 |
#البارت الخامس والسادس
_نعم!!
*اي يبنتي مش انتي معاكي كليه تجاره؟ خلاص تمسكي الحسابات واحمد هيمسك الاداره عما اجي ان شاء الله
_هو حضرتك مسافر فين وامتي؟
*الغردقه وبكره ان شاء الله
_جوا مصر يعني كنت فاكره انه برا يعني ان شاء الله مش هتغيب
*لا اسبوع بالكتير ان شاء الله
_بس انا مينفعش اعمل اي حاجه من غير موافقه حمبوكشه جوزي حبيبي قره عيني وكده
=ح اي يختي؟
_بوكشه !!
=لو انتي موافقه ف تمم اهو يكون ليكي فايده
_هي بتتقال كده؟
=انا مش موافق على فكره
_على فكره بقى بتتقال كده عادي
ضحكنا احنا التلاته وكملنا فطار وهما الاتنين مشيوا راحوا الشركه
طلعت وفتحت الشبابيك بتاعت الاوضه وفضلت انضفها لغايه مجم واتغدينا سوا وطلعنا الاوضه
_بابا سيطك النهارده في الشركه وقال إنك ذكيه اوي عشان مسكك الحسابات!
=وانا كالحمار لا أفقه شئ
_مريم انتي بتقولي اي!
=حبيبي والله
_متظلميش الحمار معاكي
=منك لله
اه بقولك
_عاوزه اي
=انت عارف انت عندي اي صح؟
_انا لسه عارفك من تلت ايام دا مبدأيا، ثانيا عاوزه اي ادخلي في الموضوع على طول
=عاوزه اروح لماما وبابا وحشوني اوي
_بقولك تلت ايام!
=ايوه مهما وحشوني يجدع، هتيجي معايا صح؟
_اجي معاكي!
=ايوه هتحبهم اوي واهو يتعرفوا عليك ويوصوك على الجوهره وكده
_انا معنديش جواهر يمريم
=منك لله تاني
ضحك_ روحي البسي
=بتهزر!
_ممكن اغير رأيي واكون بهزر عادي
=خمس دقايق وهجهز ثواني
روحت الاوضه التانيه وغيرت فيها وطلعت
_ها يلا
=يلا اي يروح ابوكي!
_اي يبني مش انت قولت هنروح لأبويا الي انت لسه قايل اني روحه دلوقت
=ادخلي غيري البنطلون دا
بصيت على البنطلون ورجعت بصيت ليه ورفعت حاجبي
_لي؟
=ضيق ويلا عشان منتأخرش
ضحكت ودخلت تاني الاوضه، بتغير؟ طب وعرش ربنا بيغير
غيرت ونزلنا قولنا لباباه وطلعنا ركبنا العربيه
_بيتك بعيد من هنا؟
=مش اوي
_طب اسم المنطقه اي عشان اشغل ال GBS
=حرام ال بتاع دا حرام، هو حد يعرف الطريق غير ربنا هنكفر يعني؟
_هتعرفي تودينا يعني؟
=سوق يمبتدأ سوق
*بعد ربع ساعه
_ايوه يحاج يعني نمشي يمين ولا شمال؟
*يمين في شمال بعد كده يمين وتاخذي شمال وحاوده وتاخذي يمين تلاقي البيت في وشك
_شكرا يحاج
بصيتله لقيته حاطط ايده على خده وباصصلي
=دا الي هتعرفي تودينا
_البلد اتشقلب حالها في تلت ايام يجدع
=وبعدين؟
_معاك خريطه!
=..
_ال GBS مش حرام اوي يعني هو مش مستحب بس!
الحمد لله وصلنا اخيرا الي هو لو كنا عارفه ازغرط كنت اديتها
_متأكده ان دا بيتك؟
=اسأل اسئله منطقيه بقي
_لا والشهاده لله البت عارفه الطريق صم
خبطت على الباب وماما فتحتلي وحضنتها
*اتفضلوا اتفضلوا
_دا احمد يماما
=..
_خش في حضنها يبني انت لسه هتسلم ب الايد!
سلم عليها ودخلنا
_امال فين الحاج سمير
*في المطبخ ثواني هنديله
ماما مشي واحمد جه قعد جمبي
=انتي طالعه حلوه لمامتك
_قبل متقول الكلام دا سألت على ابويا وحمشنته؟
طلع بابا وحضنته وحضن احمد، قعدنا سوا نتكلم كتير وبابا وماما حبوا احمد جدا وارتحوله
_اه بابا جهز نفسك بنتك هتجيلك الشركه بكره وهتشتغل
*بتتكلمي بجد؟
_اه والله عمو جمال يسيدي قال والله منا مآمن على فلوسي غير مع مريم وقام مشوح ب ايده كده
*كان الله في عونك يبني
_الاه!
خلصنا وودعنا ماما وبابا ومشينا، كنت مبسوطه اوي انه كان معايا، جوايا احساس معرفش اترجمه بس احساس حلو الي بيخليك فرحان دا!!
ركبنا العربيه وبصلي وابتسم، بقولك اي متبصليش كده عشان قدرتي على تحمل وسامتك اقل من يدوبك والله
_اهلك طيبين اوي يمريم
=ربنا يسترها معاك يبني
_انا غلطان، بتخلي الواحد يفكر يتكلم معاكي ولا لا
=هه بهزر معاك يعم
_جوا بيتكم دفا وطيبه، انا حبيتهم اوي
=وهما حبوك اوي
ابتسم _من يوم مجيتي الي هو من تلت ايام اصلا بس غيرتي حاجات كتير، حاجات بقت حلوه، واجملهم ان بقى في البيت واحده زيك
اتكسفت واحمريت وانا الشهاده لله بتكسف بسرعه والله، روحنا ونمنا من كتر التعب
*الصبح
_يا هانمممم!
=اي البيت بيولع؟
_يا ستار يرب، قومي عشان الشغل
=باباك مشي؟
_ايوه مشي من بدري
=طب اطفي النور وخد الباب ف ايدك يحبي
_طب انا هتصل ببابا واقوله يبعت حد يمسك الحسابات
=وربنا محد ماسك الحسابات غيري، انا استاذه في الحته دي خلي بالك
_هقومي؟
=هقوم
قومت وجهزت بسرعه على غير عادتي وركبنا العربيه ومشينا ووصلنا للشركه، وعاوزه اقول ان والله والله والله مشوفنا شركات قبل كده والله مشوفنا
احمد وداني مكتبي وراح هو مكتبه، اعيط طيب؟ اي الورق دا كله انتوا شركه ورق ولا اي هو في اي انا بيحصل معايا كده لي ودوني بيتنا !
اطمنت لما لقيت بابا جمبي وبدأ يفهمني الدنيا فيها أي
اليوم الأول عدي بسلام، مش عارفه اي الي حصل في الأسبوع دا بس كل الي اعرفه ان قربت من أحمد اكتر وانه اطيب حد شوفته في حياتي غير الدور الي كان راسمه، كنا بنروح لماما وبابا ونجيب دره ونتمشي على البحر، ربنا فعلا بيكتبلنا احسن نصيب بالنسبالنا حتى لو كنا مفروضين عليه مع الوقت بتحبي قدرك دا وتحمدي ربنا انه رزقك بيه
جه اليوم الي هيرجع فيه عمو جمال، كنت قاعده في المكتب والباب خبطت
_ادخل
=صباح الخير
ابتسمت _صباح الخير
دخل =خلصتي الشغل الي في ايدك؟
_ايوهه الحمد لله
=بس اي الحلاوه دي؟
_احمد احنا في الشركه، يعني لو لميت عليك الدنيا هيبقالي حق
وقف قدامي= متلمي كده!
بعدت خطوه _احمد هعيط وانت مش قد عياطي انا بحذرك
قرب خطوه= لا ميرضنيش عياطك وربنا
وفضل يقرب وانا ابعد لغايه موصلنا للحيطه ، اجريلك دلوقت قدام الشركه وافضحك؟
_متحرش الحقوني يناسسسس و..
حط ايده على بوقي= يخربيتك اسكتي هو احنا في العتبه
_بابا لو دخل ولقاك كده ه..
=هو انا شاقطك؟ انتي مراتي يبنتي
_ايدا امال انا مكبره الموضوع اوي لي كده
=شوفتي بقى انك ظلماني
_على مكتبك يا استاذ يمحترم
=نعم؟
_عاوزه ورق الحسابات بتاعت الشركه النهارده
=دلوقت يمريم دلوقت!
_انا تخصص تبويظ لحظات
=لا براحتك بقى انا ماشي
مشي انا محستش بالذنب انه زعل، مش عارفه بقيت تنحه اوي لي
الباب خبط وكان عمو جمال ومعاه بنت الصراحه جامده ولابسه لبس اول مره اشوفه، ايوه يبنتي فين الي انتي لبساه!
_ازيك يمريم
=ها!
_ازيك بقولك
=اه الحمد لله، مش تعرفنا، مين القطه؟
_شهندا دي مريم
=ش اي؟
*اسمي شهندا
=اه اسم معروف جدا طبعا
_انا رايح مكان وجاي حالا
=ماشي يعمو
مشيوا هما الاتنين وكلمت احمد بسرعه
_تعالالي حالا
=افندم عاوزه اي؟
_احمد بسرعه
احمد جه وانا مش عارفه اجمع هقوله اي
_ابوك داخل معاه عود فرنساوي على ابوه
=مش فاهم!
_ابوك معاه بطل برا يا احمد في اي!!
=ابويا مين؟
_اصلا! بس مش عوزاك تتصدم كله بيعاني من مراهقه متأخره
=شخصتيها مراهقه متأخره يعني؟
_لا طبعا ابوك خرف يا احمد!!
دخل علينا عمو جمال واحنا واقفين جمب بعض وكان هو قصادنا
*عندي خبر حلو ليكم
_اصدمني يلا
*انا قررت اتجوز
=احيه يحاج الف مبروك اي؟
*هتجوز شهندا
=الاسم دا بطل من زمان لكن هي الصراحه عمرها متبطل ابدا
_مالك يمريم في اي؟
=الواحد حس فجأه انه مش بنت يجدع
_شوفتي معاناتي؟
=نعم يروح خالتك!!
دا انا لو جالي كيف بس اعمل زيها هبقي اجمد منها
_اتنيلي واتركني وكني كده، بطل هزار يبابا
*انا مش بهزر انا بتكلم بجد!!
=يحبي مهي المصيبه انك بتتكلم بجد!
فونه رن فرد عليه ومشي
_لافت عليه الاروبه، عملت زي الشرشوبه في العيد لفت كده لغايه محتوته
=انتي بتقولي اي!
_زمانها مشت بمبدأ شوق ولا تدوق بس بلبسها دا شكلها دوقت عادي
=مريم!!
_متكلمنيش مدام ابوك وصل للمرحله دي متكلمنيش
=هنعمل اي في المصيبه دي!
مسكت تليفون الشركه وطلبت السكرتيره
_الاستاذه شكاره دخلهالي
=مين يفندم؟
_شهندا اه اه اسمها شهندا دخلهالي كده
=حاضر يفندم
الباب خبط وهي دخلت ووقفت قدامنا، خدت احمد في حته بعيده شويه
_الاستاذ فاتح بوقه لي اول مدخلت؟
=حقيقه دي ولا جرافك!
_تسمع عن حاجه اسمها قلم؟
=دا الي بنكتب بيه!
_لا التاني الي بنتهان بيه، ممكن على مكتبك؟
=سبيني شويه بالله عليكي
زعقت بعصبيه_علي مكتبك يا أفندي يمحترم، مخصوم منك شهر
=نعم يختي؟
_انت مرفود اطلع برا!!
طلع وهو بيضحك، وانا وقفت قدامها وبصيت على لبسها ومسكت الجاكيت الي انا لبساه ولميت نفسي جواه عشان الحلاوه متتبعترش والله
_ها تاخدي كام عشان نخلص مش فاضيه انا
=افندم!!
_انتي فاهمه كل حاجه تعالي نتكلم على الدوغري احسن
=لا مش فاهمه فهميني انتي
_فيها ان انا مرات ابن الراجل الي عاوزه تتجوزيه يقمر
=ايوه وبعدين؟
_تاخدي كام يعني مهي مش هتبقى اول قصه حب تنشأ بين واحده عشرينات مع واحد ستيني
=لا هي قصه حب فعلا
_في اسبوع وبينه وبين فلوسه اه
=بقولك اي انا مش هسمحلك تكلميني كد
_بت انا اقطعك حتت واخلي كل حته يدوبك واحطك في كياس وابيعك لحمه
=..
_ولا ابيعك أعضاء تصدقي هكسب جامد
=المفروض اخاف واترعش وكده
_يبنتي والله انتي لو متوكلتي على الله ف انا مش هحلك وربنا
=انتي عاوزه اي دلوقت؟
_ملكيش دعوه بيه وتاخذي قرشين حلوين وتمشي من هنا وبس كده
=ولو قولت لا؟
_يبقى افتح عليكي باب جهنم مش طاقه القدر
=هنشوف
#يتبع
# البارت السادس
_هنشوف
بصتلها بغضب وضغطت على أيدي عشان كنت عاوزه اضربها بس قولت ابدا برستيجي في الشركه ينهار، ينهار ابيض هيتجوزها ازاي الي قد ابويا دا!
دخل عمو جمال ف ابتسمت ب اصطناع
_ها مش هنروح بقى!
=ن اي يحاج؟
_شهندا هتعيش معانا كام يوم عما نكتب الكتاب
=اي دا هتبقى مألف كتب؟
_عما نتجوز يعني
=يريتك كنت مؤلف
خرجنا وروحت لمكتب احمد ومشينا ركبنا العربيه، عمو جمال واحمد قدام واحمد بيسوق وانا وهي ورا
_شعرك دا؟
=امال شعرك انتي
_الله على العسل ما شاء الله دمك يلطش
=بتقولي حاجه!
شديت شعرها _متأكده انه طبيعي؟
=اه سيبي شعري
_مش بروكه يعني!!
=قولت شعري شعري اي في اي
_تلاقيه صناعي والله جتها نيله الي عاوزه خلف
وصلنا الفله وهي دخلت ولا اكنها سرايه ابوها وكده
_احمد عوزاك حالا
=في اي!
_تعالي نطلع الاوضه يلا
شديت ايده وطلعنا وفضلت راحه جايه في الاوضه
=ايوه هتفضلي كده؟
_هتاخد ابوك وهيطردنا بعدين ويتبري منك افتكر كلامي دا كويس
=منا مش عارف اعمله اي طيب
_واحد يحب واحده عجوزه والعجوز يحب واحده صغيره دا انتوا عيله غريبه جدا، انا وقعت وسط ناس غريبه ودوني لأهلي كده
=ايوه هنعمل اي بردو!!
_اه احمد فيه سؤال مهم جدا عاوزه اسألهولك
=اسألي
_هو يعني احمم هي احلى مني؟
=بتحطي نفسك في مواقف بايخه لي يمريم؟
_قصدك ان هي احلى!!
=..
_لولا أن حجابي زينتي كنت دغدغت الدنيا والله
=..
_دا انا بخاف اقول يخربيت الجمال يتخرب بيتي انا
=..
_احمد بجد هي احلى مني؟
وقف قدامي وابتسم =مفيش حد احلى منك والله
_والله؟
=اه وربنا
_يعني عمرك مهتخوني؟
=انا ناقص دا انتي كرهتيني في الصنف منك لله ما شاء الله عليكي
_تسلم يبا تسلم
=هنعمل اي مع بابا!!
_الراجل الكبير الي تحت دا و.. احمد دول قاعدين لوحدهم تحت!!
=ايوه فيها أي!
_دقني اهي لو مكنتش بتمضيه على ورق الفله، اجري قدامي يلا اجري
نزلنا احنا الاتنين بنجري على السلم لقيناها قاعده وبتملس على شعره!!
_اي يحاج في اي!
*احمم ايوه يولاد فيه حاجه
=العب يحاج ينمس انت
ضربت احمد علي صدره وبصتله وبرقت هو عبيط!
_مش هناكل؟
=اه والله انا جعان
_قومي يشهندا اطبخي يلا
*افندم؟ مين دي الي تطبخ!
_انتي يحلوه،مش انتي هتبقي واحده مننا
*جمولتي قال ان فيه طباخه هنا
_ج اي يختي!!
=مريم انا شايف اني محتاج ارتاح ممكن نطلع فوق
_ممكن اطلع روحها! قصدي تمم يحبيبي تعالي
طلعت الاوضه وفضلت راحه جايه تاني
_بتملسله على شعره هه يختاي احيه
=عمرك ملستيلي على شعري قبل كده بذمتك!!
_وقاعده جمبه وبتقوله يجمولتي!
=عمرك دلعتيني ب امانه؟
_وانت بتقوله ينمس!!
=جامد ابويا بردو خلي بالك لعبها صح يبخته
_نعم يروح خالتك!
=هنمشي البت دي امتى يمريم في اي!!
فضلنا قاعدين لبليل وانا راحه جايه في الاوضه، اول مره الاحظ ان سقف الاوضه لونه ابيض ما شاء الله شكله حلو اوي
_جتلي فكره
=ابوس ايدك اكتمي
_بقولك فكره حلوه اسمع مني
=ها!!
_تعالي ورايا
نزلنا لقينا عمو جمال مش في الصاله وهي قاعده بقميص!! هي لي بتتعامل انه بيت أهلها بجد؟
_استري نفسك يبنتي
*نعم!!
_اي الي انتي لبساه دا!!
*اي مش دا ميعاد نوم ولا اي؟
بصوت خافت _نامت عليكي حيطه
*بتقولي حاجه
_متعرفيش موقعنا على الخريطه!!
اه انتي بتقولي هنام؟
*ايوه
_احنا لازم نعزل من هنا يا احمد وبسرعه
=ها! لي؟
_عشان الفله دي مسكونه منتا عارف
=عارف اي!
بصتله وغمزتله
_الفله دي يا احمد مسكونه مليانه عفاريت وفيه أرواح بتطلع بليل
=اه فعلا بس مش عارف اكلم بابا في الموضوع دا
بصتلها لقيتها خافت وبلعت ريقها
*مسكونه ازاي يعني!!
طلعت فوني وشغلت الكشاف تحت وشي
_أرواح بتطلع عشان تنتقم من الي قتلها اه وبالمناسبة بيشدهم اوي اللون الأزرق الي انتي لبساه دا، الفله مبنيه مكان مقبره قديمه وقال بعض الباحثون ان الروح مش مرتاحه وكده الا لما تاخد حقها تاخد حقها تاخد حقها، ههه
ضحكت بعض الضحكات الشريره كنوع من انواع ان هي تخاف وكده
*وانتوا مسبتوش الفله لي طيب؟
_عشان الروح اول متعرف اننا عاوزين نمشي هتاخد روح كل واحد فينا، فينا، فينا
=انتي بتكرري اخر كلمه لي!!
_اسكت انت مش عارف حاجه
*يمامي، طب وهنعمل اي دلوقت؟
_صدقيني انا لو اعرف هقولك، انتي ممكن تسيبي البيت من بكره مثلا وتهربي وتنفدي بلحمك دا
*هو انا لسه هستني لبكره!
ابتسمت وطلعت انا واحمد
_مش هتنام كويس السهر حلو بردو
=مطلعتيش غبيه زي مهو باين عليكي
_مرسيه اييي!!
=والله خساره تطلع من البيت كانت هتبقى مرات ابويا وكده واكيد هتبقى منبع حنان
_حنان دي تبقي عمتك، اطلع برا
=بس ...
_برا يا احمد
طلع وهو بيضحك، على فكره بقى هي عاديه جدا جدا ولا فيها ريحه الحلاوه
فتحت الدولاب بتاعي وبدأت ادور على لبس زي الي كانت لبساه، لقيت ترينج موف وعليه شورت! لا الغوا رحلتي بلا قله حيا، اكيد مش هلبس المسخره دي
هه بهزر معاكم لبستوا ووقفت قدام المرايا، مين دي؟ طب والله يبت يمريم انتي قمر بلا شهندا بلا بتاع بقى
دخل على طول من غير ميخبط انت متربتش يا احمد ولا اي؟ كان لسه ماسك الأوكره بتاعت الباب ومتنح، بص يمين وشمال ووراه ورجع بصلي تاني
_دخلت اوضه غير اوضتي؟
=لا هي اوضتك اه
_وانتي مين بقى؟
=انا مريم يا احمد مالك!
_قولي وربنا!! ازاي دا
=اتغيرت اوي؟
_انتي اتحولتي يمريم
=انت قليل الزوق
قرب _وانتي حلوه جامد
=على فكره مش عارفه انا لبست كده ازاي اكيد غلطت
_يرب تغلطي على طول، انتي كنتي بتلبسي بجامه كستور يمريم!
=مش عجباك البيجامه؟ دا انا لفيت لغايه ملقتها
_عجباني وربنا، بس صاحبه البيجامه عجباني اكتر
=ايدا مش هتقولي يموف وانا شقيان يالالالي؟
_دا يا كل الألوان والله
=معتش تقرب عشان هصوت تمم؟ انا بس بثبتلك ان شهندا دي ولا تيجي في جمال العبد لله قيراط
_دا انت المحصول كله يبطل
=أثبتلك؟ ابعد عني بقى، هخليك تدور على قطع غيار لكرامتك
_اقولك مفاجأه؟
=ها !
_انا مش شاقطك اه وربنا زي مبقولك كده يعني فيه عقد يثبت الجواز وكده
=الاه امال انا اوفر لي؟
_مش عارف انا اي دا
=اطلع برا يحقير يسافل
ضحك وقرب_ ولو مطلعتش!
=انت فاكر لما تضحك انا كده هركبت هرتكب هركبت! منك لله متقفش قدامي تاني
سمعنا صوت تكسير تحت وصويت فضحكت
_انا ربنا نصرني عشان انت مش سألك لنفسك حتي
=حسبي الله ونعم الوكيل فيكي
نزلنا تحت لقيناها واقفه فوق الركنه
_مالك!!
*الكوبايه اتكسرت
=عادي يعني خدتت الشر و..
خبطته في ايده
_دي العفاريت هما جم! يرب احمينا يرب احمينا
عيطت*انا عاوزه امشي من هنا وحالا
عمو جمال طلع على الصوت
_ايدا ازيك يحاج خش نام بقى
*بتعيطي لي يشهندا!!
=عاوز تسكني في فله مسكونه يجمال!
*مسكونه!! مين قالك الكلام الفارغ دا
=مريم مرات ابنك
كنت فاتحه بوقي الي هو ايوه مين قالك بقي؟ انا اسمي جمالات
*اي الكلام دا يمريم!
_كلام اي! اه كلام ايوه، اصل اصل ايوه هقولك كنت بهزر معاها انا واحمد
*فيه هزار بالشكل دا!!
_اه عادي انا كنت بدخل الصواريخ في عين صحابي ولما يزعلوا بقولهم انهم قموصين جدا
=يعني مفيش عفاريت
_عفاريت وانتي موجوده؟ اقصد انتي طلعتي روحك خفيفه جدا، قولت بهزر
=يعني انام؟
_ما ابجحك! بقول يعني اه اكيد نامي بيتك بردو
=طب يلا يجمولتي وديني الاوضه الي جمبك
_نعم!! عندنا في سرو بلادنا لو العروسه باتت في الاوضه الي جمب العريس تبقى قليله الحيا ومشفتش تربيه ومتعلمتش الأدب لحظه وبنطخها وبنتاوي جثتها في اي داهيه عشان دي عار
=انتي بتقولي اي!
_بقول انك هتنامي في اوضتي
جه احمد ميل عليا وهمس في ودني
=نعم يختي والشقيان يالالالي الي كان فوق! هنستعبط؟ وانا مالي انا، ابويا يعملها وانا اشربها ولا اي
_متشرب يا احمد مش ممكن يبقى طعمها حلو، حاسب كده يلا ياحبيبتي قدامي
طلعت قدامي _انجوي يا احمد بقى اكيد باباك وحشك
=هو الانتحار حرام اوي يعني؟
_بقولك اي متصدعناش تصبح على خير يلا من هنا
طلعت وخدت شنطه صغيره معاها ودخلنا اوضتي وهي قعدت على السرير وانا قعدت على الكرسي قدامها
_بعد كده مينفعش تقعدي باللبس دا في البيت
=لي يعني؟
_انا متجوزه اه لو مش واخده بالك يريت متكنش معلومه جديده بالنسبالك وتكوني اكيد لاحظتي وكده فنخلي عندنا حبه من الأحمر، حبه بس مش كتير لو مش هيضايقك
=دا هيبقى ابن جوزي يعني ميجوزليش
_الطموح حلو ما اروعه بجد، وبعدين مينفعش تقعدي كده وخلاص
طلعت كريم من الشنطه وبدأت تحط منه على ايدها، الصابون ماله يعني بردو مش فاهمه!!
=معلش لازم احط كل دا قبل منام
_جاوبيني بصراحه كام عمليه تجميل؟
=نعم!!
_وانتي عامله اي دلوقت
بصيت على الشنطه لقيتها أعمق من حياتي، دا الواحد مش أنثى يجدع!! يخربيت ثباتي الانفعالي الي مخليني مقتلكيش لحد دلوقت
فجأه جاله تليفون فإتوترت ..
#يتبع .. 💙
# الذي احب العجوز 💙
#مريم سمير💙
تعليقات
إرسال تعليق