 |
💥البارت الثالث 💥 بقلم سلطان زماني
رجعنا البلد أنا وأمي رحنا بيت ستي وكان خالي ومرات خالي هناك
امي قالتله أنها عايزة تطلق
خالي قالها وانا مالي تتطلقي تولعي أنا مش ناقص ندب أنا
الي فيا مكفيني
قالتله متخفش مش هطلب منك حاجه ولا عايزة فلوس انا
بقولك كده علشان تبقا تاخد بالك من امك وتعدي عليها
تشوف طلبتها
قالها ليه وانتي هتهاجري ولا هتتطفشي
قالتله معملتهاش وانا في عز شبابي هعملها دلوقتي أنا
صحبتي جيبالي عريس راجل ارمل وولاده متجوزين وهقعد
معه في المنصورة نفسها
خالي بص علي ستي وقالها شايفه الفاجرة علي زمة راجل
لسه وبتكلم راجل غيره ده انتي ياوسخه بنتك بقت طولك
هتلمي نفسك وتحترمي نفسك امتي
امي ..هو انت مش بتعرف غير انك تهزقني وتسم بدني
بكلامك ده علي العموم هانت الله يرحمك يابا انت السبب
في كل الي حصلي والمرمطة الي انا فيها دي
خالي ..اي كنتي عايزه يسيبك من غير جواز وتفضحينا ولا
تمشي علي كيفك
امي ..لا كان يكلف خاطره ويروح بيسال عليه اهو طلع
متجوز وتاجر مخدرات وبخيل وبيعاملني اوسخ معامله
ومراته الي هناك ام عياله ركباه وبتديله بالشبشب هي وعيالها
وانا الغلبانه علشان مليش ضهر ولا سند بيفتري عليا ويعمل
عليا راجل وكمان مبيسالش في بنته
خالي ..لا مع نفسك بقا اندبي انتي وامك برحتكم ..وخد
مراته ومشيو
بقلم ✍️ سلطان زماني
ستي ..صحيح ياسحر الكلام الي سمعته ده
امي ..اه يا امي صح والله لو ينفع ولا يرضي اخدك انتي
وريم وتعيشو معايا كنت عملت كده مش هاين عليا اسيبكم
ستي ..هو مش عايز بنتك كمان
امي ..اطلعي ياريمو اقعد برا ...اه ياامي بيقول أنها كبيرة لو
كانت صغيرة كان ماشي وهو مش عايز مشاكل مع ابوها وهو
الي اقنعني اني اسيبها مع ابوها
ستي ..طب ما تسبهالي يابنتي تعيش معايا وبالمره تاخد بالها مني
امي..ومين بقا الي يكفيها اكل وشرب ودروس وعلاج وهدوم
ستي ..هندبرها يابنتي المعاش أن شاء الله هيكفينا لو اتزقنا
ابقي اخد من اخوكي
امي ..اخويا هيديكي حاجه والنبي لتسكتي هو مراته مخليه
حلته حاجه ده انا بروح اشتري الحاجه كلها واقولها اطبخي
دي ل امي وابعتهالها بتقلب وشها وهو يقولي ومتعملهاش
انتي ليه تقوليلي هيديكي والنبي انا ما خايفه غير عليكي
انتي
ستي ..متخفيش يابنتي أنا ليا رب اسمه الكريم وانتي ربنا
يجعلك في كل خطوه سلامة ويهنيكي ويسعدك يابنت بطني
ابويا جيه دفع الايجار المتاخر للراجل ودخل عمل كده مع
امي وجوز خالتي جيه هو وخالتي وراجل كبير جارهم
جوز خالتي قاله اني سحر عايزة تطلق علشان مش عجبها
الحال ..قالهم حال ايه الي مش عجبها ده انا لسه دافع 4000
ايجار ومديها 600 جنيه مصروفها امي طلعت ال600 جنيه
وقالتله أنا مش عايزاهم خدهم اهو وطلقني قالها أنا بقالي
فترة مش مرتحلك يابنت الكلب وشاكك فيكي ايه شيفالك
شوفه تانيه
بقلم ✍️ سلطان زماني
جارهم ..عيب كده يا استاذ ميصحش تشتمها كده الست
كارهه العيشة معاك خلاص طلقها من سكات
بص لجوز خالتي وقاله مين ده الي جاي يعلمني اي الي يصح
وايه ميصحش في بيتي وببدخل نفسه في الي ملهوش فيه
جارهم ..أنا متربي معاهم من زمان واكتر من اهل واحنا
عايزين نحل الموضوع بالود علشان البنت الي بينكم
قالهم انا مليش بنات ومش عايز كفايا الي عندي مش عايز
تتطلق وتخرب بيتها تخدها بقا
امي .. بيت ايه الي اخربه ده انا حياتي الي خربت من ساعة
ما انت دخلت فيها
كل مره ضرب وإهانة وشتيمة وتهزيق وقلة ادب يجي بقعد
يوم او يومين ويسبني زاي الكلبه ميسالش حته بنته
مبعرفش عنها حاجه اكلت شربت بتاخد دروس بكام تعبت
راحت لدكتور ولا ده حتي ميعرفش هي في سنة كام في
المدرسة
قالها ..والله وطلعلك حس يابت وبقبتي تعرفي تردي
وتبجحي طب ياكلبه عايزاني اطلقك تاخدي بنتك وتنزلي
بشنطة هدومك زاي ما اخدتك ياكلبه ولا ناسيه
خالتي قامت قلعت الشبشب ونزلت عليه ضرب علي دماغه
ووشه وتقوله ما انت لو مش راجع ناقص و(ع) مكنتش
تقول كده
قالها انتي لو مش وحده ست أنا كنت فرجتك بس انا مش
بمد ايدي علي نسوان
خالتلي..ده انت شبعتها ضرب يالي تتقطع ايدك هو انت
بتعرف تعمل راجل وتفتري غير عليها ياناقص وتفت عليه
بصلهم وقالهم شايفين بتعمل ايه انا لو كلمتهم في مصر
هيجو يقلبو الدنيا بالي فيها
خالتي ..كلمهم علشان أنا الي هخليهم يشوفو وساختك
وبجحتك يابجح لو راجل فرجني وكلمهم
جارهم ..اهدو ياجماعة وصلو علي سيدنا النبي
كلهم..عليه افضل الصلاة والسلام
...زيدو النبي صلي
عليه افضل الصلاه والسلام
جارهم ..احنا نخرج بالمعروف من غير فضايح وتراعو اني
في بينكم اطفال انت باصص لشوية كراكيب ملهمش لازمة
وسايب شرفك ولحمك هتقبل راجل غير يربي ويصرف علي
بنتك هتقول لربنا ايه يوم القيامة لما يسالك عنها
ابويا..ابعتو هاتو الماذون وهاتو عربية تحمل الحاجه الي هنا
يتبع 💥 ملحوظة هامة باقي القصة مش هتوصل غير لاكتر ناس اتفاعلو وعملو شير للقصة ❤️
البارت الرابع بعد قليل اعملوا متابعه للمدونه علشان يوصلكم اشعار بالنشر
تعليقات
إرسال تعليق