 |
#البارت التالت والرابع
وفجأه باباه دخل علينا ..
حاولت ابعد لكن هو كان محاوطني ولا أكن حد دخل علينا، بصيت ناحيه باباه عشان ياخد باله ف ابتسملي وبص عليه
_اهلا يبابا ازيك؟
=الحمد لله يبني، معلش دخلت من غير مخبط بس كان الباب مفتوح
*لا براحتك يحبيبي عادي
=طب انا جاي اقولكم ان فيه حفله عشان الشركه خدت صفقه كبيره وفرصه تبقى حفله عشان جوازكم بردو
_تمم يبابا، النهارده يعني ولا اي؟
=ايوه النهارده بليل
ضحك =همشي انا بقى
مشي وانا رجعت بصتله
_هو انت مش ملاحظ اننا كنا قدام باباك وانت لاصقني كده!!
زقني من قدامه ورجع قعد على السرير تان، هو فيه اي معلش؟
وقفت قدامه واتكلمت بعصبيه
_في اي!!
=لقيته جاي فعملت الشويه دول، مش انتي جايه هنا عشانه!!
_يعني كل دا كانت مسرحيه الاستاذ عملها؟
=بالظبط، ممكن بقى تروحي تلبسي عشان تخرجي من الاوضه، عاوز اقعد لوحدي شويه
نفخت ودخلت الحمام تاني ولبست بيجامتي وطلعت تاني
_انا محدش عاملني زيك كده، انت لي مبتعملنيش كويس!!
اتكلم بزعيق =عشان مش عاوزك ولا عاوز حد تمم؟ هفضل اعاملك كده لغايه متطلبي الطلاق بنفسك ولحد ما دا يحصل حاولي تتجنبيني عشان هتلاقي ردود أفعال مش لطيفة ومش هتعجبك
_انت، انت اناني ومبتحبش الا نفسك، فكرت انت اني بس جايه عشان اساعدك
قام ومسك اكتافي بقوه =وانا مطلبتش منك دا، انا مش عاجز ومستني مساعدتك
_اه يا احمد سبني
سابني وانا عيطت وجريت من قدامه، هو لي بيعمل فيا كده؟ انا مأذتوش عشان كل موقف بينا يبقى وحش اوي كده! انا بس عوزاه كويس ويرجع زي الاول مش اكتر
دخلت اوضتي وعيطت، من تاني يوم وهو كده امال بعد اسبوع مثلا هيحصل اي؟ يجماعه اغيثونا وربنا
الباب خبط ومسحت دموعي وفتحته
_ايوه يكوثر
=الغدا يهانم
_حاضر نازله
مشيت وانا بصيت قدامي على اوضته، هو مش هينزل؟ زمانه جعان بردو
جيت اخبط سمعت صوته وهو بتوجع فدخلت على طول
_انتي دخلتي هنا لي؟
=ممكن متزعقش؟ مالك!
_شي ميخصكيش
وقفت قدامه وقولت بتلقائيه =انا مراتك يا أحمد يعني وجعك من وجعي دا المفروض يعني
بصيت على ضهره لقيته وارم
_هي الوقعه لسه بتوجعك؟
=..
_طب ثواني هحطلك مرهم معايا كويس اوي لتخفيف الألم
طلعت من الاوضه وروحت من علي اوضتي وجبته، كان هو لسه ملبسش التيشيرت بتاعه ف حطيت المرهم على طول
_احسن؟
=..
_الف سلامه عليك
=شكرا
_ممكن اسالك سؤال؟
=ماشي
_انت وقعت ازاي اصلا!!
ملامحه اتغيرت =هفضل اقولك كام مره متدخليش في حاجه متخصكيش!!
_انا ،انا اسفه ونازله ومعتش هدخل حاضر
نزلت وانا بمسح دموعي، انا مش هعرف اعيش كده لا، مهو يا اما يتغير يا اما .. !
نزلت تحت وقعدت على الكرسي فقطع شرودي صوت باباه
_مريم
=ها!!
_احمد فين!
=اي، اصل اه جيت اخد الاكل عشان ناكل فوق
_ماشي يحبيبتي، كوثر حضري الغدا للعرسان
كوثر جابت صنيه كبيره وطلعت فطلعت وراها، كوثر خبطت تلت خبطات ودخلت وانا كنت واقفه وراها، حطت الصنيه ونزلت تحت وفضلت واقفه مكاني
_فيه حاجه؟
=الغدا، لازم تاكل عشان مكلتش من الصبح
_انا الي اقول امتى لازم وامتى مش لازم تمم؟
زعقت =انا جيت هنا مش فاهمه حاجه وانت لازم تفهمني، ايوه لازم، مين الست الي حبيتها ولي بتعمل كده؟
_جيتي هنا وانتي مش فاهمه حاجه وقبلتي ب انك تيجي مش فاهمه حاجه يبقى تفضلي كده على طول انا معنديش كلام اقوله
=بس ..
_والكلام خلص لحد هنا، تعالي كلي
=مش عاوزه اكل
_مريم بطلي حركات عيال وتعالي كلي انتي مكلتيش من الصبح بردو
=ملكش دعوه بيا
_قولت تعالي بدل معمل حاجه مش عاوز اعملها
=وانا قولت مش جعانه
قام ووقف قدامي وسكت وبعدين مسك ايدي وقعدني على السرير
_لو مكلتيش مش واكل والصنيه زي ماطلعت زي مهتنزل
بدأت اكل وانا بصاله، ازاي يكون بملامح جميله كده وبيعمل فيا كده انا ساعات بستغربه بخاف منه ..
خلصنا اكل وهو نده على كوثر وشالت الصنيه فضلت قاعده على السرير ايوه يجماعه انا لسه على ما يرام وربنا
كان قاعد وماسك علبه في ايده فيها ورق وبيقرأ كل ورقه ويبتسم، مع كل ابتسامه كنت ببتسم انا كمان، شكله حلو اوي وهو هادي، لدرجه اني كنت بستنى يخلص الورقه الي في ايده عشان ياخد ورقه تانيه عشان يبتسم تان!!
كان نفسي اسأله اي دا بس كنت عارفه الرد اي ومكنتش عوزاه يزعق ومزاجه يتقلب وهيتقلب على واحده غلبانه كده اول حرف من اسمها مريم
كوثر خبطت وقالت إن باباه عاوزني فنزلت
_مريم خدي دا
=اي دا!!
_فستان عشان الحفله
=وتعبت نفسك لي، كنت البس اي حاجه
_ازاي بس دا جزء كبير من الحفله معمول عشان جوازكم يلا خديه عشان تلحقي تجهزي
=متحرمش منك ابدا
خدت الكيس وطلعت وانا بضحك، خبط تلت خبطات ودخلت
_ممكن تشوف حاجه معايا؟
=حاجه اي!!
فتحت الكيس وطلعت منه الفستان، كان جميل، جميل بشكل!! كان لون السما ويخطف القلب قبل العين والله حطيته على السرير وفضلت ابصله وبعدها بصيت ل أحمد
_حلو؟
=ايوهه
_باباك الي جبهولي
=هي الحفله بدأت؟
_باباك قال نجهز
=تمم، هلبس انا عشان استقبل الي جاي
مشي من قدامي وبعد شويه جه وقف قدام المرايا، هو حقيقه؟ بجد والله هو بجد! كان لابس بدله وكان حلو اوي الي هو الله وكيل متجوزه لهطه جشطه من الي بتبقى على الوش دي
_ها شكلي كويس؟
=اه اوي
_هنزل انا واجهزي انتي بقي
=حاضر
لبست الفستان والطرحه وحطيت ميكب خفيف ونزلت
كان مديني ضهره فخبطت خبطه خفيفه على كتفه وابتسمت إلتفتلي وبصلي من فوق لتحت وابتسم ووقفت جمبه
*مراتك يا احمد؟
ابتسم _ايوه هي دي بقي الي معمول الحفله عشانها
*اهلا
ابتسمت =اهلا بيكي
الاغاني اشتغلت
*بصحتك يا احمد
اتخضيت ورميت الكوبايه من ايده بسرعه ف الاغاني وقفت وكله بصالي
_انتي اي الي عملتيه دا!!
#الذي احب العجوز💙
#مريم سمير 💙
#البارت الرابع
_اي الي انتي عملتيه دا!!
رجعت خطوه لورا =دا حرام يا احمد منكر دا صح؟
ضحك_ دي شمبانيا!!
قربت منه وهمست في ودنه =الأحسن انك تشرب مانجا
_مانجا!!
=ثواني هجبلك
الاغاني رجعت تشتغل عادي وانا كنت في المطبخ بدور على اي عصير يشربه بدل ال اي هو كان اسمها اي!!
لقيت عصير معلب خدته وخدت كوبايه ولفيت لقيته في وشي فشهت والكوبايه وقعت مني
_انت، انت بتعمل اي هنا؟
=ايدا طلعتي بتخافي!!
_احمد انت بتعمل اي؟
=تعرفي ان شكلك حلو جامد
_احمد انت شربت مش كده!
=متخافيش انا صاحي ومفوق اوي
_واضح، واضح اوي، ممكن متقربش زياده!
=الاه! مش انا جوزك وجوزوكي ليا حتى من غير متشوفيني، اتجوزتيني وبس صح يمريم؟
_احمد اسكت انت مش واعي
=لي وافقتي؟ اي حد مكانك كان رفض، لي عملتي فيكي وفيا كده!!
_احمد!!
حضني وانا برقت، حد يخض حد كده؟ كنت قول انك عاوز حضن وانا كنت هقول لا ونخلص من الحسره دي!!
=وحشتني اوي، لي سابتني ومشيت لي!!
_هي ،هي مين؟
=أ م ي ر ه
_وانت بتقطعها لي هي كيكه؟
خرج من حضني ووقف قدامي وجه يمين وشمال
_انت اول مره تشرب!!
=..
_طب الوجع قل في ضهرك؟
=..
سكتت لما لقيته سكت، طلع وانا لسه واقفه مكاني، مش قد الشرب حلو الكلام؟ حلو بتشرب لي بقى، اكيد اميره دي الست الكبيره الي اتوفت، وتحضن وقله ادب انت فاكرني اي انا بنت ناس يا استاذ انا مش جايه من الشارع تعالي احضني تاني يلا!
طلعت ولقيت كل واحد بيرقص مع واحده، الله دي شبه الحفلات الي كنت بشوفها في الافلام
باباه جه وخد ايدي ووقفني قدامه
*يلا ارقصوا مع بعض
مسك ايدي وشدني ليه وانا لسه واقفه مش عارفه اعمل اي، مسك ايدي التانيه وحطها على كتفه وبصلي، قولتلي بقى عيونك دي ولا لينسزز؟
الله يسامحك يعم جمال اهو بيقربلي اهو بحجه الرقص، الإنسان لو يبطل يآمن لكل الي حواليه كان زمانه في حته تسعه
_أحمد، هل تسمعني؟
=انتي عبيطه؟
_سامعني يعن!
=وخداني اطرش ولا اي
_انا بطمن بس، فوقت ولا لسه
=قولتلك قبل كده انك حلوه جامد مش كده؟
_احيه انت لسه مفوقتش!!
بدأ يقرب تاني وعلى وشه ضحكه هبله هو في اي يحبي مش خير؟
شديت ايده وطلعنا فوق في الاوضه ودخلنا الحمام وحطيت راسه تحت الحنفيه
_انتي اي الي بتعمليه دا؟
=كنت سكير يا احمد
_سكير!! البدله باظت بسببك انزل للناس ازاي كده!
=كنت بتقربلي وقولت يحلوه مره او مرتين وحضنتني و..
_لا يبقى كنت سكير فعلا فوقيني يلا
حط راسه تحت الحنفيه تاني ونشفها بفوطه وطلع قعد على السرير
_انا حضنتك؟
=اه وربنا هتبلي عليك مثلا!!
_انا اسف
=لازم تصلح غلطتك وتتجوزني اهلي لو عرفوا هيغسلوا عارهم ب ايدهم ويطخونا يبيبي، اكتب عليا وقتي يلا متنحش
_انتي بتقولي اي!!
=اصلك بتقول اسف! اسف على اي عادي يعني
قام من مكانه_ يعني معني كلامك اني لو حضنتك تاني ف هيبقى عادي يعني؟
=انت كده بقى بتفسر الكلام على مزاجك ولو رقعت بالصوت دلوقت هيبقالي حق افضحك و..
_بس بس خلاص اسكتي
رجع قعد على السرير تاني
=معلش كنت بهزر انت قموص اوي فكره
فتحت دراعي =تعالي يسطا حضن برئ
_برئ!!
=اقسم بالله برئ وربنا
ضحك وقرب بتوتر وحضني، حضني جامد كأنه كان مستني حاجه زي كده، ثواني انا اول مره الاحظ ان فوق الطول بينا جامد كده!
خرج من حضني وهو محسور
_انا، انا متأسف، انا نازل
خرج وانا بصيت نحيته وانا رافعه حاجبي، انا مش فهماك يا احمد حقيقي نفسي افهمك واشوف الي جوا دا مخ ولا حصيره !!
نزلت ولقيته واقف مع صحابي الي كان واقف معاهم فوقفت مكاني ببص على الي حواليا، الناس دي فقرا جدا لدرجه انهم مش لاقيين حاجه يلبسوها فجايين بقصير يعيني
سمعت واحده كانت واقفه جمبي بتتكلم بسهوكه
_بيقولوا انه اتجوز يبخت مراته دا يجنن
ضغطت بسناني وانا بهدي نفسي هو اه يجنن بس مجنني انا، اخلع وشك الحقيقي يا احمد معلش عشان فاكرين انه يبختي وكده!!
*فعلا دا كانت كل بنات الشركه تتمناه
=معتش عاوز ناس خلاص جاله الي بيهم كلهم
_نعم!!
=اقصد اني مراته
بصتلي من فوق لتحت _انتي!!
=السمع بعافيه؟
_طلع زوقه ..
=جامد ،زوقه جامد وبقولك اي انا مش من التجمع او الزمالك، انا من شبرا يبت ها يعني كلمه كمان هلبس جذمتي في بوقك، انا من جيهه يخاف الي زيك يجيها تمم؟
اتخضت من رد فعلي وسكتت ولفيت لقيته في وشي هو فيه اي انت موظفينك تحسرني!!
_هه بتهزر أصلها بتحب الهزار جدا بعد اذنكم
شد ايدي بغضب وطلعنا فوق، والله الاوضه دي تعبت معانا الصراحه في الليله اللافندر الي مش هتعدي دي!
_انتي اي الي عملتيه دا!!
=عملت اي شرشحتلها اي في اي!
_لا وبتعترفي
=اي دا هو استجواب ولا اي
_دي أهم عمليه عندي في الشركه
=قليله الأدب يبني!!
_لي بقى ان شاء الله؟
اتكلمت بمياصه زيها =قالك يبختي بيك اصل انت تجنن
ضحك _هي اتكلمت كده؟
=هكذب عليك يعني خدها مني كلمه
_وانتي اي الي يضايقك عادي مجاملات
=مجامله اي حاكم نفخونا اسمها معاكسه وقله حيا يا استاذ يمحترم
_مين قالك كده؟
=معروفه انها قله ادب ومعاكسه يا احمد مش محتاجه يعني!
_لا مش قصدي على كده
=امال قصدك على اي!!
ضحك _مين قالك اني محترم؟
=وربنا ابدا متقولش على نفسك كده
_يستي انا راضي
=على نفسك متقولش كده
_ايدا في اي!
=الحفله دي هتخلص امتى بدل مخلص عليها وقتي
_قولتيلي انتي منين؟
=من شبرا يرايق
_الي يشوفك في الفستان ميصدقش البكابورت الي خرج منك من شويه
=خدها مني حكمه المظاهر خداعه
_حسك الفكاهي دا هيوديني في مره في داهيه
نزلنا احنا الاتنين وكانت الحفله خلصت ووقفنا نسلم على الضيوف على الباب ولو حلفتلكوا اني كنت هموت واسلم على البنت بس ايدي وجعتني ساعتها فمعرفتش أمد ايدي وحرجتها انتوا اكيد هتصدقوني مش كده؟
طلعنا الاوضه بعد مسلمنا على عمو جمال
_ها ضهرك لسه واجعك؟
=مش عارف
_وريني كده اشوف ورام ولا لا
قلع القميص ثواني بس انا هتكسف لغايه امتى منا الي بقوله وريني!
=الحمد لله الورم خف، الف سلامه عليك
_الله يسل..
=وبعد كده الاستاذ يخلي باله
_الله ينتقم منك
ضحكت ودخلت غيرت ولبست بيجامه وطلعت كان هو غير ولبس بيجامه هو كمان وماسك نفس العلبه وبيقرأ في الورق من تاني!
روحت وقعدت قدامه وفضلت بصاله
_مش هتسألي؟
=لو حابب تتكلم ف انا حابه اسمعك
اداني العلبه ف استغربت هو مش هيقولي متدخليش في الي ميخصكيش ويزعق!
بدأت اقرأ الورق
الورقه الأولى
( ابقى روح ل دار الايتام الي جمبنا مره في الأسبوع وفرح الأطفال الي هناك )
الورقه التانيه
( كل سنه وانت طيب كملت النهارده 26 سنه والعمر كله في سعاده يرب )
الورقه التالته
( هقولك على حاجه اعتبرها وصيتي او زي متفكر، لو مت بليل متدفنيش الا الصبح، انا بخاف من الضلمه اوي، انا عارفه انك بتفضل تصبرني بس خلاص المرض وصل ل اخر مرحله، تعرف محدش هيوحشني قدك حتى ولادي مش بشوفهم الا في السنه مره دا لو شوفتهم، انت الي على طول معايا )
الورقه الرابعه
( لما تيجي تزورني اما امشي هاتلى ورد بنفسجي عشان بحبه ومتستخسرش ها متستخسرش )
كنت بقرأ وانا قلبي وجعني وبصتله لقيته بيعيط
_دي الي كنت بتحبها؟
=..
_تعرف يا احمد، انت حبيتها يمكن عشان مفتقد احساس الامومه فشوفت فيها مامتك بس ترجمت شعورك دا غلط، هي كانت بتحبك زي ابنها واكتر، ربنا يرحمها هي في مكان احسن دلوقت، واكيد شيفاك وزعلانه انك حزين كده
=..
_انت مش بتفتح الشبابيك عشانها؟
=كنت بفتحها عشان اشاورلها في أول اليوم قبل مروح الشغل، هي دلوقت مش موجوده يبقى ملهاش لازمه تتفتح
_ومين قالك كده؟ بالعكس دا انت تفتكرها اكتر، ربنا يرحمها
حضنته مهو يجماعه اقسم بالله مابعرف اواسي الي هو انت زعلان؟ طب هات حضن
طلع من حضني وهو مبتسم
_انتي طيبه اوي يمريم
=ايوه عارفه
_قومي من جمبي يمريم
=احمد متبقاش قفوش كده!
قعدنا نتكلم يومها كتير، كتير اوي منمناش تقريبا الا الساعه خمسه، طلع لطيف وكان بيعمل الشويه دول عشان اكرهه بس ميعرفش اني استلطفته من اول يوم شوفته فيه! وانه الله وكيل احلى من اي فتى احلام رسمته في خيالي، هو اه كان مخلي كرامتي محتاجه نقل دم بس عرفت الحقيقه واخيرا فهمته
نمنا شويه وصحيت لقيته جمبي ايدا اي الوقاحه دي؟ اي الطريقه دي، ايدا اي الجمال دا يخربيتك!
قومت ونزلت حضرت الفطار وكنت ماسكه طبق لفيت لقيته في وشي ف وقع مني اتكسر
_منك لله متقفش قدامي في حته تاني
=لي؟
_لما بشوفك بتلخبط يخربيت كده
=ايدا اي الكلام دا
_كلام اي انا خارسه!
فتحنا الشبابيك وابتسمتله الي هو طب والله جوزي وكفاءه
باباه صحي وقعدنا فطرنا سوا واحنا قاعدين باباه فجأه اتكلم
_مريم عاوزك تشتغلي في الشركه لغايه ما اجي من السفر
=نعم!!
#يتبع .. 💙
#مريم سمير 💙
#الذي احب العجوز 💙
تعليقات
إرسال تعليق