 |
ما بين الحلم والحقيقة (دار الايتام 2)
البارت الثامن عشر..والتاسع عشر
رجع ليل مع عشق البيت...
تمارا...كده ياعشق تسبينا وتمشي.هوننا عليكي
زهره...خلاص بقى ياتمارا المهم انها رجعت
عشق...حقكم عليا غصب عني والله بس بجد اتصدمت ولقيت نفسي بمشي من غير اي تفكير بس اكيد كنت ههدي وارجعلكم تاني انا من امته بسيبكم بس.
نور....لا سبتينا وبعدين لو مكنش ليل رجعك كنتي هتكلمي زهره وتمارا وتعرفيهم مكانك وتاخديهم وتسبيني😔
عشق...اسيبك ايه بس يا عبيطه انتي لا طبعا وبعدين انتي زي تمارا وزهره يا نور يعني خلاص بقيتي واحده مننا
جاسر....كنت فاكرك انتي العاقله بتاعتهم ياعشق طلعتي مجنونه زي صحبتك
تمارا...تقصد مين🙄🙄
جاسر...لا طبعا مش انتي يا وحش الحته😂
عشق...والله مش جنان يا جاسر بس حقيقي اول مره احس اني مش قادره افكر فحبيت ابعد
ادم...بصي هو يمكن معاكي حق بس كان لازم تسألي ليل عالاقل
عشق...خفت يا ادم خفت اعرف انه ليه علاقه بالست دي وهو عارف اللي حصلنا بسببها
نوح...خلاص بقى حصل خير المهم انك فهمتي من ليل والمهم انك رجعتي على فكره ماما مبطلتش اتصال كل شويه تطمن عليكي
عشق...حبيبتي والله اسفه مكنتش عارفه ان كل ده هيحصل بس صراحه خفت اتواجه مع حنان دي وابوظ الحفله ليكم خصوصا ان دي ليها ردود افعال محدش يتوقعها غيرنا
ليل...مكانتش هتقدر تعمل اي حاجه عشان عارفه اللي ممكن اعمله معاها المهم عايزك بس تعرفي انتي والبنات اني مش هسيبها وقريب اوي هفرحكم
ابتسمت عشق وسكتت
نوح...صحيح يا ليل انت عرفت مكان عشق ازاي
ليل...بصلها وابتسم اقول ولا لا
عشق...عادي بقى😊
ليل...ابدا بس لقيت في اوضتها كشكول كاتبه في مذكراتها ومن ضمن اللي هي كتباه انها بتحب الحسين فقولت اكيد هتكون هناك..
تمارا...ايوه صح انا ازاي مجاش في بالي المكان ده انتي خلتيني اصلا مش عارفه افكر
جاسر...المهم انها بخير الحمد لله
زهره...طيب بالمناسبه دي بقي تشربوا ايه😁
ادم...بضحك انتي تااااني وبتعزمي بقلب
زهره...لا اطمن في كل حاجه خلاص😂😂 منك لله يانور بوظتي سمعتنا
نور... انا مالي😂😂
ليل...ماشي يا زهره شكرا يا ستي على العزومه اللي بجد المرادي بس احنا لازم نمشي بى الوقت اتأخر
وقبل ما انسى بالنسبه للمفاجأه اللي كنت قولتلكم عليها انا قولت لعشق وهي وافقت الاسبوع الجاي انا والشباب واخدين اجازه اربع ايام..وقررنا نطلع الساحل نغير جو ونفك شويه وانتوا هتيجوا معانا ليل...ايه رأيكم
تمارا..ايه ده بجد موافقه طبعا
زهره...وانا كمان
نور...معلش انا مش هقدر
نوح...هو ايه اللي مش هتقدري ليه ان شاء الله
نور...عشان بابا يا نوح مقدرش اسافر واسيبه اخاف يحصل حاجه وبعدين لو فاق انا معرفش اقوله ايه لا مش هقدر
ليل...نور حاج محمد لسه زي ما هو وبعدين احنا هنغير جو من الضغط اللي فات ده كله وارقامنا في المستشفى يعني لو اي حاجه حصلت ساعة زمن بالطياره هنكون عنده مش قصه وبعدين يا ستي لما يفوق ويقوم بالسلامه انا اللي هقوله وهقوله كل اللي حصل واننا مكنش ينفع نسيبكم
نور...ايوه بس انا مش هعرف مش هبقى مطمنه
نوح...بقول ايه متبقيش اوڤر ماهو قالك اهو لو احتاجونا ساعه زمن ونكون عنده وبعدين احنا استحاله نسافر ونسيب حد فيكم هنا خلاص خلصت🤨🤨
تمارا...متخافيش يانور بابا هيبقى كويس والله وبعدين احنا كلنا محتاجين نغير جو
عشق...نور على فكره لو مش جيتي انا كمان هفضل مش هينفع اسيبك لوحدك
زهره...وانا كمان
تمارا...هي جت عليا وانا كمان😒
جاسر...اهو شوفتي الكل هيأعد عشانك
نور...طيب خلاص امري لله بس لما بابا يفوق مليش دعوه انتوا اللي هتقولوله
ليل...دي سبيها عليا يا ستي.
نور...خلاص موافقه
تمارا...ايوه كده يا ساتر بومه
ضحكوا عليها البنات😂😂
ليل...طيب هنقوم احنا بقى طبعا بكره اجازه نشوفكم السبت ان شاء الله لو احتاجتو اي حاجه عرفونا
عشق...بابتسامه حب تمام😊
ليل..يلا يا شباب
جاسر...قام وقف يلا بينا
سلموا البنات عليهم ومشي ليل والشباب
ليل..كان طاير من الفرحه عشان قدر يوضح الحقيقه لعشق عشان اعترفلها بحبه عشان شاف بخط ايدها اعترافها بحبها ليه..وسمعه منها
اما عشق...فبعد ما دخلت اوضتها شالت الكشكول غيرت هدومها ونامت عالسرير وهي حاضنه صورته وفضلت تفتكر كل اللي حصل بينهم وتضحك بفرحه
عشق....بحبك يا ليل وعمري ما تخيلت اني احبك بالشكل ده يارب خلي اللي جاي احلي بلاش توجع قلوبنا...عدي وقت مش قليل ولسه عشق على حالها نايمه وحاطه الصوره ادامها وهي بتمشي اطرافها عليها بحب😊❣️
رن..تليفونها أبتسمت اول ما شافت أسمه فتحت الخط
عشق ..الوو
ليل...نمتي
عشق...لا لسه
ليل...بتعملي ايه
عشق...اممم ولا حاجه اعده عالسرير مش بعمل
ليل...اممم وصورتي بتعمل ايه في ايدك🤨🤨
عشق...اتخضت😳وفضلت تبص للاوضه بسرعه ايه ده انت شايفني ازاي
ليل...بضحكه رجوليه هو انتي من الناس اللي بتعترف من قبل اول قلم
عشق..مش بهزر عرفت ازاي
ليل...امممم يعني مسكاها..طيب عموما يا ستي حسيت ولا هو انتي بس اللي بتحسي🤨
عشق...بأبتسامه ليل انا مش بهزر
ليل...والله العظيم حسيت نايمه عالسرير ولسه مش جايلك نوم ومش بتعملي اي حاجه طبيعي تكوني ماسكه صورتي اللي خلاكي خدتيها معاكي وانتي ماشيه وبهدلتيها معاكي مش هتاخديها الوقت
عشق...بضحك انا بهدلتها🙈
ليل...ايوه الصوره كانت محطوطه عالكومدينو ومحترمها انتي حطتيها فالشنطه ومشيتي بيها ومرمطتيها معاكي
ضحكت عشق...كنت بفسحك الحق عليا
ليل...اذا كان كده يبقى موافق يا ستي
عشق...ماشي...روحت
ليل...اه روحت من شويه بس امي كانت لسه صاحيه وقلقانه اعدت معاها شويه واتكلمنا وطمنتها واتكلمنا بخصوص اللي هيحصل مع حنان وطلعت خدت شاور وقولت اشوفك نمتي ولا لا وانا وحظي بقى
عشق...وايه اللي هيحصل مع حنان بقى
ليل...لا سبيها بقى دي مفاجأه وانا واثق انها هتعجبك انتي بالذات بس سبيني يومين كده وهفرحك
عشق...بس انا مش هقدر استني يومين😔
ليل...لا بقولك ايه هما اصلا مش يومين يومين يعني انا اقصد كام يوم ولو عملتي ايه مش هقولك الوقت
عشق...كده
ليل...ااه كده ومتضغطيش عليا عشان مش هقول بردو 🤨
عشق...خلاص مش هضغط عليك بس لازم اعرف
ليل..هعرفك والله المهم انا مش عارف اقولك ايه بس انا مبسوط ياعشق ويمكن بقالي فتره كبيره اوي مفرحتش زي انهرده كنت مبسوط معاكي ومبسوط اني احساسي طلع صح..عشق ممكن اطلب منك طلب
عشق...بحب طبعا❣️
ليل...بصي هو مش طلب اد ماهو اتفاق عايزك توعديني بيه
عشق...حاضر
ليل...اي وقت تحسي ان في حاجه انتي مش فهماها متمشيش من غير ما تفهميها او تسأليني متحكميش عليا من غير ما تسمعي مني انهرده يا عشق يمكن كنت حاسس اني حبيتك بس لما اختفيتي بقيت ادور عليكي زي المجنون كنت خايف عليكي بجد حسيت ان قلبي مش في مكانه غير لما لقيتك عشان خاطري ياعشق متعمليش فيا كده تاني...أساليني وصدقيني انا مبعرفش اكدب ولو في حاجه انتي شاكه فيها صدقيني هقولك الاجابه بكل صراحه حتى لو ممكن تزعلك..اوعديني يا عشق متعمليش فيا كده تاني
عشق...كانت بتسمعه وقلبها مش مبطل دق صوته وكلامه واحساسه كان مخلبها طايره ومتأكده من حبه ليها..
عشق...اوعدك بس عشان خاطري انت كمان متزعلش مني
ليل...يمكن كنت مضايق وزعلان وحاسس اني لو شوفتك هكسر دماغك دي بس اول ما شوفتك كل ده راح ومبقتش زعلان منك
عشق....اتنهدت تنهيده طويله بحب😍😍😍
ليل...كلتي ولا لا
عشق...اه الحمد لله وانت
ليل...الحمد لله يلا نامي بقى عشان ترتاحي
عشق...هتنام
ليل...اه هنام خلاص
عشق...ليل صحيح بكره كنت عايزه انزل انا والبنات
ليل...تروحي فين
عشق...محتاجه اجيب حاجات والبنات كمان محتاجين يشتروا حاجات خصوصا بعد موضوع السفر ده يعني حابين يجيبوا الي ناقصهم
ليل...عايزين تنزلوا امته
عشق...ممم مش عارفه بس يعني بعد ما نصحى بشويه كده
ليل...خلاص عرفيني قبلها وانا هاجي اخدكم مكان ما تحبوا
عشق...لا طبعا مش هينفع ده لف وبعدين اكيد مجربتش تنزل مع بنات بتعمل شوبينج
ليل...ملكيش دعوه عايز اجرب
وبعدين مش هينفع تنزلوا لوحدكم مش هبقى مطمن
عشق ..متقلقش مش هيحصل🙈 حاجه
ليل... ياستي سيبك من الحلم بقى وبعدين انا مقصدش كده يعني مش هينفع تنزلوا انتوا الاربعه لوحدكم وبعدين انتي مش عيزاني ولا ايه
عشق...ليه بتقول كده لا طبعا مقصدش بس
ليل...مفيش بس🤨 معنديش بنات تخرج لوحدها
عشق...خلاص بس مترجعش تندم
ليل...انا راضي المهم ان بكره ميعديش من غير ما اشوفك
عشق...اممم قولتلي بقى
ليل...فهمتيها الوقت🤨
عشق...😂😂غبيه معلش بس والله فاصله عالاخر
ليل...طيب يلا نامي بقى ولما تصحي الصبح صحيني تمام
عشق...متأكد 🤨
ليل...يعني ايه
عشق...يعني اصلي عارفه انك مبتحبش حد يصحيك من النوم
ليل....بضحك لا ياستي صحيني متقلقيش
عشق...ماشي تصبح على خير🙈😍😍😍
ليل...وانتي من اهل الخير😉
............
اما عند تمارا كانت متعصبه جدا بتتصل بجاسر وطول الوقت مشغول حاولت تاني واخيرا رن
جاسر...الووو
تمارا...بقالي ساعه بكلمك مشغول وبعدين واايت
جاسر...بارتباك..وصوت باين عليه الخنقه اه معلش يا تمارا كنت بتكلم في التليفون
تمارا...ايوه مانا عارفه انك بتتكلم في التليفون بتكلم مين
جاسر...هايدي ياتمارا
تمارا ...سكتتتتت خالص
وسكت جاسر شويه ولما لقى سكوتها طول
جاسر...انتي معايا ياتمارا
تمارا...معاك
جاسر...ساكته ليه بتتكلمي عشان تسكتي انا قفلت عشان ارد عليكي لما لقيتك بتتصلي كتير
تمارا...لا ابدا كنت بطمن عليك لقيتك اتأخرت بس ادام انت كويس خلاص
جاسر...خلاص ايه هتقفلي
تمارا...اه عايزه انام ومش عايزه اعطلك عشان ترجع تكلم هايدي ميصحش بردو قفلت معاها عشان تكلمني
جاسر...تمااااارا اتعدلي وبلاش طريقتك دي عشان انا على اخري
تمارا...وعلي ايه انا كده كده هقفل
جاسر...تمارا بجد انا مش شايف ادامي وبقالي ساعه بتخانق مع هايدي مش بحب فيها يعني ولا حاجه
تمارا...وانا مسألتكش يا جاسر ومش عايزه اعرف انت حر انت وخطيبتك
جاسر....بعصبيه ياتمارا بلاش الله يرضى عنك تستفزيني وانا متعصب
تمارا.. انا مستفزتكش يا جاسر بس متحسسنيش انك قفلت معاها عشان بس ترد عليا انا بقالي ساعه بتصل بيك ولما لقيته بيدني مشغول وانتظار مشغول وانتظار قلقت عليك مش اكتر عشان كده فضلت مصممه اتصل بس لو اعرف انك بتكلمها مكنتش اتصلت اصلا ياجاسر..
جاسر...انا فعلا يا تمارا قفلت عشانك
تمارا...بعد ساعه ياجاسر مكنتش قادر تبعتلي مسدج وانت بتتكلم
أو تقفل معاها لحظه تطمني وترجعلها بس شكلك مكنتش عارف تقولها ايه..
جاسر...تمارااااا حاسبي على كلامك من امته وانا بخاف من حد
تمارا...واضح يا جاسر فعلا انك مش بتخاف منها
جاسر...تماااارا متعصبنيش
تمارا...تصبح على خير
جاسر...تمام يا تمارا وانتي من اهله
قفلت تمارا الموبايل وفصلته خالص وهي بتعيط ورمته عالسرير وفضلت تعيط طول الليل لحد ما نامت..
فضل جاسر مخنوق واعد يشرب في سجاير كان مضايق من هايدي
وواصل لاعلى درجات العصبيه..
عشان تمارا زعلت وحس بغيرتها
جاسر لنفسه...بقيت اكرهك يا هايدي كل ما اقرب خطوه من تمارا تكوني انتي السبب في البعد ده مش فاهم بس هفضل مستحملك لحد امته....مسك جاسر موبايله وهو متعصب اتصل على ليل
ليل...بصوت واضح عليه انه نايم شويه
الوووو.ايوه يا جاسر
جاسر...انت نمت
ليل...يعني عيني راحت بس لسه منمتش اوي في حاجه ولا ايه مال صوتك
جاسر...اسمع ياليل انا مش هفضل مستحمل هايدي كتير انا على اخري
ليل...وده من امته ما كنا بنبوس الايادي
جاسر...ليل انا مش ناقصك
ليل...ايه متخانق معاها ولا مع تمارا
جاسر...الاتنين يا ليل بس تولع هايدي المهم تمارا قفلت وهي زعلانه وموبايلها اتقفل وانا صراحه مش عارف اعمل اي خطوه معاها بسبب الزفته دي
ليل...طيب اهدى وكل حاجه هتظبط متقلقش اما بقى عشان زعل تمارا عشق قالتلي ان هما بكره نازليين عشان يعملوا شوبينج وانا هروح معاهم ودي فرصه تعالى انت كمان وصالحها
جاسر...الله وعشق بقت تبلغك يعني
ليل..لا وحيات امك انت هتفوق عليا ما كان وشك قالب الوقت
ضحك جاسر...بس ميمنعش اني افرحلك يا قطه
ليل...اظبط ياض اعدتك مع نوح كتير هتيجي على دماغك
جاسر. بضحك لا بجد ايه الحوار
ليل...بعدين عايز انام
جاسر..طب اي حاجه طيب ايه حصل
ليل...اطلع من دماغي قولت مش وقتك
جاسر..يبقى حصل ماشي يامعلم هسيبك الوقت بس هتحكيلي
ليل....بارد زيه بالظبط
جاسر..هو مين
ليل...هو في غيره نوح طبعا
المهم ايه هتيجي بكره
جاسر...اه بس متقولش ادامها اني جاي عشان ممكن مترضاش تيجي
ليل...ماشي اخلع بقى مش قادر
جاسر...تصبح على خير
ليل.. وانت من اهله
قفل جاسر وهو مرتاح شويه انه هيشوفها بكره......
#
مابين الحلم والحقيقة (دار الايتام 2
البارت التاسع عشر
في صباح يوم جديد ملئ بالنشاط علي كل ابطالنا...
نزل ليل من درج الڤيلا وهو لابس تيشيرت أبيض وبنطلون چينس ازرق وكوتشي ابيض كان ظاهر عليه الحيويه والنشاط..
ليل...قرب من سهام صباح الخير يا امي
سهام...صباح الهنا والسعاده صاحي رايق يعني غير العاده وبعدين تتحسد انت نازل قبلهم تفطر
ليل...مره من نفسي يا ست الكل قولت انزل اشوفك لو محتاجه اي حاجه انا عارف ان انهرده اجازه الشغاليين.
سهام...كمان ليل باشا بنفسه جاي يساعدني
ليل....ده ليل باشا وومساعدت ليل باشا تحت امرك يا ست الكل انتي تأعدي كده وكلنا نخدمك
سهام...ربنا يخليك ليا يا ابن عمري..بس قولي مالك كده عالصبح مش عوايدك يعني صاحي مبسوط وبتضحك ونازل قبلهم وجاي تساعدني وبعدين شكلك خارج رايح فين بقي وايه سر النشاط ده كله.
ليل...ايه الاسئله دي كلها وبعدين يا ستي هو انتي تزعلي ان ابنك
حبيبك يكون مبسوط وبعدين انتي مش علي طول تقوليلي نفسي اشوفك زي زمان وبتضحك ومبسوط
سهام....انت عارف ان مش عايزه اي حاجه من الدنيا غير اني اشوفك زي الاول واحسن بس ميمنعش اني اعرف سر التغيير ده واعرف مين اللي قدر يعمل كده في ابني
ليل...ولا حاجه مبسوط شويه
سهام...بتخبي عليا يا ابن بطني عموما لو خبيت عيونك فضحاك وبتقول كل حاجه
ليل...بابتسامه جميله وبتقول ايه بقي
سهام...بتقول ان ابني شكله كده في حاجه جديده في حياته او عشان اكون واضحه اكتر قلبه شكله اتفتح من جديد صح ولا ايه فرحني
ابتسم ليل...يعني تقدري تقولي انه صح يا امي
سهام...بتتكلم جد يا ليل
ليل...ودي حاجه اكدب فيها
سهام...بس يعني من غير ما تزعل في حاجه قلقاني
ليل...ايه هي بقي
سهام....خايفه يكون الحاله الانت فيها دي بسبب ريما
ليل...امي عايز بس اطمنك ريما دي صفحه واتقفلت وانتي عارفه ان الصفحه اللي بقفلها مبخليهاش في كتابي بقطعها علي طول
سهام...طمنت قلبي طب قولي مين وريحني
ليل....هقولك بس يكون سر بيننا مؤقتا ميطلعش لاي حد
سهام...مش هقول لاي حد والله
ليل...عشق يا امي
ابتسمت سهام ورجعت محت الابتسامه تدريجيا...عشق
ليل...مالك يا امي استغربتي ليه
سهام...ابدا ياليل عشق باين عليها ان هي محترمه مؤدبه متعلمه ومثقفه بس يعني ظروفها ياليل فاهمني يا حبيبي
ليل...مختارتهاش لنفسها يا امي دي جت الدنيا لقتها مفروضه عليها وبعدين انا مليش اي علاقه بظروفها ليا علاقه بيها هي يوم ما ارتبط بيها يا امي مش هرتبط بعيلتها ولا امها او ابوها ثم انتي نسيتي ان ريما كان ليها عيله واصل ولا نسيتي ان هايدي خطيله جاسر هي كمان ليها عيله واصل...صدقيني يا امي بالعيله عشق جت الدنيا لوحدها ومظنش اني شوفت حد زيها لحد الوقت زي ما قولتي محترمه مؤدبه متدينه متعلمه معاها شهاده كويسه جدا غيرها معاه اهل وعيله وفلوس ومعندهمش حاجه من اللي عندها ولا ايه يا امي
سهام...اوعي تفكر اني رافضه بالعكس انا بحبها هي والبنات اوي ودخلوا قلبي بجد بس واجب عليا اني الفت نظرك عشان متجيش يوم ياليل تجرحها او تعاييرها بحاجه ملهاش ذنب فيها زي ما قولت وحبيت اقولك الكلام ده بس عشان اسمع منك الكلمتين اللي انت قولتهم دول ولو ارتبطت بيها وحصل بينكم نصيب يوم ما تزعلوا من بعض لان ده وارد اوعي وسط زعلك تقول كلام مينفعش يتقال وتفتكر الكلمتين اللي انت قولتهم دول ديما انك هترتبط بيها هي وان ظروفها اللي اتحطت فيها دي هي ملهاش دعوه بيها ..
ليل...افهم من كلامك ده انك مش معترضه
سهام...لا طبعا مش معترضه عشق عروسه مناسبه وانا واثقه فيك وفي اختيارك يا ليل
ليل...مسك ايدها باسها خدته سهام في حضنها ربنا يفرحني بيك يا ليل واشوف ولادك قبل ما اموت
ليل...بعد الشر عنك يا حبيبتي متقوليش كده وانا يا ستي قريب هفرحك انتي بس ادعيلي
سهام...دعيالك ديما انت واخواتك ياليل اشوفكم في احسن حال واشوفكم احسن الناس كلها.
ليل...ربنا يخليكي لينا يارب.
ادم...الله الله ايه الحب والرومانسيه دول عالصبح بتخونيني مع ليل يا سهام
ضحكت سهام وليل علي ادم.
سهام...انا اقدر بردو ده انت روحي يا ادم..
ادم...باس راسها صباح الفل يا سوسو
سهام...صباح الورد
حط ادم ايده علب كتفها وهو رافع حواجبه🤨🤨 قوليلي بقي في ايه الواد ده ماله وعايز منك ايه
سهام...ولا حاجه تخيل صاحي قبلكم ونازل بنفسه يساعدني
ادم....يبقي عايز حاجه اسمعي مني🤨🤨
ليل...ليه ياض ولنا زيكم ولا ايه
ادم...لا تقصد زي نوح انا لا
نوح..وهو نازل يتاوب مين بيجيب سيره نوح عالصبح
ليل....ماتنزل بالمخده احسن
ادم...بزمتك غسلت وشك🤨🤨
نوح...بضحك اه والله 😂😂 قرب نوح من سهام باس ايدها صباح الجمال
سهام...صباح الجمال يا نوح
نوح ..مالكم متجمعين عالصبح ليه
سهام...اكيد عشان نفطر ....انا راحه اكيد الفطار...
نوح...انت لابس ورايح فين
ليل...ملكش فيه مش هقولك
نوح...طب ليه كده طيب
ليل...اهو مزاجي
ادم...بجد رايح فين انا قولت بعد اليوم امبارح هتنام زي القتيل
ليل...والله كنت هعمل كده فعلا بس رايح مشوار انا والواد جاسر
نوح...اللله جاسر كمان يبقي فيها صياعه انا راشق
ليل...يا ابني احترم نفسك انت دماغك شمال كده علي طول
نوح...طب قولي رايح فين عشان امشي يمين
ليل...مفيش فايده فيك😒😒😒رايح اخد عشق والبنات عايزين ينزلوا يجيبوا حجات للسفر ويشتروا حجات نقصاهم وجاسر جاي معايا
ادم...بتتفقوا من ورانا
نوح...مش قولتلك الحوار في صياعه
ليل...يا ابني اتلم انت فاكرهم زي الشمال اللي تعرفهم
نوح...لا طبعا بس مقولتش يعني انك خارج
ليل...والله الحوار مله حضل بليل وجاسر كلمني بالصدفه قولتله قاللي هيجي معايا بس وانا مشوفتش خلقكم غير الوقت...المهم جايين ولا ايه
نوح...انا راشق طبعا
ليل...من غير ما تقول يا اخويا عارف انك راشق..وانت يا ادم
ادم....والله ماعارف كنت بفكر انهرده اريح فالبيت
نوح...تريح من ايه وبعدين ماما شويه وخارجه هي وطنط مني هتاعد لوحدك تعالي معانا
ليل...تعالي يا ادم هتأعد لوحدك
ادم...خلاص جاي
نوح...طيب انا هطلع البس بسرعه لحد ما الفطار يجهز تمام
ليل...طب يلا انجز وانت اطلع معاه يلا خلص هنفطر ونمشي
ادم...تمام مش هتأخر
.................
اما عند جاسر.
جاسر....هايدي انا قولتلك اعملي الانتي عيزاه..مبقاش فارق واطلعي من دماغي عشان انا زهقت وعلي اخري ومستحمل الوضع ده بالعافيه
هايدي...ليه ان شاء الله مغصوبه عليك ولا ايه نسيت كنت بتعمل ايه عشاني يا جاسر نسيت لما كنت بتزعل اني مبقيه صحابي عليك ايه اللي اتغير قوللي
جاسر...اديكي بتقولي يا هايدي كنت كنت وخلاص جبت اخري من طريقتك واسلوبك..
هايدي...كل ده عشان بقولك اسافر معاك فالوقت اللي هتسافر فيه مش فاهمه رافض ليه عشان تلف علي كيفك هناك صح
جاسر.. احسبيها زي ما تحسبيها يا هايدي
هايدي...ده اخر كلام ليك يا جاسر
جاسر...ايوه يا هايدي في حاجه تاني اطلعي من دماغي بقي قفل جاسر الموبايل في وشها وهو علي اخره..
....................
أما عند البنات..
عشق...الاطباق دي تتغسل حالا يلا انتي وهي انا حضرت الفطار وجهزتهلكم عالسفره وانتوا عاملنلي هوانم في أوضكم
زهره....نور او تمارا يقوموا بالمهمه دي بقي انا علي طول فالمطبخ.
تمارا....عادي نحطهم في غساله الاطباق
نور...بتقولي حكم والله يا بت يا تمارا🤔
عشق...مش ملاحظين انكم خدتوا عالراحه انتي وهي واتعلمتوا الكسل
تمارا...في ايه يا عدوه الراحه ما الغساله موجوده ايه حجتك بقي
عشق...تصدقي بالله لا هتغسلي علي ايدك يا تمارا قومي يلا
تمارا...ياساتر عامله زي الشاويش عطيه 😒😒
نور....البت دي مبتحبش الراحه ولا ايه🤔
عشق...ومين فينا يا ست نور ما بيحبش الراحه بس لما الراحه دي يكون هو اللي عملها لنفسه عشان ساعتها هيبقي ضامن انها دايمه فتره عشان تعب عشان يقدر يوصلها بس انا بقي مبحبش الراحه اللي بتيجي بالساهل كده ومتعبتش فيها خصوصا اني مش ضامنه وجودها اصحي بقي انا من الراحه دي علي تعب من تاني
تمارا...فقريه
نور...تصدقي اه🤔🤔
عشق...انا فقريه قومي يا بت انتي وهي يلا عالمطبخ والبسوا بسرعه ليل زمانه جاي
تمارا...😉😉😉قوموا ياولاد عشلن ليل جاي
نور...ااااااه قولتيلي
عشق..حدفتهم بكيس المناديل..
تمارا...يا بنت المجانين اجري يا نور😂😂😂
نور...عااااااااا😫😫😫
زهره...بضحك احسن تستاهلوا
عشق...قومي يلا انتي كمان البسي
زهره...انا قايمه اهو🙄🙄
عشق...بضحك ايوه كده😂😂
عدي الوقت بسرعه كان البنات جهزوا وخلصوا لبس ومسانين الشباب...
وصل ليل والشباب تحت البيت
كان جاسر وصل قبلهم وواقف يشرب سيجاره وباين عليه الخنقه..
ليل...صباحوا
ادم...يالهوي عالوش بتاعه عالصبح
نوح....مالك يا بيضه ايه اللي مزعلك بس
جاسر...نوح مش وقتك اطلع من دماغي
ادم...ماله ده
ليل...بضحك سيبوه الوقت كفايه اللي هو فيه
نوح...متخانق مع هايدي اكيد
ادم...ولا تمارا🙄
ليل...بضحك مع الموزتين😂😉😉
جاسر...اضحك مانت مش شايل هم لحاجه حطتني فالارف الانا فيه ده وانت ولا علي بالك صحيح مين ادك ما انت مظبط نفسك عالاخر
ادم...الحق يا نوح ده في اسرار من ورانا
نوح...الللله ايه يا عم ليل بتخبي علي خوك ولا ايه
ليل...بقول ايه انتوا هتفوقوا عليا لا بخبي ولا بتنيل ومفيش حاجه اصلا ده بيستظرف عالصبح
جاسر...لا والله طب بقول ايه ياض انت وهو والله ما بستظرف
ليل...بأبتسامه غيظ والله بتسوحهم عليا ماشي يا جاسر ليك يوم عموما هقولهم هما كل حاجه وانت بقي مش هتعرف واقولك هخليك كده شويه لا طايل هنا ولا هنا
جاسر...يا عم انا مش عايز اطول غير هنا وشاور عالبرج يقصد تمارا
ليل...بعينك
ادم...خلاصه الحوار ده لازم نعرف في ايه
ليل...بجديه هحكيلكم والله بس مش وقته اكيد وبعدين اكيد كنت هقولكم
ادم...تمام
نوح....لما نشوف
ليل.. استنوا اتصل بيهم ينزلوا..
اتصل ليل علي عشق بلغها انه تحت خدوا البنات شنطهم ونزلوا تمارا كانت بتضحك وتهزر بتحاول متبينش زعلها ادام البنات...
نزلوا تحت كان جاسر واقف ورا شويه جمب عربيته
خرجوا البنات من المدخل سلموا عليهم
زهره...ايه ده انتوا كمان جايين معانا
نور...بضحك انا بقول تراجعوا نفسكم اصلكم مش فاهميين يعني ايه بنات بتعمل شوبينج
نوح...بضحك لا انا اسمع عنه مرار طافح😂😂
ادم...ربنا يسد نفسك عالصبح
زهره...متقلقش اوي كده مش للدرجادي منك لله يانور😒😒
ادم...بضحك انا حاسس ان نور بتحطكم في مواقف محرجه علي طول 🙄🙄
زهره...بضحك حاسس مش متأكد يعني😂😂
نور...خلاص اتفقتوا عليا
نوح...مبتدنيش فرصه ادافع عنك ابدا كسفاني علي طول
نور...بضحك وانا مالي هو اللي يقول الحقيقه فالبلد دي يبقي وحش😂😂
تمارا...كانت واقفه مبتسمه وساكته بس من جواها حزينه عشان مش شايفه جاسر معاهم
ليل...بخباثه عامله ايه يا تمارا
تمارا...الحمد لله بخير
ليل ..مالك ساكته ليه مش مشتركه معاهم فالحوار الجامد ده انا عارف ان لسامك طولك اصلا
تمارا.. بابتسامه بسيطه لا مانا سيبالهم هما الطلعه دي انهرده.
ليل...ولا في حاجه مضيقاكي قوليل لو حد فيهم عملك حاجه
عشق...محدش يقدر يزعلها دي تزعل بلد
تمارا...بضحك شكرا علي ثقتك يا عشق😂
لاكن ضحكتها بسرعه راحت وقلبها اتقبض وجسمها تلج واصابته رعشه بسيطه بمجرد ما سمعت صوته جاي من وراها
جاسر....هي فعلا تزعل بلد🤨
بصت تمارا بسرعه عليه🥺
عشق...ابه ده جاسر كمان انت لسه جاي ولا ايه
نوح...ده جاي قبلنا
جاسر...لا انا جيت قبلهم بس كنت بشرب سيجاره وبظبط حاجه فالعربيه.
عاملين ايه يابنات
زهره...بخير الحمد لله
نور...تمام يا جاسر ايه ده الله كلنت هنخرج مع بعض
نوح...اي خدمه انا مكنتش جاي بس يلا بقي خليها عليا
نور...ياسلام 😒
ادم...تبآ لتواضعك والله الصبح ليل قاله انه خارج معاكم قاله انا راشق😒😒
نوح...انت بتجرسني🙄
ليل...شكلك وحححش
نوح...سيبه ليه يوم
كل ده كان بيحصل وجاسر عينه علي تمارا رافت حواجبه وعلي وشه شبح ابتسامه تمارا قلبها كان بيدق بسرعه وبتحاول تبعد عينها عنه باي طريقه
ليل...طب ايه هنفضل واقفين كده
مش يلا بينا
ادم...يلا
ليل...يلا يا عشق تعالي معايا
حست عشق بالاحراج سكتت ومرضتش تبص لاي حد من البنات مشيت معاه من غير ولا كلمه
نوح...يلا يا مصيبه اركبي معايا
ادم...تعالي يلا زهره عشان نرخم عليهم بالعربيه
زهره...لا والنبي بلاش هزار العربيات ده بتخافي ولا ايه
زهره...اخاف انا امبارح كنت بتشاهد واحنا جايين الشقه نشوف عشق
ادم...بابتسامه طب يلا اركبي متخافيش مش هسوق بسرعه
زهره...ماشي
ركبت معاه زهره...ووقفت تمارا تبصلهم مش عارفه تعمل ايه تروح معاهم ولا تقف فضلت تلعب في صوابعها وتمشي ايدها علي وشها بطريقه تبين توترها
قرب منها جاسر وهو رافع حواجبه🤨 وبياخد نفس طويل من سيجارته وعينه مبترمشش كأنه عايز يشوف ملامحها وهي متوتره...
حست تمارا ان فاضلها شويه وهيغم عليها من نظراته.
جاسر...بصوت رجولي خشن
وحشتيني
وكأن كلمته زودت ضربات قلبها اكتر فضلت باصه بعيد من غير ولا كلمه
مسك جاسر ايدها باسها
تمارا..بصتله وسحبت ايدها بسرعه
جاسر...اسف متزعليش مني عارف اني اتعصبت وطريقتي كانت وحشه بس والله كان غصب عني وكنت مستني منك طريقه غير دي عصبتيني اكتر واتعصبت اكتر عشان حسيت انك زعلانه
تمارا...وهي عينها بعيد وانا مش زعلانه يا جاسر هزعل ليه قولتلك انت حر انت وخطيبتك
جاسر...ماشي مش هتستفزيني علي فكره
تمارا...انا مش بستفزك دي حقيقه
جاسر...امممم حقيقه تمام طب ليه مش بصالي ليه مش باعده عينك عني
بصت تمارا ليه ثانيه وبصت تاني بعيد عادي يعني بصالك اهو مفيش حاجه
مشي جاسر ادامها مكان ما بتبص
واول ما وقف ادامها باسها عالهوا وغمزلها بعينه😘😉
أبتسمت تمارا وبعدت عينها تاني راح جاسر تاني ادامها...بصي هتفضلي تلفي هفضل الف وراكي انا مش ورايا اي حاجه انا نازل من البيت يوم اجازتي مع ان امبارح كان في حفله وطول الليل سهرانين بسبب عشق منمتش كويس المفروض كنت فضلت نايم
بس نزلت عشان خاطرك عشان اشوفك وعشان وحشتيني وعشان اقولك متزعليش مني....فا روحتي كده ولا جيتي كده هفضل وراكي لحد ما تقولي انك مش زعلانه يا أما نفضل كده وهما مشيوا وسابونا والوقت يدورا علينا فا ايه هتقولي ولا نخلينا واقفين
تمارا...سكتت تمارا وبصتله...بس انا زعلانه ياجاسر وزعلانه اوي كمان مقدرتش تمارا تتحكم في دموعها🥺🥺ويمكن مش من حقي اللي هقوله بس مقدرتش اسمع منك انك كنت بتكلمها انا بتصل وانا عارفه ان هي اللي بتكلمك ويمكن ده اللي خلاني مصممه انك ترد عليا عشان تقفل معاها...بأي طريقه وطريقتك معايا وجعتني اكتر
جاسر...مسحلها دموعها لو جاسر غالي عليكي اوعي تعيطي ابدا كل اللي انتي بتقوليه ده انا حاسه من غير ما اسمعه عشان كده نزلت عشان اشوفك واصالحك واقولك اني بحبك اكتر من نفسي ومش هايدي ولا غيرها اللي ينزلوا دموعك انتي عندي متتقارنيش بيهم ياتمارا ولا غلاوتك تتقارن بحد خليكي فاهمه كده كويس انتي عندي حاجه مختلفه عارف انه وضع صعب بس هيعدي بسرعه وفي اقرب وقت هتبقي حرم جاسر سراج السيوفي
تمارا...بصتله بصدمه🥺🥺🥺بتقول ايه
جاسر...زي ما سمعتي ولا انتي فاكره انك هتفضلي ماشيه علي كيفك كده يا هانم 🤨🤨🤨ايه ملكيش راجل يلمك في بيته
ضحكت تمارا من بين دموعها بحبك يا جاسر
جاسر...وانا بعشقك ياوحش الحته😉😉😘
ضربته تمارا علي كتفه وهي بتضحك رخم.
جاسر...بس بحبك بقول ايه احنا ليلتنا هتبقي سوده منهم يلا بسرعه نلحقهم ولاايه رأيك نسيبنا منهم ونطلع نأعد مع بعض وتعمليلي فنجان قهوه من ايدك🙄
تمارا...اتلم يا جاسر😒
جاسر...وانا قولت حاجه 🙄
تمارا..يلا ادامي
جاسر..بحب يلا ياقلبي
.........................
 البارت الثامن عشر..والتاسع عشر رجع ليل مع عشق البيت... تمارا...كده ياعشق تسبينا وتمشي.هوننا عليكي ز…){kind=link}
تعليقات
إرسال تعليق