 |
اسفه لتأخير
🧡⭐💛 البارت 18_____19 💛⭐🧡
قامت رهف دخلت الحمام .. أخدت شاور
لبست أحلى حاجة عندها في الدولاب
عملت ميك اب سيمبل تحفة .. مع رشة برفيوم خفيفة تجنن
طلعت كيس ورد أحمر صغنن وبدأت تزوق في الشقة وبالذات السفرة .. وترص شمع في كل مكان وتولعه
مروان بيفتح باب الشقة ومعاه ازازة الشامبانيا
دخل الشقة .. بدأ يبص على كل مكان في شقة باستغراب
رهف خارجة من أوضة النوم .. بشكلها الجميل الجذاب دا
مروان باستغراب : ايه دا في ايه ؟!
رهف بتقرب عليه : ايه ياحبيبي مالك ؟
معجبتكش المفاجأة
مروان : مش حكاية معجبتنيش أنا بس مستغربك
رهف : لا لا متستغربش ولا حاجة .. جبت الشامبانيا ؟
مروان : اه اهي .. هتقوليلي الحقيقة امتى بقا
رهف بتبرق : الله 😳 مالك مستعجل ليه كدا هو احنا حد بيجري ورانا
بتشده من ايده : تعالي كدا اقعدي قدامي ع السفرة في الجو الحلو دا
مسكت ازازة الشامبانيا وصبتله كاس
رهف : اشرب بقا الكاسين اللي اتفقنا عليهم
مروان : رهف انا ...
رهف : جرا ايه يامروان مش حابب تعرف الحقيقة ؟؟؟
انت فاكرها بالساهل كدا
مروان : اللهم طولك ياروح .. ماشي يارهف
ادي الكاس اهو
بيشرب الكاس غمض عينه وشرب بالعافية
صب كاس تاني .. بدأ يشرب بالعافية بردو
مروان : ها .. خلاص كدا
رهف بخباثة : عارف ياحبيبي .. دايما ابن آدم دا خطاء كدا
مهما يعاشر ويحب ويتحب ويعيش مع البني آدم طول حياته
*بتبص كاس تالت * في لحظة ممكن ينسى كل حاجة ويشك فيه
*بترفع الكاس عشان تشربه تاني *
تعرف دا ليه بقا
مروان بيشرب شوية : ليه يارهف ؟؟
رهف : عشان دايما مش اللي شايفينه بيكون الصح
يعني مثلاً انا طول الوقت شايفاك قدامي .. وفجأة حسيت إني معرفكش
*بتشربه بوق تاني* لما عرفت إن فيه حاجات كتير انت مخبيها عني معرفش عنها حاجة
مروان بيبدأ يدوخ : حاجات زي ايه مثلاً ؟؟
رهف : أحمد الخواجة .. وأخوه خالد الخواجة
تعرف عنهم ايه ؟؟
مروان بيحاول يركز : انتي تعر... تعرفيهم منين
رهف : سمعت إنك حاولت تقتل اخوه او تنصب عليه في صفقة .. حاجة زي كدا
فكنت حابة أسمع منك انت .. عشان أعرف الحكاية بالتفصيل
مروان بينزل دماغه : صفقة ايه ياره.. رهف
خالد الخواجة كان مكتب كريم صاحبي على وصولات أمانة من أيام ماكان شغال معاه ... وطلب منه عشان يديه الوصولات دي يخليني أوقع على صفقة كانت هتودي الشركة اللي بشتغل فيها في داهية ، وانا كمان هتحبس
كريم رفض يعمل دا عشان ميغدرش بيا طبعاً
هدده إنه هيسلم الوصولات دي للحكومة ويحبسه
رهف : تمام وبعدين
مروان بيحاول يركز اكتر : وعشان كدا قابتله فعلا .. وخدرته
واخدت مفتاح مكتبه من جيبه وروحت فتحت المكتب وخدت الوصولات
المخدر أثر عليه فترة عشان كان شديد .. دخل المستشفى يومين وخرج زي الفل يارهف
نصب ايه بقا وبت... وبتاع ايه
رهف : طب تمام اوي .. انا بس كنت بتطمن
مروان : هاااا .. احكي بقا
رهف : تفتكر في الوقت الرومانسي دا ينفع نتكلم في حاجة زي دي
مروان بيحاول يبرق ويتعدل : انتي قولتيلي هحكككي يارهف
رهف بدلع : وافرض محكتش
مروان اتعدل وقام وقفها وسندها على الحيطة .. حط ايده جنبها من الناحية دي والناحية دي وعينيه في عينيها
مروان : رهههههف .. كفاية اوي لحد كدا
انا تعبت يارهف .. تعبت بجد ومبقتش قادر
رهف : مبقتش قادر على ايه
مروان : انا بحبك يارهف .. بح.. بحبك اكتر ما حبيت أي حاجة في حياتي
من أول يوم شوفتك فيه حسيت إنك مينفعش تكوني لغيري
عينه بتدمع والسكر بيبان عليه اكتر : فكرة إن غيري لمسك هتموتنننننننني يارهف
بيمسك ايديها بيحطها على قلبه : فيه نار هنا .. ناااااار مبتطفيش
رهف : في ايدك تطفي النار دي لما تحس إني مراتك بجد وبتاعتك لوحدك
مروان بيضيق عينه وبيركز : ازاي ؟؟
رهف : انا مراتك يامروان .. فاهم يعني ايه
مروان : في الوضع دا .. وباللي انتي لبساه وعاملاه
متتفهمش غيري بط... طريقة واحدة بس
رهف : وايه هي
لف مروان من وراها .. شالها
دخل بيها على جوا ، لفت ايديها على رقابته وابتسمت
رهف بينها وبين نفسها : عمري ما كنت أتمنى تيجي كدا يامروان .. بس مدام وصلنا للمرحلة دي
يبقى انا عندي إستعداد أعمل ااااي حاجة
🔥🔥🔥🔥🔥🔥🔥🔥🔥🔥🔥
💣 تاني يوم الصبح 💣
مروان بيصحى من النوم .. فتح عينيه
بدأ يستوعب اللي بيحصل ... بص حواليه وجنبه على السرير
مروان : ايه الدم دا !!!
هو ايه اللي حصل امبارح
قام وقف وقعد يدور على رهف في الشقة كلها ملقاهاش
رجع تاني اوضة النوم .. بدأ يعصر في دماغه ويحاول يفتكر ايه اللي حصل
مروان : مش قادر افتكر حاااجة
طيب اهدى اهدى يامروان .. انا أحاول اراجع تسلسل الأحداث يمكن افتكر
🔥فلاش باك 🔥
انا أول حاجة نزلت اجيب الشامبانيا *بيفتكر زيادة* رجعت لقيت رهف قاعدة مستنياني وبتحاول تشربني ، شربت وبعدها ....
مروان بيبرق : يانهار اسود 😳😱
*بيتلفت على الملاية والدم *
مروان : يعني اللي انا افتكرته دا حقيقي !!!
بس ازاي .. ازاااااي وهي حامل من واحد غيري ؟؟؟
فتح الواتس اب .. رهف بعتاله كذا رسالة
فتح المحادثة
"اه يامروان .. اللي افتكرته دا صح
احنا امبارح مارسنا حياتنا الطبيعية كزوجين طبيعين ... كنت حابب تعرف الحقيقة مش كدا
طيب تعالى نعرف الحقيقة واحدة واحدة مع بعض
أول حاجة انت اكيد شوفت ملاية السرير جنبك وفهمت وزمانك متجنن
طيب .. نيجي لتاني خطوة ودي الأهم
روح أفتح درج التسريحة كدا "
ساب مروان الفون من ايده .. راح فتح درج التسريحة .. لقى قدامه نتيجة تحليل الDNA
فتح التحليل وشاف النتيجة
مروان اتصدم وبيبرق : مطابقة 😳😳😳
ازاي ؟؟؟ يعني الطفل دا يبقى إبني انا !!!
رجع تاني مسك الفون وفتح المحادثة عشان يكمل
" طبعاً زمانك دلوقتي مصدوم ومش عارف تاخد نفسك من الازبهلال .. لا ياحبيبي وسع خلقك معايا كدا لسة يومنا طويل
افتح الفيديو دا ...
والرسالة اللي بعدها باعتة الفيديو اللي اتبعتلها قبلها بيوم *الطريقة اللي اتعملها بيها تلقيح صناعي *
مروان بيتفرج ع الفيديو مبرق وساكت
الفيديو خلص .. قفله وبدأ يشوف الرسالة اللي بعدها
" طبعا زمانك اتصدمت اكتر دلوقتي .. والسؤال اللي زمانه محيرك
عينة السائل المنوي دي جت منين ؟! "
" بعد الرسالة دي هبعتلك ريكورد مكالمة لصاحب المستشفى اللي روحنا فيها انا وانت من ٣ شهور بالظبط نعمل التحاليل اللي قبل الجواز "
🔥فتح الريكورد 🔥
صاحب المستشفى : والله يااستاذة رهف انا مااعرف ايه اللي حصل .. يومها انتو مشيتوا من هنا ، سلمتهم العينات بتاعتكم وقولتلهم يبدأوا شغل
تاني يوم الصبح جايين المعمل لقينا كل العينات موجودة ماعدا العينة بتاعتك انتي وأستاذ مروان جوزك .. ازاي دا حصل ومين خدهم معرفش !!
🔥قفل مروان الريكورد 🔥
رهف : أظن دلوقتي انت عرفت الحقيقة كاملة مش كدا ؟
محبتش أقولك على ولا دليل من دول غير لما اجمعهم كلهم مرة واحدة .. عشان اجي دلوقتي واسألك سؤال واحد
فاكر يامروان يوم ما قولتلك هييجي اليوم اللي هتندم فيه وهتضرب نفسك بالجزمة على اللي بتعمله معايا دلوقتي ؟
يومها انا مكنتش بقول اي كلام .. انا كنت عارفة إن اليوم دا هييجي وقريب اوي
مكنتش اتمنى أول علاقة بيننا تكون بالشكل دا .. بس حبيت اسيبلك ذكرى حلوة قبل ماامشي
سلام يامروان
مروان بيبرق : سلام يامروان !!!
لااا .. رهف
خرج من الواتس بسرعة وحاول يتصل بيها .. تليفونها مغلق
رجع ع الواتس تاني وبعتلها كذا رسالة .. الرسايل مبتوصلش !!
رزع التليفون من ايده وقام يلف حوالين نفسه
مروان : انا أغبى واحد خلقه ربنا .. انا غبببببببي
ازاي أعمل كدا في اكتر واحدة حبيتها في حياتي .. ازاي أشك فيها وفي أخلاقها اللي مشوفتش في حياتي أنضف منها
والاهم من دا كله ازاي هي هتوافق دلوقتي ترجعلي !!!!
لا يارهف .. انا مش هسيبك تضيعي مني المرة دي
لو حكمت ألف العالم كله عليكي .. لو حكمت اخبط علي باب باب وادور عليكي هعمل كدا المهم ترجعيلي
ترجعيلي انتي وابننا
جري غسل وشه بسرعة .. فتح باب الشقة وطلع على فوق خبط ع الباب
فتحتله شمس : ازيك يامروان
مروان : اوعي من قدامي انتي دلوقتي
دخل يجري على جوا
مروان : باباااا .. رهف جت هنا ؟؟
جاد : خير يابني فيه ايه ؟؟؟؟!!
مروان : رهف جت ولا مجااااتش
شمس بصاله ومخبية حاجة
جاد : انا لسة صاحي دلوقتي يامروان مدرتش بحاجة .. أسأل اختك
شمس : لا مجتش يامروان
سابهم ونزل يجري على تحت .. ركب عربتيه وراح في إتجاه المستشفى اللي فيها أسماء
🔥🔥🔥🔥🔥🔥🔥🔥🔥🔥🔥
شمس دخلت على اوضتها
🔥فلاش باك 🔥
رهف بتخبط ع الباب الصبح .. شمس لسة صاحية من النوم حالا
راحت فتحتلها الباب
شمس : رهف صح ؟؟
رهف بابتسامة : قولت مينفعش استني اكتر من كدا من غير مااتعرف على أخت جوزي اللي هتكون اختي
شمس : أحسن حاجة عملتيها أقسم بالله 😍😍😍 تعالي تعالي اتفضلي
رهف داخلة وبصوت واطي : تعالي في اوضتك بقا عشان منصحيش بابا وتامر
شمس : اشطة تعالي
*بعد نص ساعة *
شمس : بس ياستي .. دا كل اللي حصل
وراح تامر جايبني على هنا ومن ساعتها كلهم مش طايقيني
رهف : طيب انتي تعرفي مكان أحمد وخالد دول فين ؟؟
شمس : أحمد تامر خطفه بعد الحوار اللي حصل .. واعتقد ان لحد دلوقتي لسة معاه
خالد اخوه بقا لحد دلوقتي موجود في اسكندرية
رهف : تمام .. ممكن تديني عنوانه في اسكندريه فين بالظبط ؟؟
شمس : حاضر ياقلبي
🔥شمس رجعت من الفلاش باك 🔥
شمس : ربنا يسترها عليكي يارهف
🔥🔥🔥🔥🔥🔥🔥🔥🔥🔥🔥🔥
*في المستشفى *
حازم داخل يجري على جوا ... ماجدة وصالح لسة داخلين قبله بربع ساعة بالظبط
حازم بخوف : فين مراتي وابني يابا ؟؟؟
ماجدة : قولتلك بلاش يابني .. قولتلك مراتك أولى مسمعتش كلاااامي
صالح : خلاص ياماجدة مش وقته تقطيم .. إبنك كان في شغل بردو مكانش بيلعب
حازم : مراتي فييييين ياجدعااان
صالح : مراتك في العناية المركزة من امبارح يابني زي ماهي .. وبنتك في الحضانة ، روح كلم الدكتور وخليه يوديك تشوف دي وتشوف دي من برا
حازم سابه وجري على غرفة الدكتور
صالح : ربنا يهدي الأحوال
مروان داخل يجري وبيتكلم في الفون
مروان : خلاص خلاص ياكريم اقفل انت انا وصلت المستشفي أهو .. لو وصلت لأي حاجة هقولك
مروان : سلام عليكم
صالح : سلام ورحمة الله وبركاته .. مالك يابني داخل تجري ليه كدا خير
مروان : رهف جتلكم صح ؟؟
صالح : رهف ! وهي رهف هتيجي لوحدها ليه يامروان
ماجدة : تاني يامروان .. تااااني
مروان : المرة دي الموضوع مختلف ياامي .. ماعلينا
انا هروح أدور عليها في مكان تاني
صالح : استنى هنا .. انت مش هتمشي من هنا إلا ماتقولي بنتي راحت فين ؟؟؟
مروان : بنتك اتلعب عليها لعبة كبيرة اووووي ياحج .. ولو ملحقتهاش دلوقتي الدنيا هتقفل اقفالها عليها
سيبني دلوقتي الله يرضي عنك وانا أوعدك مش هاتشوف وشي تاني غير بيها
سابهم ونزل على تحت .. ركب عربيته
تليفونه رن "كريم "
مروان : أيوة ياكريم .. وصلت لحاجة ؟
كريم : لا موصلتش .. بس انا داخل على محل الهدوم اللي بتشتغل فيه إيمان أختها أهو هشوف كدا يمكن تكون عندها
مروان : طيب وانا بردو راكب العربيه اهو وهلف على كل صحابها و معارفها يمكن تكون قاعده عند حد فيهم
كريم : تمام
🔥🔥🔥🔥🔥🔥🔥🔥🔥🔥🔥
*في اسكندرية *
رهف واقفة قدام باب عمارة .. بتبص لفوق
رهف : يارب خليك معايا .. اللي جاي صعب وانا لوحدي في البلد دي
غمضت عينيها وقرأت آية الكرسي
فتحت عينيها ودخلت العمارة .. طلعت على فوق
خبطت على باب شقة خالد الخواجة
خالد بيفتح الباب : اهلااااا .. اتأخرتي اوي يارهف
رهف بتبرق : انت عارفني ؟!
خالد : إلا عارفك .. دا انا شغلتي
رهف : اه .. واضح إني جيت العنوان الصح
خالد : جيتي العنوان الصح .. في الوقت الصح
ضربها على دماغها وقعها في الأرض .. شالها دخلها على جوا
حطها في أوضة لوحدها .. كتفها على كرسي وحط بلاستر على بوقها
دخل شخص من وراه
الشخص : انا كدا عداني العيب ياباشا ✋
خالد : لا عداك العيب ايه ياراجل .. دا انت لسة مهمتك في اللي جاي أكبر بكتير
تعالي اقعد جنبها ولما تفوق اندهلي
خرج خالد على برا .. دخل الشخص اللي كان بيساعده قعد جنبها
والشخص دا .. يبقى زياد 🔥🔥🔥🔥
مبدأيا شكراً جدا على ال3k في الوقت القصير دا .. فرحوني بقا ووصلوا دا ل4k .. وقولولي رأيكم في البارت 😍😍😍❤️❤️
🔥🔥❤️ البارت 19 ❤️🔥🔥
خرج خالد من الأوضة .. دخل زياد قعد قدام رهف وهي مغم عليها ومتكتفة على الكرسي
زياد : عملتي فيها جريئة اوي وجيتي برجلك لحد هنا 😂😂
دايما انتي بتحبي تعملي الجريئة الشجاعة اللي بتحل أي حاجة .. عارفة عملتي كدا امتى بردو ؟
يوم شوفتيني بحب اسماء صاحبتك وهموت عليها ولمحتي في عيون اخوكي إنه بيحبها فضلتيه عليا وقربتي بينهم عشان يتجوزها هو ... في اليوم دا انا من قهرة قلبي سيبت المحافظة كلهاااا ومشيت روحت على إسكندرية
قعدت هناك أندب حظي واموت في اليوم بدل المرة ألف لما أتخيل إن زمان واحد غيري بيلمسها ... كنت مستني الفرصة اللي انتقم فيها منك ومن اخوكي بأي طريقة بس مكنتش عارف ازاي
ويشاء السميع العليم ياشيخة إن الدنيا تلف وتدور ويقع في حظي واحد هو كمان عاوز ينتقم من جوزك ... جاتلي لحد عندي اتعاون مع حد كبير وارجع أعيش مع امي فوقيكو عشان اشوفكو بتتعذبوا كل يوم وبتلفوا في نفس الدايرة
من ناحية انتي متعرفيش مين أبو اللي بطنك وازاي حصل .. ومن ناحية اخوكي هيتحرق على شرف عيلته اللي اتمرمغ
وبعد شلل أمي بسبب اخوكي ناري قادت اكتر .. قررت الففك حوالين نفسك لحد ما اوصلك مستشفى المجانين بأيدي .. بس هنعمل ايه بقا
نصيبك تيجي لقضاكي برجلك
رجع خالد ودخل الأوضة تاني
خالد : عداك العيب يابطل .. نفذت كل اللي اتفقنا بالحرف
زياد : تمام ياريس ، ايه الخطوة الجاية بقا رسيني
💎💎💎💎💎💎💎💎💎💎💎
*في المستشفى *
حازم واقف قدام شباك العناية المركزة اللي محجوزة فيها أسماء .. بيبصلها من ورا الازاز وعيونه كلها دموع
حازم بيعيط : عارف إنها جاية متأخرة اووووي .. بس انا آسفة يااسماء
والله العظيم اسف ، صدقيني انا فجأة بقيت واحد تاني .. في اللحظة اللي لقيت كل حاجة بتضيع مني فوقت واكتشفت إني كنت إنسان وحش وغبي اووووي
اعاملك اسوأ معاملة في الدنيا وانتي تعملي بأصلك وتعدي ، اهينك واضربك متفتحيش بوقك ولا تبجحي فيا
ارجعلك من برا الفجر تقعدي تحت رجلي تتدعكيهالي عشان استعد لتاني يوم
من أول يوم جواز وجودي في البيت بيرعبك ، فكرة إني أكون موجود ورهف مش موجودة عشان تحوشني عنك بترعبك
ياما قولتيلي حرام عليك .. هييجي اليوم اللي هتندم فيه على كل دا
مكنتش بصدقك يااسماء
*بيسند دماغه على الازاز وبيعيط زيادة* مكنتش بصدقك
ماجدة جاية من بعيد بتبرق : انت بتعيط ياحازم ! دا انا مشوفتش ليك دمعة من أيام ماكنت في ابتدائي يابني
تعالي ياحبيب أمك تعالي
اتلفت حضنها وقعد يعيط جامد اوي
حازم : قلبي واجعني اوي ياامي .. محستش بقيمتها هي وابني غير لما شوفتهم بيضيعوا مني بإهمالي ليهم
ماجدة بتبطبطب عليه في حضنها : هون على نفسك ياحبيبي .. هون على نفسك واذكر ربنا وادعيلهم
صدقني الدعاء دلوقتي اهم بكتير من العياط
بتبعد وبتطلع من شنطتها مصحف صغير .. بتفتح على سورة ياسين
ماجدة : خد ياحبيبي .. اقعد اقرالها السورة دي بنية إن ربنا يشفيهالك هي وابنكو ، وخلي عندك ثقة في الله أنه هيجبر بخاطرك ياحبيبي
حازم بياخد منها المصحف وبيفتحه وهو مفحوم عياط : حاضر ياامي هقرا اهو .. حاضر
💎💎💎💎💎💎💎💎💎💎💎
*في المحل اللي بتشتغل فيه إيمان *
كريم داخل المحل بيدور عليها .. إيمان شافته من بعيد وجريت عليه
إيمان : كريم ؟؟ في حاجة ولا ايه
كريم : رهف معاكي جوا ؟
إيمان بتبرق : رهف ! وايه اللي هيجيب رهف هنا
كريم : يالهوي مجتش هنا كمان ..
ايمان انتي لازم تستأذني من المدير وتخرجي معايا حالا
إيمان : طب فهمني في اااايه 😱😱
كريم : مش وقتتتته ادخلي استأذني بسرعة وهستناكي في العربية
💎💎💎💎💎💎💎💎💎💎💎
مروان مازال بيلف في الشارع وبيبص في كل مكان ممكن تكون راحته .. لحد ما راح عند الكورنيش *اكتر مكان بتحبه* وبردو ملقاهاش
فجأة وقف في نص الشارع وحط ايده الاتنين على دماغه من التعب والحيرة
🔥فلاش باك 🔥
مروان ورهف ماشيين جنب الكورنيش ايديهم في ايد بعض ومبسوطين
رهف : عارف يامروان .. انا صغيرة كنت كل ماباجي قدام الكورنيش وأشوف شكل النيل تحت السما والقمر كنت بتمنى أبقى عصفورة او حمامة طايرة فوقيهم عشان أكون بحريتي اكتر .. المشكلة إني مازلت بفكر نفس التفكير 😹😹😹
مروان بيمسك ايديها اجمد : الحمدلله إنك مش عصفورة ولا حمامة .. عشان مكانش زمانك معايا دلوقتي ❤️❤️
رهف : كنت هحبك حتى وانا طير .. انا مقدرش أعيش من غير مااحبك يامروان
أحياناً بحس إن حبي ليك دا اتخلق معايا كدا
مروان : يعني مش هييجي اليوم وتسيبيني 🤔
رهف : مقدرش أوعدك بدا .. احنا داخلين على حياة ياعالم هنشوف فيها ايه وممكن ييجي اليوم اللي تجرحني فيه جرح مقدرش اتحمله وامشي
بس اللي أقدر أوعدك بيه إني حتى لو مشيت .. هفضل بحبك بردو
🔥 رجع من الفلاش باك 🔥
عينيه مدمعة وحزن الدنيا كله في عينيه
مروان : وادي اليوم اللي جرحتك فيه جه يارهف .. وللأسف نفذتي كلامك وبعدتي
بس فين وعدك ؟! وعدتيني إنك حتى لو بعدتي هتفضلي بتحبيني
بس المرة دي حتى مسيبتيليش طرف خيط اوصلك بيه واعتذرلك
يارهف ردي عليا يارهف انتي فين ؟؟؟
بص للسما وبعلو صوته : يارهههههف
💎💎💎💎💎💎💎💎💎💎💎
فتحت رهف عينيها فجأة .. بصت حواليها وحاولت تستوعب هي فين وبتعمل ايه
خالد قاعد على الكرسي اللي جنبها : صباح الخير يارهوف .. ناموسيتك كحلي ياستي
رهف بتبرق وبتبصله : خالد !
خالد : قلبك جابك تجيلي برجليكي لحد هنا 🤔
رهف : اه جابني .. جيت عشان أعرف انت مين و عايز مننا ايه بالظبط ، ومين بيساعدك؟؟؟؟
خالد : حيلك حيلك كل دي أسئلة مهمة مرة واحدة .. دانتي عشان تعرفي إجابة سؤال واحد في دول فيها جثث يابنتي
رهف : جثث !!
اهااا .. دا واضح إني جيت مخبأ ماڤيا بقا
خالد : اوسخ وحياتك
رهف : تمام .. مازالت عايزة اعرف إجابة الاسئلة اللي سألتها ، او ع الأقل اهمهم
عايز مننا ايه ؟
خالد : من ناحية عايز فانا عايز كتير اوي يارهف .. عايز ادمركوا ، عايز انتقم منكوا ، احرق قلبكوا على كل حاجة بتحبوها
عايز اجننكوا واطير عقلكو من راسكو
كدا يعني .. كلها حاجات بسيطة خالص ☺️
رهف : وليه دخلت إبني في الموضوع ؟
الوساخة وصلت بيك تلعب بحاجة مقدسة ربنا خلقها مننا وخلقنا منها !!!
خالد : كانت دي الطريقة الوحيدة عشان اجننك واعرفك إني ممكن أوصل لأي حاجة .. حتى الرحم بتاعك
رهف : واشمعنا مروان اللي اختارته يكون أبو الطفل ؟!
خالد : عشان يتحرق قلبه على إبنه زي بالظبط مانتي كمان هيتحرق قلبك على إبنك
رهف بتبرق : ايه
خالد بيهز دماغه لتحت : ايوووون .. هقتله 😁
رهف : هتقتل مين ؟!!!!!!!
خالد بيقرب منها وبيبرق : إبنك يارهف .. هقتل إبنك
رهف : تقتل ابني لييييييييه .. إبني اااايه دخله باللي مزعلك ولا بغرضك في الانتقام
حرام عليييك دا حتة لحمة حمرا لسة مجاتش للدنيا .. يااخي طب حتى احترم مجيتي لحد بيتك برجلي
خالد : واشمعنا انتي محترمتيش حبي ليكي من أول يوم شوفتك في فرح بنت خالتك جنب ابوكي !!
اشمعنا تامر محترمش إني حبيتك من اول ماشوفتك وراح حبك هو .. لا وكمااااان يدي لنفسه الحق يفرط فيكي ويسيبك لأخوه وقت ما يعوز .. وبعد دا كلللللله مروان يخدرني وياخد مني كل حاجة كنت بخططلها من سنين عشان اوديه في داهية
رهف : انت اكيد مريض نفساني صح !!!
خالد : كلنا مرضى يارهف .. كل واحد عايش في الدنيا دي مريض بمرض معين
انا بقا مرضي من أنضف نوع ، انا مرضي إني بحب بجد
ودلوقتي قدامك حل من اتنين ملهومش تالت .. ياتوافقي تسيبي كلللللل حاجة ورا ضهرك وتيجي معايا وهجيبلك ورقة طلاقك لحد عندك ، وحتى ابنك هنربيه سوا
ياهقتلك إبنك في بطنك قدام عينيكي ومش بس كدا .. نفس الدكتور اللي هيعملك العملية هيقفلك الأنابيب عشان متقدريش تخلفي تاني
رهف : حلو اوي كدا .. أهم حاجة تعرف كل اللي بيدور في دماغ عدوك
أما بالنسبة للخيارين انا مش هختار ولا واحد فيهم .. وأعلى ما في خيلك اركبه
خالد : انتي شايفة كدا يعني ؟؟
رهف : انا مش شايفة غير كدا
خالد : 😂😂😂😂😂
تعجبني ثقتك في نفسك ... اشطة
دلوقتي الساعة ٤ العصر .. هسيبك لحد ١٠ بالليل تكوني اختارتي حل من الاتنين
وعدم ردك اختيار تلقائي للحل التاني 👍
خارج من باب الأوضة
رهف : مين اللي بيساعدك ياخالد .. لو راجل قولي
خالد بيضحك بسخرية : اعتبريني مش راجل 😉
💎💎💎💎💎💎💎💎💎💎💎
خرج خالد على برا .. زياد مستنيه في الجنينة
زياد : اوعى تكون جبتلها سيرة عني !
خالد : سيرة ايه يازياد انا مش تلميذ .. وبعدين لسة عايزك معايا كدا كدا
زياد : هو انت ناوي فعلاً تسقطها لو رفضت ولا بتقول كلمة كدا وخلاص
خالد : لا مش كلمة وخلاص .. دا اللي هيحصل في الحالتين عشان انا لازم أخلص من الطفل دا ، انا بس بجر رجليها
زياد : أيوة بس السكة دي خطر ولو فلتت مننا هنروح في الكلبوش
خالد : انا اصلي اسكندراني اصلي فبحب العوم .. انت بقا ملكش في الغويط ارجع ع الشط
زياد : لا شط ايه ياريس .. دا انا ماصدقت ألاقي الفرصة
خالد : خلاص يازيزو يبقى خليك حلو كدا
زياد : اشطة .. ربنا يسترها
💎💎💎💎💎💎💎💎💎💎💎
*في شقة جاد *
شمس قاعدة ع السرير متوترة .. مسكت تليفونها واتصلت برهف ، مردتش اول مرة
اتصلت تاني .. السكة اتفتحت ومفيش صوت
شمس اتخضت وقفلت السكة بسرعة
شمس : لا كدا فيه خطر عليها
🔥 فلاش باك 🔥
رهف : يلا ياشمس انا همشي دلوقتي .. هاخد حوالي ٣ ساعات ونص في الطريق واوصل البيت
لو بعد ٤ ساعات لقيتيني مبردش عليكي أو فيه حاجة غريبة ابدأي اتصرفي
شمس : تمام
رهف : بس اوعي تقولي لحد حاجة قبل ماامشي ياشمس اوووعي
شمس : حاضر متقلقيش .. بس خدي بالك من نفسك بالله عليكي
انا خايفة عليكي اوووي ، الناس دي معندهاش رحمة
رهف : لا إله إلا الله
شمس : سيدنا محمد رسول الله
رجعت من الفلاش باك
شمس : دلوقتي عدى ٦ ساعات ومفيش حس ولا خبر .. انا لازم اتصرف بقا
قامت فتحت باب اوضتها وخرجت دخلت على تامر الأوضة .. قاعد على المكتب باصص قدامه ومركز
شمس : تامر .. رهف في خطر
💎💎💎💎💎💎💎💎💎💎💎
*في عريية كريم *
إيمان بتركب : ايه ياكريم في ايه بقا طمني والنبي
كريم مش عارف والله يا ايمان لقيت مروان بيتصل بيا بيقولي انه صحي مالقاش رهف الشقه ومن ساعتها قالب عليها الدنيا مش لاقيها .. قالي اجي اشوفها عندك في طريقي وهو راح يدور عليها في الاماكن اللي ممكن يلاقيها فيها
إيمان بتعيط : ياااادي النيلة .. حرام عليكي يارهف والله كل يومين حوار شكل
أعمل ايه انا دلوقتي بس .. اروح فين ولا ادور فين
مين يقدر يساعدني دلوقتي اصلااااا
كريم : انا .. انا موجود ياايمان ومش هسيبك لحد ما تلاقي أختك متقلقيش
إيمان : انت اااايه ياكريم وعليك بأيه من دا كله .. كل يومين تيجي تدور معانا على حد شكل
مرة رهف .. مرة أسماء .. مرة أبويا ورهف ومروان .. مرة رهف تاني
ايه هنفضل كدا لحد امتى
كريم : لحد ما كل حاجة تستقر .. والله ياايمان انا بقيت مقتنع تماماً من جوايا إني بقيت واحد منكم وربنا عوضني بيكم عن أهلي متحرمنيش انتي بقا من الإحساس دا .. يلا عايزك تعصري دماغك بقا وتفكري في كل الأماكن اللي ممكن نلاقيها فيها
💎💎💎💎💎💎💎💎💎💎💎
*في الشركة *
مروان وصل بعربيته عند الشركة .. نزل من العربية وطلع جري على فوق على أمل إنه يلاقيها قاعدة في مكان محدش يتوقعه مثلاً .. !
دخل على مكتبه .. بص يمين وشمال
دخل بص في الحمام ، بردو ملقاهاش
دينا بتفتح باب المكتب وداخلة
دينا : يامرحب يامرحب .. أخيراً شوفناك ياراجل ، دا انا كنت فقدت الأمل إني أشوفك في الشركة تاني
مروان : دينا ا انا مش فايقلك دلوقتي روحي شوفي شغلك يلا
دينا بتقرب وبتحط ايديها عليه بدلع : طب لو عندك مشكلة أساعدك فيها
بيزق ايديها : دينااااا قولتلك سيبيني دلوقتي انا اللي فيا مكفيني ومش ناقصك
دينا : مروان هو انا عملتلك ايه يعني .. مانت عارف كويس إني بحبك من زمان ومستنية اليوم اللي تشوفني فيه ، ليه كل مرة تكسر نفسي كدا
بيرفع عينه وبيبصلها : دينا .. قولتلك بدل المرة مليون انا واحد متجوز وبحب مراتي ، فسيبيني في حالي عشان مطلعش اللي فيا فيكي
دينا بتقرب عليه زيادة بدلع : طب ماتجرب تطلعه فيا كدا يمكن مشاكلك تتحل
قام وقف ولطشها بالقلم
مروان حواجبه لازقه في بعضها من العصبية وعروقه نافرة : هو انا مش قولتلك ابعدي عني احسنلك ؟؟؟؟
قسماً بالله يادينا لو ما بعدتي عني لا اديكي رجل انطرك من الشركة ومن أي شركة تانية ممكن تاكلي فيها عيش
دينا بتقوم تقف وهي حاطة ايديها على وشها : انت بتضربني يامروان
مروان : واكسر دماغك كمان .. لو ناقصك تربية انا جاهز اربيكي
امشي اطلعي برا يلا
دينا : ماشي يامروان .. ماااشي
خرجت على برا
تليفون مروان رن رقم غريب
مروان بيرد : الو ..
تامر : مروان ركز معايا
مروان : تامر !! تصدق انا غلطان اني برد على أرقام غري...
تامر : مش وقته يامرواااااان .. مراتك في خطر ولازم نلحقها
🔥🔥🔥🔥🔥🔥🔥🔥🔥🔥🔥
والله انتو فانز قمر 🙈😍 فتحتوا نفسي امبارح بال 4k افتحوا نفسي في البارت دا كمان بقا عشان نطول في البارت الجاي اكتر ❤️❤️❤️🔥🔥🔥
تعليقات
إرسال تعليق