 |
فتون 💞
( الجزء الخامس عشر والسادس عشر )
بقلمي مآآهي آآحمد
عصام : قومي يافتون قومي نازلين علي مصر
فتون : نازلين علي مصر 😳😳
بقلمي مآآهي آآحمد
عصام : ايه مالك فرحتي كده ليه
فتون : اكيد هفرح طبعا هشوف امي واخواتي واميره اكيد هبقي فرحانه وعلي فكره انا خايفه اكتر منك عشان امير مش هيسيبني في حالي بس مبقاش يهمني خلاص حتي لو موت كفايه اني هكون شايفه اهلي قبل ما اموت
عصام : انا مش هسيبك تموتي يافتون .. انا هحميكي من الحيوان ده وهرجع كل جنيه ابويا خسره
فتون : مابقيتش فارقه ياعصام .. احنا اللي عملنا الوحش ده ولازم نتحمل نتيجه غلطنا
عصام : الوحش ده موجود من زمان يافتون انتي بس اللي قابلتيه في ظروف تانيه ماكنتيش تعرفيه علي حقيقته مش اكتر
بقلمي مآآهي آآحمد
فتون رجعت علي مصر هي وعصام واول حاجه عملوها قبل حتي ما يروحوا طلعوا علي المستشفي اللي موجود فيها عزمي ابو عصام
فتون : طيب اطلع انت لباباك وانا هخلي السواق يوديني عند امي
عصام : انتي اتجننتي يافتون مافيش الكلام ده رجلي علي رجلك في كل حته تروحيها
فتون: انا مش هتخطف ياعصام
عصام : ( بشخيط ) انزلي يافتون من العربيه
فتون نزلت من العربيه وطلعت فوق لابو عصام بتبص لاقيت بنت هناك زي القمر وجسمها جسم المانيكان واقفه وبتبص علي باباها
بقلمي مآآهي آآحمد
عصام اول ما شافها جرى عليها وحضنها وقلها
عصام : اسيل وحشتيني اوي
اسيل : انت اللي وحشتني اكتر ياعصام وحشتني اوي
عصام : بابا عامل اي دلوقتي
اسيل : الدكاتره قالوا انه دخل في غيبوبه ومش عارفين هيفوق منها امتي
اسيل : احنا لازم نتصرف ياعصام لا انا ولا انت نقدر نعيش في مستوي اقل من اللي احنا اتعودنا عليه
عصام : ماتقلقيش انا هتصرف
اسيل : مش لوحدك انا مش البت الصغيره بتاعت زمان انت فاهمني طبعا ياعصام
عصام : مس وقته الكلام ده يا اسيل
اسيل بصت لفتون كده بصه احتقار وقالت
اسيل : هي دي بقي اللي انت بتتخانق عليها انت وامير
عصام : ايه اللي بتقوليه ده
اسيل : تستاهل يعني تعملوا انتوا الاتنين تعملوا الضجه دي كلها عشانها
فتون : انا مش هرد عليكي
اسيل : ماتقدريش ياعمري تردي عليا اصلا اللي زيك نبصلهم من فوق عشان هما دايما تحتنا
عصام : لاااا انتي زودتيها اوي يا اسيل
فتون : بصيتلها بغيظ وقالتلها اللي زيك زينه من بره ياقلبي بس من جوه سواد طافح علي وشك
عصام : ما تبس بقي انتوا الاتنين بلاش كلام فارغ
فتون : عصام انا مستنياك تحت
نسيت اعرفكم دي اسيل بتحب امير من وهي عندها ١٢ سنه امير عمره ما شافها في يوم بس كانت دايما تسمع عنه من باباها ومن عصام عجباها شخصيته جدا من كلام ابوها وعصام عليه ودايما كانت بتابعه علي الفيس بوك والانستجرام عشان كده بتكره فتون كره العمي حرفيا
بقلمي مآآهي آآحمد
فتون راحت لمامتها وعصام حاطط مراقبه علي فتون ومش بيمشيها غير ببودي جاردات
فتون اول ما شافت مامتها بقت تبكي في حضنها وتعيط عياط هيستيري مالهوش زي وحضنت اخواتها الاتنين
فتون : بسم الله ماشاء الله كبرتوا ياعيال
ام فتون : خمس سنين مش قليل يافتون برضوا
فتون جابت هدايا لامها واخواتها وبقت في حضن مامتها مش عايزه تطلع منه ابدا
---------------------------------------
كمال : امير فتون رجعت 😳
بقلمي مآآهي آآحمد
امير وهو قاعد علي كرسي وحاطط رجله علي المكتب وبيولع سيجارته
امير : عاااارف انها رجعت
كمال :. ( باستغراب ) اي يابني الهدوء اللي انت فيه ده انا قولت اول ما تعرف هاتروح تجيبها من شعرها
امير : بعت اميره لفتون ولا لسه
كمال : وابعتها لفتون ليه يابني انت .. انا مش مطمن لهدوئك ده
امير : ( ابتسم وقال ) لا اطمن انا عايزك تراقب اسيل اخت عصام تشوفها بتروح فين بتيجي منين مواعيد خروجها ومواعيد نومها عايزك تعرفلي عنها كل حاجه حرفيا
كمال : بس لو تعرفني ايه اللي في دماغك
امير : هقولك بعدين بس اعمل اللي بقولك عليه دلوقتي انت فاهم 😡
كمال : ايه ياكبير الوش الخشب ده خلاص فاهم
عدي يوم والتاني واسبوع وشهر والتاني كمان وامير معملش اي حاجه لعصام ولا قرب منه حرفيا ولا من فتون وعصام بقي يحاول يعمل كل جهده في الوقت ده عشان صفقه السلاح ماتروحش منه وكل ده وابو عصام في غيبوبه
بقلمي مآآهي آآحمد
عصام : انا مش مرتاح لهدوء امير ده
يحي دراع عصام ومعاه في كل حاجه : ولا انا يازعيم مش يمكن يكون زهق وانه خلاص مش عايز فتون ومابقيتش في دماغه
عصام : انت مجنون ده امير يعني عمره ما يتخلي عن انتقامه ابدا احنا بس لازم ناخد كل احتياطتنا
انت مأمن علي الفيلا كويس وعلي فتون
يحي : حصل يازعيم
-------------------------------------------
كمال : دي كل المعلومات عن اسيل بت بتحب الموضه ومانيكان بتعمل عروض بقي كده واستايلش وحوارات
امير : تمام سيبها هنا علي المكتب
كمال : انت ازاي هادي كده
امير : انا مش ناوي اموتهم علي طول هدوئي ده بالنسبه ليهم رعب في حد ذاته ياكمال انا ناوي العب معاهم علي نار هاديه
امير عرف تحركات اسيل كلها وكانت في مره رايحه تقابل صحابها راح فضي الكاوتش من الهوا وقطعوا واول ما عدت الطريق الكاوتش نام خالص منها ومابقيتش عارفه تعمل ايه ؟ اسيل سابت العربيه ومشيت علي رجليها ودخلت في شارع ضلمه امير بسرعه كان جايب بلطجيه انهم يعكسوها واول ما ابتدوا يتحرشوا بيها امير ظهر وضربهم والمفروض انه كده انقذها منهم هو عمل كده عشان كان عاوز طريقه يتعرف بيها ويقرب منها
بقلمي مآآهي آآحمد
امير : انتي كويسه
اسيل: انا .. انا متشكره جدا علي اللي عملته معايا انا مش عارفه من غيرك كنت عملت ايه
امير : طيب تعالي نطلع من الحته الضلمه دي
امير واسيل اول ما طلعوا من الحته الضلمه اسيل شافتوه ومابقيتش مصدقه
اسيل : ( وقالت في سرها ) امير 😳
امير : مالك بتبصيلي كده ليه احنا اتقابلنا قبل كده
اسيل : لا لا ابدا عمرنا ما تقابلنا
وفي سرها بس كان نفسي اقابلك من زمان
امير بص في عنيها وعرف هي بتقوى اي في سرها
بس برضوا كمل في لعبته ومد ايده وقلها
امير : انا اسمي امير
اسيل : مدت ايدها وسلمت عليه وابتسمت ومن جواها قلبها كان بيرقص من الفرحه
امير وصل اسيل للحته اللي هي عايزه تروحها وبعد كده اداها الكارت بتاعه وقلها لو احتاجتي حاجه اتصلي بيا في اي وقت
اسيل اخدت الكارت بسرعه وقالتله ده اكيد
امير عرف من تعابير وشها انها هتتصل بي حتي لو مكانش اداها الكارت بتاعه واخيرا ميعاد الصفقه جه وصاحب الصفقه وافق انه يدي الصفقه لامير بس بشرط
عصام : ايه هو الشرط ده
صاحب الصفقه : انه هيبقي ليك شريك في الصفقه دي انت دلوقتي مش معاك سيوله وكاتب علي نفسك شيكات ومش معاك رصيد في البنك فاافتكر عشان اضمن حقي لازم يبقي معاك شريك
عصام مكانش قدامه حل تاني الا انه يوافق
صاحب الصفقه : تمام اوي كده يبقي كلنا نبقي موجودين وتجيب المدام ويبقي عشا عمل
عصام راح لفتون الفيلا
عصام : فتون حضري نفسك النهارده عندنا عشا عمل وكل واحد جايب مراته وهنتعرف علي الشريك الجديد اللي هيدخل معانا في الصفقه دي
فتون : وانا مالي انا بالكلام ده
عصام : بقولك كل واحد جايب مراته يعني ايه انتي مالك قومي بقولك
فتون جهزت نفسها بالعافيه وراحت مع عصام عشاء العمل وقابلت صاحب الصفقه ومراته وكانوا مستنيين الشريك اللي هيدخل معاهم جديد في الصفقه ومره واحده فتون بتبص قدامها لاقيت امير وهو لابس البدله السودا بتاعته وكان زي القمر و داخل عليهم ومعاه اسيل وحاطه ايدها في دراعه عصام اول ما شاف ان الشريك ده يبقي امير وكمان اخته معاه قام وقف و تنح ومبقاش عارف يتكلم ولا كلمه وفتون كانت ماسكه الكاس في ايديها اول ما شافته قلبها بقي يدق ياعيني جامد وبقت تترعش لدرجه ان الكاس وقع منها واول ما شافته افتكرت كل حاجه حصلت ما بينهم زمان بصت كده وقالت
فتون : امير 😳😳
بكره ان شاء الله هينزل الجزء السادس عشر من الروايه الساعه ١٠ وبجد معلش اني بقيت اقصر في البارت وصدقوني هطوله بعد كده زي ايام ضحيه عنيد وحوى المجره واسفه لاي حد زعل مني
ودعمكم بيهمني اوي لاف وعشر كومنتات بقي عشان انا بحبكم والله ❤️
علي فكره كله الا زعلكم حرفيا وانا من بكره هحاول اغير من نفسي واطول البارت زي الاول زي ضحيه عنيد بس انتوا مش تزعلوا مني حقكم عليا 😥
#مآآهي _ آآحمد 💞
فتون 💞
( الجزء السادس عشر )
فتون اول ماشافت امير داخل عليها وفي ايده اسيل قلبها دق جامد ياعيني لدرجه ان الكاس وقع من ايدها واتكسر وبقت متنحه امير ضحك ضحكه سخريه اللي هو ههه
فتون بصت للكاس المكسور وقالت
فتون : انا .. انا اسفه مش عارفه الكاس وقع مني ازاي اناا
امير : بالراحه يامدام فتون مش كده انا شايف ان جسمك كله بيترعش مالك انتي تعبانه ولا شوفتي عفريت قدامك
عصام : والله المفروض انا اللي اسألها السؤال ده يا امير مش انت خالص
صاحب الصفقه : ايه ياجماعه حصل خير ده مجرد كاس ووقع مش حاجه يعني
الويتر جه بسرعه وشال الكاس االلي اتكسر
فتون : بعد اذنكم انا لازم ادخل الحمام عشان انضف الفستان
فتون قامت وجريت علي الحمام وراحت وقفت قدام المرايه وفتحت الحنفيه وغسلت وشها وبقت تبص للمرايه وهي مش قادره تمسك دموعها اول ما شافت امير كل كيانها اتحرك وأكن السنين اللي عدت دي كلها ولا حاجه قعدت في الارض وضمت رجلها ونزلت وشها في الارض وفضلت تعيط
بقلمي مآآهي آآحمد
عصام مسك دراع اسيل وقربها منه وبكل غيظ قلها
عصام : انتي بتعملي ايه مع البني ادم ده يامتخلفه
اسيل : نزل ايدك ياعصام
امير مسك ايد عصام بكل غيظ ورفع ايد عصام من علي اسيل وقاله
امير : ايدك ماتتمدش مره تانيه علي حاجه تخصني انت فاهمني
امير من كتر ما هو ماسك ايد عصام بغل وغيظ كان هيكسر ايد عصام في ايده
صاحب الصفقه : ايه يا امير اللي بتعمله ده اهدي شويه احنا هنا في مكان عام ارجوك اقعد
امير ساب ايد عصام وبقي عصام يتوجع من كتر الالم اللي في ايديه
بقلمي مآآهي آآحمد
امير قام وقال بعد اذنكم انا داخل الحمام
امير مشي من هنا وقال لعصام
صاحب الصفقه : اسمعني كويس ياعصام انت لازم علي قد ما تقدر تصلح علاقتك بأمير انت اللى محتاجله مش هو .. وبعدين هو الوحيد اللي يقدر ينقذك من اللي انت فيه انتوا وضعكم المالي دلوقتي مدمر حرفيا ومحدش راضي ابدا يحط ايده في ايديك دي نصيحه مني ليك وانت حر
عصام : امير ده اخر واحد ممكن يكون عايز يساعدني ده عايز يدمرنا
اسيل : لاء مش عايز يدمرنا ولا حاجه امير حكالي علي كل حاجه وهو نسي كل حاجه ياعصام خلاص هو لو كان عايز يعمل حاجه كان عمل من ساعه ما وصلت انت والسنيوره بتاعتك
عصام افتكر السنيوره ( فتون ) 😳 عصام سابهم وقام بسرعه
بقلمي مآآهي آآحمد
صاحب الصفقه : انت رايح فين وسايبنا واحنا بنكلمك
عصام : فتون هناك لوحدها لا يعمل فيها حاجه
عصام سابهم وراح يشوف فتون بسرعه
( في نفس الوقت )
فتون ابتدت تفوق لنفسها وتمسح وشها عشان ماتبانش انها معيطه بترفع وشها و بتبص في المرايه لاقيت امير وراها وبيبصلها وفي عنيه نظره كره ليها لفت وشها بسرعه بتبص مالقيتش حد وقتها اتنهدت وحطت ايديها علي صدرها واخدت نفس وعرفت انها بتتخيل وان امير مش وراها ولا حاجه فتحت الباب وهي طالعه في الطرقه بتبص لقت امير في وشها كان داخل الحمام امير وقف قدام فتون وبص في عنيها ولقي الف ريأكشن علي وشها ريأكشن سعاده انها شيفاه وخوف منه في نفس الوقت ملامح وشها وهي مشتقاله وملامح خيبه ويأس من اللي شايفه امير وصلوا وبقي عليه
امير ( في نفسه ) : اول مره معرفش اقرا اللي جواكي يافتون
فتون : ( في نفسها ) نظره الحقد والغل اللي شيفاهه في عنيك دي ياامير انا استحقه
امير : ( في نفسه ) زي مايكون كل حاجه حصلت ما بينا كانت امبارح مش عدي عليها خمس سنين
فتون : ( في نفسها ) وحشتني اوي ياامير نفسي اترمي في حضنك زي زمان واشكي منك ليك زي ما كنت بعمل ودموعها نزلت منها من غير كلام من غير حتي ماترمش كانت بتبص في عنيه وبس
امير : ( في نفسه ) دموعك مابقيتش تهزني يافتون ومره واحده من غيظه داس علي سنانه والغل بان علي وشه وقبض ايده فتون اول ما شافت قبضت ايده حست انه ممكن يضربها وكانت موافقه حتي انه يمد ايده عليها لانها واثقه ان دي حاجه من حقه
بقلمي مآآهي آآحمد
امير وفتون كان بينهم نظره طويله كل واحد كان بيقول اللي جواه بس من غير ما شفايفه تنطق عنيهم كانت فضحاهم
ومره واحده عصام جه وكسر الصمت الرهيب ده
عصام : فتون واقفه بتعملي ايه هنا 😳
فتون كانت لسه بتبص لامير ومابتردش
عصام : فتون انا بكلمك ردي عليا بتعملي ايه هنا
فتون : ولا حاجه ياعصام
عصام مسك فتون من ايدها واامير شاف عصام وهو بيلمسها ويمسكها بقي متغاظ اكتر
فتون مشيت مع عصام
عصام : قومي يا اسيل احنا لازم نمشي
اسيل : بس انا مش همشي معاك ياعصام
صاحب الصفقه : انت مجنون ياعصام ازاي تمشي واحنا لسه مخلصناش كلامنا
عصام : انا مش عايز الصفقه دي لو هخسر اخر مليم معايا مش عايز امير يتحكم فيا
اسيل : يبقي انت اللي اخترت ياعصام
عصام : اسيل امير ده عدونا
اسيل : عدوك انت مش انا .. لكن امير بالنسبالي يبقي خطيبي
فتون : بصت كده وتنحت امير هيتجوز 😳
امير جه من ورا فتون وهمس في ودنها وقلها مفاجئه مش كده
فتون بلعت ريقها واتنهدت وقالت انا لازم امشي
اسيل: ايه المفاجأه كانت كبيره عليكي
فتون : بعد اذنكم
وسابتهم ومشيت عصام مشي ورا فتون وقال لاسيل بكره تندمي انك بعتي اهلك عشان واحد زي ده يا اسيل
اسيل : انا عارفه مصلحتي كويس
امير كان بيتلذذ بعذاب فتون قدامه كان عايز يشوف نظره الندم علي وشها انها اختارت عصام ومختارتهووش هو ..
كان عاوز يشوف الدموع علي وشها والحسره ماليا قلبها
فتون اول ما روحت دخلت اوضتها وجت تقفل باب الاوضه عليها عصام حط رجله وزق الباب
عصام : ايه للدرجه دي مش قادره تنسيه للدرجه دي ده انتي شويه وكان هاين عليكي تبوسيه من بوقه
فتون : ابعد عني مش طايقه اسمع صوتك مش طايقه اشوف وشك وقفلت الباب في وش عصام وفتحت سوسته ونزلت الحمالات فستانها ووقع منها كله علي الارض وبعدها بقت عريانه زي ما امها ولدتها ووقفت قدام المرايه وبقت تلمس جسمها بايديها ومره واحده بقت تضرب وشهابالقلم قلم مع التاني لحد ما وشها كله بقي احمر والكحل ساح من عنيها ومن كتر العياط عنيها وجعتها واخيرا طلعت علي سريرها ونامت عليه وضمت رجليها وحضنت رجليها بأيديها وبقت نايمه وضع الجنين وبعد كده
ماكنتش بتعمل حاجه غير انها بتشرب ليل ونهار عشان تنسي مكانتش بتفتح اوضه النوم بتاعتها ولا الستاير الدنيا دايما ضلمه وكل ما عصام يخبط عليها ماتفتحلهووش
واخيرا ساره واميره جم عشان يشفوها ولقوا الاوضه بتاعتها ضلمه كحل وازايز الخمره في كل مكان وتحت عنيها اسود
اول ما شافت اميره جريت عليها وحضنتها وبقت تبكي في حضنها هي وساره
اميره : ليه عملتي في نفسك كده يافتون
ساره : كلنا عارفين انك مابتحبيش عصام ايه اللي خلاكي تدمرى نفسك كده يافتون احنا عارفين انك مش بتاعت فلوس
فتون : انا مش عايزه اتكلم في اللي فات ياساره انا مبسوطه انكم جيتوا النهارده انا بقالي في مصر اكتر من اربع شهور وماحدش منكم جه زارني ينفع كده
اميره بصت علي الباب وقالتلها ( بهمس ) : حاولنا نجيلك والله اكتر من مره بس عصام كان مانعنا بس هو اللي اتصل بينا دلوقتي وقلنا تعالوا ماصدقنا لبسنا وجينا علي طول
فتون : طيب احكيلي انتي عامله ايه
اميره : انا بطلت شغل من زمان وعايشه دلوقتي مع كمال اكل وشرب وفلوس
فتون : كده من غير جواز
اميره: هو اللي زينا بيتجوز يافتون انا بحمد ربنا انه معيشني معاه
فتون : لا ماينفعش قوليلوا يتجوزك
اميره : مابيرضاش ابدا وكل مره احاول ابعد عنه يجيبني من تحت الارض هو عايزني معاه بس مش عايزني مراته وانا عذراه ومعاه حق
فتون : ماتزعليش يا اميره
اميره : مش زعلانه انا عارفه حدودي مع كمال ايه وكفايه انه رحمني من الشغل وقرف الزباين
فتون: وانتي ياساره
ساره : انا زي ما انا بس سيبك مني انا عرفتي ان خطوبه امير واسيل كمان ٣ ايام
اميره خبطت ساره في كتفها
فتون: بتخبطيها ليه يا اميره يعني هو انا مش عارفه ربنا يسعده
اميره : هتحضري الخطوبه
فتون : مش هقدر احضرها لو شوفته وهو حاطط ايده في ايد واحده تانيه ممكن اموت فيها
----------------------------
اسيل : عصام انا هعمل خطوبتي هنا في الفيلا
عصام : انتي بتقولي ايه
اسيل : دي فيلتي زي ما فيلتك بالظبط ومش عايزه كلام كتير امير لو اتجوزني وقتها وضعنا المالي هيبقي احسن وحتي لو انت مش عايز خلاص براحتك بس اكون انا طلعت من القرف ده
عصام : انتي حره بس انا نبهتك من امير وخلاص
وجه يوم الخطوبه
وفتون شايفه الناس بتصمم للخطوبه في الجنينه من شباك اوضتها عصام دخل لفتون
عصام : مش هتلبسي ولا ايه
فتون : انا مش هنزل
عصام مسكها من دراعها وقلها
عصام : لاء هتنزلي وهتعرفي الكل انه مش في دماغك انتي فاهمه يافتون ولا لاء عصام كان بيقرص علي كتف فتون اوي ودراعها وجعها
عصام: انتي فاهمه يافتون ولالاء
فتون : خلاص .. خلاص فاهمه
عصام : هنبين قدام امير ان احنا اسعد زوجين واي حاجه هتبان غير كده انتي عارفه انا هعمل معاكي ايه
----------------------
في فيلا عصام
حجازي ابو امير : انا مش عارف انت ازاي هتخطب اسيل
امير : ايه بحبها
ابو امير: سييك من الكلام ده انا عارف انت بتعمل كده ليه
امير : انا حر وسيبني بعد اذنك عشان اكمل لبس
امير كلن باصص للمرايا وبيلبس بدلته كمال دخل عليه
كمال : ياعريس الف مبروك ياعريسنا
امير : ايه ياعم داخل بظيطه كده ليه
كمال : الاااه مش فرح ده ولا ايه
امير : انت عارف هتعمل ايه
كمال : حصل ياكبير
امير : ماشي بس اهم حاجه الورقه توصل لعصام وقت الخطوبه
كمال : ياعم اعتبره حصل
امير: تمام يلا بينا
فتون جهزت والعروسه جت وامير حط ايده في ايد اسيل
فتون واميره كانوا واقفين جنب بعض فتون كان قلبها بياكلها من الغيره علي امير وبالذات واسيل حطه ايدها في ايده امير بقي يبص لفتون ولقاها غصب عنها دمعه نزلت منها
ساره : همست في ودن فتون وقالتلها
امسكي نفسك يافتون مش كده
امير اول ما شاف دموع فتون وهي بتبص عليهم وهما بيلبسوا الدبل ابتسم وجت ورقه لعصام فيها انهم حجزوا علي كل اموالهم من كتر الديون اللي عليهم حتي الفيلا اللي هما فيها دي بقت ملك للبنك
بقلمي مآآهي آآحمد
وبعدها اسيل قربت من امير وراحت باسته في بوقه بعد ما لبسوا الدبل وقتها فتون ماتحملتش الموقف ووقعت اغم عليها عصام طلع يجرى عليها هو وساره واميره وامير اول ما شافها ان اغم عليها ووقعت في الارض قلبه دق مره تانيه ليها وبحركه لا اراديه منه جرى عليها
المشهد ده مهما اوصفه مش هعرف
يتبع
 بقلمي مآآهي آآحمد عصام : قومي يافتون قومي نازلين علي مصر فتون : نازلين علي مصر 😳😳 بقلمي مآآهي …){kind=link}
تعليقات
إرسال تعليق