 |
البارت الثاني بقلم ✍️ سلطان زماني
فات سنتين علي ده الحال وامي وبابا خناقتهم مش بتخلص
وعلي طول شاكك فيها بس مش عارف يمسك عليها حاجه
وفضل اكتر من 5 شهور مش بيجي ولا حتي يبعت فلوس
أمي خدتنا نزلنا ليه القاهرة اول مره اشوف شقته ومراته
الأولي والي المفروض اخواتي قعدنا مكنش بابا هناك ومرات
ابويا فضلت تتريق علي امي وعلي لهجتها وكلامها وطريقتها
وجابت اخواتي وقالتلهم بقرف اختكم اهي سلمو عليا
وسلمت عليهم واتصلو ب بابا علشان يجي وجيه سلم عليا
وقالي ل امي انتي ايه الي جابك قالتله البت عماله تقولي بابا
بابا وانت مش بترد عليا بقالك 5 شهور طب سيبك مني انا
بنتك مش تسأل عليها هي مش عرضك ولحمك برضو زاي
دول مراته قالت ل امي انتي بتقارني عيالي أنا ببنتك
يامساحة السلالم
امي قالتلها ربنا يسامحك بنتك عندك اهي خليها معاك وانا
هسيب الشقة علشان صاحب الشقة عايز الايجار المتاخر
قالها انتي جيبالي البت علشان يخلالك الجو وتعرفي تمشي
علي حل شعرك خدي بنتك معاكي وانا يومين واجيلك ادفع
الايجار مراته قالت ل امي استني ودخلت جبتلها هدوم من
عندها قديمة ومقطعه وهدوم ليا من بتوع بناتها القدام نزلنا
وانا قولت ل امي أنا مش عايزة اروح هنا تأتي
امي ..يابنتي انا تعبت في حياتي كتير انا كان عندي 15 سنة
قدك كده كنت متجوزة وشايلة مسئولية بيت كام زوج ب
أبوه ب امه واخواته كمان وياريت كان عاجب كنت باخد
بالجزمة من الصغير قبل الكبير تعبت كان عندي 18 سنة
مطلقه وام لطفل رحت قعدت عند ابويا أقل من سنة جوزني
ابوكي ده ورحت معه بشنطة هدومي خدك الله يرحمه كان
علي قد حاله وكان شايف اني الجواز ستره للبنت المهم
اتجوزت اول كام شهر معاملة حلوه ودلع وبعد كده مرار
ابوكي لا سال في حمل ولا ولاده ولا تعبانه كلتي شربتي
مش. في دماغه كل الي في دماغه يجي كل اسبوعين او شهر
يبسط ويدلع نفسه يومين ويرميلي قرشيين ويمشي. من
وقت ما يمشي مش بيكلمني ولا يسأل غير لما يجي تاني
وبيتصل علشان احضر واجهز نفسي وخوفا ليكون عندي
البريوت
هو يابنتي الي خلاني أغضب ربنا خلاني عرضه لاي
حد يطبطب أو يهتم أو يقولي كلمة حلوه او يحسسني اني
ست بضعف ليه غصب عني برحله علشان محرمة من كده
اوعي لما تعيشي معه يقسي قلبك عليا أو تسمحي ليه أنه
يقول اني ست مش كويسه انتي ياحبيبتي مستقبلك معاهم
وأنا هدخل جوز خالتك في الموضوع لما يجي علشان
يطلقني منه وهو كده كده هياخدك تعيشي معه ومش هيقبل
اكيد انك تعيشي مع راجل غريب
_هو انتي هتنجوزي ياماما
امي ..اه ياحبيبتي هتجوز بس بعد ما اطمن عليكي في بيت
ابوكي
_ياماما بابا ده مش بيحبني ولا عمره اتكلم معايا ولا بيهزر ويضحك معايا زاي ما جوز خالتي بيعمل مع بناته
امي ..مفيش اي مش بيحب بنته انتي بس علشان بعيده عنه
إنما أما تعيشي معه ويشوفك شاطره وبتسمعي الكلام
هيحبك وهيعاملك احسن منهم كمان انا نفسي يابنتي
متتجوزيش من البلد دي ولا تعيشي فيها عايزاكي تبقي
احسن مني وميبقاش مصيرك زاي
يتبع
البارت الثالث من هنا هنا هنا هنا
تعليقات
إرسال تعليق