 |
رواية زوجة محرمة ليلا الجزء السابع
بعدما رجعت للشقة الي فيها صباح
ووقفت في الجنية ليلا
اراقب الي بيحصل...
اثناء غيابي عن البيت
فجاءة
شوفت الشباك بتاع اوضة صباح بيتفتح...
وشوفت ادامي صباح
بتضحك وتهرج مع شخص ما في الغرفة
ولما اتحققت من الشخص الي هي معاه
لقيتة مختار
ايوه هو مختار
الي شدها لحضنة ادام عنيا
وهو بيقفل الشباك تاني
عشان يكملوا القذارة
الي كانوا بيعملوها في غيابي
للكاتبة حنان حسن
وبعد ما شوفت بعنيا خيانتها
قعدت علي الارض..
بعدما الصدمة افقدتني القدرة علي الوقوف
وفي اللحظة دي ..
فهمت... ليه صباح كانت جايبة عزة صاحبتها البيت
طبعا... عشان توجد حجة لوجود مختار
معاها طول الوقت
بحجة انه خطيب صاحبتها
وعشان كده
كانت .. بتوهمني بموضوع العفاريت
عشان التمس لها العذر في النوم بالغرفة لوحدها
وعرفت كمان ...
ليه امها فهمتني
ان صباح عندها حالة نفسية؟
وليه قالتلي...
اني لو اتجوزت صباح...
هتتتحرم عليا باليل؟
اتاري صباح
كانت لما بتسيبني وتدخل
اوضتها
كانت بتعاشر مختار طول الليل في الاوضة
وانا نايم علي وداني زي ال.......
اااااااااااه يا قلبي
وشعرت اني قلبي وجعني من الصدمة
الي اتصدمتها في صباح وفي الجميع
وفي اللحظة دي
اتمنيت ان قلبي يقف ...
وتنتهي حياتي لغاية كده
هيحصل ايه يعني
لما اموت؟
محدش فاضلي في الدنيا ...
ومحدش هيحزن عليا
ولا حتي ليا حد مخلص في الدنيا
هزعل علي فراقة
كل الي هيحصل لو مت
ان المغفلين الي في الدنيا هينقصوا واحد
ولقيت عنيا دمعت
وانا بقول
ليه كده يا صباح؟
ليه؟
دنا حبيتك بجد ؟
وكنت علي استعداد اعمل اي حاجة عشانك
حتي الشقة كنت ناوي اتنزلك عنها
ليه طلعتي قذرة انتي كمان؟
ليه عملتي زي زوجتي السابقة
... وطعنتيني في شرفي... ورجولتي؟
طبعا... كان مفروض
بعد الي شوفتة بعنيا ...
اني اثور ...واقتل صباح ومختار
وخصوصا...
بعدما شوفت زوجتي في احضانة
لكن انا للاسف
معملتش كده
مش عشان انا جبان
لا...
انا صبرت عشان اعرف
كل الي حصل ده حصل ليه؟
ويمكن بعد ما افهم
ساعتها اتجنن واقتلهم هما الاتنين
للكاتبة حنان حسن
بس دلوقتي لازم افهم
و فضلت قاعد في مكاني وانا بتحسر علي نفسي
وبقول..
لازم افهم ...
هي ليه صباح قبلت انها تتجوزني؟
كان ممكن ترفض الجواز مني
وتتجوز مختار الي بتحبة؟
او ..تعيش معاه في النجاسة زي ما هما عايشين...
وليه حرمت نفسها عليا؟
وليه كدبت ووهمتني ان هاني عايش؟
وليه جابت ولد تاني؟
ووهمتني اني انا السبب في موتة؟
وليه امها تساعدها ؟
ومين المراة المشوهة الي انا كنت بشوفها
واسالة كتير كان لازم اعرف اجابتها
بس عشان اعرف الاجابة عن الاسالة دي
لازم ارجع اعيش مع صباح
تاني
بدون ما اعرفها اني عرفت اي حاجة
وبالفعل..
لفيت ودخلت من باب البيت الرائيسي
ورنيت الجرس
واتداريت من امام العين السحرية
عشان محدش يعرف...
اني انا الي برن الجرس
وفي اللحظة دي
فتحتلي صباح بنفسها
الباب
واول ما شافتني بدا عليها الارتباك
فا رسمت علي وجهي ابتسامة مصطنعة
وسالتها وانا ببتسم
وقلت....
ايه المفاجئة دي
يا صباح؟
انتي خفيتي؟
وبقيتي تسهري بره غرفتك عادي؟
بركاتك يا شيخ بحبحاني
وقبل ما تجاوبني صباح
ولا تتكلم نصف كلمة
اخدتها في حضني
وانا بقول...
الف مبروك حبيبتي
الحمد لله
ربنا بعتني النهارده عشان يفرحني بشفاكي
اتاري الشيخ بحبحاني ده سره باتع
للكاتبة حنان حسن
وبصيت في وشها الي كان جايب الوان
وقلت....
واضح كمان ان ربنا
رايد اننا نعيش مع بعض
انا وانتي
حياة زوجية سعيدة
اخيرا
ارتبكت صباح
ومبقتش عارفة
ترد تقولي ايه؟
لكن انا مديتهاش فرصة ترد اصلا عشان تتكلم
لاني مكنتش ناوي
اسمحلها
انها تدخل اوضتها تاني
بحجة المرض...
عشان تخوني مع الكلب مختار
واخدت صباح
من ايدها... وانا بسالها
واقول...
فين حماتي
عشان تحتفل معانا بالخبر السعيد ده؟
ردت صباح بتوتر
وقالت..ماما.........؟ ماما........
وقبل ما صباح تكمل جملتها
لقيت ام صباح
خارجة من الغرفة بتاعتها
وهي بتفرك عنيها
وبتسال
وبتقول..
مين الي كان بيرن الجرس يا صباح واخري كده؟
ولما ام صباح شافتني ادامها اتلجمت
ولقيتها بتقولي
انت رجعت تاني يا ياسر؟
قلت..ايوه يا حماتي
رجعت
الحمد لله
عشان اشوف
صباح بعدما ربنا شفاها...
وخلاص معدتش هتسيبني... وتدخل اي اوضة ...
ولا هتنام بعيد عن حضني تاني
بصتلي ام صباح بلؤم
وقالتلي..
تعالي يا ياياسر يبني
انا عايزة اكلمك في حاجة بيني وبينك
وفي اللحظة دي
مسكت ايد صباح واشبثت بيها
وقولت لام صباح..
هو انا مش قولتلك يا حماتي
اني مش ناوي اسيب مراتي لوحدها تاني؟
وبعدين ...مفيش اي اسرار بيني وبين زوجتي
تقدري تتكلمي
ادام صباح عادي
بصتلي ام صباح بغيظ
وقالتلي...
ما بلاش يا ياسر نتكلم ادام صباح؟
وهمست ام صباح في وداني
وقالتلي...
لان ...
الموضوع الي هكلمك فيه خاص بهاني ابنها
قلت...اه صحيح
دنا كنت جاي الليلة دي
مخصوص
عشان اتكلم مع صباح
في موضوع هاني
وقربت من صباح
وقلتلها...
حبيبتي يا صباح
قلبي عندك
للكاتبة حنان حسن
كنت عايز اعزيكي في هاني
مع اني كنت عاتب عليكي
انك معرفتنيش بموضوع
وفاته
من اول ما قابلتيني
بصتلي صباح
وقالتلي..
انت بتقول ايه يا ياسر؟
انا مش فاهمة حاجة؟
قلت...انا هفهمك
اصلي انا لما سيبتكم ومشيت من هنا
كنت ماشي وانا زعلان اوي
من موضوع الجن... و العفاريت
الي كانوا محرمين زوجتي عليا
عشان كده
روحت لشيخ روحاني
من الي بيعرف يتعامل مع العفاريت
بصتلي ام صباح بغضب
وسالتني
وقالتلي...شيخ ايه ؟
وكلام فارغ ايه؟
قلت...لا لا مش كلام فارغ يا حماتي
ده شيخ سره باتع
حاجة كده زي الشيخة خديجة المغربية
بتاعة جلب الحبيب ورد المطلقة
المهم....استني يا حماتي لما اكملك
المهم يا ستي
انا لما لقيت الشيخ سره باتع
وقعت في عرضة
وحكيتله حكاية صباح كلها
وقولتلة كمان
علي الواد الي غرق
والشيخ قالي
ان طالما الموضوع كبير كده
يبقي لازم يحضرلي
( البحبحاني)
ردت ام صباح
وسالتني
وقالت...
وده ايه البحبحاني ده كمان؟
قلت
البحبحاني ده يبقي ...
عفريت
لكن عفريت ايه؟
ابن جنية
والشيخ قالي انه
هيحضر البحبحاني
عشان يكشفلي المستور...
ويفك الكرب ...
ويقلب الغم للسرور
ويجيب التايه ولو من قلب البحور
بصراحة في الاول
انا قولت الراجل ده نصاب ودجال
وممكن يكون بيقول اي كلام
في الهجايص
للكاتبة حنان حسن
لكن مره واحدة
ظهر ادامي عفريت
شكلة فظيع فعلا
ولما خوفت من العفريت
الشيخ قالي
متخفش وتعالي سلم
علي
( البحبحاني)
وساعتها بس اتاكدت ان الشيخ
ده مبروك
لانة فعلا حضرلي
( البحبحاني)
وسالت الشيخ
وقلتلة
طيب دلوقتي البحبحاني ده هيفيدني بايه؟
قالي جرب وانت هتشوف
وبالفعل
طلبت من البحبحاني كل الي انا عايزة..
وكنت فاكر ان طلباتي صعبة علي البحبحاني
بس طلع ايه
عفريت ابن لذينة
وعرفني ورساني علي كل حاجة
ردت ام صباح
وسالتني بسخرية
وقالت ...
والبحبحاني ده بقي رساك علي ايه ان شاء الله؟
قلت..
هقولك يا حماتي
انا طلبت منه ثلاث طلبات
١_ انه يشفيلي العليل
٢_ويردلي الغايب
٣_ و يكشفلي المستور
فا لقيتة بيقولي
العليل خلاص شافيناه
ررررروح لزوجتك بسرعة الوقت حااااان
هتلاقي ربنا
شفاها من المس ومن الجاااان
وهتفتحلك الباب بنفسها كماااان
ولما جيت فعلا لقيتك فتحتيلي الباب يا صباح بنفسك
لكن الغريبة....
اني ...
لما طلبت منه يردلي الغايب
قالي..
الغايب مغبش عشان ارده يا غلبااااان
و الواد الي تاه عند البحيرة لا هو ابن صباح.. ولا ابن عمراااان
اصل... ابن صباح مات من
زمااان
من قبل ما عمران يموت كماااان
ولما طلبت من البحبحاني
انه يكشفلي سبب الي بيحصلي
قالي...
شقتك خلت الكل فيك طمعاااان
اكتبها لمراتك تعيش فرحااااان
وفي اللحظة دي
بصتلي صباح
وقعدت تعيط
للكاتبة حنان حسن
فا بصيتلها و ابتسمت
وقولتلها...
ياااه يا صباح
اد كده انتي حساسة يا حبيبتي؟
واد كده كلام البحبحاني اثر فيكي؟
امال لو كنتي شوفتي البحبحاني
بقي كنتي عملتي ايه؟
وفي اللحظة دي
بصيتلي ام صباح
وقالت
اسمع يا ياسر يا ابني
فعلا كلام العفريت كله صح
وانت لازم تعرف الحقيقة
كلها ودلوقتي حالا
ابن اخوك هاني
مات فعلا
قبل ما اخوك عمران يموت
بس الي خلانا نخبي عليك الحقيقة
هو اننا خوفنا
لا تاخد من صباح الشقة...
بعد ما اخدت علي القعدة فيها
وخصوصا انها باعت شقتها القديمة
ومعدش ليها مكان نروح فيه
وهنا استوقفتها
وانا عارف انها بتكدب
وقلت...
يانهار ابيض؟
معقولة صباح باعت الشقة القديمة؟
طيب مش تقولوا دنا فعلا ظلمتها
ردت ام صباح
وقالت...
احنا كنا هنقولك كل حاجة طبعا
وبالتفصيل
من اول موت هاني
لغاية الولد الي اضطرينا نوهمك انه غرق
لكن كنا هنحكيلك ونعرفك بس ادام شوية
قلت...ايوه طبعا منا فاهم
وعارف انكم كنتوا هتقولولي
الحقيقة امال ايه؟
وربت علي ايد صباح وانا
بقول. ...
ياريت ننسي الي فات
ونبدء من النهاردة
وانا دلوقتي
نسيت فعلا كل الي فات
وعايز ابدء معاكي يا صباح من جديد
في اللحظة دي
للكاتبة حنان حسن
بصتلي صباح بحزن
ورجعت تعيط تاني
ومردتش عليا
لكن ام صباح (حماتي)
ردت بحماس
وقالت
عين العقل يا حبيبي
وفعلا لازم تبدءوا من جديد
وتنسوا الي فات
وربنا يسعدكم يا حبايبي
وبالمناسبة الحلوه دي
بقي
انا هدخل اعملكم احلي عشاء
وبعد ما سابتنا ام صباح
ودخلت تعمل العشاء
بصيت لدموع صباح الي كانت نازلة تجري
ولقيتني
بقول في نفسي
وفري دموع التماسيح دي لاني مش مصدقها
لان دموعك كدابة زيك يا خاينة
وفي اللحظة دي
بصتلي صباح
وقالتلي
ياسر انا كنت عايزة اقولك علي
حاجة
رسمت علي وجهي
نفس الابتسامة الزائفة
وقلت...اتكلمي يا حبيبتي
انا سامعك
وفعلا كانت صباح هتبدء تتكلم
لكن فجاءة
سمعت صوت ام صباح
وهو بيقول...
ايه يا صباح
انتي هتفضلي ترغي هنا... وتسيبيني اجهز العشاء
لوحدي ولا ايه؟
وفي ثانية اخدتها امها معاها وراحوا يجهزوا العشا
بدون ما صباح تقولي هي كانت عايزه ايه؟
وبصراحة..
انا كمان مصدقت ان صباح قامت مع امها
للكاتبة حنان حسن
لاني مكنتش طايق اسمع
صوتها
وباليل...
دخلنا انا وصباح لغرفتنا
لاول مره
من ساعة ما اتجوزنا
وبمجرد ما قعدت جنبي علي السرير
سيبتها وقومت بحجة اني هدخل الحمام
المهم... بعدما ضيعت شوية وقت في الحمام
خرجت للجنينة بعدها بحجة اني هشرب سيجارة
وفي الحقيقة
اني كنت بنتتظرت لغاية ما صباح تنام
عشان ادخل الاوضة
وروحت ادور في الشقة كلها علي مختار
لكن للاسف ...ملقتهوش
وكان واضح طبعا....
انه مشي
اول ما عرف اني جيت
وممكن كمان يكون سمع كلامنا
وعرف كل حاجة
المهم ..
بعد ما عرفت ان مختار هرب وملوش اثر
دخلت ونمت علي الكنبة الي في الاوضة
وسيبت صباح نايمة علي السرير زي ما هي
واستمرينا انا وصباح علي نفس الوضع
لفترة من الزمن
وكنت بتعامل معاها عادي جدا
ولا كاني في نفسي اي شيئ
من ناحيتها
ومبينتش اي حاجة لاي حد
حتي تامر صاحبي
مقلتولوش اني شوفت صباح في احضان مختار
وطبعا انا كنت قررت اراقب كل تحركات صباح وامها
لكن عشان مكنش ينفع اقعد اراقبها بنفسي
لاني كان لازم انزل اشتغل علي التاكسي
فا زرعت كاميرات في البيت
وكمان حطيت اجهزة تصنت
في الموبيل بتاعها
وبعدها بقيت بنزل لشغلي
وسيبت صباح براحتها خالص
في البيت
عشان اشوف مين الي هيجي
للبيت في غيابي...
وايه الي بيحصل من ورايا
لكن الغريبة
ان محدش جه للبيت ولا حد اتصل علي صباح خالص
وفضل الوضع علي كده فترة
لدرجة اني شكيت
ان صباح... وامها يكونوا
هرشوا حكاية...
اجهزة التصنت... والكاميرات
لكن الي كدب ظني ده
اني في يوم
وانا مشغل الكاميرات
الي بتراقب البيت
عند صباح
شوفت في الكاميرات
واحد راجل
لابس اسود في اسود
حتي الكاب الي لابسة
كان اسود
وحتي وشة كان مش واضح
برضوا
لانه كان عليه حاجة سوده
بس الغريبة
ان الراجل ده....
كان بيتجول في الشقة عند صباح عادي جدا
فا افتكرتة مختار
وجاي يقابل
صباح ....
لكن لما نقلت علي الكاميرة الي في غرفة المعيشة
لقيت صباح وامها
قاعدين
بيتفرجوا علي التليفزيون..
ومش واخدين بالهم
ان في حد في الشقة معاهم اصلا
فا استغربت
وفضلت متابع الراجل الي لابس الاسود
للكاتبة حنان حسن
واتفاجئت...
انه بيحط حاجة في الدولاب بتاعي ....وبعدها مشي
والغريبة
انه مر علي صباح... وامها
لكن هما مخدوش بالهم منه وكانهم مشافهوش
مع انه كان جنبهم تماما
والمنطق بيقول انهم لازم يشوفوه
لاقترابه الشديد منهم
فا استغربت للي بيحصل
وانتظرت ميعاد روجوعي للبيت
كا العاده
عشان محدش ياخد باله
اني رجعت لسبب معين
وبعد ما رجعت البيت
بسرعة روحت علي الدولاب
ولما فتحتة
لقيت رسالة جديدة
بتقول...
الي من دمك مات مقتول
والي قتلة نايم في فرشتك
والدليل البعيد
في بيت حماتك
لكن الدليل القريب
في موبيل صباح
بعد ما قرات الرسالة
مفهمتش منها حاجة
لكن حصلتلي لخبطة في افكاري تاني
ولقيتني بقول...
ياررررربي ؟؟؟
بقي بعد ما قلت اني وصلت لحل اللغز؟
ارجع الاقي رسالةجديدة ؟
تعقد الدنيا تاني؟
وتخليني الف حوالين نفسي تاني؟
ورجعت اقراء الرسالة تاني... وثالث
وبردوا مفهمتش حاجة
وكنت هقرائها للمره الرابعة
لكن قبل ما ارجع اقراء الرسالة
سمعت صوت جاي...
من ورايا
بيقولي...متتعبش نفسك في التفكير
انا هقولك الحقيقة كلها
التفت ورايا بسرعة
عشان اشوف مين الي بيكلمني
واتفزعت جدا
لان الي كان بيكلمني هو .........
لو عايز باقي احداث القصة
صلي علي رسول الله
ومننساش طبعا نضع عشر ملصقات
مع متابعة للمدونة في الأسفل
تعليقات
إرسال تعليق