 |
《اللهم صل وسلم وبارك على سيدنا محمد وعلى آله وصحبه
وسلم تسليما كثيرا 》
#اسكريبت_رودي💥💫
#البارت_الأول
رودي .. بقولك ايه اتاخر كدا شوية خليني أنام
يزن .. وهو أنت جاية تنامي ف الكوشة هو أنت متعرفيش
ان دا فرحنا ولا ايه
رودي .. أنا أصلا لا كنت عايزة فرح ولا جواز من الأساس
يزن .. أنت مش تحمدي ربنا ان لحقتك دا أنت كنتي لسه
هتعنسي
رودي .. اخرس قطع لسانك دا انا جالي عرسان بالعبيط بس
أنا إللى مليش نفس
يزن .. طيب يالا يا حلوة عشان الناس قربت تاخد بالها تعالي
نرقص
رودي .. لااااااا أنت فاهمني غلط خالص انا لا بتاعت رقص ولا
الكلام المايص المايع قليل الادب دا ويالا أنت روح أرقص
وسيبني أنام شوية مش كفاية متجوزة غصب عني
يزن .. أنت هتقومي نرقص ولا أندهلك أمك تشبشبلك
رودي .. لا وعلي ايه الطيب أحسن يالا نرقص يا سيدي بس
بقولك ايه من بعيد لبعيد وبلاش اللمس وقلة الأدب دي أنا
بقولك أهو
يزن .. طيب قومي يا أخرة صبري
قاموا ورقصوا مع بعض وهو رقص مع اصحابه وهيا كمان
رقصت مع أصحابها وقالت خلاص مش قادرة انا هروح ارتاح
راحت علي الكوشة وقعدت ولسه هتغمض وتنام
يزن .. يادي النيلة هو كل م اسيبك ارجع الاقيكي نايمة هو
أنت عمرك م نمتي قبل كدا ف حياتك ولا ايه
رودي .. هما صحوني بدري قالولي دا الميعاد إللى الميكب
ارتيست جاية فيه ولازم تصحي وانا اصلا كنت عايزة أنام
ومش عايزة أتجوز اصلا
يزن .. تصدقي أنا أول مرة أحس أن إللى عملته ف حياتي كله
أنت إللى هتخلصيه مني
رودي .. بقولك ايه هيا الليلة دي هتخلص امتي عشان عايزة
اروح أنام
يزن .. تاني تنامي هو أنت مش بتشبعي نوم ابدا وبعدين دا
احنا سهرتنا صباحي لسه بدرى وغمز بعينه
رودي .. ايه دا أنت بتغمز ليه أنت عينك بتوجعك ولا ايه
يزن .. اصبري دا أنا هطلع عليكي إللى عملتيه فيا كله
خلص الفرح وخرجوا يركبوا العربيه عشان يروحوا عش
الزوجية دخلت رودي العربية ووقف يزن يكلم أصحابه واهله
خلص كلام معاهم وركب العربية بص علي رودي لقاها نايمة
يزن لنفسه .. هو احنا هنقضيها يوم فرحنا نوم ولا ايه أنا أكيد
حد باصصلي ف الجوازه دي وبص لرودي صعبت عليه اخدها
ف حضنه وحط دماغها علي كتفه وسابها تنام وصلوا البيت
نزل يزن من العربيه وراح عشان يشيل رودي صحت من النوم
رودي .. ايه مالك حاسب حاسب انت هتعمل ايه
يزن .. هشيلك اطلعك البيت عشان نايمة وكمان زي بقيت
العرايس ولا انت مش حاسة انك عروسة
رودي .. لاااااا اوعي تفكر ان انا عروسة زي اي عروسة
ابسلوتلي وحاسب كدا عشان انزل
يزن .. تعالي يا أخرة صبري انزلي
رودي نزلت وطلعوا بيتهم ودخلوا وقفلوا الباب
رودي .. هيا فين اوضتي
يزن .. هيا دي إللى قدامك
دخلت ودخل وراها يزن
رودي .. حيلك حيلك أنت رايح فين
يزن .. داخل اوضتي في حاجة
رودي .. أوضة مين يابابا مش أنت قولت ان دي اوضتي
يزن .. انت ابت هبلة ولا عبيطة !!
رودي .. ليه يعني بتقول كدا !!
يزن .. عشان احنا اتجوزنا واي اتنين متجوزين بيناموا ف
أوضة واحدة
رودي .. لااااااا م أنا قولتلك انا اصلا مكنتش عايزة أتجوز
واحنا مش زي اي اتنين متجوزين ويالا بقي اطلع برا لأن
عايزة انام وتعبانة جدا
يزن .. أنت شكلك مش بتيجي غير ب العين الحمرا ولف قفل
باب الأوضة بالمفتاح وحط المفتاح ف جيبه وقرب منها وهيا
ترجع لورا وفضل يقرب .........
يتبع............
رأيكم يهمني جدااااااا 💖
لو عجبكم هكمل ان شاء الله 💝💫💥
《اللهم صل وسلم وبارك على سيدنا محمد وعلى آله وصحبه
وسلم تسليما كثيرا 》
#اسكريبت_رودي💥💫
#البارت_الثاني
يزن .. أنت شكلك مش بتيجي غير ب العين الحمرا ولف قفل
باب الأوضة بالمفتاح وحط المفتاح ف جيبه وقرب منها وهيا
ترجع لورا وفضل يقرب وفجأة شدها من ايدها وقربها منه
وقال .. هو في عروسة تعمل كدا يوم فرحها
رودي .. ابعد شوية كدا معلش عشان النفس
يزن .. مش هبعد وردي عليا
رودي .. بص بقي بصراحة كدا أنا مكنتش عايزة أتجوز وهما
غصبوا عليا
يزن .. يعني أنت رافضة فكرة الجواز نفسها ولا رفضاني انا
شخصيًا ؟
رودي .. أنا كنت رافضة الفكرة من الأساس وكمان أنا
معرفكش ومش أخده عليك والجواز جه بسرعة
يزن .. طيب تعالي نقعد نتكلم شوية وأخدها وقعد علي
السرير وقالها تعالي
رودي .. اجي فين ولا مؤاخذة أنت عايزني اقعد جنبك ع
السرير لاااااا دا الشيطان لاعب ف دماغك أوي
يزن .. ومين قالك ان عايزك تقعدي جنبي ع السرير
رودي .. أومال اجي فين !!
يزن بخبث .. تعالي علي رجلي وغمز بعينه
رودي .. لالا لا أنت تقريبا اتهبلت
يزن بغضب .. لمي لسانك أحسنلك وتعالي نتكلم
رودي .. اجي فين انا مستحيل اقعد علي رجلك
يزن .. طيب خلاص تعالي جنبي
رودي .. لاء طبعا تعالا نتكلم برا
يزن .. هتيجي جنبي ولا اقوم أجيبك تقعدي علي رجلي
غصب عنك ؟
رودي .. طيب خلاص جاية
يزن بصلها ف عنيها كتير وهيا ارتبكت وحط ايده علي شعرها
ولمس خدودها وقال ايه رأيك ندي نفسنا فرصة نتعرف علي
بعض وناخد علي بعض واحدة واحدة ؟
رودي .. ماشي وأنا موافقة
يزن .. تمام يالا قومي غيري وتعالي عشان ننام
رودي .. طيب اطلع برا بقي عشان تنام ف الأوضة التانية
يزن .. ومين قال ان هنام ف الأوضة التانية
رودي .. أومال هتنام فين !!
يزن .. هنا
رودي .. هنا فين !!
يزن .. هنا ف الأوضة دي وعلي السرير دا
رودي وقفت وقالت .. لا بقي دا أنت بتضحك عليا وبتشتغلني
يزن وقف وشدها من خصرها قربها اليه وهمس بأذنها وقال ..
هتعملي إللى قولتلك عليه ولا نتجوز الليلة وكأن متكلمتش
معاكي ف حاجة ولا في اتفاق بينا ؟
بعدت رودي عنه وجرت اخدت منامتها ودخلت الحمام
واخدت شاور وخرجت من الحمام لفة شعرها بفوطة و لابسة
قميص حرير أزرق كات لقت يزن غير هدومه وقعد علي
السرير يتفحص هاتفه وعندما رآها بهذا المنظر ضرب بيده
علي وجهه وقال الله يخرب بيت كدا أنا ايه اللي خلاني اتفق
معاكي هو ينفع أطلع عيل ومنفذش وعدي ؟
رودي .. لو مسكتش أنا هروح أنام برا
يزن .. لاء وعلي ايه انا ساكت أهو
رودي شالت الفوطة من علي شعرها واخذت تعمل روتينها قبل
النوم وذهبت لتنام
يزن .. ربنا يصبرني ويعيني
رودي .. اتاخر يالا عشان أنام
يزن .. حاضر ياستي واتاخر سيكا
طلعت رودي عشان تنام وفجأة وبسرعة لف يزن أخدها ف
حضنه وحط ذراعه تحت رأسها وقربها اليه جداااا وحط يده
الاخري حول خصرها
رودي .. حاسب بقولك ايه دا
يزن .. أحسنلك تنامي لأن مش هسيبك تنامي غير ف حضني
وغمض عيونه ونام
رودي فضلت متفاجأة من اللي عمله وفضلت باصة عليه من
قريب وفضلت تتأمل ملامحه وقالت أول مرة أخد بالي من
ملامحك وأعرف انك قمر كدا
يزن ابتسم وهو مغمض عينيه وقال .. ولسه لما تعرفيني
هتحبيني وهتموتي فيا وحضنها جامد
رودي اكسفت ودورت وشها وراحت في نومٍ عميق
في الصباح ♧♧♧♧♧♧♧
يزن صحي لقي رودي لسه ف حضنه ورايحة ف النوم بصلها
وقال قمر نايم وقال صباح الخير يا زوجتي المصون وباسها
ف شفايفها وقال سكر مسكر وقام دخل الحمام واخد شاور
وغير هدومه ودخل المطبخ وحضر الفطار ووضعه علي
السفرة ودخل عشان يصحي رودي
يزن بيحسس علي شعر رودي ووجهها وبيصحيها
رودي .. يا ماما سيبيني أنام كمان شوية أنا تعبانة وعايزة أنام
فضل يزن يحسس علي شعرها ووجهها عشان تصحي
رودي .. يا ماما بقولك .... عاااااااا أنت مين!!
يزن .. مالك يا بنت المجنونة سرعتيني ايه شوفتي عفريت !!
رودي .. أنا كنت فاكرة ان لسه عند ماما
يزن .. طيب يالا قومي اغسلي وشك وتعالي حضرتلك الفطار
رودي .. فطار مين لاء سيبني أنام شوية أنا تعبانة
يزن .. بقولك حضرت الفطار عشان نفطر سوا
رودي .. معلش روح افطر أنت وانا هنام شوية
قام يزن وشال رودي وقال .. تعالي أنت شكلك مش بتيجي
غير بالعنف
رودي .. عاااا نزلنااااااي
يزن .. اسكتي خالص أنا زهقت منك اصلا وادخلها الحمام
وغسلها وجهها ونشفه وشالها وداها عند الترابيزة وقال يالا
نفطر سوا
رودي .. الله .. أنت إللى عامل الفطار دا كله ؟
يزن .. و هيكون مين غيري !!
وفجأة جرس الباب رن .............
يتبع............
رأيكم يهمني جدااااااا 💖
لو عجبكم هكمل ان شاء الله 💝💫💥
《اللهم صل وسلم وبارك على سيدنا محمد وعلى آله وصحبه
وسلم تسليما كثيرا 》
#اسكريبت_رودي💥💫
#البارت_الثالث_قبل_الأخير
رودي .. الله .. أنت إللى عامل الفطار دا كله ؟
يزن .. و هيكون مين غيري !!
وفجأة جرس الباب رن ....
رودي .. ودا مين الرخم اللي جاي ع الصبح كدا يقطع علينا
يزن .. أنت ناسية يا ذكية ان دي صباحيتنا ولينا أهل جايين
يسألوا علينا ولا ايه
رودي .. يا عم وربنا أنا ناسية اصلا انك جوزي
يزن .. والله أنت يا هبلة يا مجنونة مفيش أوبشن تالت
رودي .. وهو بذمتك في أحسن من الهبل والجنان ياعم
متركزش عشان متهيسش
يزن .. مين ياختي !!
رودي .. يالا يا عم قوم افتح الباب
يزن .. طيب قومي ادخلي جوا عشان افتح
رودي .. مش أنت بتقول أهلنا .... يعني مننا وعلينا عادي
يعني
يزن .. هما صحيح أهلنا بس مينفعش يشوفوكي كدا أنت
عبيطة !!
رودي .. مش أنت قولت ان انا هبلة أو مجنونة ومفيش
أوبشن تاني 🤔
يزن .. حصل
رودي .. أومال بتقول عبيطة ليه هو أنا تلاتة ف واحد 🤔
يزن .. قومي ادخلي جوا بدل م اتهور وامد ايدي عليكي
رودي .. خلاص اوحش قايمة من غير تهور
قامت رودي ودخلت الأوضة تغير وفتح يزن الباب لأهله
دخلوا الأهل بعد التهنئة والمباركة وقعدوا
مامت يزن .. أومال عروستنا فين ياحبيبي
يزن .. بتغير وجاية يا أمي
مامت رودي .. أنا عرفاها بالها طويل دي ممكن تيجي السنة
الجاية
خرجت رودي لابسة دريس أحمر منفوش لحد الركبة وحاطة
روج أحمر صارخ
يزن أول م شافها تنح وخبط ايده علي وجهه وقال لنفسه
أنت شكلك ناوية تخلي قلبي يقف ايه القمر اللي جاي علينا دا
مامت يزن .. ايه الحلاوة دي يا عروستنا تعالي أقعدي جنبي
يزن شد رودي من ايدها وقال لا يا ماما رودي هتقعد جنب
جوزها حبيبها
بصت رودي ليزن وقالت بهمس .. ايه جوزها حبيبها دي
يزن .. دا قدامهم بس عشان ميحسوش بحاجة م اللي بينا
رودي .. ماشي
قعدت رودي جنب يزن وكل شوية يضمها ليه وهما بيتكلموا
مع أهلهم
رودي بهمس .. م تلم نفسك بقي ايه قلة الأدب دي
يزن .. مش قولتلك عشان محدش ياخد باله
يزن قرب رودي ليه أكتر وقال .. والله رودي دي أحلي حاجة
حصلت لي ف حياتي وباسها ف خدها
رودي .. أنت شكلك هتضرب علي فكرة
يزن .. عشان نسبكها عليهم اعملي زي م عملت
رودي بصتله باستغراب .. وقالت ماشي يا سيدي
رودي .. يزن دا أحسن حاجة حصلت لي ف حياتي وراحت
بيساه ف خده
يزن .. أنا بقول انهم يباتوا معانا النهارده عشان ميحسوش
بحاجة
رودي .. لا يباتوا ايه أنا عايزه اغير وانام
يزن .. الله يخرب بيت النوم اللي مش بيخلص عندك دا
رودي .. خلي بالك أنت كدا بتحقد عليا واتاخر كدا شوية
كفاية تلزيق
مامت رودي .. هنقوم احنا بقي عشان نسيبكم براحتكوا
يزن .. ليه بس كدا يا طنط خليكوا معانا شوية
مامت رودي .. لا كفاية كدا علي عرايسنا الحلوين مش عايزين
نكون زي العزال وقاموا ومشيوا
يزن لسه حاضن رودي وقال .. بس ايه القمر دا
رودي .. حاسب كدا وكفاية تلزيق
يزن .. لا م هو بصراحة أنا نويت ارجع ف كلامي
رودي .. يعني ايه بقي مش فاهمة
يزن .. قربها منه أوي وقال يعني احنا عرايس جداد وكلام
امبارح دا خلاص بقي ملوش لزوم احنا خلاص اخدنا علي
بعض واتعودنا علي بعض
رودي .. لا بقولك ايه ابعد كدا
يزن مسكها جامد وقال .. لاء مش باعد وبيقرب من شفايفها
يبوسها
رودي خبطته ف رجله جامد وفلتت منه وطلعت تجري ع
الأوضة وقفلتها بالمفتاح
يزن .. آاااااه ... يا بنت المجنونة ... وربنا م أنا سايبك وجري
وراه يحبط ع الباب ويقولها افتحي
رودي .. مش فاتحة
يزن .. هتفتحي الباب ولا لاء
رودي شالت المفتاح م الباب وقالت أنا هرمي المفتاح م
الشباك وانا اصلا مش عايزة اخرج م الأوضة
يزن .. أوعي يا بنت المجنونة
رودي راحت عند الشباك ورمت المفتاح فعلا وقالت أنا أصلا
رميته خلاص
يزن .. بقي كدا ماشي
وزق الباب جامد كسره ......
يتبع............
رأيكم يهمني جدااااااا 💖
لو عملتوا كومنتات كتير هنزل الجزء الاخير بكرا ان شاء الله
وأتمني أنه ينول إعجابكم 💝💫💥
《اللهم صل وسلم وبارك على سيدنا محمد وعلى آله وصحبه
وسلم تسليما كثيرا 》
#اسكريبت_رودي💥💫
#البارت_الرابع_والأخير
رودي راحت عند الشباك ورمت المفتاح فعلا وقالت أنا أصلا
رميته خلاص
يزن .. بقي كدا ماشي
وزق الباب جامد كسره ودخل الأوضة
رودي .. ياختاااااي يالهواااااي هيعملني لحمة مفرومة
بص استهدي بالله كدا وتعالي نتكلم سوا
يزن .. أنت ايه اللي عملتيه دا
رودي بتهته .. ااا أنا معملتش حاجة
يزن .. لا والله أومال أنا اللي عملت
رودي .. خلاص أنت الكبير بقي واستهدي بالله
يزن .. طيب تعالي هنا لما أقولك
رودي .. لاء ياخويا أنت بتتهور ومش قد وعودك
يزن .. هتيجي أنت ولا أجيلك وساعتها أنت اللي هتندمي
رودي .. لا وعلي ايه اجيلك أنا
يزن .. في عروسة قمر زيك تعمل اللي أنت عملتيه دا ؟
رودي .. م أنت اللي بتقول حاجات قليلة الأدب اعملك ايه
يعني
يزن .. طيب تعالي نتكلم سوا
وأخدها وراح قعد ع السرير وراحت تقعد جنبه قال لاء تعالي
هنا
رودي .. هنا فين ولامؤاخذه
يزن .. علي رجلي
رودي .. أهو شوف أنت اللي بتبدأ أهو
يزن شدها بسرعة وقعدها علي رجليه جت تقوم حضنها من
خصرها جامد عشان متتحركش وقال .. وبعدين بقي خلينا
نتكلم وبلاش لعب عيال أنت خلاص قعدتي
رودي .. أنت قليل الأدب علي فكرة
يزن حط ايده ورا رأسها وقربها ليه وباسها ف شفايفها جت
تزقه ب ايدها اخد ايدها ورا ضهرها ومسكها وكمل في بوسة
طويلة مملؤة اشتياق تركها بعد أن أحس ب احتياجهم للهواء
ونظر لرودي وجدها مغمضة العينين تائهة أنامها علي السرير
وأنام جنبها ..............
(ونسيب عرايسنا بقي مع بعضيهم عشان عيييييييب 😁)
وبعد مرور الوقت سريعا بيصحي يزن علي صوت رودي وهيا
بتعيط وتصوت
رودي .. عاااااااا الحقنااااااي يا يزاااااااان
يزن .. في ايه سرعتيني مالك
رودي .. شكلي بولااااااااااد قوم بسرعة
يزن .. قام يجري اتكعبل وقع من ع السرير قام وقال .. يخرب
بيت الجواز وسنينه كان عليا من دا كله ب ايه
رودي .. م أنت مش حاسس بيا أنا اللي بتعذب وأنت ولا علي
بالك
يزن .. وأنت قولت حاجة يابيبي دا أنت قلبي وعقلي كمان
رودي .. الحقنااااااي بسرعااااااة يالااااااااا
يزن .. حاضر انا لبست أهو يالا بينا وأخدها ونزل وهيا تصوت
يزن .. بشويش يابيبي الناس كلها خارجة تتفرج علينا
رودي .. سيبني فةحالااااااااي أنت مش حاسس بيا
يزن .. طيب بصي أقولك خدي عضي ف الجاكيت دا ولسه
هيقلع الجاكيت رودي اخدت ذراعه وعضت جامد ويزن هو
اللي بيصوت
يزن .. يا بنت العضاضة
رودي .. مش أنت اللي قولت عضي
يزن .. تقومي تعضي ذراعي يا بنت العضاضة
رودي .. عاااااا أنت مش حاسس بيا اصلا أنت السبب في اللي
أنا فيه دا كله
يزن .. خلاص خلاص متشغليش الاسطونة ويالا بينا
يزن أخدها ركبها العربية وركب ووصلها المستشفي وكلم
أهلهم وجم عشان يطمنوا عليها دخلوا المستشفي لقوا يزن
واقف علي باب العمليات ورودي جوا ويزن خلاص بقي علي
أعصابه و هيموت من القلق عليهم لحد م باب العمليات فتح
وخرجت الممرضة وقالت يتربوا ف عزكم
يزن .. ورودي كويسة
الممرضة .. زي الفل الحمد لله وهتخرج تروح الأوضة حالا
بس فين هدوم البيبيهات
يزن بدهشة .. بيبيهات!!
الممرضة .. أيوه
يزن .. هما كام !!
الممرضة .. ولد وبنت زي القمر ما شاء الله يتربوا ف عزكم
يزن .. يعني أنا بقيت بابا لطفلين!! ألف حمد وشكر ليك يارب
خرجت رودي من العمليات وراحت الأوضة وراحوا الأهل
وهنوهم وباركوا وقالوا يا تري هتسموهم ايه !!
يزن .. لما رودي تقوم بالسلامة هنختار اساميهم سوا تكون
عرفة تفكر ونقرر سوا
رودي .. ربنا يخليك ليا ياحبيبي
يزن .. ويخليكي ليا ياحبيبتي وباسها ف رأسها
وتوتة توتة خلصت الحدوتة حلوة ولا ملتوتة 🤔
تمت بحمد الله 👌
قولوا رأيكم ف الكومنتات يا حلوين 💖💌💝
ولو معلقتوش كتييييير مش هنزل البارت الجديد من احببت
منحرف أنتم حرين 😁😅
#بقلم_Rasha_Mohame
تعليقات
إرسال تعليق