مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

مابين الحلم والحقيقة(دار الايتام 2)

البارت لثاني عشر...والثالث عشر 

يلا بسرعه المكان اهو الحقيه بسرعه قبل ما يقفل الباب بتاعه.

يلا انتي ساكته ليه اخرجي بسرعه ردي عليا يا عشق يا عشق ياعشق...

صرخت عشق بكل صوتها وفاقت وهي بتبص على المكان  فاقت على صوت ليل

عشق عشق ردي عليا عشق فوقي انا ليل عشق انا معاكي متخافيش مش هسيبك انتي في امان.

عشق....فضلت تاخد نفسها بسرعه وهي اعده وبدون مقدمات حضنت ليل بكل قوتها 

عشق....ليل متنسبنيش

ليل...اتصدم من رد فعلها لكن حس بخوفها وبسرعه حط ايد على ضهرها وايده التانيه على راسها وضمها ليه اوي..

فضلت عشق تعيط 

ليل....متخافيش ياعشق مش هسيبك والله ما هسيبك..اسف ياعشق اسف اني مصدقتكيش سامحيني انا السبب فاللي حصلك

عشق...حصلي ايه

ليل...ولا حاجه انتي كويسه شوية كدمات وبس وانا مكنتش هسيب حاجه تحصلك

عشق...خليك معايا يا ليل انا خايفه

ليل...متخافيش طول ما انا جمبك واهدي خالص

فضلت عشق في حضنه زي ماهي وثواني وسكتت خالص

ليل...عشق ..عشق

حس ليل ان نفسها منتظم وكأنها صحيت عشان تطمن على نفسها ونامت تاني وارتاحت...رجعها ليل براحه على السرير واعد جمبها تاني على الكرسي فضل باصصلها وبيحاول يهدي ضربات قلبه العنيفه من حضنها اللي مكنش عامل حساب ليه...

.......

وصلو البنات مع جاسر ونوح عند البيت...نزلوا الشنط ونادوا على واحد من الامن يساعدهم و يطلع معاهم..وصلو عند الشقه...فتح جاسر الباب ودخل ودخلوا وراه البنات واول ما شافو الشقه انبهرو من جمالها ومساحتها

نوح...دخلهم هنا يا سامح.

سامح...اي خدمه تاني يا نوح باشا

نوح...لا شكرا ياسامح انزل انت

سامح... بعد اذنكم

نوح...اتفضل.

قفل نوح الباب ووقف هو وجاسر جمب بعض مبتسمين و باصين على البنات وهما بيبصوا على منظر الشقه بأنبهار..

جاسر....عجبتكم الشقه.

تمارا...بس متقولش شقه حرام عليك🙄

ضحك جاسر عليها ايه عجبتك

تمارا...طبعا دي تحفه 

زهره....جميله اوي ماشاء الله😍

نور...فعلا تجنن وذوقها حلو اوي.

نوح...من انهرده اعتبروها شقتكم 

تمارا ..بقول ايه من اولها كده بلاش قلة ادب انا اللي هختار اوضه الاول

نور...ياسلام واشمعنى انتي انا اللي هختار😒

جاسر..قرب من تمارا براحه في ودنها حست تمارا ان جسمها كله انهار من قرب انفاسه غمضت عنيها

جاسر...بقولك ايه اخر الممر اللي هناك ده على الشمال هتلاقي الاوض اختاري بسرعه تاني واحده على اليمين دي اوضتي لما كنت ببات مع ليل كنت بنام فيها..

تمارا...🤨حلوه 

جاسر...تجنن😉

تمارا...😳

جاسر...انتي لسه هتبرقي اجري بسرعه.

تمارا....معانا يارب 🏃🏃🏃🏃

ضحك عليها جاسر...مجنونه😂

في الوقت نفسه قرب نوح بقولك ايه الاوضه اللي كنت بنام فيها دايما اخر الممر ده الاولى..

نور...حلوه.

نور...بقولك انا اللي مختارها اجري بسرعه

نور...جريت  بسرعه ووقفت زهره تضحك عليهم العيال دي اتجننو شكلهم هيضربو بعض😂😂

جاسر.. انتي واقفه بتعملي ايه مش وقت عقل خالص روحي خديلك اوضه 

زهره...ماشي

راحت وراهم زهره وصلت لاوضة ليل حاولت تفتحها متفتحتش كانت مقفوله.

نوح...دي اوضة ليل هو قافلها عشان كنا بنستخدم حاجته😂😂😂بقولك ايه روحي اوضه ادم انتي عاقله زيه واكيد هتعجبك

زهره...طيب هو مش هيضايق

جاسر...ياستي لا خالص اصلا الشقه هنا احنا بقالنا فتره كبيره مدخلنهاش كنا بنيجي فيها وقت اجازه وقت حابين نأعد مع بعض من غير حد من اهلنا يعني ترويق دماغ مش اكتر وكل واحد فينا كان مختار اوضه ليه وملناش هنا حاجه اصلا ومن انهرده دي بقت شقتكم يعني مفيش حد فينا ليه اوضه هنا دي بقت بتاعتكم يلا بقى هجبلك شنطتك ودخليها احسن المتوحشين دول تعجبهم اوضتك وياخدوها.

زهره...لا ياخدو ايه على جثتي🤨

نوح...ايوه كده البلد دي مش عايزه الطيب😂😂

خرجت تمارا تجيب شنطتها.

جاسر...راحه فين يا وحش الحته😂

تمارا...اجيب شنطتي عشان احطها في الاوضه واثبت حاله😒

جاسر...وكيل نيابه تثبتي حاله ايه بس تعالي يامصيبه فين شنطتك

تمارا...تعالى ورايا..

جاسر..مسكها من ايدها وهو رافع حواجبه 🤨🤨 لا بقولك ايه اتعدلي لا اسحب منك الاوضه

تمارا...براحه بس ياعم انا بهزر 

جاسر...عم😳

تمارا...بأبتسامه جميله خلاص ياجاسر حلو

جاسر..حلو اوي

تمارا...دي شنطتي

مسكها جاسر وراح بيها على الاوضه وهي وراه..

نوح...كمان خد شنطة نور ودخلهالها الاوضه.

نوح...عجبتك الاوضه

نور...جميله اوي يانوح

نور...طيب الحمد لله انها عجبتك بقولك ايه تعالي اما اوريكي حاجه

راح عالدولاب فتحه كان جواه خزنه صغيره فتحها واول ما نور شافت اللي جواها برقت😳

نوح...ابتسم..فاكره اللعبه دي

نور...طبعا ده انا كنت بستناك تيجي زمان عشان تجيبها معاك

نوح...نهار اسود كنتي بتستنيني بس عشان اللعبه ايه المصلحه دي

ضحكت نور بصوت عالي😂😂🤭 مقصدش والله بس كنت بحبها

ضحك نوح على ضحكتها 😍خلاص بقى اللي في قلبك طلع😒

نور...والله ابدا كنت طفله بقى وكده بس صحيح انت لسه محتفظ بيها 

نوح...اكيد دي الحاجه الوحيده اللي باقيه من طفولتي كل حاجه اتكسرت

نور...واشمعنى دي اللي حافظت عليها

نوح...عشان انتي كنتي بتحبيها

نور...نعم🙄

نوح...أرتبك نوح يعني اقصد كانت لعبتي المفضله وكنت يعني بحبها اوي 

حست نور بالاحراج وحست ان هو ارتبك فا حبت تغير الكلام.

نور...عموما انسى بقى خلاص دي بقت بتاعتي

نوح...ياستي اللعبه وصاحب اللعبه وبعدين انتي خدتي اوضتي مش هتاخدي اللعبه😒

ضحكت نور..على فكره انت اللي قولتلي خدي الاوضه

نوح...بابتسامه ماشي حلال عليكي ياستي 

........

اما عند تمارا..

جاسر...عجبتك الاوضه

تمارا..اوي بجد جميله

جاسر...زي صاحبتها

تمارا...تقصد صاحبها يعني🙄

جاسر...لا مبقاش ليها صاحب بقت بتاعتك خلاص

تمارا...أقولك على حاجه

جاسر...طبعا

تمارا...يمكن مش وقته بس انا حاسه اني بحلم

جاسر...اشمعنى

تمارا...يعني على اد الوحش اللي بيحصل في حياتنا الايام دي بس في حاجات حلوه اوي ومواقف بسيطه بتعدي مش ببقى عيزاها تمشي 

جاسر...زي ايه الحلو بلاش الوحش

تمارا...لو على الوحش يا جاسر فده في منه كتير ومش حابه افتكره بحاول انساه لكن لو على الحلو يمكن تقول عليا عبيطه 

جاسر...لا عادي من غير ما اقول دي حاجه انا واثق منها🙄

ابتسمت تمارا...يعني زي مثلا الوقت انا ونور واحنا بنجري عشان ناخد الاوضه زي موقف الفار 

جاسر...هو ده اخرك في الحاجات الحلوه🤨

تمارا...مش قولتلك هتقول عليا عبيطه...صدقني ياجاسر انا لسه لحد الوقت معداش عليا موقف يخليني طايره من الفرحه كل اللي عدى عليا هزار مع اخواتي ضحك على نكته على موقف بس ويمكن عشان كده بخاف الحاجات البسيطه دي تروح حتى لما جينا هنا الوقت فرحت مش عارفه ليه بس بحس ان دايما حياتنا انا واخواتي محطات بنقف على كل محطه شويه وانهرده كانت بدايه محطه جديده معرفش اذا كانت هتنتهي ونرجع تاني لشقة بابا ولا هتفضل مكمله شويه لان الاكيد مش هتفضل مكمله.

جاسر...على اد يا تمارا ما تباني مجنونه ومهيبره وعندك ربع بس اللي سليم🤨

تمارا...😳😳😳انا

جاسر.. ايوه متستغربيش😂..بس على اد ده كله بحس ان عندك جزء فيه عقل وجزء في وجع

تمارا...ابتسمت بوجع...عادي بقى الايام هي اللي بتجزئنا زي ماهي عايزه ياجاسر..

جاسر...صح عندك حق

تمارا...حاولت تغير الموضوع بقولك ايه انا الوقت مبسوطه بلاش تنكد عليا.

جاسر...انا😳

تمارا...😂😂ايوه تعالى نشوفهم بيعملوا ايه

جاسر..يلا يا مجنونه

تمارا...بتعملي ايه يازهره

زهره...ابدا ببص من الشباك تعالي شوفي المنظر

تمارا..لا شكرا 🙄

زهره...اسفه نسيت انك خوافه😂😂

جاسر ...دي عندها فوبيا من كل حاجه

تمارا...بتقول فيها😂😂

نوح ..بتعملوا ايه

جاسر... ولا حاجه ايه مش يلا احنا بقى عشان نسيبهم يرتاحو شويه وانا اروح انام حبه لاني مش قادر

نوح...طيب تمام يلا

نور...نوح احنا لازم نروح لعشق وبابا

نوح...ارتاحو شويه واخر النهار هعدي عليكم ونروح سوا

جاسر...وانا ان شاء الله مش هطول انام بس حتى ساعتين وهجيلكم او اروح على المستشفي واقابلكم هناك

نوح ..عموما هبقى معاكم على اتصال انا هخلص شغل على خمسه كده الساعه الوقت 10ونص نامو شويه والي يصحي يعرفني 

نور...تمام

تمارا...هو بس ممكن طلب رخم

جاسر...اطلبي يارخمه

تمارا..😊 يعني لو تعرفنا هنا مكان اي حاجه ممكن نحتاج نروحها سوبر ماركت صيدليه يعني الحجات دي

جاسر...لا يا قمر انتو مش هتنزلوا اصلا من هنا غير واحنا معاكم🤨 واي حاجه هتحتاجوها احنا هنجيبها

تمارا..لا يا جاسر معلش مش هينفع ولو أمكن يعني حتى جبلنا اي رقم ليهم

جاسر...ان شاء الله المهم خلينا في الوقت تمام 

تمارا...اوك

جاسر...يلا امسكي المفتاح ده واول ما ننزل تقفلوا على نفسكم مفيش اي حد هيطلعلكم. هنا انتوا في امان وطبعا تليفوناتنا معاكم اي وقت تحتاجو اي حاجه تكلمونا اوك.

تمارا.. اوك

نوح...يلا خلو بالكم من نفسكم سلام

نور...سلام

زهره...سلام.

جاسر...تمارا متنسوش تجيبو غيار لعشق صحيح

تمارا...تمام متقلقش

جاسر...يلا باي

تمارا...باي😊

قفلو البنات على نفسهم وبصوا لبعض وكل واحده فيهم جواها كلام كتير والابتسامه مش مفارقه وشهم لكن اكتفوا بالصمت وكل واحده فيهم راحت على اوضتها اترمت على السرير وراحو في دنيا تانيه من كتر التعب.

................

عدى الوقت على كل واحد فيهم أدم مسحول في الشغل وراح نوح ليه عشان يساعده وينجز معاه

جاسر روح الڤيلا بتاعته نام

البنات نايمين

اما عند ليل رجع نام تاني وهو ماسك ايد عشق لكن صحي على خبط الباب..قام وقف بسرعه ظبط الطرحه لعشق اللي كانت في دنيا تانيه.

ليل...ادخل.

دخل الدكتور..صباح الخير

ليل...صباح النور اتفضل يا دكتور

الدكتور...ايه اخبارها 

ليل...زي ما هي فاقت من ساعتين تلاته تقريبا ورجعت نامت تاني

الدكتور...طيب كانت صاحيه كويسه

ليل...لا مش اوي فاقت صرخت وفضلت تعيط شويه ورجعت نامت

الدكتور ..غريبه انها فاقت دي واخده منوم قوي بس كويس انا كنت قلقان تدخل في انهيار عصبي 

ليل...يعني هتبقى كويسه

الدكتور...إلي حد كبير ان شاء الله انا بس عايز اقيس الضغط واطمن عليها

ليل...وقف بعيد عن السرير أتفضل

قاس الدكتور ضغطها وبص على الجروح.

الدكتور...الحمد لله هي افضل كتير الضغط واطي بس مش اوي.

ليل...يعني طيب تقدر تروح امته

الدكتور...والله هي تشخيص الحاله لحد الوقت مش فيه اي حاجه تقلق هي كويسه يعني تقدر تروح بس انا أفضل انها تفوق واشوفها واطمن عليها وبعد كده تقدر تاخدها وزي ما قولتلك حالتها النفسيه اهم كتير من الجروح والكدمات .

ليل...ان شاء الله يادكتور

الدكتور...وقت ما تفوق بلغ الممرضه تبلغني وانا هاجي اشوفها ولو تمام هكتبلك بس الروشته بتاعة العلاج وهكتبلها على خروج.

ليل...تمام شكرا اوي يا دكتور

الدكتور...العفو بعد أذنك.

خرج الدكتور ورجع ليل اعد جمبها على الكرسي وسند راسه من تاني ونام كان حاسس بأرهاق فظيع ومش لاحق ينام... عدى حوالي نص ساعه 

ابتدت عشق تتحرك في سريرها بألم مش حاسه بأي حاجه ولا فاكره اي حاجه مش مركزه خالص مستغربه الاوضه اللي هي فيها مش عارفه تفتح عينها من شدت الصداع والنور العالي حطت ايد على عينها وبأيدها اللي فيها شرخ..سندت عالسرير عشان تعدل نفسها شويه لكن اول ما داست عليها أتألمت بصوت مسموع

عشق....اااااه 

فتح ليل عينه بسرعه...عشق انتي كويسه

بصاله عشق بصدمه....ليل انت بتعمل ايه هنا وابتدت تتلفت بسرعه حواليها انا فين حبت تسند تاني وتقوم لكن صرخت من ايدها مسكها ليل بسرعه يساعده‍ا براحه ياعشق انتي ايدك مكسوره

عشق...فين اخواتي وابتدت تفتكر شويه بشويه..انا ايه اللي جابني هنا انت دخلت عليا الشقه انت انقذتني صح...انا مش فاكره اي حاجه غير ان شوفتك وبعد كده مش فاكره حاجه خالص

ليل..ممكن تهدي شويه انتي كويسه جدا جدا جدا ومفيش اي حاجه فيكي غير شويه كدمات وجروح بسيطه والشرخ اللي في ايدك ده.

عشق...طيب فين زهره ونور.

ليل...كلهم مشيوا انا قولتلهم يروحوا شويه يرتاحو وعلى فكره تمارا جت هي وجاسر من السفر قلقت لما فضلت تكلمك مردتيش انتي وزهره ونور وصممت تيجي 

والدكتور قال انك واخده منوم قوي ومش هتصحي الوقت خالص عشان كده قولتلهم يروحوا ويرجعولك تاني.

عشق..طيب هو انت لسه جاي

ليل...بأستغراب عشق هو انتي صحيتي من شويه صح

عشق...انا لا

أتأكد ليل ان لما صحيت مكانتش حاسه وانها كانت لسه تحت تأثير الصدمه.

ليل...تمام..عموما انا معاكي من امبارح ممشيتش

عشق...من امبارح

ليل...ايوه ولو أعدتي اكتر من كده كمان هفضل معاكي

عشق...بصتله وسكتت لكن بتسأله بعينها عن السبب

ليل...وده عشان احاول أكفر عن ذنبي ليكي

عشق...ذنب ؟؟ذنب ايه؟؟

ليل...ذنب اني مصدقتكيش ياعشق

أبتسمت عشق بهدوء...وانا مش زعلانه يا ليل يمكن كان عندي امل انك تصدقني عشان تقدر تمنع اي حاجه معايا ومبقاش لوحدي لكن مش معني انك مصدقتنيش اني ازعل او اشيلك ذنبي يمكن اي حد في مكانك ده يبقى نفس تصرفه 

ليل...بس انتي قولتيلي يا عشق ان زهره ونور كانو معاكي

عشق...وانا اكتشفت على اد الحلم ما بيتحقق لكن بيتغير على اخر لحظه دايما....حادثه تمارا في اخر لحظه سبتها تحصل

حادثه بابا قولتلك اللي هيحصل وبرده الحادثه حصلت

بابا مماتش لكن دخل في غيبوبه طويله محدش عارف امته هيخرج منها...

وانا اللي حصل فيا ده كان المفروض ان زهره ونور معايا لكن كنت لوحدي تمارا فضلت مسافره معرفتش غير لما جت لكن هي عرفت ورجعت...

وفي نفس اليوم الحادثه روحنا شقه الزمالك لكن الوقت مفيش شقه في الزمالك..

عشق...كل حاجه بتحصل مع تغيير بسيط

ليل....فضل باصصلها شويه 

ليل...لا يا عشق بس في حاجات مش بتتغير...زي ولادة مهره وزي وزي شقة الزمالك

بصتله عشق بصدمه وفضلت ساكته🥺🥺🥺

ليل...ايوه ياعشق كدبت عليكي شقه الزمالك موجوده بس غصب عني اي حد مكاني كان لازم يشك وانا كان لازم انكر ان عندي شقه عشان اشوف رد فعلك.

عشق...ليل ارجوك خد كل احتياطاتك مني مش هزعل راقبني 24ساعه بطرق غير مباشره مش هزعل متصدقنيش بردو مش هزعل لكن خليك معايا ارجوك خلينا نقدر نوقف اي حاجه وحشه انا مش طالبه منك اي حاجه انا طالبه منك توقف معايا كارثه ممكن تحصل لاي حد قريب مننا.

ليل....هفضل معاكي ياعشق وهنوقف كل حاجه مع بعض ومش عشان اساعدك وبس أبتسم ليل ده عشان جوايا حاجه حابه انها تصدقك.

أبتسمت عشق وعيونها بتلمع بالدموع..

عشق...ممكن طلب

ليل...طبعا

عشق...انا عايزه اروح اخواتي وحشوني اوي وكمان انا مش عايزه افضل هنا مش بحب اعد في المستشفى وبعدين طول مانا لوحدي كده هبقى خايفه.

ليل...اولا ياستي انتي كمان وحشتي اخواتك وهيتجننو عليكي ثانيا انتي مش لوحدك انا معاكي وقولتلك هفضل معاكي لحد ما تخرجي ثالثا وده الاهم اكيد مفيش حد بيحب ياعد في المستشفيات وانا معاكي اعدتها تخنق بس كمان لازم الدكتور يشوفك وهو اللي يقرر اذا كنتي ينفع تخرجي ولا لا 

عشق...ليل انت عندك شغلك وانا مش عايزه اعطلك كفايه اعدتك من امبارح جمبي.

ليل...ياستي انا مش مضايق وحابب اعمل اي حاجه اعتذرلك بيها

عشق...انت مش مضطر تعتذر يا ليل انت صح وعندك حق في كل حاجه وانا يوم ما حكيتلك قولتلك اني فضلت ئأجل المقابله دي كتير عشان عارفه انك مش بتثق في اي حد بسهوله وكنت عارفه انك مش هتصدق.

ليل...واديني صدقت يا ستي..

أبتسمت عشق بفرحه وسكتت وفضلت بصاله وفضل ليل باصصلها ومره واحده في نفس واحد سألو بعض نفس السؤال ممكن بقي أسألك السؤال اللي هيجنني من ساعة اللي حصل امبارح..

عشق..😳

ليل...😳

ضحك ليل .أسألي

عشق..أسال انت الاول

ليل...ماشي..مع أني خلاص واثق ان سؤالك هيبقى نفس سؤالي...بصي انا وصلتك امبارح وبعدها بعشر دقايق حصل اللي حصل بس ازاي انا معرفش

عشق..ابتسمت..على فكره انا كنت هسألك عرفت ازاي هجاوبك وانت قولي .

ليل...حاضر ياستي

عشق...بعد ما طلعت الشقه كلها كانت ضلمه اوي فتحت النور واعدت شويه على كرسي قلعت الكوتشي ودخلت عشان أغير هدومي بعد ما دخلت سمعت صوت بسيط بره فكرت نور وزهره رجعوا ناديت عليهم محدش رد...خرجت براحه بصيت في الصاله لقيت كل حاجه زي ماهي.وسمعت حاجه بتتكسر وقتها بس افتكرت الحلم بس محطتش اوي في بالي لان الحلم كان في نور وزهره..روحت عادي على المطبخ لقيت في الطرقه اللي بين الحمام والمطبخ كوبايه واقعه مكسوره خوفت بس كملت ودخلت المطبخ  وفجأه لقيت التلاته دول جوه المطبخ نزلت دموع عشق بغزاره  وقتها مش قادره اوصف الاحساس اللي انا حسيته خوف رعب لحظة موت مكنش في حاجه وقتها في بالي غير مشهد الحلم ومية سؤال بسأله اهمهم هيحصل فيا ايه؟!🥺 جريت عالباب واحد فيهم سبقني ووقف عالباب جيت اجري عالاوضه عشان ادخل واقفل على نفسي التاني وقف لقيت نفسي بجري عالصالون عشان استنجد باي حد من الشباك واحد فيهم مسكني من شعري جامد والتاني قفل الشباك وقتها مسكوني التلاته وواحد فيهم كتم نفسي عشان مصرخش...وللاسف حسيت اني بنهار وبستسلم خلاص مفيش اي حاجه ممكن تلحقني حتى المقاومه معاهم مكنتش ادها..الدنيا اسودت في وشي دعيت ربنا دعوتين من جوايا...قولتله يارب لو كاتبلي اني اكمل حافظ عليا واحميني منهم انا بين ايديك الوقت ومفيش غيرك عارف اللي بيحصلي...ولو هيحصل حاجه فيا يبقى اموت بعدها على طول لاني مش هبقى حمل اني اتفضح ولا انا حمل عذاب جهنم لو انتحرت....وفجأه لقيتك ادامي 🥺🥺بس

ليل...مسح دموعها...وقت ماجريتي عالشباك كنت في الشقه اللي ادامك على طول وشوفتك وانتي بتجري والاتنين دول وراكي..الشقه دي كنت مأجرها للجارد بتوعي عشان تفضلوا تحت عنيهم منها يحميكي انتي والبنات لو كنتي صادقه ويراقبوكم لو كنتي مش صادقه...والحمد لله اني عملت كده...ونزلت بسرعه انا وهما وجتلك..وربنا قبل دعوتك الاولى ياعشق أنك تكملي...بس انتي هتكملي وانا معاكي 

اتنفست عشق براحه محستهاش من فتره طويله.

بعد وقت بسيط دخل الدكتور يطمن عليها..وبعد ما اطمن على عشق كتبلها على خروج.

خرج الدكتور وسابهم

عشق...يلا بقى نمشي 

ليل...طب نستنى ياعشق حتى البنات يجيبولك غيار

عشق...مش لازم انا لابسه إسدال مش مهم المهم اني امشي

ليل...طيب ياستي يلا بس أستني لفي الطرحه دي عدل شعرك باين

حاولت عشق ترفع الطرحه معرفتش تظبطها قرب منها ليل براحه ممكن أساعدك.

سكتت عشق شويه وهزتله راسها بأحراج 

قرب ليل اكتر حاول يظبطلها الطرحه على اد ما قدر وبأطراف صوابعه بهدوء دخل الشعر اللي طالع منها بين خدها والطرحه 

حست عشق انها بتنهار ضربات قلبها زادت ووشها احمر جدا ..حس ليل بسخونه بشرتها على ايده أبتسم 

ليل...يلا بينا

عشق...يلا

ليل...هتقدري تنزلي ولا

عشق..ولا ايه😳

ليل...😊يعني اجيبلك كرسي او حاجه تساعدك لحد تحت

عشق ..لا لا انا كويسه يلا بينا

ليل...يلا😉

عشق..🙄

#أ

مابين الحلم والحقيقة (دار الايتام 2) 

البارت الثالث عشر..

نزل ليل وهو ماسك ايد عشق ومسندها عى اد ماهي كانت محرجه على اد ماكانت طايره انها ماسكه في ايده..

فتح ليل الباب وساعدها تركب براحه..

راح ليل على الكرسي بتاعه دور العربيه وطلع 

بصلها

 ليل..انتي كويسه

عشق...ايوه الحمد لله

ليل.. كنا اعدنا انهرده وخلاص

عشق..مش هتفرق كتير انهرده من بكره انا هكون مرتاحه كده اكتر 

ليل...ماشي اللي يريحك

سندت عشق راسها عالكرسي وهي باصه من الشباك الهوا داخل بيلمس بشرتها ومطير خصله من شعرها نزلت تاني من تحت حجابها كميه سعاده جوه قلبها خصوصا من طريقة ليل الجميله معاها..

فضل ليل ماشي بالعربيه ركزت عشق في الطريق حست ان ده مش طريق البيت. بصتله بأستغراب

ليل...ايه في حاجه

عشق...هو احنا رايحين فين..

ليل...رايح شقة الزمالك

عشق...نعم ليه انا عايزه اروح لاخواتي

ليل...مااحنا رايحين لاخواتك امبارح بعد اللي حصل وبعد ما تمارا رجعت والدكتور قال مش هتفوقي الوقت خليت جاسر ونوح راحو معاهم الصبح عالشقه لموا حاجتكم كلها ووصلوهم شقة الزمالك

عشق...ايوه بس

ليل...بس ايه مش عايزه تروحي 

عشق....ايوه ياليل مش عايزه اروح

ليل...ليه ياعشق عشان كدبت عليكي بس انا اعتذرت

عشق...لا خالص مش كده بس مرواحنا هناك مبقاش ليه لازمه يمكن قبل اللي حصل كان ممكن لكن بعد كده لا ،خصوصا ان مفيش اي حاجه هتحصل تخلينا في قلق او اننا لازم نبقى تحت عينكم

ليل...وانا بعد اللي حصل مش هسيبكم هناك يا عشق وبعدين ياستي مش يمكن ده افضل ليكم وبردو احنا لسه منعرفش ايه اللي ممكن يحصل معلش اسمعي كلامي

سكتت عشق وفضلت بصاله

ليل....ايه مش مقتنعه

عشق...يمكن حاسه ان وجودنا في الشقه ملهوش اي لازمة

ليل...بالعكس او يمكن انا كده هكون مرتاح اكتر ممكن

عشق...هزت راسها بقلة حيلة

ليل...وبعدين لو عالحلم يا عشق انتو رحتو الشقه بعد اللي حصل بردو مش قبله

عشق....عندك حق

ليل...بلاش تفكري كتير يا عشق سيبي كل حاجه تمشي بهدوء

عشق...ممكن اطلب منك طلب

ليل...اكيد

عشق...ممكن تسيب الولاد دي وتسلمهم

ليل...اكيد لا طبعا دول مش هيشوفوا النور تاني عاللي عملوه ده

عشق...ليل في قانون انت حد معروف بلاش تعمل اي حاجه تأثر على سمعتك ارجوك اعمل كده هكون مرتاحه اكتر عالاقل هحس ان في حاجه بتتغير للصح فالحلم ده

ليل...ايوه عشق بس

عشق...مفيش بس ياليل كفايه اوي اللي نت عملته فيهم سلمهم بقى ياخدو العقاب اللي يستحقوه

ليل....هو انتي ايش عرفك اصلا اني واخدهم

عشق...انت نسيت الحلم ولا ايه

ليل...بأبتسامه يادي الحلم ده عارفه ساعات بقول لنفسي ان كل اللي بيحصل ده حلم وانا هصحي منه

عشق...اوقات كتير ياليل لما بتحصل حاجه في حياتنا احنا رافضينها او مش مصدقينها بنتمنى انها تكون مش حقيقه واوقات كتير لما بنحلم حلم حلو ونصحى منه بنفضل مضايقين اننا صحينا ونتمنى لو كنا فضلنا فيه شويه كمان او مصحناش منه اصلا...الحلم ياليل عامل زي طوق النجاه اللي بينقذك من واقع انت رافضه..

ليل....عندك حق عشق احنا محتاجين نأعد نتكلم في حاجات كتير اوي ومحتاجين نتكلم مع الشباب كلهم لازم نتفق على شويه حاجات كلنا هنمشي عليها الفتره الجايه.

عشق...بس ياليل في حاجات مينفعش يعرفوها وفي حاجات اخاف عليهم انهم يعرفوها انا كنت بتمنى من ربنا اني احاول الحق كل الحاجات دي لوحدي من غير ما اقلق حد فيكم بس لما مقدرتش اضطريت اني اقولك بس خايفه يعرفوا قلقانه من ردود افعالهم.

ليل...لازم يعرفو ياعشق عشان نفكر سوا وعشان يخلوا بالهم احنا مش هينفع نمشي ورا كل واحد ونسيب دنيتنا لازم الدنيا تمشي بس في وسط ماهي ماشيه لازم نكون مطمنين اللي انتي عملتيه الفتره اللي فاتت دي كلها كانت غلط ضغط نفسي وعصبي عليكي توتر دايما تفكير مستمر كل حاجه في حياتك كانت واقفه الدنيا لازم تمشي صح ياعشق

عشق...عندك حق

ليل...وكمان عايزين نتكلم في موضوع الشغل ده ياعشق

عشق...موضوع الشغل منتهي يا ليل زي ماقولتلك قبل كده وبعدين انت نسيت اني قولتلك اني لقيت شغل

ليل...لا منستش بس كمان عرفت انك بتكدبي زهره قالت امبارح انها لما كلمتك قولتلها لسه ربنا ما أرادش 

سكتت عشق باحراج وبعدت عينها عنه

ليل...عشق الاول قولتلك مكنتش مصدق عارف اني ضايقتك بس انتي كمان لازم تعذريني وانا محتاجك معايا ياعشق

عشق...طيب خلينا الوقت في موضوع اننا نتكلم معاهم سيبنا الوقت من الشغل

ليل...انا هسيبني من موضوع الشغل بس عشان انتي تعبانه الوقت أنما لما تتحسني شويه هتنزلي اتفقنا

عشق...فضلت بصاله وساكته

ليل...اتفقناااااا

عشق... ان شاء الله ياليل

رن موبايل ليل.

ليل...الووو

نوح...ايه ياليل ايه الاخبار

ليل...كله تمام انت ايه الاخبار عندك 

نوح...كله ماشي تمام خلصنا خلاص وهنتحرك ونجيلكم

ليل...طيب احنا مشينا. رايحين عالشقه

نوح...عشق فاقت.

ليل...ايوه بخير الحمد لله وصممت تخرج والدكتور طمني عليها وكتبلها خروج

نوح...طيب كويس الحمد لله

ليل...نوح بقولك ايه انا عايزك تجيلي وكلم جاسر كمان يحصلنا ومعلش عارف ان ادم كمان تعبان من امبارح بس انا عايزه معاكم لازم يكون موجود

نوح...طيب تمام بس في حاجه ولا ايه قلقتني

ليل...لما تيجو هتعرفو المهم كلم جاسر الوقت بلغه عشان لو متفق مع البنات انه يجبهم ولا حاجه

نوح...اه فعلا اتفق معاهم عموما انا هكلمه الوقت 

ليل...طيب تمام يلا سلام

نوح ...سلام.

.......

ادم...ايه في حاجه ولا ايه

نوح...اه ليل عايزنا نروح للبنات كلنا وبيقول ان عشق معاه وموصلها للشقه

ادم...فاقت

ليل...ايوه والدكتور كتبلها على خروج

ادم...طيب مينفعش بكره انا فاصل خلاص

ليل...هو قاللي قول لادم معلش عارف انك تعبان بس هو عايزك

ادم...طيب تمام مفيش مشكله يلا بينا

نوح....استنىى نكلم جاسر

جاسر بصوت نايم..الووو

نوح...انت لسه نايم ولا ايه

جاسر...اه في حاجه ولا ايه

نوح...طيب اصحى كده ليل عايزنا كلنا في شقة الزمالك عند البنات هو رايح الوقت علي هناك ومعاه عشق خرجت

جاسر....في ايه طيب

نوح...مش عارف والله بس قاللي اكلمك فكرك صحيت وروحت للبنات تاخدهم فقالي الحقك

جاسر...لا مصحتش لسه وشكلهم هما كمان لسه نايمين عشان محدش كلمني

نوح....طيب تمام فوق كده يلا والبس وتعالي علي طول ولو عرفت تكلم الموزه بلغها قبل ما ليل يطب عليهم

جاسر...ماشي يا رخم اتكل يلا

نوح...طب اوعي تنام تاني انا ماشي انا وادم رايحنلهم

جاسر...لا خلاص صحيت هاخد شاور والبس واجي

نوح..اشطا مستنيك يلا سلام

جاسر...سلام

..........قفل جاسر ومسك الموبايل بص فيه كانت الساعه 7وربع ومحدش متصل بيه كلم تمارا

تمارا...بصوت نايم الووو

جاسر...صباح الفل

تمارا...صباح النور

جاسر....انتي بتردي كده وانتي نايمه عادي

تمارا...ايه المشكله

جاسر...المشكله ان الصوت ده مينفعش حد يسمعه وهو نايم كده 

تمارا...بابتسامه عايز ايه ياجاسر

جاسر..بضحكه هاديه يلا قومي كده وصحي البنات عشان ليل جايلكم الوقت ومعاه عشق

تمارا...بفرحه ايه ده بجد هي كويسه

جاسر...اه الحمد لله الدكتور كتبلها خروج وهما في الطريق انا هقوم اخد شاور والبس واجيلكم عشان ليل عايزنا كلنا

تمارا....في حاجه ولا ايه

جاسر...والله ما اعرف بس نوح صحاني وقاللي اللي قولتهولك الوقت قولت ابلغكم عشان تقومو تلبسوا قبل ما يجي

تمارا...طيب تمام انا قومت خلاص

جاسر...ماشي وانا مش هتاخر

تمارا...اوك

جاسر...عايزه اي حاجه اجبهالك وانا جي

تمارا...لا سلامتك شكرا

جاسر...قولي قولي متتكسفيش عايزه تقنعيني ان المفجوعه اللي كانت مسافره معايا مش جعانه😂 خصوصا ان البيت فاضي

تمارا ..بضحك انا فعلا جعانه 

جاسر...انا قولت المفجوعه دي لايمكن تسكت هتفضحنا

تمارا....انت بتتريق عليا صح

جاسر...بصراحه اه😂

تمارا...ماشي لما اشوفك

جاسر...يلا هقوم انا بقى عشان الحق اجي

تمارا...اوك باي

قفلت تمارا وهي مبتسمه وفرحانه قامت من على السرير طلعت من شنطتها غيار بسرعه وفوطه عشان تاخد شاور

راحت على اوض البنات صحتهم وبلغتهم قامو عشان يجهزوا نفسهم بسرعه

......

بعد حوالي نص ساعه وصل ليل تحت البرج ركن العربيه ونزل راح فتح لعشق براحه ونزلها

وقفت عشان تبص على منظر البرج بزهول

عشق...لنفسها أزاي مفيش حاجه متغيره نفس البرج اللي شوفته

فضلت في دوامه تفكير وأسئله وليل ماسك ايدها مسندها وعينه على عينها اللي جواها حيره

ليل...انتي كويسه

عشق...اه اه كويسه

ليل...طيب يلا

عشق....يلا

دخل بيها ليل وركبوا الاسنسير وطلعوا ادام الشقه

ليل...عشق انا مش عارف الشباب بلغوهم ولا لا انا هرن وابعد شويه لو مش جاهزين عرفيهم اني معاكي

عشق...حاضر

بعد ليل من ادام باب الشقه رنت عشق

بعد ثواني كانت زهره فتحت الباب ووراها البنات واول ما شافو عشق فضلو يحضنوا فيها 

تمارا...وحشتيني اوي 

عشق...انتي وحشتيني اكتر

نور...انتي كويسه

عشق ..بخير والله يابنات الحمد لله بس ممكن تدخلوني اعد بقى عشان مش قادره

تمارا...طيب تعالي ادخلي اسندي عليا

عشق...ايه ده لحظه ليل معايا

زهره...خليه يدخل طيب

خرجت زهره بره ..اتفضل يا مستر ليل

ليل...قرب بابتسامه بردو مستر مفيش فايده

زهره...بابتسامه طب اتفضل ياليل

دخل ليل وراهم

فضلت عشق واقفه بتبص عالشقه وعيونها بتلمع بالدموع

تمارا...تعالي اعدي ياعشق

عشق........

زهره...انتي كويسه

عشق........

نور...مالك ياعشق

عشق......

شاورلهم ليل بايده يبعدو عنها سابوها وقربوا من ليل

ليل...سيبوها الوقت وهتفهموا كل حاجه

حست عشق كأن في شريط هاجم ذاكرتها حاسه من كتر ما هي مذهوله ان الدنيا بتلف بيها وفجأه بقت تشوف كل حاجه حصلت

في الشقه دي..

شافت نفسها وهي واقفه وسط الاوض اعده تخبط على كل باب فيهم وتصحي تمارا وزهره ونور

شافتهم وهما بيجروا وراها بعد ما صحتهم من النوم...شافت نفسها وهي بتعترفلهم لاول مره انها حبت ليل شافت ليل وهو بيخبط بعنف عالباب بعد  تحديها ليه وعدم مرواحها مع نور وزهره الشغل شافت نفسها وهي بترجع ببطئ بمجرد ما فتح الباب وشافته ادامها شافت نفسها وهي بتجري منه عالاوضة وهو وراها شافته وهو واقع على الارض بين ايديها سكران كانت مع كل ذكرى بتمشي خطوه في الشقه وكانها بتفتكر كل حاجه مشيت على الطرقه اللي بتودي للاوض وهما وراها من غير صوت لحد ما وقفت على باب الاوضه بتاعة ليل وقبل ما تمد ايدها على اوكره الباب قرب ليل فتحلها المفتاح بصو البنات لبعض وسكتوا فتحت عشق الباب ودخلت واول ما شافت الاوضه نزلت دموعها غصب عنها..

ليل بصوت واطي للبنات ممكن تسيبونا لحظه

تمارا...هي مالها 

ليل ..متقلقيش عليها سيبونا بس الوقت 

هزت تمارا راسها وخرجت هي والبنات

دخل ليل الاوضه بص لعشق ولدموعها اللي نازله 

مسحلها دموعها براحه وفضل باصص في عينها من غير كلام

عشق...بدموع انت مكنتش مصدقني يا ليل بس انت كان معاك حق اللي انا فيه ده جنان انا مش مصدقه نفسي ياليل مفيش اي حاجه متغيره يا ليل كل حاجه زي ما هي او لو شوفت كل حاجه فالحقيقه بجد كان ممكن في تفاصيل كتير اوي نسيتها او حتى مخدتش بالي منها لكن انها تحصل في حلم واشوفه بالشكل ده انا حاسه اني بتجنن ياليل.صدقني اللي انا شيفاه الوقت مش سهل حد يتحمله وانهارت عشق غصب عنها وبدون مقدمات شدها ليل جوه حضنه مسكت عشق في ضهره بكل قوتها

اما في الخارج..

زهره..انا سامعه صوت عشق بتعيط

نور...اه وانا كمان

تمارا...لا انا كده قلقت تعالو نشوف فيه ايه..

زهره...لا روحي انتي ليل بيقلب بسرعه وبيتحول وانا بخاف منه بصراحه

نور...اه وانا كمان

تمارا...محدش هيجي معايا يعني خليكو يا خوافيين😡😡

نور...يا بنتي استني ده انتي حتى مجربه ايده🙄

رجعتلها تمارا بغضب اتريقي يا ست نور وعموما عشان ايده اللي بتقولي عليها دي انا مش هسيبها معاه اوعو كده

زهره...ربنا يستر😧

راحت تمارا عليهم وهي من جواه هتطين عيشة ليل لو عمل لعشق اي حاجه ولسه هتدخل عالاوضه اتصدمت من المنظر اللي شافته

عشق..جوه حضن..ليل..طب ازاي

تمارا..😳🙊

رجعت بضهرها لورا ووقفت سندت عالحيطه تاخد نفسها من صدمة الموقف حاولت تجمع نفسها ومشيت بهدوء بره للبنات

نور...ايه حصل ايه ومالها عشق

تمارا..بتحاول تداري الارتباك

ولا حاجه يا هبله منك ليها كسفتوني عالفاضي كويسه مبتعيطش بس بيتكلمو 

زهره...والله سمعت صوت عياط

تمارا...يمكن افتكرت حاجه من اللي حصلها المهم تعالو نأعد شكلنا وحش اوي كده واحنا واقفين هنا

نور...ايوه تعالو احسن

.........

ليل..خرجها من حضنه بعد ما حست ان هي هديت..

اعدها على كرسي واعد جمبها

ليل...عشق حاولي تهدي شويه من فضلك اللي بيحصل ده مش كويس عشانك انتي كده هيجرالك حاجه 

عشق...غصب عني ياليل والله العظيم انت عارف انا فكرت اني اشوف دكتور نفسي اعرف منه اللي بيحصلي ده ممكن فعلا يحصل او طبيعي المشكله مش في تحقيق الحلم المشكله ان كل حاجه بالحرف بالمكان بالكلام انا بشوفه لتاني مره...ازاي حلم ميتعداش دقايق اشوف فيه فتره زمنيه طويله زي كده 

ليل...خلاص ياعشق لو ده هيريحك نروح لدكتور انا هشوف دكتور كويس تبعي واتفق معاه على معاد ونروحله سوا يمكن ده يريحك انا مش هقدر افيدك وعارف ان دي حاجه متعبه جدا يمكن انا مش في مكانك بس حاسس بيكي صدقيني. عايز اقولك على حاجه

عشق..قول..

ليل...بعد ما حكتيلي اول مره كنت شاكك فعلا وفضلت كده شاكك وشكي بيزيد اكتر حتى لما قولتيلي على موضوع الشقه وانك عايزه اني اوديكم فيها قبل الحادثه ما تحصل طبعا وقتها انا كدبت عليكي بس حاجه جوايا كانت قلقانه بعدها بيومين روحت عالشقه فتحتها وخليت حد راح نضفها لانها مقفوله بقاله كتير وكأني حاسسس ياعشق ان انتي هتيجي هنا وبعد ما اتنضفت حاجه جوايا خلتني اقفل الاوضه دي بالذات عشان لما تيجو تأعدي انتي فيها زي ما كنتي اعده فيها قبل كده ولما حصل اللي حصل وقولت لجاسر ونوح يجيبوهم هنا  فرحت اني قفلت الاوضه عشان انتي مكنتيش معاهم وكان ممكن ياخدوها.

عشق...ابتسمت وانا اللي قولت الحلم اتحقق وكل واحده راحت للاوضه اللي كانت فيها لو كانو شافو الاوضه دي كانو خدوها خصوصا تمارا🙈

ليل...بأبتسامه يعني كويس بقى اني قفلتها...بس قوليلي الاوضه مفيهاش اي تغيير اصلي بصراحه كده غيرت فيها حاجه 

عشق...بصت عشق للاوضه بهدوء لفت الاوضه بعينها وبصتله لا فيها طبعا حاجتين مش حاجه واحده

ليل....🙄ايه هما

عشق...الكرسي اللي شبه المرجيحه ده كان بره مش في الاوضه....والتابلوه ده كمان مكنش فالاوضه.

ضحك ليل....وهو مستغرب ورافع حواجبه🤨🤨🙄هو في كده

ابتسمت عشق....والله انا ما عارفه في كده ولا لا...

ليل...طيب يلا انا هخرج واسيبك تغيري هدومك دي 

عشق...ماشي ممكن بس تنادي تمارا عشان اعرف فين اللبس بتاعي

ليل...حاضر

قام ليل خرج بره

وقفو البنات وفضلت تمارا تبصله وهي حاسه بالاحراج

ليل...تمارا

تمارا...😳😳نعم

ليل...عشق عيزاكي

تمارا...انا ليه طيب ماشي حاضر

ليل..😳تمارا اتجننت ولا ايه

زهره...لا هي كده على طول

ليل....بابتسامه واضح

زهره...طيب اتفضل اعد

راح ليل اعد

نور...طيب تشرب ايه

ليل...مش عايز اتعبك

نور..مفيش تعب

ليل...طيب ممكن قهوه ساده

نور...حاضر

رن جرس الباب...كان نوح وادم

فتحت زهره الباب سلمت عليهم ودخلوا سلموا على ليل.

نور...هعمل لمستر اقصد لليل قهوه تشربو ايه

نوح...لحقتي نفسك انتي

نور...🙈🙈🙈ايوه 

نوح ..انا كمان قهوه مظبوط

ادم...خليهم اتنين مظبوط

نور...تمام بعد اذنكم

مشيت نور عالمطبخ واستأذنت زهره منهم وراحت ورا نور.

زهره...انتي يا مصيبه انتي

نور...ايه يابت مالك داخله عليا بعفاريتك ليه

زهره...عفاريت ايه وهباب ايه انتي ازاي تتسحبي من لسانك وتقوليله تشرب ايه هو في اي حاجه هنا غير مايه

نور...🙄🙄🙄🙄يانهار اسود انا نسيت بس كنتي عيزاني اعمل ايه افضل اعده ويقولو علينا بخلا🤔

زهره وهي بتخبط على كتفها...طيب يا ست الحنينه اتنيلي بقى وشوفي هتتصرفي ازاي🤨🤨

نور...استني بس لا متسبنيش في الموقف الزفت ده لوحدي

زهره...طب ايه انا مش عارفه 

نور...طب تعالي ندور في المطبخ بسرعه يمكن نلاقي اي حاجه

زهره...تعالي مع اني متوقعش 

.......  

في اوضه عشق.

تمارا دخلتلها الشنطه وبتطلعلها هدوم واقفه ساكته ومش عارفه اذا كانت تسألها عن اللي شافته ولا تستنى عشق تحكيلها...

عشق...وحشتيني يا تيمو 

تمارا...انتي اللي وحشتيني اكتر وكنت هتجنن عليكي وكلت قلم امبارح من ابو ايد طارشه اللي بره ده😡😡😡بسببك

عشق...ليل😧

تمارا...ايوه يا اختي ليل

عشق .ليه

تمارا...عشان قولتله ان هو اللي عمل فيكي كده

عشق...ضحكت طب وليه قولتيله كده 

تمارا...ماهو اللي كان معاكي 

عشق...صراحه تستاهليه🙄

تمارا...ده بدل يا اختي ما تخرجي تاخديلي حقي

عشق...اللي اعرفه انك عندك لسان ودراع طول كده مخدتيهوش انتي ليه 

تمارا...ماهو اتأسفلي😒😒

عشق...طب خلاص الراجل صلح غلطته

تمارا...ماشي يا اختي شيفاكي بتدافعيله يعني هي السناره غمزت ولا ايه يا بت🙄🤔

عشق...بعدين يا تيمو حكيلك حاجات كتير

تمارا...يبقى غمزت 

عشق...بضحك اخلصي يلا تعالي ساعديني بلاش جنان

تمارا...بفرحه ونسيت السؤال اللي كانت عايزه تسأله طيب يلا وهتحكيلي هااا

عشق...اخلصي قولنا

..........

خرجت زهره هي ونور وقفوا قدامهم باحراج..

ليل.. وادم ونوح كانو بيتكلموا وفجأه ليل سكت لما لقاهم واقفين اعدين يخبطو في بعض عشان واحده فيهم تتكلم

ليل...في ايه مالكم واقفين زي اللي عاملين عامله كده ليه

ادم....بابتسامه زي ايه بس شكلهم عملوا عمله فعلا😂

زهره...😡😡

نوح ..بس يبقى بوظوا القهوه

ادم...تصدق شكلها كده مبيعرفوش يعملوا

ليل...مالكم يابنات

زهره...من غير تريقه بقى ولا نعرف ولا منعرفش اصلا مفيش قهوه ولا في شاي ولا عصير اقولك ولا اي حاجه خالص البيت مش فيه غير مايه...وضربت نور في كتفها سيباني اتكلم واخلص وواثفه ساكته ونسيتي ان انتي اللي عزمتي عليهم😡😡😡

ف اللحظه دي ..ليل وادم ونوح مقدروش يمسكو نفسهم من الضحك......

وفجأه..🙄🙄🙄🙄😁😁

#

البارت 14_15من هنا هنا