 |
بين الحلم والحقيقة (دار الايتام 2)
البارت السادس عشر...والسابع عشر
فضلت عشق تتمشي فالحفله باحراج وهي لوحدها بعدت شويه عن الدوشه فضلت مبتسمه شايفه تمارا مبسوطه جمب جاسر
شايفه زهره بقت احسن عن الاول بكتير وفكت خالص
نور طايره من الفرحه جمب نوح
عشق...بابتسامه وصوت مسموع ربنا يسعدكم يارب
وفجأه عينها جت على حد وحصل اللي مكانتش تتوقعه ولا حتى في حلمها.
عشق.🥺🥺🥺بداخلها....غريبه الدنيا اوي بتبعدنا عن ناس وترجع تجمعنا بيهم تاني اد ايه الدنيا دي صغيره اوي من شهور بسيطه كنت في مكان والوقت بقيت في مكان تاني خالص ويوم ما اشوفك ياحنان تبقى الرووس متساويه
كنتي ديما بتحسسينا اننا اقل منك وجه اليوم اللي اللي نجتمع معاكي تاني في مكان واحد بس المرادي المكان ده انتي مش الكبيره بتاعته المرادي مش انتي اللي هتوجعي وتكسري وتجرحي المرادي احنا بقينا اقوي بكتير اوي
بس الغريب اني مش عارفه سبب وجودك هنا
وفجأه اتصدمت عشق لما لقت حنان واقفه مع سهام والدة ليل وليل واقف معاهم🥺🥺🥺
عشق..ليل وحنان طب ازاي أزاي و ليل عرف الدار اللي احنا كنا فيها وعرف حكايتنا مع مديرة الدار اللي هي تبقى حنان يعني ايه مسكت عشق راسها..انا هتجنن اكيد في حاجه غلط..لا لا انا بحلم اكيد بحلم فضلت عشق عينها عليهم وشافت سراج انضملهم وبيسلم على حنان بحراره...
عشق ..مستحيل يكون ليل عارف وعادي كده انا مش هفضل كده كتير انا لازم امشي انا واخواتي فورا ولازم نمشي من الشقه ونمشي من الشركه كلها وليل ميعرفش عني اي حاجه
عشق...طب وليل اسيبه كده انا عملت كل ده عشان اقدر اوصله من تاني.... بس هو مش في دماغه اي حاجه وواقف مع اللي كانت سبب في وجعنا وطردنا من الدار وزلنا
لا لا بس هو مستحيل يكون عارف ان هي دي حنان اللي كنت اقصدها...بس ازاي وهو عارف الدار...انا مش هخسر اي حاجه ومش هينفع امشي قبل ما اديله فرصه اعرف منه ابه علاقته بحنان..مسحت عشق دموعها اللي كانت بتنزل وهي مش حاسه...خدت نفس طويل اوي وحاولت تهدي نفسها وراحت عليهم كانت بتحاول تثبت خطوات اقدامها على اد ما تقدر كانت كل ما تقرب تحس ان رجلها مش شيلاها....وقبل ما توصل عليهم اتصدمت لتاني مره لما لمحت واحده بتقرب من ليل وفجاه ليل أبتسم ومد ايده سلم عليها.....
عشق...🥺🥺ريما لا لا لا استحاله وقفت عشق تلف في الجنينه بتوهان وكأنها بقت في عالم تاني وفي وسط ماهي بتلف ببطئ
عينها مره تيجي على حنان مره على سراج مره علىى ريما مره على هايدي مره على سامر مره على شاهي. وجه اليوم اللي مكانتش عامله حسابه وهي شايفه كل اللي عمل فيهم كارثه متجمعين في مكان واحد وليل؟؟ليل بيسلم عليهم وواقف معاهم طيب ازاي
محستش عشق بنفسها غير وهي ماشيه على باب الفيلا وبتبعد وكل خطوه بتبعدها حاسه بقلبها بينزف من الوجع وهي شيفاهم مع بعض فالوقت ده عشق عقلها وقف تماما عن التفكير في اي حاجه وقف عن انها تدي عذر لليل وقف عن انها تروح وتكمل وتواجهه وقف عن انها تقول لاي حد من البنات محستش بنفسها غير وهي طالعه من باب الڤيلا ومش شايفه اي حد ولا حتى نفسها دموعها بتنزل بغزاره لدرجة حجبت عنها الرؤيا خرجت من باب الڤيلا وفضلت تمشي بسرعه وهي ماشيه تتكعبل في فستانها وأبتدت خطواتها تسرع لدرجه الجري مكانتش عارفه هتروح الشقه ولا هتروح على فين معندهاش مكان ملهاش حد طلعت موبايلها قفلته عشان محدش يوصلها وقفت عشق تاكسي وراحت على الشقه...
محدش في الحفله حس بغياب عشق ..تمارا كانت مشغوله مع جاسر وجاسر مكانش مديها فرصه انها تسيبه خايف عليها من نظرات هايدي ليها...زهره ونور كانو مع نوح ادم ونوح مركز مع سامر
أما ليل الوحيد اللي كان حاسس بغيابها وطول الوقت عينه بتدور عليها وسط الناس قلق لما لقاها مش مع اي حد من البنات لكن استنى وفكر انها فالحمام او في مكان هو مش شايفه مكنش عارف يسيب الناس الحفله كانت مليانه رجال اعمال ليهم وزنهم مكنش قادر يسيبهم عشان مجرد شعور بالتوتر....
وصلت عشق تحت البرج..حاسبت التاكسي وراحت بسرعه عالاسنسير ومحدش حس بيها من الامن واحد كان فالحمام والتاني كان بيكلم فالموبايل..
طلعت عشق بسرعه فتحت الشقه ودخلت...وبمجرد ما دخلت الشقه انهارت اعدت عالارض فضلت تعيط بانهيار فجأه كل حاجه اتغيرت فجأه حست ان الدنيا بتضيق عليها مش مستوعبه اي حاجه ولا حتى عندها تفسير ليه فقررت انها تبعد شويه عشان تهدا وتفكر صح قامت عشق من الارض راحت علي اوضتها غيرت هدومها بسرعه خدت فلوس زياده معاها خدت غيار زياده في شنطه وخدت الموبايل من الشنطه اللي كانت مسكاها وحطته في جيبها راحت عالحمام فضلت تغسل في وشها عشان تهدي شويه خرجت بسرعه لفت طرحتها
بصت عشق علي صورت ليل قبل ما تمشي نزلت دموعها مسكت بايدها الصوره حطتها فالشنطه معاها وخرجت بسرعه من الشقه..
نزلت عشق من الاسنسير وهي دموعها لسه بتنزل خرجت من ادام الامن عدت الشارع ووقفت تاكسي وركبت
الامن...ولا ياسامح
سامح..ايه يامحمود
محمود...مش دي بنت من اللي تبع ليل باشا
سامح...مش عارف دي بعدت اوي مش قادر احدد ملامحها..
محمود...لا هي
سامح...هي ايه صحيح انت شارب حاجه يا ابني ما هما لسه ماشيين من شويه والعربيه كانت واقفه ساده الشارع ومستنياهم
محمود....ايوه صح بس مش عارف انا واثق ان هي هو شكلها
سامح....مش عارف يا محمود الله اعلم بس اللي انا عارفه انهم من كام ساعه خرجوا الاربعه وهما لابسين فساتين شكلهم رايح فرح او حفله ومشيوا ادامنا.
محمود...معرفش بقى يلا احنا مالنا وعموما شويه والبنات يرجعوا وهنعرف لما يرجعوا اذا كانت هي ولا لا.
سامح...طب قوم اعملنا كوبايتين شاي
محمود...ماشي
.................
اما في الحفله ليل كان على اخره وابتدا يبان عليه التوتر الحفله كانت دوشه جدا كلها ناس والناس بقوا اكتر موسيقى عاليه ورقص وشغل واتفاقات...
حاول ليل يبعد شويه عن الناس حط عى ودنه الموبايل وعمل نفسه بيتكلم عشان محدش يوقفه...
لمح تمارا واقفه ماسكه ورق بتبص فيه بتركيز وجاسر واقف جمبها بيكلم واحد من رجال الاعمال...
ليل...تمارا
تمارا...ايوه ياليل
ليل...مشوفتيش عشق
تمارا...عشق كانت معايا من شويه بس سبتها جاسر نادي عليا عشان شغل وسبتها بقالي كتير شوفها مع زهره ونور
ليل...تمام ماشي
تمارا...هو في حاجه
ليل...لا لا بس كنت عايزها ضروري
تمارا...طيب. شوفها هتلاقيها معاهم
ليل...اوك..
دور ليل بعينه على البنات لمحهم واقفين من بعيد مع ادم ونوح راح عليهم.
ليل...زهره مشوفتيش عشق انتي او نور
زهره...لا احنا واقفين هنا بقالنا شويه
نور...اخر مره شوفتها كانت مع تمارا
نوح .في حاجه ولا ايه
حس ليل بالارتباك اكتر مقدرش يسكت اكتر من كده
ليل...لا بس مش لاقيها وبقالي شويه ببص عليها مش موجوده
زهره..بخوف يعني ايه مش موجوده هتروح فين
ادم...طيب يمكن فالحمام
ليل...ادم انا بقالي ساعه او اكتر مش شايفها ومش عارف ابص عليها ولا حتي اكلمها عشان الناس اللي واقفه معايا دي
نور...طيب يمكن مع تمارا
ليل..انا لسه سأل تمارا لا مش معاها
نوح...طيب ولا مع ماما او يمكن اعده في اي مكان
زهره...احنا هنفضل نسأل استنو هتصل بيها
ليل...موبايلها مقفول يا زهره
زهره...نعم
نور...يعني ايه مقفول
ادم...في ايه يا جماعه اهدوا عادي يمكن خلص شحن ومش واخده بالها بقول ايه تعالوا ندور عليها
ليل...ادم اقلبوا الڤيلا انت والبنات بهدوء وانا هبلغ الجارد يشوفوا فالجنينه كلها
نوح...طيب تمام
ليل...نوح انت وادم والبنات مش عايز اي حد يلاحظ اي حاجه بهدوء وزهره ونور متسيبوهمش ابدا تمام
ادم...تمام يا ليل
راحوا الشباب مع بعض يدورا علي عشق
وراح ليل يبلغ الجارد يدوروا عليها من غير اي شوشره...
لمحت سهام نوح داخل الڤيلا ووراه نور وادم وراه زهره حست بقلق هما رايحين فين كده ورا بعض جوه الڤيلا.. فا قررت تنادي عليهم
سهام...نوح ادمم
رجعلها نوح...ايوه يا ماما
سهام...انتوا رايحين فين كده
نوح...بارتباك مفيش يا امي
سهام...هو ايه اللي مفيش يا امي رايحين بالبنات على فين
نوح...ايه يا امي دماعك ودتك فين بس ..اووووف طب بص هقولك بس متعرفيش اي حد
سهام...في ايه.
نوح...مش لاقيين عشق وليل قالنا ندور عليها بهدوء وبلغ هو الجارد يقلبوا عليها المكان بره
سهام...عشق اه هي فعلا بقالها شويه مش شيفاها بس حتي لو يعني هتروح فين اكيد هنا او هنا مالكم قلقانين كده ليه
نوح...امي اي سؤال عايزه تعرفيه أسأليه لليل انا مليش دعوه
سهام...هو ايه اللي ملكش دعوه
نوح...ماما ارجوكي في مشكله ممكن تحصل ارجوكي خليكي معايا بهدوء ه اقولك دوري انتي كمان عليها بس من غير ما حد يحس تمام.
سهام...انا هروح اشوف ليل
نوح...يوووه ماشي يا امي
سابها نوح وطلع وراهم قلبوا الدنيا علي عشق في كل مكان فالڤيلا مش لاقينها فالحمامات مش لاقينها راح ليل بهدوء عالاسطبل يدور عليها مش لاقيها في اي مكان ابتدا يتوتر اكتر واكتر وابتدوا الناس يسألوا عليه اتجمعوا كلهم تحت مع ليل
جاسر...ليل انت فين الناس بتسأل عليك.
سهام...واقفين كده ليه وليه انا حاسه ان في حاجه بتحصل
تمارا...مالكم في حاجه وفين عشق
زهره..بخوف مش لاقينها يا تمارا قلبنا عليها الدنيا
تمارا...انتي بتقولي ايه يعني ايه مش لاقينها
جاسر...في ايه يا ليل ايه الكلام ده
ليل...معرفش معرفش
جه واحد من الجارد.ليل باشا..قلبنا عليها الدنيا مش موجوده فأي ركن فالجنينه ولا العربيه ولا اي مكان
ليل...يعني ايه اختفت
تمارا...حد يرد عليا ايه اللي بيحصل
سهام...هتروح فين يعني
ليل...امي من فضلك اصبري عليا
جاسر...انا اخر مره شوفتها مع تمارا جيت خدت تمارا عشان تشوف معايا حاجات فالشغل..
ادم...طيب بقول ايه انا شايف ان الناس بتبص علينا اوي انا رأيي نخلص من الحفله دي في اسرع وقت وندور عليها
زهره...وافرض فيها حاجه هنستنى كل ده
ليل...زهره عندها حق..ادم خد البنات جوه عشان ابقى مطمن ونوح روح مع الجارد فرغوا الكاميرات من بعد ما تمارا وجاسر سابوها.
نوح...صح كده.
ليل ..جاسر انت وتمارا خلصوا اللي وراكم بسرعه وانا كمان هخلص الناس اللي بتسأل دي يكون الجارد شافو الكاميرات.تمام
الجميع...تمام.
سهام وانا هروح اعد مع الناس دي عشان محدش يحس
ليل...تمام يا امي مش عايز مخلوق يعرف
سهام...ماشي ياليل.
كل واحد فيهم راح زي ما ليل قال
ادم فضل مع البنات ونوح راح مع الجاردات يفرغوا الكاميرات..
عدى حوالي نص ساعه ابتدت الحفله الاعداد اللي فيها تقل والناس تمشي.
ريما...مبسوطه اني شوفتك ياليل
ليل...شكرا يا ريما مع انها كانت زياره مش متوقعه بس شكرا
ريما...مكنش ينفع اجي مصر واعرف انك بتحتفل بشركه جديده وماجيش اباركلك. وعموما لو مش هيضايقك انا الفتره الجايه ممكن احتاجك في شغل
ليل...طبعا اتواصلي مع نوح او ادم وهما هيعملولك اللي انتي عيزاه
ريما...لا انا عيزاك انت بنفسك ده مشروعي الوحيد واحب انت اللي تتابعه بنفسك.
ليل...سرح ليل بسرعه وافتكر كلام عشق ان ريما هتعرض عليه مشروع يخصها ...ان شاء الله يا ريما نبى نشوف بعدين وميرسي عشان تعبتي نفسك وجيتي لحد هنا عشان تباركيلي
ريما...العفو على ايه بس...بعد اذنك هستأذن انا
ليل...نورتي .اتفضلي
........
هايدي...جاسر
جاسر...ايوه يا هايدي
هايدي...انا عايزه اروح
جاسر...تمام ماشي
هايدي...هو ايه اللي تمام يلا تعالي وصلني
جاسر...وفين سامر
هايدي...سامر مشي من شويه
جاسر...تمام يا هايدي بس معلش انا مشغول جدا ومش هقدر هخلي اي سواق يوصلك مكان ما تحبي
هايدي...بغيظ هو ايه اللي مش فاضي مالناس كلها مشيت خلاص ولا ناوي توصل ست هانم عشان كده مش فاضيلي
جاسر...لا مش ناوي يا هايدي لان معاهم عربيه توصلهم سبيني بقى اشوف سواق يوصلك
هايدي...ماشي يا جاسر عموما مش عايزه منك اي حاجه وهروح لوحدي
جاسر...هتروحي بالشكل ده
هايدي....اه يا جاسر عشان الباشا اللي انا مرتبطه بيه بالنسباله عادي اني اروح مع سواق فا ايه المشكله امشي لوحدي عادي مش هتفرق كتير
جاسر....تمام يا هايدي اللي يريحك
حست هايدي انها هتفرقع من الغيظ وانه مش في باله بصتله بغضب...تمام يا جاسر بس وديني لاهعمل اللي يزعلك بجد
جاسر.ببرود...سلام يا هايدي وسابها وراح عالمكان اللي فيه تمارا.
تمارا...بإحراج...مكنش ينفع تسيبها يا جاسر تروح بالشكل ده لوحدها
جاسر...تمارا انا علي اخري سيبك منها تولع ويلا تعالي نشوفهم
تمارا.خافت من عصبيته فا فضلت تسكت حاضر
سراج .جاسر انا ماشي
جاسر..تمام يا باشا انا شويه وجاي وراكم
مني ..سلام يا تمارا
تمارا..بأبتسامه سلام يا طنط
سراج سلام يا تمارا
تمارا..سلام ياسراج باشا.
جاسر...هخلص كام حاجه وجاي وراكم
مني...ماشي ياحبيبي سلام
جاسر...سلام....تمارا يلا بسرعه
دخلوا جوه لقوا ادم والبنات خدوهم وراحوا لنوح والجارد
كان ليل دخل قبلهم
ليل...ايه الاخبار في حاجه فالكاميرا.
نوح...عشق كويسه يا جماعه
نور...ازاي
تمارا...ايه في اي مكان احنا مشوفناهوش نايمه مثلا
نوح...لا نايمه ايه عشق خرجت بنفسها من باب الڤيلا بس
ليل...بس ايه ما تنطق شغلوا الزفت دي
رجع الجارد الكاميرات...
وشافوا عشق مبسوطه بتضحك وبتتمشي وفجأه حصل صدمه على ملامحها وفجأه وقفت وبعدين اتحركت وهي بتمسح دموعها فضلت تروح عليهم وتقف وفجأه فضلت ترجع لورا وهي بتعيط لحد ما خرجت من باب الڤيلا
زهره...دي بتعيط
تمارا...في ايه عشق شافت حاجه
ليل...انا مش فاهم اي حاجه
جاسر...طيب قربوا الكاميرا عى مكان ماهي باصه كده..
نوح...ايه ده ياليل دي ريما
ادم...بغضب ايوه هي هي ايه اللي جابها ياليل انت اللي قولتلها
ليل...ادم الله يرضى عنك مش وقتك
ادم...بعصبيه اول مره البنات يشوفوها هو ايه اللي مش وقتك انت لسه بتكلمها
ليل...بغضب ادم اتكلم بصوت واطي انا لا بكلمها ولا حتى قولتلها انا لقيتها طبت عليا زي القضا المستعجل وكل اللي قالته انها جت مصر ولما عرفت ان في حفله جت تباركلي وقالتلي ان في شغل عيزاني امسكهولها بس ده كل اللي حصل
ادم...الله الغني عن ده شغل
تمارا...استنوا بس مش دي ريما اللي عشق قالت عليها انك كنت هتتجوزها
ليل وهو بيمسح وشه ايوه هي
زهره...وعشق قالت كمان ياليل ان هي هتعرض عليك شغل🥺
ليل...ده اللي هيجنني اول ما ريما قالت كده افتكرت كلام عشق بسرعه
نور....طيب بردو حتى لو كده عشق هتضايق وتعيط ليه منها ده عالاقل كانت لما شافتها جات وقفت معاك او حتى معانا وممشيتش لكن دي عيطت ومشيت
نوح...طيب يمكن لما شافتها اتصدمت وحست ان اللي قالته بيتحقق
ليل...رجع الكاميرا تاني
رجع الجارد الكاميرا تاني لحد ما عشق خرجت من باب الڤيلا.
وفجأه
تمارا...بصوت عالي ايه ده ارجع تاني بسرعه كده
جاسر فيه ايه
ليل...في ايه ياتمارا.
رجع الجارد بسرعه
تمارا...وقف الكاميرا بسرعه
بصت زهره وتمارا لبعض وهما عينهم مليانه دموع..
تمارا...حناااااااان🥺🥺🥺🥺
بين الحلم والحقيقة (دار الايتام 2)
البارت السابع عشر...
ليل...رجع الكاميرا تاني
رجع الجارد الكاميرا تاني لحد ما عشق خرجت من باب الڤيلا.
وفجأه
تمارا...بصوت عالي ايه ده ارجع تاني بسرعه كده
جاسر فيه ايه
ليل...في ايه ياتمارا.
رجع الجارد بسرعه الكاميرا تاني
تمارا...وقف الكاميرا هنا
واتصدمت تمارا وزهره
بصت زهره وتمارا لبعض وهما عيونهم مليانه دموع
تمارا...حناااااااان🥺🥺
زهره...ازاي
نوح...في ايه يا جماعه ماتفهمونا في ايه
تمارا...حنان بتعمل ايه معاك ياليل
ليل...حنان مين
تمارا...بسخريه غريبه بتسلم عليها وبتتكلم معاها ومش عارف حنان مين
جاسر...تمارا اوعي تكوني تقصدي مديرة الدار اللي كنتوا فيه
تمارا....ايوه هي
زهره...عشق مشيت بسبب حنان
ليل...معلش بس لحظه واحده انا مش فاهم حاجه هي اللي واقفه معايا دي هي نفسها المديرة بتاعتكم
تمارا...ايه مكنتش تعرف
ليل...بعصبيه لا مكنتش اعرف ولا اعرفها هي شخصيا يا تمارا وبطلي كل ما نتحط في مشكله تبصيلي على اني متهم بطلي تستفزيني وتخرجي أسوأ مافيا
جاسر...ليل في ايه هو احنا كل ما هنتحط في موقف منيل هتعلي صوتك وتتعصب بدل ما تتعصب فهمهم
ادم...ليل انا شكيت ان عشق مشيت لما شافت ريما بس بعد اللي هما بيقولوه ده كده عشق ممشيتش بسبب ريما والمشكله الكبيره الوقت هو وجود حنان معاك عشق ممكن دماغها توديها مليون مكان.
زهره...وهي لسه دماغها مودتهاش هو انت مش شايف الصدمه اللي على وشها وكملت بدموع وياتري بقى يا ليل باشا هي دي المفاجأه اللي كنت بتقول عليها هتعجبنا اوي في اخر الحفله..يظهر ان عشق اكتشفت المفاجأه قبل اخر الحفله وبوظتلك اللي كنت بتخططله..مسك ليل كوبايه محطوطه عالتربيزه بعنف وبكل قوته رماها عالحيطه..
ادم...لييييل
جاسر....ليل طريقتك دي مش هتنفع
حاول ليل يهدي نفسه عشان ميفقدش اعصابه على حد من البنات من فرط العصبيه كان بيتنفس بصوت مسموع..خرج ليل نفس طويل بعد ما مرر ايده على راسه كتير..
وقف ليل فجأه وشاورلهم بصباعه
بصو انا مش مضطر ابدا ادافع عن نفسي ادامكم ولا مضطر أني اوضح لكم اي حاجه لاني باختصار دي مش شخصيتي صدقتوني اوك مصدقتونيش اشربوا من البحر بس للاسف انا عايز اوضحلكم الصوره بس مش أبرأ نفسي..اولا انا لما سألت ورا تمارا وعرفت حكايتكم كان واحد من رجالتي اللي متولي الموضوع كله مش انا ف بالتالي انا معرفش مكان الدار ولا روحته حتى عرفت ان في مديره كانت حطاكم في دماغها اه عرفت عرفت ان اسمها حنان اه عرفت بس قسما بالله الست دي انا اول مره في حياتي اشوفها والمصيبه الاكبر واللي كويس اوي ان عشق مش موجوده هنا عشان ماتسمعش اللي هقوله عشان فالتوقيت ده بالذات كانت استحاله تصدقني....الست دي امي جابتها الحفله لانها باختصار هي تعرف امي وتعرف ناس تقيله يعرفوا امي وبردو انا اعرف الناس دي واي تبرع كنا بنخرجه كنت بديه لامي وهي تتصرف عشان هي ووالدة جاسر اعضاء في كذا جمعيه خيريه والدار اللي انتوا كنتوا فيها كانت واحده منهم واللي انا عرفته من امي ان صاحب الدار نفسه رجل اعمال معروف وكان حابب يبني مبني تاني عشان العدد كامل عنده فالدار ولما كلمني بلغته بالحفله وقولتله لما يجي يفهمني محتاج ايه وفورا هبدأ فيه وطبعا الست دي جايه مع رجل الاعمال ومش معنى انها موجوده ابقي اعرفها انا اغلب الموجودين مش كلهم اعرفهم فيهم رجال اعمال بيجاملوا ويمكن لاول مره اشوفهم انهرده رغم اني اعرفهم اسم وشكل بس من بعيد وفيهم اصحاب شركات صغيره برده بيجاملوا وفيهم عايز يكسب ليل السيوفي وفيهم كتيييير اوي اللي اعرفه واللي معرفهوش ودي واحده منهم ولما شوفتها انا مربطتش اسمها ومهنتها بيكم خالص لان وارد تكون صدفه...
دخلت سهام في الوقت ده.
سهام...يابنات اسفه طبعا اني هدخل بس الكلام اللي ليل بيقوله ده صح ليل ميعرفهاش الست دي انا اللي اعرفها وانا على علاقه طيبه بيها ست محترمه طيبه حسيت انها بتحب بناتها اللي في الدار عرفتها عن طريق ناس صحابي ليها معارف كتير مشتركين بينا ومن وقتها زي ما ليل قال اي تبرع بيروح على هناك
تمارا...بسخريه حنان طيبه وبتحب بناتها...طب ازاي دي استحاله تركب ابدا
سهام...الست دي تقريبا رابع سنه اكون معاها واللي اعرفه ان هي بتصرف عالدار كويس بتصرف عالبنات وعلى تعليمهم كويس.
زهره...حنان اللي بتعمل كده طيب اواي باماره ايه بأماره ما رميتنا في الشارع وبأماره ما خدت توقيع ناس كبيره وراها انهم موافقين على طردنا واحنا ملناش حد
ليل...زهره تمارا افهموني وخلونا فالمهم انتوا سمعتوني وامي أكدت على كلامي مش مهم اي حاجه الوقت وسيبكم من حنان اللي انتوا بتقولوه مع الاحنا بنعمله معاها يدينها ويحبسها هي واللي وراها كمان ودي بتاعتي انا المهم الوقت عشق لازم نعرف راحت فين
نوح....اكيد عالشقه.
جاسر...ايوه صح تعالوا نروح بسرعه ونشوفها ونفهمها كل ده
ليل...يلا بسرعه
سهام انا هاجي معاكم
ليل...لا يا امي خليكي انتي نلاقيها الاول ونتأكد انها هناك وساعتها هبلغك.ولو مصدقتش اكيد هحتاجك
سهام...ماشي يا حبيبي بس قبل ما تمشوا عايزه أقول للبنات تاني ان ليل ملهوش علاقه بحنان ولا انا اعرف حقيقتها اللي بتقوله عليها وبس تلاقوا عشق وهنجبلكم حقكم منها ومن اللي وراها.
زهره...نلاقيها الاول بس يا طنط
تمارا...يلا بسرعه..
خرج ليل بسرعه من الڤيلا وهما كلهم وراه ركب ليل العربيه وطار وركب اد ونوح وزهره ونور عربيه مع بعض ووراهم جاسر وتمارا..
كانوا بيحاولوا يلحقوا ليل اللي كانت طاير بأقصى سرعه
ليل...لنفسه روحتي فين يا عشق وليه مشيتي من غير ما تسألي ليه مدتنيش فرصه اقولك مين دي واعرفك اني مليش علاقه بيها واني اول مره أشوفها
ليه حكمتي عليا من غير ما تديني حق الرد...ده انا حتي لو اعرفها انتي مكنتيش هتخسري اي حاجه لو استنيتي..ليه ياعشق استعجلتي...
فضل ليل طول الطريق يكلم عشق اللي هي اصلا مش سمعاه..
بعد وقت بسيط وصلوا ادام البرج بعد سواقه جنونيه من ليل
دخل ليل من البوابه بسرعه وهما وراه...عالاسنسير
شافوهم الامن وقفوا بسرعه من غير ولا كلمه لان منظرهم مكانش يبشر بأي خير وصلوا ادام الشقه..
طلع ليل المفتاح التاني من جيبه
تمارا...لحظه يا ليل نهبط عليها الاول عشان لو جوه ممكن تكون مش لابسه طرحتها
هز ليل راسه وبعد عن الباب.
تمارا...فضلت تخبط.... تمارا. عشق افتحي ياعشق لو انتي جوه عشق افتحي عشان خاطري
فضلت تخبط بدون اي فايده بصت لليل هزت راسها شمال ويمين بخيبه امل.
فتح ليل الباب بسرعه ودخل....
ليل...عشششششق عششششق
جريوا البنات على اوضتها
زهره....عشق كانت هنا ومشيت
بصت تمارا على زهره لقتها ماسكه فستان عشق اللي كانت لبساه فالحفله...
دخل ليل ووراه الشباب
تمارا...يعني ايه مشيت طب راحت فين طيب هي لما مشيت كده فكرت انها هتسبنا ولا فكرت في ايه...
جاسر...بلاش عبط تسيبكم ايه هي اكيد بس مش مستوعبه او مش فاهمه فا قررت ترتاح.
تمارا...ترتاح ومن غيرنا طيب ماشي انا موافقه بس هتروح ترتاح فين عند مين
ادم..اهدي ياتمارا شويه هنلاقيها وادام ملهاش حد زي ما بتقولي فا هترجع
زهره...يبقي انت متعرفش عشق يا ادم..
نوح...يعني ايه هتبيعكم طب هتبعد بسبب الموقف اللي شافته انتوا مالكم ايه هتببع عمرها معاكم
زهره...لا مش كده عشق هتكلمنا بس لما تهدي لاكن مش هترجع وهتسيبلنا حريه الاختيار يا نروحلها يا نفضل .
نور...بدموع طب ولو ده حصل هتسيبوني انا كمان عشق هتخيركم انتوا بس وانا لا...
تمارا...الاهم من كل ده عشق الوقت فالشارع والوقت متأخر
ليل....عشق ولا هتخيركم ولا
هتختار هترجع وهتسمعني لو مش برضاها يبقي غصب عنها وبعد ما تسمع اللي هقوله عي ليها حريه الاختيار وبردو مش هتبعد.
ادم...طيب بقول ايه نحاول نهدى وبلاش عياط وتوتر نفكر كده بالعقل لو عشق مفيش مكان تروحه عند حد طيب محدش فيكم يقدر تتوقع ايه المكان اللي ممكن يجي في بالها.
تمارا...معرفش
نور...ولا انا اعرف.. طيب يمكن تكون راحت لبابا المستشفي او راحت الشقه
ليل...عشق مش معاها المفتاح بتاع الباب الجديد ومفتكرش انه مع حد فيكم اصلا يوم البلطجيه دول ما طلعوا عليها طلبت من الجارد ياخدوهم عالمخزن وواحد فيهم قولتله يرجع كل حاجه زي ما هي ولما كنا فالمستشفى...اديت لجاسر المفتاح وهو بيوصلكم هو ونوح.
جاسر...فعلا وانا اديته لتمارا وهي طالعه.
تمارا...صح وعشق من وقت ما فاقت ولا راحت هناك ولا حتى تعرف ان المفتاح اتغير.
ليل....ممكن تسيبوني فالاوضه هنا شويه
هز الكل راسه وخرجوا وقفلوا وراهم وقف ليل وسط الاوضه يبص عليها بهدوء خاسس بريحتها فالمكان حاسس انها وحشته..فضل يمشي بخطوات بطيئه جوه الاوضه والحزن باين عليه رغم قوت ملامحه..
فتح ليل الدولاب وفضل يمشي ايده براحه على لبسها..
ليل...روحتي فين ياعشق ليه مشيتي اليوم اللي ارجع فيه انتي كنتي وحشاني اوي وملحقاش اشبع منك....يمكن مكنتش عايز اقولك الوقت اد ايه انا بحبك واد ايه اتعلقت بيكي بس كنت ناوي احسسك بحبي ليكي يا عشق راحت ناحيه المكتب فضل يمشي ايده على كتبها وفجأه وقعت عينه علي كشكول وسط الكتب والكشاكيل...لفت نظره المكتوب عليه من بره بخط ايدها..
(مابين الحلم والحقيقه) عمر💔
فتح ليل اول صفحه..وهو مزهول من اللي بيقرأه بس عينه وقفت علي جزء😳
عشق...🖋️🖋️
بس مقدرتش🥺 مقدرتش اني مشوفش ليل مقدرتش أني مقربش منه يمكن تكون انانيه مني ودي لاول مره في حياتي اني افكر في نفسي بس غصب عني اصل استحاله يكون حبي لليل كان مجرد حلم وبس لااااااا انا لحد الوقت حبي ليه زي ما هو او يمكن يكون اتضاعف
ليل...يعني انتي حبتيني ياعشق يعني لما حسيت اني بحبك وسألتك هو انا حبيتك كدبتي عليا...
كمل ليل الكلام المكتوب.
عشق .🖋️🖋️
اللي كان مصبرني طول الوقت ده اني خدت رقمه من موبايل بابا من غير ما يحس لان رقمه الحاجه الوحيده اللي مكنتش فكراها من الحلم....ومن يوم ماصحيت وانا مبقدرش انام غير لما اسمع صوته واطمن عليه واحس انه كويس وأتاكد انه موجود فعلا.
ليل...يوم ما خدت رقمك يا عشق
اتصدمت لما لقيتني مسجله باسم مجهول اتصدمت لما اتأكدت ان انتي اللي كنتي بتتصلي بيا بقالك اكتر من شهرين يوميا...لما عرفت شكيت فيكي اكتر مكنتش عارف انك بتحبيني ياعشق... ملامح الحزن سيطرت علي ملامحه اكتر...فضل يقلب بين الصفح وكل شويه يقرأ حاجه تخليه يتجنن اكتر لكن فجأه وقعت عينه علي كلام عشق كتباه حس من جواه بفرحه.. خد الكشكول في ايده وخرج من الاوضه بسرعه
جاسر...رايح فين يا ليل
ليل...تقريبا عرفت مكان عشق
تمارا...فين
ليل...خليكوا هنا محدش يتحرك
زهره...لا هنيجي معاك
ليل...قولت خليكو هنا يمكن اكون غلط وهي ترجع خلونا مع بعض علي تليفونات بس صدقوني لازم اكون لوحدي
جاسر...طيب اجي انا معاك
ليل...جاسر من فضلك انا لازم اكون لوحدي... وهو رايح عالباب
الجرس رن.
نطق البنات مع بعض عشق.
ادم...افتحوا يمكن هي
فتح ليل الباب لقاه الامن.
ليل..في حاجه يامحمود
محمود...ليل باشا اسف طبعا اني طلعت من غير استأذان
ليل...ما تتكلم يا محمود في ايه
ليل...انا شايف حضراتكم راجعين من غير واحده من البنات عايز بس اقول لحضرتك لو ده السبب اللي رجعكم فا من كام ساعه حصلت حاجه غريبه شوفت واحده شبهها نازله وقولت لسامح فضل يقاوح فيا بس هي مكانتش بفستان ومشفناش حد طالع مش عارف جت ازاي وامته بس انا واثق اني شوفتها
ليل...الكاميرات اللي عالباب شغاله
محمود...ايوه طبعا
ليل...طيب تعالي ورهالي
نزل ليل ونزل وراه الجميع رجعوا الكاميرا
شافوا عشق وهي داخله بسرعه عالمدخل وبعدها بحوالي 20دقيقه كانت نازله بهدوم خروج وشنطه صغيره
ليل..طيب مفيش كاميرا تجيب الشارع التاني اللي كانت واقفه فيه اشوف رقم التاكسي اللي انت بتقول ركبته
محمود...لا يا باشا صعب اوي دي عدت شارع وقفت عالصف الاخير ودي مسافه وبعدين احنا بليل النمره متبانش..
ليل...تمام يا محمود...اطلعوا انتوا يلا وهنبقي مع بعض بالتليفون
طلعوا تاني مع بعض البنات ملامح الحزن على وشوشهم.😔🥺🥺
ادم...فكوا شويه يا بنات هترجع باذن الله
نوح...ان شاء الله خير وليل يلاقيها
جاسر...مش فاهم ده كمان راح فين من غير ما يقول
ادم...يمكن عشق قالت ادامه على مكان مثلا بتحب تروحه
زهره...وهي بتنزل الموبايل من علي ودنها مسحت دموعها لسه مقفول
نور...ربنا يستر يارب ويلاقيها انا خايفه عليها الوقت متأخر اوي.
نوح ..قولنا بلاش توتر بقى هيلاقيها باذن الله قوموا اغسلوا وشكم كده وفوقوا شويه..
زهره...انا هقوم اصلي
تمارا...وانا كمان
قاموا البنات مع بعض كل واحده دخلت اوضتها تغير فستانها وتصلي وتدعي ربنا يسترها علي عشق وليل يلاقيها..
طول الطريق ليل كان ماسك الكشكول واعد يقرا اللي فيه..
عشق..🖋️🖋️
لما اتكرر ادامي كلام نور وتمارا وزهره عن الحب معترضتش ولا نصحتهم ولا قولتلهم عيب ولا حتي حرام وقتها انا مكنتش جربت الحب لاكن لما اتعاد ادامي الكلام كان حب ليل جوايا ❣️
ليل...وانا كمان بحبك اوي ياعشق
عدي الوقت بسرعه علي ليل وهو مندمج في كل حاجه عشق كتباها
اخيرا وصل..
فضل ليل ماشي يدور فالمكان بهدوء عينه عامله زي الكاميرا بتصور كل ركن وكأنه بيدور عليها وسط كل حاجه مشي كتير فالمكان ودور اكتر مستسلمش انه يلاقيها وفضل مكمل....
.......
اما عند عشق بعد ما تعبت من المشي والعياط حست بصداع رهيب وحست ان رجليها وجعتها ومش قادره تكمل اعدت عالارض.. حضنت شنطتها ورجعت فتحتها وطلعت منها صوره ليل فضلت بصالها ودموعها نازله.
عشق....وهي باصه للصوره
يمكن تكون صدمتي لما شوفت حنان كانت اقوي بكتير من اني اواجهك...كان لازم اسألك بس غصب عني..معرفش ليه مشيت اول ما شوفتها بس الست دي اكتر حاجه في حياتي محبش اني اشوفها في يوم من الايام..
لما شوفتها شوفت معاها كل ذكري وحشه شوفت معاها كل العذاب والوجع والقهره اللي كان علي اديها..واتوجعت اكتر لما شوفتك بتسلم على اكتر حد تعبني في حياتي يمكن اكتر من اهلي اللي رموني...اول ماشوفتها صوت كلمتها لينا...بنت حرام كان بيرن في وداني لدرجه اني مشيت بسرعه عشان الصوت يخف شويه... يارب خليك معايا يارب كفايا وجع في قلبي قلبي مش هيستحمل والله اكتر من كده محتجالك اوي ياليل.
مش اكتر ما انا محتاجك يا عشق
عشق..😳قامت وقفت بصت عالصوت وهي متخشبه.
ليل.. على فكره يمكن من ساعه كده كنت مضايق منك اوي عشان مشيتي من غير ما تديني فرصه ادافع عن نفسي.. بس الوقت انا مش زعلان ومسامحك كمان يا ستي
عشق....انت عرفت مكاني ازاي
أبتسم ليل وفتح الكشكول بتاعها. على جزء معين وقربه منها..
بصت عشق على كلام من ضمن المكتوب..
عشق...🖋️
الحسين اكتر مكان بحبه بجد معرفش ليه يمكن عشان حلمت اني زورته مره ولا يمكن عشان شوفت فيه بابا بعد ما صحيت من الحلم....بس الا كيد ان المكان ده برتاح فيه اوي وديما كل ما حس ان الدنيا بتضيق بيا رجلي تاخدني لهناك...اول مره رجلي خدتني عنده لما حنان طردتنا بره الدار ومكناش عارفين نروح فين..وجينا عالحسين...وتاني مره لما دعيت ربنا انه ميعديش الليل غير وهو ساترنا ومنامش فالشارع...وفعلا ظهر ادامنا بابا محمد وخدنا معاه
المكان ده غالي عندي اوي وكل مره باجي فيه بضيقه ربنا بيفكها
الحسين..❣️
بصتله عشق بعد ما خلصت الكلام وهي دموعها بتجري..
ليل..اظن المكان ده انا كمان هحبه عشان جيت فيه وانا على اخري وبدعي اني الاقيكي ولقيتك.....مدتنيش فرصه ليه ياعشق.
عشق...مش لما تعرف الاول السبب اللي خلاني امشي
ليل...عارف رجعت الكاميرات وشوفتك وانتي بتخرجي من الڤيلا وبتعيطي فالاول فكرت بسبب وجود ريما بس لما تمارا شاورت على حنان وقتها فهمت.
والله العظيم يا عشق ما ليش علاقه بيها اول مره اشوفها امي هي اللي تعرفها امي ياعشق عضوه في كذا جمعيه خيريه ومتكفلين بكذا دار ايتام دار مسنين واللي من ضمنهم كانت الدار بتاعتكم وكانت بتعرفني عليها يمكن انا اعرف صاحب الدار بس والله عمري ماشوفت حنان دي غير انهرده صدقيني يا عشق انا مش بكدب
عشق...ساكته مش عارفه تقول ايه.
ليل...عشق اتكلمي عشان خاطري
قولي انك مصدقاني
عشق...مصدقاك ويمكن اكون مشكتش انك تعرفها اد ما اتوجعت انك واقف معاها الست دي اكتر حد وجعني فالدنيا ياليل الست دي دمرتني ودمرت اخواتي بوظت نفسيتنا احنا كان ممكن بسببها يبقى سلوكنا غير كده خالص بس قربنا من ربنا خلانا احسن ما كنا نتمنى لما شوفتها قلبي اتقبض حسيت اني عايزه امشي واسيب كل حاجه واي حد مقدرتش احس انها ممكن تتفرض عليا من تاني انا عمري ما كرهت حد بس الست دي علمتني معنى الكره بجد
قرب منها ليل مسح دموعها براحه
ليل...ممكن ما تعيطيش عشان خاطري كل اللي بتقوليه ده تمارا وزهره قالوه وانا وامي وعدناهم بس الاقيكي وهجيبلك حقك منها انتي واخواتك مش هي بس واي حد كان عارف اللي بتعمله وساكت...واديني لاقيتك ومن بكره صدقيني كل حد غلط هيتحاسب سواء كان في حلمك او في حياتك..
بس انا كان عندي سؤال بسيط محتاجك تجاوبيني عليه
عشق...أسأل.
ليل...ليه كدبتي عليا يا عشق؟ ليه حرمتيني ان اسمع اجابه سؤال كانت ممكن تاكد احساسي
ليه لما سألتك انا حبيتك قولتي لا....طيب كدبتي عليا ومحبتيش تريحني ماشي...بس ازاي قدرتي تتعبي نفسك وتبعدي وانتي بتحبيني من قبل ما احبك او اشوفك حتى يا عشق..
حطت عشق أيدها على راسها وهي بتلف وشها بعيد عنه ودموعها بتنزل
راح وقف ادامها....ردي عليا جاوبيني قدرتي ازاي تتعبي نفسك.. ازاي كنتي قادره تتأقلمي مع الصوت اللي بتسمعيه كل يوم وتقفلي وبس ...
بصتله عشق وحاولت تتكلم من بين دموعها...مقدرتش والله العظيم ما قدرت بس زي ما طلبت منك متقولش لاي حد فيهم انهم حبوا بعض مقدرتش اقولك انت كمان اننا حبينا بعض وبرده كان لنفس السبب ان عقلك ميخلكش تحبني غضب عنك...ولسبب تاني انت مكنتش مصدقني اصلا لو كنت قولتلك حاجه زي دي كنت هتشك فيا اكتر فا فضلت ان لو فعلا حلمي هيتحقق انت تحس لوحدك
ليل...وانا حسيت ياعشق عارفه من امته
عشق...ايوه عارفه
ليل...من امته
عشق... يوم ما سألتني هو انا حبيتك ياعشق ساعتها حسيت اني كنت صح لما خبيت عليك
انا حاربت يا ليل عشان اوصلك لما صحيت ولقيت بابا اكتر حاجه كانت مفرحاني اني ادام لقيته يبقى هلاقيك. كنت خايفه تكون حد اصلا مش موجود بس لما اتأكدت من وجودك بقيت بسابق الزمن عشان اقف ادامك زي ما انا واقفه كده ياليل..
شدها ليل في حضنه فالوقت ده حضنته عشق بكل قوتها وهي ماسكه صورته في ايدها
ليل....بحبك يا عشق وعمري ماحبيت حد ادك ولا هحب حد بعدك.
سمعت عشق كلامه انهارت من العياط في حضنه اكتر..
ليل...شششش خلاص بقى اهدي والله امشي واسيبك
ضحكت عشق من بين دموعها
بعد عنها شويه ليل وهو بيمسح وشها من كتر الدموع.
ليل..فضل باصصلها وهو مبتسم بحب وفجأه رفع حواجبه🤨🤨كمان بتسرقي صورتي😒
عشق....بضحك كنت خايفه وخدتك معايا
ليل...على اساس لو جرالك حاجه كنت هطلعلك من الصوره صح
عشق...انت بتتريق عليا صح
ليل..بحب مقدرش انتي عارفه يا عشق انا لو مكنتش لاقيتك كان جرالي حاجه بجد
عشق...انا مكنتش عارفه اروح فين ويمكن لو كنت انت اتأخرت شويه كنت هتلاقيني جيالك 🥺
ليل...لا عياط تاني لا خلاص بقى وحيات غلاوت ليل عندك
عشق...بحبك يا ليل 🥺🥺
ابتسم ليل..عارفه انا عايز اعمل ايه الوقت
عشق...🙄🙄ايه
ليل...طيب تحبي تعرفي ولا تتفاجئي
عشق...لا بلاش مفاجأه.
ليل...ليه دي كانت هتعجبك اوي😉😉
عشق...ليل انت مش مؤدب صح
ليل...بضحك والله انتي تعرفيني اكتر مني انا شخصيا انا كنت ايه في حلمك 🤨
عشق...مؤدب🙄
ليل...احلفي كده😉
عشق....يعني مؤدب شويه
ليل...ماشي ياستي عموما بعد كلمه بحبك دي انا عايز اشيلك وافضل الف بيكي
عشق...طيب انا بقول بلاش جنان ويلا نمشي من هنا
ليل...طب نجرب🙄
عشق...يلا
ليل...طب لفه صغيره😎
عشق..بضحك ليل يلا
ليل..بابتسامه طب نص لفه
عشق...ولا ربع لفه
ليل...ياساتر😒😒
عشق...ليل صحيح انت قولت فيه مفاجأه هتقولها بعد الحفله كانت ايه
ليل...لا مش هقولك خلاص
عشق..طب ليه عشان مشيت
ليل...لا عشان اللفه😉😉
عشق...بضحك بلاش رخامه بقى وقول
ليل...طيب اتحايلي عليا شويه🙄
عشق...هعيط🥺
ليل...وانا مقدرش خلاص ياستي هطلع اطيب منك واقولك
انا والشباب بقالنا كتير مش خدنا اجاوه فا اتفقنا الاسبوع الجاي ناخد اربع ايام مع بعض ونسافر فا قولت يعني تيجو معانا تغيروا جو وتخرجو من كل حاجه حصلت الفتره اللي فاتت
عشق ...انا موافقه طبعا
ليل..اصلا بعد اللي حصل انهرده وبعد اعترافك بخط ايدك بحبي خلاص مبقاش في حجه اسمها موافقه ولا مش موافقه انا اللي اقول🤨🤨
عشق....ليه ان شاء الله سي السيد
ليل...عاجبك ولا لا
عشق....انا بحبك في كل حالاتك ياليل
ليل....طب بعد الكلمتين الحلوين دول...هو مش سي السيد ولا حاجه بس مش عارف اقولهالك ازاي بس من يوم ما حسيت بحبك جوايا وانتي بقيتي بتاعتي تخصيني مش عايز اكون في مكان من غيرك يعني مش تحكم ده حب.
عشق ...اقولك على حاجه
ليل....قولي ياست البنات
عشق...انا من كتر ما انا مش مصدقه اللي حاصل ده خايفه اكون بحلم
ليل....لا ياستي مش بتخلمي وبعدين لو عايزه تتاكدي انا فالخدمه😉😉 هاكدلك بطريقتي
عشق...بضحك انت قليل الادب ياليل.
ليل...بس بحبك...وبعدين انتي ايه حكايتك مع الاحلام.
عشق....مليش حكايه ولا حاجه بس ديما احلامي بتتحقق
ليل...طيب بقولك ايه بسرعه بسرعه
عشق ..بخوف في ايه
ليل...اعتبري نفسك بتحلمي الوقت حالا
عشق...اشمعنى
قرب منها ليل وفي لمح البصر خطف من خدها بوسها وشالها وفضل يلف بيها..
عشق...من صدمتها واحراجها ما نطقتش حضنته وهي مخبيه وشها في رقبته..
ثواني ونزلها وهو باصصلها بترقب🙄🤨
عشق...روحني بسرعه يا مجنون.
ليل...حاضر ياقلب المجنون مدلها ايده ومسك ايدها بكل قوته شال منها الشنطه وفضلت ماسكه بايدها التانيه صورته...وراحوا مع بعض على العربيه عشان يرجعوا وكل واحد فيهم جواه سعاده متتوصفش❣️
 البارت السادس عشر...والسابع عشر فضلت عشق تتمشي فالحفله باحراج وهي لوحدها بعدت شويه عن الدوشه فضلت مبتسم…){kind=link}
تعليقات
إرسال تعليق