 |
_يعني حضرتك عاوز تجوزني ابنك الي كان بيحب واحده اكبر منه ب25 سنه!!
رد بصوت خافت =أيوه
_والواحده دي توفت ودا أثر عليه فجاي عشان اتجوزه واساعده!!
=بالظبط كده
_دا هبل!!
انا .. انا اسفه مقصدش
=ممكن اقعد معاها شويه لوحدنا؟
بابا وماما سابونا ودخلوا المطبخ، رجعت بصتله ف ابتسمت لما لقيته مبتسملي
=انتي هتعملي حاجه عمري مهنسناها، ابدا ..
_بس ..
=ارجوكي يبنتي وافقي، انا معنديش غيره، نفسي يطلع من الحاله دي ويفوق لنفسه، دا شاب يشرح القلب والله، هو مكنش كده معرفش بقى ماله، يمكن انشغالي في شغلي هو الي عمل كده، بس انا بعمل كل دا عشانه والله، انا ممكن اعملك الي تطلبيه و..
_عمو جمال، حضرتك ليك فضل كبير علينا بعد ربنا، انت الي مشغل بابا وواقف جمبه دايما وعمرك محسستنا انك صاحب شركه وبابا مجرد موظف عند حضرتك، بالعكس انت على طول بتعاملني وبتعتبرني على طول زي بنتك، تفتكر انا بقى أرفض اول طلب انت بالذات الي بتطلبه؟ تفتكر!!
ابتسم =يعني اي؟ يعني ..
_موافقه ايوهه موافقه
قام وباس راسي =انتي احسن بنت في الدنيا وقلبك دا مفيش منه وربنا هيفرحك اكيد عشان طيبتك دي، ربنا يخليكي يبنتي ربنا يخليكي
ابتسمت وماما وبابا جم
=هستأذن انا عشان عندي شغل
_اتفضل يعمو
مشي وماما وبابا قعدوا قصادي وبصوا لبعض وبصولي
ضحكت _اي يجماعه في اي!!
=عملتي اي؟
_وافقت يبابا
ابتسم =كنت عارف انك هتوافقي
_بنتك بقى، لازم اساعده لو انا مكانه كنت هحتاج حد معايا
=عين العقل يبنتي ربنا يصلح حالك
_ويبارك في عمرك يحبيبي
دخلت اوضتي وقعدت على السرير وخدت نفس وطلعته براحه، يمكن انا بحب حنيتي اوي، لازم احط مكاني مكان الي قدامي وأحس بنفس احساسه، انا من صغري وانا كده مش بحب حد زعلان الي هو بالله متزعل طب اقولك نكته وتضحك طيب؟ نفسي اشوف كل الناس مبسوطه بتضحك مش شايله هم حاجه خالص و.. ثواني هو انا هتجوز!! طب هو عامل ازاي انا عمري مشوفته، وازاي عقله يسمحله ان يحب واحده قد مامته دا على الاقل يعني! مريم انتي اتورطي صح؟ ننام بقى
نمت وصحيت علي صوت ماما بتصحيني
_لا جوزوني عشان اخلص من الصحيان كل شويه دا
=الماذون برا !!
_انتوا هتجوزوني بجد؟ دا انا كنت بهزر والله
=قومي البسي واطلعي
_نعم؟ ماما بطلي هزار
=يبنتي اخلصي، كتب الكتاب دلوقت
_اصلا!!
قومت من مكاني بسرعه ولبست وطلعت لقيت ماما بتزغرط!! عززوني طيب احس اني فارقه لو ببصله من الي بتخرطوها دي! اكيد القله دي مش عشان تكسروها قبل ممشى!
جه عمو جمال سلم عليا _الف مبروك يحبيبتي، تعالي امضي يلا
=هو فين! ابن حضرتك فين؟ هو كتب كتابي مكتوب غيابي!!
_..
=خلاص والله، انا راضيه هروح امضي
مسكت القلم وبصيت لماما وبابا وهما واقفين جمب بعض، كان نفسي اتجوز عن حب، كنت بتمنى دا اوي، بس اكيد دا نصيبي مش كده؟ اتمنى يطلع كويس اتمنى قلبي ياخد حقه عشان فضلت محافظه عليه كل دا، اتمنى!
مضيت وعمو جمال قالي اني ادخل احضر شنطتي عشان هروح معاه الفله، دخلت وحضرت هدومي وطلعت ودعت بابا وماما، احنا اه ناس على قد حالنا بس بيتنا دافي بالحب الي بين ماما وبابا، بالبساطه في المعامله، بلطف بابا على قلب ماما، دايما ماما تقول انه عوضها، اتمنى يكون هو عوضي، هو كان اسمه اي!!
نزلت ولقيت عربيه كبير مستنيه تحت البيت، ركبت مع عمو جمال ومشينا
_هو اسمه اي؟
=احمد، اسمه احمد
_اه تمم
=ندمانه؟
_لا طبعا متشغلش بالك بحاجه انا مبسوطه وكويسه
=دايما يبنتي
وصلنا الفله ووقفت قدامها من جمالها، قد اي هي جميله في شكلها، اتنهدت واتمنيت حياتي الجديده تبقى مريحه وحلوه
دخلت جوا وابتسامتي اختفت! قافلين الشبابيك في عز النهار، فيه اضاءه بس على قد متشوفي كف ايدك! كان بيت كبير اه بس ميت مفهوش روح، أكن السجاجيد تحت رجلي ميته، بيت مفهوش، مفهوش سعاده!!
_مريم ، اوضتك فوق كوثر هدوديكي، وهو فوق على فكره
=ماشي يعمو
الي اسمها كوثر جت وشالت الشنطه وطلعت قدامي، كنت بتخيله مع كل خطوهه يتري عامل ازاي، طباعه اي، طب هقدر أحقق الي جايه عشانه ولا ولا؟
طب انا عاوزه اكمل نومي طيب في ام الفله الكئيبه دي! رجعوني بيت اهلي كده بلاش خوته
طلعت وكوثر خبطت على الباب تلت خبطات ودخلت حطت الشنطه وطلعت وانا دخلت بعدها لقيت شاب ماسك كتاب وعطيلي ضهره، ايوه هفضل اتخيل في شكلك يعن؟
_احمم، نحن هنا!
التفت من هنا وانا تنحت من هنا، كانت ملامحه جميله بشكل! بس تعبيرات وشه حاده الي هو اي الجمال دا، اي دا استغفر الله!!
التفت ليا ولفت حواليا وبصلي من فوق لتحت ورجع وقف قدامي تان وسكت
_الي هيتكلم الأول امه رقاصه يعني!!
=اختارك انتي!!
_بتهيقلي مفيش واحده هتدخل اوضتك الا لما تكون هي الي وقع عليها الاختيار!!
=وافقتي لي؟
_نعم!!
=زي مسمعتي، وافقتي لي وانتي عارفه اني بحب واحده تانيه؟
الذي احب العجوز💙
مربم سمير 💙
لو عاوزين التكمله اتفاعلو بلايك و عشر تعليقات
# البارت الثاني
_زي مسمعتي، وافقتي لي وانتي عارفه اني بحب واحده تانيه؟
رجعت خطوه لورا لما صوته بدأ يعلي
=وانا اعرف منين!!
_عاوزه تفهميني انك جايه مش فاهمه حاجه؟
=افهم اي؟
_اني مش عاوزك تمم؟
بصوت خافت= لا انا الي ميته في دباديبك دبدوب دبدوب
_بتقولي حاجه؟
=انا عاوزه اغير هدومي عشان انام لو سمحت
_نعم يختي! هو انتي هتنامي هنا؟ عامله حسابك على بيات!
=امال خفاشه انا؟
_خدي شنطتك دي واطلعي برا اوضتي وحالا
=ولو مطلعتش، اخرك هاته بقى في ام الليله الزرقا دي
_لو مطلعتيش!
خدت خطوه لورا تاني لما قرب =ها؟
_مش انتي جايه هنا على اساس مراتي؟ يبقى تبقى مراتي بجد بقي
=الاوض هنا كتير ما شاء الله، انا رأيي اطلع بكرامتي بطل مطلع من غيرها، فسحلي بقى كده
خدتت شنطتي ووقفت برا وهو قفل الباب، دا انت مدرستش يعني اي زوق! ولا اتربيت لحظه، بصيت لقيت عمو جمال طالع بتسحب!! اكيد جاي يشوف اي الي حصل وانه اتقبلني ولا لا!
دخلت الاوضه بسرعه وسبت الباب موارب وروحت وقفت قدامه
_وبعدين معاكي بقى!! انتي ..
حطيت ايدي على بوقه وحضنته بسرعه وبصيت على الباب لقيته مبتسم ومشي فخرجت من حضنه على طول، كان ساكت وباصصلي، هو دا نفس الإنسان إلى من شويه!
_انتي ايه الي عملتيه دا؟
ايوه كده خضتني عليك كنت فكرتك بقيت هاديي!!
=براحه ومن غير زعيق، حضن اي متحضنتش قبل كده! حضن اخوي برئ
_برئ!
=اقسم بالله برئ وربنا
_اطلعي برا !!
=الاه! ممكن اقولك حاجه؟
_مش عاوز اسمع منك حاجه قولت اطلعي برا
بصيتله بضيق وخدتت شنطتي وطلعت من اوضته ودخلت الاوضه الي قدامه على طول، انا والله مشوفت رجاله كده والله مشوفت، كنت فاكره انه بعد ميسمع كلامي قلبه هيحن، اتضح انه، انه معندوش قلب اصلا، انا ل اول مره في حياتي اخاف من حد، هو لي زعقلي دا انا حتى جايه عشان اساعده، انا كنت مرعوبه ومتلخبطه ومش عارفه اجمع قدامه، مسافه مبص في وشه ركبي بتخبط في بعض، شكل الي انا جايه عشانه دا صعب، يريت ميبقاش مستحيل!!
غيرت وقلعت الطرحه ونمت، صحيت الساعه 12 الضهر على خبط في الباب
_ايوه ايوهه!
=لقيتك مفطرتيش يست هانم قولت اجي اقولك عشان تفطري
_متشكره جدا يكوثر، نازله حالا
كنت جعانه اوي عشان مكلتش من امبارح، سرحت شعري ونزلت، لسه الضلمه سايده المكان مع اننا لسه في عز النهار
جيت جمب شباك من الشبابيك ومسكت ستارته وجيت افتحها كوثر مسكت ايدي
_بلاش يست هانم دي تعليمات البيه الصغير
=متخافيش انا المسؤوله علي الي هعمله دلوقت
بدأت افتح الشبابيك كلها ووقفت وسط الصاله وخدت نفس ولفيت الصاله بضحكه، وقفت وبصيت قدامي لقيته فشهقت
_اي الي انتي بتعمليه دا؟
بدأت اتكلم وانا بترعش من صوته= احمد انا بس ..
مسك دراعي وشدني بقوه وطلعني اوضته وزقني على السرير
_انتي من ساعه مجيتي هنا وانا بقيت بتعصب اكتر مش ملاحظه دا؟
=متخوفنيش منك لو سمحت
سكتت وبصيت على الارض
=انتي باباكي بيشتغل اي؟
رفعت وشي بعد مصوته وطي _موظف في شركه والدك
ضحك =عرفت بقى دلوقت باباكي وافق على الجوازه لي عشان باباكي ..
ابتسمت _ ممكن متكملش؟ انا بابايا أعظم راجل في الدنيا، وأشرف حد ممكن تشوفه في حياتك ، بابا عينه مليانه وعمره مطمع في حد، بابا معيشنا في بيت يبان صغير بس جواه حاجات عظيمه جدا، جواه دفا ، نور ، امان، بابا وافق عشان والدك صاحبه وبيعزه، وانا وافقت عشان باباك راجل طيب وميستهلش مني اني اكسر بخاطره، احنا عندنا على فكره حاجات كتير
=زي؟
_عندنا الرضا، الحب الي جمع شخصين واثمر عن الشخص الي قدامك دلوقت، شخص سوي وبيرضي وبيحمد، انت لي مش عاوز نور ربنا يخش هنا؟ الشمس لما تلمس كل ركن في البيت وتنوره هيبقى شكل البيت احلى بدل مهو مرعب كده!
=انا راضي بيه كده، تسمحي بقى متدخليش في حاجه؟
_انا بس كنت ..
=كلمتي تتسمع مبحبش اتناقش مع حد
نده على كوثر وقالها تقفل الشبابيك من تاني، وقفت وبصتله بغضب ومشيت دخلت اوضتي
_كوثر يكوثر
=ايوه يست هانم
_هو فين الحمام الي هنا؟
=مفيش في الاوض دي، فيه واحد في اوضه البيه
_ماشي يكوثر
هو في اي!! عاوزه اتحمم وقتي وهو متعصب ومش طايقني اصلا
خدتت هدومي وفوطه وخبطت على الباب ودخلت، قام من مكانه اول مشافني وجه وقف قدامي
_بعد كده لما تخبطي تخبطي تلت خبطات وبعد كده تدخلي
=تلت خبطات! لي هو انا هطبل؟ في فرح احنا ولا اي
_سمعتيني قولت اي؟
=اوف حاضر، ممكن استخدم الحمام بتاعك؟
_ممكن
مشيت من قدامه ودخلت الحمام، بعدها بشويه سمعت صوته وهو بيتألم، فتحت الباب ابص فيه اي لقيته على الأرض فشهت ولبست قميص كان قدامي بسرعه وطلعت
_انت، انت كويس؟
=..
_انا وقعت كده ازاي!
=..
_قوم معايا قوم
سندت ايده حوالين رقبتي وقعدته على السرير
_اي بيوجعك؟ وقعت على اي بالظبط
=ضهري من فوق
شيلت التيشيرت الي هو لابسه عشان اشوف ضهره من فوق بس مكنتش عارفه اشوف حاجه في الليله الي مش هتعدي دي
قام وقلع التيشيرت وقعد تاني وانا برقت هو اي الي حصل دلوقت!!
_مالها ورمت؟
=ها!! ايوه حمره فيه مراهم هنا؟
_فيه في الدرج بتهيقلي
فتحت الدرج لقيت فيه علبه اسعافات أوليه، جبتها وحطيتله مرهم، كانت حمرا اوي زمانها بتوجعه، اعيطلك طيب؟
قعدت جمبه _أحسن!!
=..
_الوجع مقلش طيب!
=..
_هو فيه اي!!
=قميصي مش قصير عليكي شويه، شويتين اقصد!
بصيت على نفسي هو انا لبست قميص بجد !! قومت بسرعه من مكاني ووقفت قدامه
_انا، انا والله مكنت اقصد ألبسه
=خليكي على طول مش قاصده بعد كده
_اي!
=أي؟ ، مبحبش حد يلبس هدومي
_انت بتحب حد اصلا!! ، وبعدين انا اتخضيت عليك فلبست الي قدامي
=يحنينه!
قام من مكانه وبدأ يقرب مني
=شعرك وهو مبلول كده، حلوه جامد
فضل يقرب مني وانا ابعد، هو عيان؟ مش هيزعق ولا اي!!
وفجأه باباه دخل علينا ..
#يتبع ..
# الذي احب العجوز💙
#مريم سمير 💙
تفاعلوا ب 10 ولايكات
البارت الثالث والرابع من هنا هنا
تعليقات
إرسال تعليق