 |
❤️الخاتمه ❤️ بقلم ✍️ سلطان زماني
عمي قبل اي كلام أنا غلطت واستاهل انك تقلع الي في
رجلك وتضربني بيه .وربنا خد لزينب حقها مني ويعلم ربنا
اني حرمت وتوبت وجاي اتجوز زينب من اول وجديد
امها ..هي لعبة معاك أما تزهق منها ترميها ولما تحتاجها
تيجي تخدها وندهلك
عمي ..كمل يابني كمل سيبك منها
_ناوي اعوضها عن كل حاجه قصرت فيها واعيش معها ومع
ولادي الباقي من عمري
امها ..ده بعدك نجوم السماء اقربلك يا محمود من الي في
دماغك ده
عمي ..ها يابني وبعدين
_ قمت بوست ع ايده وابويا قام بأس راسه وقاله علشان
خاطري يا اخويا متكسرش بخاطر الواد
عمي ..علشان خاطرك ارمي روحي بعيالي في البحر امتي
رفضت ليك طلب لما تقولي علشان خاطري
كان كفايا بالتليفون تقولي والله كنت جبتهالك بعيالها لحد عندك
وانت ياض يامحمود اعقل بقا وبطل خيابه لا أنا عايش
لزينب ولا ابوك عايشلك
وارضي وأحمد ربنا علي النعمه الي ربنا انعم عليك بيها
امها ..أنا مش راضية ومش موافقة علي الكلام ده ياحج
عمي ..اندهي لبنتك
جت زينب وعمي سألها عايزة ابن عمك يابت ولا
من غير تفكير قالت عايزاه
بص لمرات عمي وقالها زغرطي
وانا حضنت زينب والعيال فرحو وعمي اتصل بالعيلة كلها
وفضلنا سهرانين عنده للصبح وبعد يومين رحت رجعتها وجبتلها
4 غوايش وسلسلة فيها صورتي وخاتم ومحبس وبعد سنتين
خلفت البنوته الي كان نفسها فيها وعشنا مع بعض اجمل ايام
❤️❤️❤️❤️❤️❤️❤️
انتهت قصتي بس محبتي ليكم ملهاش نهاية أنا مش مستني ولا محتاج فلوس من القصص دي بس بزعل لما مجهودي وتعبي وشغلي حد يسرقة وينسبه لنفسه
بس الي مهون عليا حبكم وتشجيعكم ليا
وكلامكم الجميل الي ميتقدرش بمال الدنيا كله
اتمنا تكون العبرة والرسالة الي حبيت اوصلها في القصة وصلت ليكم ..وقريب هكتب قصة جديدة هتبهركم كالعادة 😘😘❤️ اخوكم #ابوالسلاطين
روووعه بالتوفيق دايما
ردحذف