 |
البارت الرابع عشر 💥 بقلم ✍️ سلطان زماني
فضلت مراقبه عبير وواخده بالي من كل
تصرفاتها ومكاملتها لحد ما نورهان اخدت بالها وانا بتصنط
عليها وراحت قالتها واشتكت ل امها
ام رحمه.. مالك يابت انتي ومال بنتي
_ مالك بس ياماما وبعدين ما احنا كلنا بناتك
ام رحمه ..خليكي كده اقعدي اتباردي عليا واستفزيني لحد ما
ازعلك تاني
_ أنا عمري ما ازعل منك يا ماما
ام رحمه .. طب ياريم لمي نفسك واتعدلي بدال ما اعدلك
_ بسهوكة ...هو ايه الي حصل لكل ده بس ياماما
ام رحمه ..يابت متقوليش ماما دي يالي قطر يفرمك انتي
وامك في ساعة واحدة
_ بعد الشر عليكي ياماما أن شاء الله الي يكرهك
ام رحمه ..هي خلاص امك رمت طوبتك ومبقتش تسال
عليكي مشغوله مع جوزها الجديد
_ اه باين يا ماما عقبالي لما اتجوز وتفرحي بيا وانشغل زيها
أنا كمان
ام رحمه ..تتجوزي اه ههههههههههههه هي الي أمها زاي امك
عيالها بتتجوز يخافو ياريم امك ماشاء الله سمعتها سبقها
_ الله بسمحها بقا البركة فيكي بقا انتي امي
ام رحمه ..لا أنا مش امك أنا بناتي متربين وتعلمين تعليم
عالي بتقارني نفسك بمين ياجاهلة
_وماله ده شرف ليا اني اخواتي يكونو احسن مني هو أنا أكره
ام رحمه ..بصي يابت انتي أنا مش مرتحالك من ساعة ما
جيتي ومش مطمنالك وحركاتك الي بتعمليها دي متخلش
عليا عدي ايامك ياريم أنا الي حيشني عنك سيف
_ حاضر ياماما هعدي ايامي .امتي بقا اتجوز وامشي علشان ترتاحو مني
ام رحمه ..هههههههه عشم ابليس في الجنة اشتري مني لو
عايزة تتجوزي سافري ل امك البلد هي هتوقعلك عريس زاي
ما وقعت ابوكي كده
_ لا بلد ايه وارياف ايه انا عايزه افضل جنبكم هنا ياماما
اتعصبت واتشنجت عليا وفضلت تبرطم وتشتم وانا سبتها
ودخلت ل عبير قولت اسم بدنها وافرسها شوية بكلمتين
تعليقات
إرسال تعليق