 |
دار الايتام
البارت الثالث والثلاثون...
ركب...نوح عربيته. وركبت جمبه نور بخوف...مش خوف منه بس خوف من شكله اللي كان عامل زي المارد...عيون حمرا ملامح جامده عروق بارزة في كل جسمه..
كان سايق بطريقة مخيفه...حست نور ان قلبها هيقف من الخوف..
نور....من فضلك سوق براحه شويه
نوح............
نور....نوح...سوق براحه لو سمحت.
نوح.............
حست...نور ان مفيش فايدة فالكلام فقررت تسكت...وهي مرعوبة..
...........
جاسر...في ايه الواد ده ماله عامل كده ليه....
تمارا...انا قلقانه وخايفه على نور..
ادم...مش عارف حاسس ان في مصيبة..
ليل..مكنش لازم اسيبه يخرج وهو بالمنظر ده ولا اسيبه ياخد نور كان لازم اكون معاه...او عالاقل اعرف في ايه
سهام.....انا من الصبح وقلبي مقبوض واختفاءه وشكله الوقت ده اكدلي ان في كارثه..
زهره....طيب نكلمه او نكلم نور نعرف هما فين ونروحلهم
ادم....مش هيرد نوح اصلا موبايله مقفول ونور متعرفش رايحه فين..معاه...
عشق....متخافوش .اطمنوامفيش حاجه تقلق..
جاسر....كل ده ومفيش حاجة تقلق
عشق....صدقني المشوار اللي نوح واخد نور فيه ...ميقلقش...
ليل....انتي عارفة حاجة نوح حكالك حاجة ..
عشق....لا بس احساسي لا يمكن يخوني ابدا....
تمارا....يبقي
ى ان شاء الله خير.
سهام...يارب..
.......
وصل نوح...اخيرا للمكان المحدد...
نوح...انزلي..
نور...بخوف باين على ملامحها...انت جايبني هنا ليه.
نوح....انزلي مفيش وقت هتعرفي كل حاجة...
نور....بس انا خايفة..
نوح....متخافيش انا معاكي..
نور....بس انا خايفة منك..
بصلها نوح بوجع وغضب...وعصبية😡💔
ونزل من العربيه رزع الباب...وراح ناحيتها فتح الباب...ونزلها بعنف....متخافيش. انا مش هاكلك.اظن بقالك يومين معايا في اوضتي. وملمستكيش واظن لو عملتها محدش يقدر يفتح بوئه معايا ولا نسيتي اني جوزك....يلااااا
ومسكها من ايدها وسحبها وراه وطلع بيها على نفس الشقه...
طلع نوح وهو ماسك نور من ايدها اللي تلجت برعب...
اشفق نوح عليها...وقف ادام الباب. وهو ماسك ايدها.وبصلها...
نوح...نور...سبق والباب. ده كان وراه حاجه بوظت حياتنا. وانهرده.. كمان الباب ده وراه حاجات كتير اوي. بس المرادي مش عايزك تكوني خايفة يمكن تكوني مبتثقيش فيا مبقتيش تطمني وانتي معايا يمكن تكون كرهتيني زي ما بتقولي بس انهرده. بالذات او الوقت تحديدا. عايزك تثقي فيا متخافيش يانور انا مش هأذيكي ماشي..
هزت...نور راسها ودموعها في عنيها...
خبط...نوح عالباب...ثواني واتفتح الباب....وشافت نور. شخص مضروب وفي كدمات في وشه كتير..
بصله نوح بغضب...وراح بنور على الاوضه
وقفت. نور وكأن جسمها اتخشب اول ما شافت باب الاوضه...
مسك. نوح ايدها اوي وبأيده التانية حطها على خدها. متخافيش يانور...
فتح...نوح الباب... واول ما اتفتح نور...اتصدمت 😳😳
نوح....في جديد
عمر...لا لسه ..مساء الخير يا انسه نور..
نور.....برعشه خوف وارتباك...ممساء النور..
عمر.....انتي عارفه انتي موجوده هنا ليه ولا لا..
نور...هزت راسها بلا.
نوح...لا يا عمر انا جبتها وجينا على طول مفيش وقت اني احكي...
عمر....تمام....انا المقدم عمر التونسي... وصاحب نوح انتي في امان متخافيش وطبعا كل الرجاله اللي انتي شيفاها دي معايا في الداخليه... ودول الرجاله بتوع نوح
هنفهمك كل حاجه او هتفهمي كل حاجه الوقت...كل اللي طالبه منك... تأعدي هنا. عالكرسي. ده... هتشوفي وتسمعي بنفسك كلام... يمكن يكون كلام بالنسبالك مهم بس اللي طالبه منك مش عايز اي انفعال وإلا كل اللي بنعمله هيبوظ...والكلام ليك يا نوح طبعا... مهما سمعت من كلام مش عايزك تنفعل ياريت تمسك اعصابك
نوح....متقلقش.. انت نسيت اني انا اللي بلغتك
عمر...لا طبعا بس انت سمعت من طرف لكن الطرف الاساسي او اللي عمل كده لما تسمع منه ممكن تنفعل اكتر او متقدرش تتمالك اعصابك..
نوح...اطمن ياعمر... كله تمام...
عمر...انا كمان عايزك تطمن بمجرد ما يدخل الشخص ده الشقه رجالتنا هتحاوط البيت كله من بره
نوح...تمام. بس زي ما اتفقنا يا عمر... هتحتفظ بكل التسجيلات صوت وصوره معاك. بس مش هتقبض عليه هتسبهولي..
عمر....انا قولتلك تمام وعند وعدي ليك اني مش هقبض عليه هسبهولك بس انت كمان اوعدني انك متأذيهوش عشان لو جراله حاجه انت اللي هتتحط في وش المدفع يعني عشانك مش عشانه وكمان انت عارف ان ده لو اتعرف انا اللي هتأذي ده مخالف للقوانين المفروض المتهم يتسلم يانوح بس انت عشان صاحبي وعشان عارف اللي انت حاسس بيه... هسبهولك علم عليه بس متعملش فيه حاجه لو جراله اي حاجه انت اللي هتروح فيها..
نوح...متقلقش صدقني انا اديتك كلمه
عمر....تمام يانوح
نور....وهي بتبص لنوح بخوف....انا مش فاهمه حاجه..
نوح....هتفهمي كل حاجه الوقت...
عدي...حوالي ربع... ساعه...
ودخل الشخص اللي فتحلهم ...
هو طالع يا باشا...
عمر...تعمل اللي قولتلك عليه بالحرف وإلا انت عارف هيحصل فيك ايه...مفهوم.
حاضر ياباشا..
خرج..وقفل وراه الباب...
عمر.....مش عايز اي نفس الكل يلتزم الهدوء...
الجميع...تمام
ثواني... وخبط الباب🙊🙊🙊🙊🙊
راح فتح الباب.....تعالي ادخل. ياسامر😳🙊🙊
اول ما نور... شافته في الكاميرا...اتصدمت😳
سامر......ايه ده الله يخربيتك مال وشك ياهاني😳😳😳
هاني...خناقه بسيطه مع شوية عيال..
سامر...وشوية عيال يعملو في وشك كده..
هاني....خدوني على خوانه واتكاترو عليا.
سامر...ومكلمتنيش ليه..
هاني...ياعم انا لحقت...انا اول ما حسيت اني قادر كلمتك...
سامر...طب اعد اعد...
هاني....اعد. على الكنبه اااه..
سامر...الله يخربيتك انت شكلك متدمر.
هاني...ياعم ولا متدمر ولا حاجه شويه كدمات وهتروح لحالها..المهم انت عامل ايه...
سامر...الحمد لله بخير...وطلع من جيبه. سجاير ملفوفه🤨🤨
سامر....امسك..
هاني...لا ياعم...انا مش قادر اشرب.
سامر....ياعم خد الحشيش هيخليك تمام امسك بس.
مسك منه هاني السيجاره...وولعها
وولع..سامر... سيجارته...
هاني....مقولتليش صحيح. مفيش اخبار..
سامر...اخبار ايه..
هاني...اقصد اللي اسمه نوح.
سامر...لا مفيش اهو طلع في التلفزيون جعجعلو بكلمتين هو واخوه وفضلو يقولو عارفين مين اللي عملها وهنجيبه...وطلعو قراطيس ولا عارفين حاجه هما كل اللي عايزينه يحسنو صورتهم مش اكتر انما هما عبط ولا عارفين حاجه...
نوح....الدم غلى في عروقه...بصله عمر. هزله دماغه عشان يهدي. وميتعصبش مهما سمع ..
هاني...طب والبت...
سامر...مالها اهي اعده معاهم في الڤيلا.
هاني...هو اتجوزها صحيح.
سامر...مش عارف. هما بيقولو انا بقى مش هامنني كل ده كل اللي هاممني انهم طقشو في بعض.
هاني...انا لحد الوقت مش فاهم دماغك... انت بتكره مين فيهم البت ولا اللي اسمه نوح ده. وبعدين انت ليه عملت كده اصلا
سامر.....فضل يشرب يشرب خلص السيجاره وولع واحده تانيه لحد ما دماغه لفت...وابتدا يتكلم...
سامر...هقولك. ياسيدي... انا عملت كده لكذا سبب..
اولهم...البت انا مبكرهاش ولا حاجه بالعكس... نور كانت عجباني ومن اول ما شوفتها دخلت دماغي بس فضلت وراها اكتر لما عرفت انها تبع نوح..وده بقى انا مش بطيقه لله في لله كده فاحبيت اضايقه..بس نور..بقى لعبت في عداد عمرها...لما مدت ايدها عليا ادام الجامعة ..
بص نوح لنور بغضب عشان هي مكنتش حكيتله واللي قالته عشق. بعد ما حصل كده..
سامر...بس. فاحبيت اعلم عليها بطريقة اوسخ من اللي عملته يعني من الاخر ردتلها القلم اتنين..
هاني...طب وايه دخل نوح..
سامر...ماانا حسيت ان هي ونوح في بينهم حاجه يعني نظراتهم كانت باينه. فاحبيت اعلم عليهم اكتر واوقعهم في بعض... واوهم نور ان نوح اللي عمل فيها كده
منها بقى هي تدمر بدل المره اتنين مره من اللي حصلها ومره ان اللي حصلها ده من حبيب القلب...
هاني...انت طلعت شيطان. جبتها منين الفكرة دي..
سامر...لا ما هو دي مش فكرتي بصراحه... دي فكرت اختي هايدي...
هاني....طب ليه انا اللي اعرفه ان هايدي اختك مخطوبه لجاسر ابن عمه يعني كده ممكن يحصلها مشاكل..
سامر...لا هايدي اصلا مش طايقه جاسر ولا عيلته ولما شافتني شايط من نور بعد اللي عملته في الجامعه...خدمتني وجبتهولي على طبق من فضه... اعلم عليها واكسرها واعلم عليه. واكسره وبالمره اخليهم مش طايقين يبصو في وش بعض...
نور...كانت سامعه كل كلمه. ودموعها نازله زي الشلالات...
سامر.....وطبعا بنخدم معانا بالمره حد ليه خدمه عندنا....
هاني...مين ده..
سامر...مش مهم مين.
هاني...طب وبتخدموه ازاي يعني..
سامر....اصل اليومين دول... شركة السيوفي فيها نقله جامدة صفقات بتتم. وشغل بيكبر. واسم بيكبر... فالشخص ده مش عايز كده...او بمعنى اصح عايز يوقعهم
يوقع شغلهم واسهمهم. يوقعهم في بعض. من الاخر عايز يدمرهم. يعني توصيه جامدة..وهايدي حبت تخدم والضرب كان في سمعتهم اليومين اللي فاتو كان عال اوي...
هاني....بس في حاجه انا مش فاهمها يا سامر..
سامر....انت رغيت كتير وشكلك كده هتفصلني من الدماغ اللي عملتها
هاني..ياعم اخر سؤال وادينا اهو اعدين نتكلم مع بعض....مين البت اللي خدت نور دي ...
سامر...اشمعنى...انت بتحقق معايا ياض ولا ايه..
هاني...ياعم لا بحقق ولا بتنيل...بس البت جامدة وعجباني.
سامر...لا متحاولش انت متعجبهاش ...دي صاحبة هايدي..
هاني....بس جامدة.
سامر...يعني...بس اقولك انا بقى على حاجة هتعجبك.وانت متعرفهاش...مفاجأه يعني
هاني....قول
سامر...احنا عارفين ان مش نوح اللي لمس نور صح..
هاني....انت اللي عملتها...ولبستهاله...
سامر.....هو صحيح معملهاش ولبسها...بس انا كمان معملتهاش...
هاني....نعم..انا مش ساعدتك لما صاحبة هايدي جت. وطلعنا البت بسرعه...وبعدها سبتك ونزلت عشان تخلص قبل ما نوح يشرف...
سامر...حصل بس ملمستهاش....
هاني.....نعممم. امال مين..😳
نور...ونوح....وقفو. 😳😳😳😳😳😳😳
سامر.....محدش لمسها...
هاني...ازاي..
سامر...زي الناس..مجتش جمبها ولا حد جه جنبها. نور زي ما هي بنت..
هاني...لا معلش براحه وواحده وواحده عليا...
سامر...لما روحت لهايدي حكتلها عاللي حصل قالتلي عاللي هعمله بس قالتلي بشرط متلمسهاش...
هاني....اعذرني يا عني ياصاحبي واختك من امته وضميرها صاحي.
سامر ..لا مش حكايه ضمير. انا اختي ضميرها معدوم🤣🤣🤣🤣بس كل الحكايه خافت ان الحوار مع الوقت يتهرش فبالطريقه دي نكون في الامان... وقالتلي انت اللي ليك تكسرها وتعلم على نوح وانا اللي ليا انا والطرف التاني ان سمعتهم تبوظ وفعلا عملت كده..
هاني...امال الدم اللي كان عالسرير ده ايه...
سامر....ده لون يا مغفل..🤣🤣
هاني...انت بتتكلم جد ولا بتصيع عليا.
سامر...والله بتكلم جد...
هاني...يعني البت كل ده فاكره انها مغتصبة
سامر...اهو الوجع اللي هي حاسه بيه ده لوحده مكفيني وردلي جزء من كرامتي اللي بعترتها ادام الجامعة واديني اهو مبسوط وانا متشفي فيها....حتى لو الجامعة نزلتلها اعتذار وحتى لو محدش هيقدر يجي جمبها بس كفاية ان حياتها واقفه وكفاية اني دمرت علاقتها هي وسي نوح...
هاني.....الله يخربيت معرفتك انت ايه يا اخي شيطان انت واختك...
سامر...من بعض ما عندكم. ....انا مش عارف انت واخوك حاتم ازاي اخوات..
نور.....حاتم..
هاني....ما لولا اني اخو حاتم مكنتش عرفت نور
سامر....ده لو اخوك عرف هيروقك اللي عرفته انه صاحب نور من يوم ما دخلت الجامعة.
هاني...لا ميعرفش ومش هيعرف...
سامر....طب بقول ايه انت شكلك بقيت كويس هطير انا بقى عشان خلاص حاسس اني خربان ومش شايف ادامي....
اتفتح...الباب... في اللحظه دي....
عمر....على فين يا سامر... لسه بدري السهره لسه مطوله.
سامر...وقف. بذعر😳😳😳😳😳😳
في اللحظه... دي خرج نوح من الاوضه ووراه نور...لكن نوح مداش لاي حد فرصه وانقض على سامر... قتله. ومكنش حد عارف يرحمه من تحت ايده...
نوح....هقتلك يا ابن الكلب يازباله وديني يا سامر لا هندمك انت واختك والكلب اللي وراكو ..
رجالة نوح البودي جارد بتوعه. قربو من نوح ومسكوه بالعافيه. ورجالة عمر... مسكو سامر بعيد عنه. مكنش قادر يقف على رجله...قربت منه نور....وهي دموعها مش بتقف..كأنها حنفية مايه رافضه تقف..
نور...ليه انا عملتلك ايه اذيتك في ايه عشان تدمرلي حياتي عملتلك ايه عشان تموتني بالحيا..انت عارف انت عملت فيا ايه...عارف انا فكرت في الانتحار كام مره.. كل ده ليه عشان موافقتش اركب معاك. عشان رفضتك كرامتك وجعتك لما ضربتك بالقلم عشان سمعتني كلام قذر زيك تقوم تنتقم مني بالمنظر ده. انت لو شيطان انت واختك مكنتوش عملتوا كده...اد كده الناس عندكم رخيصه لا يعملو اللي على مزاجكم لاما تدمروهم ...وفي اللحظه دي انهارت نور... وفضلت تضربه بالاقلام على وشه وهي بتصرخ.. حرااام عليك حرام عليك دمرتني فضحتني من غير ما اعمل اي حاجه سودت حياتي ليييييه
مسكها..عمر يبعدها وبعدو سامر عنها..
قرب منها نوح...مسكها من ايدها وبدون اي مقدمات اترمت نور في حضنه وهي منهاره....فضل نوح حاضنها وماسك راسها بايدها مقربها لصدره وهي بتعيط بانهيار ...
عمر....انا هاخد الكلب ده...وسامر هيفضل معاك.
نوح...هزله راسه..
مسك الرجاله بتاعة عمر هاني...
هاني...ايه ده... لا با باشا احنا متفقناش على كده. نوح باشا انت وعدتني انك مش هتسلمني...
عمر.. اخرس يازباله... انت تهمتك متقلش عن تهمته... ياريتك مكنتش عارف حاجه انما انت كنت عارف هو جايبها ليه ونزلت وسبتله الشقه حتى محاولتش تمنعه..
هاني...انا مليش دعوة انا مليش دعوى.
عمر...خدوه عالبوكس...
هاني...لا يا باشا اسمعني طيب... نوح باشا ارجوك انا عملتلك اللي انت عايزة...
واختفي صوت هاني. ونزلو بيه....
نوح... خدو الكلب ده. ودوه على المكان اللي قولتلكم عليه....خدو منه الموبايل واقفلوه مش عايز كلب يعرف يوصله..
البودي جارد ..تحت امرك يا نوح باشا...
شالوه البودي وهو مستسلم ومش قادر يتكلم او حتى يقف الضرب مع الشرب اللي شربه فقدوه توازنه. وكأنه بقى في دنيا تانيه.....
نوح....لسه واقف ونور في حضنه... هديت كتير عن الاول...
نوح...مش عارف اشكرك ازاي ياعمر.
عمر...متقولش كده يا نوح.. انا عيني ليك. انت عارف انك غاللي عندي...وبعد ما يتسلم هو واللي معاه هعملك معاهم الصح متقلقش هخليهملك عبره .
نوح...تسلم يا عمر..
عمر...حمدالله على سلامتك يا انسه نور..وربنا يطمنك عليها يانوح.
نوح...شكرا. ياعمر..
عمر...هستأذنكم انا..
نوح...اتفضل..
نزل عمر.... وفضل نوح يتنفس بسرعه بيحاول ينظم نفسه مش قادر مبسوط بوجودها في حضنه بس موجوع منها انها صدقت انه يعمل فيها كده...
خرجها... نوح من حضنه....وخدها في ايده. وخرج بيها وهي ساكته..
راح.. على شقة الحاجة فاطمة وخبط...
فتحت...بسرعه...
الحاجة...فاطمة.. ايه يانوح يا ابني كله تمام انا شيفاهم من البلكونه خدوهم...
قرب منها نوح...ومسك ايدها باسها وباسها من دماغها..
نوح....انا مش عارف اقولك ايه بجد...مهما قولتلك انتي عملتي معايا ايه صدقيني هبقى مقصر في حقك.. انتي رجعتي فيا الروح انهرده. مش بس عشان مسكنا اللي عمل كده وعرفناه... عشان خلتيني اثبت للكل اني معملتش كده خلتيني اعرف اجيب حق نور. خلتيني آٱكدلها اني مش شيطان. زي ما هي كانت شيفاني...والاحسن من كل ده ان لولاكي مكناش عرفنا ان نور زي ما هي سليمه محدش لمسها. ودي كانت لعبه.
الحاجة فاطمة...بحب. وبابتسامه كلها طيبه...انا معملتش حاجة يا ابني لده كله انت تستاهل اكتر من كده متتخيلش انا مبسوطه ازاي. عشان شايفة الفرحة في عنيك وشكلك مبسوط اكتر من الاول بكتير ومش قادرة اقولك عن سعادتي انها بخير. ومحدش قربلها...
مبروك يا بنتي ..
نوح...بص لنور....دي الحاجة فاطمة يا نور... هي اللي ساعدتني ووقفت جمبي والوحيدة اللي تقريبا كانت مصدقاني بالرغم انها متعرفنيش. وهي اللي بلغتني ان هاني جه الشقة
بصتلها نور...وهي دموعها مش بتقف...شكرا لحضرتك.
حاجه...فاطمة على ايه يابنتي.. افرحي واتبسطي وامسحي دموعك دي خلاص كل حاجة وحشه خلصت...وخلي بالك منه ده بيحبك اكتر من نفسه وصعب تلاقي شاب من شباب اليومين دول بيحب كده....
نوح....هنستأذن احنا بقى يا حاجه فاطمة بس هجيلك تاني
الحاجة فاطمة...طيب ادخلو شوية معقول تفضلو عالباب كده.
نوح... معلش يا امي انا تعبان محتاج ارتاح شويه وعشان في البيت قلقانين وحقهم يعرفوا ويطمنوا..
الحاجة فاطمة... طبعا يا ابني ربنا يطمن قلبكم وقلبهم...هستناك يانوح اوعى متسألش عليا.
نوح...بابتسامه قرب منها باس راسها. مقدرش يا امي هجيلك وكل ما اكون فاضي لازم اجي اشوفك..ورقمي معاكي اي وقت تحتاجي حاجة كلميني حتى لو محتاجه تتكلمي بردو كلميني.
حاجة فاطمة... طبعا يا نوح انت بقت غلاوتك من غلاوة ابني...
نوح... اشوفك على خير يا امي..
حاجة وفاطمة... مع السلامه يا ابني خد بالك منها...
نوح...حاضر... سلام.
حاجة فاطة... سلام..
نزل نوح ونور وراه... ركبو العربية...وطلع نوح...
وطول الطريق... ساكت ويخلص سيجاره يفتح التانيه...
نور...بتحاول تقول اي حاجه لكن مش عارفه الكلام هربان منها...فرحانه ومبسوطة وطايرة من السعادة انها طلعت بنت وعرفو مين اللي عمل كده... وان نوح معملش فيها حاجه وانه كان مظلوم زيها بالظبط. لكن فرحتها مكنتش كامله لان في حاجه بينها وبين نوح اتكسرت جت عليه كتير ظلمته كانت بتعامله بطريقه وحشه... مكنتش عايزة تسمعه ولا اديته فرصة يدافع عن نفسه ويجيب حقها وحقه وهما مع بعض...الكل كان جاي عليه في الاول بالرغم انهم صدقوه في الاخر بس هي وليل...جم عليه اكتر...
نور......نوح..
نوح...بجمود وهو باصص على الطريق.ايوة.
نور...بدموع. انا اسفه.
نوح...ابتسم بسخريه وهو باصص للطريق...وسكت ثواني...وفري اسفك يا نور...مبقاش في منه فايدة.. وانا معملتش كل ده عشان اسمع منك اسف ولا عملت ده عشان اثبت اني مظلوم انا واثق من نفسي كويس ومش محتاج تبرير بس عملت كده عشان اثبت ليكم انتو عشان اجبلك حقك لانك متجوزه راجل مش عيل. يعني باختصار مش محتاج اصلا منك كلمه اسف...متهمنيش في حاجة...
نزلت دموع نور بوجع هو معاه حق في كل حاجه...
ساق نوح العربيه. لحد ما وصل الڤيلا. واول ما وصل سمع الكل فرملة جامدة...دخل نوح من باب الڤيلا... قام الكل وقف.. بقلق....
نزل نوح من العربيه. ونزلت نور.... مشي نوح بخطوات ثابتة وملامح جامدة...مشيت نور وراه.ملامحها تخوف اي حد يشوفها. من كتر الدموع اللي حمرت عنيها. وملامح الحزن اللي على وشها.
سهام...نوح...ابني كنت فين طمني
مسك...نوح. نور... في ايده. ....اطمني يا امي متقلقيش ابدا...
اتفضل. ياليل...
ليل...باصصله بغضب..وعايز يعرف في ايه...
نوح..قرب منه نور...اتفضل نور امانتك ووصية عم محمد ليك...
ليل...في ايه يانوح ماتتكلم..
نوح...ابدا مفيش... الكلب اللي عمل كده معايا. نور سمعت بودنها كل حرف يأكد اني مجتش جمبها ولا لمستها...
جاسر...قول ايه اللي حصل يا نوح طيب فهمنا...
نوح....تمام حقكم ..
فلاش باك....
الساعه... 10الصبح....رن موبايل نوح. وهو نايم. قام وهو بيفتح عينه بصعوبه وجسمه مكسر من نومته. لكن ثواني وكان قام اول ما شاف المتصل ...
نوح....الووووو
حاجة فاطمة...ايوه يانوح يا ابني..انا حاجة فاطمة.
نوح...خير يا امي في ايه..
حاجة فاطمة....عيزاك تيجي بسرعه يا ابني...شقة هاني فيها صوت ودخلت المطبخ بصيت لقيت النور بتاعه منور...وشكله لسه واصل ومعرفش هينزل على طول ولا اعد.
نوح...ثواني وهكون عندك. بس معلش خليكي قريبة من الباب لو حسيتي انه هيخرج حاولي تعطليه باي طريقة.
حاجة...فاطمة.. حاضر عيني بس انت متتأخرش..
نوح...طيب طيب سلام...
لبس نوح بسرعه. ونزل خد عربيته وطار..على هناك...ورجالته كانت وراه..
بعد مده بسيطه وصل... وقبل ما يطلع كلمها..
نوح...الوووو. ايوه يا حاجة فاطمة نزل
حاجة فاطمة...لا يا ابني النور لسه فالشقة
نوح...طيب تمام. اخرجي عالسلم... خبطي وانا هقف على جنب بعد ما يفتح ادخلي على شقتك..
حاجة فاطمة...حاضر يا ابني...
خرجت حاجة فاطمة..خبطت ونوح وقف على جنب هو ورجالته....
هاني....مين..
حاجة فاطمة ... انا..
فتح هاني....ايوه. وقبل ما يتكلم... كان خد لكمه قويه من نوح نطرته جوه الشقه عالارض...دخل نوح هو ورجالته. ومشيت الحاجة فاطمة على شقتها...
نوح....قتل هاني. خلاه مش قادر يقف...
انت مين يالا...
هاني. وهو بيكح. جامد...سبني سبني انا مليش دعوة..
نوح...ملكش دعوة تعرفني منين يا وسخ يا زباله عشان تعمل اللي عملته تعرف نور منين عشان تسمح لنفسك انك تلمسها..
هاني...بتعب انا ملمستهاش والله ما لمستها انا مليش دعوة بكل ده..
نوح...طب انطق باللي عندك وإلا قسما بالله هتعبتر نفسك ميت ..وسحب نوح مسدسه وشد الزناد ووجهه في منتصف راس هاني..
هاني...هتكلم هتكلم بس نزل المسدس..
نوح...بصوت يرعب...انطققققق..
هاني...سامر سامر اللي عمل كل ده مش انا والله ما انا سامر اخو هايدي خطيبة جاسر ابن عمك هو اللي عمل كل ده ....
نوح....سامر...
هاني.. اه والله هو
نوح...عمل كده ليه..
هاني...معرفش معرفش...بس كل اللي اعرفه ان مش انت اللي عملت كده انت ملكش دعوة هو بس وقعكم في بعض...
نوح...تمام....ومسك نوح موبايله. اتصل بعمر صاحبه اللي كان حاكيله من الاول....
عمر.الوو. ايوه يانوح عامل ابه
نوح...عمر انا عايزك حالا في العنوان ده..........
عمر...مسكت اللي عمل كده...
نوح...تقريبا لما تيجي هتعرف...
عمر...تمام حالا...
هاني...بلاش البوليس....انا مليش دعوة انا هعملك اللي انت عايزه بس متسلمنيش.
نوح...يبقى زي الشاطر تعمل اللي هقولك عليه...
هاني...ماشي ماشي..
نوح...هتكلم سامر ... وتقوله يجيلك عشان انت اتخانقت ومتعور خليه يجيلك وديني لو بان على صوتك حاجة لهدفنك مكانك.....
هاني....حاضر حاضر...وطلع الموبايل.
نوح...استنى انت هتعمل ايه. مش الوقت...
ومر...حوالي ساعه... وصل. عمر...ومعاه رجالته...
حكاله نوح على كل حاجه ..
عمر...احنا كده محتاجين نسجله
نوح...تمام شوف محتاج ابه..
عمر....انا هنزل مع الرجاله اجيب حاجه تنفعنا في التسجيل صوت وصوره. وهنركب كل حاجه ونظبط الاوضه وبعدها يتصل بيه...
نوح...تمام... بس نور لازم تيجي وتسمع بنفسها..
عمر...تمام هنجهز الحاجة وتروح تجبها. وهو يتصل بيه ويجيبه....
نوح...تمام...نزل عمر مع رجالته..
فضل نوح رايح جاي وهاني اعد عالارض...خايف منه. باصصله برعب...
عدى وقت حوالي ساعه ونص رجع عمر وابتدو رجالته يركبو كل حاجة...
عمر...كده خلصنا كل حاجة روح جبها بسرعه. واول ما تنزل هخليه يكلمه....عشان يجيبه..
نوح...تمام....وكملهم نوح باقي اللي حصل لحد ما رجعو الوقت
بااااااااك...
نوح......دي كل الحكايه...
سهام..بفرحه هي والبنات.يعني نور...زي ما هي يانوح..
نوح...محدش لمسها يا امي... كانت لعبه...
خدوها البنات في حضنهم فضلت تعيط.
سهام...الحمد لله يارب الحمد لله اللهم لك الحمد
جاسر...يا ولاد الكلب يعني عملو كل ده وبوظو حياتنا اليومين اللي فاتو دول..عشان ينتقمو...كنت عارف ان هايدي زباله بس عمري ما كنت اعرف انها زباله اوي كده....
زهره....انا مش قادرة اتخيل ان في حد في كمية السواد والشر ده..
ادم...لا في للاسف وفي اسوء من كده بكتير...
سهام...مبروك يا نور...وخدتها في حضنها...
كل ده تحت نظرات نوح..اللي ساكت وبيبص عليهم..
ليل...مبروك يا نور. وصدقيني حقك هيرجع منهم وكل وقت عدي وانتي حزينه وانتي بتعيطي هيدفعو تمنه...
وبص...لنوح... متزعلش مني يا نوح...
نوح.... بطلت ازعل من اي حد يا ليل... عموما نور كويسه....
الحمد لله...
ومن اللحظه دي اعتبر اللي قولته هيتنفذ انا مش معاك في الشركة ياليل... ومهما زعلت منك هتفضل اخويا ..
وانتي يانور... انا عندي استعداد اسيبك حالا بس للاسف بردو مش هتبقى حلوه في حقك.. انا هعمل اللي ليل قال عليه... هنحدد معاد لفرحنا وبعدها بكام شهر هسيبك يانور..الاول كنت بقولك استحمليني واعتبريني ضيف مؤقت. الوقت هقولها لنفسي.. يانور... هستحمل مش عشانك عشان عم محمد..بس من اللحظه دي انتي بره حياتي يانور....معنديش استعداد اكمل مع واحده مبتثقش فيا حتى لو واحد فالميه...
نور....بدموع...نوح. من فضلك اسمعني...
نوح...اترجيتك كتير تسمعيني يانور...ومدتنيش فرصه..
ادم...نوح. الامور مبتتاخدش كده
جاسر...اهدى يانوح من فضلك...
نوح...انا هادي جدا...
ليل....نوح.
نوح....وفر اي حاجه محتاج تقولها ياليل من فضلك لاني مش هسمع محتاج اردلكم جزء بسيط من اللي عملتوه معايا اقرب حد ليا كان ناقص ابوس ايده عشان يسمعني...ومسمعتونيش..
عشق....نوح...ممكن طيب تأعد وتهدى
نوح...بابتسامه...صدقيني يا عشق... انا هادي جدا ومفيش اي حاجة يمكن اكون اهدى من اي وقت قبل كده...
بعد اذنكم....
ليل...نووووح
ركب...نوح عربيته وخرج.من الڤيلا. كلها....
دار الايتام
البارت الرابع والثلاثون...
ليل....متزعلش مني يا نوح...
نوح.... بطلت ازعل من اي حد يا ليل... عموما نور كويسه....
الحمد لله...
ومن اللحظه دي اعتبر اللي قولته هيتنفذ. انا مش معاك في الشركة ياليل... ومهما زعلت منك هتفضل اخويا ..
وانتي يانور... انا عندي استعداد اسيبك حالا بس للاسف بردو مش هتبقى حلوه في حقك.. انا هعمل اللي ليل قال عليه... هنحدد معاد لفرحنا وبعدها بكام شهر هسيبك يانور..الاول كنت بقولك استحمليني واعتبريني ضيف مؤقت. الوقت هقولها لنفسي.. يانور... هستحمل مش عشانك عشان عم محمد..بس من اللحظه دي انتي بره حياتي يانور....معنديش استعداد اكمل مع واحده مبتثقش فيا حتى لو واحد فالميه...
نور....بدموع...نوح. من فضلك اسمعني...
نوح...اترجيتك كتير تسمعيني يانور...ومدتنيش فرصه..
ادم...نوح. الامور مبتتاخدش كده
جاسر...اهدى يانوح من فضلك...
نوح...انا هادي جدا...
ليل....نوح.
نوح....وفر اي حاجة محتاج تقولها ياليل من فضلك لاني مش هسمع محتاج اردلكم جزء بسيط من اللي عملتوه معايا اقرب حد ليا كان ناقص ابوس ايده عشان يسمعني...ومسمعتونيش..
عشق....نوح...ممكن طيب تأعد وتهدى
نوح...بابتسامه...صدقيني يا عشق... انا هادي جدا ومفيش اي حاجه. يمكن اكون اهدى من اي وقت قبل كده...
بعد اذنكم....
ليل...نووووح
ركب...نوح عربيته وخرج.من الڤيلا. كلها
انهارت نور في حضن عشق..
عشق...اهدي يانور. كل حاجة هترجع زي الاول..
نور...بدموع خلاص يا عشق كل حاجة راحت..
سهام...مفيش حاجة راحت ياحبيبتي نوح مفيش اطيب من قلبه يمكن يكون واخد على خاطره عشان حس اننا كلنا جينا عليه. وخصوصا انتي وليل...
نور...كان المفروض اعمل ايه المفروض هو يعذرني ويعرف اللي انا كنت فيه مكنش بمزاجي...
سهام...عارفه ياحبيبتي بس نوح اتجرح متخيله واحد الكل بيبصله بنظره انك انت عملت كده حاسس انه متهم بحاجة معملهاش ومش اي حاجة يانور...
ليل......متقلقيش يانور... كل حاجة هترجع زي الاول الموضوع محتاج شوية وقت.
تمارا....نور.حبيبتي المهم اننا اطمنا عليكي..الوقت والمفروض تكوني مبسوطه..وصدقيني كام يوم كده ونوح هيرجع زي الاول...
نور...وهي بتمسح دموعها...معلش انا ممكن اطلع محتاجة ارتاح..
سهام...معقول تطلعي وتسيبي اخواتك...دول لسه لحد الوقت متغدوش. مرضيوش ياكلو غير لما ترجعو ويطمنو عليكي
نور...معلش يا طنط. انا حقيقي تعبانه اوي...محتاجة ارتاح هما مش هيزعلو..
عشق...اطلعي يانور احنا كمان لازم نمشي...
نور...طيب خلاص هاعد
عشق...لا حبيبتي احنا حقيقي لازم نمشي عشان الوقت ميتأخرش.. وبعدين...عشان الشغل بكره...
سهام...لا طبعا مش هيحصل لازم ناكل مع بعض..
عشق...معلش يا
سهام...قاطعتها..مفيش معلش ماتقول حاجة ياليل...
ليل....يلا يا امي بلغي الشغالين يحضرو الاكل..
سكتت عشق وبعدت عينها عن ليل اللي مبعدش عينه من عليها ولا ثانية وده كان موترها جدااا..
سهام...طيب ثواني وكل حاجة نكون جاهزة.
دخلت سهام...
واعدو كلهم كانو ساكتين نور كانت سرحانه وكأنها مش معاهم...
حتى عشق كانت سرحانه وحزينه...
جاسر...هتسافر امته ياليل..
ليل...اخر الاسبوع الخميس
جاسر...وهتأعد اد ايه... المفروض حوالي عشر ايام اسبوع بس ممكن احاول اضغط الشغل في وقت اقل عشان امتحانات عشق..
بصتله عشق وهي ساكته...
ادم...طيب وامتحانات عشق مالها..
ليل...وهو بيبصله بغضب بيحاول يداريه...عشان عشق مسافرة معايا...
ادم...حب يستفزه...ايه ده ليه....هتاخدها معاك..
ليل...بسخريه عشان افسحها.....عشان الشغل اكيد يعني..
ادم...ايوه بس عشق المفروض الفتره دي كانت هتاخد اجازه هي والبنات يعني المفروض كانو اخرهم الاسبوع الجاي...انت لسه هتاخدها الاسبوع الجاي معاك...
ليل....عشق هتاخد اي ورق وملازم محتاجاهم وهتذاكر هناك...
ادم...هتذاكر هناك اللي هو ازاي يعني هي رايحه معاك عشان شغل ولا عشان تذاكر .
ليل...الاتنين. وبعدين انت ايه اللي مضايقك. هي عشق بتشتغل مع جنابك وانا معرفش. وهعطل شغل سيادتك.
ادم...ياعم براحه شويه انا قلبي عليها. مش عايزها تتشتت....ولا ايه ياعشق.😉
ليل...خليك في حالك ياحنين.
ادم...ضحك وهز راسه يمين وشمال. ماشي يا عم ليل..
جاسر.. على فكره ادم بيتكلم صح...
ليل....طيب متخليك في حالك انت كمان.
تمارا....فضلت تضحك
جاسر...🤨🤨انتي بتضحكي على ايه..
تمارا...اصل بصراحه من غير زعل شكلكم وحش اوي
ليل....اوي اوي. يعني..
تمارا...فضلت تضحك.
جاسر...والله عجبتك ماشي طب وحيات امي لا هتفضلي تشتغلي لحد اخر يوم قبل امتحانك...
ادم...اهو جبتيه لنفسك عشان تضحكي علينا اوي...
زهره... طيب وبالنسبه ليا انا...
ادم...والله انا مستغناش.
زهره...ابتسمت..
ادم...بصي الفترة الجايه هتبقى صعبه عليا جدا نوح هيعند انا عارف ومش هينزل الشغل...انتي ونور عندكم امتحان... يعني الحمل كله هيكون عليا...
نور...انا هنزل من بكره يا ادم..
ليل...مش هينفع يا نور
نور...ليه..
ليل...انا معنديش اي مانع بس بلاش عشان الموضوع مش محتاج عند منك انتي ونوح...لو هو موافق انزلي بس مينفعش تلغيه يانور او تعملي حاجة غصب عنه خصوصا الفترة دي.
ادم...ليل عنده حق يا نور... عادي قوليله لو معترضش انزلي بس بردو انا شايف الافضل تخليكي عشان تقدري تذاكري الفترة اللي فاتت تقريبا محدش فيكم كان بيذاكر ولا يفتح كتاب..
زهره... خلاص انا هنزل. الشغل عادي مش هينفع تكون لوحدك والشغل كله عليك..
ادم...لا طبعا مش هتنزلي وعموما انا بهزر اكيد يعني الموضوع مش هيبقى صعب.
زهره...بردو هنزل معاك ولو على مذاكرتي متقلقش انا هعرف اظبط نفسي ..
ادم...الكلام منتهي يازهره.
زهره...ايوه بس انا عايزة انزل...
ادم...هنتكلم بعدين في الموضوع ده وبعدين لسه اسبوع..
جاسر....مالك يا عشق ساكته ليه...
عشق...بابتسامه بسيطه ابدا يا جاسر بسمعكم...
سهام....يلا الاكل جهز ..
قام ليل.. وقف يلا اتفضلو...
دخلو كلهم اعدو على السفره..
سهام...يلا كلو هتفضلو تبصو للاكل كده مش هتلاقو اي حاجه تاكلوها...
ضحكو البنات... وابتدو كلهم في الاكل اعدت سهام جمب نور... عشان تضمن انها تاكل
جاسر.. وتمارا مش مبطلين كلام وضحك.. وادم وزهره معاهم ونظراتهم مش بتبعد عن بعض...
ليل ملتزم الصمت.. ومراقب كل تصرفات عشق..
عشق... سرحانه وباصه في طبقها مش بتاكل..
رن موبايل ليل...بص عالمتصل. قفل الصوت ومردش...كانت ريما..
رجعت اتصلت تاني... قفل الصوت ومردش..
ومع كل مره تتصل ليل يبص لعشق... يلاقيها باعده عينها عنه...ومش باصه عليه...
اتصلت للمره التالته...
سهام.... ماترد ياليل مين بيكلم...
مسك... ليل موبايله... بص عليه.... وبكل ثقه وجبروت... فتح الخط. وابتسم. ايوه يا ريما....وبصلهم بعد اذنكم..
عشق...بصت عليه بطرف عينها بوجع..
سهام...😳😡
جاسر...وادم🙄
سهام.....وهي باصه لجاسر وادم...اللي بيحصل ده توقفوه فورا. انتو فاهمين وإلا قسما بالله ليل لو فضل كده وعمل اللي في دماغه هسيب البيت كله وهمشي ومحدش هيعرف مكاني...
جاسر... نهدا كده ونصلي عالنبي وكل حاجة هتبقى تمام...
سهام...تبقي تمام ازاي انت مش شايف عامل ازاي...ولا شايف حاله اتبدل ازاي انا مش مطمنه يا جاسر..
جاسر... انا مأعدتش معاه ولا اتكلمنا لوحدنا من ساعة امبارح هأعد معاه واجيب اخره متقلقيش.
سهام... تجيب اخره في ايه يا جاسر... ريما ظهرت من تاني انت فاهم يعني ايه... انا عمري ما تخيلت ان ليل يكون كده عارفه انه جامد وقوي وكله الا كرامته بس اللي انا شيفاه ده واحد تاني مش ابني يا جاسر...
جاسر... اطمني والله العظيم هتعدي يمكن هو متفاجئ مش اكتر..
سهام... مينفعش يا جاسر.. صدقني مينفعش. انا شيفاها كمان رجعت تكلمه.. وهو بيرد عادي انت مش شايف اتبسط ازاي لما شاف رقمها.. وبعدين عادي قال اسمها وكأنه مش هامه...
جاسر... هأعد معاه وهعرف ايه الحكايه وهتكلم معاه متقلقيش...المهم عايزك تتجاهليه خالص وبلاش تسأليه ولا تحتكي بيه لحد ما نأعد معاه.. وغيري الموضوع بقى عشان جاي...
رجع ليل... اعد. مسك معلقته يكمل اكل ولا كأن في حاجه حصلت ولا حتى اهتم لكلامهم اللي قطعوه فجأه اول ما شافوه راجع...
عشق.... سابت المعلقه...الحمد لله ميرسي يا طنط...
سهام.... انتي مأكلتيش حاجه خالص ياعشق..
عشق...شبعت والله
سهام...شبعتي ايه انتي طبقك زي ما هو يا بنتي.
عشق... معلش يا طنط بس معدتي تعباني شويه وبطني وجعاني مش قادرة والله.
سهام...الاكل مش عاجبك..
عشق...لا لا خالص الاكل جميل ماشاء الله بس والله مش قادرة..
انا هخرج بره في الهوا شويه .
سهام...طبعا حبيبتي اتفضلي...
خرجت عشق. تحت انظار الجميع على اد ما عشق كانت بتحاول تبان طبيعية.. لكن الكل كان حاسس بتغيرها..
خرجت عشق... اعدت على تربيزه ادام البيسين... وفضلت تاخد نفسها كانت حاسه انها بتتخنق...وبتحاول تخلي دموعها متنزلش بأي طريقة.
بعد فترة بسيطه خلص الجميع اكل وقامو ...
خرجو بره...
ادم.... بصوت مسموع على فكره انا زعلان يا عشق..
بصت عشق على صوت ادم...ليه بس
ادم...عشان مكلتيش حاجه...
سهام...ايوه وانا كمان زعلانه...
ابتسمت عشق... مقدرش على زعلكم بس والله حقيقي مش قادرة
سهام... خلاص ليكي عندي عزومه تانيه ووريني بقى مش هتاكلي ازاي..
عشق... لا المرة الجاية تعالي عندنا بقى وانا هعملك الاكل بأيدي...
سهام.... خلاص وانا موافقه..
ادم...وانا طبعا معزوم...
عشق...بابتسامه طبعا. انت لازم تكون معزوم..
ليل... كان واقف بيشرب سيجارته وحاسس ان دماغه بتغلي وعينه عليها. وعشق حاسه بنظراته اللي بتخترقها خايفه منه بس بتحاول تبان جامدة وبتتحداه...
جاسر... يعني انا ابن البطه السوده..
عشق...لا طبعا. متقولش كده. انت كمان معزوم يا سيدي.
تمارا... مابلاش هيجي ياكل الاكل كله🙄
جاسر... طب تصدقي بقى اني هاجي وهاكل طبقي وطبقك مخصوص..
ضحكت تمارا... ماشي موافقة.
عشق.... جاسر انت لسه اعد شويه..
جاسر... عادي ليه.
عشق... يعني عشان نمشي بقى الساعه داخله على واحدة
سهام...ما انتو اعدين يابنات
عشق.. معلش يا طنط عشان بس نقدر نصحى للشغل..
جاسر... انا جاهز يلا لو هتمشو..
ادم... انا جاي معاك...
جاسر.. معايا فين...
ادم... هوصلهم معاك. اصلي زهقان
جاسر...وهو حاسس. بتغيير ادم وعارف هو جاي ليه. حب يرخم عليه..
ومين هيرجعك تاني لا خليك انت انا هوصلهم.
ادم...مش عايز حد يوصلني يارخم 🤨انا جاي بعربيتي لو معندكش مانع...
جاسر... تعالى يا سيدي وانا ماللي انا عامل عليك..
حس ليل انه عايز يمسك ادم يطلع غضبه فيه...
ليل... انا كمان جاي معاكم عندي مشوار سريع كده وهاجي معاكم...
جاسر...طيب تمام يلا...
سلمو البنات على سهام... ونور.
عشق... يلا حبيبتي ادخلي واطلعي ارتاحي..
نور...حاضر...
عشق... وهي بتكلمها براحه فكي شويه عشان خاطري وبدل ما تفضلي حزينه كده حاولي تصلحي اللي حصل واللي فات خلاص متفكريش فيه ممكن...
نور...حاضر ياعشق...
حضنتها عشق....اوي
عشق... يلا سلام يا طنط.
سهام...سلام يا حبيبتي..
طلعو ناحية العربيات ودخلت سهام ونور...
ادم... قرب من جاسر قاله حاجة بسرعه براحه من غير ما حد يلاحظ..هز جاسر راسه..
اتحركو ...
ركبت تمارا. مع جاسر...
ادم... لزهره... انتي هتركبي معايا.
زهره... حاضر بس.
ادم... بس ايه يلا عالعربيه انتي مش خلتيني مخرجش امبارح. يبقى تسمعي كلامي انهرده🤨
ابتسمت زهره... حاضر..
قربو من العربيات....
جاسر....يلا ياعشق...
عشق....حاضر...
ادم...لا عشق ايه عشق هتركب معايا...
جاسر...لا انا اللي جايب عشق على فكرة...
ادم...وهي وزهره هيركبو معايا...ايه رأيك بقى.
جاسر...خلاص خد زهره. بس عشق معايا..
ادم...بقولك ايه اتكل على الله كفايه عليك تمارا يا حبيب..
😉😉
اتحرجت تمارا. وابتسمت على مشاكستهم لبعض...
زهره....انا هركب لحد ما تتخانقو..
ادم...خلاص عشق معايا..
كل ده وليل واقف فاضل ثواني وينفجر فيهم..
عشق... وهي مبتسمه. خلصوني اركب فين....
حست عشق في اللحظه دي بأيد بتقبض على كف اديها....وبيشدها براحه لعربيته...فتح ليل باب العربيه ركبها...ولف ادامهم وكأنه معملش اي حاجة وركب في الكرسي بتاعه..
جاسر.. وهو بيضحك اهو جالك اللي مبيرحمش وخلصها في ثانية..
ادم...بصوت عاللي ماشي ياعم ليل براحتك ..بس متزعلش بقى
ليل...بصوت عالي من الشباك.....لو تقدر على زعلي زعلني....
ودور العربيه وخرج من الڤيلا..
ابتسم ادم لجاسر. وغمزله..
جاسر...بصوت عالي انت يلا طلعت مش سهل .
ادم...يستاهل...
ركب ادم ومشي وراه...
وجاسر دور وطلع وراهم...
.......
تمارا...هو في ايه..
جاسر...هقولك بس لو نطقتي هقتلك
تمارا...ليه انا فتانه.
جاسر...لا بس بردو لو نطقتي هقتلك.
تمارا...طب قول..
جاسر...بصي بقى يا ستي... ليل غيران على عشق من ادم وادم حابب يرخم عليه..
تمارا...😳😳😳ليل غيران على عشق... هو ليل
جاسر...اه بيحب عشق..
تمارا...بابتسامه...طب ازاي.
جاسر...مالك فرحتي كده ليه
تمارا.. انا 🙄🙄لا خالص.
جاسر...والله ماشي ياستي عموما انا عارف ان عشق كمان بتحبه... هي باينه للكل مش ليا انا بس..
تمارا...بس هو يعني
جاسر...تقصدي ريما...اهو ده بقى اللي هيجنني ازاي عامل كده عشان عشق... وفي نفس الوقت عامل كده من ساعة ما ريما ظهرت..
تمارا... طب وبعدين.
جاسر...ولا قبلين هنلاعبه انا وادم لحد ما يقول حقي برقبتي..
تمارا...احسن... عشان ميزعلش عشق تاني..
جاسر...يعني فرحانه فيه اهو يعني بتخبي عليا وعارفه ان عشق بتحبه...
تمارا...😔ايوة عارفه بس مش عايزة اضايقها ولا اتكلم في حاجة مش بتاعتي وممكن تضايقها خصوصا ان هما مفيش حاجه بينهم. يمكن يكون ليل بيحبها زي ما بتقول وتصرفاته معاها من يوم ما عرفناكم وهي غريبه بس مقالش حاجة..
جاسر...اطمني انا والسوسه اللي ادام ده شاور على عربيه ادم...هنخليه ينطق...
ابتسمت تمارا.
.........
زهره....بقى الحكايه كده وانا بسأل نفسي في ايه انت وجاسر مالكم
ادم... بابتسامه لا ما انا فهمت جاسر بسرعه وهو نفذ
زهره... وواضح ان جاسر بيسعى فالخير ماصدق🙈
ادم...اه اوي🤣
زهره... يعني الوقت ليل فاهم ان في حاجه بينك انت وعشق.
ادم...لا طبعا هو انا خليته يحس اني مهتم شويه بعشق عشان احركه وهو غيران عليها .مني.
زهره...امممم فهمت..
ادم...اخيرا🤨
زهره...قصدك اني غبيه😒
ادم...لا العفو انا اقدر..
زهره..بابتسامه ماشي هعديها...
ادم...مبسوط اني شوفتك يوم الاجازه كمان...
زهره...ده بجد ولا عشان غبيه اللي قولتها عليا دي🙄
ادم...على فكرة انا مقولتش غبيه انتي اللي قولتي على نفسك🙄 ثانيا اه بجد والله العظيم مبسوط اني شوفتك
زهره... طيب كويس انك مزهقتش مني طول الاسبوع معاك في الشغل ويوم الاجازة كمان زهقتك..
ادم...ياستي انا راضي وبعدين انا لو عليا هبقى مبسوط لو شوفتك كل يوم على فكرة..
لفت زهره... وشها بسرعه وبصت عالطريق وعلى وشها شبح ابتسامه. ووشها احمر
ادم...ايه ده ايه ده... انتي بتتكسفي ولا ايه...
زهره ...انا ااا لا لا خالص
ادم...والله ده واضح فعلا انك مش بتتكسفي ولا حتى بتضربي لخمه..
زهره...بقولك ايه بس بقى بدل ما اسيبك وانزل.
ادم...ضحك خلاص خلاص هسكت خالص
زهره ...وهي باصه عالطريق بس على فكرة بقى انت بتكذب
ادم...انا طب ليه
زهره....انت بتقول لو عليا هبقى مبسوط لو شوفتك كل يوم ازاي وانت مش عايزني انزل من الاسبوع الجاي الشغل.
ادم... ايوه ببقى مبسوط حقيقي بس انتي فعلا من الاسبوع الجاي في اجازة..
زهره... بس انا مش عايزة
ادم....مش بمزاجك على فكرة انتي لازم تأعدي تذاكري وتركزي عشان تعدي السنه دي على خير وتنجحي من غير ما تطلعي بأي مواد
زهره...بس انا هعرف اوفق بين الشغل والدراسه..
ادم....لا مش هتعرفي يا زهره انتي بتضحكي عليا ولا على نفسك
..انتي بتوصلي الشغل على 8 ونص تقريبا وملكيش وقت معين تروحي فيه. ويوم ما نقول انك هتمشي بدري مش هيبقى قبل 6 وعلى بال ما تروحي ..وتاخدي شاور تاكلي بقت فيها 10 او 11. هتبقي مضطره تنامي لانك بتصحي على 7 قوليلي بقى هتذاكري امته واصلا هتبقي قادره تذاكري...
زهره... بص يمكن اللي بتقوله ده صح. بس صدقني هحاول وهقدر...
ادم...مفيش حاجه اسمها هحاول. الوقت بيجري منك ومفيش وقت لتضيع الوقت ده اصلا
زهره...طيب حتى اجرب يومين... انا بجد مبقتش اقدر اعد من الشغل
ادم...انا مش عارف انتي بتحكي في ايه...الكلام خلص خلاص واللي قولته يازهره هيتعمل تمام.
زهره...طيب😔
ادم...مش عايزك تقولي حاضر وانتي زعلانه صدقيني انا بتكلم عشان مصلحتك..
زهره...حاضر مش زعلانه..😔
ادم..بابتسامه. واضح..
........
اما عند ليل وعشق...فا من اول ما ليل طلع بالعربيه وهو ساكت منطقش ولا كلمه...كان باين عليه الغضب... بيولع سيجاره من ورا سيجاره...
عشق...كانت باصه عالشباك. بتحاول تتجاهله خالص ومتحتكش بيه كانت بتدعي انها توصل بسرعه...البيت من غير مايفتح معاها اي كلام
كانت حاسه بخنقه وحسه ان نفسها مش منتظم من كتر السجاير اللي ليل شربها وحاسه بتوتر من اللي حصل في الڤيلا كانت مش على بعضها. بس فضلت السكوت عشان متديلوش فرصه يتكلم والوقت اللي هتأعده معاه في العربيه يعدي على خير...لكن امنيتها متحققتش. وقطع ليل صمته اللي دام فترة طويلة....
ليل...مبسوطة انتي بالخناقه اللي حاصله عليكي ده عايزك معاه وده عايزك معاه.....وبردو مصممه تكسري كلامي قولتلك متحتكيش بأدم خالص وكأنك بتعانديني وشايف ان ادم خد عليكي لدرجة انه يعزم نفسه عشان ياكل من ايدك. لا وكمان انتي شايفة ان العزومة متنفعش من غير ادم وكمل بصوت يرعب.. صححححح😡😡😡
اتنفضت عشق من صوته ورجفه اصابت جسمها....
عشق.............
ليل.... ايه مبتتكلميش ليه. سكتي يعنيييي😡
عشق....ليل لو سمحت وطي صوتك
ليل.... ليه بتخافي..
عشق... باستفزاز من ليل... انا مبخفش من حد.
ليل.... لا بتخافي ياعشق... وبتخافي مني كمان
عشق...بغيظ منه قولتلك مبخفش من حد..
سرع ليل العربيه. وفضل باصص عليها ومش باصص للطريق..
عشق...برعب.وبصوت عالي ليل بص اداااامك...
ابتسم ليل وبص عالطريق.....ما انتي بتخافي اهو...
عشق.....ليل. لو سمحت بلاش طريقتك دي بلاش توترني عشان صدقني ياليل لو فضلت بطريقتك دي هسيب الشغل وهسيب الشقه وهبعد عن اي حاجه ممكن تجمعني بيك...
ليل... بهدوء انتي بتهدديني يا عشق...
عشق...لا مش بهددك يا ليل بس انا مبعرفش اكون في مكان في توتر. مبعرفش اعد في مكان مسببلي اي قلق...وانت عارف اني ممكن اعمل كده ...
ليل... انا موترك يا عشق.
عشق... ايوه موترني ياليل. وياريت تشيلني من دماغك شويه حياتي متخصكش يا ليل اكلم مين مكلمش مين اقرب من مين ابعد عن مين. اضحك اهزر اعمل اي حاجه دي حياتي انا اللي اعرف احدد اي حاجه فيها. انت فاهم ياليل. شيلني من دماغك من فضلك حياتي متخصكش كلامي مع اي حد ميخصكش انت مش واصي عليا حياتي كلها على بعضها ميخصكش فيها غير الجزء بتاع شغلي ده اللي تقدر تقولي اعمل في ايه او معملش وده كمان لو حسيت اني غلط او اهملت لكن اي حاجة تانية في حياتي دي بتاعتي مش بتاعتك...انت فاهم ميخصكش بلاش تركز معايا ركز في حياتك ياليل اظن انت عندك مشاكل وحاجات كتير اوي تركز فيها ركز مع اي حد تاني غيري يا ليل ركز في حبيبتك اللي رجعتلها من تاني بعد اللي عملته...ادام قلبك كبير اوي كده وقادر تسامحها ياسيدي خلي قلبك كبير واتكرم وسيبني امشي حياتي زي ما انا عايزة...
في اللحظه.. دي ليل عفاريت الدنيا كانت بتتنطط ادام عينه
فرمل العربيه بسرعه مخيفه..
حست عشق انها اتسرعت في اللي قالته والرعب دب جوه قلبها من التحول المفاجئ ليه..
مسك... ليل ايدها بعنف شديد...
عشق...اااااه
ليل... انتي مين اللي قالك الكلام ده..
عشق....اتجمعت الدموع في عنيها.
ليل... انطقيييييي تعرفي ايه..
عشق....ليل ايدي هتتكسر
ليل... قولتلك انطقي .
عشق.... انهارت مش هنطق ولا هتكلم. وسيب ايدي وابعد عني هو مفيش حد في حياتك تطلع عليه عصبيتك غيري انا ارحمني شوية انت ايه مبتحسش باي حد خالص كده مش شايف حد في حياتك غيرك انت كل الناس غلط وانت اللي صح... همك بس مين اللي قاللي مش همك انك غلط وان اللي بتعمله ده مش صح...قابل على نفسك ترجع لواحدة خانتك ومش قابل ليا اني اتكلم مع ادم فوق ياليل انا في حياتك مش اكتر من مجرد واحدة بتشتغل معاك في شركتك...انت فاهم...
صوت صفعه قويه عمل صدى صوت عالي نزل على وش عشق...
عشق....😳حست بصدمه شلت حركتها ولجمت لسانها... مكنش في ايه اي رد فعل عندها غير دموع نزلت من عنيها....
ليل...بياخد نفسه بغضب.. مسك ايدها. بعنف... اللي قولتيه ده كله هتتحاسبي عليه بس مش الوقت ياعشق والقلم ده كان درس... عشان متفكريش تعلي صوتك مره تانيه. عشان لما تقولي كلام تعرفي الاول ينفع يتقال او لا.. عشان قبل ما تحكمي عليا تبقي عارفه كل حاجه الاول...كنت فاكرك اذكي من كده ياعشق من يوم ما بقيتي موجوده في حياتي.. كنت بقول عليكي ذكيه ولماحه... بس للاسف الوقت اثبتيلي عكس كده وطلعتي غبيه ياعشق... بتحكمي على الناس من غير ما تتأكدي
بتجرحي بكلامك من غير ما تعرفي ممكن جرحك ده يعمل ايه مبتشغليش عقلك بطريقه صح...
انتي عارفه انا الوقت عايز اعمل فيكي ايه عشان استفزتيني لدرجة اني مديت ايدي عليكي. عارفه انا عايز اعمل في نفسي ايه عشان ايدي خانتني واتمدت عليكي....
وتاني هقولهالك ولاخر مره يا عشق وقسما بالله مش هكرر كلامي مره تانيه... تحاسبي على تصرفاتك تنفذي اللي قولتهولك..وهقولهالك تاني ياعشق... بلاش تمثلي وتثبتيلي عكس اللي انا حاسه... انتي بتحبيني ياعشق... ومش هتحبي حد غيري ..
عشق ... وهي بتمسح دموعها... روحني ياليل..
ليل.....باصصلها من غير ولا كلمه...
عشق....قولتلك روحني...
داس ليل على البنزين..وطار بالعربيه...
بعد مده وصل ليل تحت البيت...ووصلو كلهم قبله بدقايق...
جاسر...ايه ياعم... فينك..
ليل... ابدا كنت وراكم..
حبت عشق تبان طبيعيه..
سلمو عليهم... وطلعو البنات.....
واطمنو عليهم...
جاسر... اخلع انا بقى
ليل... تمام انا كمان ماشي..
ادم..انت مش مروح ولا ايه
ليل...لا عندي مشوار
جاسر...مشوار ايه
ليل... هو انتو متعرفوش تخليكو في حالكم شويه. سلام..
ركب.. عربيته...ومشي
جاسر... بصوت عالي... براحتك بس متزعلش لما اخبي عليك حاجه..
مشي.. ليل من غير ما يرد.
جاسر... شكله قافش.
ادم...احسن خليه عشان يفوق
جاسر... ايه هتروح
ادم...اه عشان اقدر اصحى...
جاسر...طيب تمام... يلا انا كمان هروح تصبح على خير
ادم...وانت من اهله...اشوفك بكرة
..........
فضلت نور... رايحة جاية في الاوضه ودموعها مش بتقف... دخلت في بلكونة اوضتها فضلت اعده مستنيه نوح يرجع وتطمن عليه...حزينه على كل حاجه حصلت فرحتها بأنها سليمه ومحدش لمسها.. مكنتش كامله احساسها بأن نوح ممكن يسيبها كان مخليها مستسلمه وتايهه...مش متخيله انه ممكن يبعد عنها...
فضلت اعده عالكرسي...لحد ما نامت مكانها من كتر العياط..ومن كتر ما ستنيته.....
.........اما عند ليل... فا وصل لصاله العاب كبيره ديما بيروح يلعب فيها...
دخل ليل خد الغيار بتاعه وغير وفضل يتمرن وقت طويل بقى يعرق من كل مكان في جسمه وفضل يضرب بأيده الكيس الرملي وكأنه بيفرغ شحنة غضب كبيرة او بيعاقب ايده اللي اتمدت عليها...
عدى وقت طويل مكنش عارف هو اد ايه.... لحد ما النهار طلع. عليه...
دخل ليل غير هدومه. تاني.. وطلع من الصاله...عشان يروح الڤيلا يغير هدومه...ويطلع عل الشركة....
مر الوقت.. وصل ليل للڤيلا...
كانت سهام والدته صاحيه..
ليل... صباح الخير يا امي..
سهام...كنت فين كل ده ياليل..
ليل...ابدا يا امي روحت الچيم بقالي كذا يوم مروحتش روحت لعبت شويه انتي ايه اللي مصحيكي بدري كده
سهام...انا منمتش اصلا
ليل... ليه يا امي انتي تعبانه ولا ابه
سهام.. اخوك لسه مرجعش لحد الوقت
ليل.. طلع موبايله يكلمه..
سهام... متتصلش حاولت كتير موبايله مقفول
ليل... اطمني يا امي اكيد راح اي مكان يبات فيه. سبيه يا امي يريح اعصابه شويه وهيرجع.
سهام....انا قلقانه عليه ياليل..
ليل... قرب منها باس ايدها.. متقلقيش يا حبيبتي هيرجع وكل حاجه هترجع زي ماكانت. الموضوع محتاج وقت..
ومتقلقيش انا هعرف هو فين وهطمنك عليه..
سهام... ربنا يستر..طمني يا ليل عشان خاطري
ليل ..... حاضر يا امي..ادم صحي.
سهام...معرفش.
ليل...انا هطلع اخد شاور وابتدي اجهز.
سهام...طيب يا حبيبي..هحضرلكم الفطار لحد ما تخلصو.
ليل.... ماشي يا امي.
طلع ليل...خد شاور وابتدا يجهز عشان يروح شغله...
وبعد مده. بسيطه... نزل ليل كان ادم جهز ونزل....
اعدو فطرو ..
كانت الاعدة خاليه من الكلام ونور ونوح مكنوش موجودين على السفره نور في اوضتها نايمه ونوح محدش عارف هو فين..
ادم....نور فين يا امي.
سهام...خبطت على الاوضه بس مفتحتش اكيد نايمه رجعو تاني زي ماكانو بيفطرو في صمت...
مشي ليل وادم راحو على الشركة....
وصل ليل...ودخل على مكتبه..كانت عشق لسه موصلتش...
دخل ابتدا شغله...
ودخل ادم على مكتبه...
وصل جاسر بعدهم بشويه وصل معاه البنات..
دخل جاسر وتمارا يبتدو شغلهم..
ودخلت زهره...لادم .
اما عشق...خبطت.. على المكتب وفتحت....
فضل ليل مركز معاها وهي داخله..
عشق... وهي مش بصاله صباح الخير.. وكملت مشي على مكتبها من غير ما تستنى رده..
ليل... عشق..
وقفت عشق... من غير ما تبصله...
ليل... جهزي نفسك ادامنا ساعه ونخرج انا وانتي من هنا في ميتنج مهم لازم تحضريه معايا صفقه جديدة تهمني
عشق... بصتله واتكلمت بعملية هو مش المفروض جاسر وتمارا اللي بيحضرو اي ميتنج..
ليل... ايوه بس ده لما بيبقى تم التوقيع على الصفقه لكن دي صفقه لسه متوقعش عليها...وهنروح انا وانتي وهنشوف المكان كمان .
عشق... باستغراب... تمام..اي حاجه تاني.
ليل... شكرا..
مشيت عشق.. على مكتبها ومر الوقت سريعا لكن عند عشق وليل كان بيمر ببطئ...
بص ليل في ساعته....
ليل...عشق
قامت عشق من مكتبها.. وراحتله..
عشق...افندم
ليل... المفروض نتحرك.. جاهزة..
عشق...تمام... دقيقه اجيب حاجتي..
راحت عشق.. خدت حاجتها من المكتب.. ورجعتله كان واقف مستنيها...وخرج هو وهي من المكتب. ومحدش شافهم...كل واحد كان مشغول في مكتبه..
ركبت عشق جمب ليل. من غير ما تنطق ولا كلمه..
حتى ليل كان باين على وشه الهدوء والثبات ولا كأن في حاجه حصلت بينهم...
بعد مرور حوالي ساعه .
مسك ليل موبايله..
ليل... الووووو
.........ايوه ياليل.
ليل... انا وصلت فينك.
....... مستنياك في المكان زي ما قولتلك..
....... انا داخل عليكي.
عشق... كانت حاسه ان في حاجه والميتنج ده بالنسبالها غريب...لكن فضلت تستنى وتعرف لما توصل...
وصل ليل..اخيرا ركن عربيته ورا عربيه كان في ناس في المكان شغالين...
نزل ليل من عربيته ونزلت عشق...
واتفاجأت بواحدة بتقرب منهم بابتسامه وكل تركيزها على ليل وهو مبتسم وشكله مبسوط..
وقفت..ادامه...وهي مبتسمه عمرك ما اتأخرت عن مواعيدك..وقربت منه باسته
قرب منها ليل سلم عليها وباسها...
ليل... مقدرش اتأخر عليكي ياريما.❣️
عشق...💔💔💔💔💔💔💔💔
تعليقات
إرسال تعليق