مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت (37) قبل الاخير 🌹 بقلم ✍️ سلطان زماني 

روحت البيت جيه في بالي مريم كلمتها وقالتلي أنها ليه 

راجعه ل امها من المستشفي قولتلها الف سلامة مالها قالتلي 

عملتها اشاعات وتحاليل والكلي عندها مش شغالة وهتاخد ٣ 

جلسات في الاسبوع  مش عارفه اعمل ايه ربنا معانا بقا 

مردتش اكلمها في حاجه قولت مش وقته وقولتلها اني معايا 

مكالمة وهكلمها تاني ولسه بقفل اتصلت بيا زينب 

رديت عليها 

زينب ..لو مشغول يامحمود اسيبك 

_ مين اهم من جوهرتي علشان انشغل معه واسيبها 

زينب ..بطل بقا كلامك ده علشان خاطري 

_ لا مش هبطل جوهرتي واحب فيها وادلعها برحتي 

زينب ..انا عايزة اعرف السبب الحقيقي في تغيرك ده بس لو 

هيضايقك أو هيفكرك بحاجه تزعلك بلاش والله  

_ما أنا قولتلك يازوزو اني مكنتش عارف قيمتك مش في 

مثل بيقول متعرفش قيمة امك غير لما تعاشر مرات ابوك

الدنيا وقسوتها عملتني وخلتني اخد بالي من حاجات مكنتش 

واخد بالي منها 

عرفتني الحلو من الوحش الحلال من الحرام الطيب من 

الخبيث الغالي من الرخيص والاصيل من الخسيس

زينب ..أنا كمان الكام شهر دول اتعلمت فيهم وفهمت حاجات 

كانت غايبه عني لدرجة اني حسيت بالذنب وحسيت اني كل 

الي حصلك ده بسببي 

_ بسببك انتي ازاي 

زينب ..هكلمك بصراحه انا لما بقيت اقعد مع مرتات اخواتي 

واشوف اسلوبهم وطريقتهم وكمان بنات العيلة عرفت اني 

مكنتش وخده بالي منك في النقطة دي  امي وخالتي 

كانو بيقولولي اني ده حق جوزك عليكي وانك لو رفضتي 

الملائكة تلعنك وكنت بتكسف اتكلم ولا أقول زيهم عمري ما 

عملت كده علشان أنا حبه ده وعايزاه كنت بعمله علشان 

ارضيك انت وعلشان ده حقك عليا بس اكتشفت اني غبية 

ودماغي قديمة زاي ما كنت بتقول وانك بسبب كده بصيت 

برا 

_ لا يا زينب متقوليش كده تاني أنا كمان ياحبيبي كنت ذيك 

اناني كان واجب عليا افهمك واصبر عليكي وآشيل الحاجز 

الي بيني وبينك لو حصل نصيب ورجعنا لبعض وهيحصل أن 

شاءالله هتشوفي محمود تاني غير الي كنتي عرفاه خالص 

زينب ..أنا عايزة اقولك علي حاجه بس اوعي تزعل مني 

_ قولي يازينب الي جاي كله فرح وضحك وحب مفيش زعل 

تأني خلاص

زينب ..أنا عمي كلمني من كام يوم وقالي اقولك اني جايلي 

عريس وانا قولتله لا واني مش هقدر اقولك كده قالي خلاص 

انا الي هقوله ولو سالك قولي اه وانك موفقه 

_ هههههههههه ابويا الحج بيشتغلني 😂 وانتي يامقصوفة 

الرقبة هان عليكي توجعيلي قلبي 

زينب ..بجد يامحمود قلبك أتوجع أتوجع ولا بتقول كده 

علشان العيال ميتربوش بعيد عنا

_ زوزو حبيبتي أنا بصرف النظر عن الكلام الي بقوله ده

 انا بجد نفسي اعملك كل حاجه تثبتلك ده عايز اتعبلك واسهرلك 

واشتقالك عايز اضحكك واسعدك واعوضك عن كل حاجه 

وحشه شفتيها مني

 عايز زوزو بس 

جوهرتي حبيبتي ونور عيني الي حبها نساني كل جرح وألم 

وعذاب عشته

حبها خلاني اصالح واسامح نفسي وكل الناس شايف دنيتي 

كلها حلوه وناسها جميلة بحبك يا قلبي

 ربنا يخليكي ليا يا قلبي وميحرمنيش منك ابدا

زينب ..أنا كمان عمري ما هقصر في حقك ابدا انت هتبقا كل 

حاجه ليا اهم من نفسي عندي هعمل المستحيل علشان 

ارضيك وابسطك واخليك اسعد راجل في الدنيا 

أنا فتحت عيني عليك انت اول دقة في قلبي كانت ليك أنا 

مش بس كنت بحبك ده انا كنت بموت فيك والله بس 

طريقتي كانت غلط 

_ بصي بقا ماهو مش كل مره هنقفل وانتي معيطه كده  

فاكره يابت لما ابوكي قفشك وانتي بتتكلمي في التليفون 

معايا ومكنش يعرف اني انا

 وامي لما عرفت أنه ضربك وحبسك في البيت  راحت قالتله 

اني انا الي كنت بكلمك 

وجيه كلني علقة موت هو وابويا 😂😂

زينب...هههههههههه ده انا اضربت واتعجنت اصلا علشان 

مردتش اقول مين ويضربوك

  وفي الاخر مرات عمي أنا صعبت عليها وقالتلهم.. لسه 

فاكرها يامحمود

_ ودي علقه تتنسي برضو 😂😂😂

فضلنا نرغي لحد قبل الفجر وارتحت اوي معه في الكلام 

واتبسطت أنها فضفضت ليا وطلعت كل الي جواها 

وقعدت افكر بقا في حوار مريم واني عايز أطلقها اسيبها لربنا يمكن يهديها وتتوب 

يتبع 💥 رايكم ياحلوين 👑

البارت الأخير من هنا هنا