 |
رواية زوجة محرمة ليلا الجزء السادس
للكاتبة/حنان حسن
بعدما عرفت
من ام ابراهيم(الجارة)
ان الي مات لصباح ...
حد تاني غير عمران
سالت ام ابراهيم
وقلت..امال مين الي مات لصباح
وكانت هتموت وراه؟
ردت ام ابراهيم
وقالت ..الي مات
هو....
ابن صباح (هاني)
بعد ما سمعت كلام ام ابراهيم
استغربت....
ومصدقتش الي بسمعة
وقلت اكيد الست دي بتخرف ...
او اختلط عليها الامر
فسالتها تاني
وقلت...معلش يا حاجة ركزي معايا الله يكرمك
للكاتبة حنان حسن
لان واضح انك عندك مشكلة
في الذاكرة
انتي متاكده ان الي مات لصباح...
واتقهرت عليه..
لدرجة انها كانت هتموت وراه
هو ابنها هاني؟
مش عمران اخويا؟
ردت ام ابراهيم بغضب
بعد ما شعرت اني بتهمها بالخرف
وقالت...ايوه طبعا متاكدة
زي منا متاكده انك قاعد ادامي دلوقتي
دنا كنت معاهم ساعة ما ابنها كان تعبان لحظة... بلحظة
وابنها مات بالحمي كمان بالامارة
وبعدين جوزها مين الي هتحزن عليه يا الدلعادي ؟
ده كان بينها وبين اخوك عمران ما صنع الحداد
الله يجازي امها بقي
الي كانت ديما بتخرب عليها
فسالتها..
قلت..امال عمران اخويا كان فين لما ابنه مات؟
ردت ام ابراهيم
وقالت..
كان في الشغل
ولما اتصلوا بيه ....
وعرف بوفاة ابنه...
حزن يا ولداه ...
واتقهر علي ابنه
بعد ما سمعت كلام ام ابراهيم
حسيت ان الست متاكده من المعلومات الي قالتهالي...
ومش بتخرف
فا فهمت في اللحظة دي
ان في حاجة مش مظبوطة بتحصل
وسالت نفسي
ليه تامر صاحبي
قالي ان صباح دي انسانة كويسة ؟
وليه معرفنيش بموضوع موت هاني؟
وليه؟...وليه؟....ولية؟
وبسرعة سيبت ام ابراهيم...
وخرجت امشي في الشارع عشان
افكر بتركيز... واحاول
افهم الي بيحصل
وكان لازم اتصل بتامر صاحبي
عشان اسالة
واعرف منه..
هو ليه ؟
مقليش ان هاني ابن اخويا اتوفي من فترة؟
وبالفعل اتصلت بتامر
وعرفتة اني قاعد في قهوة علي ناصية الشارع
بتاعة
للكاتبة حنان حسن
فا جاني فعلا
وسالني
قال..في ايه يا ياسر قلقتني
قلت...في مصايب
قال..مصايب ايه؟
قلت...انت ليه مقولتليش
يا تامر
ان (هاني) ابن اخويا
مات
من قبل ما اخويا عمران يموت؟
بصلي تامر بدهشة
وقالي...ازاي الكلام ده؟
انا معرفش ان ابن اخوك مات اصلا
واستطرد تامر
قائلا
وبعدين لما ابن اخوك مات ؟
امال مين الطفل الي شوفناه عند صباح
لما روحت معاك هناك ؟
قلت مش عارف
رد تامر
وسالني
قال..انت متاكد يا ياسر
من الكلام الي انت بتقولة ده؟
قلت..ايوه متاكد طبعا
ولا مكنتش جيت لغاية هنا
عشان اسالك
واطلب مساعدتك
بصلي تامر بتعجب
وقالي..
لا بص بقي يا صاحبي
انت تقعد كده ..
وتحكيلي علي كل حاجة
عشان افهم ...
واقدر اساعدك

قلت..ماشي
وبالفعل...
سردت لتامر كل الي حصل معايا
من ساعة ما دخلت لبيت صباح
لغاية ما سيبت ام ابراهيم...
وجيت قعدت معاه علي القهوة
دلوقتي
وبعد ما سمعني تامر للاخر
بدت علامات الدهشة ....والتعجب علي وجهة
وبعد ما فكر شوية
لقيتة بيقولي
اهدي كده يا صاحبي
الاول
عشان تقدر ترتب افكارك
وتشوف...
هتعمل ايه؟
للكاتبة حنان حسن
وانا علي استعداد
اعمل اي حاجة عشان اساعدك
وبالفعل
بدات ارتب الافكار في دماغي بهدوء
وبعد تفكير طويل
سالت تامر
وقلت...
دلوقتي ...بما ان هاني ابن صباح مات من فترة..
فا ده بيعني...
ان الطفل الي غرق في البحيرة مش ابن صباح
صح؟؟؟
رد تامر
وقال..صح
وفي اللحظة دي..
بصيت لتامر
وسالتة تاني
قلت...
وبما ان ..
(ام صباح) كدبت عليا
وقالتلي...
ان صباح كاتت بتحب عمران اخويا
لدرجة انها كانت هتموت عشانة...
وده سببلها حالة نفسيةصعبة...
بتخليها تنطوي علي نفسها
اثناء الليل
يبقي ام صباح كانت...
عايزة تبرر وجود صباح في الغرفة لوحدها باليل
بعيد عني
او بمعني اصح
كانت بتوجد مبرر...
يحرم زوجتي عليا ليلا
صح؟
رد تامر
وقال...صح طبعا
تحليل منطقي جدا
لما لقيت تامر بيايدني في تحليلي للي حصل
سالتة
وقلت...
تفتكر ايه الي يخليهم يكدبوا
في مسالة موت هاني
اصلا؟
وليه اوهموني ....
بان هاني ابن اخويا لسة عايش؟
رد تامر
وقال
يبقي الموضوع اكيد فية سر
بصيت لتامر بثقة
وقلت..
لا مش سر واحد
دي اسرار
وانا لازم اعرف الاسرار دي
للكاتبة حنان حسن
وفضلت افكر في كل الي حصلي
من ساعة ما دخلت البيت عند صباح
لغاية اللحظة الي عرفت فيها اني ( غبي )
ولما...افتكرت الرسايل
الي كنت بلاقيها في الشقة عند صباح
سالت نفسي المره دي
وقلت
ازاي غاب عن بالي
اني اسال نفسي
عن مصلحة الشخص الي بيحطلي الرسايل؟
وليه طلب مني اني اهرب من البيت واسيب صباح؟
وازاي مفهمتش؟
ان الي يكون عارف كل المعلومات دي
وبيعرف يرسم ....
و يخطط كده
فا ده لا يمكن يكون عفريت؟
وبعد شرودي ولحظات من التفكير
بصيت لتامر
وقولتلة..
انا متاكد دلوقتي يا تامر
ان الي انا شوفتة كله
استحالة يكون من شغل الجن والعفاريت
رد تامر بسخرية
وقالي..
عفاريت ايه يا ابو جهل انت كمان ؟
للكاتبة حنان حسن
الناس طلعت القمر ...
وانت جاي تقولي عفاريت؟
و في اللحظة دي
افتكرت الست المشوهة
ورجعت اقول لتامر
بس ازاي يا تامر ؟
دنا شوفت بنفسي المراة المشوهة
وهي بتاكل الفيران
واستحالة الي شوفتها دي تكون من البشر..
وكمان الحلم الغريب الي شوفتة؟
للمراة المشوهة...
وهي بتضرب صباح علي راسها...
وبتاخدها وتخرج بره الاوضة
ده غير النور
الي كان...
بيطفي و....ينور في الاوضة باستمرار

والراجل الي سمعتة صوتة في غرفة صباح
ومكنش له وجود ؟
كل دي حاجات بردوا تخليني اشك
انه يكون ده كله شغل عفاريت
بصلي تامر بغضب
وقالي..
سيبك من قصص العفاريت والهبل ده
وتعالي نفكر بالعقل
واضاف تامر
قائلا
لازم نفكر شوية بالعقل والمنطق
عشان نعرف ...
ايه الي يخليهم يحاولوا يوهموك
بان هاني لسه عايش؟
بعد ما فكرت شوية
قولت... الشقة
ايوه ...
ممكن يكون السبب الي خلاهم يعملوا كل ده
هو...
الشقة بتاعتي الي كلفتني شقي عمري كله
ايوه انا فهمت دلوقتي
واضح ان صباح وامها
كانوا عارفين بموضوع الشقة...
وكانوا عارفين كمان
ان الشقة راحت لهاني ابن صباح
بصفتة الوريث الشرعي لعمران اخويا
والمفروض دلوقتي...
ان وجود هاني بيحفظ حقهم في الشقة
ولما هاني مات ...
عرفوا اني رجعت من السفر
فا خافوا لاطالبهم بحقي في الشقة
ورجع تامر يسالني
وقال..
طيب ولما هي الحكاية
حكاية شقة ...
وصباح طمعت فيها واخدتها لنفسها
طيب ليه صباح وافقت تتجوزك؟
وليه عملوا عليك حوار العفاريت؟
وليه منعوك انك تقرب من غرفة صباح باليل؟
وبعدين هفترض معاك
انهم ممكن فعلا
يكونوا عملوا الحوار ده كلة بسبب الشقة ؟
طيب ليه صباح مصارحتكش بعد ما اتجوزتها ؟
مهي بقت زوجتك
والشقة في كل الاحوال بتاعتها
في سر في الموضوع
ولازم نفهمة
للكاتبة حنان حسن
ولقيتني بقول لتامر
تصدق انك عندك حق فعلا؟
انا غبي....
ازاي يدخل عليا الحوارات الي عملوها عليا؟
من اول شغل العفاريت لغاية غرق الطفل
الي كان حوار هو كمان؟
ورجع تامر يسالني
وقال...
بس ازاي اخدوا ليك صور مع شبيه الطفل هاني
في البحيرة؟
وانت بتقول انك مدخلتش بالواد في المية خالص؟
وبصلي تامر بارتياب
وقالي..
لا لا لا
الموضوع لايمكن يكون مجرد طمع في حتة شقة
احنا لازم نفهم ايه الي بيحصل ؟
وفي اللحظة دي
بصيت لتامر
وقلتلة
عشان نفهم لازم ارجع البيت عند صباح تاني
ومش هعرف حد اني روحت عند البيت القديم
ولا كاني سمعت حاجة من ام ابراهيم
وكويس جدا ان صباح مازالت علي زمتي
عشان اقدر ارجع وادخل اعيش في وسطهم تاني
وهنا سالني تامر
وقال..
بس هتقولهم اانك رجعت تاني ليه؟
قلت..
مش مهم...
هتحجج باي حجة
المهم اني ارجع ...
واشوف هما ليه عملوا عليا كل الحوارات دي؟
وليه خلوني امشي غصب عني؟
والاهم من ده كله
عايز اعرف صباح كانت بتختفي فين ؟
ومع مين طول الليل؟
وبالفعل...
اخدت شنطتي
ورجعت تاني لشقتي عند صباح
بدون ما اعرف حد اني راجع..
وكمان اتعمدت اروح للبيت علي غفلة
عشان اشوف ايه الي بيحصل في البيت بعدما انا مشيت
للكاتبة حنان حسن
وتحديدا باليل
وبالفعل..
وصلت للبيت باليل
واتسللت للجنينة بدون ما حد يشوفني
وفي عز عتمة الظللام...
وقفت تاني اراقب الي بيحصل
في الشقة من خلال الجنينة
وفضلت واقف شوية...
علي امل ان يحصل اي شيئ ملفت للنظر..
لكن... مفيش اي حاجة حصلت
بس... بعد شوية
اتفتح الشباك بتاع اوضة صباح
وفجاءة ...
شوفت حاجة....غريبة جدا
و فهمت من خلال الحاجة دي
ليه صباح بتختفي في اوضتها طول الليل؟
عارفين شوفت ايه؟؟؟؟
لو عايز باقي احداث القصة
صلي علي رسول الله وطبعا ياريت مننساش
نضع عشر ملصقات مع متابعة
للمدونة في الأسفل
 ان الي مات لصباح ... حد تاني غير عمران سالت ام ابرا…){kind=link}
تعليقات
إرسال تعليق