 |
البارت (36) بقلم ✍️ سلطان زماني
رحت قعدت مع مدحت شوية فضل يقولي خلاص فكك منها
وعيش حياتك ورجع مراتك وسبها هو ربنا هينتقم منها
وكفايا الي حصلها
قولتله انا لازم اعملها الادب يابني دي مكنتش بتعمل حاجه
في حياتها غير أنها تأذي الناس وتدمر حياتهم
قالي في ستات كتير كده ده انا اعرف واحده كانت بتحط
لجوزها منوم وبعد ما ينام يجي عشقها ويعيشو حياتهم
بص انت اعتبره درس واديك اتعلمت منه وسيبها
والي زاي دول ربك بيخلص منهم في الدنيا قبل الآخرة
خلصنا كلامنا وكلمت عيالي اطمن عليهم وقولتلهم فين امكم وكلمتها
_ اي يازوزو فينك
زينب ..هكون فين يعني مع عيالك
_ تصدقي انك وحشتيني اوي يازينب وحشتيني اووي
زينب ..مالك يا ابن عمي انت سخن
_ قلبي الي سخن وحبك مبهدله خالص
زينب ..وده من امتي بقا أن شاء الله
_ من كام يوم كده ..عارفه يازينب
زينب ..قول يامحمود
_ لا قوليلي يا حوده
زينب ...هههههههه حوده قول ياحوده
_..انا يازوزو كانت معايا جوهرة ومكنتش اعرف انها جوهرة
كنت فاكرها ازاز حاجه عادية كده زاي اي حاجه عندك ومش
مهتمية بيها ولا عارفه قيمتها
اخدتها بقا ورحت لجواهرجي وكشف عليها وقالي اني دي
جوهرة وغاليه ونادرة عرفت قيمتها وهخبيها عن عيون الكل
وهحطها في علبه قطيفه وهحافظ عليها واشيلها في عيوني
زينب ..تقصد ايه بالكلام ده يعني
_ بقا كده ياجوهرة مش فاهمه يابت عايزك تفتحي مخك معايا
زينب ..ههههههههههههه
_ اول مره اخد بالي اني ضحكتك جميلة يازوزو
زينب ..انت شكلك مش في واعيك أو شارب حاجه
_ من وقت ماعرفت انك هتتجوزي وانا هتجنن
زينب ..وتنجنن ليه يامحمود. اقصد ياحوده. ههههه
_ عسل كلمة حوده منك ياجوهرتي ..هتجنن علشان انتي
بتاعتي يازينب كل حته فيكي ملكي أنا ..اه غلطت بس
مستهلش اني يتحكم عليا بالاعدام
زينب ..اعدام علشان هتجوز يامحمود
_ اه هموت يازوزو لو ده حصل وصدقيني وخديها وعد مني
أنه مش هيحصل
زينب ..وجايب الثقة دي منين يا اخويا
_ منك ياجوهرتي
زينب ..مني انا ازاي
_ أنا مش اهبل اه مكنتش بحبك ولا بهتم بيكي بس كنت
شايف وحاسس ولامس حبك ليا باين وواضح اوي
وشفته اكتر يوم الفرح لما شفتيني بالحالة الي كنت فيها دي
حسيت انك عايزة تخديني في حضنك
وتاخدي وجعي وحزني من جوايا وتحطيه فيكي شفت في
عيونك محبه وحنيه وزعل عليا وخضه لو وحده مش بتحبني
كانت شمتت فيا وقعدت تعايرني وكمان ابويا قالي انك كنتي
ديما تسالي عليا وتطمني .عرفتي بقا انا جايب الثقة دي منين
زينب فضلت تبكي وانا اهدي فيها وهي اتفتحت في العياط
قولتلها هكلمك تاني بعد ما العيال تنام واكون روحت وقفلنا
يتبع
هكتب بارت كمان دلوقتي عايز تشجيع كبير بقا ورأيكم في البارت
 بقلم ✍️ سلطان زماني رحت قعدت مع مدحت شوية فضل يقولي خلاص فكك منها وعيش حياتك ورجع مراتك وسبها هو ربنا هينتقم منها …){kind=link}
تعليقات
إرسال تعليق