 |
البارت (23) بقلم ✍️ سلطان زماني
بابا من كتر ماهو مصدوم واعصابه تعبانه وبعد ما سختته أم
رحمه علي اخوه وعياله
راح القهوة عند عمي وزعق معه وقاله محدش معه نسخه
للمفتاح ولا يعرف اني في حاجه في الشقة غيرك ياحرامي
وسمعه ابنه وفضلو يهدو فيه ويقوله عيب انا اخوك الناس
بتفرج علينا الي بتقوله ده غلط وهتتحاسب عليه
رد علي ابن اخوه راح بابا ضربه بالقلم عمي مستحملش مسك
في بابا والمنطقة كلها اتفرجت عليهم شوية ولقيت بابا جاي
هدومه متبهدله وفي تعويره في وشه والقميص عليه تقط دم
وجايبه ابو ايهاب اول ما شفتهم ام رحمه قالت
ام رحمه ..ايه الي حصل ومين ابن ميتين الكلب العمل فيكي كده
بابا ..اتصلي بسيف يجي قوليله ابوك اضرب واتهان يابني
اخويا بهدلني وفضحني هو وعياله
ابو ايهاب ..متتصليش بحد سيبي الواد في شغله هو الي
فضح نفسه وهو الي غلطان
ام رحمه ..فضح نفسه ازاي
ابو ايهاب ..أنا رحت بعد ما اتصلتي بيا وقولتلي روح شوفه
لقيته بيزعق ويهلل علي القهوة والناس اتلمت
بابا ..هو انتي الي بعتيه
ام رحمه .. اه يا اخويا بعته علشان يبقا جنبك ويشوفلك حل للمصيبه دي .. كمل يا اخويا كمل
ابو ايهاب ..بصراحه ابو عمرو فضل يهديه وزعق لعياله وهو
الي مش مبطل زعيق وشتيمه راح ابنه الكبير قاله لو متأكد
اوي كده روح اعمل محضر في القسم قولهم اني اتسرق منك
حشيش واخوك الي سارقه قام جوزك ضرب الواد ومسكو في
بعض
ام رحمه..وديني ل أعلمه الأدب هو وعياله الرمم بيتكترو
علي الراجل علشان لوحده
واتصلت بسيف وعمه وكلهم ركبو ونزلو وراحو ل عمي وبابا
طلع الي غلطان وصلحوهم علي بعض
ورجعو الكاميرات تاني
واخدو نسخه من الفيديوهات ورجعو علي البيت ورحت
اودلهم الشاي وقعدت سمعه بابا بيقول مين بنت الكلب
المنقبة دي داخلت وطلعت ولا حد حس بيها ولا اكنها متربية
في الشارع وحفظة الشقة بنت الحرام يا مين يعطرني فيها
سيف ..الي عمل كده حد معه المفتاح وعارف عنك كل حاجه
الي عمل كده مش حد غريب ده قريب وقريب اوي كمان
ام رحمه .. أنا قولت عمك او حد من عياله محدش صدقني
ابو مروان ..ياستي متقوميش الدنيا تاني احنا اخوات
ومتربين علي طبلية ابونا وشبعانين عمر اخويا ما يعمل كده
ام رحمه..اه لو اشوفها المنقبه دي كنت اقطع من لحمها نساير
وارمي للكلاب
بابا..بنت الوسخه ضربتني في مقتل أنا بعد العمر ده كله
وحده تعلم عليا وتغفلني
سيف ..خلاص يابابا اهدا متعملش في نفسك كده
بابا... أنا شاكك في الواد علي
سيف ..يابا طول ما انت في الحالة دي مش هتعرف تفكر اهدا
بابا سبهم وهما بيتكلمو وفضل لحد ما دخل اوضته بيكلم نفسه
وسيف وعمي بيشوفو الفيديو ويكبروه فيه ويعملو زووم
اخدت الموبيل من سيف اشوف وخدت بالي اني الكوتش
الابيض في خطين دهبي ظاهر اوي
خدت بعضي من غير
ما حد يحس بيا ورحت للجزامة ودخلت اوضتي فضلت
اقطع فيه بالمقص حتت صغيرة وسبت النعل في الدولاب بتاعي
في تشجيع من نار علشان اكمل
ولا الم عددت📝🖋️✍️ الشغل واروح
 بقلم ✍️ سلطان زماني بابا من كتر ماهو مصدوم واعصابه تعبانه وبعد ما سختته أم رحمه علي اخوه وعياله راح القهوة عند عمي وزعق معه…){kind=link}
تعليقات
إرسال تعليق