 |
البارت 33
روحت البيت قبلها لقيت مفيش حد غير عبير دخلت غيرت
هدومي وطلعت ليها قولتلها اي الاخبار قالتلي خلاص الحوار
الحمدلله خلص ونورهان زمنها جايه سبتها تتكلم ودخلت
علي الواتس لقيت الواتس بتعها اتقفل
والتاني شكله عملي بلوك قمت مسحه الواتس خالص
وصدام كلمني علي الواتس التاني يطمن وقالي علي رقم
الحساب بتاعي بعتهولو قالي هيروح يحطهم وتأتي يوم
بعتلي أنه حط 195 الف وقالي لمي دورك بقا علي كده ولو
كلمك طارق ده مترديش عليه قولتله مش هلم دور اتجوزني
ولمني انت ولم دوري قالي ياريت ياريم هو أنا يابت الاقي
ضفرك بهزر معه وبقوله ياريت ليه يا اخويا هو أنا يعني
هقولك لا ده انت الغالي قالي احنا صعايدة من الاشراف
وابويا بيجوزنا من البلد قرايبنا أنا فاتحته في الحوار لقيته
تعب قولتله أنا بهزر ياحاج هو واخد فكرة عن بنات القاهرة
دول انهم مش بتوع عيشة ومسئولية وكده قولتله أنت
اخويا ياض وصحبي الجدع الي عمري ما هنساه ولا هنسي
وقفته معايا ابدا قالي وقفة ايه ياريم أنا بساعدك يابت
غصب عني فاكرة ساعة الحشيش عقلي كان عمال يقولي لا
وفكك ياعم وانت مالك بس كان في حاجه اقوى مني
بتخليني امشي وراكي وانا مغمض بس علشان خاطري كفايا
ربنا سترها معاكي لحد كده ومحدش مسك عليكي حاجه
قولتله خلاص ياسطا حوار طارق ده انا هخلصه لوحدي
قالي تاني انتي برضو شوف ياغزال ناوي ع ايه وقولي بس
متعمليش حاجه من غير ما ترجعيلي الاول قولتله قشطا
واديته رقم فودافون كاش يبعت ل امي 5000 جنيه
وبعتلها وامي كلمتني اول ما الفلوس وصلت في محفظتها
وجتلها رسالة قالتلي كتير كده يابنتي انتي بتجيبي الفلوس
دي منين قولتلها متشغليش بالك انتي يا امي ده حقك ولسه
وحياتك ل اجبلك حقك تالت ومتلت قالتلي أنا مسامحه
بالله عليكي متوجعيش قلبي عليكي أنا خايفه عليكي منهم
قولتلها لا ده كان زمان دلوقتي انتي خافي عليهم هما مني
المهم ياعسلية لو عوزتي اي حاجه كلميني وقفلنا
سيف اخويا كلمني بعد اسبوع وقالي مروان كلم بابا عليكي
وعايزين يجبوكي هنا الغردقة وهيكتبو كتاب ودخله ياسطا
علي طول بس لما يخلص شقته الاول ويستلزم الوظيفة الي
مقدم عليها لو كلمك اعملي نفسك من بنها قولتله حاضر يا
اجدع اخ في الدنيا كلها مش جاي ياواد انت قريب وحشتني
اوي وربنا قالي هنزل بس يومين علشان مسكت مركز غطس
وهنزل اجيب حاجات من للمركز من القاهرة وهرجع علي طول قولتله تيجي بالسلامة يا اخويا
يتبع
تعليقات
إرسال تعليق