 |
بسم الله الرحمن الرحيم
البارت الثاني ميرسي جداا ع التفاعل الجميل ده والله فرحتوني جدا عايز تفااعل حلو
عالبارت ده وهنزل كمان بارت بعد ساعه دمتم لينا احلي متابعين 😘😘
في منزل يزن
ياسين=ينفع اللي يزن بيعملوا ده الساعه بقت ٧ والبيه مجاش
محمد=انا مش عارف الواد ده ناوي علي ايه دي مش طلعت من الاوضه طول اليوم ولا حتي كلت حاجه
ياسين =بابا انا شايف انهم يطلقوا احسن لأن كده هو بيبهدلها معاه
محمد=واللهي يابني انا مكنتش هاعمل كده لو اعرف انوا غبي بالشكل ده لكن ده صاحب عمري
ياسين=طب وايه حكاية الشهر جواز ده
محمد=انا هاقولك بس اوعي يزن يعرف وعلشان تاخد بالك منها
########################
FLASH Back
من شهر في الشركه الخاصه بماجد ومحمد
محمد=مالك يا ماجد قلقان ليه
ماجد =حور بقالها فتره بيجلها صداع شديد وبتقع من طولها وحتي الأكل اللي ماكنتش بتبعد عنو بقت ممكن تقعد يومين ومش فاكره كلت ولا لأ
محمد=طب ومش ودتها لدكتور ليه مستني ايه
ماجد=ماهي راحت وطلب تحاليل وانا مستني النتيجه المفروض تبقا وصلت لدكتور وهو هايتصل يقولي
محمد=أنشاء الله خير يا ماجد
رن هاتف ماجد
ماجد=الو يا دكتور طمني
الدكتور=انا اسف اني بقولك ده بس لازم الخطوات تكون سريعه بنت حضرتك بتعاني من ورم في المخ وللأسف المنطقه اللي فيها الورم صعبه جدا ولازم عمليه نستئصل الورم في اسرع وقت لأن الكيماوي مش هايفيد
ماجد ما ان سمع هذا حتي وقع الهاتف من يده وكان سايقع لولا محمد الذي امسكه
محمد=في ايه يا ماجد
ماجد=قدر الله مشاء فعل ......لله الامر من قبل ومن بعد
محمد=انت بتقول ايه فهمني
حكالي كل حاجه وكان الموضوع صعب خصوصا ان كمان اتعدي مرحلة الكيماوي وغير كده الدكاتره قالوا نسبة النجاح ٣٠%بس والأمل مش كبير
في الوقت ده ماجد بقا زي اللي بيحقق اماني كان بيدور علي كل حاجه بتحبها ويعملها حتي المسكنات والادويه ومخدرات كانت بتتخلط بالعصير بتاعها يوميا علشان تخف الألم لغايت ما اتحدد معاد اولي للعميله وكان بعد شهر وفي نفس الوقت عرف ماجد ان حور بتحب يزن من مذكرتها وجه المكتب من يومين وطلب مني
ماجد=محمد انت صاحب عمري و اخويا وعايز اطلب منك طلب ممكن مش تقبل بس انا مستعد ادفع اللي ورايا واللي قدامي
محمد=انت بتقول ايه احنا صحاب وطلباتك اوامر
طلع المذكرات وانا قريتها واللي كانت اول صفحه فيها بتتكلم علي يزن
محمد=عايز اطلب ايد بنتك لابني
ماجد حضن محمد بشده
Back
ياسين =ليه يا بابا مش قلت ليه مش عرفتني يا بابا دي ممكن تموت بسبب ابنك الغبي
محمد=انا عايزك تاخد بالك من اكلها والعصير لازم تتأكد انها شربتوا الألم قاتل يابني
ياسين =طب ويزن
محمد=اوعي يعرف حاجه
ومن خلفه دخل يزن المنزل وقال
يزن=ومين بقا اللي اوعي يعرف حاجه
محمد=اهلا عريس الغفله شرف انت عارف الساعه كام يا بني ادم انت
يزن =اه عارف الساعه سبعه ونص المغرب
محمد=وده معاد رجوع عريس تاني يوم فرحوا
يزن=قصدك جنازتوا بعد الجوازه اللي ملهاش شكل دي وعن اذنكوا انا طالع ارتاح
وتركهم يزن وصعد إلي غرفته
##########################
في غرفة حور
حور=اه مش قادره رأسي هاتنفجر مش قادره
اول مره احس بالوجع ده
وامسكت رأسها وبدأت تبكي من شدة الألم وجلست علي السرير فهي عاجزه عن طلب المساعده من أحد
#########################
في غرفة يزن
دخل يزن الغرفه وبدء يبحث بعينه عنها ولكنها غير موجوده ونظر الي الطاوله و وجد كوب العصير مكانه
يزن=ايه انت قلقان عليها ولا ايه اكيد لا يعني
قلبه=لا قلقان يا يزن وتعرف بقا لو طلعت قاعده من غير اكل طول اليوم بسببك تبقي تستاهل الحرق🔥🔥
عقله =وهو ماله وكمان مش قلقان عليها ما تولع وانا مالي هي فين
قلبه=اللي تولع دي كانت تعبانه امبارح وانت كنت هاتموت من القلق عليها
عقله=محصلش انا كنت بعمل الواجب 😒
قلبه=والحضن كان من ضمن الواجب بردوا 😉
عقله=اسكت بقا
يزن=اسكتوا انتو الاتنين انا هاروح اشوفها فين وده مش علشان انا قلقان عليها ده واجبي
قلبه =ايوا ايوا وحبك طب اتفضل روح يابتاع الواجب😉
عقله=منك لله دايما جايبني وراه قدام الحنين بتاعك روح يا اخويا روح 🤬🤬
خرج يزن يبحث عنها حتي قابل ياسين
يزن=متعرفش حور فين
ياسين=وده يهمك في ايه وكمان ايه ده كوباية العصير دي بتاعت الصبح......هي مش شربتها
يزن=لا مش شربتها
ياسين =انت فاكر انا قولتلك ايه يا شيخ حرام عليك ........هات هات
يزن =حرام عليا ليه انا مالي وكمان مش هاديك حاجه هي فين
ياسين=في الاوضه اللي جنب اوضتي انا هانزل اجيب اكل لأنها مش كلت من الصبح
شعر يزن بنغزه في قلبه وكأنه السبب .
يزن =يا عم احسن اهو تحس شويه بدل ما هي شبه الدبدوب كده
ياسين =عمرك ما هاتتغير غبي
وتركه ياسين ورحل
###########################
دخل يزن غرفة حور
ليجدها جالسه في وضع القرفصاء تضم قدمها لصدرها وتحتضنهم بيديها وتدفن رأسها
نظر يزن إليها بحزن شديد وكأنه يشعر بنفس الألم هو لا يدري ما الذي أصابه
يزن=الناس اللي مش بتسمع الكلام
رفعت حور رأسها إليه لينصدم عيونها منتفخه ومن البكاء وانفها يسيل منه بعض الدماء انتفض يزن إليها وأحضر محرمه وبدء يمسح الدم
يزن=انتي كويسه طيب حاسه بأيه قولي .....عارفه ده ليه علشان الهانم مش كلت من الصبح
حور =انا كويسه بس رأسي وجعاني اوي ...يا يزن
يزن في نفسه=بخربيت يزن وسنينه انا لو اعرف انوا بيتقال حلو كده
يزن =طب اشربي العصير وانا هاروح اجيب مسكن ماشي بس اهدي كده
ولكنها بدأت تبكي
كان بكأها عباره عن سيوف تقطع في قلبه بشده
يزن =لا مفيناش من العياط يا دوبي
حور=دوبك
يزن=ايوا اختصار دبدوبي
تلك الكلمه تزعجها كثيرا لكن للمره الاولي التي تكون سعيده عندما ينعتها احد بها
اخذت العصير وشربته وماهي إلا دقائق وشعرت كأن جسدها يتخدر بالكامل
ذهب يزن ليحضر الدواء ولكن عندما عاد وجدها نائمه
يزن=هاتجنيني وانتي نايمه وانتي صاحيه .....ايه يا يزن مالك انت هاتضعف ولا ايه
عقله=هو انت لسه هاتضعف يا جايبني ورا انت ومضحك عليا أعضاء ملهاش لازمه 😒
قلبه=انا مليش لازمه يا رأس البخاخه انت🤬
عقله=هو انا جبت سيرتك انت بس اللي علي رأسك بطحه مش اكتر 🤪
قلبه=لا هو انا اصلا مش هارد عليك عارف ليه علشان انت شكلك وحش طب شوفتوا وهو غرقان بعد يزن واحده منها 😉🔥ولا لما شفها بتعيط ياه تحس الدنيا اتقلبت شكل الأسد وقع 😮😮
عقله =لا مفيش الكلام ده مين قال هو يعني علشان قلق عليها يبقي حبها
قلبه=لا يبقي بيكراش عليها يابني اعترف بقا بطل لف شكلك بقا ولا فوط المطبخ😁😁🤣
عقله =شوفت يا جيبني ورا انت منك لله خليت شكلي زفت وسط اعضائك
يزن=بس يا حيوان انت والكلب التاني
قام بتغطيتها جيدا وقبل جبينها فلم يستطع أن يقاوم ذلك الوجه الطفولي اللطيف الذي يجذبه بشده
قلبه=انا في الساحه واقف لوحدي وانت واعضائك ليا باصين انا جمهوري واقف في دهري نمبر وان وانتوا عارفين ☝️☝️
عقله =اسكت يلا
قلبه=هو انت مش شوفت البوسه ولا ايه 😎دي نزلت في جرايد الأعضاء
عقله =منك لله يا فاضحني
يزن=اسكت انت وهو والا والمصحف اخلص علي نفسي علشان ترتاحوا
###########################
كان ياسين يصعد علي السلم ومعه الطعام ولكنه قابل يزن يخرج من الغرفه
ياسين =ايه انا جبت الاكل
يزن=نامت
ياسين=طب ما نصحيها تاكل
يزن=انت غبي يلا دي نامت من التعب رأسها كانت وجعها اوي
ياسين =البركه فيك وقلة اهتمامك بيها
يزن =انا مالي انا عملت اللي عليا وابعد من وشي انا رايح اغير هدومي
ولكن قبل أن يتحرك لاحظ دخول والد حور واخوها من باب المنزل
نزل يزن علي السلم وخلفه ياسين
########################
محمد=ازيك يا ماجد عامل ايه
ماجد=الحمد لله فين حور علشان ناخدها ونمشي
يزن=تاخدوها فين
يوسف=وانت مالك اختي واحنا احرار
يزن =اختك بقت مراتي ومش هاتخرج من غيري
يوسف =دلوقتي مراتك علي العموم انا مش خاطفها دي هاتعمل الكشوفات الدوريه بتاعتها وهاجبهالك تاني كلها ساعتين
يزن=بس هي نايمه
يوسف=انا قايلها من الصبح تجهز علي الساعه ٨
يزن=اصلها تعبت
وقبل أن يكمل ظهر التوتر والرعب علي يوسف الذي قال
يوسف=مالها....حصلها ايه .....هي فين .....انطق
يزن=اهدي هي كويسه كان شوية صداع مش اكتر
يوسف=صداع
يزن =اه ومنخرها نزلت دم بسيط اكيد بسبب تغير الجو
يوسف =طب انا عايز اشوفها لازم ناخدها المستشفي
نظر ماجد ليوسف لكي يهدئ
ماجد =طب يوسف هايطلع يصحيها علشان نمشي
يزن=لا انا هاطلع لأنها قاعده بهدوم البيت ومينفعش
وتركهم يزن وذهب الي غرفته وأحضر فستان من دولابها
وذهب لغرفة حور
###########################
يزن =حور اصحي يا دوبي
حور=انا عايزه انام يا بابا سيبني
يزن بحنيه =انا مش بابا يا دوبي قومي يلا
حور=يزن
وقامت لتجلس وهي تمسك رأسها
يزن=ايه يا عم بصحي في قتيل وكمان خدود دبدوبي مالها حمره كده ليه
حور تنظر إليه بتعجب فهو لم يكن يطيقها منذ قليل والآن يعملها بحنيه
حور=عايز حاجه يا يزن
يزن=يعني هاعوز منك ايه بابكي تحت هو اخوكي مستنينك علشان الكشف الدوري
حور=اه .....نسيت
يزن =طب يلا ....قومي البسي انا جبتلك الفستان ده من دولابك
حور=شكرا......ممكن تطلع بره علشان اغير
يزن=عادي يعني أفضل هنا ومتخفيش مش هابص هاغمض
حور =اطلع يا يزن
يزن=انتي مش مغريه يا روحي علشان ابقا هاموت واشوفك يعني وعلي العموم انا خارج يا دبدوبي
حور في نفسها=ايوا أكده ارجع لطبيعتك المقرفه وانا افتكرتك اتغيرت لكن مستحيل حد يتغير.......زي ما مستحيل حد .يتقبلني .....مش مكتوبلي افرح بس عادي معدتش تفرق معايا
وقامت لترتدي ملابسها
############################
في الاسفل
محمد=انا اسف يا ماجد بس واللهي هي مش رضيت تشرب العصير
ماجد =خلاص مش مهم بس اهم حاجه مش عايز يزن يجي معانا
ياسين=مش تخاف يا عمي انا هاتصرف
نظر ماجد لمحمد
محمد=ياسين عارف كل حاجه ومن هنا ورايح كل ادوية حور وغيروا هو لازم اللي هايتبعوا
ماجد=مش عارف اشكرك ازاي يا بني
ياسين=مش تقول كده دي اختي الصغيره انا زي يوسف
يوسف=ياسين انا عايز اتكلم معاك شويه بره
ياسين =طبعا يا يوسف
وخرجوا الي خارج المنزل
###########################
عند يزن حيث يقف أمام الغرفه
يزن =نفسي اعرف انا بعمل كده ليه ليه بجرحها كده طب ما انا مش بحبها بس مش اجرحها ليه بعمل كده ليه ليه
قلبه =علشان حيوان معروفه يعني مش محتاجه هي 😎
يزن=ونبي ما هي نقصاك دلوقتي
عقله=ايه مالكوا انا كنت نايم حبه كده صاحتوني 🥱🥱
يزن=ما لازم تنام مش خلتني نيلتها لازم تنام وترتاح كمان
قلبه=انت اللي حيوان ماشي وراه ليه 😒
يزن=يعني الي يمشي وراك يخش في حيطه واللي يمشي ورا التاني يدخل في عربيه نقل منكوا لله
خرجت حور وهي ترتدي فستان اسود مطعم بالون الاحمر وتاركه العنان لشعرها المنسدل علي ظهرها و وجهاها الخالي من اي ميك اب يحتفظ بملامحه الطبيعيه
يزن =يعني كانوا بيقولو قمر لكن مكنتش مصدق أو كنت اعمي هي فعلا قمر
وبقي متأمل في شكلها
حور=يزن مالك في ايه
يزن =و لا حاجه.......تعرفي انك شبه القم.....اقصد شبه الدبدوب في الفستان ده
ابتسمت ابتسامه حزينه تخفي ما بداخلها
حور=عادي يعني شكلي بيه زي شكلي من غيروا وكمان دبدوب....دبدوب عادي يعني مش فارقه
يزن شعر انها حزنت بسبب كلامه الغبي ولكنه نزل وهي بجواره الي الاسفل
############################
خارج المنزل حيث ياسين ويوسف
يوسف=خلي اخوك يبعد عنها ولو عرفت انو زعلها بكلمه هاخلص عليه
ياسين=انا عارف انو غبي وكلاموا مش كويس بس لازم نعذروا هو اتحط في الوضع ده فجأه
وغصب عنو
يوسف=واحنا كمان اتحطينا فيه بس انا هحاول اخلصوا بسرعه واخليه يطلقها هي كده كده مش قعدالوا في الدنيا دي كتير
قال تلك الكلمه وكان يبدوا عليه الاسي فلم يتوقع أن يأتي اليوم الذي يقول فيه إن صغيرته سترحل عن الدنيا
ياسين=مش تقول كده هي هاتكون بخير ومش تخاف يزن طيب اوي وعلي فكره بيحبها
يوسف=ده واضح من كلاموا اول ما شافها....مين ده اللي يحب اللي زي اخوك ده ميعرفش يحب
ياسين=طب استني وشوف
ودخلوا الي المنزل
#########################
نزلت حور وسلمت علي والدها من بعيد دون أن تحتضنه كاعدتها فشعر انها مازالت علي حزنها منه
حور=اهلا يا بابا
ياسين=ايه الجمال ده لا كده تتعاكسي ويزن يزعل
يزن =اسكت يا يلا
نظرت حور ليوسف وذهبت إليه لتحضنه بشده
يزن كان يقف ويشعر انه سيشتعل بسبب ما يحدث كيف يحتضنها
عقله =ده اخوها يا بني انت ايه بقيت رسميا بتغار 😒😒
قلبه =أو....أو.....انا كسبت وهو حبها 🥳🥳
يزن =مش كفايه أحضان بقا
يوسف=وانت ايه حشرك اختي وانا حر
يزن بنفعال=مراتي وبغار
ياسين=انت هابت منك ده اخوها يلا
يوسف=يلا يا بابا علشان نمشي
فتحرك يزن ليذهب معهم
يوسف=انت رايح فين
يزن =جاي معاكوا اظن دي مفيهاش كلام
ياسين =يزن انت هاتقعد معايا علشان في حاجات خاصه بالشركة لازم نخلصها
يزن =بعدين مش دلوقتي
ياسين=لازم دلوقتي
يزن=يوه طيب
رحلت حور مع ماجد ويوسف وظل يزن الذي كان يستشيط غضب من ياسين وغيره من يوسف وجزء آخر قلق عليها
ذهب يزن الي غرفته ليبدل ملابسه
#########################
يزن =انا قلقان عليها اوي كده ليه
قلبه=ايه ده زينوا انت بتقلق 😏
عقله =ما تسكت يا عرة القلوب ياللي مودينا في داهيه
قلبه=عرة القلوب مش عمل حاجه هو حبها بس بيكابر يا مخ الكلب انت 😌
عقله =مش تشتم علشان مش انزلك 😡
قلبه =ما تنزل بس انت بق اصلا
يزن =تعرفوا اني بقيت بكره اسمعكوا اسكتوا لاني بجد لأول مره مش عارف احدد انا عايز ايه
#######################
في المستشفي
الدكتور=الصراحه العمليه لازم تتعمل في خلال أسبوعين
ماجد =مش انت قولت شهر
الدكتور=الورم ذاد وللأسف موضوع الدم اللي حصل ده هايتكرر كتير اوي
يوسف=طب والمسكنات والادويه
الدكتور=اخرها تسكن الألم انما الدم هاينزل وكتير وكمان لازم بعد اسبوع تيجي تقعد في المستشفي علشان نخليها تستعد للعمليه
ماجد=بس هي كده هاتعرف
الدكتور=ده طبيعي علشان تتأهل نفسيا وجسديا العمليه مش سهله ونسبة النجاح للأسف مش كبيره
خرج ماجد و يوسف من عند الطبيب وذهبوا لغرفة الاشعه حيث كانت حور نائمه
يوسف=انا هاشلها محدش يصحيها
وحملها الي السياره وانطلق الي نزل يزن حيث كان يجلس لينهي اعماله مع ياسين
########################
شعر يزن بشئ في قلبه كأنها قريبه انه يشعر انها قريبه منه كثيرا
ولكنه سمع صوت سياره فقام لينظر
يوسف=هشششش صوتك علشان هي نايمه
يزن =حاضر
نزل يوسف من السياره ليحملها ولكن يزن ابعده وحملها
يزن =معلش مراتي وهاطلعها اوضتها.....سلام
دخل بها ولكنها بدات تستيقظ
حور=يزن نزلني
انزلها وصعدت لغرفتها
يزن=ايه الكشوفات عامله ايه وسبب الدم ايه يا يوسف
يوسف =شوية ارهاق وحاله نفسيه مش تمام البركه فيك وهاتتحجز في المستشفي كمان اسبوع
يزن بفزع =ليه في ايه هي فيها حاجه
يوسف =لا بس علشان نطمن
يزن=اه تمام
رحل يوسف وماجد وصعد يزن وكان يريد الذهاب ليطمئن عليها ولكنه منع نفسه وذهب لغرفته
##########################
في غرفة حور كانت تجلس علي السرير لا تستطيع النوم
حور=يعني اعمل ايه وصاحبي مش معايا كمان
ولو روحت اخدتوا من الدولاب هايضحك عليا
ثم استقامت علي السرير تحاول النوم لكن لاجدوي انها لا تستطيع
حور=يوه بقا مضطره اروح ويضحك براحتوا هاعمل ايه يعني
#######################
في غرفة يزن حيث كان يتقلب علي السرير ولا يستطيع النوم
يزن=ما هو اكيد اني ما تعودتش انام جانبها من مره واحده ايه ده
قلبه=ده الحب يا عيوني 😍
عقله=بس يا عيل يا متني انت قال حب قال هو بس تعبان من شلها كل شويه
يزن=صح اول مره تقول حاجه صح
قلبه=يعني انت مصدق نفسك بذمتك مش شيلها علي قلبك اللي هو انا طبعا 😌زي العسل
يزن=هو عسل بس ده عسل وملبن.....اقصد ايه ده اه طبعا دهري وجعني من شلها
قلبه=ما كانت ملبن من شويه
عقله=انت اللي بتتلكك
قلبه =ده واضح اني انا اللي بتلكك وبتاع ملبن صح مش كده 😎
قاطع هذا الحوار الذهني دخولها الفرفه وهي تمشي علي اطراف اصابعها وتتجه الي الدولاب
يزن =بتعملي ايه هنا
حور=انا ...انا جيت اخد حاجه من الدولاب
يزن = الدولاب ولا انا واحشتك ومش قادره تقومي بعدي علي فكره قوليلي عادي وانا هتنازل واجي انام في حضنك اقصد جنبك
حور=لا ده انت اهبل أو عبيط أو باتتفرج علي افلام كتير اوي اوي اوي ........انا جايه اخد صاحبي
يزن =صاحبك
حور =ايوا اهوه
ومدت يدها لتخرج دبدوب ضخم الحجم من خزانتها يأخذ أكثر من نصف المساحه وهو في طولها تقريبا
يزن =ههههه ايه ده....... ده شبهك اوي
حور =ايوا ما علشان شبهي مش بنام غير في حضنوا ......عن إذنك
يزن=طب ما تنامي في حضني ومش هاتندمي ملكيش في العضلات واللهي احسن من ابو كرش ده
حور=ده مفيش احسن منو وعن إذنك سلام
وخرجت من الغرفه
وخرج خلفها لأنه يريد أن يجعلها غاضبه فإنها جميله عندما تحمر خدودها غضبا منه
########################
ولكنه رأي ياسين يتحدث في الهاتف ويهمس واقترب منه ليسمع
ياسين=بقولك في نوع مسكن ناقص ولازم اعملها العصير الصبح اجيبوا منين
يزن =مسكن ايه وعصير ايه
ياسين =.........
يتبع
اتمني يعجبكم
اكمل ولا ل
RWAN_MSLAM
وشكرا علي التفاعل الحلو علي آلبارت الاول اوي والكومنتات حلو جدا شكرا معنديش كلام يعبر عن فرحتي 😍😍
بسم الله الرحمن الرحيم
بارت ٣ وقبل الاخير ميرسي جداااا جدااا عالتفاعل القمر ده دمتم لينا احلي واجمل
متابعين 😘😘 تفااعل قمر زي البارت اللي فاات وهنزل الاخير انطلقووا🤣🤣
ياسين=ايه.....لا .....لا مفيش ده حاجه تبع الشغل
يزن =هو ايه اللي تبع الشغل....ايه علاقة الشغل بالدوا والعصير ايه ده
ياسين=انت بس اللي مركز زياده يعني العصير كنت هاوزعوا علي الموظفين في الشركه علشان جوازك وكده والدوا علشان الصداع وغيروا يعني طبعا اللي حصل لحور انهارده مش لازم يتكرر
يزن=مش عارف كلامك مش راكب علي بعضوا ومش مصدقك ......بس تمام اما نشوف
عقله =هو انت سيبتوا ليه مش حاسس ان الموضوع ليه علاقه بحور
قلبه =لأول مره هاتفق مع عقل الكلب بتاعك انا كمان عندي نفس الشعور وحاسس انهم مخبيين حاجه
عقله =مش هارد عليك اصلا ولا هانزل مستوي لقلب متني زيك😒😒
يزن=يعني اتفقتوا دلوقتي....بس انا مصدقوا
قلبه =اهو ده لما يكون صاحبك برأس بخاخه زي عقلوا
عقله =مع انك بتشتمني بس عندك حق ده كتلة غباء
يزن =بس اخرسوا
واتجه إلي غرفة حور لكي يفتح الباب
#########################
في غرفة ياسين
ياسين =كنا هانتمسك ايه ده
يوسف=انت غبي بتكلمني علي السلم ليه ما اوضتك موجوده ياسين =خلاص اهو اللي حصل ....بس هاتعمل ايه اللي ناقص نوع مخدر
يوسف=متخفش قبل ما حد يصحي هاكون انا جيت تحت وهارن عليك تاخدوا
ياسين=مش تتأخر لأن الألم صعب انا عارف دي امبارح كانت بتعيط من كتر الوجع انا شوفتها لما كان يزن داخل ليها وقفت علشان اطمن لكن الصراحه كنت فعلا هاعيط كان باين عليها التعب
يوسف=مش عارف حاسس انها مش هاتكمل معايا
ياسين=مش تقول كده إنشاء الله هاتكون تمام وبكره البقف ده تلاقيه هو اللي بيترجاها علشان تعبروا
يوسف=تعرف اني كنت بدخل اوضتها كل يوم وهي نايمه واحط ليها ورقه في المذكرات بتاعتها
ياسين =اشمعني
يوسف=كان بيكون مكتوب فيها جمله من فيلم بتحبوا وكانت تنزل تلاقيني مشغلوا
ياسين =ايه ده ....لا ده كده انت أخ حنين بقا
يوسف=مش أخ اب انا اللي مربيها لأن ماما ماتت وهي عندها سنتين
ياسين=ايه جو الشموع السوداء ده خلاص ياعم قفل ......وكمان يعني انت السبب انها قلبوظه كده اه لو يزن يعرف كان نفخك
ضحك يوسف وأغلق الخط واتجه إلي سريره لينام
##########################
في غرفة حور حيث دخل يزن ليجدها تغط في نوم عميق
وتحتضن الدبدوب الضخم وكأنها ابنته
يزن=تعرفي انك قمر وانتي نايمه ايه الجمال الطفولي ده .....يعني بتسحريني وانتي عامله انسه وبنت في نفسك وبتسحريني بشكلك الطفولي وبيجاماتك اللي عليها كرتون دي
عقله = أبتدينا فقرة الاعجاب بقا ونخش بقا علي
الأحضان ......يلا ما انت خليت رقبتي قد السمسمه وسط اعضائك....تعرف مطلعين عليا اني هفئ
يزن =ما تبطل صياح بقا خلاص يا عم حبيتها ايوا حبيتها عايز ايه
قلبه= كينج اللعبه معاكوا الأسد 😎.........انا .... انا نمبر وان .........عناب ......كابوس البخاخات وطبعا مش بلقح علي حد ولا اقصد اي هفئ
عقله =اتفضل ام عبير ريمكس للمهرجانات والحفلات الراقصه للإتصال بالرجاء هزه أو عمل رساله الي حين يصبح متاح
قلبه=بس بس انت متتكلمش من هنا لغايت ما يخلفوا يزن الصغير ولا اقولك حور الصغيره اصل الصراحه نسختين من الكائن ده صعب
يزن=انا كائن طب يا حيوان ابقا اشوفك تتنفس مع استاذ مخ بعد كده واسموا استاذ ولو مش قولتلوا استاذ مش هاخليك تشارك معانا في الكلام وهاتقعد زيك زيك بطني كده ملكش لازمه
بطنه=حاسب....... حاسب 😡😡 يا نجم علي اعصابك كده علشان مش اخليك تقضيها في الحمام انهارده😒😒 سيرتي متجيش وسط الاعضاء الهفأ ديه تمام 😏😏
يزن =اتفضلوا اعضائي دول ولا سرسجيه ولا كانوا في فيلم عبدوا موته معرفش ارحمني يارب
ثم نظر اليها واقترب من السرير وصعد عليه لكي يثبت بجانبها ثم احتضنها من ظهرها
عقله=يا حج .....يا اخينا.......طب يا استاذ.......انت يا بابا انت بتعمل ايه
قلبه =مراتوا وحضنها انت ايه حشرك يا عرة العقول يا بقايا الذاكره انت 🤬🤬🤬
عقله=صوتك لو سمعتوا تاني هاخليك مش تضخ دم هاخليك تبخوا من اللي هاعملوا فيك يا ابو ورده يا حنين
قلبه= مش بدل ما ابقا رأس كلب😎😎😎أو حيوان أيهما اقرب يعني 😏
يزن=تعرفوا انا حيوان اني بسمعكوا اصلا يلا يا عرة الأعضاء انا عايزه انام
وسقط في ثبات عميق وسط شعرها الذي يغزو الوساده وجسدها بين يديه
###########################
في صباح اليوم التالي
استيقظ يزن علي رنة هاتفه سحب الهاتف واغلقه كي لا تستيفظ وقام من جانبها وذهب الي غرفته
بعد نصف ساعة
استيقظت هي وقامت بتغيير ثيابها واداء فرضها ثم نظرت الي هاتفها واخذته وخرجت الي البلكونه
حور =وحشني يا زينووو .......انا عارفه اني مقصره في حقك وانك زعلان بس اسفه يا روحي اوعدك هاعوضك لاني كنت مشغوله ......ايوا ايوا.......هاحضنك وابوسك كمان لانك وحشتني اوي.
لكن عندما يدور هذا الحوار كان يزن يقف علي باب البلكونه يستمع لها لكي يصيح بصوت عالي جعلها تنتفض
يزن =الله...... الله لا ومش مكسوفه انك بتكلميه في قلب بيتي لا وكمان هاتحضنيه وتبوسيه ومقصره معاه معلش اصلك كنتي بتتجوزي المغفل اللي اتدبس فيكي بمنظرك ده شبه البقره ولا مش شوفتي نفسك في المرايه لا وكمان بتستغفليني وبتكلمي راجل عليا انا ....وانا بحاول احبك واتقبلك واقول هاعتذرلها واعوضها
كانت تقف صامته تستمع الي حديثه الذي كان يجعلها تنزف من الداخل وهذا الألم الذي يزداد في رأسها لكنها لن تسكت له ولن تبرر
حور=خلصت
يزن=ايوا مين ده بقا يا هانم
حور=ميخصكش اظن يعني انت قولت انك بتحاول تتقبلني ومش عارف وكأني عاهه مستديمه وانت ملاك وكمان ايوا ده حبيبي وبكلموا علشان بحبوا وبيحبني مش زيك
كلماتها جعلته يثور غضبا والنتيجه صفعه مدويه علي جبينها جعلتها غير متوازنه وتسببت في خروج الدم من أنفها وفها ولكنها لم تسقط ولم تنظر إليه بل توازنت واعطته ظهرها وبدأت تخرج من الغرفه بهدوء
يزن=ايه اللي انا عملتوا ده طب كنت سمعتها الاول ليه كده انا غبي بس بردوا هي
عقله =هي خاينه وانت عندك حق المفروض كنت تقتلها
قلبه=مستحيل تعمل كده كان لازم تسمعها هي لو كانت عايزه تخونك كانت خانتك وانت مش هنا أو مشيت لما عرفت انك مش عايزها لكن بالرغم من معاملتك اللي زي الزفت فضلت
عقله =فضلت علشان تعرف تقرطسوا برحتها واديها كانت بتحب في زينوا ايه زينوا ده ومش تقولي اخوها في الرضاعه
قلبه=انت هاتندم علي كل ده وبكره تشوف يا يزن
##########################
كانت تسير حور بلا روح فإنها تشعر بكم من الظلم لم تشعر به من قبل لطالما كانت تتعرض للتنمر والمضايقات لكنها كانت تنسي ما ان تري يوسف وتجلس بين يديه وتبكي لكن اليوم هي وحيده وليس هذا فقط الشخص الوحيد الذي احبته ضربها واهانها ونعتها بأبشع الصفات ثم والأسوأ اتهمها بالخيانه دون أن يسمعها كل شئ كان حكم ظاهري فقط لمجرد سماعه لبعض الكلمات
ظلت تسير الي ان وصلت الي بابا القصر الخارجي لكنها لاحظت أن سيارة أخيها تقف لينزل أخيها منها اختبئت لأنها ظنت أن يزن من اتصل به
حور =لحقت جبتوا بس عادي انا مش عايزه اعيش معاك ولا اشوف وشك تاني الموت عندي اهون
ولكن نزل يوسف و وجدت ياسين يخرج هو الآخر له
يوسف =الدوا اوعي تنسي النسبه علشان دي مهمه لأن الآثار هاتبدء تذيد سرطان المخ مش حاجه سهله
ياسين =مش تخاف هاظبط النسب واعمل العصير واطلعوا ليها بنفسي واتأكد انها شربتوا كمان
يوسف=شكرا
ياسين =مفيش بينا الكلام ده دي اختي اقصد دبدوبتي الصغيره اللي في البيت وانا كاماما ياسين في الخدمه
يوسف=طب يلا يا ماما ياسين لحد يشوفك ياختي هاتبقا فضيحه
كانت حور غير مستوعبه ما تسمعه كيف هذا إنها مريضه وكل هذا الوقت كانت تتعطي المسكنات لهذا زوجها من يزن لكي يتخلص من حملها انها أصبحت ثقيله علي الجميع
وقررت أن تذهب بعيد حيث لا يجدها أحد
##########################
صعد ياسين ومعه العصير الي غرفة حور ليجدها مفتوحه
ياسين =حور انتي صاحيه
ولكن لا رد
دخل ياسين ليجد يزن جالس علي السرير وحده وحور ليست هنا
ياسين =فين حور
يزن=وانا هاعرف منين هي فين
ياسين =انت بتتكلم عنها كده ليه ثم انك قاعد في اوضتها وعلي سريرها يبقي اكيد تعرف
يزن=دي الطريقه اللي لازم اتكلم بيها عن واحده خاينه زيها
ياسين =انت بتقول ايه انت شارب حاجه
يزن =لا مش شارب حور المصونه بتخوني و...
ياسين =اوعي تكمل والا هاتلاقيني مديك قلم علي وشك .....اوعي تصور لنفسك انك تتكلم عنها كده
يزن=ياه لدرجه دي انت حبيتها مع أنها علي ذمتي بتحب مرات اخوك يا ياسين
ياسين =اتكتم انت اكيد اتجننت أو شارب حاجه دي اختي يا بني ادم أحبها زي اختي لكن عمري ما اشوفها اكتر من كده لكن انت اللي مريض وخيالك مريض بس هي فين انطق
يزن=معرفش ......انا ضربتها وهي خرجت
ياسين وقد احمرت عينيه من الغضب =ضربتها واحنا من امتي بنرفع ايدنا علي بنات يا استاذ يزن انت شكلك نسيت يعني ايه راجل
وامسكت من تشيرته بقوه
ياسين=تعرف لولا اني هاروح اتنيل اشوفها فين كنت وريتك اللي عمرك ما شوفتوا مني يا ابن ابويا
وتركه يا سين وخرج ليبدء البحث وتمر ساعه والاخري حتي مرت ٦ ساعات
ياسين =روحتي فين يا حور ومش اخدتي الدوا ولا حتي اكلتي منك لله يا يزن
حضر يوسف وماجد بعد اتصال ياسين بهم
ماجد =فين حور يا ياسين
ياسين =معرفش أسأل البيه
انقض يوسف علي يزن وامسك رقبته
يوسف=لو اختي جرلها حاجه هاخلص عليك وهانهي حياتك ومش كده وبس لا دا انا هارمي جثتك علي الطريق لغايت ما تعفن علشان اللي زيك ميستحقش إلا كده
يزن =انت اصلا متعرفش الهانم اختك الخاينه كانت بتكلم راجل غيري وبتقولوا هاتبوسوا وتحضنوا يا بيه يا محترم روح ربي اختك وتعالي كلمني
يوسف=مستحيل انا عارف اختي علي ايه وعمرها ما تعمل كده
يزن ببرود=واديها عملت
سدد يوسف ليزن ضربه قويه طرحته أرضا
يوسف=هاجبها ولما القيها هاخليك تطلقها علشان كلب زيك مش يستحق ضفرها
ماجد=اهدي يا يوسف وانت يا يزن انطق ايه اللي حصل
قص يزن عليهم ما حدث
يوسف=زينوا......صح.......اهوا انا دلوقتي لوقتلتك حلال فيك
يزن=ليه هو انا عملت ايه يعني
يوسف=عايز تعرف زينوا طب تعالي .....يلا اتحرك
خرج يوسف وخلفه يزن وركب سياراتهم وفي نفس الوقت كان ياسين وماجد ومحمد يبحثون عن حور في كل مكان
##########################
قاد يوسف السياره ومن خلفه كان يسير يزن بسيارته حتي وصلوا الي مبني حديث الشكل مكتوب عليه (دار الرحمه للأيتام )
ونزل يوسف من سيارته ومن خلفه يزن ودخلوا المبني الذي كان حوله حديقه مليئه بالأطفال
يوسف رفع يده يشير لطفل يجلس وحده دون شريك
يوسف=ده زينوا اللي بتخونك معاه يا أستاذ يا محترم ده يبقي زين وهو طفل يتيم مصاب بالسرطان وهو صديق حور الوحيد عندوا ١٢ سنه وهي هنا متطوعه كمدرسه للأطفال وشافت زين من سنتين واتعلقت بيه جامد وطلبت ان بابا يتكفل بمصاريفوا وهي كانت بتزوروا كل يوم عرفت بقا مين زينوا وليه هاتحضنوا وتبوسوا وليه مقصره
كان يزن صامت لا يستطيع الكلام ولا الرد لقد ظلمها و جرحها وايضا رفع يده عليها
كان في دوامه من التفكير
قلبه =شوفت بقا اهي طلعت مظلومه شوف هاتسامح نفسك ازاي وانت السبب انها مشيت لا وكمان ظلمتها
عقله =انا مع الاستاذ قلب في كلاموا انت غلطان
قلبه=دلوقتي معايا واستاذ قلب خربتها وقعدت علي تلها يا فالح
قطع هذا الحوار صوت طفل يتكلم
=عمو يوسف انت جيت امتي
يوسف=لسه واصل يا زين يا حبيبي
زين =شوفت طنط حور تعبانه اوي وكانت بتعيط وماسكه رأسها
يوسف =حور انت شوفت حور يا زين
زين=ايوا هي هنا من الصبح لعبت معايا وجابت لعب وحاجات حلوه كتير بس وشها كان عليه علامه من الجنب ولما سألتها عيطت واللهي ما قصدت ازعلها بس معرفش زعلت مني ليه وتعبت اوي
نظر يوسف ليزن نظره غاضبه فهو السبب في كل هذا لا وايضا تجرأ لكي يضربها
يزن=زين يا حبيبي طب هي فين
زين =انا معرفكش وكمان طنط حور قالت متكلمش مع حد غريب
يوسف=طب قولي انا وسيبك منو
زين=هي جوه في اوضة ماما المشرفه علي الميتم
تحرك يوسف ولكن لاحظ انا يزن يسير خلفه
يوسف =انت رايح فين
يزن =انا عارف اني غلطان واني زعلتها وعملت كل حاجه ممكن تزعلها وتدايقها ولكن انا عايز اطمن عليها
يوسف=انت خسرت الحق في ده
يزن=انا عارف انك مش طاقيني وده حقك لكن واللهي هاطمن عليها واللي عايزه اعملوا
يوسف=لا ده انا من ناحية العمايل هاعمل كتير لكن اطمن علي اختي الاول
وانطلق يوسف وخلفه يزن الي الغرفه
#########################
فتح باب الغرفه ليجدها نائمه علي السرير ولكن يظهر علي وجهاها التعب والارهاق وتلك العلامات الخاصه بيد يزن التي توجد علي وجهاها وعيونها التي انتفخت بشده حتي ان نومها لم يغطي البكاء والحزن التي مرت به
المشرفه=كويس انك جيت يا مستر يوسف دي كانت رافضه اني اقولك علي مكانها وغير كده انها تعبانه جدا ومش عارفين مالها وكل شويه منخرها تجيب دم
اقترب يزن ليحملها لكن يوسف ابعده وكأنه حشره مؤذيه لا يريدها أن تقترب من اخته وحملها وخرج دون كلام
زين =عمو هي هاتكون كويسه صح
يوسف وكادت دمعه تخونه وتهبط من عينه=اكيد يا زينوا يا حبيبي
وخرج و وضعها في سيارته وقاد السياره بتجاه المستشفي
اتصل يزن ب ياسين
يزن =ياسين تعالوا علي المستشفي احنا رايحين بحور
ياسين=هي حصلها ايه كلوا بسببك منك لله يا اخي الله يخربيت اليوم اللي بقت مرتك فيه ده انت ورتها اسود أيام حياتها
يزن =خلاص بقا يا ياسين
وأغلق الهاتف وكان يشعر ب بركان بداخله لقد فعل ما لا يغتفر هل ستسامحه دبدوبته ام لا انه لا يعلم
عقله =تسامح.....ومين انت ده انا اتخيل لما تفوق ممكن اصلا مش تكون طايقه تشوف وشك
قلبه =اه طبعا وخصوصا انك مش اتهتمتها بس لا ده اهانه و ضرب انت تستحق الشنق في ميدان عام
عقله=صح انت تستاهل اي حاجه لانك غلطان
يزن =اتفقتوا بعد ما هي راحت من ايدي امال لما كانت معايا كنتوا فين
##########################
وصلوا الي المستشفي ونزل يوسف وحملها الي الداخل واخذتها بعض الممرضات الي غرفة الطوارئ
يزن=يوسف انا .....
يوسف = ممكن تسكت ممكن مش تتكلم انا مش في حاله تخليني اسمعك انا لو مش اختي كنت قتلتك
يزن =انا عارف وتستاهل بس هي هاتفوق وانا هاعتذر
يوسف=هاتفوق مش لما تبقا تفوق وحتي لو فاقت انت فاكر اني هاخليك تقرب منها اصلا أو حتي تشوفها اختي وصلت بسببك لده
يزن =بسببي
يوسف=ايه مستعجب تعرف انك كنت امنيتها في الدنيا تعرف ان جوازك منها كان شهر مش علشان بيجربوا فيك لا ده علشان هي سيبالك الدنيا وماشيه
يزن =تقصد ايه
يوسف =.....
يتبع
اتمني يعجبكم
روان مسلم
RWAN_MSLAM
شكرا علي التفاعل والكومنتات القمر وروايتنا نزلت علي جوجل وده كلوا بسببكم بحبكوا اوي😍😍😍
البارت الرابع الجزء الأول الأخير من هنا
تعليقات
إرسال تعليق