي مهره
عشق..اممم وساعتها كان باين في عنيك انك مش واثق اني هعرف
ليل..صراحه ومن غير زعل
عشق..مش هزعل لاني متأكده انه اه
ليل..ضحك كان باين عليا اوي كده
عشق..جداا
ليل..بس رغم كده انتي فضلتي واثقه وقدرتي ومواقف كتير حصلت بينا تعرفي ياعشق ان مفيش اي حد قدر يقف ادامي زيك
عشق..انا وقفت ادامك ليه
ليل..يعني مش بتخافي واثقه من نفسك بتقولي رأيك ومبتقلقيش من رد الفعل
عشق..يمكن عشان ببقي صح ماهو اكيد مش هكون غلط واكابر
ليل..يمكن
عشق..صحيح انا طلبت منك حاجه ومعملتهاش
ليل..بانتباه طلبتي ايه
عشق..صوره عشق
ليل..مش ناويه تيجي تشوفيها بردو
عشق..ايه رجعت في كلامك
ليل..لا مرجعتش ياستي وعلى فكره صورتها معايا صورتها بعد ما قولتيلي
عشق..طيب ومش ورتهالي ليه
ليل..كنت مستني اشوفك هتسألي عليها ولا لا
عشق..واديني سألت فين بقى
ليل..هبعتهالك حالا شوفيها كده عندك. ثواني ووصلت الصوره فتحتها عشق
عشق..ايه ده الله بقت جميله خالص وكبرت ماشاء الله
ليل..ايه رأيك في بنتي
عشق..على فكره بقي دي بنتي انا مش اتولدت على ايدي تبقي بنتي
ليل..ده بأماره ايه في ام تبقى قاسيه كده ومتسألش على بنتها وبعدين انا اللي بهتم بيها تبقى بنتي انا
عشق..هجيلها اكيد بجد هي وحشتني هي ومهره اوي وبعدين بقت حلوه اوي لازم اشوفها بجد
ليل..هنشوف
فضلو يتكلمو الوقت سرقهم لحد ما صوت اذان الفجر أذن
ليل..ايه ده ده الفجر
عشق..انتبهت اه انا مخدتش بالي من الوقت خالص
ليل..معلش سهرتك بس بجد محستش بالوقت
عشق..لا خالص انا كمان محستش
ليل..طب يلا روحي نامي شويه عشان تقدري تصحي
عشق..حاضر هصلي وانام
ليل..باعجاب ماشي ياستي تقبل الله مقدما
عشق..منا ومنكم
ليل..تصبحي على خير
عشق..وانت من اهل الخير
قفلو مع بعض وكل واحد فيهم نايم وجواه حاجه مفرحاه
عدت الساعات واعلن الصباح عن قدوم يوم جديد
نزلو البنات للسواق عالشركه معادا نور اللي راحت على جامعتها
نوح..الو
نور..صباح الخير
نوح..صباح النور فينك وصلتي
نور..اه وصلت ودخلت السكشن كمان بس لسه الدكتور مدخلش
نوح..تمام خلصي علي طول هتلاقيني مستنيكي
نور..مال صوتك
نوح..مفيش بس عندي صداع جامد اوي
نور..طب يانوح بجد خليك انا هخرج اركب تاكسي واجي
نوح..نور خلصي وهتلاقيني مستنيكي تمام
نور..بتنهيده مفيش فايده تمام
نوح..خلي بالك من نفسك
نور..حاضر وانت كمان باي
نوح..باي
......
مر الوقت بسرعه وخرجت نور من محاضرتها راحت اشترت ورق بسرعه ورجعت تستني نوح
وفجأه
دار الايتام
البارت الرابع والعشرون....
وفجأه كان جمبها بنت ماسكه دماغها اااه
نور..انتي كويسه
البنت..بتعب حضرتك بتكلميني
نور..ايوه بسألك انتي كويسه
البنت..انا دايخه جدا وابتدت تمسك دماغها اكتر ووقع الورق اللي كانت مسكاه من اديها
نور..ايه ده استني استني لمت نور الورق بتاع البنت بسرعه اسندي عليا تعالي اشوفلك حاجه تأعدي عليها
البنت..لا لا انا لازم اروح ممكن بس تساعديني لحد عربيتي
نور..طيب انتي معاكي حد
البنت لا لوحدي
نور..طيب هتسوقي ازاي وانتي تعبانه كده
البنت..لازم اروح بسرعه عشان اخد الحقنه
نور..حقنه ايه انتي تعبانه
البنت انا عندي السكر والمفروض باخد حقنه وانا نسيتها فالعربيه لازم اخدها بسرعه عشان ممكن يجيلي غيبوبه سكر
نور..طيب قوليلي اسمها وانا احاول اجبهالك بسرعه
البنت..للاسف معرفش اسمها ومفيش وقت العربيه هناك اهي مش بعيد لو بس مش هتعبك خليكي جنبي لحد ما اوصل للعربيه
نور..طبعا تعالي سندتها نور وفضلت ماشيه بيها لحد ما وصلت للعربيه بتاعت البنت فتحتلها نور باب العربيه وركبتها
فتحت البنت التابلوه بتاع العربيه وسابته فجأه وسندت دماغها عالكرسي
نور..بقلق انتي كويسه
البنت..بتعب لو حصلي حاجه رقم مامتي اول رقم كلميها
نور..جريت لفت فتحت باب العربيه وركبت جمبها قوليلي حاطه فين الحقنه وانا اشوفها بسرعه
شاورتلها البنت على تابلوه العربيه
فتحت..نور الدرج وفضلت تدور
فجأه البنت قالتلها نوح مستنيكي
بصت نور باستغراب للبنت نوح انتي تعرفي نوح ومستنيني فين
فجأه رشت البنت في وشها ماده مخدره
البنت..مستنيكي فالشقه
فاللحظه دي نور كانت سمعاها وبتغيب عن الوعي راحت نور في دنيا تانيه
وطلعت البنت بالعربيه بعد حوالي نص ساعه وصل نوح اخيرا اول ما وصل اتصل على نور يشوفها فين ويعرفها انه وصل بس مكنتش بترد حاول تاني وتالت وبردو مردتش
ابتدا نوح يحس بقلق لكن مستسلمش لاحساسه ده بسرعه قال يمكن بتجيب ورق ومش سمعاه
اتصل للمره الرابعه وجه اخيرا الرد
نوح انتي فين يانور ومبترديش ليه؟
انا مش نور مين حضرتك
نوح..بقلق مين معايا؟وللحظه فكر ان تليفون نور وقع وحد لقاه
نوح..مين حضرتك هو حضرتك لقيتي الموبايل ده
البنت..لا انا مع البنت صاحبة التليفون
نوح..بانفعال وقلق معاها فين ومين انتي وفين نور
البنت..اهدى حضرتك انا قابلت الانسه دي وانا خارجه من الجامعه كانت دايخه وتعبانه جدا خدتها عشان اوصلها تركب بس فجأه كانت هتقع مني خدتها معايا في عربيتي للبيت عشان ترتاح وحاولت افتح موبايلها عشان اتصل بحد من اهلها بس هي عامله باس وورد ومعرفتش بس الحمد لله حضرتك اتصلت
نوح..بقلق انتي بتقولي ايه يعني نور معاكي طيب هي فين اديهالي
البنت..حضرتك احنا اول ما دخلنا الشقه اغم عليها حاولت افوقها انا ووالدتي بس مفاقتش ياريت لو حضرتك تقربلها تيجي تاخدها هي شكلها محتاجه تروح للمستشفي
نوح..قوليلي عنوانك بسرعه
البنت..حاضر
قالتله البنت العنوان
وطار..نوح عالمكان زي ماقالتله البنت
.....
ليل..عشق
عشق..وهي بتقوم من على مكتبها وبتقرب لليل افندم مستر ليل
ليل..معلش ياعشق هاتي الورق بتاع الصفقه وتعالي يلا قوليلي عملتي ايه قبل ما يحصل حاجه تشغلني تاني
عشق..حاضر ثواني راحت عشق تجيب الورق من عالمكتب وراح ليل اعد عالكنبه
عشق..مدتله ايدها بالورق اتفضل
ليل..خد منها الورق اعدي ياعشق
اعدت جمبه عشق وهي يادوب لامسه حرف الكنبه باحراج وتوتر من قربها منه
ليل وهو بيرجع ضهره بتعب ها ياعشق قوليلي بقى ايه رأيك في الصفقه دي
عشق..مستر ليل وقبل ما تكمل كان ليل اعتدل في اعدته وبعد ضهره من عالكنبه وبقى ادامها اتفزعت عشق بعد حركته دي
عشق..في ايه
ليل..هو انا كام مره قولت بلاش مستر ليل دي
عشق..بارتباك ايوه بس احنا في الشركه
ليل..اظن احنا لوحدنا يعني مفيش اي موظف ادامك وياستي حتى لو فالشركه انتي مسموحلك تقولي ليل
عشق..لا لا خلاص خليها واحنا لوحدنا
ليل..ماشي بس فكري تغلطي تاني
عشق..هتعمل ايه
ليل..بابتسامه والله عايزه تعرفي ومش هامك يعني عموما ياستي زي ما قولتلك جربي وانتي وحظك بقى
ابتسمت عشق لا خلاص
ليل..رجع تاني بضهره ها كنا بنقول ايه
عشق..انا قريت الورق بتاع الصفقه كذا مره طبعا انت قولت ان كان في شركه منافسه لشركتنا عرفت بالصفقه دي ومع ذلك مقبلتش مع ان العرض مغري جدا والسعر الي حد كبير مش وحش
ليل..تمام طب سيبك بقى من الشركه المنافسه الوقت انتي ايه رأيك في الصفقه نفسها او بمعني اصح صفقه كويسه نوافق عليها ولا لا
عشق..ليل بص
ليل.وهو بيتعدل وبيحاول يشاكسها بص في عنيها بلونها اللي يجنن ها بصيت
ابتسمت عشق غصب عنها لا هتوترني مش هقدر اتكلم
ليل..بابتسامه يابنتي انا جيت جمبك انتي بتقولي بص بقولك بصيت
عشق لا مش قصدي بص عليا
ليل..طب خلاص انا هسكت خالص هسمعك بس
عشق..تمام بص بقى الصفقه كا عرض وسعر شيفاه كويس جدا بس انا مش مطمنه او مش مرتاحه حاسه في حاجه غلط
ليل..ليه بتقولي كده انا حاسس انه عرض كويس جدا واللي عاجبني اكتر ان الشركه المنافسه لينا محاولتش تاخده متعرفيش بقى مش محتاجه الصفقه مش عجباها
عشق..اهو انا اللي قالقني بقى ان الشركه المنافسه دي محاولتش تاخدها ازاي عرض زي ده عالاقل ميبقاش في جدال عليه او حتى انهم يظهرو فالصوره
ليل..مش عارف مش حاسس اللي بتقوليه انا اللي فهمته منك انك بتشككي ان ممكن يكون في لعبه من ورا ضهرنا والمقصود اننا نوافق على الصفقه دي واللي هي طبعا هيبقى وراها حاجه بس انا شايف انهم مش بالغباء ده يعني لو زي ما بتقولي عايزين يلبسوني يبقى كانو عالاقل دخلو ادامنا وحصل جدال زي ما بتقولي وفي الاخر رفعو الرايه البيضا ادامنا عشان نصدق اننا كسبنا الصفقه وفي الاخر نتورط لكن هما مش موجودين خالص
عشق..بص ياليل انا قولت رأيي اللي انت سألتني عليه واللي انا شيفاه وطبعا في الاول وفي الاخر انت لازم هتاخد قرار بالموافقه او بالرفض وزي ما قولتلك انا ده رأيي ومش معناه انك تاخد بيه انا وجودي معاكم في الشركه هنا من يومين بس كل الحكايه يعني ممكن رأيي يكون غلط مش لازم يكون صح انت تقدر تشوف اكتر مني
ليل..لا ياعشق انتي عارفه من الاول ان انا وانتي لازم نقرر سوا وعايزك تحاولي تشيلي شويه من دماغك حتة ان القرار في الاول والاخر ليك
انتي مش بتشتغلي هنا عشان تقولي رأيك وتتكلمي وفي الاخر انا اخد قرار احنا بنتناقش عشان نوصل في الاخر لقرار يفيد الشركه مش يوقعها
عشق..طيب ممكن سؤال
ليل..طبعا
عشق..هو لو اتمضى عالصفقه دي المفروض انها بعد كده بتروح لجاسر صح كده
ليل..تمام
عشق..طيب صلاحيات جاسر فالشركه تقدر تخليه انه يحاول يعرف بطريقته نوايا الصفقه دي يعني زي اختبار وسط الميتنج
ليل..عشق سيبك من ان جاسر ليه صلاحيات او لا بصي اولا كلهم هنا معايا ليهم صلاحيات طبعا محدش بيتدخل في شغل حد او بمعني اصح كل واحد فينا اتحط في مكانه لكن لو في عند اي حد فينا ملحوظه في شغل التاني يقدر يقولهاله ينبه يخليه ياخد باله كده يعني
فاجاسر يقدر لكن الفكره ان العقد هيكون اتمضى والميتنج ده مش اكتر من انك بتحددي كل حاجه هتمشي عليها الميتنج بيكون تحديد الوقت اللي هنبتدي فيه وتحديد وقت التسليم ملاحيظ بقى في طريقة الشغل في الاستلام كل ده بيتم وقتها
فهمتي يعني الوقت الحوار ملوش علاقه بصلاحيات جاسر
عشق..فهمت
ليل..طيب ايه
عشق..انا قولتلك ياليل انا حاسه ان في حاجه غلط يمكن لسه معنديش الخبره الكافيه فالشغل بس انا شايفه كده
ليل..وهو بيمرر ايده على وشه
طيب انا مش عارف الوقت اعمل ايه انا شايف عكس اللي انتي شيفاه
عشق..انت لازم تاخد قرار
ليل..حاسس ان دماغي واقفه تماما مش عارف انا اللي صح ولا انتي انا كنت مقتنع تماما بس كلامك قلقني ويمكن انا مفكرتش فيها بالطريقه دي بس الوقت خايف تكوني صح فعلا
عشق..طيب انا عندي حليين اختار منهم واحد
ليل..اللي هما؟
عشق..اول حل انك تقوم تغسل وشك وتفوق وتطلب القهوه بتاعتك وتأعد كده شويه مع نفسك تفصل خالص من اي تليفونات او مواعيد وتفكر بهدوء وتاخد قرار اه اولا
ليل..والتاني
عشق..انت قولت ان لو في ملحوظه عند اي حد في شغل التاني بيقدر يقولها اي رأيك تطلبهم هنا فالمكتب او في اوضة الاجتماعات وتعرض عليهم الكلام ده ومن غير ما تقول رأيك او رأيي انت بس وضحلهم العرض وشوف رأيهم ايه شافوه تمام وعادي زيك يبقى اوك شافوه انه مش مريح يبقى لازم تاخد برأيي
ليل..تمام جدا حلو ده
عشق..انهي حل فيهم
ليل..وهو رافع حواجبه الاتنين
عشق..يعني ايه
ليل..يعني عايز قهوة وهعمل اجتماع بعد ساعه من الوقت تشربي ايه
عشق..مش عايزه
ليل..يبقى عصير
عشق..استني هنا
وقف ليل ورجع بصلها وهو رافع حواجبه
عشق..لا لا انا والله ما اقصدش بس يعني كل ما اقول مش عايزه تطلب بردو وتطلب على مزاجك وتخليني اشرب بالعافيه مش عايزه عصير برتقال انا
ليل..بابتسامه ولما انتي جبانه كده بتتسحبي من لسانك ليه
عشق..انا مش جبانه على فكره
ليل..قرب ناحيتها
رجعت ورا براحه عشق
ليل..وقف وابتسم ولما انتي قويه بترجعي ليه اخلصي تشربي ايه
عشق..بابتسامه نسكافيه
راح ليل ورفع التليفون شاهي هاتي القهوه بتاعتي وواحد نسكافيه
شاهي..تحت امر حضرتك حاجه تاني
ليل..عايزك تبلغي مستر ادم وجاسر ونوح ان في اجتماع بعد ساعه من الوقت
شاهي.تمام يا افندم
ليل.قفل ومداهاش فرصه تنطق
عشق..هو ليه يعني مش بتتصل على طول بالبوفيه يبعتولك
لف..ليل بصلها باستغراب أشمعنى
عشق..هو ايه اللي اشمعنى
ليل..يعني هتفرق ايه هي بتتصل تبلغهم مش هفضل انا بقى اضيع وقت
عشق..اممم طيب
ليل..في ايه ياعشق مالك
عشق..صراحه بقى انا مش برتاح للي اسمها شاهي دي
ليل..ليه كده بس عملتلك ايه
عشق..معملتليش حاجه بس من يوم ما جيت هنا وهي مش طيقاني وكأني قتلتلها قتيل مثلا
ليل..سيبك منها متركزيش معاها هي اكيد مضايقه عشان مره واحده بقيتي معايا وبقى ليكي كل الصلاحيات
عشق..مش فاهمه يعني وايه اللي يضايقها ماهي كمان بتشتغل في الشركه زيي هو انا جيت خدت مكانها فالشغل مثلا
ليل..لا مخدتيش مكانها فالشغل بس خدتي مكانها في حاجه تانيه
عشق..حاجه ايه؟
ليل..انا
عشق..مش فاهمه
ليل..يعني مش وقته المهم سيبك منها
عشق..بفضول طفولي لأول مره ايوه بس انا عايزه اعرف
ابتسم ليل على شكلها سند فوق المكتب يعني شاهي كانت بتستغل انوثتها عشان تقدر تاخد مكان في قلبي بس معرفتش فا هي شايفه من وجهه نظرها انك جيتي بوظتي كل خططها
عشق..بسذاجة ايوه يعني بردو عايزه ايه
ليل..وهو بيشاور لعشق خدي ياعشق قربي
عشق..مانا قريبه
ليل..بقولك قربي
قربت عشق خطوه واحده بس اهو
ليل..ده على اساس انك كده قربتي صح ماشي المهم مش فاهمه ايه
عشق..مش فاهمه هي بتكرهني ليه وأخد مكانها في ايه
ليل..فيا ياعشق ايه مش فاهمه ايه؟
عشق..يعني ايه فيك معاك يعني في الشركه
ليل..لا في قلبي ياعشق يعني فاكره ان بطريقتها دي تقدر تخليني اقرب لها وكده
عشق..ايوه بس انا بردو مالي
ليل..بنفاذ صبر من غبائها بتغير منك ياعشق من وجودك معايا في نفس المكتب يعني كانت تتمنى هي تكون بدالك عشان تقدر تقرب مني اكتر فهمتي
عشق..فهمت متتعصبش كده
ليل..بقالي سنه بفهمك
عشق..مانا مكنتش فاهمه
ليل..انتي بتزعأيلي
عشق..انا لا خالص
ليل..بابتسامه جبانه
عشق..بس دي كده على فكره ممكن تقتلني
ليل..ليه يعني مشغل معايا ريا وسكينه هي اخرها متبقاش طيقاكي يعني وبعدين هتقتلك ادام الشركه وتودي نفسها في داهيه
عشق..ممكن وبعدين ماهي ممكن تحطلي سم مثلا فالنسكافيه
ليل..انتي بتتفرجي على افلام كتير
عشق..انت بتتريق عليا
ليل..بضحك لا ياستي مقدرش عموما انا هشرب قبلك من النسكافيه
عشق..ده على اساس ان السم بيبان من اول ماتشرب
ليل بصلها بصدمه يعني لو بيبان عادي اشرب ويجرالي حاجه تصدقي ان انا غلطان
عشق..ضحكت لا مقصدش والله ومكمله ضحك
ليل..باصص على ضحكتها ومبتسم وقلبه بيضحك لسماع ضحكتها الطفوليه الجميله
خبط الباب في اللحظه دي واذنلها ليل
دخلت شاهي ومعاها النسكافيه والقهوه
وماشيه بمياعه ولاول مره تفتح زرار القميص اللي هي لبساه
حطت الحاجه
شاهي..تؤمرني بحاجه تاني يامستر ليل
ليل..وهو باصص لعشق شكرا ياشاهي
لفت شاهي وبصت لعشق بصه غضب وكأنها بتستحلفلها
عشق..شاهي
وقفت شاهي وبصتلها نعم
عشق..وهي بتشاور عالقميص بتاعها وبابتسامه.. الزرار
شاهي..وشها جاب الوان وققفلت الزرار بسرعه بعد اذنكم وخرجت بسرعه
ليل..كاتم ضحكته بالعافيه ادام شاهي بس استغرب رد فعل عشق
اما عشق فا فضلت باصه ناحيه شاهي لحد ما خرجت وباين على ملامحها غضب بسيط
رجعت بعنيها لليل اللي على وشه سؤال
عشق..ايه حرام مش كفايه منظرها كمان فاتحه الزرار
ليل..طب انا مالي انتي بتقوليلي انا ليه وزعلانه
عشق..مش قولت بتعمل كده عشانك
ليل..وهو بيغمزلها وانتي ايه اللي مضايقك قطاعة ارزاق
عشق..بغضب نعم لا بقولك ايه ادام هنأعد هنا مع بعض في نفس المكتب يبقى ممنوع المنظر ده احنا في شركه محترمه مش ديسكو
ليل..طب وانتي ايه اللي مزعلك كده.
عشق..حست بالاحراج وارتبكت لا عادي يعني بس اقصد ان
ليل..خلاص بدل ما انتي قلبتي لخمه كده تعالي يلا اشربي النسكافيه
عشق..لا
ليل..مسك النسكافيه وقرب شفايفه من الكوبايه وشرب وبصلها يلا اشربي
خدته منه عشق وهي بصاله باحراج
ليل..قرب منها وكمل بهمس انا قولتلك قبل كده انك في حمايتي واي حد يفكر يقرب منك هشيله من على وش الدنيا مفهوم
هزت عشق دماغها
اما عند جاسر وتمارا
جاسر..يعني انهرده براءه
تمارا..اه بس بكره مش براءه خالص بكره في 3ميتنج وبعده اتنين
جاسر..بس المهم انهم مش انهرده انا تعبان جدا من الصبح في الشغل ويعتبر لسه في اول اليوم الساعه 1ونص وليل اهو عامل اجتماع ربنا يستر
تمارا..خير ان شاء الله انت انهرده تروح من الشركه تنام علي طول عشان بكره اليوم طويل
جاسر..بعفويه ومن غير ما يقصد وهو بيمرر ايده على جبهته لتخفيف الم الصداع
لا مش هينفع للاسف لسه هقابل هايدي
اتغيرت ملامح تمارا بسرعه وبعدت وشها عنه
رفع..جاسر ايده من على وشه وكمل كلامه من غير تركيز للي قاله يعني لسه ادامي كتير
تمارا..ساكته
جاسر..امتحاناتك امته صحيح
تمارا..قربت
جاسر..مانا عارف امته يعني
تمارا..غمضت عنيها وحاولت تهدي شويه مش عارفه معلش انا هخرج لو مش محتاجني اكمل شغل لحد معاد اجتماع مستر ليل
جاسر..تمارا في ايه
تمارا..مافيش هروح اكمل شغل بيتهيألي ان مفيش كلام خلاص
جاسر..قام وقف وراح ادامها مالك ياتمارا
تمارا..مالي انا كويسه
جاسر..لا والله ده منظر حد كويس مش شايفه نفسك ولا ايه وبعدين انتي اعده معايا وبنتكلم ونهزر ومفيش اي حاجه ليه قلبتي مره واحده
تمارا بسخريه ابدا مجنونه
اتعصب جاسر من طريقتها في ايه ياتمارا ماتتكلمي عدل
تمارا..انت بتعلي صوتك ليه خلاص قولتلك مفيش
في اللحظه دي جاسر وفهم انها اضايقت سكت شويه وقرب منها ومبقاش في مسافه تفصل بينهم
جاسر..اسف ومقصدش اتعصب بس بجد مكنتش عارف مالك
تمارا..وعرفت
جاسر..مسك اديها وقربهم من شفايفه عرفت ومش عايزك تزعلي احنا متفقين ياحبيبي مش كده مسأله وقت ومينفعش اقول لا تمارا انا من يوم ما خطبت هايدي كنت بحبها جدا ومش هخبي عليكي اني كنت بحبها كنت ديما انا اللي اطلب اخرج واشوفها المفروض يكون العكس بس للاسف انا اللي كنت بطلب الوقت ومن يوم ما انتي بقيتي في حياتي وهي اللي بقت تطلب وانا على طول اعتذر بس لازم انهرده اقابلها عشان متحسش باي حاجه
تمارا..اعمل اللي انت شايفه صح انا لحد الوقت مش فاهمه انت قلقان وخايف من ايه ولا مستني ايه يحصل عشان تطمن عليا حاسه اني في لغز مش قادره احله ولا قادره افهمه وانت حتى مش راضي تفهمني يبقى خلاص اللي انت شايفه صح اعمله
جاسر..عشان خاطري متصعبيهاش عليا وحياتك عندي انا رايح بالعافيه وحيات ربنا يارب اموت لو مضحكتي
تمارا..خلاص متدعيش بعد الشر
جاسر..ايه ده انتي قولتي بعد الشر صح يعني خايفه عليا صح بتحبيني صح
تمارا..بأبتسامه وطي صوتك انت مجنون
جاسر..اه بيكي بحبك
تمارا..هتروح فين
جاسر..يعني ايه هروح فين
تمارا..بغضب معاها يا جاسر
جاسر..خلاص اسكتي ياساتر معرفش لسه اخر النهار هعرف
تمارا..اوك بس هتقولي
جاسر..لامش انتي مش بتحبيني
تمارا..جاسر هتقول
جاسر..لا
تمارا..جاااسر
جاسر..طب قوليها بقى
تمارا..بعينك
جاسر..بقي كده طب دوري عاللي يعرفك مكانه بقى
تمارا..طب ماشي وريني كده بقى مش هتعرفني ازاي
جاسر..هتشوفي
تمارا..بغضب هشوف
مر الوقت وجه وقت الاجتماع الكل كان موجود معادا نور ونوح
ليل..فين نوح ونور
ادم..نور استأذنت امبارح عشان تروح الجامعه تحضر سكشن مهم وتجيب ليها هي والبنات ورق عشان امتحانهم ونوح راح يجيبها
ليل..مبعتش السواق ليه
ادم..مش عارف بس هو قال هيروح بنفسه
ليل..تمام عموما الاجتماع مش ضروري وجودهم كل الحكايه اني حابب اعرض عليكم الصفقه وعايز اخد رأيكم او كل واحد يقول وجهه نظره ان الصفقه دي تمام اكمل فيها ولا لا طبعا رأي الاغلبيه هو اللي هيمشي لان المفروض انا وعشق ناخد قرار واحنا مختلفين فحابب اسمع رايكم وبما اني مش عايز رأي حد فيكم يشوشر على رأي التاني فا كل واحد فيكم ادامه ورقه يكتب فيها موافق او لا ويكتب تحتها اسمه وبعدين نتناقش لا ليه او اه ليه تمام
الجميع..تمام
وابتدا ليل يشرح الصفقه وشروطها وعروضها واسعارها
بعد وقت طويل من الكلام والمناقشات
كل واحد قال رأيه واتناقشو فيه وانتهي بالرفض من الكل
ليل..بص لعشق ادامهم بأبتسامه تكسبي ياعشق وانا هبلغهم انهرده بقراري النهائي
عشق..بابتسامه ثقه تمام
........
وصل نوح اخيرا تحت البيت ركن عربيته وطلع عيى الدور اللي فيه الشقه بسرعه وخوف على نور
رن الجرس محدش رد رن كذا مره فضل حاطط ايده عالزرار شويه مفيش رد حس نوح بالتوتر وخوفه على نور بيزيد مد ايده عالباب وخبط بعصبيه لكن اتفاجئ ان الباب اتفتح فاللحظه دي الخوف عليها اتملك منه اكتر
نوح..في حد هنا نوور
دخل الشقه براحه وفضل يبص الدنيا ساكته ومفيش حد طلع موبايله واتصل على تليفون نور..بس اللي وقع قلبه انه سمع صوت موبايل نور جاي من اوضه مشي نوح بسرعه على صوت الموبايل من غير ما يأمن نفسه ويبص في باقي الشقه وصل ادام الاوضه اللي الصوت خارج منها لكن قبل ما يفتح اوكره الباب كان شخص جه من وراه وحط على مناخيره منديل ثواني وقع نوح متخدر عدى وقت مش كبير
فتح نوح عنيه.ببطئ وتعب على صوت مش قادر يميزه صوت عياط
فضل نوح يفتح عنيه براحه لحد ما ابتدت توضح الصوره ادامه قام وهو حاطت ايده على دماغه لكن بسرعه افتكر اللي حصل بص على هدومه لقى نفسه صدره ظاهر من غير هدوم تغطيه بنطلونه مفكوك منه الحزام قام نوح بفزع ولكن الفزع الاكبر لما شاف نور اعده في ركن الاوضه مغطيه نفسها بملاية وهدومها كلها عالارض شعرها نازل على وشها
نوح..بص بزهول على نفسه وعليها وعلى هدومها اللي واقعه ودموعها اللي مبتقفش وشكلها اللي باين عليه الفزع الرهيب واللي صعقه اكتر وجود بقعه دم على السرير
نوح..حاسس انه بيحلم ودماغه وقفت عن التفكير مش قادر يركز طب حد خطفها وعمل فيها كده ازاي وانا اللي قالع هدومي بس انا ازاي اكيد مش انا في حاجه غلط طب فين اللي كلمتني وقالتلي ان نور تعبانه مسك دماغه وكل ده تحت نظرات كره وحقد من نور
نوح..فضل يقرب من نور براحه وهي ترجع اكتر بخوف
نور..بهستريا ابعد عني لو قربت من تاني هموت نفسي
نوح..تاني!!
نوح..نور اهدي من فضلك انا مش هأذيكي انا مجتش جمبك
نور..بقولك ابعد عني
نوح..وهو بيرفع ايده الاتنين ادامها حاضر حاضر بس اهدي من فضلك عرفيني بس انتي جيتي هنا ازاي وليه
نور..انت عارف كل حاجه والوقت ابعد عني بقولك اخرج بررره
نوح..بعصبيه عشان حس انها لعبه وعايز يفهمها وهي مش مدياله فرصه
نوح..انا مش هخرج من هنا غير لما افهم انتي فاهمه
نور..بانهيار تفهم ايه ها تفهم انك ضيعتني وضيعت مستقبلي وخلتني خسرت كل حاجه تفهم انك موتني بالحياه ولا تحب تفهم اد ايه انا بقيت بكرهك ومش عايزه اشوفك في حياتي
نوح..نور انا قاطعته نور
نور..انت تخرس خالص انا ضيعت عمري كله مش شايفه راجل في حياتي غيرك
نوح..اتصدم
نور..متستغربش من يوم ما فتحت عيني على الدنيا وانت ادامي كنا اطفال بس انت كنت كل حاجه
كبرت وانا مفيش حد في قلبي غيرك حتى الفتره اللي بعدنا فيها عن بعض مكنتش بعمل حاجه غير اني اتابع اخبارك واجمع في صورك وادخل عالفيس عشان اطمن بس عليك واحس انك معايا كنت بحاول اعرف من بابا بطريقه غير مباشره اخبارك كنت بتمنى اشوفك يوم ما جيت تدي بابا الورق كنت طايره من الفرح اني شوفتك كنت بكتب تاريخ كل مره بشوفك فيها ويوم ما بابا مات ورجعت اشوفك تاني كنت فرحانه وفرحت اكتر بقربي منك حتى الشغل بقيت معاك فيه ده بالنسبالي كان كفايه عليا مكنتش اعرف ان قربك مني هيدمرني مكنتش اعرف ان ممكن في يوم اكرهك
نوح..نور انا معملتش حاجه انا بس عايزك تسمعيني انا عمري ما اقدر اذيكي نور انا كمان بحبك نور انا عمري ماحبيت حد غيرك في حياتي انا يمكن اكون متفاجأ انك كنتي بتحبيني وانا معرفش بس انا كمان طول عمري بحبك وعمرك ما غبتي عن عيني حتى لما كنتي بتروحي مدرستك كنت بفضل اشوفك لحد ما تدخلي الصبح من باب المدرسه والله يانور.عمرك ما غبتي عن بالي طب اقولك على حاجه انتي تعرفي ان عم محمد كان عارف اني بحبك
نور بصتله بصدمه
نوح..شافني مره وانا باصص عليكي من بعيد ولقيته جالي وقالي ان دي تاني مره يشوفني ساعتها معرفتش اكدب ولقيت نفسي بقوله اني بحبك طلب مني اني ابعد عنك عشان دراستك وقالي لو ليك نصيب فيها هتكون ليك بس خليك بعيد عنها الوقت وانا احترمت رغبته ومن يومها وانا بعيد صدقيني يانور انا بحبك
نور..وانا بكرهك اكتر كلمه حلمت اسمعها منك هي اكتر كلمه بكرها منك الوقت يوم ما سمعتهالي دبحتني قبلها
نوح..نور والله انا معملتش حاجه
نور..اخرس مش طايقه اسمع صوتك من فضلك اخرج عشان البس هدومي
نوح..طيب اهدي بس لو سمحتي انا هخرج بره وهستناكي
خرج نوح بعد مالبس هدومه بسرعه
اول ما خرج انهارت نور الكلمه اللي حلمت بيها طول عمرها يوم ما سمعتها كانت انتهت
لبست نور هدومها بسرعه ولبست طرحتها فضلت واقفه ادام السرير بوجع تبص على بقعه الدم بقهره
راحت ناحيه الباب فتحت لقته واقف ادامها
نوح..نور انا
نور..من اللحظه دي مش عايزه اشوفك في حياتي تاني انت بالنسبالي انتهيت
نوح..لا يانور مش بمزاجك انا مش هسيبك وهفضل معاكي وهثبتلك اني معملتش حاجه
نور..مش عيزاك تثبتلي حاجه انت اثبتلي الوقت ان يوم ما اتمنيت قربك من ربنا مكنتش اعرف اني بتمني الشر وانا مش حاسه
سابته نور وراحت علي باب الشقه بضعف وكسره
نوح..طيب تعالي هوصلك
نور..ابعد عني
نوح..نوووور متعصبنيش اكتر من كده انزلي ادامي يلا واللي انتي عيزاه انا هعمله مش عايزه تشوفيني تاني حاضر مش هوريكي وشي تاني بس مش هسيبك تنزلي وانتي كده
نزلت نور ونزل نوح وراها
فتحلها باب العربيه ركبت من سكات
دور نوح العربيه وطول الطريق نور دموعها مش بتقف
اما نوح فا قلبه بيتقطع عليها بس مش عارف يعمل ايه ولا يقول ايه دماغه واقفه عن التفكير
نوح..انا هوصلك على البيت انا عارف انك مش هتقدري تروحي الشغل وانا هقولهم انك تعبتي ووصلتك عالبيت
نور سمعاه وساكته
بعد مده بسيطه وصل بيها ادام البيت
نزلت نور ومشيت براحه وهم الدنيا على ملامحها مشيت من جمب نوح وهي حاسه بالضياع
نوح..نووور وقفت نور من غير ما تبصله
راح نوح ادامها انا مش هدافع عن نفسي بس انا هسيبك تهدي ولازم نتكلم يانور وهطلب منك طلب لو فعلا كان ليا في قلبك ذره حب فكري كويس واسالي نفسك نوح ممكن يعمل فيكي كده نور احنا لازم نتكلم لازم اعرف ايه اللي وداكي الشقه دي واعرفك اللي حصل معايا وايه اللي وداني انا كمان
نور..بصتله ودموعها مش بتقف ابعد عني يانوح انت خدت اللي انت عايزه خلاص سبني في حالي بقى
مشيت من ادامه وطلعت بعد ما اختفت من ادامه راح نوح للامن وبلغهم ان نور متخرجش من البيت ابدا ويمنعوها ويبلغوه لو حبت تخرج
ومشي ومكنش في باله غير شخصين هما بس اللي هيقدرو يساعدوه فالمصيبه دي
يتبع
تعليقات
إرسال تعليق