مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

🌱آمنه🌱  19_20

"عطاء وقسوه"

🌴الفصل التاسع عشر والأخير 🌴

في المحكمه

الكل انتبه لمصدر صوت معتز وهو بيقول : لحظه واحده يا سيادة القاضي

القاضي : اتفضل عايز إيه 

معتز : انا جاي اسحب الدعوه اللي رافعها علي مرات أخويا

الكل بدا بالهمس بينهم وبين بعض وكانوا فرحانين جدا ، والفرحه الاكبر كانت لآمنه اللي كانت بتعيط من الفرحه

نفذ القاضي طلب معتز بسحب الدعوه وانتهت الجلسه

راحت آمنه لمعتز وقالت : ليه سحبتها يا معتز ، ولا خوفت من انك تخسر كل حاجه 

معتز : أنا خسرت كل حاجه خلاص .. كل حاجه في حياتي انتهت يوم ما مشيتي وسيبتي البيت وخسرنا كل حاجه من بعدك

حازم : وبتقول الكلام دا ليه دلوقتي يا معتز .. بتقوله عشان نسامحك

معتز : مبقتش تفرق معايا والله يا حازم انكم تسامحوني ولا لأ

هشام : اول مره احس انك ندمان علي حاجه عملتها 

معتز : وحتي لو ندمان يا هشام .. الندم مش هيفيد خلاص

انا كنت واحد اناني وعايز كل حاجه ليا ... انا حبيت اني اخد من الدنيا كل حاجه ، وللاسف خسرت كل حاجه

صدقوني أنا مش بقولكم كدا عشان اصعب عليكو وتسامحوني ... لاني شايف نفسي مستاهلش السماح منكم

وبص لآمنه ومد ايده بورق وقال : اتفضلي يا أمنه 

آمنه : إيه دا 

معتز : دا حقك انتي واولادك علي داير مليم ، وبص لحازم وهشام وقال : أما حقوكم زي ماهيه حابين نوزعها براحتكم .. حابين تسيبوها برضو براحتكم

مراد : اومال فين مراتك يا معتز

معتز : طلقتها خلاص... وشطبتها من حياتي ، شطبت كل ذنب معاها ارتكبته بسببها 

للاسف مسابتليش اي حاجه حلوه من بعدها تخليني افتكرها

آمنه : لا طبعا سابتلنا ... يكفي اننا اتعرفت علي مراد بسببها وحاوطته من وسطه بدراعها

معتز : ابتسم بحزن وقال. ربنا يسعدكم عن اذنكم وسابهم ومشي

هشام : حازم انت هتسيبه لوحده وهو كدا

حازم : لازم يقعد لوحده عشان يفكر ويعيد حساباته من تاني يا هشام ، ويعرف انه غلط في حق الكل غلط كبير أوي

مراد : مش شايف انك قاسي عليه شويه يا حازم .. دا مهما كان اخوك

آمنه : اوقات كتر الدلع والحب للطفل بيعلمه الانانيه ، وعشان ترجع تربيه من تاني لازم تقسي عليه وتحرمه من كل حاجه حلوه كانت معاه عشان يعرف قيمة اللي راح 

____________________________________

في شرم الشيخ 

كان سامح بيكلم مراد عشان يطمن علي الحكم

سامح : معقول اللي بتقوله دا يا مراد

مراد : اه والله زي ما بقولك كدا .. معتز اتغير تماما يا سامح 

سامح : سبحان مغير الاحول ، يا سيدي ربنا يهديه .. المهم طمني انت بقا اخبارك ايه مع امونه

مراد : ابتسم وقال.  هاخدها ونسافر يومين بقا اتجوز فيهم 

سامح : ضحك بصوت عالي وقال. حبيبي يا بوص يا منحرف

مراد : ابعد عني ابوس ابدك .. خلي الحكايه تمشي ، انا مش عارف هتوافق ولا لأ اصلا

سامح : أحنا كدا كدا نازلين اخر الاسبوع .. استني انزل عشان اخلي بالي من اخواتك والاولاد

مراد : لا لا هيجوا كلهم معانا طبعا ، مش هقدر اسيب الاولاد ولا هينفع اسيب اخواتي وهشام

سامح : دي رحله بقا مش يومين عسل

مراد : وهو العسل مش هيجي الا لوحدنا يا متخلف انت

سامح : طبعا يا بوص والشيطان يبقي ثالثكم

مراد : ههههههه انت اخلاقك انحرفت اكتر بعد ما اتجوزت .. الا هيه فين صحيح

سامح : وبتسال ليه يا رذل .. يلا انت بقا روح بالسلامه وهكلمك لما ارجع

مراد : ضحك وقال سلام يا صاحبي

قفل سامح مع مراد ولقي فتون خارجه من الحمام 

فتون : طمني يا حبيبي امونه عملت ايه 

سامح : شدها ليه وقال هفهمك علي اللي حصل حالا 

فتون : هتفهمني برضو يالئيم

سامح : دايما ظلماني كدا يا تونه .. بس عموما تفكيرك منطقي جدا وانا هثبتلك انك صح الصح..........

____________________________________

في الاسكندريه

كان شيماء والسيد وبناته مع بعض علي البحر

شيماء : شايف البنات فرحانين ازاي يا سيد بالبحر 

السيد : اوعدكم هنيجي كل فتره ، ومش هحرمك انتي ولا البنات من أي حاجه ابدا مره تانيه 

شيماء : انت عمرك ما حرمتنا قبل كدا اصلا يا حبيبي

السيد : لا حرمتكم لما كنت بفكر اجيب الولد وبس .. وحرمت نفسي من ضحكت بناتي اللي ترد الروح دي ، كل دا عشان تفكير أهبل ولد ولا بنت

شيماء : ابتسمت وقالت.  أنت اتغيرت كتير اوي يا سيد

السيد : اتنهد وقال يظهر اني كنت مش كويس فعلا في الاول

شيماء : لا والله مقصدش كدا خالص .. بس اقصد ان تفكيرك اتغير

السيد : بصلها بحب وقال. يعني مش زعلانه مني يا شوشو

شيماء : ولا عمري زعلت منك والله يا حبيبي... انت جوزي وابو بناتي ربنا يخليك لينا يارب 

بس انا عايزه منك طلب

السيد : طلب ايه يا حببتي 

شيماء : نرجع نحضر فرح اخوك ونعيش مع امك وابوك من تاني

السيد : انتي اللي بتطلبي مني نعيش مع امي تاني

شيماء : ايوا عشان عارفه انها اتعلمت الدرس كويس اوي ... وكمان مينفعش تكسر بخاطرها في فرح اخوك ومتروحش

السيد : باس جبينها وقال . ربنا يخليكي يا شيماء يابنت الاصول ... يلا بينا بقا نلعب مع البنات شويه

____________________________________

مر اكثر من اسبوعين

آمنه ومراد كانت حياتهم شبه مستقره الا حد ما ، بس لسه زوجين علي الورق وبس

نادر وأمل حددوا معاد خطوبتهم مع فرح ابراهيم وبدور

هشام ونهي مازالو قط وفار كل ما يشوفوا بعض خناق وشتيمه

حازم ودعاء علاقتهم اتحسنت اكتر بآمنه وبقت تكلمهم كل يوم يطمنوا علي بعض

معتز بقا عايش لوحده ... اخيرا حس انه ندم علي كل حاجه فكر انه يمتلكها 

خسر اهله واصحابه واحبابه ... حتي نورا البنت اللي كانت بتعشقه اتخطبت

وقرر يروحلها يعتذرلها علي انه باع الغالي بالرخيص ومفكرش فيها ... يمكن تقدر تحنله وترجعله

____________________________________

في بيت فتحي الباز (والد نورا)

وصل معتز للبيت واستغرب من وجود ناس كتير فيه.. دخل بسرعه عشان يطمن ويشوف فيه إيه ...لقي الزغاريط والتهاني والكل بيسلم ويبارك لنورا ورائد علي كتب كتابهم 

وقف مصدوم مكانه ومش متخيل ان اخر امل كان ممكن يرجعه بنآدم من تاني ضاع خلاص منه

كمال : يا اهلا أهلا يا معتز بيه اتفضل أدخل

معتز : ل.ل.لا شكر يا كمال الف مبروك 

كمال : تسلم يا باشا .. اتفضل بارك للعريس والعروسه جوه

دخل معتز وكانت الف خطوه بتقدمه والف خطوه بترجعه ، مشاعر متضاربه مش عارف يسيطر عليها .. دخل عشان يبارك لكن شاف رائد وهو بيبارك لنورا 

رائد : باس جبينها وقال . الف مبروك يا حببتي.. أخيرا بقيتي مراتي

نورا : ابتسمت بفرحه وقالت الله يبارك يا حبيبي 

رائد : انا بقيت جوزك خلاص ممكن حضن بقا

نورا : هههههههه محترم اوي وبتستاذن كمان

رائد : عشان متقوليش عليا قليل الادب بس وشدها لحضنه وضمها اوي وفضل بلف بيها والكل حواليهم بيسقفولهم ويصفروا

أسلام : صفر وقال . هييييييه يا عريس يا جامد ... بس وفر صحتك

ريم : كانت بتسقفلهم بفرحه وقالت. بس بقا يا بني انت سيبهم يعيشوا اللحظه ... ربنا يسعدهم يارب 

وقف معتز قدامهم كأنه مشلول مش عارف يسيطر علي نفسه ودموعه نزلت غصب عنه وخرج من وسطهم عشان محدش يشوفه

خرج لبره ووقف في ركن لوحده يعيط لحد ما حس بحد بيطبطب علي كتفه

التفت عشان يشوف مين ولقاه صابر ..  محسش بنفسه إلا وهو بيرمي نفسه في حضنه وبيعيط زي العيل الصغير ... فضل يعيط كتير اوي لحد ما خلاص هدي واستكان 

صابر : دايما بتفوق متاخر يا معتز

معتز : خرج من حضنه وقال أنا عارف اني غلطت في حقهم كلهم ... بس مش عارف هيسامحوني ولا لأ ، بس كنت محتاج نورا معايا .. كنت محتاج لحب يحييني من جديد ، ويوهبني حياه جديده 

معقول اكون خلاص اتفرض عليا اني اكون لوحدي ياعم صابر

صابر : كل واحد فينا يا ابني جواه غريزة الخير والشر .. وانا متاكد انت من جواك خير ، لكن مراتك اللي صحت فيك غريزة الشر دي ولعبت عليها صح اوي

فرقت بينك وبين نورا الاول وخلتك تحبها وتبص للعيوب اللي فيها علي انها ميزه ومميزات نورا انها عيوب .... وبعدها فرقت بينك وبين آمونه 

ولفت علي اخواتك وبعدتهم عنك واحد ورا التاني ، وانت كنت ماشي وراها عامل لامؤاخذه زي البهيمه المربوطه وهيه مسكاك من حبلها 

معتز : انا معترف اني غلطت .. طب اعمل ايه عشان اصلح غلطتي دي

صابر : للاسف يابني كل حاجه ممكن تتصلح ... الا كسرة النفوس والقلوب دول ما بيتصلحوش ... دول بتسيبهم للايام ، وهيه بتنسي 

معتز : اترمي في حضنه وقال أنا محتاجلك اوي يا عم صابر .. محتاج لحد يوجهني للطريق الصح

صابر : وانا مكاني ميتوهش يابني .. وقت ما تحب تيجي تتكلم معايا بيتي مفتوحلك

____________________________________

مرت الايام 

وجه معاد فرح إبراهيم وبدور وخطوبة نادر وأمل

كانو مجهزين للفرح والخطوبه في اشيك القاعات ، والفرحه كانت للجميع 

بدأ الفرح واشتغلت الاغاني وكل عريس وعروسه رقصوا مع بعض علي اغنية 

(جنبك علطول) عبدالفتاح الجريني

اوعدني جنبي تعيش ...ولا ليله تنساني

وليك عليا اعيش وأموت ...ياحبيبي وأنا وياك

أوعدني متسبنيش ... لو حتي لثواني

دا عمري كله هيسوي ايه... لو يوم مكنش معاك

عند ابراهيم وبدور

ابراهيم : مبروك يا أجمل بدور في الدنيا

بدور : الله يبارك فيك يا حبيبي 

ابراهيم : أخيرا حلم سنين أتحقق يا دودي وبقيتي مراتي

بدور : بس يارب ما تتخنقش مني بقا بعدين وتقول الجواز خنقه

ابراهبم : يتقطع لساني لو قولت كدا

بدور : بعد الشر عليك يا هيما

ابراهيم : اتنهد وقال اجمد يا هيما لسه قدامك طياره .. هو مينفعش يا روحي نتجوز هنا ونسافر بكره

بدور : ههههههه احنا اتفقنا علي ايه ، مترجعش في كلامك بقا

ابراهيم : هو انتي متعرفيش

بدور : لا معرفش

ابراهيم : مش أنا عيل وبرجع في كلامي

بدور : والله

ابراهيم : آه... وعشان كدا رجعت في كلامي وقررت نفضل هنا يوم

بدور : هههههه مش بمزاجك يا روحي ... الطياره الساعه 3 واحنا يادوب هنخلص الفرح ونغير هدومنا ونمشي علطول 

ابراهيم : يعني مفيش امل 

بدور : امل اتخطبت لنادر اخوك يا هيما

ابراهيم : طب حضن تصبيره بقا

بدور حضنته وهيه بتضحك وقالت : مجنون 

عند نادر وأمل

نادر : عقبال فرحنا يا حببتي

أمل : ان شاء الله قريباً

نادر : أمل ايه اكتر حاجه عجبتك فيا

أمل : ابتسمت وقالت اوعدك هجاوبك علي السؤال دا لما نتجوز

نادر : ضحك وقال ليه

أمل : أبتسمت وقالت عشان اجابة السؤال دا بحاجه كدا معينه تتعمل متتقالش

نادر : غمزلها وقال . ايه هتبوسيني

أمل : خبطته علي صدره بخفه وقالت. بطل قلة أدب بقا ... لأ يا سيدي مش كدا ، ومش هقولك عشان لو اتقالت عنصر المفجأه هيضيع

نادر : علي احر من الجمر لمعرفة المفجأه 

أمل : طب ارقص وانت ساكت يا نادر بقا

نادر : طب قربي شويه مني كدا 

أمل : تؤ تؤ يوم فرحنا اوعدك هتلاقيني ملتصقه فيك 

نادر : يا مهون عشان المفاجات شكلها كتير اوي يوم فرحنا

جنبك علطول .. خليني

متغبش في يوم... عن عيني

دنا لما بقول... يا حبيبي

قلبي بيرتاااااااح

جنبك على طول خليني على حلم بعيد

وديني هنفكر ليه في إمبارح ما هو عدى وراح

عند مراد وآمنه

مراد : ما تيجي نرقص معاهم يا حببتي

آمنه : لا يا عم هتكسف .. خليني قاعده ولما تحب نرقص نبقي نرقص مع بعض في بيتنا لوحدنا

مراد : لوحدنا !! اللي هو امته دا يا حببتي 

آمنه : أحمم.. ما قولتلك ظروف يا مراد بقا هعمل ايه

مراد : ما تصيعيش عليا يا امونه .. احلفلك انك لا عندك ظروف ولاغيره وانتي بتستهبلي

آمنه : خلاص بقا يا مراد قولتلك وقت ما حس اني جاهزه للخطوه دي هتتفاجئ بيا .. زي ما اتفاجئت يوم ما اعترفتلك

مراد : اتنهد وقال يا مسهل ...بس برضو هنقوم نرقص مليش دعوه

آمنه : مراد متبقاش عامل زي العيل اللي بيشبط في لعبه كدا .. أعقل

مراد : قرب منها وقال بتحذير. هتقووومي ولااااا

آمنه : لا لا خلاص هقوم .. يلا بينا

تعرف بحس بإيه طول ما إنت ويايا

أحلام حياتي بشوفها فيك حبك واخذني معاك

قلبي بتسكن فيه يا حبيبي وكفايا

تفضل في حضني وأعيش معاك كل اللي بتمناه

الكل قام يرقص معاهم فتون وسامح ونورا ورائد

وهشام ونهي كانو بيبصو عليهم ومبتسمين

هشام : تحبي ترقصي بدال ما انتي بتبصي عليهم وبتضحكي زي الهبله كدا

نهي : اتغاظت منه وقالت. هرقص مع مين ان شاء الله... معاك

هشام : وانتي تطولي يا اوزعه 

نهي : آه أطول يا أهبل انت... مش هلاقي الا انت وارقص معاه ، ليه يعني خلاص الرجاله ماتت

هشام : عقبال ما تموتي انتي كمان ونرتاح من لسانك

نهي : ان شالله اللي بيدعو عليا .. انا لسه صغيره ومعشتش حياتي

هشام : وتعيشيها ليه وانتي قارفه امنا .. يا شيخه غوري

نهي : مش هغور وقاعده في وشك 

هشام : خلاص هغور انا من وشك وسابها ومشي

نهي : جتك القرف حمار مبتفهمش بصحيح

وبعد وقت طويل انتهي الفرح وسافر بدور وابراهيم ورجعت امل مع مراد لبيتها 

____________________________________

في بيت مراد عزام 

كانت آمنه مش عارفه تنام ، قررت تتصل بمراد يسهر معاها ...جابت تليفونها ورنت عليه 

مراد : ايوا يا حببتي خير

آمنه : أنا مش جايلي نوم ممكن تيجي تسهر معايا شويه

مراد : بس كده.. عيوني جايلك حالا 

قفلت معاه وطلعت للبلكونه تستناه .. ودخل مراد للبيت ولقاها في البلكونه ، اتسحب وراح عندها وحضنها من ضهرها وباسها في خدها وقال : القمر واقف بيكلم القمر ليه

آمنه : لفتله وابتسمت وقالت.  خليك انت دلع فيا كدا لحد ما تندم

مراد : باس ايدها وقال مش هندم . ولا عمري هندم علي معرفتي بيكي ابدا يا حببتي 

آمنه : لفت ايدها حوالين رقبته وقالت. مش ملاحظ انك مبتنادينيش الا حببتي الايام دي 

مراد : لف ايده حوالين وسطها وقربها ليه وقال. خلاص هقولك يا روح قلبي بعد كدا .. ايه رأيك 

آمنه : هههههههه انت حالتك بقت صعبه اوي يا مارو

مراد : يا إيه !!

آمنه بدلع : ماروو

مراد : ضمها لحضنه اوي وقال . قلب مارو من جوه يا امونه .. بحبك . بحبك اوي 

آمنه : ضمته ليها اكتر وقالت. وأنا بعشقك يا مراد بحبك اوي 

مراد : خرجها من حضنه وباس جبينها وقال. انا هروح انام عشان شغلي 

آمنه : ابتسمت وقالت.  ممكن تخليك معايا النهارده 

مراد : بفرحه. بجد

آمنه : رفعت صباعها بتحذير وقالت. بس تكون مؤدب

مراد : بلؤم . اوعدك هكون مؤدب طول الليل

____________________________________

اشرق صباح يوم جديد

صحيت آمنه من نومها ولقت نفسها نايمه في حضن مراد .. اتنهدت بسعاده ولسه هتقوم من جنبه شدها عليه تاني

آمنه : اوعي بقا عشان اجهز للاولاد الفطار قبل ما يروحو المدرسه

مراد : ضحك وقال تصدقي ناسي خالص ان المدرسه ابتدت

آمنه : اللي واخد عقلك

مراد : باس خدها وقال وهو فيه غيرك

آمنه : طب اوعي بقا .. وانت يلا عشان تغير هدومك وتنزل علي شغلك

وخرجت آمنه تحضر الفطار وندهت ليهم يفطروا مع بعض كلهم

سيف : فين اتش يا ماما

مراد : عنده اختبار للكليه النهارده يا حبيبي عقبالك

نهي : أحمم.. ربنا معاه

مراد : ههههههه اخيرا دعيتيله .. دا انتو قط وفار

نهي : مهو اللي غلس يا أبيه

عبدالرحمن : اخص عليكي يا نونه دا اتش لذيذ خالص 

آمنه : هيه أمل لسه نايمه

نهي : مهي قاعده تحب طول الليل في التليفون مع سي نادر .. لازم تنام طبعا

آمنه : ضحكت وقالت. عقبالك يا لمضه

مراد : يلا عشان اوصلكم ومتتاخروش

آمنه : مع الف سلامه ربنا معاكم

مشيوا كلهم وبدأت آمنه تنضف البيت واتفاجئت بمراد وهو راجع تاني

آمنه : باستغراب. مراد!! خير رجعت ليه

مراد : قرب منها وقال. حسيت اني محتاج لحضنك مقدرتش اروح للشغل

آمنه : زقته من صدره وقالت آ.آ.آه ابتدينا بقا

مراد : قرب عليها وباس جبينها وقال. عشان خاطري ... هكون مؤدب ، وهمسلها وقال ممكن

آمنه : هزت راسها بمعني ماشي

في اوضتهم الخاصه

مراد كان واخد آمنه في حضنه وهيه تقريبا نامت خلاص..

ابتسم علي شكلها اللي زي الاطفال وهيه نايمه وملس علي خدها بحنيه وغطاها كويس وخرج

أمل : مراد !! انت لسه مروحتش الشغل

مراد : لأ روحت ورجعت تاني

أمل : ليه يا حبيبي فيك حاجه

مراد : ابتسم وقال. لا ابدا بس جيت اشوف أمونه وراجع تاني

أمل : ابتسمت وقالت.  ربنا يسعدكم يا حبيبي 

مراد : يلا انا همشي بقا

أمل : مع السلامه يا حبيبي

____________________________________

مر اكثر من شهر

ونجح هشام اخيرا في اختبارات الكليه كلها وكان منتظر مكالمة القبول وبس

كانت أمونه عزماهم كلهم علي الغدا 

 وكانت عازمه سامح وفتون ، نادر وأمل ، ورائد ونورا ، وحازم ودعاء

طبعا كانت آمنه مشغوله جدا بتجهيز الاكل وناسيه مراد

دخل مراد ليها المطبخ وهو مضايق جدا وعمله ساندوتشات وخرج راح لشقته من غير كلام

آمنه استغربت رد فعله وندهت لامل تكمل الاكل وراحتله علي الشقه

آمنه : مالك يا مراد

مراد : مفيش

آمنه : ازاي مفيش .. وانا تايهه عنك ، وبعدين دخلت عملت ساندوتشات لنفسك وخرجت كدا من غير كلام

مراد : ملوش لازمة الكلام معاكي ... كدا كدا مفيش فايده يبقي هتكلم ليه

آمنه : وقفت قدامه وقالت واضح ان الموضوع كبير وانا مش واخده بالي 

مراد : وهو من أمته وانتي بتاخدي بالك مني يا آمنه هااا.. انتي كل اللي يهمك تطمني عليهم وبس ومراد آخر اهتماماتك ، خلاص مدام مراد بيضحك ويهزر معايا يستحملني لحد ما أروقله ... مش كدا 

تفكيرك الاول كان فيهم كلهم . حماتك، حازم ، دعاء ، معتز ، هشام ..... ودلوقتي بقا تفكيرك زايد عليهم بنات عمي صابر ونورا واخواتي البنات 

وانا ... انا يا آمنه فين من كل دول ... كل واحد منهم واخد من عقلك مساحة تفكير كبيره ، بس انا حاسس اني مليش اي مساحه جواكي لا في قلبك ولا في عقلك مش كدا

آمنه : ابتسمت وقالت لا طبعا مش كدا ، وانت فاهم غلط

مراد : طب فهميني انتي الصح

آمنه : لفت ايدها حوالين رقبته بدلع. وقالت الصح يا سي مراد أننا معتبره نفسي أننا مكتوب كتابنا وبس ... يعني لسه في حكم المخطوبين

مراد : بسخريه. وامته هنحدد معاد فرحنا احنا كمان

آمنه : قربت منه أكتر وسندت جبينها علي جبينه وقالت . متستعجلش ... انت صبرت عليا عشان تعرف انا بحبك ولا لأ وعرفت أجمل مفاجاه حصلتلك ... ولا هتنكر

مراد : بصوت ضعيف. آمنه انا محتاجلك بجد ... ارجوكي افهميني بقا

آمنه : ابتسمت وقالت. طب استني بس يومين كمان

مراد : بضيق. تاااااااااني يا آمنه

آمنه : والله هما يومين وبس

مراد : ضيق عيونه بتركيز وقال. اوعي يكون اللي فهمته

آمنه هزت راسها بمعني آه

مراد : طب اي حاجه تصبيره كدا عشان.....

قطع كلامه صوت هشام وهو بيصرخ من الفرحه وبيقول : أنا اتقبلت يا أموووونه انا بقيت ظابط يا مراد  هيييييه زغروطووولي 

آمنه ضحكت وبصت لمراد وقالت : تعالي نشوف المجنون دا 

خرجو الاتنين وكان هشام مشغل اغنية وحيات قلبي وافراحو وبيرقص عليها مع سيف وعبدالرحمن وامل ونهي بيضحكوا عليهم

آمنه : هههههههههه يعني ظابط وهتفضل فرفوش كدا

هشام : الظابط الفرفوش رزق يا امونه 

نهي : خلاص بقيت ظابط .. ما تستني يمكن تترفد ان شاء الله من اول اسبوع ومستقبلك يضيع 

هشام : الهي لسانك يضيع في صحرا ملهاش خريطه يا شيخه .. بطلي دبش بقا ايه دا ، هيه دي مبروك

أمل : هههههههه الف مبروك يا أتش 

مراد : فتح دراعه وحضنه وقال. الف مبروك يا حبيبي عقبال ما اشوف اسمك في لائحة كبار الظباط يارب

هشام : حضنه اكتر وقال. انت عملت اللي اخواتي معملهمش ... ولو عشت عمري كله عشان اعرف اردلك خدمة العمر دي مش هعرف 

مراد : طبطب عليه وقال هتزعلني منك كدا ... يعني انا مش اخوك

هشام : وأكتر من اخويا والله يا مراد 

آمنه : فككو بقا من جو الفرحه الحزين دا ، قولي يا هشام هتمشي أمته 

هشام : بكره ان شاء الله هكون في الكليه الساعه 6 الصبح ... مش عارف ليه بدري كدا

أمل : ههههههه انت هتختار من دلوقتي وهتكسل

مراد : يلا يا بطل جهز نفسك وجهز حاجتك من دلوقتي وشوف اللي ناقصك ايه وكمله

آمنه : ابتسمت وقالت ربنا يخليك لينا يا مراد

____________________________________

في المساء

الكل اتجمع في بيت مراد وكانت سهره عائليه جميله .. فرحتهم بلمتهم ، وفرحتهم بقبول هشام في الشرطه

حازم : الف مبروك يا أتش .. والله وهتبقي ظابط 

دعاء : اخيرا حلمك اتحقق يا هشام ... دا انت كنت مصدعنا 

هشام : بكبرياء مصطنع. اتكلمي معايا بأسلوب احسن من كدا 

سامح : لا لا اتلم كدا بكره تيجي عندنا وهدورك مكتب وخدمه

هشام : وعلي ايه يا عم الطيب احسن

فتون : يعجبني فيك جرأتك يا اتش

نادر : ضحك وقال بكره محدش هيعرف يكلمه بقا هيبقي ظابط

هشام : وانت تعرف عني كدا يا ندوره .. بس اتخرج وانا هديكم بالجزمه

آمنه : ربنا يوفقك يا حبيبي

رائد : بكره هشام لما يتخرج من الشرطه شخصيته هتختلف تماما ... الشرطه بتعلم الجد شويه ، وهتنسي الروح الفرفوشه دي وهتودعها

نورا : يا لهوي مكنش يومك يا هشام ... يعني هتبقي ظابط جد كدا وتشخط فينا

هشام : تفي من بوقك يا شيخه .. مين دا انا ابقي ظابط وجد كمان ، لا دا كتشير

آمنه : مش كل الناس بتتعلم القسوه والجد من الشرطه ... واتكلمت بحب وبصت لمراد وقالت : عندك مراد أهو ظابط ، بس عمرك مهتقابل في حنية قلبه 

مراد : مسك أيدها وباسها وقال ربنا يخليكي ليا يا حببتي 

هشام : تؤتؤتؤ فيه اطفال معانا يا جماعه وشاور علي نهي

نهي : طفله في عينك .. اعمي ما بتشوفش

الكل ضحك عليهم ... وفي الوقت دا رن جرس الباب وقام فتح مراد واتفاجئ بمعتز

مراد : معتز !!

معتز : ممكن ادخل

مراد : طبعا يا معتز دا بيتك اتفضل

دخل معتز والكل استغرب من مجيئه 

معتز : أ.أ.أنا آسف لو هاخد من وقتكم شويه ... بس عرفت من هشام انكم متجمعين النهارده،  وحبيت آجي اشوفكم واشوف لمتكم الحلوه وضحكتكم الصافيه اللي انا اتحرمت منها ... وانا اللي حرمت نفسي منها بغبائي 

أنا جاي اعتذر منكم كلكم وعايزكم تسامحوني لو كنت غلطت في حق أي حد منكم ... وكمل كلامه بدموع وقال : أعتبروني عيل وغلط 

أنا عرفت قيمة كل واحد فيكم بس بعد فوات الاوان

عايز اقولك يا امونه أني عرفت قيمتك من وقت ما سبتي البيت ومشيتي بس انا اللي كنت بكابر 

وعايز اقولك يا حازم يوم ما قولتلك الكلمه اللي كانت سبب في انك تسيب البيت وتمشي ، ووالله العظيم حسيت بخنجر في قلبي طعني لما عرفت انك مشيت خلاص ... بس كابرت كالعاده

وعايز أقولك يا هشام اني كان جوايا حرب لما قالتلي انك عملت فيها كدا وكان قلبي وعقلي واحد بيقولي صدق والتاني يقولي متصدقش ... بس برضو دوست علي قلبي وخسرتك

وانت يا مراد ... مش عارف هتصدقني ولا لأ،  بس والله فرحت اوي لما قولت انك عارف حقيقة آمنه وانها مبتخلفش ومع ذلك راضي بيها ... لانك لو كنت خسرتها في الوقت دا بسببي كنت هحس بذنب كبير اوي ، اكبر من اللي انا حاسه ... وفرحت،  والله العظيم فرحت انك جنبها لاني حسيت انك هتخاف عليها مني ومن تفكيري انا وكاميليا 

انا كنت زي اللعبه اللي بتتحرك بخيط ومربوطه في ايدها .. كاني كنت متكتف وأعمي

عمتني عن حقايق كتيره اوي مشوفتهاش ... عمتني عن وجود أكبر نعمه في حياتي اللي هيه امي الله يرحمها ومش عارف هيه ميته راضيه عني ولا لأ 

وعمتني عن وجود نعمه تانيه وهو انتي يا امونه وعبدالرحمن وسيف ، وعن وجودك يا دعاء انتي وتالا ، وعن وجود سندي في الدنيا .. اخواتي 

وبص في الارض وقال : وعن وجود حب حقيقي كان في حياتي بس خسرته ، وافضل اننا خسرته ، لاني مستاهلوش 

والحمد لله اننا بتعاقب في الدنيا علي غلطاتي ، لاني مش هستحمل عقاب الاخره

بس طلبي منكم تسامحوني ، ولو اي حد شايل في قلبه حاجه ليا يسامحني فيها  ... بعد اذنكم وسابهم ومشي 

____________________________________

في شقة مراد

كان هشام بيظبط حاجته اللي هياخدها معاه .. ودخله مراد

مراد : ها يا بطل جهزت حاجتك

هشام : آه خلاص .. وقعد علي السرير وقال : أنا من كتر فرحتي مش جايلي نوم

مراد : لأ حاول تنام عشان اللي جاي هيبقي صعب عليك شويه ... لازم تعرف انك داخل شرطه ، يعني نظام ... وحط تحت الكلمه دي الف خط 

لازم تنفذ التعليمات اللي تنطلب منك بدون نقاش ، ومتتكلمش مع حد ابدا في اي حاجه تخص كليتك ولا تشتم علي حد معاهم 

لازم تعرف انك محاوط ومتراقب ال24 حتي وانت نايم متراقب... لازم تعدي ال4 سنين بتوع الكليه دول بسلام 

وحاول تتحكم في اعصابك بكامل قوتك ، لانك هتتعرض للضغط كتير . ومطلوب منك تنفذ وتسكت ... وان شاء الله كل اجازه تنزلها هعرفك حاجات كتير وهفهمك علي اللي عايز تفهمه

هشام : متحرمش منك يا مراد ... بس انا عايز منك طلب

مراد : اؤمرني يا حبيبي

هشام : الامر لله... انا بس عايزك تحنن قلب امونه وحازم علي معتز ، وانت كمان تنساله اي اذيه ... معتز اخويا ندمان بجد ، كفايه انه بقا لوحده 

مراد : متقلقش .. من غير ما تقول . انا كنت ناوي علي حاجه كدا هعملها واصالحهم علي بعض كلهم ، لاني حسيت بندمه فعلا النهارده

المهم انت ركز في كليتك وان شاء الله اول زياره ليك هجيلك انا وسامح نطمن عليك ... يلا اسيبك تنام ، تصبح على خير 

هشام : وانت من اهله ... وقفل شنطته وحاول ينام معرفش ينام

قرر يخرج شويه للبلكونه .. بس لقي نهي واقفه قصاده في بلكونتهم

هشام : سهرانه ليه يا نهي

نهي : ابتسمت وقالت أبدا مش جايلي نوم

هشام : أممم.. تلاقيكي فرحانه أني همشي وهسيبك ، آه طبعا هترتاحي من وشي ومن مناقرتي ليكي... وزمانك بتدعي عليا مينزلونيش اجازه ابدا

نهي : ضحكت وقالت أبدا والله .. دايما ظالمني كدا

هشام : طب سهرانه ليه

نهي : اتنهدت وقالت . بفكر في اللي جاي

هشام : اللي جاي احلي من غيري طبعا 

نهي : هزت راسها بمعني لأ.  وقالت مفيش حاجه حلوه من غيرك يا هشام ... انا شايله هم اللي جاي من غيرك ... وشايله هم اني هصحي الصبح مش هلاقيك قدامي ولا نتخانق مع بعض زي كل مره 

هشام : ...............

معلش اتأخت عليكم ❤️❤️❤️❤️❤️

🌱آمنه 🌱 الأخير 

"عطاء وقسوه "

🌴الفصل العشرون🌴  (الأخير)

في شقة مراد

كانت نهي وهشام واقفين في البلكونه ، واستغرب هشام كلمة نهي

هشام : نهي انتي بتقوليلي أنا الكلام دا

نهي : مسحت دموعها وقال. اكيد طبعا لازم تستغرب ... يعني ايه عيله بالنسبالك تفكر فيك ، منتا بقيت ظابط خلاص مش كدا

هشام : لا والله مش كدا خالص.. انا مش مصدق اللي بسمعه منك دا انه ليا أنا

نهي : منتا اللي غبي .. مفهمتش يوم عيد ميلاد صحبتي وانت بتتكلم مع دنيا ، كنت ازاي هموت من الغيظ

هشام : حسيت... بس كدبت نفسي لانك كنتي بتهزقيني كتير

نهي : كنت بهزقك من غيظي من نفسي ... اننا خلاص وصلت لمرحله مش قادره اسيطر فيها علي مشاعري بسببك

الصبح لما جاتلك موافقة القبول للكليه ... انا قلبي وجعني لاني عارفه انك هتقعد كتير علي ما نشوفك تاني اكتر من شهر ونص.. 

وانا عارفه وواثقه انك هتكون ناجح جدا في كليتك ... لكن انا اللي مش واثقه من نفسي اني أدخل كليه كويسه ، يعني طب او هندسه او صيدله عشان اليق بيك ... وبكره انت تدور علي واحده من المستوي دا يناسبك 

هشام : ابتسم وقال : طب انتي حابه تكوني ايه 

نهي : ابتسمت وقالت.  حابه أدخل كلية (علوم ذوي الإعاقة والتأهيل) ... لاني شايفه ان النجاح في انك تساعد طفل يتكلم مش اقل من نجاحك كدكتوره .. واتنهدت وقالت : عشان كدا عارفه اني مش هكون مناسبه لكليتك  

هشام : أنا فخور بيكي أوي يا نهي ... وعايزه الخصلك كل الهبل اللي قولتيه دا بحاجه واحده

نهي : إيه

هشام : لو مكملتيش تعليمك .برضو مش هحب غيرك .... خلصانه

نهي : ابتسمت بسعاده وقالت يعني انت...

هشام : ودين أمي بعشقك يا مجنونه ... يا مازوت قلبي وغمزلها

نهي اتنططت مكانها من الفرحه ودخلت لجوه

هشام : خدي يابت استني....

وفضل يلف بسعاده ودخل لمراد اوضته وصحاه من نومه

هشام : مراد ... اصحي يا مراد بقا لحقت تنام

مراد : فتح عيونه بصعوبه وقال ايه يا بني الساعه كام

هشام : لأ انت ملحقتش تنام اصلا .. بس اصحي كدا عايزك في موضوع مهم 

مراد اتعدل في مكانه وقال : أمم ارغي

هشام : أحمم.. بص انا عارف انك ممكن تفهمني غلط في اللي هقولهولك ... بس والله أنا ... 

بص يا مراد ، الحكايه هو اني .. غصب عني والله ، وانت عارف ان يعني المشاعر لما...

انت اكيد فاهمني صح

مراد كان ساند راسه علي كفة ايده ومضيق عيونه بتركيز وقال : وهو انت قولت جمله واحده تتفهم عشان انا افهمك

هشام : ابتسم وقال.  علي بلاطه كدا

مراد : ايوا

هشام : ومن الاخر

مراد : ياريت

هشام : ومن غير لف ودوران

مراد : ما تنجز بقا دوختني

هشام : اتكلم بسرعه وقال. بص بقا من الاخر يا مراد أنا بحب نهي

مراد : برق عيونه وقال. سمعني تاني كدا

هشام : ب.ب.بحب نهي

مراد : يا بجاحتك يا اخي ... بقا بتبصبص لاختي من ورايا وجاي تعترفلي  ... يا أخي راعي أننا متجوز مع إيقاف التنفيذ واحترم مشاعري ، مش تبصبص

هشام : أبصبص ايه بس بلا نيله وهيه اختك الواحد هيبصبصلها علي ايه .. علي لسانها اللي عايز قطعه ولا علي قصرها

مراد : ضحك وقال . اومال حبيتها ليه 

هشام : انت حبيت امونه ليه

مراد : ضحك وقال.  انت بترد سؤالي بسؤال ... طب انا احب محبش اتجوز .. عادي لاني خلصت تعليمي وبشتغل ومعايا قرش افتح منه بيت ... لكن انت اللي لسه اول يوم بكره ليك في كليتك وبتبدأ مشوارك.. بتحب ليه ، مش لما تكمل موارك وتنهيه تتكلم علي الحب

هشام : أنا مش طالب منك اي حاجه غير انك توعدني ان نهي ليا وبس .. وانا اوعدك هخليك تفتخر بيا

مراد : طب اوعدك علي اساس ايه بس مش لما اعرف رأيها

هشام : حك شعره باحراج وقال. أحممم أ.أ.أنا حاسس منها بقبول

مراد : دا انا بتقرطس بقا

هشام : تعدمني

مراد : اتنهد وقال . عموما يا سيدي خلص كليتك براحتك وانا اوعدك لو هيه موافقه انا معنديش مانع 

هشام : حضنه بفرحه وقال. حبيبي يا ابو نسب

مراد : ههههههه شكلي هرجع في كلامي

هشام : لا لا لا خلاص ... يلا بقا انا هروح انام وسابه ومشي

مراد ابتسم وقال : يا خوفي يا امونه تاجلي دخلتنا مع هشام ونهي ... تقوليلي عشان اطمن عليه بالمره

____________________________________

في صباح اليوم التالي 

جهز هشام نفسه بدري وكان مراد جاهز هو كمان عشان يوصله

مراد : جاهز يا هشام

هشام : ايوا يلا بينا ... بس كنت عايز اسلم علي أمونه بس

مراد : ضحك وقال أمونه برضو

هشام : ما خلاص بقا يا حاج ... هااا ممكن

مراد : يلا بينا

ودخلو لشقته هو وصحاهم كلهم يسلموا عليه

آمنه : خلي بالك من نفسك يا هشام 

هشام : حاضر ... ادعيلي ربنا يوفقني

آمنه : ربنا يسترها معاك يا حبيبي 

هشام : يارب ... وبص لأمل وقال اشوف وشك بخير يا أمل

أمل : هتوحشنا خفة دمك والله يا هشام

هشام : سايبلك برطمان جوه فيه شويه ... حافظي عليهم بقا لحد ما ارجع

نهي : ضحكت من بين دموعها وقال. طب ادينا فرصه نعيط بس

هشام : وتعيطي ليه يا نهي ... ادعيلي وخلي بالك من نفسك 

وبصلهم كلهم وقال : لا إله إلا الله 

الكل : محمد رسول الله

ونزل مع مراد واتجهو للكليه

____________________________________

بعد مرور أسبوع

كان مراد في شغله وجاله اتصال من آمنه

مراد : ايوا يا حببتي

آمنه : بتعب. مراد انا تعبانه اوي 

مراد : وقف بلهفه وقال. تعبانه من ايه يا حببتي طمنيني

آمنه : مش عارفه يا مراد حاسه اني ضغطي عالي وهيغمي عليا .. ممكن تيجيلي 

مراد : انا جايلك حالا .. وقفل معاها وخرج بسرعه وركب عربيته واتجه للبيت

كان طالع بيجري علي السلم وفتح الباب وهو قلقان ... لكن اتفاجئ بالبيت وهو متزين بالبلالين 

وقف مكانه مصدوم من الي شايفه .. لكن اخيرا استوعب ان النهارده عيد ميلاده

ابتسم من الفكره .. وابتسم أكتر لما شاف آمنه وهيه خارجه من الاوضه بكامل انوثتها .. كانت خارجه بفستان احمر قصير وكب ورافعه شعرها لفوق ومنزله خصلتين من الجنب ... كانت حقيقي مثيره للغايه

قفل مراد الباب وراح عندها وقال : إللي انا شايفه دا بجد

آمنه : لفت ايد واحده حوالين رقبته والايد التانيه مسكت بيها قميصه وقالت : قولتلك اصبر عشان كدا ... حبيت ان يكون فرحنا يوم عيد ميلادي .. وداعبت ارنوبة انفه بانفها وقالت : ويوم ميلادك

مراد : ابتسم وقال . انتي عيد ميلادك النهارده انتي كمان 

آمنه : آه .. وبصراحه مكنتش أعرف عيد ميلادك ، عرفته من امل بالصدفه امبارح... وفرحت اوي أننا وانت يوم ميلادنا مع بعض وهنبدأ سنه جديده من عمرنا مع بعض 

هنبدأ يوم ميلادنا بالحب ... وننهي اليوم بالحب برضو

مراد : بلؤم. بس نص اليوم هنضيعه في إيه كدا 

آمنه : بخبث . أممم.. ممكن نتفرج علي التليفزيون 

مراد : ضحك وقال . طب لازم تتعاقبي الاول علي خضتي دي ... انا ركبي سابت وافتكرتك تعبانه بجد

آمنه : اتعاقب !! بدال ما تقولي تاخدي هدية عيد ميلادك الاول 

مراد : حاوطها من وسطها وقال. وانا معنديش مانع أنك تتعاقبي وأهاديكي بعيد ميلادك الاول ... بس اختاري عايزه ايه الاول

آمنه : ضحكت بدلع وقالت. اللي تختاره

مراد : أنا بقول نبدأ بالعقاب .. عشان تاخدي هديتك ونبدا حياتنا واحنا نفوسنا صافيه ...............

ونباركلهم بقا الحمد لله 😂

____________________________________

في بيت حازم ودعاء

كانو بيجهزوا شنطهم عشان خلاص هينزلوا يستقروا في القاهره 

دعاء : انا مش مصدقه أننا اخيرا هنستقر في القاهره وسط حبايبنا يا حازم 

حازم : ابتسم وقال.  عملت المستحيل عشان انقل شغلي .. كله عشان خاطر عيونك يا حببتي 

دعاء : ربنا يخليك ليا يا حبيبي .. بس قولي حد عارف اننا نازلين

حازم : لأ محدش يعرف غير رائد بس .. عشان هو اللي اشترالي الشقه

دعاء : طب يلا بقا عشان منتاخرش .. بس قولي انت ليه مش عايز تستقر في البلد زي زمان 

حازم : شغلي هيكون في القاهره .. قولت خلينا جنب شغلي وخلاص ، وبعدين هنقعد في البلد مع مين 

دعاء : مع معتز

حازم : لازم يفضل لوحده .. عشان يعرف ان سبب فرقتنا هو ، ويفضل ندمان عمره كله

دعاء : لا يا حازم مينفعش انت كمان تقسي عليه .. كفايه اللي هو فيه

حازم : لازم اقسي عشان لما نرجع نتلم تاني .. يعرف قيمتنا ، وقيمة اللمه

____________________________________

في كلية هشام

كان هشام قاعد سرحان وجه عليه زميله وكان اسمه معاذ

معاذ : إيه ياعم الهايم .. سرحان في ايه

هشام : ابتسم وقال.  ابدا مفيش ... بس اهلي وحشوني اوي

معاذ : ربنا يخليهملك يارب .. يابختك عندك أهل

هشام : ليه انت ملكش اهل

معاذ : اتنهد وقال. لأ 

هشام : اومال انت جيت ازاي

معاذ : جيت في تاكسي

هما الاتنين ضحكوا وخبطوا كفهم ببعض

معاذ : أنا يا سيدي ابويا وأمي متوفيين ، واللي ربتني خالتي وكنت عايش معاها هيه وجوز خالتي  .. بس للاسف توفي من فتره برضو

هشام : ربنا يسترها علي خالتك ... وجايلي تتعرف عليا ليه ، جاي تخلص عليا ولا إيه 

معاذ : هههههههه لا يا سيدي بس زي ما انا قولتلك . انا وحيد مليش اخوات ومليش غير خالتي .. وكمل كلامه بابتسامه وقال : وبنتها

هشام : وهيه بنتها بتضحك اوي كدا ... ايه الابتسامه السئيله اللي حصلت دي

معاذ : والنبي محد سئيل غيرك يا فصيل .... واتنهد وقال انا بنت خالتي دي لسه في  اولي ثانوي ... بس مش قادر اوصفلك حبي ليها قد ايه

هشام : ابتسم وقال. ربنا يسعدكم.... واسمها ايه 

معاذ : ابتسم وقال. حنين ..... وانت بقا حكايتك ايه

هشام : ما تفرقش عن حكايتك كتير ... انا برضو ابويا وامي متوفيين ، وعايش مع مرات أخويا وجوزها و....

معاذ : هههههههههههههه ههههههههههه ..... لا حلوه يا معلم مرات اخويا وجوزها دي .. ما تقول اخويا ومراته ايه الغباء دا

هشام : يا متخلف انت لأ مع مرات اخويا الكبير .. اخويا الكبير اصلا متوفي ومراته اتجوزت وانا عايش معاها هيه وجوزها .. فهمت

معاذ : عروستي

هشام : قوم نام يالا

معاذ : يعني انت ملكش اخوات عشان كدا عايش مع مرات اخوك .. اقصد اللي كانت مراته

هشام : لأ عندي اتنين واحد متجوز وعايش في السلوم هو ومراته وبنته والتاني مطلق وعايش لوحده

معاذ : مصمص بشفايفه وقال. كبد امك يابني ... صعبت عليا والله 

هشام : الحال من بعضه يا خفيف

معاذ : علي رايك ... بس واضح ان جوز مرات اخوك دا جدع .. هههههههههه مش متخيلها بصراحه

هشام : ضحك. وقال اجدع حد ممكن تقابله هو مراد جوزها .. ربنا يسعدهم يارب 

معاذ : اشطا يا اتش شكلنا هنبقي اصحاب .. فينا حاجات مشتركه

هشام : ايوا .. يتمي زي بعض وتجمعنا الروح الفرفوشه

معاذ : طب يلا بقا عشان المحاضره هتبدا

____________________________________

في بيت مراد عزام 

كان مراد واخد آمنه في حضنه ومشغل اغنيه ليها تامر حسني ( واخيرا)

وأخيرا جه اليوم هبقي معاااه

شوف كام سنه بستناك

ولا مره تعبت وقولت دا حب خيااال

أتفرج بقا هعملك ايه .. 

انا قلبي حافظت عليه 

اوصفلك ايه مش لاقي كلام يتقال

مراد : وأخيرا يا قلبي بقيتي مراتي رسمي فهمي نظمي ... واتنهد وقال: تعبتيني معاكي أوي

آمنه : ابتسمت وقالت خلاص بقا يا مراد... متحسسنيش أننا قاسيه أوي كدا

هنحب حب عمر ما قلب حد حس بيه

هتحكي الناس عليه

هيقولوا شوفو حبو بعض قد ايه

مراد : اوعدك يا آمنه أنك هتعيشي معايا أجمل حب ممكن تشوفيه او سمعتي عنه .. اوعدك هنكون زي الروايات ، الافلام او حاجه كدا خيال ........ مسك دقنها بأيده وقال:  وهخليكي تندمي علي كل لحظه بعدتي عني فيها

آمنه : ابتسمت وقالت مش محتاجه وعد منك .. أنا متأكدة من كدا ، وعارفه اني هعيش معاك حب الخيال ... وملست علي خده بحنيه وقالت : لانك خيال 

مراد : قرب عليها وباس جبينها

أتمني نجوم السما تتجاب

هيه الفرصه دي تتساب

حبيت الدنيا معاك من اول يوم

هسهرلك بدل الليله سنين

مش محتاج ناس تانيين

مين يقدر يسمع صوتك ويجيله نوم

آمنه : مراد

مراد : قلبه

آمنه : ابتسمت وقالت. تتمني ايه دلوقتي من ربنا

مراد : ضمها ليه وقال. أتمني من ربنا ميفرقش بيني وبينك ابدا 

وبصلها وقال : طب انتي تتمني ايه

آمنه : مش هتتريق عليا

مراد : ابتسم وقال. لأ 

آمنه : بخجل. بتمني من ربنا يرزقني بطفل منك .... عشان يكمل قصة حبي ليك

مراد : ضمها ليه أكتر وقال. عموما مش هيبقي اول طفل ليا ... انتي متعرفيش اننا عندي طفلين

آمنه : عقدت حواجبها وقالت. نعمم!!

مراد : ابتسم وقال.  أممم اعرفك بأسمائهم.. سيف وعبدالرحمن

آمنه اتنهدت براحه وقالت : وقفت قلبي ياأخي

مراد : ضحك وقال. بس عموما لو جه طفل فأنا اتمني تكون بنت 

آمنه : وهتسميها إيه

مراد : لو عليا اسميها آمنه ... بس مش عايز غير آمنه واحده بس في حياتي ...عشان كدا هسميها اسم قريب من اسمك ، فهختارلها "يمني" او "أمنيه"

آمنه : ابتسمت وضمته وقالت. بحبك اوي يا مراد

مراد : اتنهد وقال.  بعشقك

وكمل كلامه بلؤم وقال: ويلا بقا عشان نعوض اللي فات ونلحق نجيب الست يمني.......

هتحب حب عمر قلب حد ما حس بيه

هتحكي الناس عليه

 هيقولوا شوفوا حبو بعض قد ايه

____________________________________

في بيت موسي الشهيدي 

وصل معتز من شغله وهو جعان جدا .. ومش عارف يعمل اكل ايه 

قرر يروح يشتري اكل جاهز من البقاله .. واخد فلوس وراح لصابر

معتز : ازيك يا عم صابر 

صابر : الحمد لله يابني .. اتفضل

معتز : تسلم .. كنت عايز أي اكل جاهز كدا وعيش

صابر : ابتسم وقال.  طب ايه رايك تيجي تتغدي معايا .. انا عامل صنية مكرونه بشاميل بس ايه مقولكش .. هتاكلها من هنا وتعمل غسيل معده من هنا

معتز : هههههههههه طب وعلي ايه يا عم صابر بس الاكله دي

صابر : بس تعالي بس ومش هتندم 

 قفل البقاله واخد معتز وطلع لبيته وجهزوا الاكل مع بعض وقعدوا اتغدوا

معتز : تسلم ايدك يا عم صابر

صابر : بالف هنا يابني .. علي ايه بس دا اكله علي الماشي

معتز : لا والله متقولش كدا .. انا كنت جعان فعلا وشبعت

صابر : بقولك ايه يا معتز يابني .. انت عايش لوحدك وانا عايش لوحدي 

ايه رايك تيجي تعيش معايا هنا وخلاص واهو نونس بعض

معتز : ابتسم وقال.  بس مش عايز ازعجك يا عم صابر .. وخصوصا لو حد من بناتك جه ولا كدا

صابر : بدور ومسافره .. وفتون بتيجي هيه وجوزها مره كل اسبوع عشان شغل جوزها ومبيكملوش ساعه ... يعني مفيش مدايقه ولا حاجه

معتز : طب ما تيجي انت تعيش معايا

صابر : معرفش انام الا في فرشتي يابني .. اعذرني

معتز : ابتسم وقال. طب بص انا هاكل وهسهر معاك كل يوم .. بس النوم هروح البيت عشان هدومي هناك 

صابر : اللي يريحك يابني 

معتز : اتنهد وقال. ربنا يخليك ليا ياعم صابر .. جيتلي في الوقت المناسب

____________________________________

في بيت سامح وفتون 

كانت خناقه مابينهم بسبب الشغل وتاخير سامح 

فتون : انا زهقت يا سامح من تاخيرك كل يوم في الشغل دا بقا 

سامح : يا حببتي ظروف.. انا مش شغال في الملاهي يعني انا ظابط وحكم شغلي كدا ، واوقات يطلبوني الفجر ... واوقات اطلع مؤموريات ، دا غصب عني وانتي لازم تستحمليني

فتون : منا بزهق من القعده لوحدي اعمل ايه

سامح : خلاص يا ستي متزعليش ... ايه رايك نخرج نتعشي مع بعض دلوقتي

فتون : لو مفيهاش تقل عليك يعني ... ممكن نروح لبابا اصله وحشني اوي

سامح : ابتسم وقال.  بس كدا عيوني ... مدام دا اللي يرضي تونة قلبي 

فتون : حضنته وقالت. آسفه لو كنت اتعصبت عليك يا حبيبي 

سامح : بزعل مصطنع وبدلع. لأ زحلان

فتون : زحلان ... وانا ميرضنيش زعل سموحه حبيبي وعشان كدا هصالحه حالا.........

____________________________________

في بيت رائد ونورا

كانت نورا ورائد بيتفرجوا علي شقتهم بعد ما خلاص اتفرشت

رائد : ها يا قلبي ناقص حاجه تانيه

نورا : اتنهدت وقالت. لأ 

رائد : مالك يا حببتي ... فيه حاجه مش عجباكي في الفرش

نورا : بالعكس... انت فرشك جميل اوي ، بس ... بس

رائد : بس ايه اتكلمي

نورا : ي.ي.يعني اناااا فرشي مش قد المقام و....

رائد : قطع كلامها وقال. شششش اوعي اسمعك بتقولي الكلام دا تاني يا نورا هزعل منك اوي

نورا : عيونها دمعت وقالت. أنا بس مش عايزه حد يقول كلمه تجرحني لما حد يجيلك ويشوف البيت والفرش

رائد : مين هيشوف الفرش بس .. دي شقتي انا وانتي مفيش حد هيدخل اي مكان غير الصالون وبس

نورا : باستغراب. ازاي!! هو مش عندكم اللي بيجي يبارك بيدخل يتفرج علي البيت وفرش العروسه وكدا

رائد : هههههههه ليه ان شاء الله هنعرضها للبيع .. دا مملكتنا انا وبس

ومسك ايدها وحطها علي صدره وحاوطها من وسطها بدراعه وقال : عارفه يعني ايه مملكتنا .. زيك كدا ، مينفعش حد يشوف نورا وجمالها غيري انا وبس ... وعشان كدا مينفعش حد يشوف مملكة نورا غيرها وبس ، وهيه هتسمح لحبيبها يشوفها .. صح

نورا : ابتسمت وقالت.  انت جيتلي منين ... معقول في حد زيك كدا يا رائد

رائد : اخجلتم تواضعنا يا ستي ... بس أنا مش شايف نفسي ملاك 

نورا : بس انا شيفاك ملاك .. بحبك اوي يا رائد

رائد : اتنهد وقال. وانا شايف أننا نمشي حالا وإلا مش مسؤول عن اللي هيحصل

نورا : ضحكت بدلع وقالت. وعلي ايه بس يلا بينا لنخرج من هنا بقضيه

____________________________________

مر اكتر من شهرين

آمنه ومراد : الحب والعوض... ربنا عوضهم ببعض عن كل حاجه شافوها ، وحياتهم مستقره جدا

سامح وفتون : برضو حياتهم مستقره وفي انتظار البيبي اللي هيكمل فرحتهم

نورا ورائد : اتجوزو خلاص وكان رائد بيثبت دايما لنورا انها مملكته الخاصه وبس ... ونورا حست بالحب الحقيقي معاه وفي انتظار البيبي اللي هيكمل فرحتهم هما كمان

أمل ونادر : جهزوا شقتهم خلاص وحددوا معاد فرحهم

حازم ودعاء : استقروا في القاهره في شقه قريبه من آمنه ... وكانوا دايما بيزوروها

هشام : كان دايما بيفكر في نهي .. وعند وعده لمراد انه يفتخر بيه ... وكملت حياته بهجه بوجود معاذ زميله

نهي : كان هشام تفكيرها الشاغل .. بس كانت بتحاول تجتهد عشان توصل لحلمها زي ما اتفقت معاه

____________________________________

مرت الايام 

وجه معاد فرح نادر وامل وكان الفرح في قاعه شيك جدا 

بدأ الفرح واشتغلت الاغنيه سلو وكانت أمل مختاره اغنية عمرو دياب (بعترف قدام عنيك)

بأعترف قدام عينيك

م النهاردا أنا عمري ليك

بأعترف قدام عينيك

م النهاردا أنا عمري ليك

سيبني أحبك يا حبيبي

وأنسى روحي بين إيديك

نادر : الف مبروك يا حببتي 

أمل : الله يبارك فيك يا حبيبي 

نادر : مش ناويه تقوليلي بقا ايه اكتر حاجه عجبتك فيا

أمل : هههههههه مبتنساش أنت خالص

نادر : أنسي إيه ... دا انا مستني اليوم دا عشان اعرف أجابة السؤال دا ... يلا بقا جاوبي

أمل : ابتسمت وقالت. حاضر ... اكتر حاجه شدتني ليك شخصيتك الرجوليه اللي تشبه كتير لمراد اخويا

نادر : مش فاهم

أمل : يعني لما دعاء حكتلي علي موقف اهلك انهم راحو خطبولك آمنه من وراك ورفضت وانت لما عرفت روحت لآمنه تصلحلها اللي اتقال ، وقولتلها انتي اختي والاخ اللي يبص لاخته بصه مش تمام ميستاهلش الرجوله .. مش دا اللي حصل

نادر : ضحك وقال. آاااااااه انتي مركزه معايا من زمان بقا

أمل : يعني مش اوي .. بس عجبني شخصيتك في الموقف دا من قبل ما اشوفك ، ولما شوفتك فرحت اوي أننا قابلتك

نادر : يعني مين وقع التاني .. اصلها تفرق

أمل : بهمس. هتفرق في ايه واحنا في حضن بعض

نادر : ضحك وقال.  انا بقول نروح لبيتنا والفرحه في القلب كفايه

أمل : ضحكت وقالت دي ليلة العمر يرضيك تزعلني فيها برضو 

نادر : لا ازعل نفسي واتكتم احسن آخد مخالفه

أمل : هههههههههه شاااااطر

هو دا اللي حلمت بيه

ضحكته نظرة عينيه

هو دا اللي حلمت بيه

ضحكته نظرة عينيه

يا حبيبي وأنت جنبي

تفتكر أنا هعمل إيه ...

هو دا اللي حلمت بيه ...

مراد كان بيبص لآمنه طول الاغنيه وبيغنيلها معاها

آمنه : ابتسمت وقالت.  والله لو اتحسدنا هيبقي بسببك ... ما تعقل بقا

مراد : هود اللي حلمت بيه .. اه والنبي هيه ، وبنام كل يوم في حضنها .. مش كدا يا حببتي 

آمنه : ضحكت عليه وقالت. حالتك ميؤوس منها خلاص

مراد : طب هتصدقيني لو قولتلك انا مش مصدق نفسي لحد دلوقتي اننا اتجوزنا بجد

آمنه : قربت منه وقالت. طب احققلك احلم ازاي

مراد : لما نروح .. وغمزلها

آمنه : ضحكت بصوت عالي وقالت. طب تعالي نرقص معاهم 

مراد : ياريت ومسك ايدها وقامو يرقصو معاهم

يا حبيب قلبي الوحيد

هات إيديك نبعد بعيد

يا حبيب قلبي الوحيد

هات إيديك نبعد بعيد

كل ما عيونك تاخدني

يتولد إحساس جديد

عند نهي

كانت واقفه في مكان لوحدها وبتفكر في هشام وتتمني انه يكون معاها زيهم 

هو دا اللي حلمت بيه

ضحكته نظرة عينيه

هو دا اللي حلمت بيه

ضحكته نظرة عينيه

يا حبيبي وأنت جنبي

تفتكر أنا هعمل إيه ...

جه من وراها وقال : الجميل بيفكر فيا ولا ايه

نهي : بصتله بفرحه وقالت. هشام .... أ.أ.أنت هنا بجد

هشام : وحشتيني يا نونه

نهي : أحمم.. اتلم يا هشام لحسن أبيه مراد ياخد باله

هشام : هز كتفه وقال عادي يعني ... هو كدا كدا عارف

نهي : عارف إيه 

هشام : أنا يا ستي اعترفتله بنفسي أننا بحبك يوم ماكنت مسافر

نهي : خبطت علي صدرها وقالت. يا فضحتي

هشام : فضيحة ايه يا بنت الهبله... وهو انا متجوزك عرفي

نهي : يعني أبيه مراد عارف اننا قرطسناه

هشام : خبط علي وشه وقال.  غباء مش عايز والنبي يا نهي ... انا بحب اكون صريح وكان لازم ادخل الكليه وانا عارف موقفه ايه مني ... مكنتش عايز اعلق نفسي ، وفي نفس الوقت مكنتش حابب اضحك عليه ... مراد عمل معايا اللي اخواتي معملهوش وانا هضحك عليه .. كدا ابقي مش راجل يا نهي

مراد : جه من وراه وقال. حمدالله على سلامتك يا بطل 

هشام : حضنه وقال حبيبي يا ابو نسب 

آمنه : ضحكت وقالت.  حمدالله علي سلامتك يا اتش ... مصدقتش نفسي لما مراد قالي هيقدر يجيبك اجازه 24 ساعه 

مراد : مش اي حد يقدر يعملها دي .. هاا بس انا حسيت انك وحشتنا ، وضحك

نهي اتكسفت وحطت وشها في الارض

مراد : يابت وش كسوف اوي 

نهي : و.و.والله يا ابيه أنا ... ق.ق.قصدي هو .. هو اللي.... أ.أ.أقصد يعني .....

آمنه : مالك يا حببتي متوتره ليه بس مراد مبيحاسبكيش ، مراد عارف كل حاجه ومعترضش

نهي : بصتله بخجل وقالت. بجد يا ابيه

مراد : فتح دراعه ليها وحضنها وقال. كان نفسي تيجي تحكيلي ، بس هعذرك المرادي بس .. لانك مختارتيش اي حد .. انتي اختارتي أبن قلب امونه 

نهي : حضنته وقال. ربنا يخليك لينا يا ابيه

هشام : ممكن ارقص معاها بقا

مراد : بص حواليه وشاور علي نفسه ببراءه وقال . بتكلمني انا

هشام : آ.آ.آه ... ينفع

مراد : اتظبط يلا لاوصي عليك حبايبي

____________________________________

عند معتز

كان سايق العربيه ورايح الفرح .. بس فجاه شاف تاكسي واقف في مكان مظلم وفيه صوت استغاثه منه

وقف عربيته بسرعه ونزل منها يشوف فيه ايه .. لقي راجل بيحاول يعتدي علي بنت

شده بسرعه وفضل يضرب فيه واخد البنت من العربيه .. بس كانت بتترعش من الخوف

معتز : اهدي اهدي شويه بس ... تعالي معايا اوصلك انا

البنت : م.م.مش هتعمل زيه انت كمان

معتز : ابتسم لبراءتها وقال. لأ مش هعمل زيه يا ستي لاني مش ناقص ... اتفضلي

اخد البنت وركبت معاه العربيه وقال : رايحه فين عشان اوصلك 

البنت : دموعها نزلت وقالت مش عارفه

معتز : مش عارفه ايه ... انتي ملكيش قرايب هنا

البنت : لأ ليا .. بس مش هينفع اروح عليهم دلوقتي علي الاقل

معتز : أمم مش فاهم بصراحه 

البنت : مش مهم تفهم ... واتنهدت وقالت : متعرفش مكان أمان ابات فيه الله يخليك

معتز : حاضر .. هوصلك دلوقتي لبيت للمغتربات ... انا اعرف صاحبته معرفه شخصيه وهوصيها عليكي

البنت : ربنا يخليك يارب ... انت جيتلي نجده ، ربنا ما يوقعك في ضيقه ابدا

معتز : اتنهد وقال يارب ... انتي اسمك ايه 

البنت : أسمي رحمه

معتز : أهلا يا آنسه رحمه ..  مش آنسه برضو

رحمه : آه 

معتز : طلع الكارت بتاعه وقال. دا الكارت الشخصي بتاعي... لو احتاجتي اي حاجه كلميني

رحمه : بصت في الكارت وبرقت وقال. ه.ه.هو حضرتك وكيل نيابه

معتز : آه...مالك مصدومه ليه

رحمه : ل.ل.لا ابدا .. عموما اتشرفت بمعرفتك يا باشا

معتز : ابتسم وقال. لا بلاش باشا دي .. خليها معتز بس

رحمه اتكسفت وبصت قدامها 

ووصلها معتز للبيت واطمن عليها ومشي

____________________________________

بعد مرور عدة أيام

في بيت مراد عزام 

كانت آمنه ومراد سهرانين مع بعض في البلكونه .. وكان مراد واخدها في حضنه

آمنه : مراد 

مراد : عيونه

آمنه : ابتسمت وقالت.  عايزه أقولك علي حاجه

مراد : قولي يا حببتي

آمنه : أنا حامل

مراد : بصله بلهفه وقال. بتتكلمي بجد

آمنه : هزت راسها وقالت. آه يا حبيبي واتاكدت كمان

مراد : يعني يمني جايه خلاص

آمنه : هههههههه آه يمني الصغيره جايه خلاص

مراد : باس جبينها وقال. يا أحلي فرحه حسيتها من اول لحظه وعشت فيها

آمنه : وانت حليت ايامي من بعد ما قابلتك

يا عشق قلبي أتدري ما مدي حبي لك

فأنا تخطيت مراحل الحب فاصبح قلبي متجسداً بك

ونبض قلبي دائماً

ينبض لك ولاسمك 

فأصبحت لي حب وهبني الحياه

                             انتهت بحمد الله 

وإلي اللقاء مع الخاتمة ❤