 |
فتون 💞
( الجزء التاسع والعاشر )
بقلمي مآآهي آآحمد
امير : فتون ابعدي عني دلوقتي انا ممكن أأذيكي 😡
فتون : مش هبعد عنك يا امير ولو الاذيه جت منك انت فا انا موافقه انك تأذيني
امير: طيب .. طيب سبيني اخرج دلوقتي انا لازم اخرج يافتون
فتون : امير هتخرج تروح فين احنا في الصعيد انت تعرف مين هنا عشان تخرج وتروحله
امير بقي يلف في الاوضه زي المجنون جسمه كله بياكله حاسس بنار جوه جسمه مبقاش طايق الهدوم اللي عليه قلع التي شيرت بتاعه وقرب من فتون
فتون : امير انت هتعمل ايه ؟
امير : لو ما بعدتيش عني دلوقتي يافتون مش هيحصل كويس
فتون: مهما اتكلمت مش هبعد يا امير
امير وقتها زق فتون وقعها علي الارض وبقي يكسر الباب برجله مره في التانيه لحد ما باب الاوضه اتفتح ولسه هيطلع لقي واحد قدامه زي الحيطه واقف
امير الصداع كان هيفرتك دماغه وعينه مزغلله
امير بقي يرجع لورا ويقوله : انت مين
الراجل بص لام فتون وقلها : هو ده جوز فتون بنتك
ام فتون : ايوه هو
راح قرب من امير وداله بالرسيه في راسه راح امير اغم عليه في ساعتها محسش بنفسه
فتون ( برعب ) : انت عملت ايييييييه
الراجل : متخافيش ياست البنات دي ضربه خفيفه كده علي الماشي
وشال امير ونيمه علي السرير
ام فتون : انتي مش فكراه عمك حسن يافتون ده كان بيلعب معاكي وانتي صغيره وكان بيحرت في الارض بتاعتنا
فتون وقتها افتكرته وحضنته وقالتله
فتون : اعذرني ياعم حسن والله اصل امير تعبان شويه
عم حسن : عارف يافتون امك حاكتلي علي كل حاجه علي العموم انا هنا معاكم لحد ما جوزك يخف ويبقي تمام اي حاجه انا في الزرعه اللي جنبكم مابتحركش من نواحيها ابدا
فتون : تسلملي ياعم حسن
فتون وامير مغم عليه غيرت هدومها هي وامها وربطت الارطه علي شعرها وبدات تنضف الاوضه وجيرانهم اللي حواليهم بقوا بساعدوهم اللي تجيبلها القله واللي عندها غطا قديم واللي عنده كرسي مش عايزه مع شويه كراكيب قديمه كانت موجوده عندهم وربطت امير بالحبل في السرير اللي عم حسن نومه عليه وأول ما امير فاق
لقي نفسه متربط في السرير من ايديه ورجليه
امير : فتون انتي بتعملي كده ليه يافتون
فتون كانت قاعده جنبه ماسكه الفون بتاعها بتقلب فيه ومابتردش عليه
امير : فتون انا بكلمك ردي عليا
فتون سابت الفون وقالتله
فتون : ارد عليك اقولك ايه هاا
امير : انتي بتعملي معايا كده ليه انا أذيتك في ايه عشان تأذيني كده
فتون : انا كده بأذيك هو اللي عايزك تبطل الزفت اللي بتشربه ده يبقي بيأذيك وبعدين ازاي بتشرب البرشام ده وانت بتصلي صلاه ايه اللي تتقبل دي وانت بتشرب القرف ده
امير والعرق بيصب منه وبيترعش ومش قادر يتكلم
امير : فتون انا .. انا تعبان .. والدوا ده هو علاجي
فتون : يعني انت تعبان يا امير مس بتاخده عشان حاجه تانيه
امير : لا لا ابدا انا تعبان يافتون انتي ظلماني
فتون : ياحرااااام ده انا علي كده ظلمتك 😒
امير : ها .. مش هتفوكيني بقي
فتون : ( بتريقه ) اه طبعا هفكك يا امير وجت تقرب منه
اه بس في حاجه
امير : قولي يافتون ايه هي قولي
فتون : انا فهد حكالي علي كل حاجه وانت مش بتاخد البرشام ده عشان تعبان ولا حاجه يا امير انت اخدته عشان تنتقم من نفسك مش اكتر ومن وقتها وانت بتحاول تبطله ومش عارف والفرصه جت خلاص اهيه قاوم نفسك شويه خللي عندك اراده
امير الشر كله في عنيه وقلها
امير : بقي كده يافتون
فتون : ايوه كده يا امير واللي عندك اعمله
فتون سابت امير وطلعت بره وبقي امير يهز ايده جامد جدا بيحاول يفك ايديه ومش عارف بقي يهز في السرير ويحرك السرير علي قد ما يقدر وبرضوا مش قادر من كتر الالم اللي في جسمه مخليه ضعيف
فتون قفلت الباب بالخشبه وبقت سامعه صوت امير وهو بينادي عليها وبيصرخ
امير : فتوووووووووووون ..فتووووون
طلعيني من هنا يافتون مش قااادر
فتون وقتها امير كان صعبان عليها جدا لدرجه رهيبه وقعدت وبقت تنزل علي رجلها وضهرها كله بقي يحك في الباب لحد ما نزلت علي ركبها وقعدت وبقت تعيط علي امير
فتون : افتحي يافتون حرام عليكي مش قادر هموووت
فتون : من كتر صريخ امير حطت ايدها علي ودنها وبقت تبكي اكتر واكتر لحد ما الليل ليل عليهم من الصريخ والزعيق اخيرت امير سكت فتون قلقت عليه
فتحت الباب بسرعه بتبص لاقيته نايم حطت ودنها علي نفسه عشان تتأكد انه لسه عايش واول ماسمعت صوت نفسه اتنهدت وارتاحت وقفلت الباب عليه ومشيت
ام فتون : ايه يابنتي اللي بيحصل ده فهميني علي كل حاجه احسنلك
فتون : ( حطت ايدها علي بوق مامتها عشان خافت لامير يصحي وبعدت عن باب الاوضه خالص وحكت لمامتها علي كل حاجه من اول يوم قابلت فيه امير وكل حاجه عملها عشان فتون
بقلمي مآآهي آآحمد
ام فتون : طيب وبعدين ايه العمل وهنعمل ايه دلوقتي احنا مهما كان حريم مش هنقدر عليه ىوحدنا
فتون : عم حسن معانا يا امي ومعانا اللي احسن من عم حسن كمان ربنا يا امي مش هيسيبنا ابدا
ام فتون : طيب احنا عايزين فلوس لازم يبقي فيه اكل وشرب في البيت وهو دلوقتي محتاج يتغذي
فتون : ماتقلقيش يا ماما انا هتصرف
ام فتون : روحي يابنتي ربنا يسترها معاكي دنيا واخره
بقلمي مآآهي آآحمد
فتون قلعت السلسه اللي كانت في صدرها وراحت بعتها وجابت شويه طلبات للبيت ومقويات عشان امير وعسل نحل ولبن
وامير اول ما فاق بقي ينادي علي فتون
امير : فتون .. يافتووووووون
فتون دخلت وهي الحاجه في ايديها بتجرى علي طوت امير وقالت
فتون : انا اهوه .. انا جيت اهوه وفتحت الباب
امير : انا عايز اشرب يافتون عطشان
فتون بسرعه جابت القله وقعدت ورا امير وبقي ساند عليها بضهره وبقت تشربه من القله وبعدها امير لف وشه وبصلها وبقي وشه في وشها وقلها
امير : متشكر جدا يافتون
وبعد ما شرب فتون جت تطلع امير ناده عليها مره تانيه
امير : فتون
لفت وبصيتله
فتون : نعم يا امير
امير : انا عايز ادخل الحمام
فتون : ايوه يا امير بس ...
امير : فتون انا بني ادم ولازم ادخل الحمام ده الطبيعي يعني
فتون : ماشي بس توعدني انك مش هتعمل حاجه كده ولا كده
امير : ياستي اللي انتي عايزاه هعمل ايه يعني يافتون انتي فكيني واول ما اخرج اربطي ايدي تاني علي طول
فتون : حاضر يا امير
فتون فكت رجل امير بس واول ما قربوا علي الحمام فكيتله ايده امير دخل الحمام بيبص لقي مسمار شد القميص بتاعه وقميصه اتقطع و عورله صدره وبقي ينزل دم امير اتأخر شويه في الحمام ابتدت الرعشه تجيله تاني في الحمام الالم رهيب محدش يتحمله حرفيا
وقتها امير فتح باب الحمام ولقي فتون مستنياه بره جه يمشي فتون نادت عليه
فتون : امير .. امير رايح فين مش هسيبك تمشي
امير : يوووه ابعدي عن وشي بقولك امير من غير ما يحس زق فتون بس الزقه كانت شديده اوي راحت خبطت دماغها في الحيطه اغم عليها وقعت علي الارض
امير : جرى بسرعه علي فتون وشالها
امير : فتون .. فتون فوقي وقعدها علي السرير
ام فتون : ( بصريخ ) بنتي مالها .. فتون مالها
امير : اهدي .. اهدي يا حجه هاتي مايه بسرعه
ام فتون جريت جابت مايه وبقت تفوء في فتون
وفت ن اخيرا فاقت اول ما فتحت عنيها امير اتنهد وقلها حقك عليا مكانش قصدي والله يافتون
فتون : كده برضوا يا امير انت وعدتني
امير : مش قادر
فتون اتعدلت في قعدتها واتخضت عليه اول ما شافت الدم نازل منه وحطت ايدها علي صدره
فتون : ( بخوف عليه ) امير انت كويس 😳🥺
امير : يعني اكون انا السبب في انك يغم عليكي وانتي كمان اللي قلقانه عليا
فتون ( اتجاهلت كلامه وقالتله ) سيبك مني رد عليا الدم ده من ايه
امير : المسمار قطعلي القميص وخدشني في صدرى حاجه بسيطه
فتون : قامت بسرعه وقعدت امير وقالتله استني هنا اوعي تتحرك
فتون بسرعه جابت قماشه وشويه مايه وبقت تمسحله الدم اللي علي صدره بالراحه اوي وقربت اوي من امير وبقي امير يبصلها كده كأنها اكبر انجازاته
وبعدها طلبت من مامتها ابره وخيط عشان تخيطله القطعه اللي في القميص
ام فتون جابت خيط وابره وراحت تحضر العشا بسرعه
فتون بقت تخيط القميص بتاع امير وهو لابسه وامير بقي هادي شويه وبقت قريبه منه اكتر واكتر
فتون كانت عايزه تقول لأمير حاجه بس كل ماتيجي تقول تتردد وتسكت وماتقولش واخيرا
امير : قولي يافتون عايزه تقولي ايه انا سامعك ..
فتون : عرفت منين اني عايزه اقولك حاجه
امير : عيونك قالت قبل شفايفك يافتون قولي انا سامعك
فتون بقت تخيط وماتتكلمش وراحت قالتله ( وهي زعلانه منه)
فتون : بس انا مش عايزه اقول حاجه خلاص
امير : بس انا عايز اقول يافتون
فتون : عايز تقول ايه
امير : عايز اقولك ان .. يعني .. انا ..
فتون : في ايه يا امير ما تقول علي طول
امير : انا .. عارف. اني مكانش ينفع .. او .. اني
فتون : ما تقول انك ايه ؟
امير : اني غلطت يعني .. اقصد مكانش ينفع اعمل كده معاكي
فتون : ايه يا امير مستخصر تقولي انك اسف ☹️
امير : بصراحه يافتون انا متعودتش اقول لحد الكلمه دي
فتون : طيب 😏
وسابته وقامت وقالتله
فتون : انا خلصت
وجت تمشي ولسه بتديله ضهرها مسكها من ايدها ووقف وشدها لي وحط ايده علي وسطها بالراحه اوي وقربها لحضنه وهمس في ودنها وقلها
امير: انا اسف يافتون مكانش قصدي
فتون وهي قريبه منه ابتسمت ابتسامه خفيفه واول ما بقي وشه في وشها رجعت كشرت في وشه
امير : لسه مكشره
فتون : ايوه
امير : طيب ايه اللي يرضيكي
فتون : انك تساعدني انك تبطل يا امير وتسمحلي اني اقف جنبك زي ما وقفت جنبي في كل اوقاتي الصعبه خليني احس اني قريبه منك لو مش عايز تقولي دلوقتي اي حاجه عن نفسك انا موافقه بس المهم اني ابقي معاك وتبطل البرشام اللي بتشربه ده قولت ايه
امير : موافق يافتون
فتون : ابتسمت يعني هتبطل
امير : ايوه هبطل يافتون
امير عدت عليه ايام صعبه جدا وفتون مكانتش بتسيبه لحظه عدت ايام فتون مكانتش بتسمع فيها غير الصريخ والالم اوقات كتير كان بينام في حضنها من التعب وايام اكتر كان بيتنرفز عليها ويطلع كل غله فيها وهي كانت دايما تتحمل اليوم كان بيعدي زي السنه كانت كل يوم تعمل الاكل ويرمي الاكل في وشها وايام تانيه ياكل اكل خفيف لانه كان ممكن يموت من قله الاكل فتون كانت في ضهره ومعاه عمرها ما ملت ابدا منه كانت متأكده ان دايما بعد الصبر جبر وربنا واخره صبرها مع امير في تعبه اكيد خير
وبعد مرور ٢٠ يوم اخيرا الوجع بتاع كل يوم قل ومبقاش زي الاول بقي يقدر يتحمله
وماتتكلمش وراحت قالتله ( وهي زعلانه منه)
فتون : بس انا مش عايزه اقول حاجه خلاص
امير : بس انا عايز اقول يافتون
فتون : عايز تقول ايه
امير : عايز اقولك ان .. يعني .. انا ..
فتون : في ايه يا امير ما تقول علي طول
امير : انا .. عارف. اني مكانش ينفع .. او .. اني
فتون : ما تقول انك ايه ؟
امير : اني غلطت يعني .. اقصد مكانش ينفع اعمل كده معاكي
فتون : ايه يا امير مستخصر تقولي انك اسف ☹️
امير : بصراحه يافتون انا متعودتش اقول لحد الكلمه دي
فتون : طيب 😏
وسابته وقامت وقالتله
فتون : انا خلصت
وجت تمشي ولسه بتديله ضهرها مسكها من ايدها ووقف وشدها لي وحط ايده علي وسطها بالراحه اوي وقربها لحضنه وهمس في ودنها وقلها
امير: انا اسف يافتون مكانش قصدي
فتون وهي قريبه منه ابتسمت ابتسامه خفيفه واول ما بقي وشه في وشها رجعت كشرت في وشه
امير : لسه مكشره
فتون : ايوه
امير : طيب ايه اللي يرضيكي
فتون : انك تساعدني انك تبطل يا امير وتسمحلي اني اقف جنبك زي ما وقفت جنبي في كل اوقاتي الصعبه خليني احس اني قريبه منك لو مش عايز تقولي دلوقتي اي حاجه عن نفسك انا موافقه بس المهم اني ابقي معاك وتبطل البرشام اللي بتشربه ده قولت ايه
امير : موافق يافتون
فتون : ابتسمت يعني هتبطل
امير : ايوه هبطل يافتون
امير عدت عليه ايام صعبه جدا وفتون مكانتش بتسيبه لحظه عدت ايام فتون مكانتش بتسمع فيها غير الصريخ والالم اوقات كتير كان بينام في حضنها من التعب وايام اكتر كان بيتنرفز عليها ويطلع كل غله فيها وهي كانت دايما تتحمل اليوم كان بيعدي زي السنه كانت كل يوم تعمل الاكل ويرمي الاكل في وشها وايام تانيه ياكل اكل خفيف لانه كان ممكن يموت من قله الاكل وجت عليه فتره من كتر التعب مبقاش قادر يتحكم في نفسه وفتون دخلت عليه الاوضه جه عشان تدخله الحمام راح عمل حمام علي نفسه فتون بصيتله كده وبقت دموعها تنزل منها من غير ما تحس بس فتون كانت في ضهره ومعاه عمرها ما ملت ابدا منه كانت متأكده ان دايما بعد الصبر جبر واخره صبرها مع امير في تعبه اكيد خير
وبعد مرور ٢٠ يوم اخيرا الوجع بتاع كل يوم قل ومبقاش زي الاول بقي يقدر يتحمله واخيرا رجع يصلب طوله تاني ويقف علي رجليه ومره واحده فتح باب الاوضه لوحده وطلع بنفسه بره بيبص لقي فتون قاعده بره البيت وقدامها الغيط واول ما شافته قايم لوحده وجاي عليها جريت عليه وبقت فرحانه اوي ومن فرحتها جريت عليه وحضنته
فتون : امير انا مش مصدقه انت قايم كده لوحدك
امير : فتون انا جعان
فتون : بجد يا امير انت عايز تاكل
امير : ايوه يافتون حاسس اني جعان
فتون.: ثواني بس والاكل يكون عندك
فتون جريت بسرعه حضرت اللبن والقشطه والعسل والجبنه وبسرعه راحت لامير وحطيتله الاكل وبقوا ياكلوا سوا هما الاتنين وبقت تأكله في بوقه كانوا مبسوطين اوي سوا واخيرا شالت الاكل وبعدها جابت كوز من الدره وبقت تشويه
وهي بتشويه بتبص للسما لاقيت شهب في السما معديه
فتون: امير شفت الشهب دي
امير : ايوه شوفتها جميله اوي
فتون : طيب يلا بسرعه اتمني امنيه بسرعه
امير وفتون غمضوا عنيهم وكل واحد اتمني امنيه
فتون : اتمنيت ايه
امير : مش هقولك
فتون : لا عشان خاطري .. عشان خاطرى قول
امير : بس بشرط
فتون : ايه هو
امير : لو قولتلك انا اتمنيت ايه هتوافقي
فتون : اوافق علي ايه انا مش فاهمه حاجه
امير : توافقي علي اللي هقوله
فتون : ياسيدي موافقه بس قول بقي
امير : فتون تتجوزيني
فتون : ايه 🥺🥺
بكره أن شاء الله هينزل الجزء العاشر من الروايه الساعه 8
التفاعل ياجماعه بليز لاف وعشر كومنتات عشان اقدر اكمل
#مآآهي _آآحمد
فتون 💞
( الجزء العاشر)
بقلمي مآآهي آآحمد
امير : تتجوزيني
فتون : ايه 😳😳
امير : فتون .. فتون سرحتي في ايه ؟
فتون : فاقت من سرحانها وقالتله لا .. لا ابدا ماسرحتش ولا حاجه
بقلمي مآآهي آآحمد
امير : اومال روحتي مني فين ؟
فتون : بقت تقول في نفسها وهي بتبصله وعنيها في عنيه كم انا عبيطه ؟ ازاي اسرح بخيالي وافتكر ان امير ممكن يطلب مني انه يتجوزني وهزت راسها يمين وشمال واتنهدت
بقلمي مآآهي آآحمد
امير : لا انتي مش معايا خالص
فتون : لا والله ابدا بس مش هتقولي بقي اتمنينت ايه ؟
امير : ابتسم وقلها مش هينفع اقولك
فتون : ليه بقي ؟
بقلمي مآآهي آآحمد
امير : عشان لو قولتلك علي امنيتي ممكن ماتتحقش وبصراحه كده انا عايزها تتحقق
فتون : وانا مش هضغط عليك اكتر من كده وبتمني من قلبي بجد ان امنيتك تتحقق
بقلمي مآآهي آآحمد
امير : طيب ممكن تحكيلي بقي عن نفسك شويه عايز اعرف عنك كل حاجه يافتون
فتون : امير انت سخن ( وحست علي جبينه بأيديها )
امير : رجع لورا وقلها في ايه يافتون انا مش سخن ولا حاجه
فتون : اصل انت عايز تسمع حكايتي وانت اصلا مش بطيق رغيي اصلا
بقلمي مآآهي آآحمد
امير : اصل بصراحه زهقان قولت اسمعك احسن ما أأزأز كيس لب ولا حاجه 😂
فتون : ضربته بأيديها علي كتفه وقالتله يارخم 😒😒
امير : لا لا بجد احكيلي كل حاجه بقي بالتفصيل
فتون : بص ياسيدي انا اصلا اتولدت في الصعيد كنا مبسوطين اللي هو ماشيه وكان عندنا حته ارض هنا في البلد وعم حسن اللي شالك ده هو اللي كان بيزرعها مع ابويا الله يرحمه لحد ما ابويا جت رقاصه لفت عليه وباع حته الارض اللي هنا بتاعتنا وبقي يستلف من طوب الارض عشان يصرف عليها وساب امي خالص حتي بيتنا باعه وقعدنا في الخرابه دي ولما اداين لطوب الارض عشان يهرب من الدين اللي علينا اخدنا وسافرنا علي مصر وقعدنا في الشقه اللي انت شوفتها دي وبعدها ابويا كان عاوز يقعدني من المدرسه بس انا مارضيتش ابدا قولتله هشتغل واصرف علي نفسي بقيت امسح سلالم واشتغل في بيوت وفي محلات واصرف برضوا علي البيت ولما بقي عندي ١٤ سنه ابويا مات وبقيت شايله البيت كله لوحدي واشتغلت في محل كوافير بس المدام ماكنتش بترضي ابدا تخليني اتعامل مع الزباين كنت يادوبك بغسل شعر وانضف الارض لحد ما دخلت الكليه
انا دلوقتي في سنه تانيه فنون جميله علي فكره
امير : اه ما انا عارف
بقلمي مآآهي آآحمد
فتون : بس انا عمرى ماقولتلك قبل كده ان انا في كليه
امير : لا بس المحفظه بتاعتك نستيها في الجاكيت بتاعي لما كنتي عندي في الشاليه
فتون : لا والله.. تصدق انا قولت انها وقعت اصلا وضاعت
امير : لا ماوقعتش هي في عربيتي
فتون : بس قولي صح انت ايه اللي جابك ورايا تاني علي شط بردايس
بقلمي مآآهي آآحمد
امير : عشان اديلك المحفظه بتاعتك
فتون : لا لا لا ده ربنا يابني اللي بعتك ليا عشان تنقذني من عصام الزفت ده
امير : وليه ماتقوليش ان انا روحتلك عشان خفت لا ترجعي تسألي عنها وتكسريلي الشاليه اكتر 😁
فتون : بتهزر يعني انت خفت لا ارجع روحت جايلي 😡
امير : ( بضحك ) بصراحه اه
فتون : اقسم بالله انت رخم
امير : يابنتي وانا كنت اعرفك لسه وبعدين مش ممكن ربنا عمل كده وخلاكي تنسي المحفظه بتاعتك واروح انا هناك عشان لينا نصيب نتعرف علي بعض اكتر
فتون : ممممم ممكن برضوا 😂
بقلمي مآآهي آآحمد
امير : طيب كملي بقي حكايتك وبعدين
فتون : استني انا نسيت هو انا وقفت لحد فين 🤔
امير : لحد ما كنتي بتنضفي الارض في الكوافير يافتون
فتون : اه افتكرت المهم كنت باخد ١٢٠٠ جنيه ويعملوا اي دوول واخواتي بيكبروا ودخلوا مدارس وانا مصاريف كليتي كمان راحت جت زبونه في مره وقالتلي تحبي تشتغلي في شرم كوافيره وهتقبضي بالدولار عشان البقشيش وهيبقوا اجانب بقي وحوارات فرحت و قولتلها ياريت ومن ساعتها روحت شرم معاها لاقيتها ضحكت عليا وكانت عايزاني اشتغل معاها في الدعاره سيبتها وهربت طبعا وشفت أميره وساره وصعبت عليهم وفكرتهم بنفسهم اول ما راحوا شرم وشغلوني معاهم في الكباريه بس ويتر واي حد كان يقرب مني يبعدوه عني علي طول وكنت باخد بقشيش حلو اوي والدنيا ماشيه كويس جدا لحد ما شافني عصام الزفت ده ومن وقتها وحالي اتقلب كله والباقي انت عارفه طبعا
بس ياسيدي هي دي حكايتي
بقلمي مآآهي آآحمد
فتون : وانت بقي مش ناوي تقولي حاجه عن نفسك
امير : انا بقي ياستي ولسه هيتكلم ..ام فتون صحيت
ام فتون : الحقي يافتون حلقي علي الفرخه بسرعه الفراخ طلعت من القفص يابنتي
امير : بصلها كده وابتسم
بقلمي مآآهي آآحمد
فتوون قامت بسرعه وبقت تجرى ورا الفراخ ومكانتش عارفه تمسك ولا فرخه فيهم امير كان قاعد مكانه وكان مش مبطل ضحك عليها ومره واحده لقي الفرخه اللي فتون بقالها ساعه بتجرى وراها وقفت قدامه وبكل سهوله مسكها واداها لفتون
فتون : ده ازاي ده بقي أن شاء الله
امير : ادخلي يافتون ادخلي انتي مش نافعه في حاجه 😁
تاني يوم عم حسن جه لامير ولقي ان صحته بقيت احسن
عم حسن : تحب تنزل تشتغل معايا في الارض بتاعتي يا امير يابني
بقلمي مآآهي آآحمد
امير : ياريت انا حتي قاعد زهقان ومش بعمل حاجه
امير بقي ينزل مع عم حسن وبقي يفلح في الارض بالفاس وبقت فتون تجيبله الاكل هناك وياكلوا سوا كانت الحياه هاديه جدا ما بينهم لحد ما امير خف تماما ومبقاش يفكر في البرشام ..
ومره واحده فتون صحيت كالعاده الصبح وبتخبط علي امير في اوضته مالقيتهووش راحتله الارض عند عم حسن
فتون : ماشوفتش امير ياعم حسن
عم حسن : امير مشي يافتون
فتون : مشي 😳
مشي ازاي وليه ؟
بقلمي مآآهي آآحمد
عم حسن : امير حكالي علي كل حاجه يافتون وعرفت منه انه مش جوزك ولا حاجه وهو عشان انسان محترم سابك في حالك عشان تعرفي تعيشي انتوا سكتكم مش واحده يابنتي
فتون : مش واحده يعني ايه .. هو مشي من امتي ياعم حسن
عم حسن : بقالوا ساعه
فتون في لحظه سابت عم حسن وطلعت تجرى
عم حسن جرى وراها وقلها فتون استني يابنتي استني هقولك
بقلمي مآآهي آآحمد
بس فتون مابقيتش ترد عليه وجريت ركبت عربيه وطلعت علي محطه القطر واول ما وصلت بقت تدور علي امير في كل مكان مكانتش لاقياه لحد ما سألت حد من اللي موجودين
فتون : ( وهي بتنهج ) لو سمحت القطر اللي راجع علي القاهره فين
بقلمي مآآهي آآحمد
الراجل : اهو القطر اللي بيتحرك هناااااك ده
فتون : مابقيتش شايفه قدامها بقت تجري عشان تحصل القطر بسرعه وهي بتجري بقت تقول في نفسها
فتون : مكانش ينفع تسيبني وتمشي يا امير
مش هينفع تسيبني دلوقتي
عشان مهما حاولت تبعد انا مش هسيبك يا امير
المشهد ده حلو اوووي عشان كده انا عملته فيديو وحطيته علي الاستورى بتاعت البيدج بتاعتي حكآآيآآت مآآهي دوروا عليها علي الفيس هتلاقوها وهتقدروا تشوفوا الفيديو اتمني يعجبكم
بقلمي مآآهي آآحمد
وخلاص هتوصل علي القطر للاسف القطر سرع سرعته اكتر ومشي امير وقف عند الباب بتاع القطر بيبص راح شاف فتون وهي بتجري وراه القطر بس للاسف فتون من كتر ما تعبت من الجري مسكت جنبها وسندت علي الحيطه ووقفت وامير بص في الارض ورجع علي مصر
امير اول ما وصل مصر اتصل بصاحبه كمال
امير : الوو ايوه ياكمال فينك
كمال : انا في الشقه بتاعتنا تعلالي
امير راح لكمال البيت خبط علي الباب وكمال فتحله
كمال : ايه ياكبير ايه الغيبه الطويله دي شهر معرفش عنك حاجه
بقلمي مآآهي آآحمد
وبعدها كمال راح وقف علي البار وفتح ازازه وبقي يشرب منها حط لامير كاس وجه يديلوا عشان يشرب
امير زق الكاس بأيده وقال لكمال لاء انا بطلت
كمال : اه معلش نسيت انك بطلت شرب من ساعه الحادثه بتاعت بنتك
امير : اتعصب وقاله كمال ماتجيبش سيرتها انت عارف لما بقتكر بيحصلي ايه
كمال : حقك عليا ياكبير 💔
امير: انت في حد معاك جوه ولا ايه
بقلمي مآآهي آآحمد
امير بيفتح باب اوضه النوم بيبص لقاها اميره نايمه ولفه الملايا علي صدرها كده وبكل كسوف
اميره : امير معلش اصل .. اصل .. احنا .. كناااا
امير قفل الباب بسرعه وقال لكمال مش هتبطل بقي حركاتك دي
بقلمي مآآهي آآحمد
كمال : مش لما تبطلها انت الاول ياكبير انت معرفتنيش ان البنات دوول شمال اوي كده
امير مسك كمال وزقه علي الارض وقاله
امير : مسمحلكش تقول كلمه واحده علي فتون انت فاهم 😡 فتون مش زيهم
بقلمي مآآهي آآحمد
كمال كان واقع علي الارض وقاله في ايه ياكبير عرفني انا مش فاهم حاجه انا اول مره اشوفك تتعصب عشان بت كده
امير : مد ايده لكمال وقومه من علي الارض وقاله حقك عليا ياصحبي بس دي فتون مش زي اي واحده عرفتها قبل كده
كمال : خلاص ياكبير طالما امرها يهمك حقك عليا ماكنتش اقصد
امير : ولا يهمك ياصاحبي
اميره طلعت وسمعت كمال وقالت
اميره : انا لوحدي بس اللي شمال ياكمال فتون مش زيي وانت فعلا شمال عشان سلمتك نفسي بالسهوله دي ومش معني انت يعني اللي مش اسلمك نفسي ما انا بعمل كده مع غيرك وغيرك وبقبض التمن جت عليك
بس اللي عايزه اقولهولك اني لما كنت بعمل كده مع غيرك بعمل كده عشان مجبره اعمل كده لكن معاك انت لاء ياكمال
اميره سابتهم ومشيت ورزعت الباب وراها
امير : استني يا اميره يابنتي استني
بقلمي مآآهي آآحمد
كمال : ياعم سييك منها المهم تعالي احكيلي بس احنا هنعمل اي دلوقتي هنرجع شرم ولا هنعمل ايه
امير : ايوه هنرجع انا خلاص سيبت فتون ووصلتها لحته امان مافتكرش عصام ممكن يعرف مكانها هناك
كمال وامير رجعوا شرم بالعربيه بتاعتهم وامير طول الطريق زعلان ومخنوق انه ساب فتون بس كان لازم يسيبها حياه فتون مع امير كلها هتبقي خطر
بقلمي مآآهي آآحمد
امير رجع الشاليه وبيفتكر انه سايب كل حاجه فيه في المطبخ متكسره والدنيا متبهدله علي الاخر دخل الشاليه وبيفتح الباب بالمفتاح بيبص لقي في الصاله كل حاجه في مكانها
بقلمي مآآهي آآحمد
دخل المطبخ لقاه نضيف ومافيش حاجه في الارض وكل حاجه مظبوطه استغرب جدا طلع المسدس ومسكه في ايديه ومره واحده لقي حد بيتحرك في الشقه لسه هيضرب نار بيبص لقاها فتون 😳
بقلمي مآآهي آآحمد
فتون فتحت نور الصاله وقربت منه اوي وهو لسه رافع المسدس عليها من كتر ما هو مش مصدق انها هنا ومعاه
فتون : ايه مش ناوي تنزل المسدس بقي
امير : نزل المسدس بسرعه وقلها
امير : انتي بتعملي ايه هنا يافتون
فتون : مش عايزني معاك
امير : فتون انتي مجنونه انا ما صدقت اخرجك من هنا ازاي رجعتي مش خايفه علي نفسك
فتون : الحاجه الوحيده اللي خايفه منها دلوقتي يا امير هي بعدك عني مش اكتر
بقلمي مآآهي آآحمد
امير : فتون انتي مجنونه
فتون قربت منه اكتر ولمست بصوابعها علي خد امير وقالتله
فتون : انا ابقي مجنونه بجد يا امير لو خليتك تبعد عني
مره واحده الباب اتفتح وهما واقفين ودخل عليهم راجل كبير وبنت في حدود ال ٢٥ سنه كده
الراجل : اخيرا ظهرت يا امير
بقلمي مآآهي آآحمد
امير : بابا 😳
ابو امير : ( بعصبيه ) انت كنت فين الوقت ده كله يا امير وعملت ايه عشان مافيا عصام وابوه يدوروا عليك في كل حته كده ويبقوا عايزينك بالشكل ده
البنت اللي مع ابو امير : هي دي بقي الاموره اللي عصام قالب الدنيا عشانها يا امير
هي دي اللي سايبني انا عشانها
فتون : انتي بتتكلمي كده ليه مين دي يا امير
البنت : انا برضوا اللي مين انتي اللي مين وبتعملي ايه هنا 😳
امير : فتون اعرفك مروه مراتي
فتون : مراتك 😒🥺😳
انا حاولت اطول البارت علي قد ما اقدر لو قصير برضوا قولوا عشان اطوله اكتر ولو القصه ابتديتوا تملوا منها ومابقيتش مشوقه قولوا اي انتقاض عشان احسن من نفسي فيها
يتبع
 بقلمي مآآهي آآحمد امير : فتون ابعدي عني دلوقتي انا ممكن أأذيكي 😡 فتون : مش هبعد عنك يا امير ولو الاذيه ج…){kind=link}
تعليقات
إرسال تعليق