مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

مابين الحلم والحقيقة (دار الايتام 2) 

البارت السادس والثلاثون 37الاخير 

عشق..🖋️🖋️

كلما تقترب النهاية أتمني أن يكون في يدي تأخيرها كي يطول بقائي معكم أو كي لا أعود إلي نقطه البداية..ثم اعود من جديد و أرى نفسي في نهايتها أجلس في غرفتي أنظر إلى السماء  وأسأل نفسي ماذا فعلت ؟ 

لماذا مضيت في هذا الطريق من جديد...ولكن

من منا يمضي في طريق يعلم نهايته؟ لكننا نعلم بأنه إن لم تعجبنا نهايه القصة فيكفينا أننا استمتعنا بحلاوة الرحلة🖤💔

.....

قبل الاجازه بيومين كان الكل مشغول كان في ضغط شغل رهيب عشق بتحاول توفق بين الشركه والدار والامتحانات اللي خلاص قربت الحال كان نفسه عند زهره وتمارا قرر ادم انهم يأجلوا اي مشوار خاص بالڤيلا اللي هيتجوزوا فيها عشان زهره تقدر تركز فالامتحانات بتاعتها.

عدي يوم وجه تاني يوم قبل المعاد بليله كان يوم الخميس وفي سهره البنات مع بعض

ميرنا...بقول ايه ما تيجو ننزل بكره نتمشي شويه نتغدي بره نعمل اي حاجه بكره اجازه.

عشق...انا مش هقدر بكره خالص ياميرنا انا مصدقت الاجازه تيجي عايزه بكره اضيع اليوم كله فالمذاكره الامتحان خلاص يوم الاتنين اول ماده وليل مديني انا وتمارا ونور اجازه انهرده كان اخر يوم شغل لينا لحد ما نخلص الامتحانات

ميرنا...عايزه تنزلهم بأي طريقه مش عارفه...ايوه بس مجتش من يوم عالاقل تذاكروا بنفس كده وتبقو مغيريين جو قبلها.ماتقولوا حاجه يابنات ايه مش عايزين تخرجو

تمارا....انا لا مش عايزه عشق عندها حق خلينا نخلص الاسبوعين دول علي خير وهناخد الاجازه الكبيره نبقي نخرج ونعمل الاحنا عايزينه براحتنا وبعدين احنا راجعين من قريب يعني من الساحل مافتش كتير

زهره....ايوه يا ميرنا هما معاهم حق خلينا نخلص الترم ده علي خير خصوصا اننا مقصريين جدا فالمذاكره طول الفتره اللي فاتت انا حاسه اني نسيت المنهج

نور...نسيتي المنهج ايه بس هو احنا ذاكرنا في حاجه اصلا عشان نفتكره اللي حصل لبابا والظروف اللي فاتت دي كلها محدش فينا فتح اي كتاب

ميرنا...ايه ده يعني طول الاسبوعين دول هبقي مع نفسي كده خالص😔

نور...انتي مخلصه انا لو مكانك اكلم هادي وروحي بكره قضي معاه اليوم بدل ما تفضلي اعده واحنا كل واحده فينا بتذاكر

ميرنا...انتي شايفه كده😏

عشق...نور بتتكلم صح بكره اخرجي واهو من يوم السبت انتي هترجعي عادي الشركه وهتلاقي حاجه تضيعلك وقتك

ميرنا....بقلة حيله طيب ماشي.

سهروا البنات شويه مع بعض وبعد مده بسيطه دخلت كل واحده فيهم علي اوضتها

ودخلت ميرنا واول ما دخلت قفلت الباب عليها ومسكت موبايلها تتصل علي ريما.

ميرنا...الووو

ريما...ايوه ياميرنا ايه الاخبار خلاص اتفقتوا تنزلوا بكره

ميرنا...ريما الموضوع ملعبك عالاخر شكلنا كده هنأجل

ريما...بعصبيه نأجل ايه هو تهريج مينفعش تأجيل ياميرنا لازم بكره

ميرنا...طب اعمل ايه محدش فيهم موافق ينزل بيقولوا انهم خلاص خدوا اجازه من الشركه عشان امتحاناتهم وهيبتدوا من بكره مذاكره والمشكله ان مفيش حد مأيد الفكره كنا ضغطنا عالباقي ده الكل رافض

ريما...اتصرفي يا ميرنا لازم بكره البنات يبقو عندي 

ريما...اتصرف اعمل ايه انزلهم غصب عنهم اقولهم ايه يقنعهم وينزلوا

ريما ...معرفش دي مشكلتك الوقت مش مشكلتي فكري

ميرنا..طيب اسمعي انا جاتلي فكره لو دخلت عليهم يبقي ضمنت انهم يجو معايا

ريما...فكره ايه

ميرنا...هما اقترحوا عليا اخرج انا بدل ما اعد معاهم وهما بيذاكروا انا هقول اني هعمل كده وقبل ما اخرج هعمل اني تعبانه جدا وهخليهم يضطروا ينزلوا يودوني المستشفي وقتها طبعا السواق اللي هتبعتيه يكون تحت ويجبنا عليكي

ريما...هي تمشي الفكره دي بس قدري اتصلوا بحد من الشباب يستنجدوا بيه ساعتها هتبقي مصيبه

ميرنا...ريما متعقديهاش الله يخليكي انا مفيش ادامي حاليا غير الفكره دي وعموما سبيها عليا انا هتصرف عشان كده لازم تبعتيلي السواق بدري اكيد فالوقت ده هيكونوا نايمين 

ريما...طيب تمام بس بفكرك يا ميرنا بكره دي فرصتنا اوعي حد فيهم ميكنش موجود لازم الاربعه يكونوا مع بعض..

ميرنا...ان شاء الله هعمل كل اللي اقدر عليه

ريما...تمام بكره اول ما تصحي بلغيني عشان السواق يكون في انتظاركم

ميرنا...تمام

ريما...يلا باي

ميرنا...باي

نام الجميع وخلص اليوم علي كده 

في صباح يوم جديد البنات كانوا صاحيين من الساعه 10

فطروا مع بعض وابتدوا يظبطوا الشقه مع بعض ويخلصوا كل اللي وراهم في شغل البيت عشان يفضوا للمذاكره.

اما ميرنا...فا كانت بتجهز في اوضتها وطبعا كانت بلغت ريما بانها صحيت وفورا ريما بعتت السواق تحت البيت وبعد ما خلصت ميرنا خرجت من الاوضه وهي راسمه علي وشها التعب

كانت عشق وتمارا ونور وزهره بينضفوا الريسبشن مع بعض لانه كبير جدا .

ميرنا..ايه خلصتوا

عشق...اه يعتبر خلصنا خلاص انتي نازله ولا ايه

ميرنا...اه هنزل اجيب حجات نقصاني وبعد كده هتغدي بره واحتمال اقابل هادي اخر النهار كده

نور...طب ايه اللي منزلك بدري اوي كده الجو حر استني شويه

ميرنا...لا ما عشان الحق اخلص المشوار اللي ورايا واشتري اللي محتجاه 

غمضت ميرنا عينها بتعب ومسكت فالكرسي

عشق...بخوف ايه ده مالك انتي تعبانه ولا ايه

ميرنا...مش عارفه يا عشق من شويه جالي وجع في جمبي الشمال والوقت بيزيد

عشق...طيب تعالي اعدي ارتاحي يمكن خدتي برد من التكييف انا كل ما ادخل عليكي الاقي الغطا بتاعك عالارض

ميرنا...مش عارفه يا عشق بس ده وجع غريب اوي اول مره احس بيه ميتهيأليش برد

زهره...طيب اعملك يانسون او نعناع اي حاجه دافيه تريحك

عشق...اه اعمليلها يا زهره اي حاجه دافيه هترتاح

ميرنا...لا لا مش عايزه اااااه

تمارا...ايه في ايه شكلها تعبانه

نور...طيب اجبلك مسكن

ميرنا....مسكن ايه انا فيا وجع مش قادره استحمله اااااه

عشق...ميرنا في ايه قوليلي الوجع فين بالظبط

شاورتلها ميرنا عالوجع.

عشق...ده مغص كلوي انتي الكلي بتاعتك تعبانه

ميرنا...لا خالص بقولك اول مره احس بالوجع ده اااااه الحقيني يا عشق جمبي بيتقطع

اتلموا حواليها البنات بقلق

زهره...طيب اهدي يا ميرنا حاولي تتنفسي براحه

ميرنا....ابتدت تتوجع وتصرخ من التعب بتمثيل ااااااه ااااااااه

عشق....تمارا اطلبي الاسعاف بسرعه لحد ما اكلم ليل او اي حد يلحقنا علي هناك

ميرنا...لا اسعاف لا يا عشق والنبي مش هقدر اركبها بتفكرني بمامي وانا لو ركبتها هموت زي مامي

عشق...بعد الشر متقوليش كده هتبقي كويسه خلاص بلاش يلا نوديكي المستشفي بسرعه تمارا اتصلي علي جاسر وانا هكلم ليل

تمارا...طيب حالا جريت تمارا علي موبايلها اتصلت بجاسر كان بيديها مقفول كلمته كذا مره برده مقفول

تمارا...عشق جاسر موبايله مقفول

عشق...انت كمان بتصل بليل مقفول

نور...استنوا اكلم نوح

اتصلت نور علي نوح بردو كان مقفول

عشق...استنوا اكلمهم عالبيت او علي موبايل طنط سهام البسوا انتوا بس بسرعه

جريوا البنات يلبسوا 

وبعد حوالي خمس دقايق خرجوا من اوضهم بسرعه

تمارا...ميرنا امسكي نفسك شويه

ميرنا...مش قادره ياتمارا انا بموت

تمارا...بعد الشر هتبقي كويسه والله

خرجت عشق جري من اوضتها...يلا بسرعه

تمارا...كلمتي طنط سهام

عشق....ولا بترد عالموبايل ولا بيردوا فالبيت في حاجه تقلق

زهره...لا اكيد نايمين يا عشق ده الضهر لسه مأذن انهرده اجازه وانتي عارفه انهم بيناموا اليوم ده براحتهم انا هكلم ادم واكيد عنده طريقه يوصلهم بيها

تمارا...ايوه بس هو مش بيتكلم مع ليل ولا بيروح الڤيلا

زهره...وده مش وقت زعل احنا في ظرف خارج عن أرادتنا يتصرف

يلا ننزل طيب وهكلمه فالطريق

ميرنا...اااااااه ااااااه الحقوني بسرعه

البنات...نزلوا كانوا متوترين وقلقانين جدااا كانوا بيمشوا بخطوات سريعه علي اد ما يقدروا عشان يلحقوها..

نزلوا تحت ادام المدخل وفجأه مشي براحه ادام الباب تاكسي.

عشق...وقفي التاكسي ده ياتمارا بسرعه

تمارا...تاكسييي

السواق....علي فين يا انسه

تمارا...والنبي اقرب مستشفي بسرعه

السواق...ايوه طبعا اركبوا الف سلامه ربنا يطمنكم عليها

تمارا...شكرا اركبوا بسرعه

ركبوا ميرنا ادام وركبوا الاربعه مع بعض ورا

عشق...اتصلي يا زهره علي ادم

زهره...ايوه صح استني اكلمه ادم مش بيقفل موبايله ابدا 

اتصلت زهره اداها جرس

زهره...جرس جرس

عشق...طيب الحمد لله

فضل يرن ومحدش بيرد اتصلت تاني وتالت ومفيش اي رد

زهره...مش بيرد يمكن بياخد شاور

تمارا...خلاص هما شويه وحد فيهم يكلمنا احنا معاها وهنتصرف

عشق...ربنا يستر انا قلقانه اوي

نور....اكيد نايمين يا عشق الوقت حد فيهم يكلمنا

ميرنا.....اااااه

عشق...بسرعه لو سمحت 

السواق...حاضر يا انسه

تمارا...مستشفي الزمالك هنا قريبه مش بعيده ودينا ليها لو سمحت

السواق...من عنيا.

نور...اجمدي يا ميرنا المستشفي قريبه خمس دقايق ونوصل

فضل السواق يدخل من شارع ويطلع من شارع وياخد طريق بعيد شويه عن المستشفي ويمشي في طريق ملوش علاقه بالمستشفي فات حوالي ربع ساعه من اللف وبعدوا عن المستشفي اللي كانت جمبهم اصلا

تمارا...بغضب بسيط هو انت حضرتك بتعمل ايه انت ليه بعدت كل ده دي المستشفي قريبه جدا من مكان ما خدتنا

السواق...ابدا يا انسه بس الشارع اللي بيودي للمستشفي ده طويل شويه وديما بيقي واقف وفيها نص ساعه علي ما نوصل للمستشفي فا انا باخد طريق تاني عشان اوصل اسرع

تمارا...اسرع ايه بس احنا بقالنا اكتر من ربع ساعه بنلف

السواق...الصبر خلاص هنقرب اهو

سكتوا البنات وطول الطريق بيحاولوا يتصلوا عالشباب لكن من غير فايده طول الطريق عشق من ورا ميرنا ماسكه ايدها عشان تطمنها وميرنا لسه بتمثل التعب وبتتألم.

فات حوالي ربع ساعه كمان وابتدوا يبعدوا خالص عن الزمالك 

حست تمارا بالقلق..

تمارا...بقولك ايه يا سطا انت رايح فين بالظبط. من قضلك نزلنا هنا في اي مكان

زهره...ينزلنا فين طب وميرنا

تمارا...بتوتر هنركب حاجه تانيه لازم ننزل انت رايح بينا فين

السواق...متقلقيش يا انسه يعني هو انا خاطفك  خلاص خمس دقايق وندخل عالمستشفي

تمارا...خمس دقايق ايه انت بعدت اصلا خالص عن المكان اللي كنا فيه بقولك نزلنا

عشق....بقلق هي كمان نزلنا من فضلك علي جنب الوقت حالا

ميرنا....لا خلينا ياعشق بالله عليكي مش هقدر انا بموووووت ااااه

تمارا...بقولك اقفففففف

فالوقت ده نور وزهره كانوا بيحاولوا يتصلوا علي الشباب كلهم حسوا بالتوتر والخوف للحظات.

السواق...طيب طيب براحه في ايه حاضر هقف..

هدي السواق العربيه شويه عشان يركن وفجأه وبسرعه رهيبه كان السواق لف ورش بسرعه عالاربع بنات مخدر وهو حاطط ايده علي وشه عشان ميتأثرش بالمخدر وفي اقل من ثانيه اترموا البنات علي كتف بعض وراحوا في دنيا تانيه😱 ووقعت ايد عشق من بين ايدين ميرنا

اتاكدت ميرنا انهم اتخدروا اتصلت علي ريما

ريما...ايوه يا ميرنا.

ميرنا...كلوا تمام اطمني الاربعه معايا وحاليا متخدريين

ريما...براڤو عليكي ميرنا يلا مستنياكي

ميرنا...مسافه السكه

عدي حوالي ساعه وصل السواق بالبنات..

واول ما وصلوا كانت ريما في انتظارهم هي وباقي العصابه.

شال الرجاله البنات ودخلوهم في اوضه تحت الارض في الڤيلا

ميرنا....صباح الفل

سراج...مكنتش اعرف يا ميرنا انك مجرمه كده وهتقدري تعمليها

ميرنا...بابتسامه بس عملتها

ريما...ميرنا قدها يا سراج باشا نظرتي مخيبتش فيها

سراج...لا اصل ميرنا دي بسكوتايه كده ملهاش فالجو ده خالص فا توقعت انها مش هتقدر

سامر...لا هي من ناحيه بسكوتايه فا هي بسكوتايه

ريما...بتعاكس ولا ايه يا سي سامر

سامر...الله ومعاكسش ليه بس حرام بزمتك حد يبقي ادامه القمر ده وميعاكسش

سراج...ما تسوقش فيها يا ولد انا واقف ادامك

سامر....ياباشا انا بقول رأيي فالقمر اللي واقف ادامي ده بزمتك يعني ابقي غلطت 

سراج...بضحكه بسيطه لا مغلطتش يا بطل بس خلينا فالاحنا فيه الوقت

ريما....صح كده بس عموما لسه يومنا طويل وما ظنش انهم هيفوقوا الوقت المخدر ده مفعوله ساعه

ميرنا...ايوه بس هما تقريبا وخدينه من ساعه يعني خلاص هيصحوا

ريما...حتي لو صحيوا سيبوهم شويه يصرخوا ويصوتوا وصوتهم يروح وحيلهم يتهد عشان بعد شويه لما ننفذ اللي اتفقنا عليه حيلهم يكون اتهد وميقدروش يقاوموا

هايدي ...بقول ايه يا ريما انا ليا طلب

ريما...اطلبي يا هايدي

هايدي...وقت التنفيذ عايزه اكون شايفه تمارا وعيني في عينها وهي بيحصل فيها ده

ريما...ياسلام عز الطلب متقلقيش هنعملها حفلها لو تحبي ننزل ناخد القهوه بتاعتنا ونتفرج

سامر...بضحك الله ده هيبقي فيلم ثقافي عالطبيعه وبالصوت والصوره

ريما...وبالالوان وحياتك

ميرنا...بضحك سامر ده شكله مش سهل خالص يا هايدي

هايدي...بضحك ده مش سهل خالص خالص خالص

ضحكوا ودخلوا جوه عالڤيلا

فات حوالي نص ساعه.

صحيت نور وهي حاسه بوجع في راسها حاولت تمسك راسها بايدها لكن اتفاجئت ان ايدها بتتشد وفي حاجه مسكاها حاولت تقوم وتفتكر اللي حصل وتبص عالمكان اللي كان ضالمه مش باين منه غير شعاع بسيط جاي من تحت الباب كان يادوب منور جزء بسيط من الاوضه.

نور....عشق تمارا زهره ميرنا انتوا فين حد يرد عليا

صحيت تمارا وهي مصاحبها نفس احساس الصداع تمارا بخوف نور احنا فين

نور...بدموع مش عارفه ياتمارا فين عشق وزهره وميرنا

تمارا...معرفش هو ايه اللي حصل احنا فين انا مربوطه علي كرسي مش شايفه حاجه

نور...وانا كمان.

زهره...ااااه دماغي

تمارا...زهره انتي كويسه

زهره...انا فين ايه اللي حصل

تمارا....مش عارفه يا زهره السواق رش حاجه علي وشنا ومعرفش احنا فين ولا بنعمل هنا ايه

زهره...بعياط عشق وميرنا فين

نور...عشقق ميرنااا حد يرد لو موجوديين ردوا والنبي

تمارا...اكيد موجودين هيروحوا فين بقولكم ايه

حاولوا تفكوا ايدكم باي طريقه 

نور...انا مربوطه جامد اوي

زهره...وانا كمان ايدي هتتقطع مش قادره

تمارا....لازم نحاول نفك نفسنا ونتصل بأي حد حتي لو البوليس

زهره...انا موبايلي كان في ايدي معرفش راح فين

نور...وانا كمان كنت بتصل علي نوح واكيد وقع من ايدي

تمارا...انا موبايلي في جيبي عايزين نحاول حد فينا يفك ايده ويطلعه من جيبي بسرعه

عشق....اااااه انا فين ميرنا ميرنا.

تمارا...عشق انتي هنا 

زهره...بدموع عشق انتي كويسه

نور...عشق احنا هنا معاكي

عشق...احنا فين

تمارا...منعرفش احنا شكلنا مخطوفين السواق شكله مكانش مريح 

عشق...ايوه بس فين ميرنا هي مش هنا

تمارا...منعرفش احنا مش شايفين حاجه 

عشق...ميرنا...ميرنااا ميرناااا

نور...وطي صوتك يا عشق والنبي 

زهره...انا خايفه يكون حصل لميرنا حاجه دي كانت بتتقطع من الوجع

عشق....بدموع يارب يارب بقولكم ايه حاولو نقرب من بعض بالكراسي ونمشي عالصوت لحد ما نبقي جمب بعض ونحاول نفك لبعض ايدنا.. عشان اشوف الموبايل بتاعي يمكن يكون معايا

تمارا...انا موبايلي في جيبي ومفتوح كمان يلا بسرعه قبل ما حد يجي دي فرصتنا

وعشان كمان احاول اقفل الصوت احسن حد يجي وياخده ده الامل الوحيد بالنسبالنا

عشق...طيب يلا نتحرك عالصوت بس براحه متخبطوش الكراسي فالارض عشان عشان متعملش صوت

فضلوا البنات يتحركوا واحده واحده علي صوت بعض ويقربوا اكتر من بعض بالكراسي اللي مربوطين عليها لحد ما قربوا من بعض

تمارا..  بس اسكتوا في صوت بيقرب بصوا كلهم عالباب بذغر ورعب مترقبين اللي هيفتح الباب

وفجأه لقوا شعاع النور الظاهر من تحت الباب الضل بيخفيه وصوت أوكره الباب بتتفتح...نزلت علي خد كل بنت منهم دمعه سريعه وهما في ترقب.🙄

#

مابين الحلم والحقيقة (دار الايتام 2) 

البارت السابع والثلاثون والاخير .... 

تمارا..بس اسكتوا في صوت بيقرب باصوا كلهم عالباب بذعر ورعب مترقبين اللي هيفتح الباب

وفجأه لقوا شعاع النور الظاهر من تحت الباب الضل بيخفيه وصوت أوكره الباب بتتفتح...نزلت علي خد كل بنت منهم دمعه سريعه وهما في ترقب.

عشق...بصوت اشبه بالوشوشه...متخافوش ربنا هينجينا انا واثقه

زهره...يارب يارب😭

وفجأه الباب اتفتح وابتدوا  يشوفوا ويحددوا من بعيد 

كام شخص من خلال خيالهم

واتأكدوا انهم ست أشخاص

حسوا البنات ان خلاص دي النهايه اعدين في مكان ضلمه بعد ما اتخطفو واتخدروا متربطين علي كراسي من ايديهم ورجليهم وناس بتدخل عليهم

ابتدوا يسمعوا صوت كعب عالي بيقرب عليهم البنات استغربوا لكن عشق بسرعه اتأكدت ان دي ريما وبسرعه الحلم بتاعها كان بيمر بسرعه رهيبه ادامها وشايفه كل حاجه فيه. شايفه النهايه لكن بطريقه مختلفه المرادي هما مخطوفين ليل والشباب مش معاهم مفيش حد يحميهم ولا ينقذهم ولا حتى حد يعرف عنهم اي حاجه فالحلم النهايه كانت مختلفه كان ليل هو اللي مجمعهم كلهم وبيواجهه كل واحد بخيانته وبكارثه عملها لكن الوقت ريما اللي جابتهم وهي اللي جمعتهم لكن ليه مكانتش في حاجه في بالها غير انها بتنتقم منها عشان قريها من ليل واول حاجه جت في بال عشق وقتها...انها تنطق الشهاده عشق..أشهد أن لا إله إلا الله وأشهد أن محمد رسول الله

قربت منهم ريما ووراها هايدي وسامر وسراج ووقفت فالاخر ميرنا.

ريما....طبعا انتوا مرعوبين الوقت ونفسكم تعرفوا انتوا هنا ليه ومين اصلا اللي جايبكم...

عشق....بسخريه وثقه فالنفس قتلت ريما...بيتهيألي انتي غلطانه

اكيد انا بالذات عارفه انا هنا ليه ومين اللي ورا مجينا هنا

ريما...ايه بتشوفي في الضلمه

عشق....اللي  قريب من ربنا بصيرته بتبقي اقوي فالضلمه اكتر من نور اضعاف ياريما

ريما..😳😳😳عم السكوت في الاوضه لثواني

عشق....ايه سكتي ليه مستغربه اني عرفتك

ريما...مكنتش اعرف ان صوتي مميز اوي كده

عشق...بالعكس صوتك مش من الأصوات المميزه خالص 

ريما...امال عرفتيني ازاي يا ست الشيخه مخاويه مثلا

ضحكت عشق بسخريه..لا مليش فالسكه دي

ريما...امال ايه

عشق...متشغليش بالك انا لو عاللي اعرفه يا ريما وقولتهولك مش بعيد تتجنني

ريما....ايه للدرجادي عايزه تقوليلي انك عارفه ان انا اللي جيباكي هنا وكمان عارفه جيباكي ليه

عشق....اه وعايزه اقولك كمان اني عارفه مين اللي معاكي

تمارا...عشق في ايه انتي عارفه اللي بيحصل ده

نور...مين دي يا عشق

ريما....بتحدي مين اللي معايا

عشق....الحبايب كلهم متجمعين...هايدي وسامر اخوها وشاهي السكرتيره المخلصه والكبير سراج باشا

ريما...بغضب وخوف افتحوا النووور

فتح سامر بسرعه النور

فضلوا البنات يغمضوا عينهم

ويفتحوها من شده النور

وبعد ثواني الرؤيه ابتدت توضح ادامهم.

عشق كل تركيزها كان علي ريما اللي بقت مش علي بعضها.

عشق...ايه مالك شيفاكي اتوترتي

ريما....انتي عرفتي منين اني انا اللي جبتك وانهم معايا

عشق....حلمت بيكي

ريما...احنا هنستظررررف😡

تمارا... ايه ده ميرنا انتي كويسه فيكي حاجه

نور....ميرنا انتي واقفه معاهم ازاي

ريما...بابتسامه قربي يا ميرنا

تعالي قوليلهم انك كويسه

مشيت ميرنا بخطوات بطيئه مع أبتسامه علي وشها.

ميرنا...طبعا انتوا مستغربيين اني موجوده هنا وواقفه كويسه مش تعبانه

سوري اصل ملاقتش طريقه اقدر انزلكم بيها من البيت غير الطريقه دي

تمارا....يعني ايه مش فاهمه

هايدي...وضحي اكتر يا ميرنا اصل تمارا مخها بعافيه شويه 

تمارا....فكيني لو تقدري وانا اعرفك مخي شغال ولا لا

هايدي...متحاوليش تستفزيني مش هفكك الوقت لسه شويه 

ميرنا...يمكن تكونوا مستغربين شويه خصوصا عشق اللي اتفقت معايا هي وليل اني احاول اقرب من شاهي عشان اقدر اعرف منها هايدي وريما بيفكروا في ايه وده طبعا لان ليل شاف شاهي كذا مره مع هايدي وشك فيها فالحقيقه انا قولتله اوك وبصراحه كنت ناويه اعمل كده بس لما لاقيت هايدي بتكرهك اوي كده يا تمارا ما صدقت وبعت عشق وليل باتفاقهم و قررت ابقى معاهم لاني بكرهك زي ما هايدي بتكرهك بالظبط عارفه ليه عشان جاسر فكر فيكي انتي وحبك مع اني طول عمري بحبه وهو مش حاسس فقررت بما ان هايدي مفيش امل ترجع لجاسر واصلا هو مش في بالها وهتتخطب لحد تاني ليه مدخلش انا فاللعبه واهو افوز انا بيه بس كان في شرط من هايدي انها تنتقم منك بسبب انك بوظتي علاقتها بجاسر وصراحه دي فرصه بالنسبالي ماهو لو هي ممتقمتش منك هتفضلي انتي موجوده حاجز بيني وبينه فقررت ابيعك ليها ياتمارا هي تاخد حقها منك وانا ابعدك عن سكة جاسر واخد مكانك اللي اتمنيته طول عمري

تمارا...بصدمه انا كنت حاسه ان في حاجه من ناحيتك لجاسر الفتره اللي فاتت بس عمري ما تخليت انك تطلعي بالقذاره دي

عشق...بصدمه انا اكيد بحلم يا ميرنا مش كده

ميرنا...تؤ تؤ تؤ للاسف مش بتحلمي ياعشق عارفه يمكن انتي اكتر حد صعبان عليا وزهره ونور كمان بس للاسف كل واحد موجود فالاوضه دي كان ليه شرط عشان يساعد التاني يوصل للي هو عايزه انا كنت عايزه جاسر هايدي كانت عايزه تنتقم من تمارا وطبعا الباقي يقولك هو عايز ايه

ريما....حلوه علي وشك دي انا بقي اللي يلزمني فيكم انتي وزهره 

بصتلها زهره باستغراب

ريما...متستغربيش يا زهره يمكن ولا اعرفك ولا تعرفيني بس اكيد تعرفي ادم واحب اقولك ان هو كان سبب تدمير حياتي هو اللي قلب ليل عليا عشان كده لازم اوجعه فيكي معلش اوقات كده بنحاسب علي حجات معملنهاش بس بنحاسب عليها لمجرد ان في شخص في حياتنا سبب فيها ونصيبك تقعي مع ادم..

اما عشق بقي فا بعيدا عن انها قربت من ليل فا هي حاولت تتحداني وتعيش الدور عليا وانا وخداها قاعده في حياتي اللي يعيش الدور عليا امحيه من علي وش الدنيا

سامر...طبعا يا نور مش محتاج اقولك انتي هنا ليه انتي عارفه عملتي ايه معايا ده لوحده كفيل يخليني اموتك بالبطئ ده غير كرهي لنوح واللي انا عارف انه بيحبك واظن هبقي مبسوط اوي وهو بيتحسر عليكي ادامي

ريما....طبعا الباشا الكبير بقي هنا عشان حاجه تانيه

عشق...عشان ليل عشان يوجعه ويكسره عشان يبقي هو بس الكبير عشان شايف ان ليل خد مكانه عشان الفلوس والشركات عشان الطمع عادي انك تتفق علي ابن اخوك في سبيل انك تحط ايدك علي كل حاجه تخصه

سراج...براڤو يا عشق عرفتي كل ده ازاي بتبهريني بذكائك كل شويه ياعشق

عشق....قولتلك مش ذكاء ده مجرد حلم

ريما...بما انك خبيره وعارفه وفاهمه كل حاجه عارفه كمان انتوا هيتعمل فيكوا ايه

عشق...بضحك الصراحه لا 

ريما...تحبي تعرفي ولا اخليهالك مفجأه

عشق....بسخريه لا كفياني مفجأت كفايه مفجأه ميرنا قولي

ريما....بعلو صوتها أسعددد

دخل اربع رجاله اجسامهم تخوف وشكلهم يرعب وقفوا جمب ريما

البنات بلعوا ريقهم بالعافيه من الخوف

ريما....الاربعه اللي انتوا شايفنهم ادامكم دول هيقوموا معاكم بالواجب هتعيشوا معاهم لحظات عمركم ما هتنسوها ولا احنا كمان هننساها  عشان هنكون موجودين معاكم ونعيش معاكم اللحظه مش بس كده هتتصورا صوت وصوره والفديو هيوصل للشباب عشان يتبسطوا معاهم وعشان ليل باشا يتبسط معلش اصل محدش احسن من حد اللي اتعمل فيا زمان وهو باعني عشانه لازم اخليه يشوفه تاني في حبيبة القلب الجديده

عشق...بثقه بس اظن اللي اتعمل فيكي زمان كان بمزاجك مش غصب عنك

قلم نزل علي وش عشق بعنف لدرجه ان شفايفها اتفتحت.

ريما...اخرسي يا زباله يا تربيت الملاجئ

عشق....القلم ده هتدفعي تمنه غالي يمكن هيكون اغلي حاجه تدفعيها في حياتك اما  بقي بمناسبه تربيت الملاجئ فانا يشرفني اني اتربيت في ملجأ بس عشت عمري كله محافظه علي نفسي ويوم ماحبيت صونت ماخونتش

ريما...مش هتفرق كتير كفايه ان صورتك والفديو بتاعك خلال ساعه هيكون ترند ومصر كلها هتشوفه مش بس مصر تخيلي كده نزل تريند وعليه كلمتين حلوين 

حبيبه ليل السيوفي في وضع مخل ساعتها وشرفك مش هتكوني ترند في مصر بس ده انتي هتكوني عالميه مش بعيد تحبي المهنه وتقبضي بالدولار

عشق....عارفه يا ريما مشكلتك ايه ان سواد قلبك مغطي علي كل حاجه في حياتك فاكره ان الناس كلها زيك اوعي تفكري  يا ريما اني خايفه منك ولا خايفه من الاحجام اللي واقفين جمبك دول بيقولوها بالبلدي كده ياما دقت عالراس طبول واللي شوفته واتعرضتله في حياتي اكبر بكتير من الموقف اللي انا فيه ده الوقت

ريما...عايزه تقنعيني انك مش خايفه

عشق...صاحب الحق عمره ما بيخاف ياريما 

اللي رامي حياته في ايد ربنا

عمره مابيخاف 

اللي واثق ان ربنا عمره ما هيخذله عمره مابيخاف ياريما

حتي لو حصل حاجه وحشه مش خايفه عشان ده مكتوب والمكتوب ياريما محدش بيهرب منه بس عموما كل اللي بقوله ده مش هيفرق معاكي ولا هيفرق مع اي حد من اللي واقفين معاكي دول عشان بأختصار انتوا بالظبط زي الايه اللي بتقول.

{في قلوبهم مرضُ فزادهم الله مرضآ...}

{صدق الله العظيم}

ريما....بسخريه هنشوف يا ست الشيخه.

بس صحيح قبل ما نبدأ الحفله احب اقولكم تتشاهدوا عشان بعد ما الاحجام يقوموا بشغلهم هتموتوا ونسيت اقولك لما الشباب ياخدوا جثثكم ويدفنوها وياخدوا فيكم العزاء بليل هبعتلهم هديه عربيه صغيره مسلحه تخلص عالكل عشان حرام صعبتوا عليا اهو يلحقوكم فالاخر بدل ما الدنيا دي مش مكتوبالكم

سراج....ريما جاسر بره الموضوع

ريما...اطمن واظن يا هايدي عفا الله عما سلف كفايه قهرته علي البنات والشباب

هابدي...بضحك كفايه اوي

تمارا...فكونا لو تقدروا 

زهره....بدموع حرام عليكم

مستر سراج اعمل حاجه ارجوك احنا عمرنا ما أذيناك

نور...مستر سراج ارجوك فكنا ومش هنقول اي حاجه حصلت وحيات رحمه بابا لو بابا غالي عندك

تمارا...هتقدر تحط وشك في وش جاسر ازاي

عشق...بثبات عكس البنات سيبوه يا بنات متحاولوش معاه ربنا يعينه علي نفسه

ريما...بغيظ يلا اسيبكم بقي وهنروح بعيد سويه نبتدي الحفله وااااه ياريت ياشباب تتوصوا بالشيخه عشق وتدوها درس عمرها ماتنساه

بعدت ريما لورا هي واللي معاها وابتدوا الشباب يقربوا عليهم فكوا ايدهم ورجليهم ورموهم عالارض فضلوا البنات يصرخوا ويحاولوا يبعدوهم لكن مكانوش قادرين من حجم جسمهم

رغم ثبات عشق وثقتها الكبيره في ربنا لكن كانت خلاص حاسه ان في غيامه بتنزل علي عينها والنهايه بتتكتب ادام عنيها وفنفس الوقت مكانتش بتبطل تدعي من جواها لربنا

ولكن زي ما قالت عشق اللي 

رامي حياته في ايد ربنا عمره ما بيخاف...

وفاللحظه دي حصل اللي محدش توقعه اتكسر الباب بتاع الاوضه وبسرعه الجارد بتوع ليل بقوا في كل مكان فالاوضه وبسرعه مجموعه من الجارد جريوا بسرعه عالجارد اللي محاوط البنات قيدوا حركتهم وباقي الجارد ثبتوا الجميع

قاموا البنات بسرعه وقفوا في ركن فالاوضه جمب بعض ضربات قلوبهم كانت تكاد تكون مسموعه للكل محدش فاهم حاجه ولا حد عارف مين دول اللي دخلوا مش مركزين غير ان ربنا سمع دعائهم ونجاهم وبس

وفجأه وبدون أنذار دخل ليل بكل هيبه وشكل يرعب لابس بنطلون اسود وتيشرت اسود كان شكله زي رجال المافيا اول ما شافته عشق مسكت قلبها ونزلت علي ركبها وكأن كل قواها اللي كانت بتتحلي بيها راحت بمجرد ما شافته سألت نفسها أسأله كتير جه امته وعرف ازاي وايه اللي حصل لكن مكنش هاممها اي سؤال غير انها في امان الوقت.

وقفت ريما وهايدي وسامر وسراج وميرنا وشاهي بمجرد ما قرب منهم ليل

ريما....برعب ليل

ليل....ايه مفجأه مش كده

مالك يا سراج باشا المفجأه صدمتك.

لا ولسه هيتصدم اكتر لما يعرف اننا موجودين هنا من اول مادخلوا الاوضه عالبنات

بص سراج بسرعه عالصوت لقاه نوح داخل. وقف متلجم وفجأه صدمته كانت الضعف لما سمع صوت جاسر.

جاسر بدخول مميز وصادم..لا بس بيتهيألي صدمته الاكبر ياليل مش انت ونوح بس لما يعرف ان ابنه الوحيد شاف وسمع وساخته

وبيتهيألي لما تعرف ان الشبابيك اللي ادامك دي كانت بتصوركم واحد واحد وبتسجل كلامكم ساعتها الصدمه هتبقي الضعف

ليل...لا بس بيتهيألي ياجاسر الصدمه دي هتكون من نصيب ريما مش هي اللي كانت ناويه تصور البنات وكمل بضحكه عاليه صحيح انقلب السحر عالساحر..

سراج....بارتباك وتوتر ايه يا ولاد انا انا انتو انتوا فهمتوا ايه جاسر انا 

جاسر...انت ايه فاكر ان في كلام ممكن يخليني اصدقك

ولافاكر اني ممكن انسي منظر البنات وهي بتترجاك وانت معندكش قلب بس يمكن عشق فهمتك صح صحيح كان عندك حق يا عشق دعتيله دعوه بيتهيألي انه طول حياته عمره مافهم معناها....ربنا يعينك علي نفسك...

سراج...جاسر انت مش فاهم حاجه انا اسمعني بس

ليل...مالك يا سراج باشا مالك يا عمي متوتر ليه بس شكل الصدمه كانت كبيره عليك اتقل كده واصلب طولك اصل لسه اليوم طويل وفي مفجأه هتعجبك اوي

ايه جاهز يا باشا ولا نبدأ بمفجأه ريما ولا هايدي وسامر ولا ميرنا ولا شاهي اصلي محضر انهرده مفجأت كتير اوي...

فاضيين تسمعواااا😉😉

فالبدايه كده انا عارف كل حاجه تقريبا من يوم حادثه حاج محمد ويومها من غير اي مجهود مني عرفت مين اللي ورا الحادثه شاور علي هايدي الزباله دي اتفقت مع واحد زباله زيها يخبط تمارا لانها لاختصار كانت حطاها في دماغها لمجرد انها شافتها أشتغلت فالشركه وبكل فجر يوم ما حبت تنتقم منها فكرت علي طول انها تموتها بس يشاء القدر وعشان تمارا ليها عمر لسه عاشت واللي خد الضربه مكانها الراجل الغلبان اللي حياته ضاعت بسبب حقدك وكرهك لنفسك مش بس كده ده عشان التهمه تبقي ثابته علي حضرتك احب اقولك ان حاج محمد مات اول يوم راح فيه المستشفي خلص في ايدهم من كتر العمليات اللي عملها واللي سنه ميسمحش انه يتحمل كل ده 

وطبعا الاخبار الفتره اللي فاتت كانت بتتكلم عنه وعن المستشفي اللي انا رفعت عليها قضيه واللي مديرها بالدكاتره اللي كانوا ماسكين حالته اتقبض عليهم...هما خدوا جزاتهم بس طبعا اللي كانت السبب في موته لازم تاخد جزاتها بردو ولا ايه ياهايدي

هايدي...بخوف لا لا الكلام ده محصلش ياليل انا معملتش كده انا انا

ليل....السواق اللي خبط حاج محمد موجود لو تحبي يجي يقولك الكلام ده حصل ولا لا اجيبه وخصوصا ان الراجل مكنش مديكي الامان فا طلع ذكي وحب يأمن نفسه وسجلك خاف تضحكي عليه 

ومتدلهوش ال100الف اللي قولتيله عليهم

هايدي...ده كداب اكيد مش صوتي

ليل...صوتك ولا مش صوتك دي حاجه هتحددها المباحث دي شغلتهم بقي

ليل...اما سامر كان نفسي اقولك علي شويه مصايب كنت ناوي تعملها بس يلا نصيبك بس اظن التهمه اللي هتتوجهلك انهرده دي كفايه تضيع مستقبلك حلال عليك تستاهلها..اما شاهي بقي فا انتي كنتي مشتركه في كل مصيبه الزباله دول بيعملوها كنتي بتوصليلهم كل الاخبار وبتعرفيهم كل خطوه بتحصل فالشركه يعني تقدري تقولي انك بالنسبالهم كنتي الخيط اللي هما ماشيين عليه بس السؤال هنا ياشاهي هو انتي فاكره انك بعد ما تبعدي عني عشق كنت هبصلك استحاله انتي ابعد كتير من انك تكوني في حياتي

بصت شاهي للارض بخوف

ليل...اما بقي ريما للاسف كنتي وهتفضلي بتعلقي غلطك علي شماعة غيرك زمان علقتي غلطك علي شماعه ادم والوقت وانتي راجعه تنتقمي حطيتي زهره في ليستت انتقامك عشان توجعي ادم 

ريما...ادم الحرامي😏اللي زمان عمل عليا شريف وهو ناصب عليك في 11مليون

ليل...حرامي احسن من وسخ حرامي احسن من واحده بايعه نفسها للي يدفع اكتر حرامي احسن من خاين

ريما...ليه هي السرقه مش خيانه

ليل...خيانه بس درجاتها متفاوته علي حسب سرق ايه لو علي شويه فلوس انتي عارفه ان الفلوس بتتحط تحت رجل ليل السيوفي عشان يقف عليها ويطول السما يعني من الاخر مش فارقه معايا المهم يوم مارجعتي اتصدمتي ان في عشق في حياة ليل شوفتي انه مينفعش وفكرتيني هفضل طول عمري ضايع بسببك متعرفيش ان بسببك انا اتغيرت وقدرت اشوف الناس واقيمها بعيني مش بعينك ياريما..واولهم انتي يوم ما شوفتك بعيني شوفتك علي حقيقتك والحقيقه ان الفتره اللي فاتت لما كنت متغير مكنتش متغير عشانك ولا زعلان اننا مبقناش لبعض لا انا كنت مقهور عالوقت اللي عشته معاكي مقهور اني كنت مغفل كبير مقهور اني سلمتك حياتي ومقهور اني معاكي كنت معمي عن حقيقتك الوسخه....راجعه عايزه تدخليني في صفقه مشبوهه لما رفضت ظهرتي في حياتي فكراني هحن لما لقيتي مفيش فايده حبيتي تنتقمي مني في عشق انتي مريضه واوسخ حد شوفته فالدنيا..

بصتله ريما بحقد

ليل....اما انت بقي ياعمي مش هقولك اني مش مصدق بالعكس نظراتك ليا وتصرفاتك ضحكتك اللي كانت من ورا قلبك حجات كتير كانت بتخليني اشك لكن كنت بكدب نفسي لحد ما اكتشفت خطتكم الوسخه واتفاقك مع ريما عليا عشان تموتوني طيب هي وعندها سبب بسيط ان معندهاش قلب وانانيه ووسخه طب انت ايه مبررك فلوس انت مش محتاج اسم اسمك معروف قولي كان ناقصك ابه عشان تظهر الحقد والغل اللي جواك ده

جاسر...اقولك انا ياليل ابويا الكبير كبير العيله كان حابب يكون ليه نصيب اكبر كان حابب اسمه يكون ترند مش ليل السيوفي ابويا حب اسمه يبقي قبل اسمك ابويا طمع ورمي بطول دراعه عيله ولمه وحب واسم كبير تحت رجله عشان الفلوس

سراج...انا عملت كده عشانك عشان متبقاش انت محطوط عالهامش عملت كده عشان هو مش احسن منك عملت كده عشان اسمك انت اللي يكون معلم مش هو

جاسر....وانا اسمي مش معلم ولا انت عشان تظهر اسمي اكتر تلغي من حياتي انضف ناس فيها عشان تظهر اسمي تحرمني من اغلي حد عندي فالدنيا عشان الفلوس اللي عمتك يا سراج باشا كنت مستعد تدوس برجلك وتموت اجدع حد مع ابنك انت ازاي مش ندمان حتي ازاي بتتكلم بالفجر ده ازاي قادر تقتل القتيل وتمشي في جنازته

سراج...يا ابني افهم

جاسر...بغضب متقولش ابنييي انا ميشرفنيش اني ابقي ابنك انت لو بتفكر فيا فعلا كنت فكرت في شكلي وانا واقف فالموقف ده الوقت كنت فكرت في شكلي  وانت مقبوض عليك وبيتحقق معاك واسمك واسمي اللي حبيت انهم يظهروا يظهروا بالوساخه دي كنت عايز اسمي ياخد اللقطه ويبقي ترند اهو ربنا حققلك اللي انت عايزه بس بفضيحه هيفضل اسمك مقترن بأسمي لكن بوصمة عار طول عمري بحبك وبحترمك اول مره احس اني بكرهك اول مره احس اني مستعر اني ابنك..

قولتلك اني بحب تمارا وعايز اتجوزها عملت ايه انت من ثواني كنت اعد بتاخدت قهوتك وانت بتتفرج علي الاوساخ دول وهما بيهتكوا عرضها طب محستش ان قلبك وجعك عشاني محستش انك غيران علي اللي ابنك بيحبها ان راجل تاني ممكن يلمسها انت لايمكن تكون بني ادم

ليل...اللي يستمتع ويأعد يا جاسر يا خد قهوته وهو بيتفرج علي بنات وهما بيغتصبوا قدامهم استحاله يكونوا بني ادمين ولا حتي شياطين دا انتوا الشيطان يقف يضربلكوا تعظيم سلام

قبل ما اخلص كلامي معاكم حبيت بس اعرفكم حاجه مهمه كل اللي عرفته ده عرفته من عشق وزي ما قالتلكم هي مكدبتش عشق عرفت كل ده من حلم.. مش مهم تصدقوا تكدبوا المهم ان حتي كشفكم علي حقيقتكم كان غريب زي الموقف اللي انا واقف فيه الوقت...

ريما...اوعي تكون فاكر يا ليل اننا وصلنا كده للنهايه خلاص انا بدأت مش عشان انت تنهي انا هنهي بالطريقه اللي علي مزاجي واوعي تكون فاكر ان دخلتك علينا دي بالجارد اللي معاك هتخوفني ياليل النهايه اللي كتبتها هتحصل يعني هتحصل حتي لو علي جثتي

ليل...يبقي هتبقي علي جثتك يا ريما عشان انا بوظتلك النهايه خلاص ولا انتي مش شايفه اني غيرت النهايه صحيح الصدمه تقريبا خلتكم مسألتونيش اهم سؤال ازاي احنا جينا هنا وازاي عرفت باللي كنتوا بتخططولوا الايام اللي فاتت

بصراحه انا مكنتش اعرف انكم كنتوا بالغباء ده..وبجد صعبانين عليا اوي

من فتره وبعد ما عرفت كل حاجه من عشق قررت اني اغير نهايه الحلم خصوصا ان كل حاجه هي شافتها اتحققت بس انا مكنش عندي استعداد اشوف النهايه اللي هي قالت عليها زي ما تقولي كده معجبتنيش فحبيت اغيرها وقررت بدل ما نستني المصيبه مفيش مانع اننا نروحلها برجلينا وانتي عرفاني قلبي ميت بحب ادوس علي طول...وطبعا اتفقنا مع ميرنا انها هتقرب من شاهي وتجيب اخباركم وتعرفكم عن طريق شاهي اد ايه هي بتكره تمارا واد ايه هي بتحب جاسر ونفسها تبعد تمارا عن طريقه بأي تمن وطبعا شربتوا الطعم وادتوها الامان ودخلتوها وسطكم وبصراحه برافو يا ميرنا كنت عارف انك هتلعبيها صح بس مش للدرجه دي وعشان انا كنت خايف عليها قولتلها وقت ما تحس انها اتزنقت تقول عالاتفاق ده وتقول انها اتفقت معايا انا وعشق بس تقول انها غيرت رايها وضحكت علينا احنا وطبعا دي كانت في مصلحتنا ادتوها الامان اكتر واتاكدتوا انها معاكم وبايعه اي حد وموافقه علي اي حاجه في مقابل انها توصل لجاسر 

البنات كانوا في حالة صدمه من اللي بيسمعوه.

راح جاسر وسطهم كلهم حط ايده علي كتف ميرنا

جاسر....طبعا ليل لعبها واقنع عشق باللي هو كان عايزه من ميرنا وطبعا دي مكانتش الخطه بعد ما اتفق مع ميرنا ادام عشق علي انها بس تقرب من شاهي وتوصلها انها مبتحبش اي حد من البنات عشان شاهي تأمنلها وتقدر تجيبلها اخبار هايدي وريما. بمجرد ما خلصوا رجع ليل قابل ميرنا وقالها تنسي كل ده والخطه الجديده اللي هتبقي بينه وبينها ان ميرنا تقول لشاهي انها بتحبني وتحاول توصل ده لتمارا باي شكل عشان لما تمارا هتحس بده هتتغير مع ميرنا وبالتالي شاهي هتتأكد فعلا ان تمارا مبتحبهاش وهتقرب وقتها من ميرنا اكتر وتديها الامان وطبعا شاهي بما انها الخيط الواصل بينا وبينكم خدت كل ده وقالتهولكم وانتوا صدقتوا طبعا احنا كمان مكناش نعرف ويمكن انا كمان حسيت ان ميرنا مش طبيعيه ويوم ما تمارا قالتلي انها مش مطمنه لميرنا قولتلها اكيد انتي غلطانه بس من جوايا كنت اتأكدت من احساسي يعني انا وتمارا حسينا بده فا اكيد ميرنا جواها حاجه من ناحيتي وبصراحه بحييها علي اتقانها للخطه...

فاللحظه دي دخل ادم بكل ثقه ادام الكل في صدمه لجمت الجميع خصوصا البنات. ونوح وجاسر

ادم....مش بس كده يا جاسر 

في نقطه غايبه عنكم لسه بص لليل بأبتسامه اقولها انا ولا تقولها انت يا ليل

ليل...بابتسامه قولها انت يا صاحبي اصل صوتك وحشني اوي😉

ادم...ليل لما غير اتفاقه مع ميرنا كان كل همه انه يقنع عشق باللي قاله لميرنا وبس كان عايزها تبعد عن اي حاجه هتحصل كان عايز يريح دماغها شويه وكمان كان عايز عشق تبان طبيعيه خصوصا لما يحصل ادامها اللاتفاق اللي اتفقنا عليه انا وليل وميرنا..وهو ان زي ما تمارا هتكره ميرنا لازم انا اطلع حرامي ادامكم وزهره تاخد منها موقف هي والبنات وكمان نوح وجاسر لانهم بعد الكلام اللي ميرنا هتقوله في حقي هما مش هيسكتوا وهياخدوا منها موقف وده اللي حصل زي ما رتبنا بالظبط والكل اتغير مع ميرنا وشاهي شافت ده بعينها هي وسراج باشا وطبعا الكل اداها الامان...براڤو ياميرنا بصراحه لولا وجودك مكانتش هتمشي بالمسطره زي مااحنا عايزيين 

يعني عشان ميرنا تدخل وسطكم كان لازم حاجه قويه تقنعكم طبعا ليل حب يبعدني خالص عشان انا دوري كان بره الشركه

وقدرت بطريقتي اراقب كل واحد فيكم قدرت ازرع تسجيلات في عربياتكم قدرت اراقب تليفوناتكم وانتوا من بعيد شايفني فالسليم واحد داخل علي جواز وبيجهز بيته هو وحبيبته وطبعا كل حرف اتقال ادام ميرنا كان بيوصل عن طريقنا اما بقي باقي الخطه اللي خوفتوا تقولوها ادامها هي وسراج باشا الجزء اللي يخص جاسر...ده احنا وصلناله بطريقتنا عن طريقي مش بس كده كل حرف كان بيحصل الفتره اللي فاتت الداخليه كان عندها علم بيه وبصراحه مكانوش سايبنا خالص كانوا معانا في كل خطوه

ليل....واحب اقولكم ان الشوو والعرض الثقافي اللي كنتوا منتظرينه من شويه عشان يحصل مكنش هيحصل لو كنتوا عملتوا ايه 

اصل نسيت اقولكم..يا اغبياء

ادم وهو بيلف وراكم وبيحاول يزرع التسجيلات اتفاجئ بجارد من بتوعك بيثبتوا لكن ربنا عشان عايز يقف معانا لاخر لحظه وعشان اوقات الصدفه بتكون بالنسبالي معجزه طلع الجارد ده كان صاحب ادم من ايام الدراسه سلموا علي بعض والجارد نسي خالص اللي ادم كان بيعمله ولما سأله ادم حكاله عن وساختك يا ريما...وبأمانه ربنا طلع  راجل جدع وقال لادم انه هيقف معاه وصحابه مكانوش يتخيروا عنه وساعدونا ولما عرفوا من ريما طلبها منهم بلغونا وانا قولتلهم وافقوا واقنعوها انكم مرحبين والكلام ده وصل للداخليه وحتي اللي كان بيحصل قبل ما ندخل ده كان شو بس مننا احنا

شكرا يارجاله  بجد مش عارف اقولكم ايه جميلكم ده في رقبتي ليوم الدين ومن انهرده انتوا رجالة مجموعه السيوفي واللي ليل السوفي بنفسه يفديكم برقبته

الجارد....تحت امرك ياليل باشا

ليل... طبعا يابنات الصوره وضحت الوقت واسف علي خوفكم والتجربه اللي عشتوها انهرده بس مكنتش اقدر اقولكم اي حاجه عشان الخطه تكمل للنهايه زي ما انا عايز وعشان خوفكم ده يقنعهم اكتر انهم ماشيين مظبوط..

...وبابتسامه تحدي كمل ليل وبكده اكون قدرت احط النهايه ياريما اللي علي مزاجي انا مش اللي علي مزاجك

ريما....بغضب انت بتحلم ياليل النهايه هتمشي علي مزاجي انا رفعت بسرعه مسدس في وش عشق

وثواني دخل البوليس في كل مكان.

الظابط...نزلي السلاح مش عايز حركه

حس سراج انه خلاص انهار ومفيش اي فرصه انه يهرب ولا حتي يصلح اللي عمله وحس انها النهايه لكن مرضيش بالنهايه وقرر انه يحط نهايه تانيه طلع سراج مسدس من جيبه وبسرعه ثبته علي راسه وضرب طلقه ادت الي وفاته فالحال صرخ البنات كلهم 

جري عليه جاسر ونوح وادم 

جاسر...بابا بابا ليه كده ليه عملت كده حرام عليك ليه مصمم تخليني منساش اليوم ده العمر كله

وفوسط ماهما مشغولين مع سراج ليل كان واقف في مكانه باصص بحزن علي عمه وحزنه الاكبر علي جاسر

انتهزت ريما الفرصه شدت بسرعه الزناد وثبتته علي عشق بمجرد ما سمع ليل الصوت جري ناحيه عشق والبنات بسرعه كانت ريما اطلقت العنان لرصاصتها

وسط صرخه من البنات لكن ليل كان اسرع وخدها في صدره بدل عشق وقع ليل عالارض وعشق وراه حضناه من ضهره وواقعه معاه

بسرعه مسكوا العساكر ريما..

وجريوا الشباب علي ليل

نوح...بصريخ لييييل قوم يا اخويا اوعي ياليل تعملها ارجوك

عشق...ليل قوم عشان خاطري قوم متنفعش تكون دي النهايه مينفعش تكون بدالي يا ليل ارجوك قوم

جاسر...بدموع لاول مره أسعاف بسرعههههههه

نوح...ليل قوم ياليل قوم عشان خاطري فضل يضربه علي وشه بعنف هو والشباب وعشق تضربه علي صدره جامد والبنات واقفين منهارين سراج مرمي عالارض ريما وهايدي وسامر وشاهي العساكر بيلبسوهم الكلبشات في ايدهم كان ده المنظر اللي حاصل في قلب الاوضه

ليل..فجأه فتح عينه ببطئ

وبصلهم وهما منهارين بص لعشق..

ليل...مش قولتلك ان حتي الموت مش هياخدك مني ياعشق

عشق.. ليل انت كويس انت مش هتموت صح 

نوح..ليل انت كويس

ظهر من وراهم هادي اتفاجئوا كلهم من صوتوا

هادي...طبعا كويس هو يادوب اغم عليه من دفعت الطلقه...وبصراحه لو في حد المفروض تشكروه هنا هيبقي انا...اصلي كنت عارف كل اللي بيحصل ده وانا اللي جبتله الچاكت اللي لابسه تحت التيشرت ده 😉😉

ميرنا...يعني ايه هو كويس

نوح...ليل انت بخير صح

هادي....طبعا بخير ده لابس واقي ضد الرصاص 😉 قوم يا عم وريهم صدرك وبلاش تلعب باعصابهم

قام ليل من الارض وهو بيتألم اااه ضهري باظ من الوقعه

عشق...حرام عليك يا ليل حرام تعمل فيا كده

ليل...انا كويس والله العظيم اهو اهو شوفي رفع ليل التيشرت وظهرلهم الچاكت وسحب عشق من وسطهم جوه حضنه وهي منهاره من العياط

.........

كان يوم صعب عالجميع يوم محدش فيهم هينساه يوم جديد علي عشق في احداث حلمها علي اد ماهي كانت مبسوطه ان خلاص هترتاح بس كانت مضايقه من ليل انه مقالهاش اي حاجه كانت مرعوبه عليه كل ما تفتكر انه واقع بين ايدها تهز دماغها عشان تحاول تبعد الفكره عن دماغها...اما جاسر فا بعد ما شاف قذاره والده بعينه لكن كان زعلان عشانه وبيدعيله ربنا يرحمه من عذاب الاخره........وبكده نزلت الستاره علي يوم مستحيل يتنسي...

وبعد شهور كتير عدت

كان صوت الزغاريط في اكبر قاعات مصر مسمع الكل

واعلنت النهايه بتكليل حب عشق وليل بالجواز

في ارقي قاعه في مصر 

وفي درج طويل مزين بالورود ظهرت اخيرا عشق زي الملكه المتوجه بفستانها الابيض اللي شافته في حلمها واللي رسمته لليل ونفذه مع اكبر مصمم ازياء.

ونفذ وعده ليها بأنه هيحقق من حلمها الجزء الحلو وبس

وسط تصقيف الجميع والموسيقي والزغاريط وتهليل من البنات والشباب طلع ليل الدرج وصل ادام عشق...جمعتهم نظره طويله كلها حب وعشق ومشاعر فرحه متتوصفش سعاده مختلطه بدموع في عيون عشق.. وقف ليل جمبها باسها من راسها وباس ايدها..ومسكها ونزل بيها 

عشق ..كانت طايره كانت حاسه انها بتحلم واتمنت انه لو حلم متصحاش منه ابدا...

اتكتب الكتاب واتكتبت عشق علي اسمه وابتدو الاحتفال مع بعض برقصه اولي جمعتهم سوا 

عشق..كانت باصه لليل ودموعها في عينها وساكته

ليل....بحبك

عشق...نزلت دموعها

ليل....ابتسم انتي مش مصدقه صح

عشق....لا خايفه اكون بحلم

ليل...بس انتي صاحيه مبتحلميش انا خايف اكون انا اللي بحلم عارفه يا عشق من يوم ما عرفتك وانتي مخليناني بقيت عندي فوبيا من النوم

ابتسمت عشق...اتعقدت من الاحلام

ليل...لو الاحلام هتبقي زي اللحظه اللي انا فيها الوقت معنديش مشكله اني اعيش طول عمري نايم بس تكوني جمبي 

عشق....انا قلبي هيقف ليل

ليل....سلامه قلبك يا قلب ليل عارفه انا عايز اخدك واطير الوقت 

عشق...بحبك ياليل 

ليل...وانا بحبك يا احلي حاجه في عمر ليل

ادم...زهره بقول ايه ما تيجي نأعد احسن انا خايف عالبيبي

زهره.. لا بقولك ايه انت هتروشني انت والبيبي انا لسه حامل في 3اسابيع لو فضلت مرعوب كده لحد ما اولد ههرب منك 

ادم...الحق عليا اني خايف عليكي

زهره...ايوه ياحبيبي بس دي رقصه سلو يعني يادوب بنحرك رجلينا اتبسط بقي

ادم...ومين قالك اني مش مبسوط انا طاير امبارح عرفت اني هبقي اب وانهرده فرح ليل وعشق مش عيزاني ابقي مبسوط ازاي

زهره...ربنا يبسطك ديما يا احلي ادم

ادم...بحب بحبك يا زهره😉

....... 

تمارا....الله يخربيت الكعب عاللي عايز يلبس كعب رجلي ورمت

جاسر...اهدي ياوحش الحته خلصتي خناق مع دبان وشك بتتخانقي مع الكعب😂

تمارا....ماله يعني الكوتشي مش فاهمه..

نور...وهي بترقص مع نوح بتتخانقوا ليه يامصيبه

جاسر...لا دي بتتخانق مع الكعب

نوح ..ربنا يعينك عالجنان يا جاسر

تمارا...ياعم وربنا رجلي ورمت صوابعي باظت كنت هلبس كوتشي بس جاسر مرضيش

نوح...يالهوي كوتشي

نور....😂😂😂حسبي الله

جاسر...طب انا راضي زمتكم وسط الصحافه والتصوير والفنانين اللي جايين يباركوا ويهنوا يشوفوا حرم جاسر السيوفي لابسه كوتشي علي فستان سواريه

تمارا...عادي علي فكره 🙄

نوح....الله يخربيت عقلك

جاسر...جننتني

تمارا...لا بقولك ايه جننتك ايه احنا لسه مبقالناش شهر متجوزين ملحقتش يعني لو اتجننت يبقي مش مني وعلي فكره تبقي عيب في حقي الراجل ده والبت دي فرحهم كان معانا واهم زي الفل 

نوح.. اعوذ بالله عالحسد

نور...ضمنا خناقه يا نوح انهرده لما نروح

جاسر....بتحسدي العيال لسه عرسان جداد

تمارا....ايه وانا قدمت يعني كل ده بسبب الكعب انا اصلا باخد رايكم ليه انا هطلع الاوضه بتاعتي فوق البس كوتشي وانزلكم

جاسر...مسكها الله يخربيتك انتي جيباه معاكي ده علي جثتي اقفي يابت

ضحك نوح ونور عليهم

بعد..حوالي نص ساعه

جاسر...ايه ياقلبي مرتاحه كده

تمارا...ايوه طبعا شوف الكوتشي مريح ازاي 

جاسر مسكها من رجلها نزلي رجلك الله يخربيتك بت بقولك ايه انا وافقت وطلعت معاكي عشان تغيري الكعب انما تبيني  رجلك والله اقتلك

نور...بضحك لسه بتتخانقوا غيرتي الكعب يا مصيبه

تمارا...ايوه يا اختي غيرته افضلوا اتريقوا كده وانا هبقي كويسة وانتوا تروحوا من غير رجليكم😒😒😒

نور...لا خليكي في حالك بس

ميرنا...جت من وراهم بتعملوا ايه اعدين كده ليه يلا قوموا نرقص مع عشق

جاسر....فين جوزك يا بت🤨

ميرنا...هادي بره وبقولك ايه اسمه خطيبي🤨🤨 احنا يادوب كاتبين كتاب لما بابي ينزل ونعمل فرح ابقي قول جوزك 🤨

هادي....في ايه🤨

جاسر.. تعالي ياعم دي هتاكلني بقولك ايه سيبك منهم تعالي نروح لليل

قاموا البنات رقصوا مع عشق والشباب مع ليل 

تمارا....عشق وربنا انا لو راجل كنت اغتصبتك يخربيت حلاوتك تجنني

عشق.. بضحك انتي قليله الادب😂

زهره...بجد شكلك حلو اوي🥺

عشق...بجد والنبي طب والفستان

نور....كلك علي بعضك قمر والله العظيم

ميرنا...بت ياعشق انتي الاوضه اللي كنتي فيها مفيهاش مرايات ولا ايه صراحه تمارا عندها حق يارتني كنت راجل

عشق...انتوا الجواز خلاكم  مش مؤدبين علي فكره😒

ميرنا ..لا انا يادوب كتب كتاب لسه مدخلتش دنيا😂😂

تمارا...خلاص يا اختي كلها شهر ونص وتدخلي

دنيا وتخصلينا

فضلوا البنات يرقصوا مع بعض بفرحه الشباب فرحتهم مكانتش تقل عنهم كان فرح اسطوري الكل كان مبسوط وفرحان سهام كانت طايره انها اخيرا شايفه ليل بيتجوز ومبسطوه انها اطمنت علي ادم ونوح وجاسر..

ابتدا الفرح يخلص والكل موجود محدش مشي من كتر ما كانت الاجواء فالفرح تجنن لكن خلاص كان فاضل علي طياره ليل وعشق ساعات يادوب يغيروا هدومهم ويسافروا عشان يقضوا شهر العسل..

وقف ليل وعشق في وسط القاعه عشان يختموا الفرح برقصه اخيره مع بعض.

مسك ليل مايك وفي وسط الناس كلها 

وهو باصص في عين عشق.

ليل...فضلت كتير أسأل نفسي انتي مين وليه ظهرتي في حياتي بالشكل ده وبالطريقه الغريبه دي ملاقتش رد علي اي سؤال غير بطريقه واحده انتي ملاك ياعشق ربنا بعته ليا عشان يبعدني اي حاجه وحشه كانت ممكن تحصلي عرفتيني قبل ما اعرفك حبتيني قبل ما احبك بس الحب اللي حبتهولك بعد ما عرفتك يا عشق صدقيني ميتقدرش بمال الدنيا كله 

بحبك يا عشق وبقولها ادام الناس كلها والعالم كله بحبك ياعشق بحبك بحبك ساب ليل المايك وحضنها وسط تصقيف وتصفير وتهليل وزغاريط من الجميع......

الطريق حكايه بتبدي مع اول خطوه يانكمله ونعرف باقي الحكايه يانقف ومنكملش و يقتلنا فضولنا عشان نعرف باقي الحكايه.

لكن فالنهايه الحكايه مكتوبه والطريق هنمشيه ولو الف مانع منعنا 

واللي ربنا بيكتبه مستحيل عبد يغيره..

ومش كل حلم بيكون حقيقه

اوقات كتير بيكون المكتوب 

بين الحلم والحقيقه

🙏🙏❣️

تم بحمد الله ادار_الايتام_الجزء_الثاني

بين_الحلم_والحقيقه

أميره_أسامه

#أ