مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

مابين الحلم والحقيقة (دار الايتام 2) 

البارت الرابع عشر.والخامس عشر 

نوح ..بس يبقى بوظوا القهوه

ادم...تصدق شكلها كده مبيعرفوش يعملوا

ليل...مالكم يابنات

زهره...من غير تريقه بقى ولا نعرف ولا منعرفش اصلا مفيش قهوه ولا في شاي ولا عصير اقولك ولا اي حاجه خالص البيت مش فيه غير مايه...وضربت نور في كتفها سيباني اتكلم واخلص وواثفه ساكته ونسيتي ان انتي اللي عزمتي عليهم😡😡😡

في اللحظه دي..ليل وادم ونوح مقدروش يمسكو نفسهم من الضحك

وفجأه.. رن جرس الشقه..

راحت نور تفتح لقيته جاسر ومعاه كذا شنطه

نور...ازيك ياجاسر اتفضل

جاسر ازيك يانور هما جم

نور..اه جوه اتفضل

جاسر كان باين عليه الارهاق وشكله لسه نايم على نفسه طيب امسكي مني الشنط دي خدتهم منه نور

دخل جوه سلم عليهم

نوح...كل ده 

جاسر...كل ده ايه انا متأخرتش يادوب خدت شاور ولبست وجيت على طول

ادم...شكلك منمتش كويس

جاسر..ملحقتش اصلا انام لما روحت بابا كان لسه مراحش الشركه فضلت اعد معاه شويه لحد ما خرج وبعدها فضلت اتكلم مع ماما شويه يمكن اكتر من ساعه وبعدين نمت حبه صحيت على تليفون نوح مش قادر حاسس ان عيني بتقفل لوحدها

ادم...انا كمان مش قادر تعبان جدا

ليل...معلش نخلص اللي احنا جايين عشانه وبعدها روحوا نامو 

جاسر...بص لزهره معلش يازهره هتعبك معايا ممكن تعمليلي فنجان قهوه عشان افوق شويه

بصو الشباب لبعض وضحكو على زهره وهي بتضرب نور لا بقولك ايه ردي انتي انا مش هفضل كده انا اللي ارد كله بسببك

ضحكت عليها نور

جاسر...في ايه

نوح....ابدا بس نور من شويه عزمت علينا بقلب نشرب حاجه والبيت مش فيه غير مايه

جاسر....ااااااه انا نسيت خالص 

ليل...امال ايه الشنط اللي في ايدك دي

جاسر...لا ده غدا مانا عارف الببت مش فيه حاجه وهما محدش فيهم كل وانا مكلتش واكيد انت. مكلتوش قولت اجيب غدا وناكل سوا بس معرفش ان البيت فاضي لدرجه القهوة والشاي كمان

ليل...متحملش هم نخلص بس حوارنا ده وكل حاجه هتجهز انهرده

.....

عشق....ااااه براحه ياتمارا مش قادره

تمارا...معلش حقك عليا انتي جمبك كله ازرق ياعشق

عشق...اصلي وقعت عليه جامد 

تمارا...معلش الحمد لله انك بخير انا لبستك خلاص تعالي بقى اسرحك والبسك الطرحه عشان شكلهم جم بره

عشق ماشي

خلصت تمارا بسرعه وساعدت عشق فالطرحه وخرجو مع بعض  تمارا مسنده عشق

تمارا...مساء الخير

الشباب مساء النور

ادم...ازيك ياعشق حمدالله عالسلامه

عشق...بابتسامه الله يسلمك يا ادم

نوح....عامله ايه ياعشق

عشق...بخير الحمد لله يانوح

ليل..كان باصصلها من اول ما لمحها من بعيد ومنزلش عينه من عليها تجاهلت عشق نظراته باحراج وراحت مع تمارا اعدت عالكرسي ادام ليل على طول

تمارا...مرتاحه كده

عشق...اه الحمد لله

تمارا...بصتلهم تشربو ايه ياجماعه

ضحكو كلهم بصوت عالي ابتسم ليل وهز راسه شمال ويمين

تمارا....🙄🙄🙄هو انا قولت نكته😡

نوح...ياستي اعدي بقى بتعزمو بقلب وانتو اعدين في شقه مفيهاش غير مايه

تمارا...يعني ايه

نوح...بص لجاسر الحق دي كمان مش فاهمه

جاسر....ضحك معلش اصل شبح الحته فهمها بعافيه شويه

تمارا...والله بقى كده طب والله ما فاهمه

ادم...لا الطالعه دي سيبوها لزهره

بصت تمارا لزهره اللي بتحاول تكتم ضحكتها

تمارا...في ايه يابت بتضحكي على ايه

زهره...ابدا بس نور عزمت عليهم بقلب ولما دخلت ملقتش ولا قهوه ولا شاي واتحرجت تخرج تقول ودبستني انا وبعدها جاسر جه وطلب قهوه وباصصلي انا والمصيبه دي برده ساكته مفيش هنا غير مايه وبس

تمارا...ايه ده اه انا ازاي نسيت وبصت لجاسر مش انا قولتلك الصبح عايزه رقم سوبر ماركت😡

جاسر...انا جبتلكم غدا ونسيت والله خالص حوار السوبر ماركت ده

ليل...تمارا تعالي اعدي بس الاول نخلص موضوعنا ده الاول والماركت ده هنظبطه قبل ما نمشي تمام

تمارا...تمام

نوح....لا استنى الله يكرمك تمام ايه بس قبل الكلام ناكل الاول الاكل ريحته تجنن وانا بصراحه مش قادر وبعدين هيبرد

ادم.. على طول همك على بطنك

نوح...لا يا شيخ ده من امته ده انت في الاكل قطر

ليل...نوح عنده حق البيت فاضي خالص والبنات من الصبح ماكلوش وعشق كمان لازم تاكل كويس عشان العلاج بتاعها

تمارا...طيب تعالي يانور معايا نجهز السفره

جاسر...بسرعه يا نور قبل ما تمارا تاكل دراعك🤨🙄

بصتله تمارا..🤨🤨🤨ماشي

راحت نور وزهره مع تمارا فتحو الشنط وابتدوا يحضروا السفره ويحطوا الاكل 

وقاموا كلهم مع بعض على السفره كلوا مع بعض..وبعد فتره بسيطه خلصوا اكل نضفو البنات السفره ورجعوا اعدو 

ولع ليل سيجاره هو والشباب

ليل...بصوا بقى في كلام مهم اوي هيتقال من عشق لازم تسمعوه كويس وتحاولوا تصدقوه مهما كنتو شايفينه غريب...ماشي

الجميع تمام

بص ليل لعشق اللي اعده ادامه اتكلمي ياعشق احكيلهم كل حاجه من البدايه.

هزت عشق راسها وبصت عليهم كلهم مركزين معاها حست بالتوتر خدت نفس طويل وهي مغمضه عينها...فتحت عينها وبصتلهم...

عشق....الحكايه كلها بدأت من اول يوم شوفت فيه بابا انا والبنات

وابتدت عشق تحكي كل حاجه حصلت بالحرف معادا ان البنات والشباب هيحبوا بعض.. مقالتش لجاسر ان ابوه كان هو اللي وراهم وده كان طلب ليل من عشق انها متقولش

عشق...بس ده كل اللي حصل ومن وقتها وكل حاجه بالحرف بتحصل كل حاجه شوفتها بشوفها تاني الكلام اللي كان بيتقال بيتعاد بالحرف يمكن في اشخاص بتتبدل في اشخاص مش بيبقو موجودين بس الموقف بيحصل بتفاصيله...زي اللي حصلي بالظبط المفروض كانت نور وزهره معايا الموقف حصل بس من غيرهم وبصت لتمارا..صدقيني ياتمارا فضلت بعد الايام اللي هيحصلك فيها الحادثه مكنتش بدور على شغل زي ما كنت بقول كنت تقريبا بلف وراكم وبراقبكم من بعيد عشان احاول احميكم كان ممكن الحقك بس حاجه وقفتني على اخر لحظه ووقفت من بعيد اشوف الحادثه زيي زي اي حد فالشارع...وقتها كأن حاجه تحت الارض مسكتني من رجلي عشان تمنعني الحقك حاجه منعت لساني انه يصرخ بأسمك عشان تبعدي عن الطريق بس حاجه تانيه خلتني اسيبك لان لو لولا الحادثه بتاعتك مكنتش هقدر اوصل لليل واقوله عاللي بيحصل من وراه 

وتخطيط قتله ولا كان في اي حاجه هقدر امنعها 

جاسر....يعني انتي عايزه تفهميني ان هايدي ورا ده كله طب ليه ووصلت لريما ازاي اصلا

نوح...وانا ونور سامر اخوها هيعمل فينا كل ده بردو ليه 

نور...يعني هايدي هي اللي عملت كده في بابا ومقولتيش ياعشق

تمارا...وانا هايدي كانت قاصده انها تخبطني لمجرد اني اشتغلت في الشركه ازاي

زهره...يعني اللي حصلك امبارح ده انتي كنتي عارفه انه هيحصل ومقولتيش لاي حد فينا..

حست عشق انها خلاص بتنهار من كتر اسالتهم قامت وقفت معرفش معرفش ارحموني بقى من كتر الاسئله دي انا خلاص هتجنن من كتر التفكير بلاش تسألوني أسأله ملهاش اي إجابه عندي

ليل...عشق اهدي من فضلك

عشق...متقوليش اهدي انا مليش ذنب في اي حاجه انا حلمت حلم صحيت لقيته بيتحقق ادامي ارحموني بلاش نظراتكم دي انتو مش مصدقني انا والله ما مصدقه نفسي مكنتش ناويه اتكلم كنت ناويه اوقف كل حاجه من بعيد حتى لو مكنتش هقابل اي حد فيكم بس معرفتش اعمل ده لوحدي لقيت الحلم بيتحقق وكل موقف بيحصل وانا واقفه في نفس المكان لا انا قادره اوقفه ولا انا عارفه اعمل اي حاجه بتفرج على مشهد بيتعاد ادامي من تاني وانا متكتفه بشوف ناس غاليه عندي بيحصلها مصايب ومش قادره حتى انبههم لما روحت الشركه مكنتش ناويه اتكلم كنت ناويه امنع بابا وتمارا انهم ينزلو لقيت نفسي بمشي معاهم بره الشركه وبقف معاهم في نفس المكان ومش قادره اقولهم ارجعوا لقيت ليل وادم ونوح وجاسر خارجين وليل بيعرض على بابا انه يوصلنا زي ما عمل فالحلم  سمعت كل كلمه وكل حرف وانا بقوله من جوايا معاهم قبل ما اي حد ينطقه وقتها بس حسيت اني بصرخ من جوايا وبقول لنفسي اتكلمي 

لقيت نفسي بقولهم يرجعوا ورا وان في عربيه هتخبطهم مقصود بيها تمارا بس بابا اللي هيتخبط كنت شايفه اتهامهم ليا بالجنون مرسوم على وشهم ومع ذلك مكنش هاممني غير اني امنع ده باي طريقه وفي لحظه اتكرر نفس المشهد حتى بعد ما اتكلمت بس الفرق في اللي حصل بين الحلم والحقيقه ان بابا مماتش ولسه عايش.. الفرق ان اللي اتهجمو عليا اتهجموا عليا لوحدي ارجوكم بلاش نظراتكم دي انا مش مجنونه ولا حتى انا السبب في اللي بيحصل ده 

ليل...عشق اهدي واعدي زهره من فضلك هاتيلها مايه

زهره...حاضر

شدتها تمارا واعدتها جمبها

تمارا...عشق احنا مش بنتهمك ويمكن انا وزهره اكتر حد ممكن يصدقك عشان احنا عارفينك ومتربين معاكي وشوفنا معاكي كل حاجه حتى احلامك اللي كنا بنترعب منها لما تصحي وتقولي لواحده فينا انك حلمتي بيها...

عشق يوم ما خرجنا من الدار وفضلنا نلف واعدنا ونمنا عالرصيف من بعد ما صحيتي وانا حاسه ان في حاجه غريبه وسألتك انا وزهره وقتها مالك ساعتها انتي رديتي عليا لكن بسؤال والاغرب كان سؤالك اللي تقريبا يا عشق معرفتش معناه غير الوقت بس

بصتلهم تمارا كلهم وكملت كلام

...عشق لما صحيت وشافت بابا وقولتها انه عرض علينا نروح معاه وافقت بسرعه غريبه انا نفسي اتصدمت منها لان عشق استحاله تقبل بكده وانا عرفاها اكتر من نفسي بس لما شافته نظراتها وقتها كانت غريبه..

سكتت فجأه تمارا واترسم على ملامحها الصدمه والخوف...وبصت لعشق وهي بتسألها ودموعها نازله

تمارا....عشق انتي يومها قولتي كلمه غريبه اوي انا مفهمتش معناها قوليلي ياعشق ان اللي وصلي الوقت ده مش هيحصل قوليلي ياعشق انك هتفضلي معانا..

بصتلها عشق وجريت على خدها دمعه سريعه...

ليل...في ايه يا تمارا اتكلمي

بصتله تمارا... وسرحت وافتكرت الحوار وهي بتحكيه ليهم

فلاش باك

تمارا..بصوت واطي وافقتي بسرعه يعني من غير اعتراض كنت واثقه انك هترفضي

عشق...مكمله مشي وعينها عالطريق بغموض مكنش ينفع ارفض ده طريق مكتوب والمكتوب مينفعش نهرب منه في حاجات كتير اوي هتحصل لازم الحقها واوقفها

تمارا باستغراب...تقصدي ايه انتي لسه نايمه ولا ايه

عشق...ابتسمت بغموض وبصت لتمارا

جربتي تسألي نفسك قبل كده الحياه اللي بتعيشيها دي حلم ولا واقع

تمارا..ابتسمت باستغراب كتييير

عشق...اهو انا سألت نفسي اسأله كتير اوي لكن عمري ما سألت نفسي السؤال ده

زهره..انتي بتقولي ايه حصلك ايه لما نمتي

عشق..موت و صحيت تاني والوقت همشي نفس الطريق يمكن اوصل لنقطة النهاية الموت🤚ويمكن اكمل بعدها

بس في الاول وفي الاخر ده طريق ولازم امشيه⁦..

باك....

تمارا...وقتها بس مفهمتش سؤال عشق فهمته الوقت كانت تقصد ايه بالحلم...بس عشق قالت انها ماتت وصحيت..

ليل...بص لعشق ايه الجزء اللي في حلمك مقولتيهوش ياعشق وموت ايه اللي تمارا بتقول عليه.

سكتت عشق شويه

ليل...ماتتكلمي ياعشق موت ايه وليه محكتيليش مين اللي هيموتك

عشق...ليل الموت والحياه دي حاجه في ايد ربنا ومهما كان حلمي بيتحقق مقدرش اتكلم في النقطه دي بالذات لاني هعتبرها شرك بالله محدش يعرف اللي ربنا كاتبه غيره هو.

ادم...بس انتي حاولتي تمنعي موت حاج محمد

عشق...لان الراجل ده اكتر حد وقف معانا وحافظ علينا وهو مش من دمنا ولاني مشوفتش منه اي حاجه وحشه..ولان في الحلم موته وجعني وكسرني وكسرنا كلنا انا بمجرد ما بفتكر الحلم ولحظة موته قلبي بيتقبض مقدرتش اشوف ده بيحصل في الحقيقه.

ليل...وتفتكري ان حد فينا هيقدر يشوف ان بيحصلي حاجه وحشه قوليلي ياعشق مين اللي عمل فيكي كده وازاي اصلا هتموتي

عشق...هتقتل

الجميع..😳

جاسر...هايدي برده

سكتت عشق ونزلت عينها الارض وبصت بطرف عينها على ليل وهي بتقول لا مش هايدي ريما!!

ليل...😳😳ليه 

عشق...مش عارفه

ليل...يعني ايه مش عارفه

عشق...صدقني ياليل معرفش مش كل حاجه فكراها...بس وقت ما صحيت وشوفت بابا كان صوت صريخ منكم بأسمي وبعدها صحيت.

نوح ..لا لا انا اسف بس اللي بيحصل ده جنان اللي بسمعه ده جنان اللي بيتقال جنان...لالا انا مش قادر اصدق ولا عارف في حاجه غلط

ليل....عشان كده انا جمعتكم انهرده...واتفقت مع عشق اننا نكلمكم عشان اكيد احنا مش معاكم طول الوقت فلازم تكونو عارفين وتخلو بالكم من نفسكم..

يمكن انا كنت زيك بس حاليا انا مصدقها..بس عشان انتو تصدقوها 

قررت انا وعشق ان كل اللي سمعتوه ده كوم واللي عشق مقالتهوش ليكم من حلمها كوم تاني ده هنسيبكم تكتشفوه لوحدكم انا بس اللي اعرفه وعشان اطمنكم دي حاجات هتحصل منكم انتو حاجات هتتقال بلسانكم وهتتعمل بدماغكم 

ادم...ليل انا مش مكدبها بس مش مستوعب اللي بيحصل.

يمكن انا قرأت كتير اوي في حالات مشابهه لعشق واللي هي بتقوله بس مكنش بالطريقه دي

نوح...طيب هو انا ممكن أسال سؤال معلش خوديني على اد عقلي وردي عليا انا واحد سامع ان في واحد هيتفق عليا انا ونور ويفضحونا انتي متخيله انتي قولتي ايه..اصل احنا لو مشينا ورا الكلام ده احنا مش هنعرف نشوف حياتنا وهنتجنن من كتر التفكير ولو فينا واحد حب يفرد دراعاته بأنه مش فارق معاه كلامك وانه مش خايف وطلعتي انتي صح يبقى هيتحقق حلمك تاني فالحوار كله على بعضه في جنان

عشق...أسأل يانوح.

نوح...واحده زيك احلامها بتتحقق  وبتحس بأي حاجه من قبل ما تحصل ده على كلامهم ازاي بعد ما صحيتي وشوفتي حاج محمد اللي انتي اصلا كنتي شوفتيه فالحلم ودي المفروض تكون اول صدمه ليكي ازاي روحتي معاه ازاي مشيتي معاه  بلاش ازاي من البدايه ممنعتيش حادثه تمارا عشان متشوفش هايدي ازاي ممنعتيهاش اصلا انها تشتغل فالشركه ليه مكتفتيش بانكم تعيشوا مع حاج محمد ونور وبس مش يمكن كل حاجه حلمتي بيها مكنتش اتحققت والسؤال الاهم يا عشق..ازاي مشيتي نفس الطريق اللي انتي عارفه انه بينتهي بموتك...كملتي ليه ياعشق...فضول منك ولا كان في سبب انتي مكمله عشانه..

في اللحظه دي من غير ما تقصد عشق بصت لليل وهي عيونها كلها دموع وكأنها بتقوله بعينها كملت عشان افضل مع ليل اشوفه اسمعه احسه كملت عشان كان واحشني كملت عشان كان عندي امل افضل معاه

نوح...ماردتيش عليا

عشق...عشان يمكن انا معنديش اجابه يانوح معنديش تفسير اذا كان فضول ولا هو قدر وحاجه مكتوبه لازم اشوفها صدقني معرفش بس كل اللي اعرفه اني خفت عليكم

وفجأه...سمعت سؤال ليل اللي متوقعتهوش ولا حتى هو نفسه توقع ان ممكن يسأل سؤال زي ده

ليل...عشق

بصوله كلهم وعلى رأسهم عشق

ليل....هو انا في الحلم حبيتك

عشق...

الجميع😳😳😳😳😳😳😳

مابين الحلم والحقيقة (دار الايتام 2) 

البارت الخامس عشر....

🖋️🖋️أحيانا..بنكدب الحقيقه عشان نقدر نخرج من موقف او عشان نقدر نبعد عن سؤال ملهوش إجابه أو عشان نهرب من إجابه سؤال أحنا اضعف بكتير من اننا نجاوب عليه.!

كانت بعض كلمات عشق داخل مذكراتها...

عشق...🖋️عدي حوالي 3 اسابيع

على سؤال ليل..احداث كتير حصلت تفاصيل اكتر خلال الفتره دي..ولكن الاهم من التفاصيل هو إجابتي على سؤاله بكلمه واحده 

لا!!! محبتنيش.

كان نفسي اقوله وقتها ابوه حبتني وانا حبيتك اكتر من نفسي بس مقدرتش اقوله ايوة وقتها وفي ثواني قليله من ردي كان بيدور في عقلي مية سؤال

ليه بتسأل؟هو انت حبتني وبتتأكد؟؟

اقوله ايوه؟؟ ولا انكر حبي وحبه واخبيه زي ما طلبت منه ميقولش انهم هيحبوا بعض؟ وغصب عني تجاهلت كل الاسئله دي وقولت لا محبتنيش. يمكن كان فضول مني اعرف ايه هو سبب سؤاله بعدين

في خلال الفتره دي

مامته رجعت من السفر واتعرفنا عليها ليل سلم التلاته اللي اتهجموا عليا ويمكن وقتها فرحت جدا انهم خدوا العقاب اللي يستاهلوه ومن ناحيه تانيه ان ليل ما يتهورش ويورط نفسه في حاجه كبيره كنا بنزور بابا دايما ومكنش في اي جديد في حالته ولا أسوء ولا احسن يمكن كنت حاسه ان الكل واضح عليه القلق والتوتر من اللي ممكن يحصل.. يمكن كنت بشوف في عيونهم مره مصدقين ومره لا وخلال الفتره دي نزلت تمارا وزهره الشغل معاهم وبعد اسبوعين من فك الجبس صمم ليل اني انا كمان انزل ونزلت انا كمان وحاليا بقالي اسبوع معاه.. لكن وقت مانزلت كدبت لتاني مره على ليل واقنعته ان مكتبي كان بعيد عن مكتبه لكن قراره صدمني وقالي لا انتي هتبقي معايا في نفس المكتب..

طول الوقت حاسه من نظراته وكلامه بحاجه غريبه بس حلوه اهتمام زياده حنيه متتوصفش طول ماهو شايفني الابتسامه مش بتروح منه كل ده كان بيثبتلي ان ليل حبني ويوم ما سألني كان هو حس بحبه ليا وحب يتأكد لكن محبتش اسبق الاحداث..جاسر وتمارا ادم وزهره نور ونوح علاقتهم كانت بتتطور وكانوا بيقربوا من بعض اوي....اما ليل

فوحشني اوي فات حوالي اسبوع من غير ما اشوفه لانه سافر نفس اليوم اللي اشتغلت فيه ..وده كان من ضمن الاحداث اللي بتحصل حواليا جديده...وعلى اد ماهو كان واحشني بس كنت مبسوطه ان بيحصل تغيير في احداث الحياه ماهو اصل حاجه ممله اوي لما تعيش نفس الاحداث مرتين واوقات كانت بتبقى حاجه تخوف لما تكون مستعد لموقف وحش هيتعاد ادامك على ارض الواقع.

ومن الاحداث اللي كانت جديده هي الحفله اللي اتحدد معادها انهرده...ودي بمناسبه افتتاح فرع جديد لمجموعه ليل السيوفي في اسكندريه...كنت مبسوطه ان في حاجه حلوه هتحصل وتجمعنا كلنا  كان بالنسبالنا كلنا تغيير من ضغط نفسي وعصبي عشناه خصوصا انا كنت محتاجه التغيير ده جدا واللي كان مفرحني اكتر ان ليل وصل انهرده الصبح من السفر وهشوفه بليل في الحفله..

حاسه ان جوايا طاقه من النشاط والفرحه وكان نفسي اليوم يعدي بسرعه عشان اشوف ليل

لكن ده علي اد ما انا متحمسه جدا ومبسوطه اوي جوايا احساس مضايقني قلبي مقبوض مش عارفه اترجم ده عشان هشوف ليل بعد طول الفتره دي ولا عشان انا متحمسه زياده عن اللزوم ولا عشان اتعودت ان كل فرحه بفرحها بيجي بعدها حاجه توجع...لكن انا قررت اني اتجاهل اي شعور سلبي وافكر بس في ليل والحفله والحياه اللي ماشيه لحد الوقت من غير اي قلق او خوف

سابت عشق القلم اول ما سمعت صوت الباب بيخبط...

تمارا...يا عششششق يلااااااا

زهره...اخلصي بقى بتعملي ايه كل ده

نور...انتي يا بارده هكسر الباب ده عليكي فاضل نص ساعه والسواق يجيلنا😡😡😡

فتحت عشق الباب وهي لسه بالبچامه..

تمارا..شهقت من منظرها يخربيت ام كده انتي لسه بالبچامه يا عشق انتي بتستعبطي

عشق...ببرود في ايه مالكم مستعجلين ليه كده

زهره...عشق انتي بتهرجي صحيح قافله على نفسك كل ده ولسه ملبستيش

عشق...ياستي متقلقيش انتي وهي انتو عارفين انا بلبس بسرعه

نور...ادامك نص ساعه هتلحقي تلبسي وتعملي ميكب وتلبسي الطرحه

عشق...اه هلحق وبعدين انت. عارفين اني مش بحط ميكب كتير اصلا وبعدين سيبكم مني ايه الحلاوه دي يابنات شكلكم يجنن

تمارا...بابتسامه هبله بجد طب ايه شكلي الحلو الفستان حلو

عشق...تحفه الفساتين عليكم تجنن

زهره...طب يلا بقى بسرعه

عشق...طيب استنوني بره وانا مش هاخد وقت يلا بقى اتكلوا على الله

تمارا...وربنا يا عشق لو السواق جه هنمشي ونسيبك

عشق...اخلصي يابارده انتي اللي بتأخريني اهو

نور...تعالو يابنات يلا احسن تتلكك اننا احنا اللي مأخرينها

ضحكت عشق ودخلت تلبس بسرعه

عدى حوالي نص ساعه كانت عشق جهزت ولبست ووضعت لمساتها الاخيره..فتحت الباب وخرجت بره

اول ما شافوها 

تمارا...صفروا تعبيرا على اعجابها

زهره....ايه ده الله شكلك يجنن

نور...يخربيت حلاوتك يا عشق انتي عارفه ياعشق انا لو راجل لا يمكن اسيبك تمشي من تحت ايدي

عشق....أبتسمت بفرح بجد شكلي حلو

تمارا...انتو معندكوش مرايات في بيتكم ولا ايه

نور...بقولكم ايه تعالو نتصور واحنا مزز كده عشان انزل استوري عالفيس

عشق...لا فيس ايه بلاش انا مش بحب انزل صوري

تمارا...بت انتي بلاش كآبه الله يباركلك تعالي يلا نتصور وكلنا هنزل صورنا يلا اخلصي وبعدين احنا لابسين طرحه احنا هنتصور من غير هدوم😡

عشق ..بس بس خلاص راديو واتفتح امري لله يلا نتصور

زهره...بضحك ما كان من الاول لازم تفتحيها

عشق...معلش الغلط عندي قولتلابسه وشيك ومحترمه معرفش ان البلطجي اللي جواها ملازمها حتى لو بقت ملكه جمال

ضحكو البنات وابتدو يتصوروا مع بعض صور كتير 

وبعد كام دقيقه اتصل عليهم الامن بلغهم ان السواق وصل

نزلوا البنات بسرعه واول ما نزلوا 

اتفجئوا من العربيه اللي كانت واقفه اقل ما يقال عنها انها تجنن عربيه ليموزيين لونها ابيض طويله جداااا 

والسواق واقف ادام الباب مستنيهم

تمارا....😳😳اوبااااا احنا هنركب العربيه دي

زهره...هو في كده

نور...الله تعالو نتصور جمبها سيلڤي

تمارا وزهره...يلا

عشق ...استني انتي وهي هو ايه اللي يلا

تمارا...في ايه يا ملكة العكننه

عشق...بت انتي حطي لسانك في بوئك وبعدين انا مش مطمنه

زهره...لا والنبي ابوس ايدك بلاااااش😭

تمارا...عاجبك كده اهي البت هتعيط مش هترتاحي غير لما تجيبي أجلنا😒

عشق...السواق مش هو العربيه مش هي وليل مقالش ان في عربيه زي دي هتيجي ولا حتى حد من الشباب قال حاجه واحنا في الشركه

نور...طب هنعمل ايه

عشق...لحظه نكلم ليل

تمارا...يارب نخلص

بصتلها عشق بأرف ومشيت كام خطوه بعيد عنهم وكلمت ليل رد في اخر الجرس

ليل....الوو

عشق...ايوه ياليل

ليل...ايه الاخبار السواق جه ولا لسه

عشق...ايوه جه بس في حاجه

ليل...ايه

عشق...مش هو السواق اللي بنركب معاه كل يوم للشغل ولا حتىى العربيه دي عربيه تانيه وشكلها يعني

ليل...ايه معجبتكيش نغيرها ياستي

عشق...ابتسمت لا مقصدش بس يعني قولت اتاكد منك بصراحه خوفت اركب معاه انا والبنات فا قولت اسألك

ليل...لا ياستي اطمني واركبي وهتلاقي كمان وراكم جارد بعربيه تانيه وبعدين يعني مش معقول تيجو الحفله بنفس العربيه اللي بتروحوا بيها الشغل 

عشق....هو المفروض نغير يعني العربيه حسب المشوار

ليل...امممم مش كده بس العربيه تانيه هتركبوا ازاي انتوا اربعه واكيد مينفعش واحده فيكم تأعد ادام وانتوا لابسين سواريه ولا ايه

عشق...امممم هو بصراحه انا مش عارفه لاني اول مره اصلا البس سواريه او اصلا اروح حفله

ليل...ابتسم على صراحتها عموما اكيد مش هتبقى اخر مره يلا اركبي انتي والبنات ومتتأخروش الحفله هتبتدي خلاص

عشق...حاضر

ليل...خلي بالك من نفسك

عشق...حاضر😍

ليل... باي

عشق...باي

قفلت عشق ولسه بتلف لقت البنات واقفين مربعين ايدهم ورافعين حواجبهم 

تمارا ...وهي بتقلدها حاضر باي

عشق...بصتلها بغضب وضربتها على كتفها امشي ادامي يلا انتي وهي رخميييين😡

ضحكوا البنات وركبوا العربيه مع بعض مشي السواق ووراه الجارد..

طول الطريق البنات بيتصورا مع بعض جوه العربيه من كتر جمالها

.......

اما في الڤيلا

كان ليل والشباب موجودين في الحفله اللي كانت مقامه في جنينه الڤيلا..

كان موجود فيها اغلب رجال الاعمال والمناصب والرموز الكبيره في البلد..وبعض الصحفييين

كانت اجواء الحفله حلوه جدا

ليل كان بيقف كل شويه مع حد يتكلم معاه شويه ويروح تربيزه تانيه لكن كان مستعجل على حضور عشق...حاسس انها وحشته اوي بقاله اسبوع مشفهاش 

اخر يوم يوم شافها فيه يوم ما استلمت الشغل وبعدها سافر ان كل ثانيه يبص ناحية الباب اول نا يلمح عربيه باللون الابيض 

كان نفس الحال على جاسر اللي كان رايح جاي مش عارف بيعمل ايه بيضيع وقت لحد ما تيجي كان متحمس جدا انه يشوفها لكن الحماس قلب خنقه بمجرد ما شاف هايدي

هايدي....جاسر حبيبي وحشتني قربت منه باسته

جاسر...ازيك ياهايدي

هايدي...تمام ايه رأيك في شكلي

بصلها جاسر بخنقه من منظر لبسها اللي كان بيكشف اكتر ما بيستر...ايه اللي انتي لبساه ده

جاسر...ماله وحش

جاسر...مش عارف والله انتي شايفه ايه انا عن نفسي شايفك مش لابسه حاجه

هايدي...بدلع بتغير عليا ولا ايه ياجاسر

جاسر...مش حكايه غيره يا هايدي.بس كل اللي موجودين دول عارفين انك خطيبه جاسر السيوفي والحفله مليانه صحافه اظن انتي شايفه المنظر مش هيبقى حلو لو اتاخدت صوره الوقت واتكتب عليها خطيبة رجل الاعمال جاسر السيوفي وانتي بمنظرك ده

هايدي....يعني انتي خايف على منظرك مش عليا صح

جاسر....لازم اخاف على منظري يا هايدي لاني واجهه وبعدين انتي لازم تخافي على نفسك قبل ما انا اخاف عليكي وبعدين انتي جايه حفله عاديه يعني مجرد افتتاح فرع جديد للمجموعه واحنا بنحتفل بيه انتي مش جايه ديسكو يا هايدي 

وفجأه وصل سامر بعد ما ركن عربيته..

سامر...جاسر باشا

جاسر...اهلا يا سامر منور

سامر...نورك..ايه مالكم واقفين كده ليه مش اعدين على تربيزه يعني

جاسر...لا عادي يعني

سامر...انتوا متخانقين ولا ايه

جاسر.. أسال اختك

هايدي.. والله اخته زهقت من طريقتك اللي كل ساعه بحال 

من يوم ما الهانم التانيه ظهرت في حياتك

جاسر...هايييدي اظن كفايه لحد كده وكفايه اللي حصل قبل كده وبعدين ده لا وقته ولا مكانه..

ادم...نوح الحق جاسر شكله بيشد مع هايدي 

نوح...اه مانا واخد بالي طب ايه تعالى نلحق الموقف بدل الدنيا ما تبوظ في صحفيين

نوح...بقولك ايه روح انت انا مش عايز احتك باللي اسمه سامر ده

ادم...طيب خلاص خليك

......

سامر...اهدو بس في ايه ياجماعه الناس بتبص علينا

جاسر...قول لاختك وعقلها كده عشان اللي بيحصل ده كتير وانا على اخري

سامر...طيب اهدو بس

ادم..جاسر فينك بدور عليك.. اهلا ياهايدي ازيك يا سامر.

سامر...ادم باشا بخير

هايدي...هادي ادم

ادم...معلش هستأذنكم اخد جاسر عشان في ناس عايزين يسلموا عليه

سامر...اه طبعا اتفضلوا

.....

سامر...في ايه ياهايدي ما تهدي اللعب انتي مش شايفه بقى بيتكلم ازاي معاكي بعد ما كان بيتمنالك الرضا

هايدي...ده اللي هيجنني

سامر...عشان كده بقولك اهدي بلاش طريقتك دي واللي احنا متفقين عليه هيتم تمام

هايدي...تمام انا رايحه اظبط المكيب..

سامر...اوك.

........

جاسر....كويس انك جيت في وقتك

ادم...مانا شوفتك بتتعصب قولت الحق الموقف

جاسر...كان فاضل ثواني والصحافه تاخد بالها من اللي كنت هعمله

ادم...طيب اهدى بقى عشان منبقاش فرجه والناس متتفرجش علينا 

جاسر...تمام متقلقش انا كويس

نوح...ايه ماتهدى ياعم بقى

جاسر..مفيش حاجه يا نوح انا تمام

 ...واخيرا العربيه بتاعت البنات وصلت الحفله بصوا الشباب كلهم على البوابه شايفين العربيه بتقرب وقفت العربيه وابتدوا البنات يظهروا 

كان شكلهم يجنن 

اما البنات فا كان وضعهم مختلف محرجين جدا متوترين جدا لكن مبهوريين جدا جدا من المنظر اللي هما شايفينه واللي تقريبا مش بيشوفوه غير في الافلام والمسلسلات

تمارا....هو اللي احنا فيه ده حقيقي يا بنات

زهره....لاول مره احس اني اتعديت من عشق واني بحلم

نور...ابوس ايدك مش وقت احلام وربنا اسيبكم وامشي

عشق....اسكتوا بقى هتفرجوا علينا الناس

تمارا....انا حاسه اني ملخومه ومتوتره وكأني عامله عامله

عشق....وانا كمان محرجه جدا هو احنا المفروض نروح فين انا معرفش حد خالص ومش لاقيه حد منهم نروحله

نور....وبعدين هما الناس بيبصولنا كده ليه

عشق....ماهو نظراتهم دي موتراني اكتر وحاسه اني هقع على وشي

تمارا...طب خلي احساسك ينفعك ويارب تقعي ياعشق عشان اما اول واحده هقف اموت من الضحك عليكي بلاش احساس بلاش احساس يا عديمة الاحساس..

ضحكت زهره ونور عليها بصوت واضح

عشق...بس يخربيتك انتي وهي ايه فضيحه.

تمارا...ايه ده الحقي جاسر وليل وادم ونوح هناك اهم وباينهم جايين علينا

عشق...بصت بسرعه على ليل اللي كان شكله يخطف من كتر الهيبه اللي بتشع منه كان نفسها تجري عليه وتقوله وحشتني.

اماعند ليل فكان مصدوم من جمالها وشكلها الكدمات اللي كانت لسه باينه في وشها راحت خالص لون عيونها مع فستانها يحبسوا النفس كان متوتر من نظرات الموجودين عليها وكان جواه احساس انه عايز يجري ياخدها ويفضل موقفها جمبه عشان محدش يبصلها 

قربوا منهم الشباب 

نوح...الله الله ايه الحلاوه دي كلها هو في كده

جاسر....وهو باصص لتمارا ايه القمر ده 😉

تمارا...😊🙄

جاسر...شكلكم حلو اوي

ليل...عاملين ايه يابنات

البنات...بخير الحمد لله

ادم....عملتوا قلق في الحفله الكل واضح انه عايز يسأل انتوا مين

تمارا...مش للدرجادي يعني

جاسر....هو شبح الحته النظر بعافيه عنده ولا ايه طب ده انا بفكر اقلع الچاكت وأرفع القميص عشان اخد وضع الاستعداد للخناق

تمارا...بضحك لا وعلى ايه قلبك ابيض وكملت بغضب 😡😡😡بس بقولك ايه بلاش شبح الحته دي مش وقتها مضيعش المجهود اللي انا عملاه ده

نوح...عندها حق يا جاسر صراحه الصرف باين..

تمارا...دي اقل حاجه عندي🙄🤨

ليل..بضحك...يعني اغيب اسبوع وارجع الاقي لسانك لسه اطول منك

تمارا...هما اللي بيضايقوني

ادم...خلاص قلبك ابيض

تمارا...عشان خاطرك انت بس يا ابو العقل كله

نوح....صراحه مكدبش جاسر لما لقبك بشبح الحته😂😂😂😂

نور....بس يانوح بقى احسن تمارا مش هتسكت

نوح....بس انا اعرف اسكتها فاكره الفار يا شبح

جاسر...شكلك وحش اوي 

تمارا...حسيت🥴

فضلوا يضحكوا عليها.

ليل...لعشق عاجبك انتي اللي بيحصل ده

عشق...بضحك صراحه هما يستاهلوا ملاقوش غير تمارا دي لسانها مولود قبل منها بسنه

نوح...بضحك...تصدقي صح

تمارا...ماشي ياعشق🤨

ليل...بقول ايه خلوا الجنان ده بعدين هنتجنن براحتنا مع بعض خصوصا اني محضرلكم مفجأه بس خلوها بعد الحفله ..يلا الوقت عشان الناس لوحدها تمام

عشق...تمام

راحوا البنات معاهم

شافو سهام مامت ليل ومني مامت جاسر اعدوا معاهم فالاول كانوا لسه محرجين ومشدودين من الجو اللي اول مره يدخلوا فيه لاكن كلام سهام ومني معاهم فكهم خالص وبقوا مرتاحين إلى حد كبير ...الحفله كانت ماشيه تمام جدا كل حاجه فيها معموله صح اللي كان معصب ليل نظرات رجال الاعمال عالبنات وخصوصا عشق..

سهام...هو انتوا مالكم اعدين كده ليه ما تقوموا تتحركوا كده وفكوا

عشق...بلاش خلينا اعدين احنا منعرفش حد

تمارا...تعالوا نقوم شويه انا عايزه اشرب مايه

زهره...وانا كمان

مني...طيب قوموا يابنات واشربوا حاجه ولو زهقتوا تعالوا تاني 

عشق...ماشي ياطنط بعد اذنكم قاموا البنات و أبتدوا يتحركوا فالمكان 

تمارا...تعالوا نشرب اي عصير انا عطشانه جدا....

عشق...تعالي هناك اهو

نور...زهره تعالي نتصور

زهره...متعبتيش من كتر الصور 

نور...لا متعبتش بقولك ايه احنا اول مره نتصور واحنا شكلنا حلو كده وبعدين دي فرصه 

زهره...عندك حق طب يلا بس تعالي نقف بعيد كده شويه عشان محدش يبص علينا

نور...تعالي هنا المكان شكله حلو

وقفت نور وزهره يتصورا مع بعض ونسيوا خالص الناس وكل صوره يتصوروها يتفرجوا عليها 

نور...بقولك ايه صوريني هنا

زهره...طب تعالي هنا احسن عشان الاضاءه..

نور...ايوه بس هتضرب في عيني ومش هتبقى حلوه

زهره...وانتي ايش فهمك انتي في التصوير دي هتبقى تحفه.. وفجأه اتصدموا لما سمعوا اللي وراهم.

نوح...تحسهم فنانين🤔

ادم....ليهم مستقبل في التصوير خصوصا زهره🙄

زهره....بضحك ايه ده انتوا هنا من امته

ادم...من قبل وانتي ايش فهمك بشويه🙈

زهره...🙄🙄🙄منك لله يانور انتي اللي قولتي نتصور على طول مصدراني فالوش كده

ضحكت نور بصوت عالي وانا مالي انتي اللي عملالي فيها كاميرا ونص صورك مهزوزه😂😂😂😂😂😂

نوح....وهو مبتسم بغيظ وطي صوت ضحكتك دي شويه

نور...😂😂😂🙄🤭🤭🤭🤭

نوح...ايييييوه حطي ايدك على بوئك كده شاطره

ادم...بقولكم ايه تعالوا بقى اوريكوا احلى صور

زهره...بتعرف ولا زيي🙄

نور...اهي اعترفت اهي😂😂😂😂

نوح...بردوو🤨🤨

نور....😳🤭🤭🤭🤭

ادم....انا دي كانت هوايه عندي التصوير 

نوح...ادم بيصور حلو جدا بجد والله

ادم...بس بقالي فتره مش بصور

زهره...طب ليه

ادم...عادي الشغل بقى والشركه مش بفضى خالص هبقى اوريكم بعدين جزء من تصويري 

نور...خلينا فالصور الوقت ده انت جيت في وقتك

نوح...بقولك ايه تعالو الاول نتصور مع بعض

نور.بفرحه اول مره هيبقي ليها صوره مع نوح...اه اه يلا

نوح.بصلها😍😍

نور...اقصد يعني نتصور سوا احنا الاربعه.

زهره..بصوت واطي اتقلي ياجزمه

نور...بت يا زهره

زهره..نعم

نور...هبقى اقصكم من الصوره😂😂🤭🤭🤭🤭

زهره...اه يامتخلفه😂😂

نوح...انتوا بتقولوا ايه

زهره...بقول يلا نتصور

ادم...احنا وقعنا في مجانين😂 يلا ياستي...

..........

تمارا...نور شكلها مبسوطه اوي

عشق...اه باين عليها فرحانه بالصور المجنونه.

تمارا...وزهره كمان شكلها مبسوطه السوسه🤔

عشق...خليكي في حالك انتي يا ست تمارا🤨

تمارا...تقصدي ايه

عشق...جاسر يا ست تمارا🤔

تمارا طب بلاش انتي عشان عنيكي فضحاكي

عشق.. انا لا طبعا وبعدين تقصدي مين يعني

تمارا...ليل باشا يا عشق هانم😂😂😂

عشق...بارتباك واحراج بت انتي مفيش الكلام ده ولا ليل ولا نهار

تمارا...بضحك ياريت سمع ليل ولا نهار دي كان نفخك

عشق...مبيهمنيش

تمارا...وهي باصه ورا عشق اهلا مستر ليل اتفضل 

بصت عشق وراها بسرعه سمعت تمارا بتضحك عليها...جبانه

عشق...بتعلقيني ماشي جاسر جاي علينا

تمارا...يارب ما يكنش جاي ام اربعه واربعين هتولع في روحها عينها منزلتش من عليا🤔

عشق...ملكيش دعوه بيها خلاص دي شر 

تمارا...على نفسها

عشق... طب اسكتي بقى جاي ..

جاسر...بتعملوا ايه

تمارا...كنا بنشرب وبنتمشى عادي

جاسر...طيب معلش ياعشق اسف ممكن بس اخد من تمارا ضروري عشان في ميتنج ظبطه مع رجل اعمال وانا معرفش اي مواعيد

عشق...طبعا اتفضل باجاسر

جاسر...يلا بسرعه ياتمارا

تمارا..هجيلك تاني

عشق...ماشي..

فضلت عشق تتمشي فالحفله باحراج وهي لوحدها بعدت شويه عن الدوشه فضلت مبتسمه شايفه تمارا مبسوطه جمب جاسر 

شايفه زهره بقت احسن عن الاول بكتير وفكت خالص 

نور طايره من الفرحه جمب نوح 

عشق...بابتسامه وصوت مسموع ربنا يسعدكم يارب...

وفجأه عينها جت على حد وحصل اللي مكانتش تتوقعه ولا حتى في حلمها 😳🙄🙄🙄🙄

#

البارت 16_17من هنا هنا