 |
💥البارت الخامس 💥 بقلم ✍️ سلطان زماني
سيف..اعمليلي اي حاجه اكلها يارحمه
رحمه ..وانت اتشليت ما تخش تعمل لنفسك
سيف ..يابت ده انا اخوكي حبيبك
رحمه... طب انزل هتلنا بيبسي
تحت عقبال ما اقشرلك بطاطس واجهزلك تطفح
دخلنا أنا ورحمه المطبخ قشرت البطاطس ورحمه دخلت تكلم
خطيبها وكان فيه كام طبق وسخين غسلتهم وكان في
كوبايه علي طرف الحوض وسخه وانا بجيبها علشان اغسلها
وقعت اتكسرت ام رحمه قامت
دخلت زعقتلي قالتلي انتي ايه الي دخلك المطبخ ولسه
هقولها ده انا بجهز اكل.
قطعتني وقالتلي
اه الي جوه ده ابوكي بس ده بيتي أنا وقامت مطلعاني برا
المطبخ ودخلت
لمت الازاز بقولها عنك انتي ياماما
زقتني وقالتلي جتك مووو بقولك ايه يابت
كهن ومحن الفلاحين ده انا مبكلش منه عدي ايامك ع خير معايا
جت رحمه وقالتلها بتزعقي ليه
قالتها البت بتقشر بطاطس ودخله المطبخ ولا اكنه بيت
ابوها بجد قالتها وفيها ايه ياماما
هو مش بتها وبعدين دي بتعمل كده ل ابنك سيف وحتي لو
ليها حرام ياماما تقوليلها كده
ام رحمه ..البيت ده بيتي والي أقوله يتسمع انتو فاهمين ولا
رحمه ..قالتها ياماما حرام عليكي انتي عندك زيها ترضي حد
يعمل فينا كده
ام رحمه ..بت انتي عارفه لو مسكتيش هقوم اولع فيكي
دخلت جري علي الاوضة وعلي الأرض نمت لتيجي وتلاقيني
نائمة علي سرير بنتها وبنتها نايمه علي الارض لقيت رحمه
جت قومتني اكل معاها ومع سيف طبطبت عليا وقالتلي
متخفيش دخلت اوضتها أنا صعب عليا نفسي ومحستش
بنفسي وانهار واتفتحت في العياط دخلتني الحمام وغسلتلي
وشي ونشفته وحضنتني وقالتلي أنا بحبك متزعليش بقا
علشان خاطري طلعت ومقدرتش اكل شربت بيبسي وفضلت
اتفرج عليهم وهما بيتكلمو ويضحكو ويضحك معاهم مع اني
في حاجات مش فاهمها بس بضحك علي ضحكهم وفرحانه
بيهم
بعد شوية سيف دخل اوضته وانا ورحمه دخلنا نمنا وحلفت
اني انام علي السرير بتعها لقيت الصبح الساعة 8 ام رحمه
بتصحيني وسايبه بنتها كلهم نايمين صحيت قالتلي قومي
عايزاكي قمت غسلت وشي قالتلي خدي البطاقة دي
ووصفتلي الفرن اجيب عيش ماشية زاي الهبلة مش فاهمه
حاجه رحت الفرن لقيت طابور كبيييير اوي فضلت وقفه اكتر
من نص ساعة وجبت العيش وطلعت اول لما شفتني قالتلي
كده عجنتي العيش انتي يابت حماره مش تخليه يتهوه
وبعدين تجبيه قولتلها ازاي قالتلي تجيبي ورق جرائد
وتفرشيه علي الارض وتفردي عليه العيش ولما يبرد شوية
تلميه قولتله معلشي مش هعملها تاني قالتلي يلا روحي
صحي اخواتك علشان عقبال ما يصحو تكوني نزلتي جبتي
الفول والطعميه من تحت صحتهم ونزلت المطعم زحمه اوي
عكس عندنا جبت وطلعت ونده عليا علشان اكل قولتلهم مش
قادره اكل جت رحمه وقعدتني غصب عني وقالتلي كلي
ياريم كله عمال يمد ايده وياكل وانا مكسوفة وعماله اكل
العيش حاف كلهم بيبصو عليا اخدت بالها رحمه وعملتلي
سندوتشين وقالتلي خدي ياريم كنت عايزه ابوسها علي
الحركة دي اخدتهم وقمت كلتهم بعيد وشوية لقتها بتنده عليا
شيلي يلا الاكل ده وأملي الازايز وحطيها في التلاجة قامت
رحمه ونورهان شالو الاكل معايا ودخلت مليت الازايز ورحمه
راحت شغلها وفضلت نورهان تتريق عليا هي وامها وتقول
كلام وسخ عن امي وويتريقو علي لبسها وأني الجيران
عارفين انها ست فلاحه بتجبلهم سمنه بلدي وجبنه قديمة
ولبن وفطير من البلد
ست غلبانه يعني بنعطف عليها خايفه ارد ولا اتكلم
يضربوني ولا يهزقوني اكتر فضلت اسمع واسكت لحد ما
صحي بابا دخلت الحمام ودخل الأوضه بتاعته تاني عملتله شاي
ودخلته الأوضه لقيته ماسك سكينه
💥يتبع 💥 التفاعل مش حلو ياجماعة
تعليقات
إرسال تعليق