 |
دار الايتام
البارت الخامس والعشرون...
وصل نوح الشركه اخيرا وكان الاجتماع خلاص في اخره
خبط نوح ودخل كان باين على وشه حزن العالم كله
نوح..مساء الخير
الجميع..مساء النور
ليل..ايه يانوح فينك كل ده وفين نور
نوح..معلش ياليل كان عندي مشوار لازم اعمله ونور وصلتها البيت عشان كانت خارجه من الجامعه مرهقه ومصدعه
عشق..بقلق من شكل نوح نور كويسه؟
نوح..كويسه متقلقيش انا وصلتها بنفسي
ليل..نوح انت فيك حاجه
نوح..مافيش انا تمام
ليل..بشك تمام اعد
وابتدا ليل يرجع للي كان بيقوله
جاسر..بهمس مالك يانوح شكلك في مصيبه
نوح..كارثه ياجاسر مش مصيبه
جاسر..بقلق في ايه
نوح..لما نخلص الاجتماع ده هجيلك واحكيلك على كل حاجه
جاسر..ماشي
كل ده تحت عيون ليل اللي اتأكد من ملامح جاسر اللي اتوترت وتحت عيون عشق
بعد حوالي عشر دقايق
ليل..تمام يا جماعه انا خلصت تقدرو يلا تتفضلو خرج الجميع
جاسر..لنوح انا فالمكتب تعالى هناك
نوح..خمسه وجايلك وجه يخرج
ليل..نوح تعالى ورايا عالمكتب
خرجو الجميع من اوضة الاجتماعات راح كل واحد فيهم على مكتبه
عشق..ليل
ليل..ايوه ياعشق
عشق..انا هسيبكم لوحدكم شويه
ليل..لا تعالي ياعشق ورايا
بصت عشق لنوح سبقهم ليل
عشق..نوح نور كويسه بجد
خد نوح نفس طويل ووقف
عشق..نوح انا عارفه من شكلك ان في حاجه ارجوك قولي في ايه متقلقنيش
نوح..عشق انا محتاج اتكلم معاكي بس مش هينفع هنا في الشركه ولا هينفع ادام ليل ولا اي حد ممكن
عشق..طبعا يانوح بس هشوفك ازاي
نوح..ازاي دي بعد منخلص هكلمك واقولك
عشق..طيب تمام تعالى بس ندخل عشان ليل ميحسش
نوح..تمام
دخلو المكتب كان ليل اعد عالمكتب
نوح..ايوه ياليل
ليل..في ايه مالك
نوح..مفيش ياليل ما انا قولتلك مفيش
ليل..انت شكلك كده طبيعي
نوح..ما انا زي الفل اهو مفيش اي حاجه
ليل..انت شايف كده ولما انت زي الفل واقف بره بتقول ايه لعشق وكنت بتقول ايه لجاسر وفين نور يا نوح
نوح..في ايه ليل مالك مكبر الموضوع كده ليه
عشق..كانت بتسألني تاني على نور
عشق..مسرعه ايوه ايوه ياليل كنت بسأله عن نور
نوح..وجاسر كان بيسألني في ايه
ونور فالبيت ياليل تقدر تكلمها بنفسك انا وصلتها البيت هي حاسه بصداع جامد وكان باين على وشها انها تعبانه مكنتش راضيه تروح بس انا صممت هي دي كل الحكايه
ليل..ماشي يانوح ادام انت شايف كده يبقى تمام بس انا بقولك ان في حاجه وصدقني يانوح لو عرفت انك مخبي حاجه هتزعل مني
نوح..بعصبيه يووه في ايه ياليل هو انت شايفني عيل صغير ماقولتلك مفيش حاجه انا ياسيدي في حاجه مضيقاني فيها حاجه دي ولا مينفعش اضايق غير لما اخد الاذن منك
خبط..ليل على المكتب بعصبيه كسر ازاز المكتب وايده اتعورت نوووح اتعدل وانت بتتكلم معايا انت نسيت نفسك ولا ايه انت بتعلي صوتك عليا
نوح..انت بتستفزني وبتقولي بتعلي صوتك انت مصمم انه في حاجه وانا بقولك مضايق مخنوق اقولك ايه تاني
عشق..بخوف ليل بلاش عصبيه من فضلك خلاص قالك مفيش حاجه يمكن مضايق اهدا شويه وانت يانوح خلاص امشي بقى الوقت من فضلك
نوح..خرج وهو عفاريت الدنيا بتتنطت ادامه ومضايق انه اتعصب على ليل ودي اول مره تحصل منه خرج راح على جاسر
ليل..واقف باصص على الباب بعصبيه وايده بتنقط دم وهو مش حاسس انتبهت عشق على ايده والمكتب اللي غرقه دم
عشق..بفزع ايه ده ليل انت اتعورت
بص ليل على ايده وسحب كام منديل
عشق..استنى اغسل ايدك الاول تعالى
دخل ليل معاها غسل ايده بس الدم مش راضي يقف
عشق..ليل ايدك اتفتحت جامد لازم دكتور يشوفها
ليل..متقلقيش بسيطه
عشق..بسيطه ايه ايدك مفتوحه
ليل..يووه خلاص ياعشق قولتلك متقلقيش
سكتت عشق بخوف
ليل..خد نفس كبير وخرجه مره واحده وهو بينفخ اسف ياعشق مقصدش اتعصب
عشق..مفيش حاجه حصل خير بس ايدك لازم تطهر لا يكون دخل فيها ازاز
ليل..متقلقيش في هنا شنطه اسعافات هاتي منها المطهر
راحت عشق مكان ما شاورلها فتحت الشنطه طلعت منها مطهر حطت على ايده واول ما المطهر لمس الجرح سحب ليل ايده بسرعه بالم
عشق..معلش هتوجعك شويه استحمل هات ايدك
مدلها ليل ايده ورجعت تاني حطتله مطهر ونشفت ايده بقطنه حطتله عليه كريم مضاد حيوي ولفتهاله بشاش
ليل..شكرا ياعشق
عشق..على ايه تعالي يلا اخرج ارتاح
خرج ليل معاها واعد عالكنبه وحط ايده على راسه
عشق..ليل متزعلش من نوح بس انت اتعصبت عليه وهو شكله في حاجه مضيقاه
ليل..انا مش زعلان منه ياعشق بس انا واثق انه فيه حاجه لو في حاجه كان قال وبعدين عادي لو مضايق ومش عايز يقول
نوح عمره ما خبى عني حاجه والوقت اللي احنا فيه ده ياعشق حاجات كتير بتحصل وقلق يعني لازم اعرف اخويا ماله
عشق..انت غلطت ياليل
بصلها ليل
عشق..ايوه متزعلش مني بس انت غلطت المفروض كنت سبته لما هدي واتكلمت معاه لكن انت مدتلوش فرصه وطلعت فيه مره واحده وطبيعي مكنش هيقول يعني
ليل..عموما انا هعرف بطريقتي بس لو طلع في حاجه هطين عيشته
عشق..حاول تكون اهدا من كده ياليل ما يمكن يكون عنده حاجه مش حابب يقولها اهدا بس كده وانا متأكده ان لو في حاجه هيهدا ويجي يقولك
ليل..ربنا يستر انا اسف ياعشق حقك عليا لو اتعصبت غصب عني
عشق..متتأسفش ياليل انا مش بزعل منك وعارفه انك اتعصبت غصب عنك
ليل..بدون انذار مسك ايدها وباسها انتي جميله اوي ياعشق
ابتسمت عشق بخجل وسحبت ايدها بسرعه وضربات قلبها كانت سريعه جداا
حس..ليل باللي عمله و بتوترها قام من عل الكنبه ومن غير ما يبصلها انا هكمل شغل
عشق..احممم انا كمان على مكتبي مشيت بسرعه وعلى اد ماكانت هتموت من الخجل لكن من جواها كانت طايره وقلبها من سعادته حاسه انه من كتر الدق هيخرج من مكانه
في مكتب جاسر
دخل نوح وهو شايط
وقفت تمارا اول ما شافته دخل على مكتب جاسر من غير ما يكلمها ولا يبص ناحيتها واما تمارا فا كان شكل نوح كفيل يخليها متنطقش معاه بحرف
دخل نوح على مكتب جاسر وهو زي المارد
جاسر..ايه ياعم سرعتني مالك في ايه تاني انت شديت مع ليل
نوح..اه اتزفت
جاسر..اهدى كده متفرجش الشركه علينا وقولي ايه اللي مخليك عامل كده
نوح..كارثه يا جاسر
جاسر..ماتنطق يانوح انا مش ناقص توتر
نوح..هحكيلك وابتدا نوح يحكيله اللي حصل
نوح..هو ده كل اللي حصل
جاسر..كان بيسمعه والصدمه باينه على ملامحه
انت اللي بتحكيه ده بجد يا نوح
نوح..انت شايف ان ده وقت هزار ولا ينفع اهزر في كارثه زي دي
جاسر..اوعي يانوح تكون
نوح وقف بعصبيه انا غلطان اني مفكرتش اني احكي لاي حد غيرك واول ما حسيت اني محتاجك جتلك من غير ما اتردد
ولسه هيمشي من ادامه لف جاسر بسرعه ومسكه من دراعه استني يا نوح انا والله ما اقصد بس انا دماغي لفت اعد بس الله يرضي عنك
اعد نوح ورمي جسمه عالكرسي بأهمال
جاسر..طيب كده في حاجه غلط يانوح والمشكله ان هي مش متصله بيك برقم يخصها وكنا عرفنا نجيبها لكن دي صايعه اتصلت من موبايل نور
نوح..ما هو ده اللي هيجنني عرفت نور ازاي وخدتها معاها ازاي وقالتلها ايه
جاسر..لازم نعرف نور راحت الشقه دي ليه اصلا وبعدين انت ازاي متنزلش تشوف فين البواب تخبط على الجيران تعرف مين اللي ساكن ازاي مكلمتناش وقتها اصلا
نوح..معرفش يا جاسر انا دماغي وقفت منظري ومنظرها صدموني كلامها ياجاسر نور كرهتني
جاسر..اولا انا اول مره اسمع منك انك بتحب نور
نوح..كنت هحكيلك يا جاسر فاكر لما كنت عندنا وقولتلك هبقى احكيلك وان محدش يعرف خالص كان على نور يا جاسر
جاسر..يعني انت بتحب نور ونور متعرفش انك بتحبها وهي طلعت بتحبك وانت مكنتش تعرف ويوم ما انتو الاتنين تقولو لبعض تقولو في موقف زي ده
نوح..عرفت الوجع اللي جوايا عامل ازاي انا جوايا وجع يكفي العالم كله نور ياجاسر مش مجرد بنت بحبها نور بالنسبالي حاجات كتير بنتي وصحبتي واختي وحبيبتي نور كبرت ادامي ياجاسر بس انهرده انا ضيعت كل حاجه
جاسر..وانت مالك انت مش بتقول ملمستهاش
نوح..ايوه ومتأكد ياريت كنا مع بعض مثلا وشربت وقومت لاقيت المنظر ده كنت هشك ان ممكن اكون انا لكن بقولك حد مكلمني ياجاسر على ان نور تعبانه ولما روحت حد خدرني
جاسر..في حد عايز يورطك في حاجه لازم ناعد مع نور ونفهم منها اللي خدها الشقه قالها ايه عشان تروح معاه بسهوله خصوصا ان احنا منبهين عليهم كلهم
نوح.انا دماغي واقفه ياجاسر
جاسر..اسمعني يا نوح اصلب طولك وفوق كده في كام خطوه لازم نعملها عشان نعرف مين اللي ورا الحوار ده
اول حاجه نحاول نعرف من نور
تاني حاجه نروح البيت ده نعرف مين اللي ساكن فالشقه دي
وفي نقطه مهمه يا نوح لازم نعرفها
نوح..ايه هي
جاسر..اللي عمل كده ميعرفش ان انت ونور في بينكم علاقه اذا كان انا اول مره اعرف وانت وهي مكنتوش قايلين لبعض
نوح..يعني ايه
جاسر..يعني اللي عمل كده يانوح..ميعرفش ان في بينكم حاجه يعني مكنش هدفه انه يوقع بينكم فا معنى كده ان في هدف تاني من اللي حصل
نوح..زي ايه
جاسر..مش عارف مش قادر افكر بس نوح احنا لازم نعرف ليل
نوح..ليل لا ومحدش هيعرف اصلا عشان نور ده موضوع حساس وهي مش ناقصه انا اصلا قلقان عليها جدا وفكرت اني اعرف عشق
جاسر..طب وليه عشق
نوح..عشان عشق بتعرف تتعامل معاها ونور بتحبها جدا اولا تحاول تقوللها اللي انا مش عارف اقوله وثانيا تبقى عينها عليها انا قلقان تعمل حاجه في نفسها
جاسر..ربنا يستر المهم اديني العنوان بتاع الشقه عشان هروح بعد الشغل اعرف اي معلومه وبعد كده اطلع على هايدي
نوح..انا هاجي معاك
جاسر..تمام
نوح..انا هقوم الوقت
جاسر..ماشي اهدى شويه عشان خاطري هنعرف مين االي عمل كده ولما نعرفه قاطعه نوح
همحيه من على وش الدنيا
وخرج من المكتب وهو باين عليه الحزن والغضب
دخل المكتب فضل اعد ادام اللاب توب وهو حاطط ايده على وشه
ادم..نوح مالك
رفع وشه نوح مفيش يا ادم
ادم..انت مش شايف شكلك ولا ايه
نوح..مفيش والله شديت بس انا وليل
ادم..ليه كده طيب
نوح..مفيش استفزني وطريقته ضايقتني ومصمم ان في حاجه وشغال تحقيق مش فاهم مينفعش اضايق مع نفسي من غير ما اديله التمام
ادم..طب ما انت طول ما انت متعصب بالشكل ده ليه حق يشك ان في حاجه وكبيره كمان
وبعدين اهدى كده حتى لو في اي حاجة مضايقاك الامور مبتتحلش كده يا نوح خليك هادي
نوح..تمام يا ادم
ادم..انا هسيبك تهدا خالص ماشي بس هعرف انت مالك
سابه ومشي على مكتبه
خد نوح نفس طوييل ورفع وشه وهو بيدعي...يارب..
ثواني ومسك موبايله واتصل على عشق..
عشق...كانت عامله الموبايل سايلنت بس اول ما شافت رقم نوح. والشاشه بتنور...ردت براحه...وكانت مطمنه ان المكتب بتاعه بعيد وهو بيتكلم فالتليفون يعني مش هيركز معاها.
عشق....ايوه يانوح..
نوح...عشق....عايز اشوفك حالا. انزلي الكافيتريا.
عشق...طيب هنزل ازاي.ليل هيحس كده ان في حاجه..
نوح...اتصرفي ارجوكي ياعشق...
عشق....طيب طيب...هحاول
نوح...تمام...سلام..
راحت عشق...على ليل كان لسه قافل تليفون ومرجع دماغه لورا بتعب ومغمض عينه...
عشق....احمممم
ليل... مغمض
عشق....ليل...
فتح..ليل عنيه...في حاجه يا عشق...
عشق...انت كنت نايم.
ليل...لا ابدا مريح بس شويه.
عشق...انت تعبان.
ليل...لا ابدا انا كويس...ايه انتي كنتي عايزه حاجه
عشق...انا عايزه...اشرب قهوه..محتاجه حاجه تفوقني شويه.
ليل...حاضر.. هطلبلك..حالا.
عشق...بارتباك...ااااه لالا.بلاش
ليل..وهو رافع حاجبه..هو ايه اللي بلاش مش قولتي عايزه قهوه...
عشق...ايوه بس انا عايزه اروح اعملها بنفسي
ليل...و اشمعني بقى
عشق...يعني...انا بحب اعمل القهوه النسكافيه اي حاجه بحب..اعملها بنفسي.. اولا تحت بيعملو النسكافيه والقهوه وحش. وثانيا مش عايزه حاجه مش شاهي دي🙄
ابتسم... ليل... بقى مش عاجبك القهوه بتاعتهم ماشي يا ستي هعديها.. بس اللي تحت دول محترفين قهوه على فكره...عموما ياستي انزلي..
عشق...على فكره انا محترفه اكتر منهم😏
ضحك ليل بتعب على عقلها الصغير.
طبعا انتي محترفه اكتر.
عشق...بتتريق.
ليل...انا اقدر.
عشق..بابتسامه جميله...طب قولي تحب تشرب حاجه.
ليل...قهوه.
عشق...ما بلاش قهوه.
ليل...لا قهوه.
عشق...ماشي مش هتأخر...
ليل...ماشي...
خرجت عشق...بسرعه من المكتب...وسط نظرات شاهي...الحاقده...لكن عشق مدتهاش اي اهتمام.. ركبت الاسنسير ونزلت...
عشق....الووو
نوح...ايوه ياعشق.
نوح...انا نزلت. بس.. مش..
قاطعها...نوح..اقفلي انا شوفتك..شاورلها نوح..
راحت...عليه...عشق..
عشق...ايه يانوح.. طمني.
نوح...تعالي بس نخرج.. من هنا على الجنبنه اللي بره.. عشان محدش يركز معانا..
عشق...طيب..بس بسرعه انا نزلت بصعوبه من ليل....
نوح...تمام..
خرج .... بيها نوح...بره...وقف ادامها.
عشق...ايه يانوح قولي بقى انت موقع قلبي...
نوح...عشق... قبل ما اتكلم.مش محتاج منك اي حاجه غير انك تصدقيني. حتى لو مش هتقدري تساعديني بس متكدبنيش لاني مش ناقص...
عشق...مش هكدبك يانوح...بس قول بقى في ايه...
نوح.... بصي ياعشق....وابتدا نوح..يحكي كل حاجه لعشق... زي ما حصلت وزي ماحكي لجاسر.
تحت.. صدمه عشق... ودموعها اللي نزلت من وجعها على اللي حصل لنور..
واخيرا... خلص نوح.
نوح...والله ياعشق... ده كل اللي حصل... انا مش طالب منك غير حاجتين اول حاجه...تفضلي الفتره دي مع نور انا خايف عليها اوي... وخايف.. تعمل حاجه في نفسها...
وتاني حاجه...عايزك تحاولي تقنعيها... اني اتكلمم معاها...
انا لو اعدت مع نور ياعشق.. هقدر اوصل اللي عمل كده... هحاول اعرف مين اللي خلاها تروح المكان ده ومين البنت دي وايه شكلها... وايه اللي حصل من اخر مره كلمتها وقالتلي بتجيب الورق... وهترجع تتصلي تاني... فات حوالي ربع ساعه كنت وصلت الفتره دي ايه اللي حصل... لازم تخليها تتكلم معايا ياعشق.. كلامها معايا هيفرق كتير.. وهقدر افرم بايدي اللي عمل كده...
نوح .. بحزن باين على ملامحه الصادقه. مصدقاني يا عشق
عشق...وهي بتمسح دموعها... مصدقاك يانوح... بس انا خايفه على نور.. تعمل حاجه في نفسها فعلا...
ومسكت الموبايل واتصلت عليها وشاورلته يسكت...
رن الموبايل... كتير وقبل ما يفصل ردت...وكان باين على صوتها النوم..
عشق...الووو
نور...ايوه ياعشق..
عشق...ايه ده انتي نايمه.
نور...اه مريحه شويه بس
عشق...طيب انتي كويسه.
نور...اه ليه في حاجه ولا ايه.
عشق...لا لا مفيش انا بس بطمن عليكي.. عشان نوح قال انه وصلك وانك تعبانه شويه.
نور... متقلقيش انا كويسه صداع بس.
عشق... ماشي ياحبيبتي... شويه وهنجيلك.
نور...ماشي ياعشق..
عشق...سلام ياحبيبتي
وقفلت معاها عشق..
نوح...الحمد لله...طمنيني عليها.
عشق...صوتها مش طبيعي بتقول نايمه.. بس شكلها معيطه...مش عارفه...يعني انت يانوح.. بتحب نور بجد.
نوح...والله العظيم عمري ما حبيت حد ادها ياعشق...ومستعد اعمل اي حاجه عشانها...
عشق... حتى بعد ما😔
نوح...عشق...انا مش هسيب نور مهما حصل... بس لازم الاول اشيل قلب اللي عملها من مكانه..واجيب حقها.. بس هي مش مدياني فرصه..
عشق...اعذرها يا نوح...اللي حصل صعب..صعب اوي.
نوح...عشق.. انا مستعد....اتجوزها الوقت حالا ..والله ياعشق ما هسيبها...
عشق.... اهدى يانوح... كل حاجه هتتحل.. بس انا يعني كان في حاجه.
نوح... بتركيز... في ايه ياعشق.. قولي...
عشق... من اسبوع تقريبا حصل حاجه ونور.. مرضيتش تقولك...
نوح...ايه... حصل حاجه ومرضيتش تقولي ...حصل ايه ياعشق...
عشق...هحكيلك.. بس ياريت بردو متعملش اي حاجه غير لما تتأكد...يمكن الموضوعين ملهمش علاقه.
عشق...اخر مره نور راحت فيها الجامعه... تجيب ورق...وهي خارجه.. قابلت سامر..
نوح.😳😳😳😳😳
عشق...اخو هايدي...فالاول اتكلم عادي...طلب منها انه يوصلها رفضت... اتكلم بطريقه معجبتهاش اتعصبت هو على صوته ادام كل اللي كان موجود وقالها... اعتبريني زي نوح...يمكن اعجبك...نور.. مقدرتش تسكت اكتر من كده.. ضربته بالقلم ادام الكل... والناس اتدخلت بسرعه قبل ما يقرب منها..ومشيت نور بسرعه...
نوح.....ابن الكلب...كده.. سامر كتب نهايته بايده...
عشق..وهي بتمسكه.. استنى بس يانوح.. احنا متفقين اننا نرجع لنور حقها.. بس كده احنا بالعصبيه دي هنضيع حقها ارجوك...استنى بس..
نوح... الكلام ده حصل امته بالظبط.
عشق... قبل ما نمشي من بيتهم..
نوح.. يعني لما جه هو وهايدي... يوم ما جاسر تعب. كان الحوار ده حصل.
عشق...ايوه وساعتها لما. اتقال اسمه عرفت على طول ان هو ده اللي عمل كده..
نوح...هو نظراته مكنتش طبيعيه... بس وديني ما هرحمه.
عشق...ارجوك يانوح... لازم نستنى لما نعرف من نور... ممكن ميكنش هو .. يبقى انت روحت وقولتله وفضحتها ادامه...
نوح...ارجوكي ياعشق... في اقرب وقت تخليني اعد معاها.
عشق...اطمن هيحصل .
نوح...معلش ياعشق... تعبتك معايا بس صدقيني هتجنن.
عشق.. متقولش كده انت اخويا يا نوح..بس هو في حد يعرف.
نوح... انا بصراحه. قولت لجاسر... مقدرتش متكلمش خصوصا اني محتاج جاسر معايا ضروري.. احنا بعد الشغل هنطلع على البيت اللي نور كانت فيه.. واحاول اعرف من البواب او سكان العمارة الشقه بتاعة مين..
عشق... ماشي يانوح... انا هطلع الوقت... عشان ليل ميحسش.. بحاجه...ماشي..
نوح...ماشي ياعشق...
عشق...نوح...ابقى صالح ليل انت اتعصبت عليه وهو كان قلقان عليك...وحقيقي انت شكلك كان باين جدا يعني محدش يصدق انك طبيعي... وعلى فكره لما اتعصب عليك..وخبط الازاز بايده...اتعور...وايده اتفتحت.
نوح... بقلق.. اتعور جامد.
عشق...يعني...
نوح...وهو بينفخ وبيبص للسما. بقلة حيلة..
حاضر ياعشق...هراضيه متقلقيش.
عشق..بابتسامه... كل حاجه هتبقى احسن.صدقني.
نوح.. بابتسامه حزن...يارب.
...........
طلعت.. عشق.. بسرعه...خبطت.. على الباب.. وفتحت.. لمحت.. ليل.. ساند ومغمض عنيه زي ما سابته...
دخلت ..عشق...ليل...ليل..
عشق... شيفاه...وشه في لمعه لما قربت...لقت وشه... عرقان جدا...
عشق...بقلق...ليل...
قلبها...وقع...لما لاقته مش بيرد...راحت جمب الكرسي بتاعه...وقربت ايدها...تهز كتفه...ليل..
ليل...اممممم
عشق...ليل انت نايم..ولا تعبانه..وقربت ايدها من دماغه...لقيته. سخن...والعرق رغم بروده الجو...لكن... كان وشه بيجري عليه نقط العرق..
عشق...ليل...ليل...
ليل...وهو بيفتح عنيه ويرفع راسه و بيتعدل..
جيتي.
عشق..ليل انت كويس.
ليل...اه تمام.
عشق...تمام ايه...انت سخن.
حط...ليل.. ايده على راسه...لا لا متقلقيش انا تمام.
عشق... بعصبيه.. انت بتكابر ليه.. هيحصل حاجه لو قولت اه تعبان... انت سخن والجرح اللي في ايدك شكله سخنك.
ليل... عشق.. متقلقيش والله تمام...
عشق...طيب قوم اغسل وشك...
ليل.. حاضر...
دخل ليل.. غسل وشه...وخرج...
عشق...ابه حاسس بدوخه او حاجه.
ليل...متقلقيش والله انا بخير... فين القهوه..
عشق...قهوه ايه.
ليل🤨🤨🤨🤨هو انتي مش قولتي هروح اعمل قهوه.
عشق...اااااه.. لا ما هو انا مجبتش.
ليل.. ليه كل ده ومجبتيش...
عشق... اصل الكافيتريا كلها ولاد وبصراحه انا اتحرجت..
ليل... ماشي..
عدى... باقي يوم الشغل عادي... وابتدو الموظفين يمشو واحد ورا التاني...جه..معاد مرواح عشق.. وتمارا وزهره
عشق...ليل...انا خلصت محتاجني في اي حاجه..زهره كلمتني وقالت انها خلصت شغل وبتشوفني.
ليل...لا يا عشق..يلا روحي انتي اليوم كان مليان شغل انهرده. روحي ارتاحي..
عشق...طيب انت كويس..ولا تعبان
ليل.. بابتسامه...انا بخير طول ما انتي قلقانه عليا كده وغمزلها😉😉
ابتسمت عشق...ونزلت عنيها تحت باحراج...
ليل...هتفضلي تحمري كده كتير يلا عشان تروحي..
عشق...رفعت وشها...انت ادامك كتير
ليل... لا شويه صغيره وهمشي.
عشق...ماشي ..سلام..
ليل... خلي بالك من نفسك..
عشق...حاضر...وانت كمان ورجعت...مسكت قلم وخدت ورقه من على مكتبه.. ليل بيبصلها باستغراب عايز يعرف بتكتب ايه.
عشق...مدتله ايدها... وانت ماشي تجيب المضاد الحيوي ده وتجيب... الخافض ده كمان عشان لو سخنت تاني...والاخير ده مضاد للتورم عشان ايدك متورمش وتشد عليك اكتر..
ليل.. كل ده مبتسم وهي بتشرحله...
عشق... بتبصلي كده ليه.
ليل... مفيش..
عشق... جيب الدوا.
ليل.. حاضر
عشق...يلا سلام.
ليل... سلام ياعشق..
خرجت.. عشق...من المكتب...وعدت على زهره.
......
جاسر... افردي بوزك ده بقى.
تمارا... انا عندي بوز
جاسر...اه بس حلو اوي
تمارا...عيب كده على فكره
جاسر...انا قولت حاجه ..مش كفايه اني بشكر فبوزك ده 🤨🤨🤨
تمارا...هتروحلها الوقت على طول.
جاسر...لا ياحبيبي لسه عندي مشوار انا ونوح.. وبعد كده هروحلها...
تمارا...طيب.
جاسر...هكلمك لما اخلص..
تمارا...هستناك.....الباب خبط...
جاسر..ادخل.
زهره...تمارا...لسه ادامك كتير.
تمارا...لا خلاص انا جايه..اهو..يلا باي
جاسر...باي...باي يازهره..
زهره...سلام...
........خرجو البنات.من الشركه...ركبو مع السواق وراحو على البيت...
....بعد شويه.. عدى نوح... على جاسر...
نوح...ايه ياجاسر. خلصت...
جاسر...اه تعالي. هلم حاجتي ويلا بينا...
لم جاسر...حاجته...وخلص.
جاسر...يلا...
خرجو... مع بعض...
جاسر...استنى نعدي على ليل...
دخلو عند ليل..
جاسر....ايه ادامك كتير
ليل...ايه ياجاسر...لا شويه وماشي.
جاسر...ايه ده مال ايدك. وايه اللي حصل للازاز
ليل... مافيش.. متشغلش بالك اتكسر واتعورت...وبص لنوح... اللي واقف بعيد..
جاسر...طيب..انت كويس. شكلك تعبان
ليل... لا تمام انت ماشي
جاسر...اه. عشان رايح اقابل هايدي😏
ليل... جاسر مش عايز غلطه...عايزك تبان طبيعي
جاسر.. متقلقش....يلا عايز حاجه
ليل... لا شكرا هبقى اكلمك
جاسر...تمام...يلا سلام...
ولف...وغمز.. لنوح... سلام يانوح...
نوح..هزله دماغه سلام ياجاسر..
خرج...جاسر ونزل يستنى نوح تحت..
نوح..... قرب من مكتب ليل..
ليل...ايه يانوح ماشي..
نوح...اه خلصت...
ليل.. مروح..
نوح...اه مروح
ليل...تمام...
نوح...ليل...انا.......انا اسف...
ليل...فضل باصصله ومش بيتكلم
نوح...حقك عليا...وقرب منه ووطي على راسه باسها...متزعلش مني.مقصدش ازعلك.
ليل...وانا مقدرش ازعل منك يانوح انت ابني مش اخويا ..انا بس قلقان عليك مش اكتر ولسه عند كلامي وعارف انك فيك حاجه.
نوح...صدقني مفيش انا بس مش مظبوط انهرده...
ليل... ماشي يانوح هعمل نفسي مصدقك عموما انا مش عايز حاجه غير انك تكون بخير
نوح...اطمن ياليل انا بخير والله المهم مش عايزك تزعل
ليل...وانا مش زعلان ياسيدي..
نوح....انت هتتأخر.
ليل...لا ساعه ساعه ونص بالكتير.
نوح...طيب مش محتاجني معاك.
ليل...لا روح انت...ادم مروح.
نوح...لا بيقول لسه ادامه شويه بردو.
ليل...تمام...
نوح...يلا سلام.
ليل...سلام...
خرج...نوح...على طول ونزل كان جاسر مستنيه...
جاسر...كل ده...
نوح...على بال...ما صالحته ياعم عشان ميزعلش.
جاسر...طب يلا...
ركب..جاسر...ووراه نوح ...ومشيو ناحية البيت.
.........وبعد مده بسيطه .. وصلو ادام البيت... ركنو عربياتهم وراحو على العماره
جاسر...مفيش بواب هنا ولا ابه
نوح...مش عارف...بقولك ايه.. تعالي نخبط كده فوق على الباب..
طلعو مع بعض...نوح...كان متوتر جدا وباين عليه التوتر.
خبط...جاسر..على الباب كتير...محدش فتح...وفييين باب الشقه اللي ادامهم فتح..وظهرت ست كبيره. علامات الكبر على وشها.. عندها حوالي 60سنه
الست...مين
جاسر...مساء الخير ياامي.
الست...مساء الخير يا ابني. مين حضراتكم
جاسر...انا بسأل على صحاب الشقه دي
الست...انت عايز هاني..
جاسر...بلغبطه..اه اه. هاني.
الست...بس هو مش بيجي كتير هنا.. ده بياعد بالكام.
. شهر ممكن يجي كام يوم ويمشي تاني.انت صاحبه
جاسر...فالحقيقه لا بس يعني عايز اقابله ضروري طيب ممكن اطلب من حضرتك طلب.. يعني لو جه اي وقت او حسيتي انه جه.. تكلميني. عالرقم ده واداها الكارت بتاعه.بس ضروري بالله عليكي..وياريت متبلغيهوش..
الست...حاضر يا ابني بس انا تقريبا كنت سامعه صوت فالشقه من امبارح...وانهرده.. وبيتهيألي هو مشي وميتهيأليش هيجي الوقت. تاني
جاسر...خلاص ماشي يس المهم اي وقت يجي. تبلغيني.
الست...حاضر. عيني..
جاسر...شكرا يا امي بعد اذنك.
الست...اتفضل يا ابني..
نزل...جاسر...هو ونوح..
نوح... مين هاني ده
جاسر...معرفش انا اول مره اسمع الاسم ده...
نوح...انا دماغي هتنفجر...انا واثق ان سامر وراها
جاسر.انا اشك في سامر عادي بس سامر هيعمل كده ليه..
نوح...حكاله اللي عشق قالته عاللي عمله في نور.
جاسر...حتى لو هو مين هاني ..ده
نوح...مش عارف..وقلقان الست متقولش او متحسش اصلا بيه
جاسر...طب بقولك ايه..اهدى كده...والدنيا هتمشي زي ما احنا عايزين...وهجيب واحد من الرجاله يقف 24 ساعه..
ويبلغنا. اول بأول....انا همشي الوقت عشان اشوف زفته هايدي دي..
نوح...تمام...وانا هروح.
جاسر...ماشي..يلا سلام.
نوح...سلام.
...........
زهره...انا حضرت العشا... حد يروح يصحي نور.. مش راضيه تصحى ابدا...
تمارا... هي مالها مش راضيه تتكلم وحاسه ان فيها حاجه.
عشق...هيكون فيها ايه بس.. يمكن عايزه ترتاح. سيبوها.. انا حاسه ان هي مضايقه من حاجه تخص نوح..يمكن شافت معاه بنت او حاجه
تمارا...نوح...كمان شكله مش طبيعي
عشق...يمكن شافت اللي اسمه سامر ده ونوح...شافها... وزعق معاها...
تمارا...طب ايه انا هدخل اشوفها...
ثواني وخرجت تمارا...
زهره..ايه...مش عايزه تيجي
تمارا... لا بتقول انها كويسه.. بس عايزه تنام ومش قادره تاكل.
عشق...خلاص سيبوها يابنات براحتها...
اعدو.. ياكلو مع بعض...ويتكلمو في حاجات كتير..عشق كانت دماغها مشغوله باللي حصل وعايزاهم ينامو عشان تدخلها...
بعد مده...خلصو اكل وقامو شالو.
زهره...انا هدخل انام مش قادره انا فاصله خالص
تمارا...انا كمان هدخل...
عشق...ماشي يلا تصبحو على خير...انا كمان هخلص الاطباق دي وادخل..
تمارا... اوك.. تصبحو على خير يابنات.
دخلوا تمارا..وزهره....خلصت عشق الاطباق ولما اطمنت ان الدنيا هديت...والنور باين من تحت الباب انه اطفى...
راحت على نور...خبطت براحه... ودخلت كانت نور قافله نور الاوضه...
قربت عشق من السرير اعدت على حرف السرير وولعت النور..
عشق...نور... انا عارفه انك صاحيه...عايزه اتكلم معاكي.
نور...بصوت باين عليه العياط...معلش يا عشق.. خليها بكره انا تعبانه شويه.
عشق...لا يانور.. انتي مش تعبانه... انا عارفه فيكي ايه...
سكتت...نور...بانتباه.
عشق...نوح حكالي يانور..
قامت نور.. بفزع... وهي منهاره.. متجبيش سيرته انا بكرهه كمان ليه عيني يجي يحكيلك..
عشق...قربت منها وحضنتها.. نور اهدي من فضلك.
نور..بانهيار... دمرني ياعشق... وضيعني... طول عمري بتمنى اني اكون بس قريبه منه طول عمري عارفه اني بحبه وهو مش حاسس عمري ما اتمنيت انه يحبني مكنتش عايزه غير اني اكون قريبه منه بس.
ويوم ما بقيت قريبه دمرني معرفش ان قربه هيعمل كده
عشق...اهدي عشان خاطري بس. عارفه ان اللي حصل صعب..بس كان لازم تديله فرصه يشرحلك.
نور...يشرحلي ايه..ياعشق.. انا لقيت نفسي من غير هدوم عارفه يعني ايه...هو كمان كان من غير هدومه. فرصه ايه اللي اديهاله هيقول ايه... يقولي اد ايه هو حقير وقذر واستغل اني بقيت لوحدي بيقولي انه بيحبني عشان اسكت.. وارضي باللي حصل.
عشق...محدش قال كده بس هو لو عامل حاجه مش هيجي يقولي او يحاول يكلمني...نور... نوح خايف عليكي اوي..طلب مني اكون معاكي عشان قلقان تعملي حاجه في نفسك
نور...قوليلو اطمن كتر خيره والله عرفيه. بس ميقلقش انا مش هخسر ديني عشان واحد زيه. بس ربنا هيجبلي حقي منه .
عشق...نوح...راحلك عشان في حد كلمه قاله انك تعبانه
نور...كداب... البنت اللي خدتني ليه..قالت ان نوح مستنيني فالشقه.
عشق...طب كل ده ميخلكيش تفكري لو ثواني انه ممكن يكون حد لعب بيكي انتي وهو
نور.بعياط هستيري..حد زي مين ياعشق بس. هو حد عارف اني بحبه غيركم. وهيلعب علينا ليه.
عشق...زي سامر مثلا
نور...بتفكير. لا لا ميتهيأليش..
عشق ..ليه لا ده بني ادم قذر يمكن عايز ينتقم منك عشان القلم اللي ادتيهوله ادام الكل...
نور... كان هو اللي عمل كده لكن نوح ماله بس
عشق... اهدي بس يانور وان شاء الله كل حاجه هتتحل بس لازم تأعدي معاه وتحكيله ايه اللي حصل من بعد ما قولتيله انك بتجيبي ورق وراجعه هو بيقولي انه فات ربع ساعه وكان ادام الجامعه وانتي مكنتيش موجوده..
نور...انا لا هاعد ولا هحكي خليه بس يبعد عني اصلا الكلام مش هيفيد بحاجه...انا انتهبت ياعشق.
عشق...اهدي يانور ونامى الوقت عشان ترتاحي وان شاء الله كل حاجه هتتحل
نور...رجعت عالمخده...فضلت عشق.. جمبها تقرالها قرأن. لحد ما هديت ونامت...
.........في صباح يوم جديد مليان بالاحداث. صحيو البنات كلهم يستعدو للنزول..
خرجت.. نور.. من اوضتها.... صباح الخير..
البنات صباح الخير.
تمارا.. نونه عامله ايه الوقت
نور...بابتسامه حزينه..الحمد لله بخير
تمارا.. مالك يانور
نور... مفيش والله مخنوقه شويه وبابا واحشني اوي
تمارا...الله يرحمه. حبيبتي
زهره...لو تعبانه متروحيش انهرده الشغل.
نور...لا انا كويسه يازهره بس انا فعلا مش رايحه الشغل انا رايحه الجامعه
تمارا...ليه مش رايحه
نور...عادي بس اليومين دول في محاضرات مهمه. والامتحانات قربت لازم الم اللي فاتني
تمارا...طب والشغل..
نور...متقلقيش انا معرفه نوح.
فاللحظه دي السواق بلغهم انه تحت
عشق... يلا يابنات السواق تحت
تمارا.. باست نور... خلي بالك من نفسك
نور...حاضر
زهره...باي يانور.
نور... باي يازهره...
خرجو البنات.
عشق... نور. بلاش تروحي.
نور...متخافيش ياعشق... هخسر ايه اكتر من اللي خسرته
عشق...عشان خاطري يانور
نور...ماقلقيش ياعشق..بس سبيني براحتي وبلغي نوح.. اني مش جايه انا قولت بس كده لتمارا... لكن عرفيه اني مش رايحه تاني
عشق...متسبقيش الاحداث يانور
نور...مبقاش في احداث ياعشق خلصت خلاص
عشق...طيب اهدي وخلي بالك من موبايلك عشان كل شويه هكلمك اطمن عليكي.
نور...ماشي ياقلبي يلا باي.
عشق...باي.
......نزلو البنات راحو على الشركه مع السواق ..ونزلت نور راحت على الجامعه...
واول ما وصلت كانت الكارثه الكبيره😭😭😭😭😭😭😭
دار الايتام
البارت السادس والعشرون....
نزلو البنات راحو على الشركه مع السواق ..ونزلت نور راحت على الجامعه...
واول ما وصلت كانت الكارثه الكبيره..
دخلت نور.. من الجامعه.. ومن اول ما دخلت.حاسه ان الكل نظراتهم مريبه...
لبست نضارتها...ومحبتش تديهم اهتمام...كملت مشي لجوه..حست ان الموضوع بيزيد. واعدين يتوشوشو ويبصو عليها فضلت تهدي نفسها وحست انها متوتره من اللي حصل مش اكتر...وشافت من بعيد اتنين من زمايلها البنات...راحت ناحيتهم اول ما شافوها قربو منها...
نور...صباح الخير..
البنات. صباح النور.
نور...هو في ايه مالكم واقفين كده ليه...
اسماء..زميلتها...نور...في حاجه لازم تعرفيها..
نور...بقلق في ايه.
اسماء...تعالي معانا..
مشيت وراهم شاورولها على حيطه...متعلق عليها ورقه بفصلها من الجامعه.
نور...بزهول... نعم فصلي انا لا اكيد في حاجه غلط او تشابهه اسماء. او هم غلطو وحطو اسمي اصلا انا لازم اطلع اقابل عميد ال...قاطعتها اسماء.
لا يا نور.. متطلعيش والقرار صح... هما يقصدوكي انتي.
نور...انتي بتقولي ايه يقصدوني انا...ليه يمكن. يعني عشان مش بحضر كتير..
اسماء...لا يانور...عشان. ده...ومدتلها ايدها بظرف ابيض كبير
نور...ايه ده... في ايه الظرف ده...
اسماء...افتحيه. يا نور..
مسكت نور... الظرف. وابتدت تتوتر وقلبها يدق بسرعه فتحت الظرف وابدها بتترعش..
طلعت اللي فيه...صدمه..ضباب غطى عيونها من تجمع الدموع حجبت عنها الرؤيا...وابتدت توضح الرؤيا من تاني مع نزول دموعها بغزاره...صورها وهي نايمه على السرير. في اوضاع مش حلوه في حضن نوح.. جسمها مكشوف...واللي مصورهم مش مظهرهم انهم نايمين او تحت تأثير مخدر. لاعبين فالصور عن طريق الفوتوشوب. جايبهم بيضحكو ...
نور...بصدمه. مستحيل مستحيل..مش انا مش انا..
اسماء...بشفقه على حالها اهدي نور انتي لازم تمشي قبل ما الجامعه تتزحم اكتر من كده
نور...مستحيل مستحيل..
هبه...الصور دي وصلت الصبح اتوزعت على كل الطلبه ودخلت لعميد الجامعه...
نور... مسكت الصور وفضلت ماشيه ومش بتقول حاجه غير مستحيل...
هبه...نور...استني.
اسماء...سبيها ياهبه تمشي.احسن...
هبه...استحاله نور تعمل كده
اسماء...انا كمان شاكه ان دي لعبه... بس دي صورها.
هبه...ربنا يسترها عليها...
........
خرجت نور.. من الجامعه وهي بتحاول تسد ودنها من اللي هي بتسمعه....
وعامله نفسها شريفه
لا وايه بيقولو ضربت سامر..عشان قالها اوصلك
بس ايه طلعت جامده
خرجت نور...وهي مش شايفه ادامها...وحاسه انها بتنهار وتتهد.. حاسه انها في كابوس وحش اوي مش عارفه تصحى منه..
ركبت..تاكسي وهي محدده وجهتها...
.............
اما في الشركه....
جاسر......هتفضلي زعلانه كده
تمارا....مين قالك اني زعلانه
جاسر...انتي مش شايفه شكلك
تمارا...يعني افضل مستنياك تكلمني وفالاخر متسألش فيا وتقولي زعلانه ليه
جاسر...والله يا حبيبي الوقت اتأخر وقولت اكيد نمتي مرضتش اقلقك.
تمارا...بجد والله كتر خيرك.
جاسر...تمارا عشان خاطري متحسسنيش اني مبسوط باللي بيحصل ده
تمارا...طب ما انت مبسوط فعلا ياجاسر.
جاسر...انتي شايفه كده
تمارا...انا مش شايفه غير كده ياجاسر...عادي يعني شيفاك جاي رايق ومبسوط اهو يعني مفيش حاجه مضيقاك غير شكلي اللي زعلان
جاسر...تمارا افهمي بقى والله العظيم. انا لازم اعمل كده الفتره دي تمارا بيكي من غيرك انا مش هكمل مع هايدي بس مش هينفع اسيبها غير لما نتأكد من حاجات كتير مش هقدر اشرحهالك الوقت
تمارا...بعصبيه... هو سر حربي كل شويه مش هقدر افهمك الوقت مش هقدر افهمك الوقت خايف عليكي بنعمل كده عشان احميكي انتي والبنات...تحمينا من ايه
ايه هايدي ...وحش وانا معرفش
جاسر....تمارا من فضلك وطي صوتك
تمارا...مش هوطي صوتي ياجاسر. انا الوقت بقى عايزه اعرف في ايه... ومش هسكت غير لما اعرف او تعتبر اني من اللحظه دي مش اكتر من سكرتيرتك وبس
جاسر...بلاش الطريقه دي ياتمارا...
تمارا...انت كمان مضايق... مين فينا اللي المفروض يضايق.. انا ولا انت... بتلعب بمشاعري طول الوقت
جاسر...انا بلعب بمشاعرك يا تمارا.
تمارا...امال تسمي اللي احنا فيه ده ايه...انت فاكر انك كده بتحميني وبتطمني... لا يا جاسر.. انت موترني وقالقني مخليني خايفه ودي مش طبيعتي انا رغم كل حاجه وحشه حصلت في حياتي... بس طول عمري قويه جامده جريئه مش بخاف... واللي كان دايما موديني في ستين داهيه لساني لاني مبخافش ولا بسكت. على اي حاجه تضايقني...لكن انت مخليني ساكته مش قادره اتكلم مش قادره اعبر عن اللي جوايا خايفه بمشي اتلفت ورايا من اول ما بطلع من الشركه لحد ما نوصل البيت ونقفل ورانا الشقه..وكأن حد هيطلع يموتني...مش فاهمه ايه حجم اللي انت مخبيه بس احساسك واصلني ومخوفني مش مطمني ياجاسر.
جاسر...وانا مش عايز اقول عشان متخافيش ياتمارا عايزك تتعاملي بطبيعتك..انا مقصدش اوترك ولا اخوفك
وتمارا...وانا مش عارفه اتعامل بطبيعتي ياجاسر. وخايفه ومتوتره. ومش حاسه بالامان...يعني هي هي. ادام كده خايفه وكده خايفه يبقي عرفني المفروض اخاف من ايه ومن مين. متسبنيش كده...متخليش دماغي تروح لحاجات انا مش عايزاها تروحلها..
جاسر...وحياتك عندي هتعرفي كل حاجه والله ياتمارا هعرفك بس مش الوقت
تمارا...تمام يا جاسر ومن هنا لحد ما اعرف انا بالنسبالك مش اكتر من مجرد سكرتيره...لما تحس انك هتقدر تتكلم عرفني وهتلاقيني موجوده. وبسمعك ومن اللحظه دي بلاش توترني اكتر ما انا متوتره...سبني اتعامل بطبيعتي انا مش بخاف من حاجه ياجاسر ولا لسه اتخلق حد يقدر يخوفني ولو خوفك عليا من هايدي فا متقلقش مش هايدي اللي تخوفني يا جاسر.
وخرجت... وسابته.وراحت على مكتبها...
اول ماخرجت...اعد جاسر. على الكرسي وهو بيمرر ايده في شعره بعصبيه...مش عارف يقولها ايه. خايف تضيع منه مش قادر يتكلم عشان خايف عليها...وعشان ليل مأكد عليهم كلهم محدش يتكلم في اي حاجه....
.........
عشق....عامل ايه الوقت.
ليل...احسن كتير
عشق...جبت العلاج اللي كتبتهولك
ليل...ايوه جبته...عجبك الكورنر بتاع القهوه
عشق...جميل اوي... بس انت ليه عملته
ليل... عشان تعملي اللي انتي عيزاه اي وقت تحبي. وبعدين انتي مش بتحبي تعملي حاجتك بنفسك ومعرفتيش تعملي فالكفيتريا عشان الشباب اللي تحت عملتك ركن صغير كده تعملي فيه اللي انتي عيزاه
عشق..عملته امته ده
ليل...امبارح بعد ما مشيتي
عشق...يعني انت كنت اعد عشان كده..
ليل...اه استنيت لما خلصوه وجهز ومشيت .
عشق...بابتسامه شكرا
ليل..تحت امرك يا افندم
ابتسمت..عشق...
ليل... بقول ايه احنا عندنا اجتماع بعد نص ساعه
عشق...تمام انا جاهزه..
ليل...طيب حضري ورق الصفقه اللي المفروض همضيها انهرده وياريت تجيبي الورق بتاع المنتجع السياحي بتاع هادي الشامي...
عشق...مش ده اللي جاسر.. وتمارا كانو مسافرين يشوفو المكان عنده
ليل...اه هو
عشق...مش المفروض ان الصفقه دي اتمضت
ليل... ايوه كله تمام بس الاسبوع الجاي الشغل هيبتدي فيها...ولازم اشوف الدنيا تمام وجاسر مستعد ولا في حاجه هتعطل الشغل
عشق...تمام. هروح اجهز كل حاجه. ولحد معاد الاجتماع
ليل... تمام
........
نوح...اعد سرحان... وباين عليه التعب وشكله مش نايم
ادم...في اجتماع كمان شويه
نوح...اه عارف..
ادم...عينك حمرا كده ليه انت تعبان
نوخ . لا بس منمتش
ادم...مش هتقولي مالك
نوح...مفيش يا ادم والله مش مظبوط بس اليومين دول
ادم...من ايه طيب...انا اول مره اشوفك كده يانوح. انا عمري ما شوفتك غير بتضحك حتى لو حصل حاجه ضايقتك مبتاخدتش معاك وقت وساعه بالكتير الاقيك تمام وبتضحك
نوح...اوقات يا ادم بيحصل حاجات في حياتك عمرك ماتتوقعها وحتى لو اتوقعتها بردو مبتحسش اوي غير لو التوقع ده بقى حقيقه...وعشت الموقف بجد
ادم...ايه ياعم الالغاز دي على الصبح.
نوح...مش الغاز يا ادم... بس مبتقدرش تحس بالموقف او تقيمه غير لو اتحطيت فيه.
ادم...اكيد يانوح...مبيحسش بالموقف غير اللي مر بيه...بس انا قلقان عليك وعايز اعرف مالك وايه الموقف اللي حصلك عمل فيك كده..يمكن اقدر اساعدك او ياسيدي حتى لو مش هقدر كفايه اني اسمعك وانت ترتاح..
نوح...مش كل حاجه ينفع تتقال يا ادم...
ادم...انت ليه مصمم تقلقني. من امته وانت بتخبي عني يا اخويا
نوح...مش بخبي والله يا ادم بس يمكن مش قادر اتكلم الوقت هقولك اكيد هقولك والله بس. مش الوقت .
ادم...عموما لو حسيت انها ضاقت بيك.. ولقيت نفسك محتاج تتكلم...انا موجود ديما...
زهره...اسفه لو هقاطعكم... بس السكرتيره بتاعت مستر ليل بتبلغنا ان الاجتماع فاضله خمس دقايق.
ادم...تمام...هاتي يلا الورق يازهره ويلا قوم يانوح.
نوح...يلا...
ثواني كان الكل موجود على تربيزه الاجتماعات.......
ليل...فين نور بأستفسار ؟؟؟
عشق...اسرعت...نور... استأذنت انهرده كمان..عشان يعني الجامعه وبعدين عشان الامتحانات قربت.
حس...ليل.. من ارتباك عشق.. ونظرات نوح...ان في حاجه اكبر من كده... بس قرر يبين تجاهله...اه طيب تمام..جاهزين نبدأ..وقبل ما يردو. خبطت شاهي... على الباب...
ليل...ادخل..
دخلت..شاهي...
ليل...خير يا شاهي... مش عارفه ان في اجتماع.
شاهي...اسفه يامستر ليل... بس الامن بعت الاظرف دي و اللي بعتها قال توصل لحضراتكم.
ليل... فيها ايه الاظرف دي ...ومين اللي بعتها...
شاهي.....معرفش حضرتك دي مقفوله... والامن مقالش مين باعتها...وقربت شاهي... وهي بتحط ادامهم الاظرف...
ليل... تمام تقدري تخرجي .
شاهي...بعد اذن حضرتك...
فاللحظه...دي وصلت. نور.. الشركه...وكان شكلها يشبه الاموات..الحزن مغطي على ملامحها الجميله..دموعها مبتقفش دخلت الشركه وفي اديها الظرف..
طلعت على المكتب...ملاقتش حد...خرجت بسرعه. تدور على نوح زي المجنونه...مش لقياه وصلت لمكتب ليل.. سألت شاهي عنهم...استغربت شاهي...شكلها
شاهي...دول في اوضة الاجتماعات انتي كويسه..
سابتها نور...من غير ولا كلمه. وراحت على المكتب... وهي معميه مش شايفه ادامها...
وصلت ادام الاوضه فاللحظه اللي حطت اديها عالاوكره...كان الكل فتح الظرف اللي في ايدهم
صدمه.. لجمت الجميع...غضب.. وجع..توتر..خوف... قلق
شعور...اصاب كل واحد فيهم بعد ما شافو الصور...
غضب..ظهر على ملامح ليل...وجع..اصاب قلب نوح...
زهول..اصاب جاسر وعشق...صدمه وخوف وتوتر اصاب الجميع.....
رفع...ليل راسه..بغضب...اتجاه نوح...اللي كان اعد مبينطقش عينه عالصور...احساس بالظلم واجعه اوي. احساس بالخوف على نور.. اكبر بكتير من اي شعور جواه...
ليل....بصوت. جهوري مرعب. نوووووووووح...
بص الكل على ليل. برعب من صوته...وكانت لحظه الهدوء الذي يسبق العاصفه...ولكن...فاللحظه.. دي اقتحمت نور...المكتب. من غير استأذان...شكلها لوحده كان كفيل يرعب الجميع...
اول. ما نوح... شافها. قام. بتوتر. من شكلها. ونطق...نوور.
نور....قفلت الباب... وفضلت تقرب براحه...ومكنتش تقريبا شايفه غيره ادامها...قربت نور منه ووقفت ادامه... ووقف الجميع. بصدمه يراقب اللي بيحصل...
نور....عملت معاك ايه عشان تدمرني كده..
قولي على سبب واحد يخليك تعمل فيا كده..
عمري ما أذيتك...طول عمري بحبك...وبتمنى بس اكون جمبك..عمري ما دعيت من ربنا انك تكون ليا على اد ما دعيت اني بس اكون جمبك...بس لو كنت اعرف ان قربي منك هيبقى تمنه...شرفي..مكمتش عمري اتمنيتك قريب او حتى بعيد...لو اعرف ان قربي منك هيبقى تمنه اني ادبح بسكينه بارده على ايدك مكنتش عمري اتمنيت قربك..
لو اعرف ان قربي منك هيجي عليا يوم ويخليني اكرهك اوي كده مكنتش اتمنيت قربك...
انا عمري ما عرفت يعني ايه كره. بس على ايدك. عرفته وقدرت تكرهني فيك يا نوح. على اد كل ذره حب ليك كانت في قلبي على اد ما اتبدل الحب ده بكره...انا طول عمري براقب كل حاجه تخصك من بعيد. اخبارك صورك حتى شكلك. طول الوقت كنت بفضل اتكلم مع بابا عن شغله عشان يجيب سيرتك واقدر اعرف اي حاجه عنك..
طول حياتي مفيش اي ذكرى. في حياتي غير ذكرى طفولتي معاك..ولما كبرت شويه وانت بعدت بقيت كل ما اشوفك اجري اكتب التاريخ اللي شوفتك فيه...
عمري في حياتي ما اتمنيتلك الا كل حاجه حلوه عارف لدرجه ايه... لدرجه اني عشان عارفه اني ابعد من اني اكون ليك...كنت بتمنى حتى في فرحك بابا يحضر وانا اروح معاه عشان اشوفك وانت لابس بدله فرحك...ضيعت حياتي في حبي ليك....ويوم ما اعرف ان انت كمان كنت بتحبني...والمفروض انه يكون اجمل يوم في عمري...خلتني كرهت اليوم ده خلتني كرهت لحظه نطقك بحبك ليا...كنت بدعي انه يكون كابوس...
نوح....نور...انا معملتش حاجه صدقيني دي لعبه اتلعبت علينا
نور....بصريخ...كفايه بقى كدب... من يوم ما بابا مات وانت مفيش عندك غير لعبه غير. في حد عايز يأذيكو. في حد بينتقم...طب لو حد بينتقم منكم انتو انا مالي..
بابا... مات. عشان قولتو مقصوده...رضيت بقضاء الله وقولت عمره...طب...اللي حصل منك. لعبه ازاي. هاا انطططططق رد عليا قولي اني بحلم قولي ان انا لسه بنت قولي ان ده كابوس هصحى منه الوقت...
اللي بينتقم بينتقم. منكم ولا مني...
ابويا راح وبقيت لوحدي شرفي راح...دمرت حياتي من يوم ما بقيت معايا...انا بقيت ميته يانوح...وياريتها جت على كده...ولمحت نور في اللحظه دي صورها عالتربيزه..
نور..ياريتها جت على كده...انت فضحتني يانوح...انا اكتفيت باللي حصل. وكنت هبعد لكن انهرده يانوح انا اتفصلت من الجامعه...عارف ليه عشان صوري معاك مغرقه الجامعه مع كل الناس. يانوح...
وصلت للعميد...والطلبه... انا بقيت في نظرهم عارف ايه يانوح ولا مش عارف عارا ايه اللقب اللي بقى يتقال عليا..
طب عارف...وانا خارجه من الجامعه سمعت ايه بيتقال عليا في وشي...بعد ما كنت بخرج وانا راسي مرفوعه انهرده يانوح انا وطيت راسي...قولي بقى انت عملت. ايه في حياتي عدل من يوم ما دخلتها...انا كنت بحس معاك بالامان...انت عرتني يانوح. ادامك وادام الناس كلها...
انا بكرهك بكرهك وبتمنى. تختفي من حياتي وانهارت...وفضلت تضرب فيه وتصرخ..
نوح...كان واقف مش بيتحرك وسايبها تعمل كل اللي هي عيزاه...
جريو.. عليها البنات...
عشق...نور.. اهدي نور... اسمعيه اديله فرصه.
نور...انتي بتدافعي عنه ليه انتي مش شايفه اللي عمله..
فاللحظه... دي قرب ليل من نوح...
ليل... طول عمري بعتبرك ابني مش بس اخويا... طول عمري حنين عليك. عمري ما رفضتلك طلب... بس الظاهر اني كنت غلطان
نوح...ليل...اسمعني انت انا. وقبل ما ينطق...
كان... ليل.. ضربه قلم. من شدته...رجع نوح بجسمه خطوات...
شهقوا..البنات وحطو ايدهم على بوئهم بخوف
جاسر...لييييل...لا ياليل...استني اسمعه
ليل..بصوت يرعب... اسمع مين اسمع الوسخ ده...اسمعه واصدقه ولا اكدب عيني من اللي شيفه فالصور ده..
هي دي الوصيه اللي وصهالنا عم محمد يازباااله...هو ده العرض اللي صونته...انا لو مكانها اطلع قلبك بايدي اقطعه حتت..اسممعععععع انهرده...هتكتب على نور...
نور...بصريخ...اوعي تقول كده انا لايمكن اتجوزه. لايمكن اسمي يقترن باسمه. ابدا حتى لو هعيش كده استحاله اكون معاه انا بكرهه.
ليل...بحزم...اللي قولته هيتعمل هيتجوزك...ويرد اعتبارك ادام الكل عشان راسك تترفع وسط الناس... وانا بنفسي يعدي كام شهر...وهطلقك منه. انا مش هآمن عليكي مع واحد زباله زيه... مش راااااجل...
عشق...ليل...في حاجه غلط. نوح برئ انا واثقه.
ليل...اسكتيييي اياكي تدافعي عنه ده وسخ..
عشق...ليل...اسمعني من فضلك..مينفعش تحكم عليه من غير ما تديله فرصه انه يدافع عن نفسه.نوح حكالي عاللي حصل
ليل...يدافع عن نفسه يقول ايه..ها...
جاسر...ليل عشق عندها حق...نوح حكالي انا كمان
ليل...والله حكالكم وصدقتوه...طب والصور دي ورهالكم...ماطبيعي يجري زي الفار. اللي خايف. يحاول يبرأ نفسه ويحكي اي حاجه عشان لما يتكشف امره يقول انا قولت وحكيت ويلاقي اللي يقف معاه زيكم ضحك عليكم صح.
فاللحظه دي اتكلم نوح بعد فتره صمت طويله..
نوح...انا مش هدافع عن نفسي لاني ميهمنيش شكلي ولا صورتي...انا يهمني شكل نور انا بس هقول كلمتين...
مش عشان يحسنو صورتي ادامك ولا ادام نور ولا حتى ادامكم وابتسم بوجع لان واضح ان صورتي عندكم اتشوهت...وواضح ان مفيش حد فيكم يعرفني كويس...انا يمكن اكون ياليل بسهر بخرج مع بنات بشرب... لكن انا عمري ماكنت وسخ وانت عارف ياليل اني تربيتك يعني عمري ما هعمل غير اللي ربتني عليه...وعمري ما ههز صورتك ادام اي حد...اللي هقوله ده حصل عايزين تصدقوه صدقوه مش عايزين زي ما تحبو..بس بعد ما تسمعو اللي عندي ياريت تسمعو اللي عند نور. عشان تعرفو وتتأكدو اني معملتش حاجه
امبارح نور راحت الجامعه زي ما انتو عارفين تجيب ورق وترجع على الشغل وانا قولتلها اني هاجي اخدها انا كلمت نور.. وقولتلها اني قربت على الجامعه قالتلي انها بتجيب ورق ليها وللبنات..قولتلها تمام ادامي ربع ساعه واكون عندك....الطريق كان زحمه بعد نص ساعه بالظبط من وقت ما قفلت معاها وصلت...ولما وصلت ملاقتش نور واقفه كلمتها...مره. اتنين تلاته لحد ما فصل. المره الرابعهل لقيت الموبايل اتفتح قولتلها انتي فين... سمعت صوت بنت بتقولي انت مين... فاللحظه دي فكرت ان موبايل نور وقع والبنت دي لقته... سألتها انتي اللي مين. وفين نور... قالتلي ان البنت صاحبه الموبايل دي معاها تعبت فجأه وخدتها البنت بعربيتها... وراحت بيتها...
طلبت.. منها انها تديهالي عشان اتأكد.. قالتلي انها فاقده الوعي. وهي ومامتها بيحاولو يفوقوها مش بتفوق... فاللحظه دي انا خفت جدا على نور ومفكرتش في اي حاجه غير اني اروحلها بسرعه وفعلا خدت العنوان وجريت على هناك.اول ما طلعت رنيت الجرس كذا مره محدش فتح رفعت ايدي عشان اخبط...لقيت الباب اتفتح في الاول شكيت ان في حاجه فضلت انادي محدش رد مسكت موبايل واتصلت برقم نور... سمعت صوت الموبايل جاي من بعيد فاللحظه دي دخلت بسرعه ورا الصوت من غير ما آمن نفسي ولا اشوف في حد ولا مفيش.. وصلت ادام باب الاوضه.. اللي جاي منها الصوت. ولسه هفتح لقيت حد جه من ورا ضهري حط على وشي منديل واتخدرت...ثواني وكنت واقع معرفش ايه اللي حصل. ولا انا اعدت اد ايه اصلا متخدر صحيت لقيت صوت عياط بعد ما ركزت شويه لقيت نفسي نايم على سرير السويت شيرت مش لابسه جزمتي مش لابسها وركزت مع الصوت لقيت نور...وكانت.... سكت شويه وخد نفس. لقيت هدومها عالارض وحاطه ملايه عليها..وفي السرير ............ دم..
كانت منهاره وانا معرفش في ايه ولا ابه اللي حصل بس اللي متأكد منه اني معملتش حاجه واللي جابني هنا البنت اللي قالت ان نور معاها ....
بعدها جيت حكيت لجاسر... وبليل رحنا مع بعض. لمكان البيت.. وتقدر تسأله...مكنش في بواب طلعنا خبطنا كتير مكنش في اي حد بيرد واخيرا اتفتح الباب اللي ادام الشقه.. وظهرت ست كبيره سألناها قالت ان صاحب الشقه اسمه هاني ومبيجيش كتير وساعات بيأعد بالكام شهر بس قالت انها سمعت صوت امبارح وانهرده تقصد اليوم اللي حصل فيه كده وقبله بيوم...جاسر اداها الكارت وطلب منها انها لو حست باي حد في الشقه تكلمه فورا....وده كل اللي حصل...واظن لو انا ياليل اللي عامل كده... مش هصور نفسي..
لو انا اللي عامل كده يانور...مش هوزع صوري وصورك...على الجامعه وعلينا هنا... يعني لو انتي شيفاني حيوان ورغبتي اللي بتحركني اكيد مش مش هفضح نفسي.. وانتي عارفه اني معروف مش هقولك بقى استحاله افضحك لانك اكيد شيفاني كداب وزباله ووسخ ومش هتصدقي. مهما قولت اي حاجه بس ياستي عالاقل مش هفضح نفسي.....
ليل... بص لنور... ايه اللي حصل معاكي يانور..
نور...بدموع زي الشلال... مبقاش يهم خلاص.
ليل... بصوت مرعب... لاااااا يهمني انا عالاقل..
نور...انا...كنت واقفه مستنيه نوح... وفجأه لمحت بنت واقفه شكلها تعبان. ومره واحده كانت هتقع...سندتها بسرعه وسألتها اذا كانت تعبانه قالتلي انها عندها سكر ولازم تاخد حقنه فورا...قولتلها تقولي اسمها واجبهالها قالتلي انها معاها فالعربيه. وطلبت مني اوصلها للعربيه اللي شاورت عليها...ودتها العربيه. ركبت فضلت تدور وفجأه لقتها سندت بتعب ومكنتش قادره تدور. لفيت بسرعه وركبت جمبها وسألتها ادور فين شاورتلي عالدرج اللي فالتابلوه..مكنتش لاقيه حاجه ولسه برفع راسي قالتلي...نوح مستنيكي في الشقه
نوح......😡😡😡انا مقولتش لحد اني مستنيكي ولا اعرف مين دي. وانتي ازاي تركبي مع حد متعرفهوش..
ليل....اسكت خالص. كملي يانور..
نور...قولتلها تعرفي نوح منين.ومستنيني فين... ساعتها... رشت حاجه على وشي... ومدرتش باي حاجه غير لما صحيت ولاقيت نوح ولاقتني...وسكت وانفجرت من العياط.
جاسر....بس يبقى كده لعبه.
عشق...واضح ان في حد قاصد يعمل كده..
ليل... وانا مش هصدق غير لما يجبلي اثبات... بس قبل كلل ده... هتكتب على نور انهرده... مفهووووووم.. لازم تصلح اللي عملته...لازم اللي حصل في الجامعه يتصلح.
نوح....انا اكيد هصلح كل ده بس بعد كل اللي سمعته ده ولسه شايف ان انا لازم اصلح اللي حصل لسه شايف او شاكك فيا ياليل طب نور ومعزوره. يمكن تكون متعرفنيش حتى لو زي ما بتقول بتحبني بس متعرفش مين نوح... لكن انت عارفني ياخويا ..
عموما...انهرده..انا جاهز اكتب على نور... ويومين بالظبط كل حاجه حصلت هصلحها يانور وهترجعي راسك مرفوعه..ومحدش هيقدر يقولك كلمه متعجبكيش ..
وفي أقرب وقت الكلب اللي عمل كده هجيب جثته تحت رجليكم كلكم...وهبرأ نفسي وارجع حقك وانتقم من اللي عمل فيكي كده ادام عينك...بس من بعد اللحظه اللي هجبلك حقك فيها يانور. واردلك كرامتك ادام الكل واطلع قلب اللي عمل كده بايدي..... هنسحب من حياتكم خالص .وكلامه كان موجهه لنور.. وليل...
عشان......محدش فيكم اداني فرصه ادافع بيها عن نفسي محدش فيكم صدقني. ظلمتوني...انا مسامحكم بس مش هقدر اتعامل معاكم تاني...
وبص على ليل...من اللحظه دي يا ليل.. اعتبرني بره الشركه...
ادم...نوح...اهدى ايه الهبل اللي بتقوله ده
نوح...خلصت يا ادم...
ليل... بيحاول يأعده بس بطريقته...مش لما تبقى تثبت برائتك الاول تبقى تعمل اللي انت بتقول عليه ده..ولا انت بتهرب بالعقل يا نوح...وعايز تسيب الشركه...
نوح...ماشي ياليل... عندك حق... اول ما اظهر برائتي واجيب حق نور...تقدر تعتبرني مش في الشركه...وانا معاك لحد ما اقدر اعمل كده...
وبص عليهم كلهم انا. جاهز انهرده لكتب كتابي على نور...ومتقلقيش يانور... فتره وهسيبك تخلصي من الكابوس ده استحمليني الفتره دي عشانك مش عشاني وبعدها هترتاحي مني....
ومشي... نوح...فتح الباب... وخرج..بعد ما رزعه وراه...
وجواه...حزن العالم...نزل وخرج من الشركه..كلها.خد عربيته وطار....
اعد الجميع. في صمت تام...بعد خروجه....
نور اعدت....تعيط عاللي وصلتله البنات حواليها...
ليل. مركز بغموض...جاسر وادم...حاطين ايدهم على دماغهم
.....
ليل....نور....
نور...بتعيط وموطيه راسها...ايوه
ليل...ارفعي راسك...يانور...مش نور بنت الحاج محمد اللي توطي راسها...راسك تفضل مرفوعه انتي معملتيش حاجه توطي راسك عشانها...من بكره كل حاجه حصلت اليومين دول هتتصلح....وكل حد غلط في حقك حسابه هيكون معايا وقسما بالله حتى لو نوح نفسه...
مش هسمي عليه...
جاسر...ليل...اهدى شويه احنا لسه معرفناش كل حاجه. بلاش..تبوظ كل حاجه بينك انت ونوح...
ليل...الكلام ده تقوله لما يثبتلي عكس اللي حصل.وبعدين انت ليك حساب معايا انت وعشق ازاي تعرفو حاجه زي دي ومتعرفونيش
جاسر.....طب ليه تسبق الاحداث وتبوظ كل حاجه..قبل ما تعرف فين الحقيقه..وبخصوص بقى اني كنت عارف انا وعشق ومقولناش. لان نوح طلب مني محدش يعرف عشان خاطر خاف على شعور نور و عارف انك مش هتسكت وهتقلب الدنيا وهو محبش يضايقك هو عرفني عشان اساعده ونحاول نعرف مين اللي وراها وقالي انه هيقول لعشق.عشان كان خايف على نور تعمل في نفسها حاجه وكان عايز عشق تحاول تخلي نور..ترضي تسمعه..
وانتي يانور..انا عارف ان اللي حصل ده صعب.. ومفيش كلام يقدر يخفف اللي انتي حاسه بيه...
بس اللي فهمته يانور... انك بتحبي نوح لازم تديله فرصه عالاقل يظهر برأته ادامك وادامنا كلنا...خصوصا ان نوح حكالي انه بيحبك يانور...وقالي انه بيحبك من زمان.وانتي متعرفيش زي ما هو كمان مكنش يعرف انك بتحبيه...
ادم...جاسر عندو حق. نوح ميعملش كده. ادوله فرصه يثبت انه معملهاش
عشق...انا في حاجه عايزه اقولها...
ليل. بيبصلها بغضب...كملت عشق كلام من غير ما تديله اهتمام...انا اسفه ياجاسر بس في حاجه هقولها يمكن تضايقك..
جاسر...بانتباه حاجه ايه..
عشق...نور...حصل معاها موقف الاسبوع اللي فات فالجامعه...ومرضتش تقول لنوح...
نوح...قال لنور اي وقت سامر.
يحاول يقرب منها تقوله الاسبوع اللي فات نور كان عندها محاضرات مهمه راحت الجامعه قابلها سامر وطلب انه بوصلها نور رفضت فضل يلح علبها..وابتدا يخرف بالكلام. معاها ويتكلم بطريقه وحشه...ومصمم انه يوصلها وقالها اعتبريني زي نوح يمكن اعجبك...وحاول يمنعها انها تمشي ومسكها من ايدها نور... ضربته بالقلم وسط زمايلها واصحابه..والكل اتدخل في اللحظه دي قبل ما يقربلها...واستحلف انه مش هيسبها...وركبت بسرعه تاكسي ومشيت...الكلام ده حصل كنا لسه مسبناش الشقه طبعا نور....جت حكتلنا وكانت مرعوبه ومرضيتش ابدا اننا نقول ولا هي تقول لنوح خافت يحصل مشكله كبيره بسببها..وخافت عشان هي عارفه ان في علاقه بين جاسر وسامر....
ليل. بغضب... وانتي ازاي متقوليش حاجه زي دي
جاسر....سامر... لا انا كده واثق ان في حاجه غلط...حسابهم تقل اوي وخبط على المكتب بايده و وقف. وديني ما هسيببه..
ليل...اعددددد.. مش وقته متبوظش كل حاجه.
جاسر...بعصبيه....ما هي باظت ياجاسر انت مش سامع بتقول ايه احنا بيتلعب علينا لعبه وسخه من شويه زباله حوالينا لو سكتنا اكتر من كده...هيفكرونا بيتعلم علينا وانا مش هسمح لاي كلب فيهم انه يفكر انه ممكن يعلم على عيلة السيوفي ده انا افعصهم..
ادم...كده كتير بجد...ليل مينفعش نفضل ساكتين اكتر من كده.
ليل...مين قال اننا هنفضل ساكتين...انا بس مستني اعرف اللي وراهم عشان انا واثق ان هما اضعف كتير من انهم يلعبو علينا ..وفي وراهم حد اكبر بيحركهم..
جاسر....يا ليل. احنا مش هنفضل واقفين في مكانا واعدين نفكر مين اللي وراهم وبما انك عارف انهم اضعف كتير من انهم يلعبو بينا يبقى اول ما هيتقفشو هيعترفو على اللي وراهم.
عشق...هو في ايه... انا ليه حاسه ان الموضوع اكبر مننا بكتير وليه حاسه انكم بتتكلمو عن عصابه...احنا من حقنا نعرف في ايه...
ليل...مش وقته ياعشق... دي لعبه بتتلعب علينا احنا احنا اللي مقصودين بيها...
عشق...بعصبيه. واحنا دخلنا جوه اللعبه دي ياليل...واحنا اللي بنتأذى وبندفع تمن حاجه احنا منعرفهاش اصلا...
فالاول موت بابا محمد واللي كان مقصود بيه تمارا.....وبعد كده اللي حصل لنور...وادام دخلنا جوه اللعبه دي ياليل يبقى لازم عالاقل نعرف مين اللي بيلعب معانا...ولا ايه...
تمارا....عشق.. معاها حق...احنا لازم نعرف ايه اللي بيحصل ادام بقت حاجه تمسنا يمكن مكنش لينا اي حق نعرف حاجه تخصكم ومتخصناش بس احنا اتحطينا معاكم في في اللي يخصكم ولو في حد بينتقم. منكم عشان شغل عشان اسباب شخصيه فا احب اقولكم ان الانتقام ده فينا احنا..ووصلنا احنا وآذانا احنا يبقى اقل حاجه اننا نعرف عالاقل عشان لو الحد ده قرب مننا نكون واخدين حذرنا
ليل...هتعرفو كل حاجه في وقتها ...بس من هنا لحد ما تعرفو ممنوع الخروج من غير ما يكون اي حد فينا معاكم...اي حاجه. تحصل غريبه تعرفوهالنا مينفعش يانور يحصل معاكي موقف زي بتاع سامر ده وتخافي تقولي...
ياريت تحاولو تلتزمو بكلامنا من فضلكم..
ليل...عشق...
عشق...نعم.
هتاخدي البنات الوقت وتروحو عشان نور ترتاح وتكونو جاهزيين بليل الساعه 9هنكون عندكم..
عشق...طيب... ممكن زهره وتمارا يروحو لو معندهمش شغل وانا اعد معاك نخلص الشغل..
ليل...لا ياعشق... روحي مع البنات..وبكره نكمل شغل
عشق...حاضر...
ليل...انا هكلم السواق يجهز...وانتو يلا اجهزو...
الكل تمام...
عشق..تعالي..معايا لحظه..
خرج ليل وعشق وراه على المكتب وراح كل واحد فيهم على مكتبه..وزهره وادم خدو نور معاهم...
دخل ليل المكتب.
عشق...في حاجه..
ليل...عشق...مش عايزك تسيبي نور خالص..حاولي تكون عينك عليها انا قلقان تعمل حاجه في نفسها.
عشق...اطمن مش هسيبها...
ليل... تمام...انا الساعه 9هكون عندكم ومعايا المأذون..
عشق...ليل..ياريت متضايقش اني مقولتش حاجه.
ليل...وهو بيبصلها...مش مضايق ياعشق.. بس مكنش ينفع تسكتي
عشق...كنت عايزني اعمل ايه طيب هو طلب كده وبعدين ده موضوع حساس وكنت مصدومه بجد مكنتش عارفه اعمل ايه..
ليل...حصل خير...ان شاء الله كل حاجه هتتصلح...
عشق...والدموع بتلمع في عنيها يارب..
ليل..قرب منها... متقلقيش انا وعدتكم ان مفيش حاجه هتمسكم ابدا وطول مانا معاكم عايزكم تطمنو يمكن اللي بيحصل الوقت تاعبكم جدا واكبر من استيعابكم بس صدقيني انا هحل كل حاجه..
عشق...بدموع...ليل انا خايفه اوي. واول مره احس اني خايفه كده.
ليل...ششششش بلاش دموعك دي قولتلك مفيش حاجه هتحصل ابدا...وطول مانا عايش ياعشق...مش عايزك تقولي خايفه دي ابدا وقرب. ايده من وشها...ومسح دموعها...اول ما ايده لمست وڜها حست بجسمها بيتنفض وغمضت عنيها...وبدون مقدمات قرب منها ليل ...ومسك...وشها بأيده وباسها في راسها.
حست عشق. برعشه جسمها زادت ضربات قلبها زادت...حست ببروده فالجو مش طبيعيه..بعد ليل عنها..
عشق...بعدت باحراج...وتوتر... حطت وشها فالارض واتلون وشها باللون الاحمر..
عشق...اااا انا انا همشي هشوف البنات
ابتسم ليل.. بحنيه...ماشي عشق
عشق...وهي مش بصاله....نعم
ليل... خلي بالك من نفسك ومن البنات واول ماتروحي تعرفيني
عشق... ااا طيب طيب حاضر.سلام
ليل...بابتسامه على حالها سلام..
............
تمارا....كده دي المواعيد كلها... معاك
جاسر.. تمام يا تمارا..
تمارا... لو محتاجني فالميتنج انا ممكن استنى وتعرف ليل. ان هكون معاك.
جاسر...لا روحي انتي ياتمارا الميتنج اصلا مش هيطول كل الحكايه نص ساعه...
تمارا... حاضر...
جاسر..تمارا..
تمارا...ايوه
جاسر...قرب منها. ومسك ايدها...مش عايزك تزعلي مني عشان خاطري...وعايزك تعرفي اني خايف عليكي والله العظيم..وانا مش زي ما قولتي فرحان بعلاقتي مع هايدي..اديكي شايفه اللي بيحصل حوالينا اليومين دول... انا مش وحش ياتمارا ولا بلعب بيكي..كل الحكايه اني طالب منك تستحمليني اليومين دول وكل حاجه هتنتهي وهبقى معاكي انتي وبس. بس ارجوكي متضغطيش عليا عشان انا تعبان اوي...
تمارا...حست بصدق كلامه شددت من مسكت ايده...انا مقصدش اضغط عليك ياجاسر بس انا قلقانه جدا ومتوتره الفتره دي وخايفه اوي
جاسر...وانا معاكي ومش هسمح لاي حاجه تقلقك او تخوفك او حتي تمسك بس ساعديني واسمعي كلامي..وبلاش تسمعيني كلامك ده تاني عشان اللي بيحصل ده غصب عني مش بمزاجي...انا اقدر انهي كل حاجه في لحظه بس مش هينفع الوقت غير لما احس انك في امان.
تمارا....جاسر... هو انا ليه حاسه من كلامك وكلامكم كله عموما ان هايدي ورا الحاجات اللي بتحصل دي... انا مش عايزه اعرف تفاصيل بس ريحني وقول اه او لا عالاقل مبقاش بضغط عليك زي ما بتقول..
جاسر...انا مش عايز افتح كلام الوقت ياتمارا...هحكيلك كل حاجه في وقتها
تمارا... وانا مش عايزاك تحكي الوقت بس عالاقل ريحني.
جاسر...ايوه ياتمارا... بس مش هي بس في حد تاني وراها مش عايزين نعرفكم غير لما نتأكد مين هو عشان كده مش قادرين نتكلم الوقت...عرفتي ليه مش عايز اسيبها الوقت.
تمارا...عرفت...ومتزعلش مني ياجاسر... صدقني غصب عني ....يمكن هي خطيبتك وانا مليش الحق اني ازعل بوجودك وقربك منها بس. انا اكتشفت اني بغير عليك ياجاسر...جاسر. انا بحبك..
جاسر...😳😳😳😳انتي ايه.
تمارا...وهي منزله راسها ضربات قلبها سريعه اديها تلجت بين ايده....
جاسر...لا مش وقت كسوف. ورفع وشها بايده انتي قولتي ايه الوقت😉
تمارا...انا عايزه امشي البنات مستنيني.
جاسر...وانا مش هسيبك غير لما تقوليها ده انا ماصدقت سمعتها .
تمارا....بابتسامه.بحبك ياجاسر..
جاسر...وهو بيرفع وشه...ااااه اخيرا وبدون مقدمات. شدها لحضنه...وانا بحبك يا قلب جاسر...
تمارا...حست انها هتنهار بين ايده. لكن كانت مبسوطه من قربها منه ريحته. اللي بتعشقها. وبترد فيها روحها. الامان اللي حساه في حضنه غمضت عينها واتمنت من ربنا يكون اللي هي حساه مش حلم...
اخيرا خرجها من حضنه...تمارا. متبعديش عني ارجوكي.
تمارا...انا معاك ياجاسر..
جاسر...طيب بقول ايه انا رأيي بقي الوقت انك تمشي بسرعه من ادامي... قبل ما افقد السيطره على نفسي..
تمارا...😳😳😳😳انا انا ماشيه خلاص
جاسر...بضحكه تجنن..يلا بسرعه..اجري🤨🤨
خرجت تمارا من ادامه بسرعه وهي طايره...وجاسر حاله لا يقل عن حالها...ابدا.....
خرجو...البنات.. راحو عند زهره ونور...
تمارا...ايه جاهزين انا. خلصت
عشق...اه يلا السواق زمانه واقف تحت..
تمارا...يلا يانور.
نور...قامت بحزن ومشيت مع تمارا وعشق من غير ولا كلمه..
ادم...زهره.
زهره...نعم
ادم...لما تروحو طمنيني انكم وصلتو.
زهره...حاضر...واسفه يا ادم اني همشي واسيبك وسط الشغل ده كله ولا انا ولا نور حتى نوح مش موجود.
ادم...بابتسامه حنونه...متقلقيش انا هخلص كل حاجه ولا انتي مش واثقه فيا🤨
زهره...بابتسامه لا طبعا..واثقه جدا كمان
ادم...ايه ده بجد..
زهره...طبعا امال مين اللي علمني الشغل وبسرعه كمان.
ادم...لا يا ستي انتي اللي ذكيه وقدرتي تستوعبي الشغل كويس.
زهره...شكرا....متأكد انك مش محتاجني اساعدك.
ادم...لا والله وبعدين بكره نكمل مع بعض... وبعدين مستعجله على ايه شكلها كده اليومين اللي جايين انا وانتي هنشيل الشغل على دماغنا.
زهره...خير ان شاء الله.واكيد انا معاك
ادم...ان شاء الله يلا روحي للبنات وطمنيني بس اول ما تروحي.
زهره...حاضر...يلا سلام.
ادم...سلام.
.......مشيو البنات من الشركه...مع السواق....
........
جاسر....ادم فين نوح
ادم..نوح مش هنا
جاسر...مشي يعني
ادم...انا خرجت من الاجتماع مكنش موجود في مكتبه.
جاسر...وهو بياخد نفسه بقلة حيلة...
ادم...جاسر...كده المشكله كبرت وبتتعقد اكتر..
جاسر..والله يا ادم انا بقيت مش فاهم اي حاجه وكل يوم الدنيا بتضيق اكتر مش عارف اخرتها ايه...
ادم...بقولك ايه تعالى نشوف ليل.
جاسر...يلا انا اصلا كنت هعدي على نوح وادخله...
........................
في مكان اخر.....
ضحكه. شيطانيه...هزت المكان..هههههههههههه
نفسي... اشوف الوقت ليل لما الصور وصلتله...واخوه اتفضح...ولسه انا هدمره وادمر كل اللي حواليه قريب.حقيقي شابوه بجد... مكنتش اعرف انكم جامدين كده وسهلتو عليا حاجات كتير
صحيح....مين بقى صاحب الضربه دي انتي ياهايدي ولا انت يا سامر.
سامر...لا الفكره لهايدي طبعا...بس انا كده او كده كنت مرقد لنوح من زمان بس مكنتش عارف هتيجي ازاي...
ونور...كانت عجباني من اول ما شوفتها بس مكنتش اعرف انها تبع نوح...ولما عرفت الفكره كبرت في دماغي ساعتها اكتر...بس بنت الكلب دي بعد اللي عملته فالجامعه كان لازم انتقم منها واكسرها عشان تعرف مين هو سامر الحديدي كويس..وتفكر الف مره قبل ما ترفع عينها فيا بعد كده...وصراحه. عشان مكنتش لاقي داخله اكسر بيها نوح وافضحه... مكنش في غير الطريقه دي وادبسه... بس طبعا هايدي ظبطت الفكره...
الشخص....براڤو حقيقي الضربه عجيتني اوي....صحيح ياهايدي... ايه سبب الكره ده.
هايدي... انا مبكرهش نوح ولا بحبه بس اللي يجي على اخويا يتحمل بقى ومش حتت بت بنت موظف ملوش لازمه تعمل كده في اخويا وبما انه مش طايق نوح فقولت افرحه.واصلا العيله دي كلها بتكرهني مكنش في غير جاسر بس والفتره الاخيره دي جاسر اتغير من ساعة ما شاف البت الزباله دي وكل يوم كنت بتأكد اكتر...اصلا جاسر ميفرقش معايا هو بالنسبالي مان مجرد خزنه وطول عمره خاتم في صباعي بس تيجي بت بنت حرام تربية ملاجئ على اخر الزمن تاخد حاجه تخص هايدي الحديدي... تبقى بتحلم....ولما انها حبت تعلب يبقى اهلا بيها في ملعبي..وانا هخلبها تحب اللعب معايا اوي..
ههههههههههههههه..مكنتش اعرف ان قلبتك وحشه كده..
هايدي...مش انا اللي اتساب انا اسيب اه لكن اتساب مش حلوه وعشان مين بت متسواش. ملهاش اصل.
متقلقيش اللي جاي خراب.... عالكل...ده لسه ضربتي اللي هتيجي لليل في مقتل...قريب..انا مش هخليه يلاحق عالضربات اللي جايه..اللي جاي جحيم... هخليه يجي يبوس رجلي ويطلب الرحمه..لما يشوف كل اللي حواليه... واقعين جثث ادامه...
هههههههههه هههههههههه ههههههههههه ههههههههههه😡🙄
..............
جاسر...... انا نزلت للامن... قالو ميعرفوش مين اللي وصل الصور دي هنا..وراجعت الكاميرات... لقيته شاب مشفتوش قبل كده بس واضح انه مندوب. او تبع شركه توصيل راكب.. عربيه... ونمرها مش واضحه للاسف الشمس كانت ضاربه عاللوحه الصوره كانت مشوشه من النور...
ليل....اكيد اللي بعت مش هيبعت...حد معروف
جاسر...ايوه بس لو كنا وصلنا لرقم العربيه وقدرنا نعرف مين اللي بعته كانت هتفرق كتير..
ليل... وهو ماسك راسه....مش هتفرق كتير احنا تقريبا عارفين كل حاجه. مفاضلش غير...اننا نضرب ضربتنا..
ادم...يعني انت عارف ان نوح معملهاش يا ليل...
ليل...انا مش بس عارف انا متأكد...
ملامح الدهشه والاستغراب ظهرت على ادم وجاسر
ادم...باستغراب...ولما انت متأكد انه مش نوح كان لزومه ايه اللي انت عملته ده من الاول...وليه عايزه يتجوزها...
ليل...هقولكم...منكرش اني اتصدت اول ما شوفت الصور فالاول خصوصا ان قبلها بيوم توتر نوح وخناقتي معاه.. كنت حاسه مش طبيعي وكأنه عامل عامله نور مجتش الشركه وتاني يوم مجتش شكيت ان في حاجه.. ولما شوفت الصور اتصدمت...للحظه حسيت انه عملها....
انهيار نور..واللي حصل كان كفيل يعميني بجد..
جاسر...طيب واتأكدت ازاي ان مش هو اللي عملها...
ليل...بابتسامه...شر..وخبث..اصل اللي عملها. وركب الصور غبي اوي.
ادم...ازاي....
ليل... طلع الصور...الصور اللي ادامكم دي اللي عاملها فوتوشوب صايع مفيش كلام... بس اللي خلاه يعمل فوتوشوب غبي....ليه بقي... من كلام نور ونوح... انهم كانو نايمين...بس فالصوره هما مفتحين...الغبي اللي دبر كل ده... ظاهر عين نوح بني... ونوح عينه خضرا..وعين نور... بني... وهي عينها عسلي...ولو هنقول ان الفلاش غير لون عينهم يبقى اقل واجب ان الفلاش يفتح عينهم مش يغمقها او يظهر زي ما بيعمل فالصور ويعمل نور في العين وده مش موجود الصور ظاهره طبيعيه وصافيه ولون العين طالع مفيهوش غلطه...بس دي مش عنيهم..
جاسر....يا ابن اللعيبه...
ادم...تصدق صح. ازاي مخدناش بالنا....
ليل...متقلقش انا خدت بالي عشان عارف الزباله اللي بلعب معاهم كويس...
ادم..طب ليه مصمم انه يتجوزها..
ليل...لكذا سبب...اولهم اللي بعت الصور في الجامعه وبعتها هنا... قاصد فضيحه واكيد الصور مش هتتبعت هنا وفي الجامعه وبس...اكيد هتتسرب للصحافه عشان الفضيحه مش المقصود بيها نور. ولا نوح بعينه... المقصود بيها عيلة السيوفي وليل السيوفي تحديدا...فا لما يحصل كده...الكل لازم يعرف ساعتها مين الوسخ اللي عمل كده...وعشان نور يتردلها حقها... اقل رد... يبرأها ان ده جوزها... وطبعا الصور خير دليل انها مش بتاعتهم...والدليل زي ما قولتلكم العين باينه ...
جاسر...تقصد يعني ان الموضوع انك تبرأهم بس...وبعد كده هيطلقو..
ليل...لا اولا اكيد اقصد اني ابرأهم واكيد عايز نور عينها تترفع...ده شرف ياجاسر...ودي بنت عم محمد ياجاسر اللي وصاني عليها قبل ما يموت... وانا بحفظ عرضه وبصونه...اما بقى موضوع الطلاق... ده مش بتاعي هما حرين...من كلامهم عرفت انهم بيحبو بعض...وعلى فكره...انا عارف من زمان ان نوح بيحب نور...واللي قاللي.. حاج محمد....
الراجل ده...مكنش مجرد موظف بالنسبالي الراجل ده كان في مقام ابويا بجد وكان اللي بيني وبينه اقوي بكتير مكنتش برتاح غير فالكلام معاه وهو كمان كان بيحكيلي كل حاجه...وفاكر....في يوم جه حكالي انه شاف نوح ادام مدرسه نور....
فلاش باااااك.
حاج...محمد...انا عايز اقولك حاجه ياليل.. ياابني
ليل...قول ياراجل ياطيب...
حاج...محمد...نوح...كان عند نور ادام مدرستها لمحته من بعيد بس هو مشافنيش
ليل...نوح...طب ليه...
حاج...محمد...دي تاني مره..مش مره وبس...
اول مره شوفته قولت يمكن جه صدفه كنت هروحله بس ملحقتوش ركب العربيه ومشي...
تاني...مره...شوفته... وروحتله. كان الموضوع بالنسبالي غريب ومحستهاش صدفه...والمرادي لحقته...بس اول ما شافني ارتبك....ومن ارتباكه...مقدرش يخبي...قاللي انه بيحب نور....
ليل بيحب نور؟؟؟!!!!
حاج...محمد...ايوه ياليل يا ابني ومش دي المشكله...
ليل...امال ايه المشكله..
حاج...محمد ان نور كمان شكلها بتحبه.
ليل...ايه...بس دول لسه صغيرين... وبعدين يحبو بعض ازاي هما بيشوفو بعض. انا افتكر انهم بقالهم كتير مشافوش بعض...من وهما لسه صغيرين.
حاج.محمد...ماهو اللي اكتشفته يا ليل يا ابني ان كل واحد فيهم بيحب التاني من غير ما يقول. لانوح عارف ان نور بتحبه ولا نور عارفه ان نوح بيحبها...بص انا عارف. ان بنتي لسه في سن مراهقه وانا من ناحيتي هقدر ابعد نور خالص بتفكيرها عن نوح...ولما نوح قاللي كده قولتله يسيبها عشان دراستها ولما تبقى تخلص نبقى نشوف. كان غرضي والله يا ابني اني ابعده لكن انا عارف طبعا ان العين متعلاش. عن..قاطعه ليل..
ليل...بس بس بس ايه اللي بتقوله ده بس ياراجل ياطيب..احنا نطول اصلا ننول شرف نسبك بس كل الحكايه زي ما بتقول انهم صغيرين مش اكتر وبالاخص نور...
حاج..محمد ربنا يكرمك يا ابني المهم مش عايزك تعرفه عشان ميزعلش مني بس انت عارف انا مبخبيش عنك حاجه انت ابني اللي مخلفتوش ياليل..
ليل...عارف يا راجل ياطيب...عموما اطمن...
........بااااااااك
ليل...بس انا عمري ما قولت لنوح لحد يومنا ده عشان كنت عارف انه شويه وهيش ف غيرها وهي هتكبر وتحب مكنتش اعرف انهم هيفضلو متمسكين ببعض عشان كده بتمنى انهم يكملو ...
جاسر....ان شاء الله كله هيعدي..
ادم...طيب انت هتقول ايه لماما.
جاسر...اه صحيح انا مفكرتش في الحوار ده
ليل...سيبوها عليا...هي لازم تعرف الحقيقه مينفعش تعرف حاجه تانيه خصوصا اني واثق ان ممكن الصور توصلها او تعرف الفتره الجايه..
جاسر...يعني اقول انا كمان..
ليل...طبعا عمي لازم يعرف. وطنط منى كمان ..وخليهم يفضو نفسهم عشان يجو معانا انهرده..
ادم...بلاش عشان نور متبقاش محرجه.
ليل...بالعكس لازم يجو من البدايه عشان نكسر الحته دي من اولها خالص. وتقدر تتعامل نور معاهم. متبقاش حاسه انها مخبيه حاجه...
جاسر...تمام...عموما انا هخلص شويه شغل واطلع عالميتنج بسرعه واروح عالڤيلا اعرفهم واكلمك نتقابل ونروح سوا..
ليل...تمام...
............... خلص اليوم بسرعه
طول اليوم نور حابسه نفسها فالاوضه...مبطلتش عياط...مش عارفه تصدق ان نوح عمل كده او لا لكن كل اللي كان مسيطر عليها. ان هو دمرها...
حاولو البنات يكلموها بس هي كانت رافضه...فا فضلو يسيبوها براحتها....
نوح...مكنش ظهر كل ده من ساعة ما مشي من الشركه.....
...........ليل... روح و حكي كل حاجه لوالدته اللي اتصدمت بس كانت من غير ما ليل يأكدلها من الصور انه مش نوح اللي عمل كده...هي كانت مصدقه ان ابنها لا يمكن يعمل كده...كان صعبان عليها نور والحال اللي وصلتله بعد موت ابوها...والصدمات مش رحماها...ورحبت بفكرة جوازها وارتاح ليل ان محصلش منها اي اعتراض....
اما جاسر...فا عرف والده ووالدته باللي حصل. وكانت الصدمه اثرها عليهم هما كمان متقلش. عن صدمه الجميع.....
وجه الوقت اللي الكل مستعد فيه. انه يروح.....ولسه نوح
مظهرش...
وقرر ليل... يكلمه اخيرا.....
ليل.....الووووووو..
........الووووووو..
تعليقات
إرسال تعليق