 |
مابين الحلم والحقيقة (دار الايتام 2
البارت العشرين والواحد وعشرين
مدونة #موسوعة_القصص_والروايات
وصلوا الشباب مول كبير ووصل بعدهم جاسر وتمارا...
ليل...ايه يا ابني ايه اللي اخرك كده
جاسر...مفيش الطريق بس
ليل...علي اساس ان احنا مش جايين من نفس الطريق 😉
جاسر.. بصوت واطي ما تطلع من دماغ امي
ليل...بضحك حاضر هطلع....وكمل ليل بصوت عالي ايه يا شباب هتعملوا ايه ولا هتروحوا فين
ادم...طيب ما تيجوا نأعد احنا في اي مكان وهما يلفوا
جاسر...طيب انا رأيي اننا نشوف الاول هيلفوا في انهي دور الاول ونشوف فنفس الدور اي كافيه عشان يعرفوا مكاننا
ليل...كده احسن يلا بينا
دخلوا المول من جوه وطلعوا علي اول دور المكان كان كبير جدااا عشق كانت ماشيه مبتسمه افتكرت حلمها ويوم ما جت المكان وشافت فستان الابيض ولقاها ليل..
ليل....ايه فينك
عشق...موجوده
ليل...سرحانه في ايه
عشق...في حلمي
ليل...يا دي حلمك ده احنا مش اتفقنا منفمرش في اي حاجه وحشه
عشق...ومين قالك ان الجزء ده في حلمي كان وحش
ليل...طيب ايه اللي حصل فيه😉
عشق....اختفيت ودورتوا عليا وانت جيت ولقتني واتفاجئت بوجودك
ليل...هو انا مكنتش موجود فالاول
عشق...لا تقدر تقول كنا شاديين مع بعض شويه وانت مجتش فالاول بس جيت لوحدك
ليل...امممم وانتي كنتي فين بقي
عشق..ضحكت وبصت ادامها ورجعت بصتله ولا مكان كنت في محل بعديهم بشويه هما بس اللي قلقوا عليا
ليل...اقولك علي حاجه
عشق...قول
ليل..فاكره لما قولتيلي ان في حجات بتتغير في حلمك
عشق...ايوه
ليل....اهو انهرده في حاجه تقريبا اتغيرت شويه
عشق...مش فاهمه عشان يعني انت جاي معانا من الاول
ليل...لا مش بس كده يعني جاسر وتمارا كانوا شاديين وهي مكنتش تعرف انه جاي والاهم ان انتي كنتي بتقولي اننا كنا احنا شاديين لاكن انهرده انا عن نفسي مبسوط اوي وكمان في حاجه صريحه شويه بيننا ولا ابه
ابتسمت عشق باحراج وسكتت
ادم....هو احنا هنفضل ماشيين كده..
نوح ..ما تستني يا عم ليل انا مش قادر انا راجل مسن صحتي علي ادي
جاسر...ايه ياحاج نوح مالك
نوح...مش قادر يا ابني انا صحتي علي ادي وانتوا مشاء الله مواتير متحركه
جاسر...انت بتحسدنا ياض🤨🤨
نوح...انا اقدر بردو
ليل...طب ايه عايزني ايه
نوح....احنا ناعد وهما يلفوا انا مقدرش علي سحلتهم
نور...هو احنا لسه اشترينا حاجه 🤨🤨 احنا لسه داخلين
عشق...ايوه صحيح يا نوح احنا لسه داخلين انت بتودع بسرعه كده
نوح...صحتي علي ادي يا بنتي
عشق...صحه ايه بس يا حاج انت كويس اهو
نوح...انتي شايفه كده طب تصدقي عشان خاطرك انتي بس هلف معاكو المول ده حته حته.
قرب منه ليل بجسمه الضخم وقف ادامه ومسكه من كتفه
نوح...😳😳😳 ايه ياعم في ايه
ليل...وهو بيشاور شايف الكافيه اللي هناك ده
نوح...طشاش بس ماله🙄
ليل...تروح تترزع فيه
نوح....بس كده اعتبرني هناك وحاجز تربيزه
ليل...ايوه كده 🤨🤨
ضحك البنات عليهم😂
جاسر...بضحك الوحيد اللي بيخرسك 😂😂
نوح ..البعيد مبيشوفش مش شايف منظره عامل ازاي🙄
ليل...بقول ايه هتعرفوا تجيبوا لوحدكم ولا محتاجينا معاكم
عشق...متقلقش هنعرف
ليل...بابتسامه خبيثه يعني مش هتوهي🙄
ضحكت عشق...لا متقلقش انا حافظه المول😂🙈🙈
ليل...ماشي 😉😉
جاسر...انتو كده كده لو حاسيين انكم مش عارفين ترجعوا كلمونا واحنا هنقابلكم..وخلوا بالكم من موبايلاتكم
تمارا...هو انتوا ليه محسسني اننا مسافرين😒😒 ده مول يا جدعان يعني هنلف ونرجع عادي احنا اطفال يعني
جاسر...مالك يا وحش الحته بس
تمارا....الوصايا العشره دي تعبت اعصابي بصراحه
ليل...خلاص يا تمارا روحوا يلا وياريت تتوهوا🤨
تمارا...اهو ايوه كده 😂😂
عشق...يلا سلام هنحاول منتأخرش🙄
ليل...بحب براحتكم بس خلوا بالكم من بعض
عشق..حاضر
مشيوا البنات مع بعض وهما مبسوطين عالاخر
فصلوا يدخلوا من محل ويخرجوا من محل اشتروا حجات كتير وفضلوا مكملين
نور...بقول ايه صحيح احنا نسينا اهم حاجه
تمارا...ايه
نور...هو مش احنا مسافرين يعني المفروض نجيب مايوهات
عشق...مايوهات ايه يا ام مايوهات لا طبعا
نور...هو ايه اللي لا طبعا امال هننزل البحر بأيه
عشق....انا عن نفسي مش هنزل انا اصلا مبعرفش اعوم مش هجيب مايوهات
زهره...ولا انا هجيب انا مبعرفش بردو اعوم انا اساسا اول مره اروح بحر
تمارا...نعم يا اختي يعني هو انا ولا عشق روحنا قبل ما كلنا ماروحناش ولا حتي بنعرف نعوم بس احنا مش هنروح الساحل عشان نأعد زي الشمسيات ونسيبهم ينزلوا من غيرنا ولا نسيبهم ينزلوا مع حد غيرنا😡
نور...الله الله قولي كده بقي
زهره...انا شاكه فيكي من بدري بس مطنشه
ضحكت عشق وهي رفعلها حواجبها
تمارا...بت انتي وهي احنا نصيع علي بعض ولا ايه ما كلنا عارفين اللي فيها وان كل واحده فيكم معجبه بحد يبقي بلاش نمثل عشان مزعلكوش
نور...انا مش معاهم انتوا عارفين من الاول اني بحب نوح🤔😎
تمارا...وزهره مركزه مع ادم وعشق هانم واقعه مع سي ليل ولا ايه يا بنات
نور...الله😍 ايه ده بجد يا عشق بجد يازهره
زهره...بارتباك واحراج ايه ده لا بجد ايه دي بتهرج دي عبيطه اصلا حد ياخد علي كلامها.مفيش الكلام ده
تمارا...طب عينك في عيني كده يابت ده انتي اول ما بتشوفيه عينك بتبقي راحه شمال ويمين وبتبقي مش علي بعضك والضحكه مابتفارقش وشك زي الهبله اللي مش عارفه هي بتضحك علي ايه
زهره...مين ده انا.
نور...من غير زعل اه انا كمان بشوف اللي تمارا بتقوله
تمارا...وانتي ياست عشق ايه اللي بقوله صح ولا غلط
عشق...بت انتي...😡انتي شاربه ايه عالصبح كل ده عشان قولت مش عايزه مايوه.
تمارا...لا يا اختي عشان اعرفكم بس اللي فيها وبدل ما كل واحده فينا مخبيه حاجه جواها ومكسوفه تقولها اديني جبتهالكم من الاخر بلاش نلف وندور علي بعض وانا اول واحده بقولهالكم اهو انا بحب جاسر وهو كمان ببحبني
عشق...بأستفزاز😎عارفه
تمارا..وده من حلمك بقي ان شاء الله
عشق...مع انك بتقوليها بتريقه بس اه صح من حلمي
زهره...طب وانا
عشق...لا بقول ايه هنقف كده نفتكر في احلام خلصوا هتجيبو المايوهات منين
نور....حاسه ان كلامك يا بت يا تيمو جاب نتيجه🤔🤔 وشكل الموزه خافت عالموززز بتاعها
عشق...يابت اتلمي
نور..هتلم بس اوعديني انك تحكيلنا.
عشق...بحب ماشي هحكيلكم بس لما نروح بليل اتفقنا
نور....اتفقنا
تمارا....تعالوا المحل اللي هناك ده شكله في مايوهات ولبس رياضي
نور...يلا....مشيوا البنات مع بعض لحد ما دخلوا المحل كان محل كله ملابس رياضيه وادوات رياضيه..
زهره...في مايوهات هناك اهي
عشق...نعم يا اختي ده بكيني
زهره...ادام في بيكي يعني اكيد ده كله قسم مايوهات
تمارا...البت دي بتتكلم صح تعالوا
راحوا عند المايوهات فضلوا يتفرجوا ويضحكوا علي اشكال المايوهات اللي تحرج من كتر ماهي مكشوفه
نور...اهو دول محجبات..
تمارا...الله شكلهم حلو اوي
زهره...الله بصوا ده
نور...حلو اوي بس بصي كده ده
تمارا...هو احنا مينفعش نقيس انا مبعرفش اجيب كده بالشكل
عشق...اكيد فيه مكان نجرب فيه المقاس
زهره...تعالوا بس نختار الاول الشكل وبعدين نقيس
عشق...بصوا ده حلو اوي عجبني
تمارا...اوباااا ده جامد اوي
زهره...الله انا كمان عايزه زيه
نور...وانا يارب نلاقي منه مقاسنا ده شكله كبير
تمارا...بصراحه هو ده احلي واحد فيهم بس هنجيب كلنا زي بعض
عشق...عادي وايه المشكله ادام كلنا متفقين عالشكل.
زهره...بس هو احنا هنلبسه كده بيتهيألي هيبقي شكله فظيع فاللبس هنمشي كده لحد البحر بصراحه انا مكسوفه
عشق..وهي بتضحك بصراحه وانا كمان
نور...ممكن نجيب عليه كاش مايوه واول ما نيجي ننزل نقلعه
تمارا...فكره حلوه بس الاهم هنلاقي كاش مايوه انا تعبت😫من كتر اللف صوابعي ورمت مش حاسه برجلي
زهره...انا كمان تعبت اوي احنا بنلف بقالنا ساعتين مكنش ينفع نجيب كل ده في يوم واحد
عشق...خلاص احنا نقيس المايوهات ونسأل هنا عالكاش مايوه لو فيه تمام مفيش نسأله برده ممكن نلاقيه فين بدل ما نفضل ندور احنا بنفسنا
تمارا...اكيد هنلاقي تعالوا يلا نسأله ونقيس...
بعد فتره بسيطه كانوا قاسوا البنات المايوهات وجابوا شكل بعض ولقوا كمان الكاش مايوه وخرجوا من المكان.
تمارا...ااااه عايزه كرسي ياجدعان مش قادره.
زهره...بقول ايه انا مش هلف تاني ولو في حاجه ناقصه نبقي نجيبها يوم تاني حتي لو بعد الشغل انا فصلت وبصراحه هموت من الجوع
نور...انا جعانه اوي
تمارا...طب يلا نرجع بقي..يالهوي احنا هنرجع كل ده
زهره...بتريقه ايه اشيلك
نور..لا شوفيلها تاكسي😂😂
تمارا...امشي يا ظريفه انتي وهي😡
عشق...طيب بقول ايه انا عايزه اشوف اي حمام عايزه اظبط الطرحه واظبط نفسي انا اتبهدلت من كتر ما كنت بقلع والبس.تعالوا نروح الاول نظبط نفسنا
تمارا...وربنا ولا خطوه انا مش قادره انا هرجع
زهره...ولا انا مش قادره
نور...متبصليش مع نفسك يا حلوه انا فاضل ثانيه وتلاقي صوابع رجلي بتجري لوحدها فالمول.
ضحكت تمارا وزهره بصوت مسموع علي نور
عشق...هشششش بس انتي وهي ايه فضيحه يخربيتكم يلا غوروا جتكم الارف بس استنوا خدوا الشنط بتاعتي
تمارا...نعم احنا عارفين نمشي من الشنط😡
عشق...🥺طيب هخدهم معايا ازاي واسيبهم لمين
زهره...طب هاتي انا هاخدهم خلاص😍
تمارا...يعني هتطلعي اجدع مني هاتي ياستي وانتي يابت يانور امسكي معانا😡
نور...ياباي هاتي
تمارا...عشق مكتوب هناك اهو ان في حمام فالممر ده
عشق..اه مانا شوفته هروح واجي بسرعه
زهره.انتي عارفه هما اعدين فين
عشق .ايوه متقلقيش معلمه الكافيه ،😂😂😂
نور...يلا باي
مشيوا البنات وراحوا عالكافيه وراحت عشق عالحمام
دخلت عشق جوه قلعت طرحتها عشان تظبطها غسلت وشها ونشفته وظبطت مكياچها الخفيف من تاني ورجعت لفت طرحتها.. حست عشق انها فاقت شويه خرجت عشق من الحمام عشان تروحلهم..لاكن حاجه وقفتها وقفت تفكر شويه وتبص عالمكان أبتسمت ومشيت عكس الاتجاه اللي هما فيه.
............
نوح...لا وربنا ياعم مكنتش انا
جاسر...لا ياراجل علي بابا
ليل...اهو جاسر ده يانوح اللي هيفضحك قريب
نوح..بزمتك انت تصدق عليا كده
ليل...ايوه طبعا وانا مغمض كمان
ضحكوا الشباب بصوت عالي
ادم...شكلك وحش اوي
نوح...نفسي حد يقف في صفي
جاسر...يا ابني مش هتلاقي انت مفضوح
فاللحظه دي جم البنات
زهره...السلام عليكم
الشاب.عليكم السلام
نوح..هل هلالكم اخيرا
نور...ايه اتأخرنا
نوح...ابدا 🙄
تمارا....ده احنا كمان مجبناش كل حاجه
جاسر...😳واضح واضح ايه الشنط دي كلها انتوا اشتريتوا المول
تمارا...انت بتتريق
ليل...فين عشق
تمارا...راحت تشوف حمام تظبط فيه طرحتها اتبهدلنا من كتر ما كنا بنقيس بس محدش فينا قدر يروح
ليل...بس مكانش ينفع تسيبوها لوحدها
نور...احنا جينا هنا بالعافيه اصلا
زهره...انا رجلي وجعتني اوي
تمارا.. هي راحت حمام في اخر الممر ده وزمانها جايه ورانا
جاسر...تشربوا ايه
نوح...هما لسه هيشربوا انا جوعت
يلا نروح ناكل
تمارا...طيب لما ترجع عشق
ليل...اطلبوا اي حاجه الوقت احنا مش هناكل هنا هنروح مكان تاني احسن بره المول هقوم انا اشوف عشق وانتوا اشربوا حاجه لحد ما نرجع
نوح..متتأخرش الله يباركلك
جاسر...مفجوع
نوح...الله مش قادر
ليل...مش هتأخر مشي ليل يشوف عشق..
.....جاسر...لتمارا...ايه لقيتوا الانتوا عايزينه
تمارا...اه وجبت حجات حلوه اوي
جاسر...طب ما تفرجيني😉😉
تمارا...بصتله تمارا وهي رافعه حواجبها وسكتت
جاسر...بأبتسامه جميله يا بنتي هو انا منطقش بكلمه غير لما تبصيلي البصه الشريره دي
تمارا...مش عارفه اصفي نيتي معاك بصراحه
ضحك جاسر...وحشتيني يا مجنونه
تمارا....بحب وانت كمان
جاسر...انا كمان ايه
تمارا...مش هقولك
جاسر...رخمه🤨
تمارا...😍😍
............
نوح...في حاجه لسه نقصاكي
نور....والله مش عارفه يا نوح بكره اظبط الحاجه اللي هنسافر بيها واشوف
نوح...تمام لو في حاجه نقصاكي اي يوم تخلصي فيه شغل بدري اخدك نجيبها
نور....ماشي
نوح...تشربي ايه
نور....اي حاجه
نوح...انتي عايزه ايه
نور...اي عصير طيب
نوح...ياسلام بس كده احلي عصير
ضحكت نور بفرحه😍
...........
ادم...شكلكم لفيتوا كتير
زهره...بقالنا اكتر من ساعتين مش قادره خلاص
ادم...باين عليكي المهم انك لاقيتي الانتي عيزاه
زهره...اه انا تقريبا جبت كل اللي ناقصني وكملت بفرحه وجبت مايوه😂
ادم....نعم وده شكله ايه بقي ان شاء الله🤨 وسكت ادم خد باله من كلامه...اقصد يعني مايوه ازاي
حست زهره بالاحراج ابتسمت وردت عليه وهي مش بصاله...لا عادي وبعدين اكيد مايوه محجبات
ادم...اااه بحسب🤨
ابتسمت زهره ليه وبصت بعيد عنه ضحك ادم وكمل سيجارته
............
فضل ليل واقف ادام الحمام الليوفالممر ساند رجل عالحيطه والتانيه عالارض...حس انها اتأخرت لقي واحده من العمال اللي بينضفوا المكان
ليل...بعد اذنك
الموظه...تحت امرك يا باشا
طلع ليل فلوس ادهالها
الموظه....شكرا أؤمرني
ليل..الامر لله معلش هتعبك معايا انا خطيبتي دخلت جوه واتأخرت قلقان تكون تعبانه ممكن تشوفيهالي
الموظفه...عنيا اسمها ايه
ليل...عشق
الموظفه...عشق ماشي هشوفها واجيلك حالا
ليل...شكرا
وقف ليل مكانه تاني
دخلت الموظفه الحمام كان مليان بنات كتير
الموظفه...يابنات في حد هنا اسمه عشق
الكل باصصلها وساكت
كررت تاني جملتها ولفت فالحمام تنادي عليها..واخيرا خرجت
ليل...ايه جوه
الموظفه...لا والله ياباشا انا فضلت انادي عليها وأسأل في حد اسمه عشق محدش رد خالص
ليل...بقلق. طيب معلش هو في حمامات هنا تاني
الموظفه....المول كله حمامات هنا كل خطوه تلاقي في هما في اخر الممر ناحيه الكافيهات وفيه ورا الاتجاه التاني وطبعا كل دور هتلاقي اتنين
ليل....طيب شكرا
الموظفه...العفو يا باشا.
طلع ليل الموبايل رن عليها تاني مردتش...روحتي فين يا عشق بس
وسرح شويه افتكر كلامها لما قالت انها تاهت من البنات فالدور اللي فوق طلع بسرعه علي فوق
وكان الدور اللي فوق ميقلش زحمه عن اللي هما كانوا فيه
ليل...وانا هلاقيكي فين يا عشق بس فضل يبص عالحملات من بره ويمشي بسرعه ويجرب الموبايل تاني وفجأه وقف وابتسم لما شافها واقفه بضهرها من بعيد ادام محل فساتين راح عليها بسرعه وقف وراها..
ليل...هو انتي غاويه تتعبيني فالحلم والحقيقه ياعشق
بصت عشق وراها بسرعه واول ما شافته ابتسمت بحب
عشق...كان ناقصني وجودك عشان احقق اللحظه دي من حلمي❣️
ليل...ماهو انتي لو تحكيلي الحلم كله من غير ما تخبي اي حاجه هنحققه سوا ونخلص بدل ما انتي تعباني معاكي كده
ضحكت عشق...ايه نفسك قصير
أبتسم ليل...معاكي؟؟؟ مظنش انا ياستي نفسي طويل اوي بس مش عايز اقلق عليكي
عشق....متقلقش انا بخير
ليل...يارب ديما بس مقولتليش صحيح ان المحل اللي روحتي عليه كان بتاع فساتين افراح
ابتسمت عشق وودت وشها بعيد ورجعت بصتله لاني مكنتش متأكده هو محل ايه اصلا كنت فاكره انه ممكن يتغير زي ما في حجات كتير بتتغير فالحلم
ليل...طب قوليل طلع هو الفستان اللي كنتي شوفتيه
ضحكت عشق....لا ياسيدي مطلعش هو
ليل....خلاص ياستي اوصفيهولي وانا انفذه واحققلك انا الجزء الماقص😉😉😉
ابتسمت عشق بحب😍😍😍وخدت نفس طويييييل
ليل...يلا نرجعلهم عشان نروح ناكل بقي
عشق...يلا
ليل...هاتي ايدك
عشق...اااااا
ليل...هو ابه اللي ااا هاتي يلا🤨🤨🤨مسك ليل ايدها ومشي بيها وهي ماشيه بصاله ومبتسمه قلبها مش مبطل دق ومش باينه جمبه من طوله وجسمه العريض.
ليل...لسه ناقصك حاجه
عشق....تقريبا لا خلاص
ليل...عموما لسه فاضل حوالي خمس ايام عالسفر شوفي
محتاجه ايه تاني وعرفيني
عشق ..حاضر
مسك ليل ايدها بين ايده وكأنه ماسك بنته
قبل ما يدخلوا عليهم ساب ليل ايدها حست عشق وقتها انا مبسوطه عشان حافظ علي شكلها ادامهم
ليل...ايه ياشباب يلا
تمارا...كنتوا فين كل ده
ليل...مفيش لقيت عشق وشوفت محل ساعات كنت بشوف فبه حاجه
نوح..اااه طيب🙄المهم مش هناكل
ليل...🤨🤨هتاكل يانوح😡
جاسر..بضحك والله يا ابني مش حلوه في حقك لما يسألوا سبب الوفاه ويتقال بسبب لسانه مرضهالكش
ضحك...ادم تصدق والله عندك حق
ليل...لا متقلقش ماهما مش هيسألوا هما هيعرفوا لوحدهم عشان مش هيلاقوا لسانه اصلا فا هيعرفوا ان ده اللي كان موديه في داهيه...
قوموا يلا عشان نروح ناكل
عشق...هو احنا رايحين فين تاني انا مش قادره
ليل...لا والله ده علي اساس ان احنا اللي كنا بنلف🤨
ابتسمت عشق...هو انتوا معترضين عاللف ولا ايه🙄
ليل...بصوت واطي انا بقول نسيبهم ونلف لوحدنا وانا مش هعترض معاكي للصبح😉
برقت عشق عينها وتجاهلت كلامه وبصتلهم
عشق ..😳طب ايه يلا🙄
تمارا...تعالي شيلي شنطك مش شايله حاجه
عشق ..علي فكره بقي انتوا استريحتوا شويه انا مستريحتش😔
تمارا..مش شايله 😡
عشق ..رخمه خدت عشق الشنط من تمارا واول ما رجعت مكانها من غير ولا كلمه خدهم ليل من ايدها...😉يلا ياشباب
سكتت عشق ومشيت جمبه قربت تمارا من عشق جمب.. ودنها الله يسهلوا😉😉
ضربتها عشق بايدها😡
تمارا...😂😂😂😂🤭
بصت لجاسر....عارف يا جاسر
جاسر.. ايه ياعيون جاسر
تمارا...زمان سمعت جمله كده ومفهمتهاش غير الوقت
جاسر...جمله ايه ياحبيبي
تمارا...اللي عنده دم احسن من اللب عنده فلوس🤔🤔
ضحك جاسر بصوت..😂😂😂الله يخربيت عقلك وده معناه ايه بقي
تمارا....يعني شيل معايا مش قادره اشيل لوحدي😡😡
ضحك جاسر عليها تاني ...كل اللفه دي عشان اشيل معاكي طب مش شايل
تمارا...جاسر...خلي عندك دم بجد مش قادره😭😭
جاسر...عيزاني اشيل
تمارا...اه انت مش شايف ليل شايل لعشق وادم شايل لزهره ونوح شايل لنور خلي فيه احساس انا حاسه اني ماشيه اتكعبل فيهم
جاسر...ما عشان كده سايبك شكلك مسخره😂😂😂
تمارا...هزعلك🙄
جاسر...طب هقولك حاجه اختاري حل من الاتنين
تمارا...انت بتتشرط😡
جاسر...اااه
تمارا...طل قول😔
جاسر...يا تطلبي بأدب يا تجيبي بوسه وانا هشيل فورا
تمارا...مش بقولك مش عارفه اصفي نيتي معاك ابدا😡😡
جاسر...والله انا عملتلك اوبشن انتي اختاري بقي
تمارا...هطلب بأدب😔
جاسر....اتفضلي🤨🙄
تمارا....ممكن تشيل معايا😔😔🙄
جاسر....بابتسامه هاتي يا وحش الحته الشنط....قال اللي عنده دم احسن من اللي عنده فلوس قال🤨🤨🤨
لسه تمارا هترد..😡😡
جاسر....اياك تنطقي والله اسيبهملك عالارض ومش هقبل غير ببوسه
تمارا....🤐🤐🤐🤫
جاسر...ايوه كده
خرجوا الشباب من المول وركبوا عربياتهم وراحوا علي مطعم كبير وشيك جدا كان الليل دخل خلاص اتغدوا وخلصوا واعدوا شويه وبعدين روحوهم البيت كانوا كلهم مبسوطين وطايرين من الفرحه...
عدي كذا يوم كانوا بيحاولوا يخلصوا شغلهم قبل السفر..
مفيش يوم مش بيروحوا لحاج محمد واللي كان مفرحهم ان الدكتور قالهم ان بدأت كل اجهزه جسمه تشتغل بطريقه منتظمه وان ممكن في اي وقت يفوق من الغيبوبه..
قبل السفر بيوم فالشركه...🙄
#
مابين الحلم والحقيقة (دار الايتام 2
البارت الحادي والعشرون...
قبل السفر بيوم كان الكل بيجري فالشركه علي قدم وساق بيحاولوا يخلصوا كل حاجه وراهم وبيحاولوا يركزوا عشان ميبوظوش الدنيا...
عشق...كانت مندمجه في شغلها جداا. وبتراجع اوراق صفقات وطلبات مشاريع معروضه عالشركه واللي لفت نظرها أسم ريما اللي كان مكتوب علي ورقه من الاوراق..
حست عشق بغيره لمجرد انها شافت بس أسمها فضلت اعده مكشره وباصه عالاسم وسرحانه وسايبه باقي الورق.
ليل..خلص مكالمه كانت معاه ونادي علي عشق.
ليل.. عشق.....عشق
كانت عشق سرحانه في دنيا تانيه وسرحانه في اسمها اللي عصبها عالاخر.
ليل.. عشق ايه انتي فين
اتفاجئت عشق بيه ادامها
عشق....هااااا لا مفيش
ليل...مفيش ايه بنادي عليكي ومش بتردي انتي كويسه
عشق...اه تمام
ليل...سرحانه في ايه
عشق...ابدا مفيش عادي كنت بقلب فالورق وبراجعه وسرحت
ليل...يبقي شوفتي طلب ريما
عشق...بصتله🥺هو انت عارف ان ريما عايزه تعمل مشروع
ليل...مش انا قولتلك انها لما جت الحفله طلبت مني كده
عشق...لا مقولتش ياليل ومتكلمناش عنها اصلا انت اتكلمت عن حنان وبس ووضحتلي ان انت ملكش دعوه بيها وبالرغم من اني شوفت ريما وفعلا متصدمتش من وجودها اد ما اتصدمت من وجود حنان بس كنت بردو مستنياك تقولي اي حاجه عنها ازاي جت وازاي رجعت وازاي جاتلك الحفله اصلا بس انت مقولتش اي حاجه ياليل
ليل...يمكن مقولتلش صدقيني مش فاكر قولتلك ايه وقتها بس انا فعلا قولت للبنات وقتها لان ادم لما شافها فالكاميرا اضايق هو طول الحفله كان مع البنات ومخدش باله منها اصلا فالما قال اسمها وضحت للبنات لكن قولتلك ولا لا والله ما فاكر كان كل همي اوضحلك بس موقفي من حنان وبعدين يا عشق ..المشروع ده انا عرفته منك قبل ما هي تقولي عليه يعني انتي اكيد عارفه
عشق...ايوه عارفه يا ليل بس الحقيقه ديما احساسها بيكون مختلف عن الحلم
ليل...وانا ياعشق مش هاممني اي حاجه فالدنيا غير احساسك وبس الورق معاكي تقبلي ترفضي ده قرارك وانا هنفذ اللي انتي عيزاه مش مشروعها هي بس لا كل اللي في ايدك ده...يمكن اكون شوفت الورق قبلك كان ممكن اشيلها ويا اما اتصرف من بعيد من غير ما تعرفي او اقطعها وارفض بس انا كان ليا رأي تاني اني اعملها المشروع مش عشان اي حاجه بس عشان لو رفضت هتفكر انها لسه شغلاني لكن لو قبلته
قاطعته عشق...هتفكر انك حنيت يا ليل وهتطمن
ليل...بالعكس هتعرف انها مش في بالي يمكن تفكر بنفس طريقتك دي لو لقت مني طريقه كويسه بس انا اصلا مكنتش همسكه بنفسي ولا كنت همسكه لاي حد من الشباب اللي كان هيمسكوه مهندسين الشركه يعني مكانتش هتلاقي عندي اللي هي راجعه ليه.
عموما القرار بتاعك ومهما كان قرارك انا موافق عليه
عشق....بحزن اللي انت شايفه صح انا موافقه عليه.
ليل...لا ياقلبي اللي انا شايفه صح قولته بس القرار بتاعك وانا اللي هوافق عليه...
عشق...سكتت شويه موافقه ياليل
مسك ليل ايدها...عشق ريما دي احقر بني ادمه فالوجود وحيات غلاوتك في قلبي انا مش شايفها اصلا
عشق...طيب لو رفضت ان اي حد يمسكلها مشروعها
ليل...ترفض ده اللي عندي وتسحب مشروعها كمان تبى جت من عندها
عشق....ماشي😔
ليل...طيب هتفضلي مبوزه كده
رفعت عشق وشها وبصتله خلاص انا تمام.
ليل...بقلق ايه ده 😳
عشق...في ايه
مسك ليل منديل وقربه من عشق عشان كانت بتنزف.
ليل.. انتي كويسه
عشق...ااه ااه انا بخير ممكن صداع بس
ليل....طيب تعالي بسرعه نروح لدكتور
عشق...دكتور ايه بس انا بيحصلي كده دايما لما اضايق متقلقش انا بخير والله
ليل...طيب نروح عشان انا اطمن
عشق...والله ما في اي حاجه انا دايما كده اصلا لما بضايق او من الحر
ليل...طيب بتعملي ايه لما بيحصل كده
عشق...ولا حاجه بغسل وشي وبحط تلج وبيقف لوحده
رفع ليل التليفون على شاهي.
شاهي...تحت امرك مستر ليل
ليل...شاهي بسرعه خلي البوفيه يطلعولي كيس تلج
شاهي...تلج لايه
ليل...بعصبيه انتي هتأعدي تحكي معايا اخلصي يلا
شاهي...طيب حاضر.
قفل ليل وخدها على الحمام غسلت عشق وشها كذا مره مسحلها ليل الميه بالمناديل..
اعدي على الكنبه...بصتله عشق
عشق...ليل اعد مالك متوتر كده ليه عمرك ما شوفت حد بينزف كده
ليل....لا شوفت طبعا الواد نوح كان كده وهو صغير بس في مره نزف كتير اوي وتعب وقتها واتحجز في المستشفى كام يوم ومن وقتها وانا بقلق من الموضوع ده
ابتسمت عشق لليل...بالرغم من انك دايما تطلع في نوح بس بحسك معاه كأنك بباه مش اخوه
ليل...بأبتسامه عشان هو كده فعلا انا بحس ان نوح ابني بجد بحس اني مسؤول عنه نوح يمكن الفرق بيني وبينه 3 سنين بس اكمنه كان الصغير فا كان متدلع مننا كلنا ولما بابا اتوفى شيلت انا كل حاجه كبرت الشركه ووقفتها على رجلها اكتر واكتر..مش بس كده كانت عيني مبتبعدش عن امي ولا عن نوح وخصوصا نوح عشان كان لعبي اوي كنت دايما قلقان عليه
عشان كده بحسه ابني
عشق...ربنا يخليكم لبعض.
خبط الباب...واتفتح
نوح...الله الله ساحلنا في الشغل وحضرتك وعشق هانم اعدين تتسامروا😡
ليل...بص لعشق بخيبة امل ياريتنا افتكرنا ربع جنيه مخروم...
ضحكت عشق.
نوح...ايه ده كنتو جايبين في سيرتي😁 بتقولوا ايه عليا 🤨
ليل...بقول انك قدري المهبب
نوح...بص لعشق😳😳 ايه ده ايه الدم ده انتي بتنزفي
عشق...بسيطه متقلقش
نوح...بسيطه ايه طب قومي نروح لدكتور
عشق ..هي العيله كلها عندها فوبيا ولا ايه
نوح....من ايه ده
ليل...ممكن من ضغط الشغل
عشق...تقريبا كده زي ما ليل بيقول
خبط الباب كانت شاهي..ومعاها التلج...خدوا منها ليل وخرجت.
قرب ليل منه حطلها التلج مسكته عشق منه.
نوح ..بالزمه دي مناظر ناس هتسافر كمان كام ساعه ده احنا عايزنلنا مصحه😂😂 لو شوفتوا منظر نور وزهره وادم هتفطسوا من الضحك
ليل..للاسف كان في شغل كتير مش معمول حسابه انهرده
نوح...فعلا بس لازم نخلصه
ليل...انتوا ايه فاضلكم كتير
نوح...لا بنفنش الحمد لله
بقول ايه صحيح مش كنا سافرنا
طيران ياليل بدل السواقه والبهدله
ليل...والله انا قولت كده جاسر قال بلاش
نوح...طب وبلاش ليه
ليل...معرفش بيقول تمارا خافت جدا لما سافروا
عشق...تمارا فعلا عندها فوبيا من الاماكن العاليه انا اصلا استغربت جدا لما سافرت اول مره واستغربت اكتر لما قالتلي مكنش فيه مكان وهما راجعين وكان ممكن بسببي ترجع لوحدها.
ليل ..خلاص بقى يانوح مش هينفع حبه يسافروا كده وحبه يسافروا كده هو اصلا قالي روحوا انتوا طيران واحنا نحصلكم بس قولتله نطلع ورا بعض احسن وبعدين. ده كلها 3ساعات تقريبا
نوح...انت عارف اني مبحبش اسوق اصلا مسافات
ليل ..خلاص سيب عربيتك واطلع انت وادم بعربيه واحده ومعاكم نور وزهره واهو اللي يتعب التاني يسوق بداله.
نوح...تمام حلوه الفكره دي
ليل...طب يلا يا امور على مكتبك
نوح...بص لعشق قلاب اوي
عشق...بضحك ملاحظه😂😂
نوح...ايه احسن الوقت
ليل...ماقولنا على مكتبك😡😡
نوح ..الله مش بطمن عليها😳
ردت عشق وهي بتضحك اطمن انا كويسه الحمد لله
نوح...شوف الرد 😍اعوذ بالله منك 😒😒
خرج نوح...وليل وعشق بيضحكوا عليه.
ليل..عيل رخم
عشق...ليه بس ده عسل والله
ليل....نعممممم😡
عشق...اقصد دمه خفيف
ليل...عشق قومي من ادامي😡
عشق...بحب وابتسامه جميله حاضر هقوم🤭
ليل...عشق
عشق...نعم
ليل...بحبك اوي
ابتسمت عشق...وانا كمان بحبك اوي.
عدى الوقت بسرعه خلصوا شغلهم وكل واحد فيهم راح على بيته لحد معاد السفر..
بعد أذان الفجر..
أعلن الشباب عن وصولهم
اخيرا.
نزلوا البنات وبالرغم من انهم ما ارتاحوش خالص من بعد ما رجعوا من الشغل لكن كان جواهم حماس ونشاط وطاقه وفرحه ما تتوصفش
خدوا منهم الشنط
ادم...بقول ايه احنا اربعه في العربيه وكل واحد شنطه مش هتقضي طبعا الشنطه
جاسر...انجز وحط حاجه عندي في الكنبه
نوح...جابلك من الاخر😂😂😂
ادم...انت هتقولي😂😂😂
ليل...لو عايزين حاجه معايا انا كمان حطوها
ادم...لا احنا كده تمام
نوح...بص بقى تطلع الاول على اي ماركت نجيب شويه حاجات كده تسلينا في الطريق
ليل....واخد معايا اطفال 🙈🙈
جاسر...بقول المرادي هو معاه حق عايزين مايه وحاجات في الطريق كده عشان البنات مش عشاننا🙄🙄
ليل...اتلكك اتلكك ماشي يا مفجوع كده كده كنت رايح من غير ما تقولوا اصلي بصراحه جعان اوي ولا اتغديت ولا حتى اتعشيت
جاسر....طب حلو يلا بينا
ركبوا كلهم ومشيوا ورا بعض بالعربيات ونزلوا جابوا كل حاجه هتلزمهم في الطريق...وطلعوا على طريق السفر عشان يبدأوا اجازتهم....
الله كلها نشاط وحماس وفرحه وحب واللي اكيد مش هتخلي من المفاجآت....🙄🙄🙄🙄🙄
بس ياتري..مفاجئات حلوه ولا وحشه😎😎😎😎
تعليقات
إرسال تعليق