 |
فتون 💞
( الجزء السابع والثامن )
وبعدها ردت ست من اللي قاعدين وقالت : ماشاء الله عليكم
لايقين علي بعض كتيييييير
فتون ( بفرحه ) : بجد 😍
الست : اكيد بجد ربنا يخليكم لبعض
فتون : حبيبتي والله انتي قمر ولبسك قمرين
الست : عجبك طريقه لبسنا
فتون : جدا يعني
الست : طيب تعالي معايا ووقفت ومسكت فتون من ايدها وقومتها من جنب امير واخدتها ودخلوا الخيمه
فهد جه بسرعه جنب امير وقعد
فهد : انا بجد اسف يادكتور امير اني قولتلهم ان البنت اللي معاك دي مراتك بس انت عارف هنا العادات بتاعتنا
امير : ولا يهمك انا بشكرك علي اللي بتعمله معايا
فهد : بتشكرني انا يا دكتور امير ده انت لولا اللي عملته معايا من خمس سنين في حادثه ابني كان ابني زمانه ميت دلوقتي
امير : يااااه انت لسه فاكر
فهد : وعمري ما انسي ابدا جميلك هفضل شايله فوق راسي
امير : ربنا يخليهولك ولسه بيتكلم لقي فتون طالعه من العشه ولابسه لبس بدوي والبيشه بتاعتهم القمر دي علي عنيها المتكحله بالكحل الاسود بتاعهم ومطرزه بالفضي وجمال عيونها بان وقعدت جنب امير وفتون بتبصله وبقي امير يبص في عنيها وشايف جمال الكحل عليها ابتسم ورفعلها االبيشه من علي وشها وقتها كانت زي القمر
فتون : ايه عجبتك
امير : جميله يافتون
فتون اتكسفت وبصت في الارض وبعدها بلحظات وهما بيبصوا لبعض
لقوا الستات قامت وبقوا ياخدوا فتون وشدوها وعملوا دايره مع بعضهم وبقوا يغنوا ويرقصوا
والرجاله برضوا نفس الكلام بس امير مارضاش ابدا يقوم معاهم كل اللي كان يشدوا عشان يقوم معاه كان بيعتذر وكان بيبص علي فتون وهي بترقص مع البنات وكان بيشوف ضحكتها القمر وهي سعيده ومبسوطه معاهم ولأول مره امير يركز في كل تفاصيل فتون
وفتون بترقص مره واحده قربت عليه وشدته من ايده والغريبه انه قام وبقي يرقص معاها وبقت ماسكه المنديل في ايدها وبقت ترقص بيه ولأول مره فتون تشوف ابتسامه امير علي وشه اليوم عدي حلو جدا وكل واحد فيهم نسي الهم اللي وراه
اوقات كتييييير بيبقي لازم نفصل ونعيش لحظاتنا الممتعه عشان يبقي عندنا القدره ان احنا نكمل
واليوم عدي وخلص بسرعه اوي
وبعدها امير قال احنا لازم نمشي
فتون : نمشي 😳😳
فهد : لا والله ماينفع تمشوا في الضلام بكره ان شاء الله تتغدوا معنا وراح تيجي العربيه لهون بوصلك لاي مكان بتريده بس هالحين راح تفضل معنا
امير : انا بس مش عايز اضايقكم مش اكتر
شيخ العرب : فهد كان دايما بيحكلنا علي اللي عملته معاه يا امير يابني ولو مكنتش انت موجود ومعاه مكانش ابنه زمانه وسطنا هالحين
يلا خد مراتك وادخلوا ناموا باين عليكم تعبانين وبكره ربك يحلها
امير كان تعبان جدا ودخل هو وفتون الخيمه
فتون : هو انا وانت هنام سوا
امير : اه عندك مانع وقلع التي شيرت بتاعه
اول ما فتون شافته وشافت عضلاته المتقسمه راحت داست علي شفايفها بسنانها وغمزت بعنيها لامير
امير : بصلها كده وقلها
امير : فتون انتي بتعملي كده ليه بشفايفك 😒
فتون : في عقلها وهي بتبص علي جسمه ماتجيب بوسه 😘
بقلمي مآآهي آآحمد
امير : يابنتي بكلمك
فتون : انا في اللحظه دي ضعيفه واسمحلك انك تغتصبني عادي 😉
امير : لااا انتي مش معايا خالص
فتون فاقت من سرحانها
فتون : ايه كنت بتقول ايه
امير : نامي يافتون روحي نامي يافتون ربنا يهديكي وابتسم
فتون في عقلها وبقت تضرب علي خدها وتقول
فتون : يانهار اسود انا ايه اللي جرالي اول ما شوفت جسمه انا اول مره يحصل معايا كده .. فتون قعدت وربعت رجلها
اكيد عرف انا بقول ايه في بالي .. اومال بيقولي ربنا يهديكي ليه ؟ ياااااخراااااشي
بقلمي مآآهي آآحمد
امير : انا هنام تصبحي علي خير
فتون : هو احنا مش هنعمل زي ما الافلام والروايات اللي بقراها لماهي احمد
امير : اتعدي علي جنبه وهو مش لابس تي شيرت بتاعه وقلها وروايات ماهي احمد دي بقي بتقول اي دي كمان
فتون : اصل دايما لما البطل والبطله بيبقوا سوا في اوضه واحده البطل بيسيبلها السرير وهو ينام علي الارض وبعد كده النور يقطع عليهم والبطله تخاف تقوم تقع في حضن البطل وكده يعني
امير : ممممم تصدقي فكره بس احنا مش هينفع يحصل معانا كده يافتون
فتون : مش معني بقي هو انا مش بنت ونفسي اللي بيحصل في الروايات يحصل معايا
امير بصلها وابتسم وقلها
امير : عشان اولا مافيش سرير انا وانتي هنام في الارض علي الكليم ده وتاني حاجه ان مافيش كهربا عشان النور يقطع من اساسه انتي في الصحرا يابنتي فوقي بقي برواياتك اللي مالهاش لازمه دي علي الكاتبه بتاعتك
فتون : ماتقولش كده علي الكاتبه بتاعتي انا بحبها
امير : ياستي حقك عليا سبيني انام بقي
فتون : نامت في الارض جنب امير بس بعيد عنه شويه وبقت تبص علي سقف الخيمه ومش جايلها نوم
aftee 5 minutes
فتون : امييير
امير : انا عارف والله ان احنا مش هنام في الليله دي
نعم يافتون
فتون : بصراحه اصل مش جايلي نوم
امير : طيب وانا اعملك ايه يعني
فتون اتعدلت وربعت وقعدت جنب امير وقالتله
فتون : مش ناوي تقولي اي حاجه عن نفسك بقي ..
امير : وعايزه تعرفي ليه اذا كان احنل كل واحد مننا اول ما اطلعك من شرم وارجعك لاهلك محدش هيعرف عن التاني حاجه مره تانيه
فتون : بجد يعني مش هنعرف بعض تاني
امير : امير اتعدل في قعدته وقلها انتي شايفه ان ممكن نعرف عن بعض حاجه تاني
فتون : محدش عارف سبحان من جمعنا سوا واحنا منعرفش بعض
امير : مره واحده ابتدي يحس برعشه في جسمه راح طلع البرشام بسرعه من جيبه وشرب برشامتين
فتون : انت بتعمل ايه
امير : فتون مش شغلك
فتون : لاء شغلي يا امير .. ارجوك عرفني حتي بتاخد البرشام ده ليه عرفني اي حاجه عن نفسك
امير : تيجي نلعبها بطريقتك
فتون : نلعب ايه انا مش فاهمه حاجه
امير : هقولك فزوره لو حلتيها هقولك كل حاجه عن نفسي
فتون : موافقه
امير : ماتفرحيش اوي كده مش يمكن ماتعرفهاش
فتون : بس هيبقي فيه امل انك تحكيلي لو عرفتها
امير : تمام
حاجه بلسان بس مش انسان
ومن ورق ومش نبات
ومن جلد ومش حيوان تفتكرى ايه هي
فتون فتحت بوقها وبقت مش عارفه
امير بصلها كده وقلها طيب تصبحي علي خير بقي
وفتون فضلت لنص الليل تفكر في حل للفزوره مافيش دماغها مش شغاله ابدا لحد ما النوم غلبها ونامت
وفي نص الليل علي الساعه ٣ بالليل كده بيبصوا سمعوا صوت صريخ والخيم كلها بتولع وناس بتجرى
فهد دخل بسرعه وماسك السلاح في ايده
فهد : امير .. هم .. هم بسرعه مافيش وقت
امير: في ايه يافهد
فهد : عيله الطافش دخلت علينا وعايز تاخد كل محصولنا
امير : هما .. هما برضوا
فهد : ايوه
امير : خد فتون مع الحريم واديني سلاح بسرعه
فهد: طول عمرك راجل يا امير
فهد رمي السلاح لامير وامير لقطه منه
فتون : امير انت بتعمل ايه
امير : روحي انتي مع الحريم ماتخافيش هرجعلك
فتون : امير انا خايفه ومسكت ايده
راحت واحده من الستات شدت ايدها واخدتها ونزلوا زي سرداب كده هما وكل الحريم اللي كانت موجوده الدنيا كانت ضلمه كحل وبعدها واحده منهم ولعت لمبه جاز فتون بتبص لاقت نفسها في وسط شكاير من الحشيش والمخدرات
فتون : يانهار اسود اي ده
الست : هادا محصولنا نتعب طول السنه في جمعه وعيله الطافش بدها تاخده علي الجاهز والله لو فيها موتنا يمشوا علي جثثنا احسن ولا ياخدوا حشيشه واحده
فتون خافت وربعت وضمت رجلها وقعدت علي جنب
امير فوق كان ماسك السلاح بس مكانش بيستعمله بس كان بيضرب اي حد كان بييجي عليه وفهد وراه اول ما امير يوقع راجل من الرجاله امير بسرعه بسلاحه يضربه بالنار
بقلمي مآآهي آآحمد
راجل مع التاني لحد ما العصابه اللي كانت جايه عليهم كلهم ماتوا
فهد : ليش ما كنت بتقتلهم يا امير
امير: مابقيتش اقتل حد .. توبت من زمان عن القتل
شيخ العرب: اول مره نغلب عيله الطافش ما مصدق عيوني
فهد : ده بس عشان امير معانا
امير ابتسم وفتون طلعت من السرداب
فتون كانت خايفه جدا علي امير
واول ما شافته جريت عليه وحضنته وماكنتش عايزه تسيبه
امير حط ايده علي شعرها وطبطب عليها بحنيه وقلها
امير : انتي كويسه
فتون : انا برضوا اللي كويسه .. انا .. انا كنت خايفه عليك اوي يا امير
شيخ العرب : ما تخافي عليه امير اسد واللي زيه قليل
فتون : بعدت عن امير بسرعه وامير قال لفهد انا لازم اطلع من شرم ضروري
فهد : راح بطلعك اللي انت تؤمر بيه راح يتنفذ في الحال
فهد جاب العربيه بسرعه وعمل خطه هو وفهد حلوه جدا انهم يطلعوا من شرم ولبسوا لبس العرب ولسه كانوا هيطلعوا علي الطريق
تليفون فهد رن : الووو
كمال : فهد انا كمال
فهد : يامرحب بيك صاحب الغالي
كمال : اسمعني مافيش وقت لو امير معاك ادهوني
امير اخد الفون بسرعه
امير : ايوه ياكمال عرفت منين اني مع فهد
كمال : عصام كان هنا هو ورجالته وقالي ان عربيتك وقعت جنب الغرقانه وطبعا جنب الغرقانه قولت اكيد يبقي راح لفهد
امير : وعصام قالك ايه
كمال : البت اللي اسمها اميره دي تخصك في حاجه اصله قال انه هيقتلها النهارده لو ماظهرتش
فتون كانت حاطه ودنها علي الفون
فتون : ايه يقتلها 😳😳
كمال بيكمل كلامه في الفون مع امير
كمال : انا معرفهاش فقولتلوا اعمل اللي انت عايزه
امير : ايوه تخصني
كمال : طيب اوامرك ياكبير
فتون وقتها بقت تعيط ومابقيتش قادره تتحمل اكتر من كده
امير : طيب هكلمك تاني
فهد وقف العربيه وفتون نزلت منها وبقت تجري في الصحرا وبقت تقول انا هاروحله .. بس المهم يسيب اميره
امير نزل وراها بسرعه وبقي يقولها
امير : فتون .. فتون استني
فتون : سيبني يا امير سيبني
فتون : مسك وش فتون وبقي بين ايديه الاتنين وبقي يقولها
امير : ماتخافيش يافتون انا مش هخلي اميره يجرالها حاجه
فتون ( بعياط ) : انا ماليش غيرها يا امير ماليش غيرها 😢😢
امير : اخد فتون في حضنه وقلها
امير : اوعدك اني ارجعهالك وانا لما بوعد مابخلفش بوعدي ابدا مصدقاني
فتون هزت راسها بمعني مصدقاك واخدها في حضنه وضمها لي
مافيش احسن من انك لما تقع في مشكله او مصيبه وتلاقي حد واقف في ضهرك ويبقي سندك من غير مقابل بيعمل كده عشان انت تهمه ومش عايز حاجه من الدنيا غير انك تكون مبسوط
اسيبكم بقي مع اللحظه دي وربنا يبعت لكل بنت سند وضهر لما تتعب من مشاكل الدنيا وتجيب اخرها ياخدها في حضنه وترمي همومها كلها عليه
يتبع
فتون 💞
( الجزء التامن )
بقلمي مآآهي آآحمد 💞
فتون : اوعدني انك مش هتسيبني يا امير
امير : اوعدك ..اوعدك مش هسيبك يافتون .. مش هسيبك
فتون بصت لامير وابتسمت راح امير مسحلها دموعها بأيديه وقلها
امير : يامعفنه ينفع تبربري كده
فتون :( ضربته علي كتفه بحنيه وقالتله ) ايه ابربر دي انت مقرف اوي علي فكره
امير ابتسم وقلها
امير : طيب اسمها ايه ياست الحسن انتي ☺️
فتون : معرفش بس ماسمهاش ابربر ماتقولش كده تاني
امير : ياستي حقك عليا وعلي اللي جابوني
فتون ( بدلع ) : خلاص مسمحاك
هات بقي منديل عشان انف
امير : ايه القرف ده يابنتي
فتون : ايه مش احسن من ابربر ولا ايه
فهد : انتوا نسيتوا البت المخطوفه وماسكين في ابربر وانف ياجماعه ماتنجزوا
فتون : اااه انا نسيت هنعمل يا امير
امير : ما خلاص يابت قولتلك هرجعهالك
امير وفتون رجعوا يركبوا العربيه مره تانيه مع فهد
امير : انت معايا يافهد
فهد: والله افديك برقبتي انا ورجالتي يا امير
امير : كنت عارف انك قدها
اميراتصل بكمال
كمال : الوو ايوه يا امير
امير : عايز اعرف تحركات عصام اخر ٢٤ ساعه ومين اللي سانده دلوقتي واللي معاه واللي وراه
كمال : ابو عصام من وقت ما سيبت المجال يا امير وهو اللي واكل المنطقه والشغل كله ونفوذه كبرت اكتر من نفوذ ابوك بكتيير وبقت ناس كتير حواليه ويتمنوا يخدموه بس برضوا ابوك لسه واقف لابو عصام زي الشوكه في الزور
امير : مافيش اي مدخل ليهم
كمال : في صفقه ابوك ضامنها في جيبه ابو عصام حرفيا هيموت عليها بس انت عارف ابوك لو حط حاجه في دماغه بقي لو ابوك اتنازل عن الصفقه دي لابو عصام انا متأكد ان ابو عصام هيجبر عصام يسيب اميره وفتون في حالهم
بقلمي مآآهي آآحمد
امير : سيب ابويا الكارت الاخير دلوقتي يا كمال انا عندي خطه تانيه
كمال : معاك ياكبير
امير: قابلني عند الغرقانه
كمال : مسافه السكه اكون عندك
امير قال لفهد يرجع تاني للغرقانه وفتون كانت معاهم
وبقوا هما الاربعه امير وفتون وفهد وكمال
بقلمي مآآهي آآحمد
وهما واقفين بيتكلموا سوا بيبصوا لقوا يحي وعصام حواليهم مره واحده وبقوا هما الاربعه في النص وكانت فتون لابسه لبس العرب والبيشه علي وشها
يحي وقف بالعربيات الjeep بتاعته بسرعه حواليهم ومعاه البودي جاردات معاه والسلاح مرفوع علي امير .. والاربعه وقفوا ورفعوا ايدهم وبقوا خايفين
يحي : ( بسخريه ) لا لا يا امير ماكنتش اعرف انك بقيت خايب في المجال بتاعنا اوي كده ما هو خمس سنين برضوا مش شويه يا عم ده انا مسكتك اسهل ما بمسك الكلب بتاعي وهو مستخبي مني
امير : ( بصدمه ) انتوا عرفتوا مكانه ازاي
كمال : ايه ياكبير مافيش اي خطط ولا ايه 😏
يحي شاور للبودي جاردات اللي معاه عشان يرفعوا عليهم السلاح وبقوا الاربعه ضهرهم في ضهر بعض ورافعين ايديهم
امير : ماحدش يتحرك احنا مش قدهم
فتون وهي لابسه البيشه ومش عارفه تتكلم
فتون : امير انت وعدتني انك ترجعلي اميره
امير : الظاهر اني مابقيتش امير بتاع زمان يافتون
يحي : طيب يلا ياحيلتها انت وهي قدامي علي العربيه وربطهم كلهم من ايديهم وجه فهم عشان يمشى معاهم
يحي : لا مافتكرش انك ليك لازمه معانا انت يافهد وفي لحظه طلع مسدسه وضربه بالنار وقع ميت في ساعتها فتون شافت المنظر بقت تصووووووت من بشاعه اللي حصل قدامها ويحي جاب قماشه سودا وحطها علي وشهم
واخدهم هما التلاته وراحوا لعصام
بقلمي مآآهي آآحمد 💞
يحي اتصل بعصام في الفون
يحي : انا جيالك يازعيم خلاص وقعوا في ايدي
عصام : بسهوله كده
يحي : مش قولتلك امير مبقاش بتاع زمان خلاص
عصام : طيب انا مستنيكم ماتتأخرش عليا
يحي اخيرا وصل لمكان عصام زي مخزن كده بعيد في الصحرا محدش يعرف مكانه غيره هو ويحي وبس وكان مليان ذخيره
يحي نزل فتون وامير وكمال وعصام طلعلهم بسرعه
عصام : اخيرا وقعت في ايدي يا امير
يحي شال القماشه السودا اللي علي راس امير وكمال وفتون
امير : اغيرت اوي ياعصام مابقيتش العيل الصغير اللي كنت بديله علي قفاه كل ما يحاول يعلي علي اسياده
وقتها يحي ضربه بالبونيه في بطنه امير وطي ووقع في الارض
عصام راح قاله : وانت مابقيتش البعبع اللي يخوف زي زمان يا امير
امير قعد علي الارض من شده الضربه بيبص لقي قدامه اوضه وبابها موارب بص عليها لقي اميره جواها ومتبهدله ياعيني وشفايفها كلها جايبه دم
عصام : راح لفتون معقول يافتون .. معقول انتي تسبيني عشان الكلب ده انا مش مصدق انك اخيرا رجعتيلي وبيرفع البيشه من علي وشها بيبص لقي راجل بشنبات لابس لبس ست وبيبربشله بعنيه وبيضم في شفايفه وبيقلد صوت الستات بالظبط وبيقوله
الراجل اللي لابس لبس فتون: بدلع ومياصه اخيرا رجعتلك يا حبيبي انت وحشتني اوي
عصام اول ما شافه كده ( اتصدم ورجع لورا من الخضه )
عصام : ايه ده انت مين 😳
وقتها امير في لحظه البرق طلع سكينه صغيره من جيبه وفك ايده بسرعه وراح طلع المسدس من الشراب بتاعه وبقي يضرب كل اللي قدامه وكل اللي حواليه بس مكانش بيموتهم كان بيضرب نار في كتفهم واللي في رجليه مهاره التصويب عنده رهيبه بيقدر يحدد المنطقه اللي عايز يضربها بالنار في جسم الانسان من غير ما يموت وكمال راح استخبي في مكان فك ايده وبقي واقف في ضهر امير وقتها عصام طلع يجرى يستخبي هو ويحي
وفهد بقي بيضرب عليهم نار من بره وكان معاه رجاله من العرب ومعاهم عربيات واسلحه وبقوا يضربوا في اي حد خارج من المخزن فهد دخل بسرعه وبقي مع امير وكمال والراجل اللي معاهم اللي كان عامل نفسه فتون عصام لما لقي كده اتصل با ابوه بسرعه وقاله
عصام : الحقني يابابا
ابو عصام : ايه الدوشه اللي جنبك دي انت فين 😡
عصام : امير مش ناوي يسيبني في حالي ابدا يابابا عايز يموتني انا ورجالتي لازم تيجي ومعاك الرجاله كلها انا بمووووت وبقي بيعيط زي النسوان والفون اترمي من ايده وبعد نص ساعه ضرب نار وكله بيضرب في كله اخيرا
ضرب النار وقف ومبقاش فاضل غير عصام ويحي عصام رفع ايده هو ويحي لأمير
يحي بقي يقول لفهد : بس ازاي انت عايش انا مموتك بأيدي
Flash back
امير بيكلم كمال في الفون
امير : خلاص نتقابل عند الغرقانه
كمال : مسافه السكه اكون عندك ياكبير
امير : اتصل بكمال من رقم تاني وفون تاني
عصام : ايوه يا امير الكلام اللي انت قولته علي الخط التاني ده صح
امير : ومن امتي واحنا بنقول علي الخط ده اي حاجه صح ياكمال هما اكيد مراقبين الخط بتاعك وهما هيمشوا وراك دلوقتي واديهم الغرقانه وهناك هتلاقيني مستنيك واول ما يظهروا هنستسلم بكل سهوله لازم اوصل لعصام انت فاهمني ياكمال
كمال : فاهمك طبعا ياكبير
وقفل معاه الفون
فهد : اؤمرني يا امير
امير : عايز راجل بيقلد صوت النسوان وعايزك تلبس العازل بتاع الرصاص
فهد : اتعصب وقال بس انا ما بخاف من الموت 😡
امير : بس عندك ابنك مااحبش اكون انا السبب في انه يتيتم اسمع كلامي بقولك
واتفقوا سوا انهم يروحوا المخزن وينفذوا خطتهم
بقلمي مآآهي آآحمد
امير بعدها دخل لاميره واخدها وبقي شايلها وطلع بيها بره هي وعصام ويحي واول ما طلعوا امير دخل اميره العربيه ونيمها في الكرسي اللي ورا وكمال رافع المسدس علي عصام ويحي امير اخد منه المسدس ورفعه عليه وقاله
امير : اسمع ياعصام انا قولتلك قبل كده ان فتون تخصني وانت مسمعتش كلامي بس المره دي لو مسمعتش الكلام هوريك الوش التاني
عصام شاف عربيات جايه من بعيد وعرف ان دي عربيات ابوه وقتها وقف قدام امير وبقي يتكلم بكل شجاعه وقاله
عصام وقولتلك الف مره ان فتون دي بتاعتي انا وبس انت فاهم 😡
امير استغرب من شجاعه امير ومره واحده لقي ضرب نار جاي من بعيد بس كان جيش عربيات دي مافيا كبيره امير وقتها خاف علي الرجاله اللي معاه راح أمر فهد بسرعه انه يركب بعربيته ويبعد رجالته من هنا وركب هو وكمال العربيه اللي فيها امير وبقي يسوق بأسرع ما يمكن وطلعوا من الصحرا
ابو عصام راح لابنه واخده في حضنه وعصام عمل نفسه ضحيه وحكي لابوه ان امير رجع تاني للمجال وعايز يقتله
ابو عصام: مش هسيبه وحياتك عندي ياعصام ما هسيبه
بقلمي مآآهي آآحمد
امير رجع بسرعه لفتون امير كان مخبيها في شاليه صغير علي البحر وبسرعه ركبها العربيه وركبت ورا واول ما شافت اميره مابقيتش مصدقه
واخدتها في حضنها
فتون : اميره .. ماتخافيش انا هطلعك من هنا
اميره : ماتخافيش عليا يافتون انا كويسه ايه اللي خلاكم ترجعوا عشاني انا ماليش حد وحياتي مش مهمه
كمال : ليه بتقولي كده احنا بعد كده انا وامير هبقي اهلك واخواتك
فتون : هنعمل اي دلوقتي يا امير
امير : احنا هنطلع دلوقتي حالا علي القاهره
فتون ردت بسرعه وقالت : ومن القاهره هاخد امي واخواتي و هنطلع علي الصعيد ده أأمن مكان استخبي فيه اليومين دوول
امير : تعرفي مين في الصعيد يافتون
فتون : احنا صعايده يا امير بس الظروف اللي طلعتنا من هناك مش اكتر
اميره : تمام اتفقنا بس انا لازم اروح مستشفي
كمال : احنا لازم نتفرق انا هوديكي مستشفي في القاهره وانت ياامير خليك مع فتون عشان ماينفعش نبقي كلنا في سله واحده
الاربعه اتفقوا علي كده ورجعوا القاهره وامير نزل كمال واميره في اقرب مستشفي وراح بسرعه لاهل فتون لقي امها واخواتها الاتنين الصغيرين
ماما فتون اول ما شافتها اخدتها بالحضن وقالتلها كنتي فين انتي قلقتينا عليكي اوي يابنتي
فتون : ليه يا امي فيه ايه
ام فتون : كان فيه رجاله كل شويه يسألوا عنك وكانوا علي طول واقفين تحت البيت وكان باين عليهم الشر يابنتي
امير: هما اكيد مشيوا لما يحي قال لعصام انه مسكنا وقتها امرهم انهم يمشوا عشان مبقاش ليهم لازمه خلاص
بقلمي مآآهي آآحمد
امير بقي يبص للبيت اللي فتون عايشه فيه هي وأهلها مابقاش مصدق بيتهم بسيط اوي مافيههوش عفش والدولاب مكسر وعيشتهم صعبه بجد
فتون : اتفضل يا امير اقعد علي الكنبه
بص انا عارفه ان بيتنا مش قد المقام بس ولسه هتكمل امير حط ايده علي بوقها بسرعه وقلها
امير : انتي مقامك اعلي من اي حد يافتون والله
وكبرت في نظره اكتر واحده فقيره بالمنظر ده بدافع عن شرفها وبتحافظ علي نفسها بالدرجه دي
امير بعدها قال لفتون لازم نمشي مافيش وقت بعدها بسرعه جدا امير نزل وراح محطه القطر هو واهل فتون وساب العربيه قدام المحطه وركبوا القطر
ماما فتون : احنا هنركب هنا يابنتي دي الدرجه الاولي يافتون انا مش مصدقه عنيا 😍.
فتون : ابتسمت وقالتلها نامي وارتاحي يا امي انتي واخواتي
ام فتون نامت في الكابينه بتاعتها بس قبل ما تنام قالتلها
ام فتون : فتون انتي لازم تحكيلي علي كل حاجه
فتون : اكيد هحكيلك بس انا عايزاكي تبقي واثقه فيا وادعيلي يا امي
ام فتون : روحي يابنتي ربنا يبعد عنك ولاد الحرام ويقرب منك ولاد الحلال
فتون وقتها كانت واقفه علي باب الكابينه وبقت تبص لامير وهو قاعد جنب الشباك وابتسمت راح وقتها امير بصلها هو كمان وابتسم
فتون راحت لامير وقعدت جنبه
فتون : سمعت دعوه امي ليا صح ☺️
امير : صح
فتون : انت ازاي بتقدر تسمع الكلام من بعيد اوي كده
امير : عشان طول عمرى كنت عايش مع واحد اعمي علمني ازاي استخدم حاسه السمع عندي كويس اوي وضربني عليها طول السنين اللي كنت عايش معاه فيها
ومن وقتها اقدر اسمع اي حاجه مهما كانت بعيده
امير كان بيتكلم مع فتون وهي قاعده جنبه ومن كتر تعبها نامت علي كتفه امير بصلها كده وابتسم وقال
امير: ياريتني اقدر بالسهوله اللي بتنامي بيها يافتون
واخيرا وصلوا الصعيد
واهل فتون رجعوا بيتهم وامير وصلهم لحد البيت .. بيت فقير جدا مافيهووش غير فرن اللي بيخبزوا فيه العيش وقالت لامير
فتون : انت عارف اني طلعت من البيت ده وانا عندي عشر سنين يا امير واخيرا رجعتله بس معرفش الناس اللي هنا هتخلينا نعيش معاهم ولا لاء
فتون اول ما وصلت الناس اتلموا حواليهم وبقوا يسلموا علي ام فتون وام فتون عرفتهم بأمير علي انه جوز فتون
وقعدوا وكل حاجه كانت ماشيه طبيعي لحد بالليل امير ابتدي يترعش بيطلع البرشام من جيبه مالقهووش ابتدي يترعش اكتر وبقي دايخ ووقع علي الارض
فتون جريت عليه وقعدته علي سرير قديم
فتون : امير في ايه مالك 😳
ام فتون جريت عليه : مالك يابني فيك ايه
امير : بقي مش قادر يتكلم وبقي يقول لفتون شريط البرشام مش معايا يافتون
فتون اخدتها فرصه ودخلته الاوضه وقعدت معاه وقالت لامها تقفل عليهم بالخشبه من بره
امير : وعنيه كلها شراار
امير : بتعملي ايه ياغبيه انتي 😡
فتون : مش هسيبك تطلع بره يا امير
امير : ابعدي عني انا ممكن أأذيكي يافتون
فتون : مش هقدر يا امير مش هقدر وقتها امير قعد في الارض وبقي جسمه كله يترعش وفتون فضلت معاه مارضيتش تسيبه
يتبع
 وبعدها ردت ست من اللي قاعدين وقالت : ماشاء الله عليكم لايقين علي بعض كتيييييير فتون ( بفرحه ) : بجد 😍 …){kind=link}
تعليقات
إرسال تعليق