 |
البارت الثامن والعشرون
28_29_30
بكامل قواي العقلية
حياتنا تشبه الدايره....بنفضل نمشي فيها لاكن احنا فالحقيقه بندور مش بنمشي في اللي بيلف وبيسعي انه يغير شكل دايرته وبيقدر يغيرها ... وفي اللي بيفضل يلف حوالين نفسه تايهه مش عارف عايز تيه بيرجع لنفس النقطه اللي بدأ منها ويلف تاني فنفس الدايره من غير اي تغيير....
وفي اللي الدايره دي بتتغير عليه من غير ما يحاول او حتي يبذل مجهود عشان يغيرها ومش شايل هم للدنيا....
وفي بقي أصعب من كل ده اللي بيحاول وبيسعي وبيبذل مجهود اللي بيفكر ومش تايهه
اللي عارف هو عايز ايه....وبالرغم من كل ده....دايرته بتتقفل عليه وبتتحول لتروس.. بتفرم في عضمه مع كل خطوه بيخطيها.....
الدايره دي شبه الدنيا
بتضحك لناس...
بتزعل ناس...
بتتوه ناس..
وبتفرم ناس...
غريبه...الدنيا 🥺
..................
وصل دياب...الموقع واول ما وصل عند الباب...كان حواليه رجاله ضخمه وشكلهم يرعب...ويقبض القلب....
دياب...وقف ادام البوابه وقفو فتشوه...وبعد كده خدوه جوه لميناش..
وصل اخيرا جوه....
ميناش....مرحبا...بالبطل.
دياب...اين...لمار..
ميناش....وهو بيضحك بصوت عالي....تريد لمار ام مايا..
دياب....اين لمار...
ميناش....انتظرتك كثيرا كمت اشك أنك ستأتي ولاكن واضح ان لمار غاليه عندك مثلما توقعت..
دياب.....وتأكدت ...اين هي أذن
ميناش....شاور...لوحد من الرجاله بعينه يجيبها...
ثواني...ودخل بيها رجلين ضاخمين جدا وهي مش باينه وسطهم...
لمار......بدموع...ديااااب.
دياب.....لسه هيجري عليها...لماار.
ميناش.....سحب هو والرجاله اللي معاهم السلاح وجزء منه وجهه في راس لمار وجزء منه في راس دياب..
ميناش...قف مكانك لاتتحرك...
وقف دياب..عشان لمار...
دياب...اتركها ميناش...هي ليس لها ذنب.
خذني مكانها...
لمار...لا ..لا تسمع له سيد ميناش ارجوك...انت تحتاج لي انا.....
دياب.انا كده كده هموت ارجوك اسكت.
دياب...لماااااار.اسكتي.
ميناش....اريد ان اعترفلكم بسر....تعرفون انني متأثر جدا لأجلكم. اممممم قصه حب...مثيره للاهتمام..كلآ منكم يريد ان يضحي.من اجل الاخر....ولكن للاسف انا لا اريد منكم سوا شخص واحد فقط....
وحتي اقرر من منكم سوف يظل معي..
احب ان اقول لكم شئ هام....
لمار....انتي فتاه صغيره وللاسف وقعتي تحت يد المخابرات المصريه واستغلوكي...حتي يصلو لي...ويعرفون من هو المجند منهم......انا اشفق عليكي لمار استغلو الشبه بينك وبين مايا....ولكن لا يعلمون ان كل هذا تم...بتخطيط وتدبير .من الموساد...اغبياء لا يعرفون ان مايا قتلت علي ايدينا...ظنو انها قتلت لسبب.شخصي وهذا إن دل يدل علي ذكاء الاسرائيلين وغباء المصريين... لقد وهمناعم اننا لا نعلم مكان مايا...ولذا قررنا قتلها في بلدها....حتي نبعد الشك ..وهمناهم اننا سنجن حتي نعثر عليها..ونكمل مسيرتنا...فالبدايه...انتي لم تكوني هدفنا.حتي بعد ان وصلتنا اخبار..بانهم جندوكي لحسابهم ضدنا. بدأو بتدريبك..وتجهيزك حتي تصلي لمستوي مايا..ولكن. كانت النقطه الحاسمه كيف سيوصلو بينك وبيننا...ولكن المثير للاهتمام...ان الموبايل تم تهكيره...وهذا صعب بل مستحيل...فاجهزه الموساد جميعا...مؤمنه بنظام خاص يصعب علي اي شخص فكها....ووقت ما تم تشفير الموبايل...وردتنا معلومات ان القطه الصغيره هي التي اخترقت اقوي نظام تشفير ...عجز امامه جميع مهندسين الالكترونيات....في جهاز المخابرات المصري....ووقتها اصبحتي هدفنا السمين يالمار...الذي سعينا كثير ان نحققه...وها انتي الان بين يدي الموساد...
اما...انت...سيد دياب....يمكن ان تكون رجل...قوي ...ذكي..مخلص لعمله...مثقف..قادر..علي اي صعاب....عندك مخزون هائل من المعارف ..خصوصا المعارف السياسيه...الكبيره....واكتشفت الان انك رجل عاشق بدرجه اكبر...وايضا اعرف انك رجل لك كلمه مسموعه رغم صغر سنك...لدرجه انك صممت ان لمار لم تقابل چاك....وكل ما امرت به نفذوه بالحرف.....نعمممم لقد نسيت...وهمتم چاك...انه شرب كميه كبيره من الكحول وهو وهمكم انه تأثر..چاك. افرغ محتويات الزجاجه....وتناول حبايه من المنوم حتي ينام ويقنعكم انه سكران وزرع كاميرا صغيره في الغرفه.. حتي يري ما حصل في الغرفه اثناء نومه...وكان من ضمن المفاجآت الغير معروفه لدينا...هو زرع المايك...والدليل ان چاك...لم يظهر حتي الان ولم تسمعمو من خلال المايك اي شئ...
حتي....وجودك انت ولمار مع بعض في شقه مايا كان مسموع صوت وصوره...صحيح...نحن لم نكتفي من الكاميرا التي كانت في غرفت مايا والتي اكتشفتوها....ظننتم انكم وهمتونا بأقامه علاقه .لا تعلمو ان الغرفه كامله حتي مكان نومكم كان متوصل باجهزه صوتيه....
صحيح...لمار....هذا الرجل يحبك...فالرجل الذي يقع تحت تأثير امرأه مثلك وفي سرير واحد يجمعهم ويستطيع ان يتحمل ويكبت رغبته. فهو رجل عاشق...ويحب من قلبه.
ضحك....ميناش بكل قوته غريب امركم ايها المصرين...تعتقدون انكم اذكياء....ولكن انتم اغبياء ضعفاء...
لا تريدون ان تعترفو بقوه وذكاء اسرائيل...تتكبرون علي الاعتراف...كان من الممكن ان تكون خطه...في منتهي الذكاء....لاكن نحن سبقناكم منذ بدايه الخطه ونحن معكم خطوه بخطوه....وهذا الفضل يعود الي
دخل عز الدين فالوقت ده.....
ميناش....اهم عميل معنا...عز الدين والي....صحيح دون وجوده كان من الممكن ان ننهزم....
دياب.....باصص لعز دين بأرف..
فالوقت ده...كانت الرجاله بتزرع قنابل في كل مكان فالموقع....واي حد يقابلوه منهم يكسرو رقبته علي طول....
كانو بيكسرو اي كاميرات تقابلهم عشان يقدرو يتحركو...
واخيرا.....وصلو للغرفه اللي محتجز فيها....اهم الرموز المصريه...
وتم تأمينهم بالكامل لحد ما قدرو يخرجوهم بسرعه من المكان... ولكن لمار مكانتش معاهم...
.......... . فالخارج عند يوسف
يوسف...ياحاتم باشا انا خرجت...
مساعد رئيس الوزرا...
ووزيره البيئه.
ولواء اركان حرب..
ومشيو مع الرجاله اللي معانا هنا وهيتم تأمينهم بالكامل لحد ما يخرجو من هنا خالص....لاكن لمار ودياب لسه جوه...والوقت المحدد اشتغل من دقيقتين بالظبط...لازم يخرجو قبل التفجير...احنا لازم نتعامل فورا..
حاتم.....يوسف...دياب ولمار في حمايتك انت والرجاله لازم يطلعو بخير لازم ترجعهم مصر من غير اي غلطه...
دياب..ولمار امانه في رقبتك يا يوسف..ولو حتي ماتو جثثهم ترجع انت فاهم.
يوسف...بتأثر من ملامه...مفهوم ياباشا اطمن مش راجع غير بيهم...
حاتم...لا اله الا الله.
يوسف..محمد رسول الله
........
قفل يوسف...وفضل يكلم الرجاله ويوزعهم بسرعه علي جميع انحاء الموقع اللي كان عباره عن مكان في مكان معدوم من البشر وتحت الارض...ومتحاوط بالبحر...
......
ميناش.....دخل اتنين من رجاله ميناش... وكلموه في ودنه براحه..
ضحك ميناش....وبص لدياب....كنت اثق انك لست بمفردك...ولكن لا يهم...
صحيح...تكلمت كثيرا ونسيت ان اقول من اختار....ولكن اظن ان كلامي كان واضح من البدايه....سيد دياب.....للاسف انت لم تكمل معي الرحله...عفوا رحلتك انتهت....فالمار هي هدفي الاول والاخير...
لمار...بصريخ....لا لا ارجوك اتركه وخذني انا موافقه ارجوك..
ميناش ..للاسف لمار..هو لا يفيد معي بشئ يمكن ان يكون خساره كبيره لبلده...ولاكن وجوده معي ليس مكسب فالمكسب الحقيقي هو انتي صغيرتي....
ميناش....بص للرجاله وراح ناحيه لمار مسكها من ايدها...وشاور لاتنين من الرجاله.....تخلصو منه..
لماار...بصريخ...ارجوووك لا دياااااااب ديااااااب لا..
ميناش..وقف....دياب....صحيح...احب ان اقول لك سر قوي يثبت انكم اغبياء حقااااااااا....
مايا ليست جسوسه او عميله...
دياب....لمار..😳😳😳😳😳
ميناش.....مايا.....بريئه من تهمتها بخيانه مصر...وقتلت من اجل مصر...
حقاااااا اغبياء....
خرج ميناش....مع اتنين من رجالته ومع عز الدين وهما بيأمنو خروجه...وفضل دياب مع اتنين من رجاله ميناش...
...........
اما فالخارج...كان ميناش حاطط المسدس علي دماغ لمار وماشيين بيها...
وهنا شافهم الرجاله المصريه...وفضلو يتبادلو اطلاق النار...
اتصاب عز الدين في رجله...ودراعه....كانو حريصين علي انهم يشلو حركته لاكن ميموتش...
وقعو واحد من رجاله ميناش....وقدر ميناش هو والراجل التاني...يدخلو من مكان تحت الارض عشان يقدرو يوصلو لاخر النفق ويركبو قارب فالبحر ويبعدو بسرعه....
كان لسه في مجموعه من رجاله ميناش كل شويه يظهرو ويتعاملو مع يوسف وباقي الرجاله....
اما فالداخل....كان دياب.....كل حته في جسمه بتنزل دم.
وقع واحد فيهم اما التاني كان قوي جداااا ورغم قوه دياب إلا انه كان خلاص مش قادر يقاوم..فضل دياب يعافر معاه....لحد ما لقي حديده وبسرعه سحبها....دخلها في بطنه.وفضل يغرز فيها لحد ما الراجل نزل دم من بوئه ومات عالفور....
خرج...دياب..بسرعه من الاوضه....كان سامع ضرب نار في كل حته مكنش عارف جاي منين...لكن كان كل همه انه يلحق لمار....فتح الموبايل...ووقف وسط الموقع...يلف حوالين نفسه ويشوف اشاره الموقع بتاعت لمار...اللي كان فالسلسه اللي هي لبساها...اخيرا قدر يحدد مكانها...فضل يجري كتير تحت الارض وكل شويه بيقرب من المكان...وفجأه ظهرله...واحد من رجاله ميناش اقوي من اللي موته....ابتدا دياب يضرب فيه والراجل يضرب بكل قوته....دياب فاللحظه دي...حس انه فاقد السمع وكل حاجه حواليه....خلاص بينهار...ضرب واتضرب كتير وقاوم اكتر...وافتكر صوت لمار وهي بتصرخ صوتها كان كل ما ينهار يرجع يتردد في ودنه....استعاد جزء من قوته وفضل يقاوم ويضرب فالرجال....واخيرا سحب الراجل السلاح وقبل ما يضرب دياب...كان دياب وقعه برجله اتنطر السلاح بعيد...فضلو يضربو في بعض...ودياب يقاوم....واخيرا بحركه سريعه نط دياب عالمسدس...وضربه طلقه في دماغه....وقف الراجل ثواني...وقبل ما يقع زي الجبل فوق دياب..كان دياب...لف فالارض...وبعد والرجال ارتطم بالارض....قام دياب بسرعه وهو بيتطوح....وفضل مكمل جري.... واخيرا قرب من النقطه الموجوده فيها لمار....
لمار...بصريخ.....سبنييييييي ديااااااااب...ديااااااااب..
ميناش....ماسكها من شعرها بعنف....
تحركييييي...ووجهه كلامه للرجل اللي معاه....هيا تحرك...اقتربنا من القارب..
جري دياب بسرعه ...وبحركه سريعه....وقف ومسك الراجل اللي معاه من رقبته وحط عليه المسدس..
دياب...اتركها...حتي اتركه.
ميناش...بسخريه....وجه المسدس علي الراجل بتاعه ...سوف اتركه لك...واطلق النار عليه...استخبي دياب بسرعه ورا الحديد..فضل يضرب ميناش عليه...ودياب يردهاله....وفجأه فضي دياب خزنه المسدس...وفضل يدرس عالزناد ويعمل صوت للمسدس انه خلص الطلق...
ابتسم...ميناش...بخبث واتحرك بخطوات بطيئه ناحيته عشان يقتله...وساب لمار براحه..
ميناش.....بصوت هامس..لا تتحركي ولا تصدري صوت حتي لا اقتله
هزت لمار راسها بدموع..كان واضح عليها التعب مشيت كتير واتخبطت اكتر جسمها كله كدمات...مش حاسه براسها من كتر ما كان ماسك شعرها بكل قوته...كانت بتتمني دقيقه تفقد فيها الوعي عشان ترتاح...
اتحرك ميناش ببطئ...وقبل ما يلف...مسك دياب المسدس من ايده. وظهر ادامه..فضل هو وميناش يشدو من بعض المسدس..ولمار تصرخ من بعيد...ضربه دياب في بطنه برجله واتنطر المسدس بعيد...فضلو الاتنين اكتر من خمس دقايق بيتبادلو الضرب الاتنين كانو بيعافرو لكن كانو زي الجثث الهامده...من كتر الضرب...
ضربه ميناش..بكل قوته في بطنه...طار دياب وقع عالارض....شبه فاقد الوعي...مش قادر يتحرك..
لمار بتصرخ من بعيد...حاول دياب يقوم هو وميناش بيعافرو...قبل ما يمسك ميناش المسدس...ضربه دياب برجله بقوه وقعه عالارض ...مش بيتحرك..
بص دياب...في الساعه...
كان فاضل 59 ثانيه والمكان بالكامل ينفجر..
دياب...لمار اجري بسرعه عالقارب...المكان كله هينفجر.
لمار...بدموع ...مش هسيبك....
دياب...بغضب...اجري بقولك انا مش هقدر..
لمار...لو عايزني اعيش يبقي تعيش معايا قوم يادياب
قام...دياب وهو متنسمد عليها..مش قادر...
الوقت بيجري....ولسه الطريق مخلصش.......
فالخارج.....
ظابط من الرجاله ...ابعدو بسرعه المكان هينفجر.
يوسف....دياب ولمار لسه جوه..
الظابط....احنا مسحنا المكان مش لقينهم ابعدو مفيش..جريو بسرعه وخدو ساتر..
.........
تحامل دياب اكتر علي نفسه ومسكها من ايدها....وفضل يجري بيها وكأنه بيسابق الثواني...اللي بتنزل....واخيرا شافو نور..فضل يجري دياب.... لقو القارب....ركب لمار بسرعه وركب...ودور القارب....واول ما مبعد مسافه بسيطه جدا تكاد تكون معدومه....
وفجأه....انفجر الموقع...والنيران ظهرت من كل مكان..
وطار دياب ولمار بالقارب...من قوه دفع النيران....وقعو فالميه...
الرجاله بره كانو مصدومين...من اللي حصل ورعم انهم انقذو المحتجزين وقدرو ياخدو عز الدين...وقدرو يجيبو معلومات كتير وقدرو يحققو انتصار مهم لاكن كانو حاسين بخيبه امل ظاهره علي ملامحهم وحزن عشان مقدروش ينقذو دياب ولمار....
........
حاتم....انت بتقول ايه يايوسف...انت اتجننت...يعني ايه دياب ولمار اختفو فين الاشاره بتاعتهم.
يوسف...ياافندم صدقني الاشاره وقفت مقدرناش نحدد موقعهم حاولنا نمسح المكان علي اد ما قدرنا..بس الرجاله مكنتش بتخلص احنا كنا في حرب يا افندم...وواضح جدا انهم كانو في مكان صعب الاشاره بتاعتهم يلقطها القمر الصناعي....مقدرناش...صدقني....
ظابط...مع يوسف....الحق يا يوسف....دياب ولمار الاشاره بتاعتهم رجعت...وده معناه انهم عايشين.
يوسف..ايييييه.
حاتم....طمني يايوسف.
يوسف...اطمن يا افندم...خمس دقايق وهنمسح المكان ونتحرك بسرعه وهما معانا...
انا عند...لمار ودياب..
طلعت لمار...من الميه وهي بتكح جامد...وبتنادي علي دياب ..وبتلف فالميه وهي بتصرخ
لمار...دياااااب ديااااب...ديااااااب..
خدت نفس ونزلت فالميه تشوفه زي المجنونه...واخيرا لقيته من بعيد...مغم عليه...والميه بتسحبه لتحت وكأنه خلاص استسلم للموت..
عامت بسرعه لمار لعنده...مسكته من ايده...وفضلت تقاوم وتسحبه لحد ما طلعت بيه لفوق...كان تقيل جداااا عليها بس كانت بتعافر عشان ميقعش منها..
لمار.....فضلت تضربه علي خده...دياااااب قوم....قوممم عشان خطري..
اوعي تروح وتسبني يادياب....انا مسكت فالدنيا دي عشانك انت اللي خلتني ارجع امسك فيها من تاني مينفعش بعد ما علقتني بيها تسبني ارجوك اصحي ...يااااااارب..
فوق يادياب عشان خاطري....متسبنيش لوحدي...والنبي يادياب انا مليش غيرك وكملت بصريخ...فوووووووق بقيييييي.وفضلت تهز فيه...وحط راسها علي راسه ارجوك قوم متسبنيش انا حبيت الحياه عشانك يادياب......لو جرالك حاجه هموت فيها .اوعي تموت وتسبني ارجوك
فتح عينه دياب بضعف بسيط....
دياب.....مش هسيبك بس انتي كمان اوعديني متسبنيش وتقولي الحقيقه...
ابتسمت...لمار بوجع وهي بتضربه.
حرام عليك ده وقته انت موتني ووجعت قلبي.
ابتسم...دياب...بحب....سلامت قلبك...بقول ايه الدنيا هاديه وانا وانتي فالبحر...ماتجيبي بوسه..
ضحكت..لمار ودموعها نازله ...حتي وانت متخرشم كده قليل الادب..
دياب.....ابتسم اهو كلام اصل بعد اللي حصل فيا ده...متنتظريش مني غير كلام. اطمني بقيت اختك..
ضحكت...لمار وحضنته وفضلت تعيط.
دياب....اهدي بلاش عياط...
سمعت لمار...صوت قارب بيقرب من بعيد.
لمار....ديااااب....في قارب جاي علينا🥺🥺
دياب.....اغطسي بسرعه وسبيني...
يوسف...من بعيد.....دياااااب..
دياب....ده يوسف...شاوري بسرعه..
لماار.......احنا هنااااااااا.
وصل يوسف....ومعاه الرجاله....طلعو دياب...واخيرا مسكو لمار طلعوها. واتحركو بسرعه من المكان...
كان خلاص دياب اطمن وارتاح..واتأكد ان لمار في امان استسلم لفقدان الوعي...
لمار...ديااااب ديااااب..
يوسف...متخافيش هيكون كويس.
لمار...ده كان بيكلمني وصاحي.
يوسف...طبيعي متخافيش...
كلم يوسف...حاتم وبلغه حاتم كان طاير من الفرحه.....
حاتم....روحو زي ما قولتلك علي الحدود بتاعت الاردن البر التاني هتلاقي الرجاله كلها هناك في انتظاركم ومستنينكم....
يوسف...بلغهم يكون في اسعاف دياب حالته وحشه ولمار....فيها جروح وكدمات كتير..
حاتم...اطمن كلهم في انتظاركم طمني يايوسف.
يوسف...تمام يا افندم...
...............
قفل حاتم وهو بيحمد ربنا
دخل واحد من رجاله المخابرات...حاتم باشا...المقدم رامي خطيب مايا موجود بره.
حاتم....دخله فورا....
دخل حاتم...وبعد التحيه...
حاتم...بدون مقدمات...ايه علاقه مايا الحاوي خطيبتك....بالموساد.
رامي...😳😳😳
حاتم...مش وقت اندهاش....احنا عرفنا حجات كتير لكن في حجات اكتر منعرفهاش ومش عارفين مايا جاسوسه ولا لا.....لان في حاجات تثبت انها مش جاسوسه زي الصوره دي كده...ووراله صوره المفتاح مع ان كل حاجه تبين عكس كده...
رامي.....بحزن كان نفسي المقابله دي تحصل من بدري شويه....خصوصا لما جاتلي مايا اللي هي مش مايا😏
حاتم....يعني انت كنت عارف ان اللي قابلتها دي مش مايا....
رامي ....ايوه كنت عارف....بش سبتكم تكملو اللي مايا بدأته عشان كذا سبب اولهم حقها يرجع...وتظهر بصوره تشرف ثانيا عشان تجيبو اللي عمل فيها هي وابويا كده...
حاتم...ابوك...
رامي...هحكيلكم كل حاجه من البدايه....
رامي...انا رامي ادهم ابو العز....والدي ادهم ابو العز...كان سفير في اسرائيل من 14 سنه.... كنت انا لسه يادوب مخلصتش دراسه.كنت 20 سنه..ابويا فالفتره دي كان عنده ضغط نفسي رهيب...ووصل لاكتئاب مكنش حد فينا قادر يعرف السبب بس اللي كان واصلنا انه بيقابل ضغط من ناس حواليه لكونه سفير في اسرائيل....فالفتره دي كان والدي ليه صديق...انا مكنتش اعرفه اوي...مكنتش انا ووالدي صحاب لدرجه اني اعرف صحابه واساميهم...بس كانت علاقتنا كويسه....
كنت بسمع...والدي اوقات بيتكلم مع والدتي عن اسرار في اسرائيل وحجات غريبه كنت لسه صغير مكنتش شاغل بالي كان كل همي اني ادخل الصاعقه واحقق حلمي....وفيوم سمعته بيتكلم فالموبايل وبيزعأ....وواضح عليه الغضب...بيقول لواحد.كلام لحد لنهرده انا حافظه صمم...افهم ايه...انت اتجننت...انت عايزني اخون بلدي....واضح ان صداقتي ليك كانت مش في محلها انا اتخدعت فيك....وانا هديك فرصه يا ترجع عن اللي في دماغك يا اما هبلغ عنك....ومش هحزن عليك يوم....لانك خاين....
وفضل والدي يومين بحالهم جوه مكتبه مش بيخرج ومش بيعمل حاجه غير بيشرب قهوه وسجاير...
ولاول مره احس بالفضول قررت ادخل اسأله عن اللي سمعته....ولكن قبل ما ادخل...سمعته بيتكلم....
ادهم...عملت ايه فكرت. ولا لسه عند قرارك....
اقابلك اقابلك ليه...انت فاهم بعد اللي قولتهولي ده انا هيبقي عندي ثقه فيك...
طيب طيب...تمام هاجي..واشوف اخرتها...
خرج ابويا فالوقت ده...وانا استخبيت بس كان جوايا خوف عليه لاول مره احس اني مش مطمن...خرجت وراه بعربيتي من غير نا يشوفني واول ما وصل وقفت انا من بعيد...اشوف ايه اللي هيحصل ابويا وقف في مكان مقطوع...مستني حد....وفجأه سمعت ضرب نار علي ابويا ومفيش اي حد شايفه لقيت ابويا من بعيد بيصرخ ووقع فالارض....انا اتصدمت مقدرتش انطق...خوف علي رعب قلق توتر وجع احاسيس كتير متلغبطه لاكن كان اكبرهم احساس الفضول اللي اتحول لطار....لقيت من بعيد عربيات بتتحرك بعد ما كانت مختفيه وبعدو....نزلت براحه جريت علي ابويا.....شلت راسه علي رجلي ...
فلاش...باك....
رامي...بابا بابا قولي مين عمل فيك كده.
ادهم....رامي...اهرب قبل ما يشوفوك.
رامي....مشيو...قولي مين عمل فيك كده انا سمعتك بتتكلم فالموبايل قلقت عليك...مشيت وراك...بس مكنتش اعرف ان ممكن حد يعمل فيك كده..قولي مين ده.
ادهم.....بلغ يا رامي....فضل يكح جامد وخلاص كانه بيلفظ انفاسه الاخيره....
عز الدين..الوالي....جاسوس..
باااااك
فضل يردد الكلمه دي كذا مره...وخد اخر نفس ومات في حضني...ومن يومها قررت مسبش طار ابويا...بس مكنتش اعرف مين هو ده....حاولت بكل الطرق اوصل للاسم ده...ووصلتله بعدها باربع سنين...وعرفت انه لواء اركان حرب..
وعرفت انه وقتها كان استقال وسافر فرنسا....فالوقت ده ظهرت مايا ادامي....
مايا كان ليها افكار متطرفه او بمعني اصح...كانت بتكره السلبيات اللي فالبلد زيها زي اي شباب في سنها الحماس بيكون واخدهم وبتخاول تثبت انها موجوده انها تعبر عن غضبها علي الميديا...كان وقتها ليها ناس كتير بتتابعها ويمكن ده خلي العين عليها....والدها سفرها ساعتها فرنسا تكمل تعليمها عشان يبعدها عن اي حاجه ممكن تأذيها...وفعلا سافرت مايا كانت بتيجي فالاجازات....وقتها انا عرفت ان عز الدين الوالي في فرنسا....
كنت عايز اعرف اي حاجه عنه اعرف بيعمل ايه هناك بيشتغل ايه....كنت عايز حد ينقلي اخباره باي شكل....وفمره كانت مايا في اجازه....كان ليا واحد صاحبي اخته كانت صاحبه مايا...اتعرفت وقتها عليها...وحبيت اني اتقرب منها اكتر لاني مكنش في حد ادامي غيرها....عارف اني كنت بستغلها بس مكنش عندي بديل خصوصا اني عرفت ان الراحل ده جاسوس. طب ابلغ بايه واقول ايه انا معرفش غير اسمه وغير انه جاسوس وان ابويا اتقتل...وشويه كلام سمعتهم منهم في تليفون...يعني مكنش في حاجه في ايدي اقدمها...يمكن مع الوقت اتعلقت بمايا وحبيتها اوي بس ده بعد ما اتخطبنا...المهم مايا مكنتش بتحبني اوي او مكنتش بتطيقني...بس حصل بينا كذا موقف وكل مره كنت بحاول ابهرها...لحد ما في مره كانت جايه اجازه....ولقيتها طلبت تقابلني...وقالتلي انها بتحبني ساعتها الفرحه مكانتش سيعاني مش عشان حبيتها لا عشان خطتي هتتنفذ....وفعلا اتخطبنا...ومع الوقت حسيت انها فعلا طيبه وحسيت انها فعلا بتحبني ابتديت اتشدلها....يمكن الكلام اللي تعرفوه ان مايا....دخلت معايا في علاقه ومسلت عليا الحب عليا عشان هي جاسوسه...بس ده كلام كان باتفاقنا..
المهم...قررت في يوم اصارح مايا بكل حاجه....وفعلا قولتلها....واتأسفتلها...
بس هي فاجئتني قالتلي انها مزعلتش وانها جاهزه انها تساعدني....وفعلا كنلت معايا كانت بتجبلي اخبار وحجات كتير وبلاوي اكتر....وفيوم قالتلي ان في واحده صاحبتها كلامها غريب...والواضح انهم حابين يجندوها...فالوقت ده كانت مايا متأكده ان عز الدين ده اسمه اتذكر ادامها. كانت بتراقبه لما قدرت توصله وعرفت ان علاقته مش مريحه....وقتها انا خفت علي مايا قولتلها خلاص تبعد .
بس مايا كانت جريئه اوي...ومبتخفش من اي حاجه....ووافقت انها تكمل معاهم وعجبتها فكره انها تكون بطله وانها تعمل حاجه صح لبلدها....كان عندها حماس وطاقه غير عاديين لاي بنت في سنها....وفعلا كملت قدرت تجيب اسامي ناس كتير وقدرت تعرف كل مخطتاطهم ولنا كانت بتعرف حاجه او عمليه خطيره كنت انا ببلغها بطريقه غير مباشره...وبعمل بيها بلاغ ...ومع كل مره كانت العمليه مبتمش وبنقدر نعدي....لحد ما من فتره بسيطه من كذا شهر....لقيت مايا بتكلمني وبتقولي انها هتنزل مصر....وفعلا نزلت ولما جت...ادتني سي دي...وقالتلي انها مش مطمنه وخايفه يجرالها حاجه ...وانها حاسه بالخطر طلبت منها انها تبعد مكنتش موافقه تماما....ادتني السي دي.. وقالتلي...لحد ما ترف كل حاجه عن عز الدين الوالي....وصتني مافتحش السي دي...إلا في حاله لو جرالها حاجه....وفعلا روحنا حطيناه في خزنه في بنك وكان ليه نسختين انا معايا مفتاح وهي معاها مفتاح....عشان نكون متأكدين اننا فالامان...
بعدها سافرت مايا تاني....كانت فالفتره دي متغيره علي طول خايفه في رهبه عندها كأنها متهدده بحاجه في حاجه كانت مش مظبوطه...واختفت اسبوع مش قادر اوصلها .لحد ما فيوم كلمتني من مطار مصر...وقالتلي انا جيت مصر ومش راجعه تاني...
سالتها ليه وهي فين وايه اللي حصل..
قالتلي بالنص.....انا هربت وجيت هنا باعجوبه...لدرجه اني استغربت اني اعرف اهرب بسهوله كده....وانها عرفت مين هو عز الدين بالظبط وبيشتغل ايه
ومع مين...ومعاها كل المعلومات عنه...
وادتني معاد اني اقابلها تاني يوم.....
وبعدها معرفتش اوصلها...مكنتش قايله لاهلها خفت اني اقلقهم عليها بس انا مكنتش ساكت كنت بدور في كل مكان بس مكنش ليها اثر ...وبعدها ب3 ايام...لقيت حد بيكلمني وبيهددني....وباعتلي صوره مايا مقتوله وبيقولي متحاولش تفتش تاني....عشان الدور عليك. ..عدي الوقت كنت خلاص قررت اني اروح ابلغ واقدم السي دي...عرفت ساعتها من جماعه صحابي ان في قضيه شاغله البلد...عن بنت جاسوسه...ساعتها انا كنت واثق انها مايا......قدرت اوصل لمعلومات انها هي فعلا وقتها اتحولت قضيتي من طار ابويا لطار مايا واثبات انها مش جاسوسه....لحد ما لمار جات. وظهرت وساعتها اتطمنت ان احتمال الحقيقه تتعرف.....وبما انكم وصلتو لصوره المفتاح ده معناه انكم عرفتو عموما....المفتاح التاني معايا....وتقدرو تروحو معايا وتاخدو السي دي وتعرفو بلاوي اكتر بكتير
..وتثبتو ان مايا مكنتش جاسوسه مايا حبتني وحبت بلدها رغم انها كانت مختلفه فالرأي عن قوانين وحجات كتير إلا انها كانت بتعشق مصر...
صدقني يافندم...مش كل اللي رافض النظام كارهه البلد....في كتير كارهين لاكن بيعشقو التراب بتاع البلد.. .واغلبهم....عندهم استعداد يدافعو عن مصر وعندهم حماس محدش يتخيله.
رامي....هي دي كل حكايه مايا.....وانا اللي كنت ببلغ باي حاجه تتعرف عشان تقدرو تتصرفو...
حاتم.....يعني مايا طول الوقت ده كانت بريئه....ابتسم بسخريه.....وكلم نفسه...
اتفقتو فالشبهه وشكلكم اتفقتو فالوجع.والظلم😔
.........................................
اما في ڤيلا انس كان كل من
ياسين ورحمه وياسمين....في زهول😳
كارمن كانت باصه فالارض وماسكه في ايد انس وجسمها متلج وخايفه من رد فعل اهله...اما انس كان واقف بكل ثبات وهدوء ماسك ايد كارمن عشان يطمنها
ياسين.....مراتك..
رحمه...مراتك ازاي مش فاهمه
ياسمين............😳😳🤐🤐
انس......ايوه مراتي ومش من كتير من ساعتين بالكتير...
ياسين...بهدوء....وعقل طيب ممكن نفهم.
رحمه....نفهم ايه بيقولك مراته واتجوزها من غير ما يقولنا
ياسين....رحممممه استني نسمعه...
انس.....هقولكم كل حاجه بس ممكن قبل ما افهمكم اي حاجه تطلع الاوضه ترتاح عشان هي تعبانه جدااااا.
رحمه....استني هنا اوضه ايه اللي تطلعها وترتاح فين ...
انس...امي من فضلك عارف ان اللي بقوله صعب...بس بقي امر واقع ومش معناه اني بحطكم في امر واقع لا ده امر اتفرض علينا احنا الاتنين ولو مكنش حصل برده كنت هتجوزها لاكن كلن هيكون بعلمكم وكنتو هتيجو معايا بنفسكم تطلبوهالي
رحمه.....طب وايه اللي منعك وليه مقولتش واحنا كنا جينا معاك.
انس...حضرتك لو ادتيني فرصه بسيطه هشرحلكم كل حاجه..
ياسين...رحمه ممكن تسكتي شويه لحد ما نفهم...
انس....طيب ممكن بعد اذنك يا بابا كارمن تطلع فوق..
ياسين....بابتسامه حنونه....انتي اسمك كارمن.
هزت كارمن راسها بخوف وهي مش بصاله.
ياسين...اسمك حلو علي فكره..
رحمه بصت لجوزها...
ياسين...طلعها يا انس...واحنا مستنينك هنا..
كارمن...بصوت واطي ...لا مش هطلع خليني معاك ارجوك..
انس....هز راسه حاضر...متخافيش.
نده انس عالشغاله...تطلع شنطه كارمن
انس.....اتفضلو اعدو كارمن هتفضل معانا..
ياسين....تنورنا..طبعا
انس.....انا هحكيلكم كل حاجه...من يوم ما بدأت حكايتي مع كارمن لحد اللحظه اللي انا بتكلم معاكم فيها دي...
ابتدا كارمن يحكي....من اول مره شافها في القسم في مكتب دياب...وبدايه معرفته بيها وقضيه لمار...وكل تفصيله حصلت لكارمن وكل حاجه اتعرضتلها من ظلم لضرب لاهانه من والدها....
كانت كارمن باصه فالارض..ودموعها نازله بصمت...
اما اهله كان واضح عليهم التأثر ووالدته..عنيها كانت مدمعه...بالرغم انها اتصدمت وده طبيعي لاي ام يدخل عليها ابنها يقولها انه اتجوز لاكن هي طيبه وحنينه وكل همها تفرح بانس...
لاكن لما عرفت الحقيقه حست بالحزن علي حال كارمن اللي كان واضح عليها انها صغيره علي كل اللي شافته ده...
اما ياسمين...كانت متأثره بكلام انس...ودموع كارمن اللي بتنزل في صمت لدرجه انها دموعها نزلت..
انس.......بس دي كل حكايتي مع كارمن....والاهم من كل ده....اني حبيتها حبيتها بجد ومعنديش استعداد اخسرها ولا عندي استعداد اشوف حد بيأذيها...ولو اخر يوم في عمري هقضل معاها وبحميها...
ياسين....بفخر.....راجل يا انس...انا خلفت راجل... يمكن اكون اتاخدت لما قولت انك متجوز ويمكن اكون ابان اني كنت هادي بس حبيت اسمع عشان لو مسمعتش حاجه مش عجباني ساعتها عصبيتي يكون ليها سبب...بس اللي سمعته ده..صعب حد يتحمله وفنفس الوقت مبسوط بموقفك اوي....ومبسوط بوجودك يا كارمن وسطنا...ومن انهرده انا عندي 3 ولاد مش اتنين..
نزلت دموع كارمن بوجع..
رحمه...متزعلش مني يا انس...بس زي ما ياسين قال انا اتاخدت واتصدمت...بس قلبي وجعني لما عرفت السبب...وقامت اعدت جمب كارمن...متزعليش مني انا ام...وطول عمري نفسي افرح بانس وهو كان مش راضي...ويوم ما يتجوز بتجوز بالطريقه دي اتصدمت....بس حقك عليا..سامحيني...ممكن اخدك في حضني.
هزت...كارمن راسها وحضنتها وهي دموعها نازله...
ياسمين...وهي بتمسح دموعها....انا بقي ياكارمن. مش قادره اقولك انا مبسوطه اد ايه...اخيرا هيكون في حد هنا فالبيت معايا...لا وبنت كمان ده انا ربنا راضي عليا انه بعتلي اخت قمر زيك كده...
بصت كارمن لانس...بفرحه.
هزلها انس..راسه وغمزلها بابتسامه..
ياسمين...راحت خدتها في حضنها...
ياسين....ان شاء الله الدنيا تهدي ونعملكم اكبر فرح في مصر كلها..
انس...هيحصل بس مش قبل ما ارجع لها حقها..
انس...عموما مش وقته الكلام ده...انا مبسوط...انكم فهمتوني وقادرين تقدرو الموقف ومزعلتوش مني...كده هقدر اخرج وانا سايبها في امان معاكم ...
ياسمين...ده انت تخرج وتحط في بطنك بطيخه كمان.
انس...لا ياشيخه الوقت اخرج ما انتي كنتي علي طول تكلميني انت فين جاي امته زهقت.
ياسمين...لا ده كان زمان الوقت في حد يأعد معايا خلاص.
انس...ااااه من لقي احبابه نسي اصحابه يعني.
ياسمين...بالظظظظظبط...ده لسه كمان يا كارمن هعرفك علي اخت دياب ريناد وهنبقي تلاته عليهم
ياسين....حزب يعني يبقي الله يرحمك يا انس...
انس...🙄🙄شكلي اتسرعت لما جبتها هنا...
فضلو كلهم يضحكو وبسرعه حست كارمن انها في امان وسط اهلها وحبيبها حست بارتياح كبير لتقبلهم ليها.
انس...انا هستأذن بقي عشان اروح القسم.
رحمه...طب مش تطلع كارمن
انس...اطلع ايه ..انا بقيت ضيف هنا هي وياسمين اندمجو خلاص وانا طلعت منها..
رحمه....صراحه اه يلا بقي اتكل علي الله.
انس...حتي انتي يا امي ماشي ياستي....
وراح باس ايدها هي ووالده....ربنا يخليكو ليا.
ياسن...ويخليك لينا
رحمه...ويخليك لينا ياحبيبي يلا روح علي شغلكم...واطمن عليها..كارمن بقت بنتي...صح يا كارمن..
كارمن ..بابتسامه صح
انس...ربنا يخليكو ليا...يلا سلام هخلص وارجع.
المل...سلام...
خدت ياسمين كارمن وطلعو عالاوضه وهما مبسوطين...وطلعت معاهم رحمه....
....................
وصلو الرجاله علي حدود الاردن....عملو كل الاسعافات للمار ودياب....فضلو هناك 3 ايام...
رجعو جزء من الرجاله معاهم التلاته اللي مانو محتجزين ومعاهم عز الدين....فضل معاهم يوسف وكام ظابط...وفاليوم الرابع....بعد ما صحتهم رجعت كتير عن الاول....اخيرا.....قرروا العوده...الي ارض مصر🇪🇬🇪🇬
البارت التاسع والعشرون
عدي حوالي 3 ايام علي وجود كارمن وسط عيله انس اللي بسرعه حست كارمن بالامان والحب والدفا معاهم عرفتها ياسمين علي ريناد اللي كانت متأثره بحكايتها جدا وبسرعه ال3 بنات قربو من بعض كأنهم بقالهم زمن يعرفو بعض...والد انس ووالدته كانو طول الوقت بيتكلمو مع كارمن ويضحكو ويهزرو عشان يشيلو منها الخوف والرهبه اللي كانت حاسه بيهم اول ما وصلت كانو ماليين فراغها ووحدتها عوضوها في ايام بسيطه عن حب وحنيه افتقدتهم سنين.... كارمن عرفت والدتها باللي حصل وانها اتجوزت انس...فرحت والدتها عشان اطمنت عليها رغم وجعها انها مش معاها...وعدتها كارمن انها قريب هتشوفها وان يوم فرحها هي اللي هتكون معاها.....
اما انس. فا بعد ما رجع عالقسم.وقت ما ساب كارمن وسط عيلته ..حقق مع الراجل العربي..بعد ما كمل ضرب فيه....وعرف ان ابوها السبب في كل ده..نزلت حمله مكثفه تجيبه فضلو يدورو طول ال3 ايام عليه في كل مكان لاكن مكنش ليه اي أثر حتي البيت مكنش بيرجع وهو انس كانو متابعين مع والدتها .لاكن كأنه فص ملح وداب...
اما بالنسبه للجهاز....كانو متابعين كل اخبار الرجاله وطمنين عليهم انهم في امان...وصل التلاته المحتجزين...ووصل عز الدين واتحط في سجن مشدد لحين التعافي التام...لانه كان واخد رصاصتين....اما عن مايا فاتكدو من برائتها ووطنيتها وقدر رامي يحقق اول هدف انه يثبت برائتها وقدرو يعرفو بلاوي كتير من خلال السي دي.. كانت مايا حفظاها وكانت مسجله صوت وصوره كل حاجه رامي قالها وبتثبت صحه كلامه..... وتم تبليغ اهلها بوفاتها اللي حزنو من قلبهم ان بنتهم كانت طول الوقت في خطر ومخبيه عليهم اما بالنسبه لموقفهم من رامي كان صعب لانهم شايفين ان هو السبب في كل ده...
........
انس....بقي كل ده يحصلك يا صاحبي وانا معرفش ولا حتي معاك.
دياب...بصوت مجهد...ده انت تحمد ربنا انك مكنتش معايا وإلا كان زمانك ميت كفايه انا... المهم مين قالك سياده اللواء
انس....اه لما اتصلت بحاتم باشا وسألته عليك عشان فجأه لقيت تليفونك اتقفل حكالي كل حاجه ..كنت فاكره بيضحك عليا وانك فيك حاجه بس الحمد لله انك بخير..
دياب...الحمد لله عدت علي خير...
فضل انس يحكيله عن اللي حصل الكام يوم اللي فاتو وعن جوازه بكارمن. وكان واضح علي صوته وهو بيحكي انه مبسوط...
فرح دياب عشان فرحه صاحبه واتمني من جواه انه هو كمان يحقق حلمه مع لمار...
انس...راجع امته..
دياب....احنا ساعتين تلاته كده وراجعين ان شاء الله..
انس...هجيلك
دياب...لا تجيلي ايه...انا اصلا راجع عالموقع تاني بتاع التدريب.
انس...طب ليه
دياب...انا اللي طلبت من حاتم باشا كده....لان حاليا لمار مفيش مكان تروحه غير انها ترجع السجن لحد ما نشوف هيحصل ايه.
انس....هي لسه متكلمتش يادياب.
دياب...للاسف لا...انت عامل ايه مع والدتها.
انس...والدتها اتحسنت كتير لدرجه اني حاسس اني لما بروحلها بتكون مبسوطه وكأنها مستنياني...عشان احكيلها عن لمار عن كارمن اتكلم معاها...الست دي بتصعب عليا بجد.
دياب...طب ايه اخبار مسعد
انس.تحت المراقبه متخافش بس الاتصال بينه هو وحنان مقطوع من اسبوع لاكن الاتنين تحت المراقبه متقلقش..
دياب...طيب اسمعني عايزك تجيبه عالمكان اللي قولتلك عليه..
انس...ايه انفذ خلاص..
دياب...اه مفيش وقت يا انس..احنا الصبح يطلع هنكون في مصر ولو حاتم باشا وافق ان لمار تأعد يومين تلاته عشاني فا ده جدعنه منه لاكن هي لازم ترجع السجن ...وبعدها خلاص مش هيبقي في وقت وانا لايمكن اسيبها تروح مني....
انس....تمام بقولك ايه...انا عايز اسالك سؤال صحيح...
دياب قول....
انس....انا لما بعت ليك صوره مسعد اول مره وانت وريتها للمار قالت متعرفهوش....والمره اللي بعدها لما جبت صورته من الواتس وبعتهالك قالت انه مسعد...
دياب.....اه صح....تصدق مجاش في بالي خالص 🤨..
انس....انا استغربت انها عدت عليك انت مش بيفوتك الهوا.
دياب...تمام هعرف منها الحكايه دي..
انس...تمام
دياب....ومبروك يا عريس..
انس...الله يبارك فيك يا صاحبي عقبال نا افرح بيك انت ولمار...
دياب...يارب.
انس....ابقي عرفها بقي عشان تتبسط وتطمن اكتر علي كارمن...
دياب....ماشي ياعم يلا روح بقي انت...وانا اول ما اوصل هعرفك عشان اشوفك وحشتني.
انس....وانت اكتر والله بقول ايه انت قولتلهم عندك انك جاي...
دياب...لا لا انا مش هعرفهم يومين تلاته كده لسه شكلي متدمر خالص بس تروح الكدمات والزرقان ده عشان ميقلقوش عليا.
انس...بضحك واضح انك اتطحنت..
دياب.....انا مستقبلي ضاع يا انس..
انس.....الللله بقيت سوسن ولا ايه.
دياب...اظبط يلا سوسن في عينك...احنا رجاله اوي ...انا اه اتطحنت بس موتهم يعني ميغركش الاجسام اللي طلعتلي دي..
انس....ماشي ياعم ظبطنا خلاص.
دياب...يلا اشوفك علي خير
انس....سلام يا صاحبي...
....................
خرج دياب من الاوضه بتاعته...راح علي اوضه لمار...
قامت لمار تفتح الباب
لمار...انت كويس.
دياب...اه الحمد لله ما انا واقف ادامك اهو مالك قلقتي ليه.
لمار....بحسبك تعبان.
دياب ..لا ياحبيبي انا بخير.
لمار ...طيب تعالي ادخل ارتاح.
دخل دياب اعد عالكنبه....ايه جاهزه.
سرحت لمار بحزن.....اه جاهزه..
دياب...بابتسامه ومالك بتردي كده ليه..مصر وحشتكيش بعد كل البهدله اللي حصلتلنا دي ..مش عايزه ترجعي
لمار.....اكيد وحشتني....بس لو عالبهدله مش فارقه كتير خدت عليها....بس لو عالرجوع....هتصدقني لو قولتلك رغم اني كنت شاكه اني ممكن ارجع بس كنت من جوايا حاسه انها هتعدي علي خير وهرجع ...بس معملتش حساب اللحظه دي....
ومتخيلتش ابدا...اني ممكن اكون مضايقه او خايفه .
دياب.....ليه بتقولي كده.
لمار.....نزلت دموعها ....الفتره اللي اعدتها معاك.....يمكن تكون اكتر فتره حلوه عدت في حياتي بعد قضيتي...
عارف لما تكون حياتك عاديه مفيهاش اي توتر ولا خوف ولا خطر ....ويجي يوم واحد يقلب حياتك ويدمرها ومتبقاش شايف اي لون فالدنيا غير اللون الاسود....وبعد فتره يجي يوم تاني...يغير حياتك ويقلبها من تاني. تدخل في حياه تانيه خالص بعيده كل البعد عن حياتك الاولي وشخصيتك وتبتدي الدنيا تلون ادامك رغم الصعب اللي بتمر بيه فالحياه دي إلا ان كنت شيفاها ملونه....
في حياه يا دياب بنعيشها هاديه طول عمرنا....لاكن وقت قلبتها بتكره حياتك كلها حتي الحلو اللي عيشته فيها
وحياه تانيه بتكون كلها مخاطر وقلق وخوف لاكن بتحب كل لحظه فيها...
دي كانت حياتي معاك يادياب...
رغم اني عشت معاك فتره كلها خطر وخوف وتوتر إلا اني حبيت كل لحظه فيها انت ظهرت في اسوء فتره في حياتي .....لاكن قدرت تخليني انسي كل صعب فيها..
دياب.....وايه اللي مانعك انك تكملي فيها .
لمار.....انا عايزه اقولك انك كسبت التحدي يادياب....وقدرت تخليني احبك واتعلق بيك....بس لحد الوقت انا مش قادره اتكلم....قولتلك بلاش تعلقني وتعلق نفسك...عشان اللحظه دي..
دياب...هتصدقيني لو قولتلك ان لو كنت سمعت الكلام ده منك من فتره كان زماني شايط وبغلي وعايز اكسر دماغك دي عشان تنطقي...بس يمكن الوقت مش فارق معايا عارفه ليه.
لمار...ليه .
دياب...عشان انا قولتهالك وهقولهالك قبل كده....الموت مش هياخدك مني..مش هسمح بده...ولو انتي مش حابه تتكلمي مش هجبرك وهحترم رأيك....لاكن انا لاخر نفس فيا هحارب عشان اجيب برائتك...من غير نا اخليكي تتعرضي لموقف انتي خايفه منه....لاكن اني اسيبك ده استحاله...
وفضل دياب يحكيلها عن اللي حصل مع كارمن وانس....فرحت لمار بجواز كارمن..واطمنت اكتر عليها...
لمار....انت عارف يمكن ده اكتر خبر فرحني....عشان كلرمن تفوق وتعيش بقي كفايه وجع اوي لحد كده...عالاقل تلاقي حد يعوضها ...واكون مطمنه عليها.....حتي امي بسؤالكم عليها ديما....وبمرواح انس ليها. ده مريحني اوي ومطمني ان لو جرالي حاجه انتو مش هتسبوها ولا تنسوها ابدا....
دياب....طيب وانا يالمار....اطمنتي علي كارمن...وعلي امك....طب وانا فين...
لمار.....انت عارف اني عمري ما قصدت اوجعك وعارف كمان اني بتمني اعيش عمري كله معاك...
دياب...هتعيشي معايا وفحضني وهخبيكي جوه قلبي كمان. بلاش عياط وعايزك تنسي اننا راجعين اصلا... وبعدين لسه اصلا بدري...احنا لسه هنروح عالموقع عشان اختلي بيكي😉😉
لمار....بضحك...قليل الادب.
دياب...بحبك.😍
لمار...وانا بحبك.
دياب...صحيح انا عايز اسألك سؤال.
لمار...قول
دياب....لما وريتك صوره مسعد اول مره وقولتلك انه كان بيحاول يقتل مامتك...واتخانفت انا وانتي...قولتي انك متعرفيهوش.....ولما وريتهولك وقولتلك ان ده واحد ليه قضيه مع انس وحبيت اعرف هو ايه ظروفه او تعرفيه ولا لا...قولتي انه مسعد...مش غريبه.دي.
لمار....لا مش غريبه...يمكن انا اللي المفروض اسال السؤال ده....؟؟
دياب...مش فاهم..
لمار...هفهمك....لما وريتهالي اول مره... اولا انا كنت بشبه عليه مكنتش متأكده ان هو...بس فنفس الوقت سكت لسبب واحد انت وقتها لما ورتني الصوره قولتلي ان الكلام اللي جيرانك بيقولوه شكله صح....طبعا انا كان لازم اقول معرفهوش لان لو كنت قولتلك انه مسعد كنت هتسأل مسعد مين..ولو كنت حكيتلك اني مكنتش برتاخله وانه كان هيعتدي عليا لما النور قطع فالمنطقه....مكنتش هتصدقني....
خوفت اتكلم انت اصلا كنت وقتها شابط ولو كنت حلفت بايه مكنش الكلام هيغير حاجه...ولما ورتهالي تاني مره....كانت صورته واضحه...ولقيت نفسي بقول اسمه تلقائي ومقدرتش ارجع في كلامي...بس وقتها مدخلش عليا حوار انس والقضيه ده..وكملت بضحك.كنت واثقه انك لسه شاكك فيا عادي حقك. بس وقتها كان لازم اقولك حكايتي معاه عشان اعرفك اد ايه بكرهه واعرفك ان لو في دماغك شك من ناحيتي ليه يبعد...وكنت منتظره نفس سؤالك ده ...لما انتي تعرفيه ليه مقولتيش اول مره انك تعرفيه ساعتها كنت هفهمك نفس السبب اللي خلاني مقولتش اول مره.....وبعد كده انا اللي كنت حابه اسالك بس بصراحه رجعت في كلامي خوفت يكون تحليلي للسؤال صح وانك فعلا شاكك فيا....
دياب....يااااه اد كده انا وجعتك وقتها.
لمار....ولا وجعتني ولا حاجه زي ماقولتلك حقك بس لو كنت سألت وسمعتها منك كنت هتوجع..
دياب...عموما والله العظيم ده اللي حصل فعلا وانس ليه قضيه مع الشاب ده...يعني مكنتش حابب اسال تاني..انا واثق فيكي يا لمار والله ماشكيت فيكي حتي اول مره سالتك كنت بحاول استفزك عشان تتكلمي مش قله ثقه صدقيني.
لمار...بابتسامه....وانا مصدقاك.
دياب....طب ايه اجهزي يلا قربنا نمشي وبعدين اول ما نوصل انا عاملك مفجأه.
لمار....ايه😳
دياب...قولت مفجأه.
لمار...والنبي.
دياب...بضحك...عيله اوي...ماشي ياستي...انا هجبلك احلي اكله شاورما مش كان نفسك فيها.
لمار...بضحك...انت لسه فاكر.
دياب...طبعا ياقلبي..انا اقدر انسي...
لمار...بحبك..😍😍
دياب...وانا بعشقك ياهبله...
....................................
وصل انس الڤيلا....كانو كلهم اعدين وبيحضرو العشا مع بعض.
انس.....مسااء الفل
رحمه....مساء النور يا حبيبي.
ابتسمت كارمن من بعيد...وبعدت وشها...هي في وجوده بتكون محرجه جدااا..من اهله وهو بيتعمد انه يضايقها خصوصا بعد ما والدته قررت تخلي كارمن تنام في اوضه لوحدها عشان يوم ما يكونو مع بعض يكون في شوق ولهفه بينهم وعشان انس يفضل متجنن عليها وتفضل غاليه عنده رحبت كارمن بالفكره وافقت علي طول وحست ان رحمه بتتكلم صح وانها فعلا اعتبرتها زي بنتها اما انس كان شايط وعامل زي العيل الصغير .ومضايق من موافقتها فقرر انه يرخم عليها ويحرجها....
قرب انس... وباسها من خدها...عامله ايه.
كارمن...😳😳😳الحمد لله.
رحمه....احنا قولنا ايه يا انس .
انس...الله بسلم عليها.
رحمه...انت عارف لو جيت جمبها تاني هعمل فيك ايه....لما تعملها اخلي فرح وتجبلها احلي شبكه وكل حقوقها تاخدها وتتعب فيها ابقي اعمل اللي انت عايزه
كارمن ...ضحكت كارمن هي وياسمين.
ياسمين...ياعيني يا انس....مامتك بقت حما عليك..
انس...بس يابت انتي😡😡وبعدين هو انا قولت لا يا ست الكل.
رحمه....لا مقولتش بس اتفقنا لما كل حاجه تستقر
انس...دي بوسه عالخد يعني
رحمه...ولا فالايد 🤨
انس...اضحكي اضحكي ...مبسوطه ها.
ياسين...جاي من ورا بتتخانقو ليه
انس....مفيش ياحاج مش تيجي تشوف مراتك اللس وافقه زي الشاويش بيني وبين كارمن...
رحمه...انا شاويش يا قليل الادب.
انس...والله الشاويش قلبه طيب عنك.
فضلت..كارمن وياسمين وياسين يضحكو عليه هو ووالدته والجو كان جميل بينهم...
كلو وخلصو اكل وفضلو مكملين الاعده مع بعض....
رن موبايل كارمن وهما اعدين...كانت والدتها سكتت شويه باستغراب وقفلت صوت الموبايل.
انس...مين بيكلمك.
كارمن...دي ماما.
انس...طيب ماتردي عليها.
كارمن....لما اطلع بقي وبعدين انا كلمتها من حوالي ساعتين.
انس...طيب ردي لا يكون في حاجه..
رحمه...ردي يا كارمن لا يكون عايزه تقولك حاجه..
قفل التليفون....مسكت كارمن قلبها وكأنها حست بقبضه جامده.
انس....انتي كويسه ..
كارمن...هزت راسها
انس...طيب يلاكلميها اطمني عليها.
رن موبايلها تاني...بصتله كارمن بخوف...
انس...ردي يلا
كارمن...بارتباك...الووووو.
مني.....ابوكي اتضرب بسكينه ياكارمن وفالمستشفي وطالب يشوفك..
كارمن..😳😳😳😳😳بدموع بتقولي ايه ياماما..
مني...انا فالمستشفي معاه تعاليه ياكارمن...
وقع التليفون من ايد كارمن ودموعها بتجري من غير كلام.
انس...في ايه ياكارمن.
ياسين..مالك يابنتي.
رحمه...والدتك بخير...
ياسمين...كوكي مالك بتعيطي ليه.
كارمن.....وديني المستشفي يا انس....ابويا بيموت.
انس...😳😳ايه.
كارمن...مفيش وقت وديني بسرعه.
انس....حاضر حاضر... يلا قومي
ياسين...انا جاي معاكم يا ابني.
رحمه...قوم يلا انا كمان جايه معاكم.
انس...طب يلا بسرعه..
خرج انس بسرعه هو وكارمن....وراح وراهم ياسين ورحمه حتي ياسمين مرضيتش تسبهم ...
اثناء الطريق كارمن كانت شارده فالطريق ودموعها نازله ومش عارفه بتعيط ليه...
انس....كارمن حبيبتي انتي متأكده انك عايزه تروحي
كارمن.....😢ايوه..
وصل انس...واهله ادام المستشفي...سأله علي مكانه وطلعو جري
كارمن لمحت امها واخواتها من بعيد....جريت عليهم...فضلو يحضنو فيها ويعيطو
مني.... وحشتيني يا كارمن..
كارمن...بدموع انتو اللي وحشتوني اوي...
انس....مساء الخير...
مني...مساء النور.
انس....ده والدي ووالدتي واختي.
سلمت عليهم مني ورحبت بيهم .
مني....كارمن...ادخلي لابوكي سال عليكي كتير ادخليليه ياكارمن..وقفت كارمن تبصلها وتبص لانس...
انس...ادخلي ياكارمن متخافيش ...
جهزتها الممرضه وعقمتها عشان كان في غرفه العنايه المركزه....
انس.....هو ايه اللي حصل.....
مني.....واحد كلمني هنا من المستشفي لما سعيد فاق...قالهم رقمي واتصلو عليا...
هو هنا من 3 ايام تقريبا كده من اليوم اللي خطف فيه كارمن...
والمحضر مكتوب فيه انه كلن بيلعب قمار عالفلوس اللي خدها من العريس وخسر واتخانق خو وواحد صاحبه وضربه بالسكينه...الطعنه كانت قويه واخترقت الطحال والدكتور بيقول انه نسبه شفاه ضعيفه...
انس.....هو عايز كارمن ليه..
مني...مش عارفه انا مرضتش اشيل ذنبه قولت اعرفها وهي حره توافق او ترفض...
انس...ربنا يستر..
.........دخلت كارمن مع الممرضه بعد ما جهزتها سابتها الممرضه وخرجت..
كانت بتقدم خطوه وتأخر خطوه...
وقفت ادام السرير وهي دموعها مش قادره تقف....
وقفت ادامه من غير ولا كلمه...
سعيد....كارمن....انتي هنا ..انتي وافقتي تيجي بجد....كنت حاسس انك مش هتيجي يا بنتي....نزلت دموعه...بس معرفش انك قلبك طيب اوي كده...
سامحيني يابنتي انا خلاص بموت. انا حاسس ان النهايه قربت انا طلبت اشوفك عشان اقولك سامحيني واترجاكي تسامحيني عشان ربنا يخفف حسابي....
كارمن...بدموع....متتكلمش عشان متتعبش...متخا
سعيد...معقول خايفه عليا ياكارمن
كارمن..انت ابويا..
سعيد...سامحيني يابنتي انا أذيتك كتير ومشوفتيش معايا يوم عدل...ظلمتك كتير عارف انه صعب تسامحيني بس انا املي في قلبك كبير....
كارمن....انت عارف طول الطريق وانا جايه بحاول افتكر اي لحظه حلوه معاك...بحاول افتكر يوم اعدنا نضحك مع بعض نهزر اكتشفت اننا ملناش مع بعض اي ذكري حلوه دورت في تليفوني علي صوره بتجمعني بيك ملاقتش انا مشوفتش معاك يوم حلو. فعلا بس صدقني عنري ما اتمنيت اشوفك كده... عمري ماتمنتلك الموت...دعيتلك كتير وانا بصلي... طول الوقت كنت بتمني يكون ليا سند عمري ماشوفتك سندي....اتمنيت كتيير اوي احضنك كان نفسي اجرب حضنك كان نفسي لما اكون عندي مشكله اجري عليك...كان نفسي الاقي ايدك هي اللي بتطبطب عليا مش ايد حد تاني...اتمنيت حجات كتير اوي.....
انا المفروض اكرهك...بس مش عارفه
لما سمعت انك فالمستشفي...طول الطريق بدعي في سري انك تكون بخير وانك تقوملي بالسلامه....انا اكتشفت اني بحبك وبخاف عليك رغم انك اكتر حد أذاني فالدنيا.
سعيد...بدموع....احضنيني ياكارمن وقولي انك مسمحاني قبل ما اموت يا بنتي.
اترمت كارمن في حضنه وهي بتعيط....اااااااه حضنك اتأخر اوي استنيته كتير ....فضل سعيد يبوس في دماغها وايدها....
كارمن....انت هتبقي كويس انا عارفه ربنا اكيد عمل كده عشان ترجع للاحسن وتعوضنا وتاخدنا في حضنك من تاني.
سعيد....بتعب...فات الاوان يا كارمن يارتني فوقت من زمان....سامحيني يابنتي شيطان كان راكبني ...شيطان ضيعني وضعيكم من ايدي....لو اعرف ان حضنك في الحب والامان ده كله مكنتش عمري أذيتك....رغم اللي عملته ده لسه بتحبيني......الدنيا دي درس يا كارمن يا نخرج من الدرس فاهمين. وننجح يانخرج مش فاهمين اي حاجه وبنلطش...ويوم الامتحان....ميبقاش حيلتنا غير الدموع والندم عالوقت اللي ضاع من غير ما نفهم الدرس صح👌
كارمن....بلاش الكلام ده ارجوك انا مصدقت انك رجعت.
سعيد...قولي انك مسمحاني ياكارمن...خليني اموت مرتاح شويه.
كارمن...مسمحاك يا بابا والله مسمحاك....
سعيد....نزلت دموعه....براحه سامحني يارب....الحمد لله....وقفل عينه....وانتظم الخط /\^/\^ـــــــــــــــ💔💔
كارمن..🥺🥺🥺😳😳 بابا بابا رد عليا بابا انت كويس ..ارجوك قوم. متعملش كده انا مصدقت اجرب حضنك لاول مره في حياتي متحرمنيش منه ارجوك قوم...حرام عليك انا مصدقت الاقي السند والامان اللي فضلت ادور عليه طول عمري طب ارجع بس اتكام معايا شويه كمان حرام عليك يوم ما الاقيك.تروح مني..انا ملحقتش اشبع منك....حرام عليك....متوجعش قلبي...انا قولتلك مسمحاك ...قووووووم قووووووم..
دخل الدكاتره بسرعه...وخرجوها....خدها انس في حضنه. وانهارت كارمن💔💔💔💔💔
البارت الثلاثون...
الحقيقه...بتشبه الزلزال....والاعتراف اول التوابع.......
اوقات التوابع بتكون اسوأ من الزلزال..
حتي الحقيقه....رغم ان الاعتراف جزء من اظهارها لاكن...اوقات بيكون جوه الاعتراف الواحد حقايق كتييييير مستخبيه....
فأحذروا الاعترافات......والتوابع👌💔
وصل دياب وباقي الرجاله الي ارض الوطن بخير..وسلامه...
استقبلهم كبار رجال الدوله..بتشجيع واحتفال واعجاب....
حاتم...حضن دياب بقوه حمد الله عالسلامه يابطل
دياب...الله يسلمك يا افندم.
حاتم...وحشتني يا دياب كنت خايف عليك اوي.
دياب...اديني ادامك اهو يا حاتم باشا عمر الشقي...
حاتم.....حمد الله علي سلامتك يا بطله..مبسوط اني شوفتك بخير
لمار.....الله يسلمك يا افندم...انا كمان مبسوطه اني شوفت حضرتك
حاتم....طبعا انا عارف انكم راجعين مرهقين واكيد محتاجين ترتاحو لمده سنه ادام..انا هسيبكم ترتاحو كام يوم كده بس طبعا هترجعولي عشان في حجات كتير فالقضيه محتاجينكم معانا فيها واه صحيح يا دياب. انا مدتلك الفتره 10 ايام فالموقع عشان تقدر ترجع وانت بخير....ومش فيك اي حاجه تقلقهم عليك...وعشانك يا يالمار....من حقك تاخدني هدنه..بعد العمليه دي...من حقك تراجعي نفسك اعدي مع نفسك يا لمار...فكري كويس في مساقبلك فكري في والدتك...فكري فالناس اللي بيحبوكي... اعتبري الفتره دي...اعاده لحساباتك يالمار...عشان بعد الفتره دي انتي مضطره ترجعي السجن..من تاني...وبعدها هنشوف ايه اللي ممكن يتم معاكي...احنا مش هنسيبك...بس فكري بدل ما تاخدي حكم مخفف انتي ممكن تطلعي منها خالص...
لمار....بابتسامه بسيطه...شكرا يا افندم
حاتم....يلا يادياب....خد لمار وامشو عشان ترتاحو.
دياب....تمام يا افندم...
مر كذا يوم من غير اي احداث جديده
انس خلص كل اجراءات الدفن لسعيد و مكنش فيه غير ان انس لم شملهم من تاني....فتحلهم شقته ورجعت كارمن اعدت مع والدتها واخواتها في الشقه بتاعت انس....وده كان بناءا علي رغبت كارمن...علي اد ما كان انس مضايق جدا انها هتبعد عن عينه...إلا انه مقدرش يعترض عشان حاله الحزن اللي كانت فيها وعشان هي بقالها فتره كبيره بعيده عنهم... فالبدايه رفضت مني انها تروح..شقه انس...لاكن بعد اقناع رحمه وياسين ليها اخيرا وافقت...خصوصا ان انس كان رافض تماما انهم يرجعو المنطقه بتاعتهم بعد ما هربت كارمن خاف انها ترجع وحد يقرب منها ويفتكرها سهله .اما كارمن فدخلت في حاله حزن غريبه..سيطرت عليها تماما...لدرجه ان والدتها واخواتها استغربوها لانها اكتر حد اتأذي منه..
مر حوالي خمس ايام...
كانت رحمه وياسمين مش بيسيبوهم عشان يخففو عنهم... وانس كان طول الوقت بيكلمها فالتليفون ويروحلها بيحاول يخرجها من حزنها.....
راح انس....لدياب وسلم عليه هو ولمار...وعرفهم كل جديد بيحصل..
وعرفه انس انه مقدرش ياخد مسعد...بسبب الظروف اللي كارمن كانت فيها....
اتفق دياب مع انس...علي خطه يعملوها...وينفذها انس بالحرف الواحد...وافق انس من غير اي اعتراض...
.............
اما عند كارمن....كانت اعده في اوضتها..في البلكونه...رافعه رجلها عالكرسي...وباصه للبحر بحزن.....
دخلت والدتها علبها بعد ما خبطت ومردتش.
مني....كارمن حبيبتي انتي مش سامعه ولا ايه بخبط عليكي بقالي كتير.
مسحت كارمن دموعها....في حاجه يا ماما معلش مسمعتش.
مني...هتفضلي حزينه كده يا كارمن....
كارمن...عيزاني اعمل ايه ياماما...
مني...مش عيزاكي تعملي حاجه يا بنتي عايزه اشوفك مبسوطه انك اخيرا هتقدري تشمي نفسك هتقدري تعيشي حياه طبيعيه..انا مش فاهمه انتي ازاي زعلانه كده اصلا ابوكي مش آذاكي مره ولا اتنين ده انتي طول عمرك عايشه في ظلم معاه.
كارمن....يمكن مشوفتش معاه يوم حلو في حياتي بس يوم ما مات حضني حضن احتاجته طول عمري طلب مني السماح ندم....وده ابويا. وغلط كتير وحقه عليا اني اطلبله السماح طول عمري...مش بيقولو وولدآ صالح يدعو له....انا دعيتله كتير وهو عايش بالهدايه والوقت بدعيله بالرحمه والمغفره....
مني....ربنا يباركلي فيكي يا بنتي ياريته كان عايش عشان يعرف اد ايه رغم ظلمه ليكي لسه بتحبيه ....باخبر انا نسيت.
كارمن...مسحت دموعها في ايه يا ماما.
مني....جوزك بره يابنتي اعد مع اخواتك وجايب حجات كتير اوي..
كارمن....انس بره...ده لسه مكلمني من شويه وقايلي انه عنده مشوار مهم.
مني...معرفش تعالي اخرجيله احسن اخواتك هياكلو دماغه بره...علي ما اعمله قهوه واحضر الغدا...
كارمن...طيب روحي وانا جايه وراكي.
مني...طيب يلا متتأخريش.
كارمن...حاضر....
......................
خرجت كارمن بعد مده بسيطه وقفت مصدومه اول ما شافت انس اعد هو واخواتها اعدين علي الكنب...وحواليهم لعب وعرايس كتير...
انس.....هاتي بس المكعبات دي...انتي مش عارفه تركبيهم.
ريتال....لا انا عارفه حضرتك قولت كده من شويه ومعرفتش...
چنا...ايوه صح حضرتك مش بتعرف تركب المكعبات لازم تبص للصوره هي مش محتاجه اصلا دي سهله اوي..
ريتال...اقولك خد لنت العروسه العب بيها واحنا هنركب المكعبات.
انس...لا ياشيخه انتي وهي طب تصدقو محدش مركبها غيري...وفضل يزغز فيها وهما يصوتو ويضحكو...
كارمن....خرجت...انت بتعمل ايه يا لنس..
قام انس...عدل نفسه ورسم الجديه...هااا لا خالص انا بس بتفرج عليهم وهما بيركبو المكعبات.
ريتال....هو حضرتك مكسوف تقول انك بتلعب بالمكعبات يا انكل انس.🤣🤣
انس....عض علي شفايفه بغضب😡
انا بلعب...لا طبعا وانا صغير..حط ايده علي دقنه لريتال وهو بيستحلفلها
ضحكت كارمن عليه....واضح فعلا انك كنت بتتفرج...
انس....ضحك...اوعي يابت انتي وهي انا رايح مع حبيبتي انا غلطان اني لعبت معاكم اصلا...
خد كارمن وراحو اعدو في البلكونه..
انس....اخواتك فتانين مش هلعب معاهم تاني..
كارمن....بابتسامه...ايه اللي انت جايبه ده كله يا انس...ده كتير اوي.
انس....متقوليش كده ياقلبي مفيش حاجه تكتر عليكم.انا نفسي اعمل اي حاجه عشان اخليكم مبسوطين واخليكي انتي بالذات مبسوطه..
كارمن...انت طيب اوي يا انس...
انس....بغرور...اه ما انا عارف.
ضحكت...كارمن وضربته علي ايده..
انس...بابتسامه...وحشتيني اوي
كارمن...انت وحشتني اكتر.
انس....احسن الوقت
كارمن...الحمد لله...قلبي واجعني اوي يا انس عشان بابا خايفه يكون بيتعزب.
انس...أدعيله كتير ياقلبي واكيد ربنا هيسمع منك...وكفايه انه حس بالندم قبل ما يموت وطلب المغفره...ربنا كريم اوي اكيد هيسامحه وهيغفرله ..
كارمن...يارب يا انس..
انس...هو انتي ازاي جميله كده...يعني نسيتي كل حاجه عملها في عمرك كله...عشان ثواني خدك في حضنه وطلب السماح.
كارمن...صدقني يا انس...في حجات كتير حوالينا لا يمكن تتعوض ولما بنفتقدها...حياتنا بتبقي وحشه وملهاش طعم... يمكن يكون بابا كان ظالم اوي...والمفروض اني اكرهه بس سعات بقول لنفسي هو عايش طول حياته تايهه عمره مافاق من القرف اللي كان بياخده....ويمكن لو فاق حتي دقيقه مش هيصدق اللي كان بيعمله....وفعلا يوم ما فاق بابا عرف انه كان غلط وطلب السماح...بابا دموعه كانت حقيقيه دخلت قلبي بمجرد ما شوفتها...وصدقني نسيت كل حاجه عملها فيا بمجرد ما خدني في حضنه....
انس.....عرفتي بقي انا حبيتك ليه...مش عشان صعبتي عليا وعشان الهبل اللي كنتي بتقوليه ده...لاكن عشان لقيت عندك قلب مشوفتوش في حياتي...قرب منها وباسها في خدها.براحه..
چنا....بتعملو ايه😳
انس....ايه لا مفيش...كنت بقولها حاجه في ودنها سر يعني.
ريتال....سر وانتو لوحدكم من غير اي حد😏
انس....عاجبك كده...اموتهم الوقت وادخل فيهم السجن.
ريتال....لا وعلي ايه اجري ياچنا🏃🏃
كارمن...بضحك لا خلاص الطيب احسن..🤣🤣
انس...مبسوطه اوي هااا اضحكي اضحكي😡
كارمن...خلاص حقك عليا😂🤐🤐
انس...بابتسامه جميله....طيب عندي ليكي خبر حلو....
كارمن...ايه ياسمين وريناد اتثبتو فالشىكه..
انس....خو ده طموحك فالاخبار الحلوه😒
كارمن...😂😂لا بس مفيش حاجه غير الخبر ده.
انس...هما عموما اتثبتو خلاص بس بردو مش ده..
كارمن...طب قول .
انس....ماشي ياستي...انتي عارفه اني بروح ديما لمدام ناريمان واطمن عليها زي ما كنت قولتلك عشان انتي مكنش ينفع تروحيلها...
كارمن....ايوه وعلي فكره كنت هقولك اني عارزه تروحلها خلاص اللي كانت خايفه اروحلها بسببه مات...المهم في ايه
انس.....ابدا يا ستي حالتها اتحسنت اكتر...والدكاتره بيقولو انها حالتها مستقره جدا وحالتها النفسيه في تحسن...وبيقولو انها تقدر تخرج كمان....وتكمل علاج فالبيت...
كارمن...بفرحه بجد 😳احلف يا انس..
انس...يابت انا هضحك عليكي ولله بجد...بس المشكله انها هتخرج ازاي وتبقي لوحدها...مين هيهتم بيها...انا ممكن اجبلها ممرضه البيت بس اخاف متاخدش بالها كويس او تطنشها
كارمن....هو انا ممكن اطلب منك طلب.
انس....طبعا يا قلبي...اكيد عايزه تروحيلها..
كارمن...لا...بس يعني كنت عايزه استأذنك لو ينفع تخليها تيجي هنا تأعد معانا وانا وماما هنخلي بالنا منها هي بتحبنا واكيد معانا هتبقي مرتاحه...لو مش موافق خلاص بس وافق اني اروحلها انا البيت بتاعهم وافضل معاها..
انس...ايه اللي بتقوليه ده...طبعا موافق انها تيجي ده بيتك مش بيتي وبعدين انا كنت هقولك كده بصراحه بس خوفت انتي متكونيش حابه خصوصا انها محتاجه رعايه خاصه..
كارمن....انا مكونش حابه....ازاي بس انت مش عارف هي غاليه عندي ازاي وبعدين انا اللي كان مانعني عنها ظروف غصب عني لاكن الوقت مفيش حاجه تمنعني...عايزه لمار تكون مرتاحه ومطمنه عليها دي وصيتها اني مسبش مامتها..وانا مش هسبها لاخر يوم في عمري.
انس....بابتسامه بحبك يا احلي واطيب واحن كوكي فالدنيا....بقولك ايه...
قومي يلا البسي...وتعالي نروح نخلص اجراءات المستشفي ونجيبها..
كارمن....بجد😍 يعني هتكون معايا انهرده..
انس...ايوه يا ستي يلا قومي بقي .
كارمن..هوااااااا.
........
دياب......بتعملي ايه يا حبيبي كل ده..
لمار.....خلاص قربت اخلص اهو
دياب...طيب يلا جعان بقي
لمار...حاضر روح يلا اعد عالتربيزه وانا هجبلك الاكل.
دياب...ابتسم وضحك..
لمار....🤨🤨انت بتضحك علي ايه.
دياب...ابدآ بس تخيلت اننا متجوزين.وانا راجع من الشغل جعان وواقف ازن عشان اكل...
ابتسمت لمار😍وبعدين وشها اتغير😔..
طيب يلا روح وانا هجبلك الاكل
دياب....لا انا هساعدك عشان يمكن ربنا ينفخ في صورتك ونخلص.
لمار....😒قصدك اني بطيئه
دياب...لما اكل ابقي اقولك.
لمار...اخ تضمن يعني الامل وبعدين تقل ادبك.
دياب...اقل ادبي....دياب الدالي اللي بيقفله رجاله بشنبات يتقاله تقل ادبك.
لمار...اديك قولت رجاله بشنبات انا مش راجل..
دياب...انتي جعفر...😂
لمار...بتستفزني صح...جعفر جعفر ولا بيهمني..يووووووه
دياب...ايه يامجنونه.مالك
لمار...شعري وقع مضايقني.
دياب...تعالي لفي اعملهولك...ميت مره قولت يتربط عدل لفها دياب ورفع شعرها لفوق وحط فيه التوكه..ووطي عليها باسها من خدها..قمر ياناس.
لمار...باحراج...يلا روح خلاص الاكل خلص..
دياب....بابتسامه طب يلا..
خدو الاطباق وراحو عشان ياكلو...
دياب....تسلم ايدك الاكل شكله تحفه.
لمار...بجد
دياب...اه والله بجد.بس ليه النشاط ده كله كنت مشغلاني عندك طباخ ومبيهنش عليكي تساعديني.
لمار...اساعدك..في ايه..انت كنت بتعمل حاجه...ده انت كنت بتفتح في معلبات وبس😏
دياب...🙄احمدي ربنا اني فتحتلك اصلا...
لمار...ماشي ياسيدي...عموما عادي يعني حسيت اني مبسوطه قولت اقوم اعمل اي حاجه.
دياب....ماشي وانا عندي ليكي خبر هيبسطك اكتر.
لمار....ايه خبر ايه...
دياب....مامتك حالتها اتحسنت كتير اوي..واتكتبلها علي خروج كمان..
لمار...سابت الاكل بجدد😳😳
دياب...اه والله نفسيتها احسن قلبها احسن نفسها اتظبط...يعني بقت احسن كتير...
لمار...الحمد لله يارب الحمد لله...بس ماما ازاي هتخرج هتأعد ازاي لوحدها🥺🥺
دياب....لا ماهو انس هيروح الوقت يخلص كل اجراءات المستشفي وهتأعد مع كارمن ومامتها في شقه انس..
لمار...🥺🥺انت بتتكلم جد يا دياب.
دياب...اه والله العظيم..هو قاللي ان كارمن اللي قالتله كده...لانها وصيتك.
نزلت دموع لمار....الحمدلله كنت واثقه ان كارمن عمرها ما هتسيبها ابدا..
دياب....هو انتي تفرحي تعيطي تزعلي تعيطي...اعمل ايه يخليكي تضحكي..
ابتسمت لمار....ولا حاجه....هو انا ممكن اطلب منك طلب...
دياب....طبعا يا عمري واعتبريه كمان اتنفذ..
لمار...بتبصله بارتباك.🙄🥺
دياب...في ايه قولي..
لمار...عايزه اشوف كارمن.🙄
دياب....تاني يا لمار...مكفكيش البلطجيه اللي طلعو علينا .طيب مكفكيش النفسيه اللي انتي وهي كنتو فيها
لمار.....لا ماهو انا المرادي عايزه اشوفها بجد😔
دياب...نعمممممممم
لمار....اعتبره اخر طلب ليا فالدنيا يا دياب .عشان خاطري انا كلها ايام وهرجع السجن...ارجوك دي فرصتي
دياب...لمار انا مش هسيبك وابوس ايدك بلاش تستسلمي لفكره السجن
لمار...انا مش مستسلمه بس انا مش عايزه اشوفها عشان لو اتحكم عليا بالاعدام مرجعش اجدد حزنها اللي يادوب بيهدي شويه...بس كمان مش قادره بجد...اول مره انتو قولتو ان الحكم اتنفذ ملحقتش اشوفها ولا اخدها في حضني...ارجوك..
دياب....بشرط..
لمار....لو شرطك هو اني اتكلم فا خليك واثق يا دياب...اني استحاله اتكلم...
قولتهالك قبل كده يادياب...يمكن لو الموقف ده في اي حد غير امي كنت فكرت لاكن دي امي يادياب...مقدرش..
دياب...انتي ايه عايزه تجننيني انتي ليه انانيه كده...انا فين من حياتك يالمار..
لمار...انا انانيه...ياريت مكنش ده بقي حالي...ومكانك في حياتي كبير اوي يادياب وانت عارف حجمه...انا يمكن الاول مكنش فارق معايا حاجه غير اني ممسش امي.. بأي سوء...لاكن الوقت بدعي ربنا جول الوقت تحصل اي حاجه من عنده عشان مش بس الحكم يتخفف لا عشان اخرج خالص من القضيه واكون معاك...بس صعب...زي ما هو صعب اني اتكلم.
دياب...بص للجهه الاانيه بقله حيله..
مدت لمار ايدها مسكت ايد دياب...قولت ايه موافق.
بصلها دياب...وهو بيلومها بنظراته..ومسك ايدها جامد...هرتب كل حاجه مع انس...وهقولك المعاد.
ابتسمت...لمار..بطريقه طفوليه
ابتسم دياب غصب عنه وفضل يهز راسه....لاكن كان من جواه موافق عالمقابله دي جدااا عشان يتفقو مع بعض ويقدرو يأثرو علي لمار..
.......................
خلص نس وكارمن كل اجراءات المستشفي مع بعض...كارمن كانت عايزه تسيبه وتجري عليها بس هو كان ماسكها في ايده مش راضي يخليها تروح من غيره.
اني...يابنتي مالك بتشدي ايدك زي العيال كده ليه
كارمن...يوووه بقي ماتسبني اروحلها وخلص انت انا مالي انا بالاجراءات دي.
انس....مفيش مرواح لوحدك...عايزه حد يعاكسك ولا ايه🤨
كارمن...طب يلا اخلص...
انس...هتأكد بس منهم جهزو عربيه الاسعاف ولا لا..
كارمن....طب ليه اسعاف مش هي كويسه.
انس...ايوه حبيبي عشان يطلعوها لحد فوق من غير ما تتبهدل
كارمن...ماشي...
بعد وقت بسيط....راحو علي اوضه ناريمان....دخل انس وساب كارمن بره...
انس.....مساء الفل عامله ايه.
ابتسمت ناريمان اول ما شافته..
انس....تعرفي بقي انك وحشتيني جدا بقيت بحسك زي امي...وببقي مبسوط لما باجي واشوفك.واشوف ضحكتك...
ابتسمت ناريمان بحب..كانت نفسها تقوله ان ده نفس شعورها..وان هو اكتر حد خلي نفسيتها ترتاح شويه .
انس...انهرده انا جاي وعاملك مفجأتين...
هبتدي معاكي..بالمفجأه التانيه....وهي بقي انك بما انك صحتك اتحسنت كتير...فا انتي اتكتبلك علي خروج وانا خلصت كل الاجراءات وهنخرج
سرحت ناريمان...
انس...ااااه ادام سرحتي كده يبقي باسألي نفسك هأعد ازاي فالبيت لوحدي..صح....عموما انتي مش هتأعدي لوحدك...وبص عالباب....اظهر وبان عليك الامان..
دخلت كارمن...اول ما شافتها ناريمان...ابتسمت ودموعها مكلنتش بتقف..بقالها كتير مشافتهاش...
حضنتها كارمن وهي بتعيط...سامحيني يانونه.والله غصب عني...اكيد انس قالك اللي حصل...متزعليش مني والنبي..
انس.....هي عارفه كل حاجه ياكارمن...واكيد مقدره اللي كنتي فيه...بس. ده ميمنعش انك وحشتيها..
مارمن...وهي بتمسح دموعها...هي كمان وحشتني اوي..واكتر حاجه مفرحاني...انها هتيجي تأعد معايا انا وماما واخواتي...
انس....ودي خطوه كويسه جدا يمكن وجودها في وسطكم يحسن اكتر واكتر من حالتها.
كارمن....حبيبتي يانونه يلا اخرج بقي لو سمحت عشان اجهزها.
انس...بتطرديني لا بقولك ايه احنا بقينا صحاب.
كارمن....من قريب لاكن احنا من كتير اوي يعني اعمل الانا عيزاه.
ضحك...انس...ماشي يالمضه...انا هقف بره لحد ما تخلصو
كارمن...ماشي...يلا بقي عشان ناخدها ونمشي.
.............
عدي الوقت بسرعه...وصلت ناريمان بعربيه الاسعاف..
طلعوها فوق...الكل كان فرحان حتي ناريمان الفرحه كانت باينه عليها اوي...
طلعلها انس...الكرسي المتحرك...
وعرف مني وكارمن انهم يحطوها عالكرسي ويحركوها معاهم عشان نفسيتها تتحسن لانها بقالها فتره نايمه علي السرير.
كارمن...متقلقش انا هعملها كل حاجه انا مش مصدقه اصلا ان جمعنا بيت واحد ..
انس...ربنا يخليكم لبعض ومتتفرقوش ابدا.
كارمن...ويخليك ليا انا بحبك اوي يا انس...
انس...ايه الكلام الحلو ده انا لو اعرف انك هتكوني فرحانه كده كنت خرجتها من زمان.
كارمن...انت تستاهل كل حاجه يا انس...انت بالنسبالي عامل زي المنقذ.
انس...منقذ؟؟
كارمن....اه منقذ...كل ما اكون واقعه تشدني كل ما احزن تفرحني..كل مااخاف تطمني...كل ما بتمني بتحقق..
كل ما بمر بقسوه...بسرعه الاقي منك حنيه....تبقي منقذ ولا مش منقذ.
ابتسم...انس...وقرب من راسها باسها بحب...ربنا يخليكي ليا واوعدك يا كارمن طول مانا عايش..كل حاجه بتتمنيها هعملها واي حاجه وحشه هبعدها عنك قبل ما تقرب منك. وصدقيني اللي جاي هيكون كله حلو عشان احلي عيون..
كارمن...بحبك.
انس...وانا بحبك اوي...ويلا سبيني امشي...بدل ما اجيب الشيطان ونبات معاكي هنا
كارمن...بضحك لا وعلي ايه اتفضل يلا امشي.
انس....ماشي ياقلبي لو احتاجتو حاجه عرفيني بكره هعدي عليكي.وممكن اجبلكم رحمه وياسمين.
كارمن...بتقول رحمه هقولها🙄
انس....فتانه زي اخواتك جتكم القرف في حلاوتكم🤣🤣.
كارمن...باي😍😍😍😘😘😘
.......................
دخلت كارمن لنريمان الاوضه...ووالدتها
كارمن....وحشتيني يانونه اوي...
مني....اه والله ياناريمان لو من كام شهر بس منا قولنا اننا اعدين مع بعض مكنش حد صدقنا..
كارمن...فعلا ياماما...ربنا مبيعملش اي حاجه وحشه.
مني...سامحيني ياناريمان...انتي عارفه سعيد..مكنش بيخليكي اعتب الباب.
ابتسمت ناريمان..بحب.
كارمن...لا بقول ايه...يلا بقي نحضر احلي عشا مع بعض...بس قبل ما نحضر
تعالي معايا ياماما نقعدها عالكرسي.
مني...ليه يابنتي لا سبيها نايمه مرتاحه.
كارمن...لا مرتاحه ايه هي تعبانه ماهي زي الفل اهي...تخرج كده وتقف معانا كمان فالمطبخ...وهناكل عالسفره كمان...
مني...يابنتي سبيها..
كارمن...لا مش هسيبها هنا في نظام ياست ماما الاكل عالسفره الرغي فالمطبخ🤣 وكل مكان هروحه هتيجي معانا...صح يانونه.
ابتسمت..ناريمان دليل موافقتها.
كارمن...شوفتي اهي موافقه اطلعي منها ياست مني... احنا جامدين اوي وزي الفل ..
مسكت...كارمن ايدها باستها...بحب..
وخدوها معاهم عالمطبخ...عشان متحسش انها راقده ونفسيتها تتحسن اسرع.
.........
انس ....وصل ولتعشي معاهم وقالهم اللي حصل.
رحمه....الست دي صعبانه عليا اوي...فكره انك تشوف حته من روحك بتروح منك ومش قادر تتكلم ومتكتف احساسها يخوف...
ياسين....عندك..حق يارحمه..ده الواحد لو شاف كابوس وحش لحد بيحبه بيبقي بيصرخ وصوته مش طالع...مابالك بقي لو الكابوس ده اتحول لحقيقه..
ياسمين....فعلا يابابا تشبيهك صح...هي بالظبط كأنها في كابوس.
انس...ربنا يكون في عونها ويصبرها...المهم هتروحو بكره ولا ايه
رحمه....ماشي انا فاضيه مش ورايا حاجه.
يلسمين...ولا انا.
انس...تمام يبقي بكره...يلا بقي انا طالع انام مش قادر.
ياسين...ماشي ياحبيبي تصبح علي خير.
انس...وانت من اهله يا حبيبي.
رحمه...تصبح علي خير.
انس...وانتي من اهله يا امي.
ياسمين...خدني معاك يا انس.🙄
رحمه...مسكتها من ايدها اعدي يابت راحه فين...هو ايه اللي خدني معاك مين هيشيل وينضف معايا الشغاله اجازه.
انس....البسسسس عايزه تهربي اهي قفشتك 🤣🤣 يلا انا طالع.
ياسمين...اضحك اوي😒
.......... .............
طلع انس...خد شاور واعد عالسرير بتعب اتصل بكارمن يطمن عليها...كانت مبسوطه جدا .وسهرانين مع بعض.
قفل معاها انس...بعد فتره من الرغي واتصل علي دياب.... اللي كان متصل عليه 3 مرات..
.......
انس...الوووو
دياب...انت فين يالا مش قولتلك قولي هتعمل ايه مع مامت لمار وتطمني.
انس...والله اتشغلت يادياب انا لسه حالا طالع عالسرير هموت من التعب.
دياب...عملت ايه.
انس....لا اطمن كله تمام وزي الفل ونفسيتها فالسما مبطلتش ابتسامه وضحك.
دياب...طيب الحمد لله..
انس...انت ايه الاخبار.
دياب...كله تمام عايزك في خدمه.
انس...يا ابني ما تبعد عن اهلي بقي انت اشترتني انا كرهتك وكرهت لمار وامها اقولك وكرهت كارمن.
ضحك...دياب...خلصت.
انس...اه خلصت.
دياب...طيب اسمع فاضي امته.
انس...انا مش فاضي يجي سنتين ادام.
دياب....اظبط هروقك.
انس....عايز ايه انجز اقولك قولي الانت عايزه مره واحده خليني اخد الصدمه كامله مش مجزئه😒
دياب...لمار عايزه تشوف كارمن
انس....تاني يا ابني هو انا مصباح علاء الدين اللي بيحقق طلبات لمار.
دياب...لا انا ياظريف هي طلبت مني وانت هتنفذ..
انس...حاضر ياسيدي عيني..يا كش المرادي يطلع عليكم اسد ياكلكم انتو الانتين ويخلصني منكم ...كل ما البت نفسيتها تتحسن تتعبوها.
دياب....لا ماهي المرادي مش هتتعب.
انس... ليه ان شاء الله.
دياب...عشان لمار هتشوفها بجد..🙂
انس...😳😳😳😳نعم
دياب...متنحش وتبرق زي ما سمعت
انس...انت بتهرج صح.
دياب...لا والله ابدا...اولا ده طلب لمار ..ثانيا انا شايف ان ممكن المقابله دي تخلي لمار تفكر بجد.ثالثا انا واثق ان كارمن نفسيتها هتبقي فالسما هتنسي ابوها وامها واسمها وكل الناس ومش هتشوف غير ضحكتها...رابعا بقي وده الاهم...معرفه كارمن.هتساعدنا الفتره الحايه كتير وهيكون ده جزء من خطه هقولك عليها.في خلال الكام يوم دول لازم نثبت برائه لمار...
انس....امممم مبدئيا موافق طب وحاتم باشا.
دياب...اطمن انا هظبط كل حاجه ومحدش يشم خبر.
انس...طب اشجيني ايه الخطه.
دياب...اسمعني كويس.
انس....قول
دياب..............................
..............................
............................
...........................
...........................!!بس
انس...يا ابن اللعيبه...حلو ده وانا معاك
دياب...تمام...المعاد امته
انس...بكره..علي بليل.
دياب....طب ليه بليل.
انس...امي وياسمين رايحينلهم بكره وبعدين بالنسبالكم انتو بليل هيكون امان اكتر.
دياب...تمام..هستناك..تبلغني الوقت والمكان لان البحر مش هينفع
انس...تمام الوقت هيكون ممكن علي 9 بالكتير.عشان هيروحو بدري اما المكان..
هيكون عندكم فالموقع.
دياب...نعممم
انس...اظن ده أكتر مكان امان ومقفول ولا حد يشوفنا ولا الهوا.
دياب...تصدق عندك حق.خلاص تمام.
انس...يلا انكل بقي عايز انام وارتاح منكم شويه
دياب...ماشي ياواطي...تصبح علي خير.
انس...بابتسامه وانت من اهله يا صاحبي...
خلص اليوم علي الكل من غير اي احداث..جديده...
وطلع نور يوم جديد....ملئ بالمشاعر...
دياب....اعملي حسابك....انا بلغت انس وهخليكي تشوفي كارمن انهرده.
لمار...بجد يادياب😍
دياب...من امته وانا بضحك عليكي.
لمار...يعني هشوفها انهرده.
دياب...اه وهتكلميها وتشوفك وتشوفيها.
لمار....طيب امته...
دياب...بليل هو بيقول ان والدته واخته رايحين عندهم هيزورو مامتك ويأعدو مع بعض بس يمشو هيجبها ويجي.
لمار....يجبها ويجي فين هنا.😳
دياب....اه هنا ده اكتر مكان امان...بعيد عن البحر او اي مكان حد يشوفنا فيه...كده افضل وهتكونو براحتكم.
لمار...وهي بتاخد نفس طويل...طيب ماشي..
...................................
اما في ڤيلا دياب....
عادل...كان اعد فالجنينه. وحنان اعده جمبه...
حنان...تحب تشرب حاجه.
ابتسم...عادل بسخريه...غريبه
حنان...ايه اللي غريب في اللي بقوله
عادل...يعني اهتمامك...والاهم من ده انك بقالك يجي اسبوع بحاله مخرجتيش فيهم غير مره وده في حد ذاته غريب جدا بالنسبالي.
حنان...هو انا اخرج مش عاجبك اعد مش عاجبك.
عادل...لا عادي انا بس مستغرب.
حنان...لا متستغربش مليش مزاج اخرج ولا اروح في اي مكان بس اوعدك لما احسن اني احسن هرجع اخرج تاني😏
وقامت دخلت وسابته.
عادل....ايه بس اللي مأخرك عليا كده يا انس....ماهو لو دياب مش في مهمه كان زمانو جابلي ارار الموضوع ده...يارب خليك معايا
..........................
اما عند كارمن
وصلت رحمه وياسمين عند كارمن...شافو ناريمان.واتعرفو عليها ..وعرفتها كارمن بيهم..فالاول كانت ناريمان...محرجه...بعد كده بقت مندمجه معاهم...مبسوطه من لمتهم حاسه انها بقت في دنيا تانيه جديده...عليهم..
خلص اليوم بسرعه..وروحت رحمه وياسمين بعد يوم جميل..ابتدا بتعارف وخلص بحب وقرب ومشاعر حلوه.
روحو بعربيه ياسمين....
ووصل انس...بعدهم بشويه...طلع اطمن عليهم ..
انس....لناريمان شكلك احسن كتير انهرده..يا ...بقولك ايه انا خلاص هقولك نونه زي البت دي وشاور علي كارمن.
كارمن...لا معلش محدش يقول نونه غيري.
انس....لا هقول 🤨🤨وهي موافقه صح يا نونه.
ابتسمت..ناريمان بحب...
انس...اهو شوفتي ألا قوليلي يانونه صحيح...لما انتي قمر الوقت كده امال زمان كنتي عامله ازاي...
كارمن...نعم انت جاي تعاكس😒
مني....ناريمان طول عمرها جميله...وزمان اول ما جت الحته كانت لسه شابه....كانت نسخه من لمار...نفس العيون والشعر الاسود والرموش الطويله...
كارمن...بحزن...ربنا يرحمها.
بص انس...لناريمان بخبث وغمزلها..😉
ابتسمت ناريمان..
انس...طيب خلاص غيرو السيره دي...وبص فالساعه كانت 8 ونص..
بقول ايه يا طنط...
مني....نعم يا انس.
انس...هو انا ممكن استأذنك اخد كارمن بس نخرج شويه وارجعها تاني.
مني...انت بتستأذن يا لنس دي مراتك يا حبيبي.
انس...مراتي قانونا مش شرعا وادام هي لسه معاكي في مكان واحد طبعا لازم استأذن.
مني....ربنا يخليك يا انس...طبعا موافقه انا بنتي مطمنه عليها معاك كأنها معايا بالظبط....بنتي سبقي مانت معاك لوحدها وانت عارف ظروفها كلها ومستغلتش ده وحطتها في عينك...
هخاف عليها الوقت وهي مراتك.
انس...ربنا يخليكي ليا وافضل ديما عند حسن ظنك.
مني...تسلم يا حبيبي يلا ياكارمن البسي وروحي.
كارمن...احنا هنروح فين.
انس...ياستي البسي بس متقطعيش برزقك..
ضحكت مني وناريمان علي انس..
وبعد شويه خدها انس...ونزلو ركبو العربيه ومشيو...
.....................
عند لمار ودياب فالموقع
لمار كانت اعده عالسرير بتاعها حاضنه رجلها بأيدها.جسمها زي التلج ومش علي بعضها...رغم فرحتها انها هتشوف لمار...لاكن كانت مرعوبه فمرت كتير تقول لدياب يلغي المعاد وانها صرفت نظر خلاص بس مكانتش قادره كانت عايزه تشوفها...
خبط دياب عالباب...
لمار...ادخل..
دياب....ايه اعده كده ليه
لمار....هما جم😳
دياب...راح دياب اعد جمبها عالسرير ومسك ايدها لا ياستي.فالطريق. مالك وايدك ساقعه كده ليه
لمار.....خايفه يا دياب.جوايا خوف مش فهماه...
دياب...طبيعي يالمار...انتي مكنتيش مسافره وراجعه من غربه...
انتي كنتي ميته وراجعه من موت...يعني انها تشوفك صدمه ليها ورد فعلها صدمه ليكي...الموقف علي بعضه ليه هيبه طب اقولك علي حاجه..
لمار...قول..
دياب....انا نفسي حاسس اني متوتر..ومتسألنيش ليه بس احساس غريب فعلا..
لمار...انا فكرت اقولك الغي المعاد من كتر خوفي بس مقدرتش..محتاجه اشوفها...
دياب....متقلقيش هتعدي وعارف ان انتي وهي بعد المقابله دي هترتاحو اوي..متفكريش في بكره...استغلي اللحظه اللي انتي فيها يا لمار. افرحي مبتعرفيش تفرحي..
هزت لمار راسها ..
عدي...حوالي نص ساعه كمان....وصل اخيرا انس....دياب كان سايبله البوابه مفتوحه
دخل انس..وفتح العربيه ونزل...
انس...يلا تعالي
كارمن...بتوتر...ايه المكان ده...واحنا فين طول الطريق بقولك رايحين فين بتتوه قولي في ايه وايه المفجأه اللي انت عاملهالي دي...
انس....طيب ياستي هقولك...اهدي بس
بصي ياقلبي عارف ان اللي هتشوفيه ده...مش هتصدقيه. ممكن تزعلي مني بس اكيد هتعزريني...بس اللي متأكد منه انك هتفرحي بجد...ودي اهم حاجه عندي حتي لو هتزعلي مني.
كارمن...اني انا مش ممكن ازعل منك بس كل اللي انت بتقوله ده مش فهماه وكمان موترني جدا.....
ظهر دياب فاللحظه دي كان لوحده...
انا هقولك يا كارمن
لفت كارمن عالصوت..
كارمن...😳😳😳 دياب باشا.
قرب دياب منهم....دياب باشا الحق يا انس..بتقولي دياب باشا.🤨
دياب...لا انا دياب وبس...ده اولا ثانيا مبروك ياعروسه...بقيتي مرات اخويا...يعني من الاخر مينفعش دياب باشا دي خالص ولا ايه.
كارمن...بابتسامه لاكن كانت متوتره جدا...الله يبارك فيك..
دياب...يا ايه🤨
كارمن...يادياب..
دياب...كده.حلو....عينك فيها ميت سؤال عايزه تعرفي انتي فين وفي ايه وليه انس جابك هنا...وليه انا موجود هنا... واسأله كتير اوي...صح
كارمن...وهي بتبصلهم هما الاتنين صراحه اه ولو محدش فيكم قال في ايه انا ممكن يغم عليا حالا...
انس...ابتسم...لا ياحبيبي متخافيش..متنطق ياعم وقعت قلبها منكو لله.
كارمن...هما مين انا مش فاهمه حاجه.
دياب...خلاص نسبنا من الهزار ندخل فالجد...بصي ياكارمن....الفتره اللي فاتت دي حجات كتيييييير اوي حصلت...يمكن بعد ما تكتشفي السبب اللي جيتي هنا عشانه تزعلي مننا او من انس خصوصا بس صدقيني هو ملهوش ذنب ولا انا ليا ذنب...شغلنا بيفرض علينا حجات كتير اوي من ضمنهم اننا منتكلمش...
في حجات ياكارمن....بنتمني انها متحصلش...ولما بتحصل بنحاول نكدب علي نفسنا و منصدقهاش...واوقات بنصدق الكدبه دي.جدا...لدرجه اننا ممكن ننسي اصلا انها حصلت....
واوقات تانيه بقي...لو جيت قولتلك ان الحاجه دي محصلتش من البدايه اصلا ممكن متصدقيش...
باختصار...احنا سعات...بنكدب الحقيقه..وبنصدق الكدبه....بس عشان نرتاح والوجع اللي جوانا ده يهدي شويه....
كارمن....يمكن الكلام اللي بتقوله ده صح..بس بردو انا مش فاهمه حاجه وابتديت اتوتر بجد في ايه قولولي..
دياب....طيب هسألك اخر سؤال وبعد كده هقولك..
كارمن...اتفضل..
دياب...تفتكري....انتي جايه هنا ليه..
كارمن.....وهي بتفكر.....صدقني لو قولتلك معرفش يمكن وانا نازله مع انس...تخيلت اننا هنتمشي هنروح نأعد في مكان...هنتعشي بره...هنعمل اي حاجه....بس الوقت انا معنديش اي حاجه اتوقعها خالص...
دياب.....تمام يا كارمن....وانا مش هطول عليكي...عشان انا حاسس انك فعلا متوتره.....بس مش انتي بس اللي متوتره...في شخص تاني غيرك....انا واثق انه الوقت ميت في جلده...
كارمن....دق قلب كارمن...شخص؟؟؟!🥺🥺🥺
انس....وقف جمبها ومسك ايدها جامد...
وقام دياب....مشي بعيد..واختفي وسط الظلام....ورجع تاني... يظهر...وهو مادد ايده لورا وماسك حد...ومختفي وراه مش باين...من جسم دياب..قرب دياب اكتر...ووقف وساب ايد لمار...
كارمن...🥺🥺🥺🥺
بعد دياب عن لمار وظهرت اخيرا ادام كارمن.
كارمن...😳😳😳🙊🙊🙊🙊🙊
مسكها دياب من ايدها وفضل يقرب بيها اكتر....لمار وكارمن دموعهم كانت بتجري بطريقه مش طبيعيه ومش بتقف...لاكن محدش فيهم كان بينطق...
وقف دياب بيها ...
دياب.....اليوم اليوم اللي انس بلغك فيه.ان الحكم اتنفذ...كان اول يوم للمار فالمكان ده....والسبب انها كانت بتشبه بنت المفروض انها كانت جاسوسه....اتدربت واتعلمت...مكناش بنام...لحد ما وصلت في يوم...انها اتحولت من لمار خالد البنهاوي....لمايا الحاوي....سافرنا انا وهي....فرنسا...حصل حجات كتير اوي...بس انتهت بالنصر....ورجعنا تاني....وطلبت تشوفك قبل ما ترجع السجن ده...عارف انك الوقت مش مستوعبه وينكن تكوني مسمعتيش اغلب كلامي...بس الشغل مينفعش نطلع اسراره بره....وهي مكانتش تقدر تقول....بس بعتتلك رساله لانها كانت عارفه انها هترجع عالاعدام علي طول مكنش هيبقي عندها فرصه تودعك غير برسالتها يعني لما بعتتها...كانت بتودعك بجد.....وودعتك تاني. قبل ما تسافر لما انس وداكي عند البحر في مكانكم...كان ممكن تودعك بنفس الطريقه....بس المرادي هي مقدرتش. وصراحه لنا مبسوط...يمكن تقدري تقنعيها المرادي امها تتكلم يمكن تقنعيها انها تمسك في اخر فرصه...
كارمن........انا كنت حاسه انك مموتيش...اصل استحاله تموتي وانا افضل عايشه لاننا روح واحده واستحاله اعيش بنص روح...تعرفي اني كنت حاسه بيكي يوم ما روحت البحر....طب تعرفي ان يوم ما هربت من بيتنا....شوفتك وحسيت بيكي تعرفي انك قولتيلي كلمي انس...وانا كلمته وهو انقذني....انتي كلمتيني انا لاي يمكن اكون بيتهيألي انا سمعت نفسك واستحاله يالمار اتوه عن صوت نفسك.... بس انتي وجعتيني اوي....ليه مقولتلهمش لن استحاله اخرج سرهم بره...ليه مقولتلهمش انها ممكن تموت ليه مقولتهمش ارحموها من وجعها....ازاي هونت عليكي..طب انا لو ههون عليهم هما ده عشان شغلهم....انتي بقي ازاي هونت عليكي....حاولتي تحطي نفسك مكاني.وتبدلي الادوار....حاولتي تتخيلي جزء من اللي انا كنت فيه..
انتي عارفه يالمار...يوم ماهربت وروحت علي المكان بتاعي انا وانتي....افتكرت كلمتك لما قولتيلي لما تكوني مخنوقه تعالي هنا...ساعتها قولتلك لا طبعا انا بخاف استحاله اروح لوحدي من غيرك....بس لما مشيت ملقتش مكان غيره....متخيلتيش وقتها انا ممكن يكون فيا ايه....محستيش طيب بالوجع اللي كان بينهش في قلبي....محستيش بالخوف اللي مان فيا ساعتها....انا الدنيا اسودت في وشي في وقتها وده مش مجرد تعبير عن اللي كنت حاسه بيه...انا حقيقي الدنيا اسودت في وشي....من يوم ما انس قال انك موتي........
بصت كارمن لانس....انا مش هعتب عليك ولا حتي هلومك....بس عايزه اسألك سؤال....محستش لو لمره بس بالذنب...مصعبتش عليك....انت اكتر حد شافني كنت عامله ازاي....مفكرتش تقولي وتأكد عليا اني متكلمش ..انت عارف اني مكنتش هتكلم....هاكلم مع مين انت عارف اني مليش حد اصلا....
انس....كارمن انا.
كارمن...انا مش زعلانه منك...ولا من دياب......وبصت للمار...
ولا منك بس انا جوايا وجع لو اتقسم عالعالم كله الوقت هيملاهم من فوق لتحت.....وجوايا فرحه لو اتوزعت علي العالم كله.....بردو هتملاهم من فوق لتحت.....
كارمن....هو انتي بجد. 🥺
هي عايشه يا انس صح.
انس...عينه بتلمع من الدموع هو ودياب...
انس....اه والله عايشه ايه مش هتاخديها في حضنك ولا ايه...
لمار.....وحشتيني اوي.اوي.
كارمن....اترمت في حضنها وانهاروا الاتنين....
............
الفرحه اللي بتيجي بعد وجع....بيبقي ليها احساس تاني...بيحسسك بقيمت الفرحه...لاكن لو جاتلك فرصه انك تنسي الوجع بفرحه....ممكن تسمح للوجع يسرق فرحتك تاني....ولا هتحارب عشانها👌👌🥺
تعليقات
إرسال تعليق