 |
#رواية_مابين_الحلم_والحقيقة (دار الايتام 2)
#البارت_الثاني_والعشرين_والثالث_والعشرون
مدونة #موسوعة_القصص_والروايات
وفي كل مره اخطوا خطوه في طريقي يزداد خوفي أضعاف واضعاف...لم اعد احتمل فكره الالم لم احتمل القلق والخوف.في كل مره يتسع امامي الطريق اشعر اكثر بالخوف.. ويزداد خوفي اضعاف عندما يكون طريقي للسعاده يتسع اكثر واكثر.. فهل اصبحت شخص متشائم أم أن السعاده في حياتي لم تكتمل..
ليل....عشق عشق..انتي نمتي
عشق...هاااا لا صاحيه
ليل..صاحيه ايه بس انا بنادي عليكي بقالي شويه وانتي مش هنا
عشق.. ابدا بس سرحت فالطريق
ليل...وهو الطريق في حاجه تسرحي فيها ده الدنيا ليل وفاضيه ادامنا.
عشق....مفيش والله بس سرحت مش اكتر
ليل...مالك حاسس انك مش مبسوطه
عشق...بالعكس ليه بتقول كده
ليل...مش عارف احساس
عشق...خالص والله مبسوطه وجدا كمان يمكن عشان كده متوتره شويه
ليل...هو اللي يتبسط بيتوتر
عشق....الفتره اللي فاتت كلها كل ما كنت افرح او احس اني مبسوطه لازم يحصل حاجه تضيع الفرحه دي وانا حاليا مبسوطه اوي ويمكن عشان كده خايفه السعاده اللي انا فيها دي تروح
ليل....مفيش حاجه ياعشق هتخليكي مش مبسوطه بعد كده
وطول مانا معاكي مش هخلي اي حاجه تمنع انك تكوني مبسوطه وسعيده
عشق...انا مطمنه معاك ياليل بس بجد نفسي اوي اعدي مرحله الحلم دي نفسي احس ان في احداث كتير اتغيرت
ليل...طيب ماهو في احداث اتغيرت وبعدين علي فكره بقي السفريه دي مكانتش في حلمك صح ولا غلط🤨🤨
أبتسمت عشق...صح
ليل...بحب بحبك ❣️
أبتسمت عشق وبعدت عينها عنه باحراج..مسك ليل ايدها بين ايده باسها وكمل طريقه وهو ماسك في ايدها...
عشق...❣️❣️❣️❣️😍
..............
جاسر...مالك ساكته ليه
تمارا...انت اللي ساكت
جاسر...انا مش ساكت بس مركز فالطريق
تمارا...طيب خلي الطريق ينفعك
جاسر...يابت اتعدلي هزعلك
تمارا...🙄🙄ولا تقدر انا ازعل بلد
جاسر...لا والله عارفه يا تمارا انا ساكتلك غلب بس لو حطيتك في دماغي قاطعته تمارا..هتعمل ايه🤨
جاسر...ولا حاجه ياقلبي بس مش هركز في اي حاجه غيرك😉
ضحكت تمارا...ايوه كده
جاسر...بحبك يا وحش الحته
تمارا ...وانا بحبك اوي
مسك جاسر ايدها وكمل طريقه.❣️
............
اما في عربيه ادم...كان صوت الموسيقي عاليه شويه..
نور...انا مضايقه من نفسي اوي بجد عشان سافرت وهو بابا في حالته دي
نوح...احنا مش قولنا اعدتنا ملهاش اي لازمه اصلا وبعدين احنا قولنالك الدكاتره معاهم ارقامنا لو حصل اي حاجه او اي حد احتاجنا في ثواني هنرجع
زهره...نور...متفضليش منكده علي نفسك بقي احنا خلاص مسافرين حاولي تتبسطي
ادم...ان شاء الله مش هيحصل اي حاجه وربنا هيطمنا علي حاج محمد فكي بقي متبقيش نكديه بدل ما انزلك انتي والواد ده عالطريق.
نوح....وانا مالي ياعم😒😒
نور...شكلي كده اتعديت من عشق
حاسه ان في حاجه هتحصل
زهره...ابوس ايدك بلاش عشق يا فقر انتي وهي😭😭انا بفكر اتبري منها ومنكم كلكم
ادم...صراحه يبقي عندك حق 😂😂
نور....لا والله
نوح ..هاتي ياستي اشوفلك الكف واشوف طريقك مكتوب في ايه
نور...انت بتعرف🙄
نوح....يا سلام تسمعي عن الشيخه خديجه المغربيه
نور....اه اسمع
نوح...دي من تلامذتي
ضربته نور علي كتفه نوح انت بتستظرف صح
ضحكت زهره وادم عليهم
نوح...يابت اسمعي الكلام مسك نوح أيدها... بصي يا ستي ادامك خطين واحد بتاع العمر والتاني طريقك او الحجات اللي بتحصل في حياتك طول ما انتي عايشه
خط العمر امممم قصير كلها خطوتين والعربيه هتتقلب ونخلص من خط العمر ومن طريقك اللي قرفانه بيه
ضحك ادم وزهره بصوت مسموع
ادم....اهو جابلك من الاخر
نور....نوح انت رخم علي فكره🥺🥺
ضحك نوح ...طب عيزاني اقولك ايه بس رايحين الساحل نتبسط ونغير جو ننزل البحر نخرج ونسهر وانتي مصممه تكتئبي وتكئبينا معاكي
نور...انا أكئبكم طب تصدق اني غلطانه اني جيت بجد😔😔
نوح...بصوت واطي مكانش ينفع نسافر من غيرك انا اول واحد مكنتش هسافر
نور...ياسلام
نوح...مش مصدقاني
نور...لا
نوح...بحب وحيات نور عندي ماكنت هسافر ولا اسيبك لوحدك
بصتله نور بأحراج مش عارفه ترد
فاجئها نوح رفع ايدها اللي كانت لسه بين ايده وطبع عليهم بوسه طويله...
أقسم نوح انه سمع صوت دقات قلبها
نور....😳😳😳اتصدمت من رد فعله ومقدرتش تقول اي حاجه ولا تعمل اي حاجه عشان زهره وادم معاها....معملتش اي حاجه غير انها تفضل بصاله وساكته
نوح....بلغه الشفايف بحبك😉
نور...🥺🥺🥺🥺🥺
ابتسم نوح...هتفضلي بصالي كده
نور....انت قولت ايه
نوح...انا🙄 انا مقولتش
نور...لا يا نوح انت قولت حاجه
نوح...قولت ايه
نور... انا اللي بسألك
نوح...مش فاكر🙄🙄
نور....بصت ادامها وهي متلغبطه ورجعت بصتله
نوح....افتكرت
نور...🥺🥺
نوح...بحبك
نور....انت بتقول ايه نزلت دموعها بسرعه علي خدها..
نوح...مسح دموعها ليه الدموع دي انتي اضايقتي
نور....هزت راسها شمال ويمين
نوح...طيب مالك
نور...هو انت قولت انك بتحبني بجد مش بحلم
نوح..هز راسه وهو مبتسم وعينه كلها حب..انا عمري ما حبيت حد غيرك يا نور بحبك من وانتي لسه صغيره
نزلت دموعها بسرعه اكتر...يعني طول الفتره دي انا مكتتش بحبك لوحدي صح
نوح...😳😳انتي بتقولي ايه
هزت راسها نوح بعنف ايوه انا كمان بحبك يا نوح
ابتسم نوح بفرحه وقرب ايدها تاني ليه باسها بحب..
ضحكت نور من بين دموعها وهي بتتنهد تنهيده طوييييله
وفضلت طول الطريق ماسكه في دراعه وهو ماسك كفها بين كفه والابتسامه مش مفارقه ملامحهم.
عدي الوقت بسرعه
طول الطريق ادم وزهره مبطلوش كلام. نور نايمه علي كتف نوح وكأنهم في عالم تاني لوحدهم
تمارا.وجاسر مش مبطلبين مناقره في بعض اما عند عشق وليل طول الطريق هي باصه للطريق وهو ماسك ايدها وكل شويه يرفع ايدها يبوسها ويكمل طريقه
وبعد وقت مش قصير اخيرا اعلن النهار عن بدايه يوم جديد
ووصلوا اخيرا الشباب في قريه فالساحل الشمالي تجنن اقل ما يقال عنها انها جنه الله علي الارض😍
وقف ليل بالعربيه
ليل...عشق يلا قومي وصلنا
فتحت عشق عينها
ليل...صباح الفل علي احلي عيون شوفتها في حياتي
عشق...بابتسامه هاديه ووش صافي وصلنا.
ليل...اه وصلنا وانتي سبتيني اكمل الطريق لوحدي ونمتي
عشق...بلاش كذب انا منمتش كتير
ليل...😳😳كمان بتنصبي والله انتي نايمه بقالك ساعه ونص تقريبا
عشق....بجد
ليل...بحب اه والله😍
عشق....خلاص هعوضهالك واحنا راجعين مش هنام
ليل...تنامي تصحي المهم انك معايا وجمبي
أبتسمت عشق...هما فين
ليل...ورانا اهم يلا بينا
عشق..يلا
نزلت عشق وليل ونزل جاسر وتمارا ولسه نور نايمه علي كتف نوح ونوح كمان نايم
ادم....فالمرايه نوح انت نمت
لفت زهره لقتها نايمه علي كتفه وايدهم في ايد بعض وبص ادم عشان يرخم عليهم شافهم هو كمان
بصتله زهره باحراج ابتسم ادم..
ادم...بقولك ايه
زهره...نعم
ادم...انزلي وانا هصحي نوح وانزل
فهمت زهره انا مش عايز يحرج نور هزت راسها وفتحت الباب ونزلت.
نزل ادم وقف ادام الشباك وفضل يهز فيه عشان يصحي...نوح نوح
فتح نوح عينه
نوح...ايه في ايه
ادم...وصلنا يا اخويا وصلنا ياروميو..
بص نوح لنور اللي نايمه علي كتفه
نوح..بغيظ امشي ينعل ابو شكلك
ضحك ادم وانا مالي الله🙄
بعد ادم وراح يطلع الشنط من الشنطه
نوح .نور.نور..يلا اصحي وصلنا
فتحت عينها بصعوبه من النور
نور....وصلنا
نوح...صباح الفل اه وصلنا نمتي ونيمتيني معاكي
نور...هما فين
نوح...نزلوا بينزلوا الشنط يلا عشان ننزلهم
نور...نوح
بصلها نوح...نعم
نور...وهي بتبلع ريقها هو انا مكنتش بحلم صح
نوح..بابتسامه عشان يأكدلها ...بحبك يانور
ضحكت نور وسط تنهيده طويله وكانها اطمنت.وبسرعه فتحت الباب ونزلت
وراحت لزهره اللي كانت واقفه مع عشق وتمارا.
نور...صباح الخير
زهره...الله يكسفك يا شيخه
نور...في ايه يا بت انا كلمتك
زهره...نيمالي علي كتف نوح وايدكم في ايد بعض وانا وادم بصينا عشان نصحيكم وشوفنا منظركم ده
نور...بفرحه قالي انه بيحبني يا بنات
تمارا...احلفي
نور...والله العظيم وبيقولي من زمان
عشق...مش قولتلك يانور متفقديش الامل
نور...انا مبسوطه اوي
زهره...وانا خاسه اني شكلي وحش اوي
نور...بضحك طب وانتي مالك
تمارا....هي كده كئيبه😂😂
زهره...لا والله بس انا اتلغبطت لما ادم لف وشافهم كنت عايزه اخبيها الجزمه دي وهو التاني كنان بصلي وضحك كنت نفسي الارض تتشق وتبلعني
تمارا.. انتي يابت هتفضلي لخمه كده لحد امته
نور...بصراحه عندها حق هودي وشي انا من ادم فين الوقت🙈
زهره...لا وانتي وش كسوف يا بت يعني يا جزمه اول ما يعترفلك تنامي علي كتفه انال لو قالك عايز اتجوزك هتعملي ايه
تمارا...هتبوسوا بوسه مشبك.
عشق...يابت اتلمي يخربيت لسانك اللي عايز قطعه😒
ضحكت نور وتمارا وهو ماسكين في دراع بعض.
زهره...علي فكره لما شوفتك كنت مبسوطه بجد
نور...انا اللي مبسوطه اوي حاسه اني بحلم
تمارا..بت وربنا هسيب ايدك اللي هتجيب سيره احلام هنفخها😒😒
عشق...بضحك جبتلكم عقده انا صح😂😂🙈
تمارا...هي عقده واحده ..بقول ايه يابنات هو احنا هنأعد فين انا شايفه اننا ادام شاليهات مش فندق
بصوا البنات حواليهم عالمكان بتركيز.
عشق...ايه ده ايوه صح انا مخدتش بالي
زهره....وهي بصالهم انتوا اكيد مش هتوافقوا طبعا
عشق...بطلي هبل يا بت نوافق ايه لا طبعا
تمارا...بس عشان جايين علينا
جاسر....ايه رأيكم فالمكان عجبكم
تمارا...تحفه
زهره...تحفه فعلا بجد
عشق....هو جميل بس انا معلش عندي استفسار ياليل
ليل....قولي
عشق...هو احنا هنأعد فين انا شايفه اننا مش ادام فندق يعني
ليل....لا ما احنا هنأعد فالشاليه بتاع جاسر
عشق...اتصدمت وبصتله ايوه ازاي يعني.
ابتسم ليل...لما فهم تقصد ايه.
بس حب يلاعبها...زي الناس
عشق...ايوه ياليل بس اكيد مش هينفع نكون مع بعض في مكان واحد
بص ليل للشباب وغمزلهم
ابتسموا الشباب وسكتوا
ليل...مش فاهم فين المشكله بس وبعدين انتوا جايين الوقت تعترضوا عادي بقي
عشق...بصدمه اكبر..هو ايه اللي عادي طبعا مش هينفع انا مش موافقه
ليل...حس انها خلاص هتقلب ابتسم..طبعا مش هينفع احنا اصلا مش موافقين انكم تأعدوا معانا.
جاسر...اممم بصوا انا عندي اقتراح احنا هندخل وانتوا ممكن تباتوا فالجنينه اللي ادام الشاليه دي
تمارا...ليه ان شاء الله جايبين معاكم جنانينيه هنا😡😡
جاسر...اهدي ياوحش الحته هتتحولي ولا ايه
ليل...خلاص يا بقي يا شباب حرام صعبوا عليا..طلع ليل مفتاح من جيبه..
ليل...اتفضلي ياستي
عشق..ايه ده...
ليل...ده مفتاح الشاليه اللي هناك ده وده بتاعي انا.
اما اللي احنا واقفين ادامه ده الشاليه بتاع جاسر اللي احنا هنأعد فيه.
بصتله عشق بغيظ واحراج ووشها كله احمر وسكتت😡😡
ضحك ليل...خلاص انتي هتتحولي زي تمارا ولا ايه
تمارا...بقولكم ايه متزعلوش بقي من اللي هنعمله فيكم مش انتوا بتهزروا جربوا هزارنا بقي
نوح...ياخربيت اللي يزعلك يا تمارا بقولك ايه انا والراجل الغلبان ده منطقناش خدوا حقكم من ليل وجاسر
تمارا....وانتوا كمان انتوا مش سكتوا.
ادم...البقاء لله يارجاله
ليل...افتح يلا يا جاسر حط الشنط بتاعتنا وتعالوا نوديهم
عشق...مش عايزين منكم حاجه يلا يا بنات😡
جاسر...والله انا عامل عليكم المكان مقفول بقاله كتير ويمكن يكون في فتر ولا حاجه
وقفت تمارا وسابت ايد الشنطه
تمارا...اهو ديما الاستعجال ده بيودي الواحد في داهيه🙄
عشق....ايوه عندك حق مفيش احسن من التفكير فالكلام قبل ما يطلع🙄🙄
ضحك عليهم الشباب.
ليل...حيث كده بقي يلا يا شباب ندخل عشان نرتاح.
جاسر...يلا يا صاحبي
مسكته تمارا من دراعه..استني ياعم هو ايه اللي يلا يا صاحبي وربنا اناملكم هنا فالجنينه
جاسر...ليه احنا جايبين معانا جناينيه🤨🤨🤨
تمارا...زله لسان😔😔
جاسر..بضحك بيعجبني في تمارا انها بتفتح صدرها وتبقي اسد ومره واحده تقلب قطه.
ليل...بضحك يلا ياشباب تعالوا نحط شنطنا ونوصلهم
فتح جاسر الشاليه دخل شنطهم وراحو شالو شنط البنات عشان يدخلوهم الشاليه بتاعهم
ليل لعشق...يعني بزمتك انتي عارفه اني ممكن اخليكم معانا
عشق...علي فكره بقي انت رخم ووقعت قلبي
ليل..طيب افرضي كنت بتكلم جد
عشق...والله ما كنت هأعد ثانيه واحده
ليل...عارف علي فكره
عشق...طيب هو احنا ليه مش اعدنا في فندق
ليل...يعني بزمتك نبقي اكبر شركه عقارات فالشرق الاوسط وميبقاش عندنا شاليهات او مكان خاص بينا...علي فكره كل الشاليهات اللي انتي شيفاها دي الشركه اللي مصمماها ومش بس كده القريه دي بتاعت ليل السيوفي😉😉
عشق...😳بتكلم جد ولا بتهرج
ليل..اه والله العظيم
عشق...بابتسامه بردو رخم😒
ليل...شكرا ياستي😍
فتح جاسر الباب
الشاليه كان يجنن والڤيو بتاعه تحفه.
تمارا...الله شكله تحفه
زهره...حلو اوي بجد
ليل..لعشق ايه رايك في تصميمي🤨
عشق ..يجنن بجد
ليل...طيب كويس انو عجبكم بصوا بقي الساعه الوقت 9 ادامكم ساعتين تناموا تصحوا تفضوا شنطكم تعملوا اي حاجه انتوا احرار بس 11 هنكون بره احنا مش جايين ننام تمام
تمارا...ننام ايه انا هموت وانزل البحر😂😂
جاسر...خلاص ظبطوا نفسكم كده وشويه ونجيلكم انا عايز انام شويه تعبت من الطريق
ليل..بقولكم ايه الشاليه متنضف وكله تمام والمطبخ كل حاجه هتحتاجوها هتلاقوها انا مبلغهم بكل حاجه قبل ما اجي وكل كام ساعه هتيجي بنت تنضف المكان
عشق..طيب ليه احنا ادام لوحدنا هنعمل كل حاجه
ليل...انتوا جايين تتبسطوا وبس محدش هيعمل اي حاجه احنا اصلا محضرنلكم حجات حلوه هتعجبكم اوي
تمارا....ياسلام عالراحه اهم حاجه ولا هعمل اكل ولا ست عشق تقولي اغسلي الاطباق😒😒
جاسر..بضحك كسلانه اوي
عشق...اوي دي ما بتصدق ترتاح
تمارا...بزمتك حد يقول للراحه لا
ليل...يلا هنسيكم بقي وشويه ونرجعلكم
البنات ماشي
خرج ليل والشباب راحوا عالشاليه.
خدوا شاور وناموا شويه
اما البنات فا كل واحده فيهم فضت شنطتها
عشق...انا خلصت ماتيجوا نريح شويه مش قادره
تمارا...بقولك ايه انا هنام معاكي فالاوضه هنا
زهره.. لا انا اللي هنام مع عشق
نور...مفيش الكلام ده انا اللي هنام هنا اصلا
عشق....وانتوا سايبين الاوضه التانيه وجايين كلكم تناموا هنا
تمارا...عشق بقولك ايه انا بسمع ان الاماكن بتاعت المصايف دي بيبقي فيها عفاريت عشان الشقق والشاليهات طول السنه بتبقي مقفوله وانا لو قطعتي رقبتي مش هنام غير هنا.
عشق...يابنتي هترعبي امي ليه ما المكان شكله حلو والمنظر ادامه جميل والدنيا اصلا زحمه فين بس العفاريت
تمارا...انا قولت اللي عندي وربنا ما انا خارجه
زهره...ولا انا
نور..نطت جمبهم عالسرير ولا انا
عشق...نايمه في وسطهم يعني يرضي مين بس يارب ننام كلنا علي سرير واحد كده
تمارا...وهي مغمضه عينها بقول ايه بطلي كلام بقي عايزه انام شويه
عشق..نامي يا اختي
غمضوا البنات عينهم وهما نايمين في حضن بعض.
تمارا...يابنات
عشق..زهره...نور...اممممم
تمارا...جاسر لمحلي بالارتباط
عشق...ازاي
تمارا...اعترفلي انه بيحبني
عشق...قديمه هاتي الجديد
فتحت تمارا عينها وقامت شويه صغيره وهي سانده علي دراعها هو ايه اللي قديمه
عشق...يعني ذكلكم مفضوح اوي للي مبيشوفش
تمارا...بجد🤔
زهره...يابنتي احنا عرفنا كل حاجه من غير ما تتكلمي.
تمارا...بس هو قاللي ان قريب هنكون مع بعض ويبعد عن السمجه اللي اسمها هايدي.
زهره...علي فكره شكلك بيحبك بجد
تمارا...بجد والنبي
نور...ايوه باين عليه فعلا
رجعت تمارا نامت في حضن عشق وغمضت عينها وهي مبتسمه
نور....نوح قاللي انه بيحبني من زمان وانا مكنتش اعرف كنت فاكره اني بحبه من طرف واحد
تمارا....طل ليه مقالش من زمان وليه كان ساكت
نور...مش عارفه يا تمارا بس انا فرحانه اوي
زهره...بنوم..برده مش هنسالك الموقف اللي حطتيني فيه
تمارا...ياختي اتنيلي وانتي قفشتيهم في اوضه
ضربتها عشق علي دماغها اتلمي شويه بقي
ضحكت نور وهي مغمضه عينها.
وسكتوا شويه.
😴😴😴😴😴😴
عشق... ليل قاللي بحبك
فتحوا البنات عينهم بسرعه😳😳😳😳😳😳😳
وقاموا كلهم مره واحده بصوا لعشق
عشق...ايه😳😳بتبصولي كده ليه صرعتوني
تمارا...انتي قولتي ايه
نور...احنا سمعنا صح...مش كده
زهره...بيحبك ازاي
عشق...بابتسامه بيحبني
تمارا...وانتي قولتيله ايه
عشق...باحراج انا بقول ننام عشان شويه وهيجوا
تمارا . مسكتها استني هنا نامت عليكي حيطه انتي يابت ازاي متقوليلناش
عشق...مانا قولتلكم اهو
نور...المهم انتي قولتيله ايه
عشق...سكتت وهي بتلعب في صوابعها وبصتلهم...قولتله اني بحبه
تمارا...😳😳😳بت انتي بتسرحي بينا صح
زهره...اه بتسرح عشق تقول لحد بتحبه دي كده تبقي بجد بتحلم
عشق...انا فعلا بحبه يمكن مقولتش لاي حد فيكم قبل كده بس كنت خايفه اعلق نفسي بحاجه مش ليا بس هو قاللي انه بيحبني وانا مش قادره اخبي اكتر من كده
تمارا...بفرحه اه ياجزمه فرحتي قلبي اقولك علي حاجه
عشق...قولي
تمارا...كنت واثقه انكم هتحبوا بعض
عشق..اشمعني
تمارا...معرفش بس نظراتكم لبعض وخصوا ليل طول الوقت فالشركه مش بيشيل عينه من عليكي
زهره...علي فكره وانا كمان يوم الشباب اللي اتهجموا عليكي كان هيتجنن كان سايق بسرعه ترعب واحنا وراه ومرتاحش غير لما الدمتور طمنه شويه.
نور...ويوم ما مشيتي من الحفله كان بيسأل عليكي كأن بنته تاهت منه
تمارا.حضنتها انا فرحانه اوي بجد
نور...وانا كمان
زهره...انا بقي فرحانه اكتر منكم عشان انتوا مبسوطين
تمارا...فاضل انتي يا مضروبه نفرح بيكي
نور...بس انتي ترتبطي بأدم واد حليوه وزي القمر وشكلك بيحب النوم بيحب الاكل هادي مؤدب فوله واتقسمت نصين
زهره...اه داخلين احنا علي عيله السيوفي مكتسحين مش كده
تمارا...اتنيلي هو يلاقي احسن منك
زهره...رجعت نامت جمبهم...بصوا انا يعني حاسه كده انه
قاموا البنات تاني بسرعه بصولها انه ايه😳
زهره...فيه ايه ريا وسكينه😂😂😂
تمارا...انطقي يا مخفيه انه ايه
زهره...معرفش بس كلامه نظراته كده يعني حساه عايز يقول حاجه وساكت
عشق...طب انتي ايه
تمارا...اه انتي ايه
زهره...مش عارفه بس انا ببقي مبسوطه معاه
نور...يبقي السناره غمزت مبروك يا زهورتي
تمارا...علي خيره الله
عشق...مانفوم نزغرط ونرقص بقي ونشغل الدي چي😒
بت يا زهره..اتقلي كده واوعي تبينيله حاجه غير لو اتكلم
زهره...يا ستي اسكتي هو حتي لو انكلم انا هسكت ومش هبينله اصلا ما انتي عرفاني فالحجات دي لخمه
تمارا...طيرت العريس بنت الفقريه لا بقولك ايه لو نطق انطقي بدل ما افتح دماغك
زهره...ياساتر
عشق...بابتسامه تخيلوا كده يا بنات لو كلنا اتجوزناهم وفضلنا مع بعض علي طول
تمارا...ونتخيل ليه ان شاء الله هيحصل وقريب كمان بس ابوس رجلك من هنا لحد ما يحصل ماتناميش يا بومه😡😡
ضحكت عشق بصوت عالي وضحكوا معاها البنات وراح من عينهم النوم فضلوا يضربوا بعض بالمخدات ويجروا ورا بعض ..
عدي الوقت...بسرعه
......
نووح...يلااااا اصحواااااا جايين تناموا يلا فضل نوح يطبل بايده عالباب .ويغني
ليل...ياض يا ابن الجزمه اخفي من ادامي هقتلك
جاسر...ينعل ابو منظرك امشي يلا بدل ما اقوم اعلقك عالباب ده
ادم....جه من الاوضه وهو بيضحك وباين علي عينه النوم...مصحصح انت ما البيه نايم وعلي كتفه الموزه ورايحين فالنوم
فتح جاسر عين واحده موزه ايه ياض اللي نايمه علي كتفك
نوح...وهو بيجز علي سنانه لادم..يلعم بيهزر ده لسه صاحي تلاقيه بيحلم.
ادم...بضحك والله ابدا نايم ونور علي كتفه وايدهم في ايد بعض وطايرين.
ليل...فتح عينه..قولتلييييي بقي عشان كده نوح باشا فايق ومروق عالاخر ماهو نايم هو والموزه وبيحب كمان.نهار ابوك اسود قام ليل وقام معاه جاسر اول ما نوح شافهم😳😳😳 أشهد ان لا إله إلا الله الجري نص الجدعنه
وجري نوح بسرعه من ادامهم وهما وراه..خرج من باب الشاليه وهو بالشورت ومش لابس تيشرت
ليل...هليك بقي بره بمنظرك ده يا حيلتها.
نوح ..بضحك طب نتفاهم
جاسر...ابدا
نوح...عيب انا بيتهزلي شنبات🙄
ليل...خلي الشنبات تشوفك كده 😡
نوح...عيب برستيچي😎 طب بص مش عشاني عشانك انت ده فوشك تخيل كده صحفي ياخدلي صوره بالبوكسر ويقول اني اخو ليل السيوفي🤔
ليل...اخوك وشه مكشوف ياض وبعدين كل واحد بيشيل شيلته انا مالي وانا اللي واقف بالبوكسر
جاسر...خايف علي شكلك تعالي
نوح...مانا لو جيت برده شكلي هيبوظ😂😂😂
ادم...دول هينفخوك وهيبوظوا ملامحك
نوح...ابعدوا بقي لا حد من البنات يصحي ويشوفني بمنظري ده
جاسر...حد من البنات بردو ولا الموزه
نوح...ماتتلم ياض ايه الموزه دي😡
جاسر...بتقولي انا كده
نوح...😎😎لا انت حبيبي
ليل...يارب يشوفوك كده يا تدخل باحترامك يا اما هتصل بيهم اقولهم يبصوا عليك
نوح...بضحك وربنا اللي بيحصل ده عيب
ادم...انا لو مكانك ادخل وامري لله
نوح....انت شايف كده🙄
ليل...انا كمان شايف كده وعشان تحرم تصحيني وانت عارف ان دي اكتر حاجه بتعصبني
نوح...ياعم انت مش لسه قايلهم احنا مش جايين ننام
ليل...اه بص مقولتش اننا نصحي بعض زي الحمير
نوح...هي حصلت حمير كمان.
أشهد ان لا اله الا الله
راح نوح ناحيتهم ...بصوا خليكوا حنينين بلاش فرهده الله يباركلكم وقبل ما يتكلم كان جاسر وليل كل واحد مسكه من كتفه زي الحرامي ودخلوه جوه الشاليه وقفلوا الباب.
نوح من الداخل..
حررررااامت الحقني يا اددم
ادم...بضحك ولا اعرفك
..........استنوني باحداث تجنن
مابين الحلم والحقيقة (دار الايتام 2)
البارت الثالث والعشرون..
بعد هزار الشباب وضربهم في نوح..قرروا يلبسوا ويجهزوا عشان يروحوا ياخدو البنات ويبتدوا يومهم..
لبس الشباب تيشرتات كت وشورتات البحر وكوتشي خاص بالسباحه...لبسوا نضارات الشمس
كان شكلهم يجنن واجسامهم ترعب😍
خرجوا من الشاليه.
اتصل ليل بعشق
عشق...الوو
ليل..صحيتوا
عشق..احنا منمناش اصلا الرخمين دول معرفتش انام منهم
ليل...طيب ايه جهزتوا ولا ناويين تضيعوا اليوم.
عشق...لا خلاص لبسنا ومستنينكم
ليل...طب يلا يا حبيبي افتحي الباب احنا جايين
عشق...حاضر❣️
وصل ليل والشباب كانت تمارا ونور واقفين ادام الباب.
اول ما شافوهم تنحوا اول مره يشوفوهم بلبس زي ده اول مره يشوفوهم بالشكل ده
علر اد ما البنات كان شكلهم فالمايوهات يجنن وشيك وشبه بعض لكن الشباب كان شكلهم يخطف اكتر بكتير
جاسر...ايه الحلاوه دي 😉😉
تمارا...بجد حلو
جاسر...والله شكلكم حلو اوي وانتوا شبه بعض كده
نور....لا ده كلنا مش انا وتمارا بس
نوح....بقيتوا توائم يعني
نور...امممم يعني حاجه زي كده
خرجت زهره وهي محرجه..صباح الخير
الجميع صباح النور
نوح ..اهي التالته بتاعتهم ظهرت 😂😂😂😂شكلكم مسخره
تمارا...نعم يا سي نوح ماله شكلنا
جاسر...اهدي ياوحش الحته يقصد حلو يعني
نوح....هو انا الحيطه المايله بتاعتكم ياجدعان🤨🤨
ليل...فين عشق
تمارا...تلاقيها بتأمن عالشاليه😂😂😂ماهي دي عندها وسواس لازم تأمن علي كل حاجه قبل ما تخرج
نوح....بضحك زميلة ماما😂😂 زمان لما كنا بنسافر كلنا كانت بتشل ليل ويفضل ليل يقولها هلاص يا امي ابوس ايدك والله هأعد ومش هسافر😂😂😂
ليل....هو في زي سهام دي كرهتني فالسفر😏
ادم...الحق عليها بتأمن عالبيت قبل ما تمشي
ليل...ما انت طالع موسوس زيها انت كمان.
زهره...على فكره هي مش عاده وحشه بالعكس يعني ده أمان احسن لاقدر الله يحصل اي حاجه
ادم...قوليلهم والنبي اصل دول مافيش اي حاجه في حياتهم غير التريقه
ليل....في فرق بين اني اطمن ان كل حاجه تمام وامان واني يكون عندي وسواس قهري...ده لوحده كارثه ممكن من كتر الشك والقلق تنسي حاجه وتتسببي في كارثه لا قدر الله زي امي كده
ادم...لا انا بأمن بس مش لدرجه الوسواس القهري سهام ملهاش زي
ليل...لا انت اهون شويه
تمارا...اهو الوسواس القهري ده بقى عند عشق عى طول قلقانه ومتوتره وبتوترنا معاها...
ظهرت عشق فالوقت ده بلون عينها اللي يشبه السما والبحر وشكلها اللي يخطف بالمايوه...
عشق...جايبه في سيرتي ليه
كانت حاسه عشق بالاحراج وحاسه انها مش على بعضها خصوصا بسبب نظرات ليل ليها..
نوح...اوباااااا الرابعه جت
عشق...رابعه ايه
نوح...انتوا مش عاملنلي فيها توائم ولابسين زي بعض😂😂😂
تمارا....بص عشان نكون حقانين عشق هي اللي اختارته وعجبنا كلنا وقررنا نجيب زي بعض يعني ده زوق عشق😍
ليل كان واقف ساكت على شفايفه ابتسامه خفيفه اما عينه كانت بتاكل عشق من ورا النظاره😉
جاسر....بتعملي ايه كل ده يا عشق جوه
عشق...ولا حاجه كنت بس بأمن وراهم خصوصا ورا تمارا ونور الاتنين دول محدش يعتمد عليهم يضيع نفسه
تمارا...انا😳
عشق....ايوه انتي ياللي كنتي بتتريقي عليا من شويه حضرتك شديتي الموبايل من الشاحن وسبتيه في الكهربا ونازل حرفه على كوبايه مايه😡😡
نوح...يا نهار اسوووود متقوليش كده ادام أدم والنبي عشان حاسس بضيق التنفس اهو😂😂
ادم...وبتتريقوا عليها اهي انقذت كارثه
عشق...قوللهم بقى
ليل....طب ايه هنفضل واقفين كده ولا خلصتي خلاص
عشق...بضحك لا خلصت على اد ما قدرت بس لو حصل حاجه مليش دعوه انا حاولت علي اد ما اقدر انقذ الموقف
ليل...بأبتسامه طب يلا وسبيها علي الله بدل ما ابعتك لسهام هي موسوسه زيك كده🤨
عشق...بقي كده ماشي صحيح ليه مش جبتها معانا
ليل...والله قولنالها بس مش رضيت قالتلب اهم حاجه نوح رايح معاكم انا كده تمام
ضحك البنات.
نوح...وحيات امك سهام قالت كده
جاسر...ليه انت مشوفتش السعاده اللي مانت مرسومه علي وشها وانت بتخرج شنطتك
نوح...ايه ده هي كانت مبسوطه عشان كده🙄🙄
ادم...😂😂😂
ليل...يلا بقي عشان منتأخرش
تمارا...هو البحر بيشطب بدري ولا ايه
جاسر...بيشطب🙄🙄🙄هو محل🤨
تمارا...بضحك مش هو اللي بيقول
ليل...انا مش هرد عليها عشان لو رديت هزعلها
جاسر...بضحك صراحه حقك😂😂😂
تمارا...بضحك طب هو ايه اللي عشان منتأخرش افهمها ازاي دي
نوح....اصل في يخت مستنينا مش عايزين نتأخر عالراجل اللي اعد مستنينا وهيدخلنا جوه ده
نور...هو احنا مش هننزل البحر
نوح...لا هننزل بس اكيد مش هننزل عالشط كده
تمارا...استني استني كده هو ابه الثقه الانتوا فيها دي هو انتوا فاهمين اننا اصلا هنعرف نعوم عالشط لما مأجرنلي يخت يدخلنا فالغويط😒
جاسر...يشطب وغويط ومأجرنلي😒😒😒😒😒😒انصحك ابعدي عن ليل عشان هيلعب في وشك البخت😂😂😂😂
ليل...😒😒😒😒اليخت ده بتاع ادم مش مأجرينه والبحر مش هيشطب بس الراجل اللي هيسوق اليخت ده مستنينا من ساعه مينفعش نفضل مأخرينه كده اما بقي حوار غويط ده مقصود عشان لما ندخل البحر أغرقك واخلص من لسانك ده
تمارا...🙄🙄🙄
زهره وعشق ونور كانوا ماسكين نفسهم بالعافيه.
نوح...طب تصدق بالله اهي تمارا دي شبههي 🙄
ليل...سبحان الله نفس اللسان😒😒يلا ادامي
مشيوا مع بعض عالبحر
ليل....لعشق ايه القمر ده
عشق...ابتسمت باحراج وسكتت
ليل...مالك بصالي كده ليه
عشق...مفيش بس شكلك حلو اوي
ليل...🤨اوي
عشق...اممم اوي اول مره اشوفك لابس لبس غير الشغل وغير الچينز
ليل...كده احلي هاا😉😉
عشق...رخم
ليل...شكرا😉
وصلوا الشباب عالمارينه مكان اليخت ركبوا كلهم. ودخلوا جوه
وبعد مسافه مش صغيره عن الشاطئ وقف اليخت.
وابتدوا الشباب يقلعوا التيشرتات
وده كان حال البنات
😳😳😳😳
جاسر...بضحك ايه ياليل هنبدأ بمين فيهم نحدف مين الاول😎
ليل...هو في غيرها تمارا طبعا 🤨
تمارا...تحدفوا مين انا كوره😡
جاسر...ياتنزلي بالزوق يا هتتحدفي يلا ورينا السمكه اللي بتلعب فالميه
تمارا...بضحك😂😂 هو انت متخيل اني سواء نزلت بالزوق او اتحدفت انا هظهر انا هنزل لتحت علي طول
ليل...ماهو ده المطلوب😎عشان نخلص بقي
تمارا...لا والنبي ما تهرجوش انا والله ما بعرف اعوم
جاسر...خلاص يا خوافه احنا بنهزر
زهره....انا عن نفسي مش نازله استحاله طبعا انت ا شايفين احنا بعدنا اد ايه يعني مفيش ارض اصلا تحت
ادم...علي فكره مش معني اننا بعدنا اوي كده تبقي الارض بعيده بالعكس المكان هنا واطي بس بيفرق غن بره ان الميه انقي وافضل كتير
نوح....اهو بتاع عالم البحار قالكم اللي فيها
ادم...بضحك وهو بيضربه يا اخي بقي والله ما حد عايز يتحدف غيرك
زهره...انتوا مش فاهمين كل اللي بتقوله ده كويس بس احنا حقيقي مش بنعرف نعوم
تمارا...انا ممكن انزل بشرط
جاسر...اللي هو
تمارا...تجبولي عوامه🙄
جاسر....نسيت اخد حبايه الضغط
تمارا...بضحك طب اعملك ايه والله ما هعرف
ادم...تعالوا بس كده ننزل تحت هنا وانا هوريكم انه تمام وعموما في هنا لايڤ چاكت لو حابين تلبسوه
راح ليل يكلم سهام يطمن عليها لحد ما يخلصوا...
زهره...اهو كده ممكن انا موافقه
ادم...طيب لحظه واحده طلع ادام بسرعه جابلهم لايڤ چاكت واداهم كل واحده فيهم واحد لبسوه
ونزلوا تحت
ادم...يلا انت هنزل وانتوا ورايا تمام
تمارا...تمام علي حسب🙄
جاسر...😂😂😂😂
نط ادم اول واحد وبصلهم شاورلهم بايده عشان ينزلوا
ونط وراه نوح
نوح...يلا الميه تحفه بطلوا خوف بقي
زهره...انا ممكن اجرب
نوح...ايوه كده
عشق...انتي يا زهره انتي اكتر واحده بتخافي فينا🙈
ادم...اهو بعد الجملتين دول المفروض تنزلي وتثبتيلهم العكس
زهره...بخوف انت شايف كده
ادم...يلا متفكريش كتير هتخسري وبعدين انا ونوح فالميه مش هنسيبك تغرقي يعني
زهره طيب انا اكيد مش هنط
ادم...لا اعدي عالحرف كده وانزلي براحتك
زهره ...ماشي اعدت زهره علي الحرف اللي خارج للميه ونزلت رجلها قري ادم منها ومدلها ايده مسكت فيه وغمضت عينها ونزلت براحه واول ما نزلت خدت نفس طويل
ادم...ايه رأيك الچاكت بردو ظابطك شويه صح
زهره..اه تمام بس والنبي متبعدش
ادم...متخافيش انا جمبك اهو بس بصي هسيب ايدك واحده واحده وعيشي بقي تمام
زهره...تمام بس متبعدش
ادم...ياستي والله جمبك..ساب ادم ايدها براحه لحد ما اطمن انها واقفه تمام ومبسوطه
تمارا...بت يا زهره ايه هتغرقي
نوح...دي بتسالها😂😂
زهره...لا والله انزلوا الميه تحفه
ادم...علي فكره هي اشجع منكم وخصوا منك يا وحش الحته😂😂
تمارا...مين دي بس بس انت مشوفتنيش وانا بعوم قبل كده شكلك
جاسر...بضحك انتي مش لسه قايله مش بعرف اعوم
تمارا...استر عليا🙄
جاسر...حاضر😉
نور...طب انا هنزل وامري لله
نوح...ايوه كده يلا تعالي
اعدت نور زي زهره ومسكت في ايد نوح ونزلت
نور...يلا تمارا انتي وعشق والله الميه حلوه اوي
جاسر...يلا ولا انزل واسيبك
تمارا...طب انزل انت الاول
جاسر...لا هتنزلي الاول يا تمارا يا اما والله هحدفك
تمارا...جاسر انا هايفه وربنا برستيچي هيبوظ ادام العيال دي
جاسر...بضحك احسن يلا انزلي
تمارا...طب متزأش براحه
جاسر...اخلصي🤨🤨
اعدت تمارا براحه عالحرف
نط من جمبها جاسر وقرب منها مدلها ايده مسكت فيه ونزلت
تمارا...الميه ساقعه عاااا😫
جاسر....الوقت هتاخدي عليها المهم واقفه كويس
تمارا...بدلع يعني
جاسر...يعني كويس اسيبك ولا لا
تمارا...يعني🙄
جاسر...بضحك يابت اتعدلي 😉
تمارا...امشي يارخم خلاص واقفه كويس
جاسر...لا خليني احسن تغرقي ولا اللايڤ چاكت يسرب ولا حاجه
تمارا...لا ملكش دعوه
جاسر...طب خلي بالك عشان في سمك احسن يعضك من رجلك😉
مسكته تمارا من كتفه بسرعه استني بس انت بتصدق كده علي طول🙄
جاسر...😂😂😂كان من الاول جبانه..لا بجد متخافيش انا بهزر اقفي يلا لوحدك وجربي كده
سابت تمارا ايده وحاولت تقف كانت مبسوطه ولتحاول تعوم زيهم.
جاسر...عشق فين ليل
عشق...بيتكلم في الموبايل مع طنط لسه
جاسر...طب يلا انزلي
عشق...انا خايفه وبعدين الجاكت ده خانقني ميتهيأليش هعرف انزل بيه هيخنقني اكتر مع الميه
جاسر...حاولي هما واقفين بيه اهم
تمارا...تعالي يلا متقلقيش والله الميه تحفه وعلي فكره الارض باينه انها مش بعيده اوي
عشق...ايوه ماانا شيفاها استنوا انتوا بس عليا اجمع نفسي كده وهنزل
تمارا...ماشي
فضلت عشق واقفه تتفرج عليهم ومبسوطه وهي شيفاهم بيلعبوا وبيرخموا علي بعض وبيضحكوا.
سرحت عشق مع الاغاني اللي شغاله كانت اغنيه عمرو دياب خليك فاكرني..❣️
البحر مع الهوا مع الاغنيه كانوا مخليين عشق في مكان تاني
جه ليل من وراها ايه القمر بتاعي سرحان في ايه
عشق...ولا حاجه بس الجو حلو اوي وبتفرج عليهم
ليل...طب ايه مش يلا ننزل معاهم
عشق...لا انا خايفه واللايڤ چاكت ده مضايقني
ليل..خلاص اقلعيه
عشق ..مانا لو قلعته مش هعرف انزل
ليل...متخافيش مش هسيبك وهفضل ماسكك
عشق...ولا دي كمان تنفع
ليل...ليه بقي ان شاء الله
عشق...عشان طول مانا معاك ادامهم بحس اني متوتره وعامله عامله وبحس انهم مركزين معايا
ليل...وانتي عارفه ان حاليا كل واحد بقي في دنيته ولا انتي مش ملاحظه انهم قربوا من بعض
عشق...ملاحظه طبعا بس انا مش بعرف اتعامل طول مانا حاسه اني مش علي بعضي ومكسوفه من نظراتهم ليا
ليل...بسيطه يا ستي دي انا هحلها قريب
عشق...تحل ايه
ليل...يعني الكسوف وانك متوتره بسبب نظراتهم وانك حاسه انك عامله عامله
عشق...ودي هتحلها ازاي بقي
ليل...لا دي بقي سبيهالي لما نرجع القاهره ان شاء الله
عشق...سر 🤨
ليل...يعني حاجه زي كده.المهم يلا انزلي بقي واطمني يا ستي محدش فيهم الوقت مركز معاكي
عشق...طيب هو انا لو قلعت الجاكت ده عادي
ليل...بصي انزلي بيه الاول لقتيه تمام خليكي بيه مضايقك حاولي تقلعيه فالميه وجربي من غيره يلا بقي البسبه الاول ويلا ننزل
عشق... طيب يلا قلعت عشق الكاش مايوه مسكها بسرعه من أيدها وهو باصصلها بغضب البسي الكاش ده تاني
عشق...هو احنا مش هننزل
ليل...هتنزلي بيه
عشق...انزل بيه ازاي هيتبل
ليل...مايتبل مش هتنزلي بالمايوه لوحده كده ايوه بس لما نيجي نخرج هخرج ازاي ادام الناس وهو ماسك فيا من الميه كده خلاص اقلعيه تحت شويه وسبيه عالحرف اول ما تطلعي تلبسيه بسرعه
عشق....😒😒حاضر
ليل.. 🤨🤨يلا
نزلت عشق معاه الميه كانت واقفه تمام بس الچاكت كان مضايقها
ليل...ايه تجربي من غيره
عشق....ياريت حاسه اني مش عارفه اخد نفسي منه
ليل...طيب فكيه وجربي
حاولت عشق تفكه مكانتش عارفه ليل...تمارا
تمارا..نعم
ليل...ساعدي عشق تفك الچاكت
تمارا...ايه ده بتقلعيه ليه
عشق...مش قادره اتنفس بيه
تمارا...بس مش هتعرفي تقفي
عشق..هحاول لو معرفتش هطلع
تمارا.. لا تطلعي ده ايه بلاش رخامه هو مضايقنا كلنا بس واقفين وخلاص
زهره...عشق بتتخنق بسرعه ياتمارا ونفسها بيروح من اقل حاجه
ركز ليل في كلام زهره وافتكر لما تعبت لما البلطجيه دخلوا عليها وكتموا نفسها...
فكت تمارا الچاكت...شوفي كده بقي
مسكت عشق في حرف اليخت اللي بيطلعوا منه..يعني تمام تمارا طيب خليكي بقي ماسكه كويس استني هضرب نور وارجعلك😒😒
عشق...بضحك ماشي😂
نور....ابعدوها عنيييي
تمارا...وديني لا اغرقك
ليل قرب من عشق هاتي ايدك و
متخافيش
عشق..لا خليني واقفه كده كويس
ليل...عشق هاتي ايدك
عشق...باحراج ليل مش هينفع عشان
ليل...بغضب بسيط بقولك هاتي ايدك.
مسكت عشق ايده باحراج وخوف من عصبيته..
أبتسم ليل...🤨🤨ما بتجيش غير بالعين الحمرا
عشق...علي فكره انا بجد زعلانه منك انا لسه مفهماك فوق اني محرجه منهم وانت مصمم تحرجني اكتر
ليل...ياحبيبي انا مش مصمم احرجك ولا حاجه بس هما كل واحد في دنيا تانيه وكلهم مبسوطين ومش مركزين اصلا معاكي وبعدين هو احنا بنعمل ايه انا ماسك ايدك مش اكتر
عشق...😔
ليل...عشق
عشق ..نعم😔
ليل...بحبك
بصتله عشق بطرف عينها وهي مبتسمه وانا كمان
قضوا اليوم فالبحر والكل فك والخوف راح من البنات واندمجت عشق مع ليل ونسيت احراجها وكأنهم في دنيا لوحدهم واندمجت كل بنت فيهم مع فارس احلامها عدي اليوم وسط ضحك وهزار ولعب وسعاده وحب...
بعد وقت طويل ابتدت الشمس تروح طلعوا من البحر اعدوا شويه
كانوا مرهقين
ليل...يلا نطلع بقي عشان نروح نتغدى ونخرج
جاسر...انا جعان جدا
نوح..طب يلا نرجع ناخد شاور بسرعه ونروح نتغدي ونبدأ احلى سهره
خرجوا من البحر وراحوا كل واحد فيهم عالشاليه عدي حوالي ساعتين
كانوا البنات خدوا شاور ولبسوا وحطوا ميكب واتقابلوا مع الشباب وراحوا في مطعم شيك جدا اتغدوا وظبطوا نفسهم وراحوا علي كافيه كبير بيتعمل فيه حفلات وفقرات غنائيه
الجو كان جميل والضحك مكانش مفارقهم ملامحهم خصوصا بسبب نوح وتمارا..
وفجأه وفي وسط ما هما اعدين 🙄😁
 #البارت_الثاني_والعشرين_والثالث_والعشرون مدونة #موسوعة_القصص_والروايات وفي كل مره اخطوا خطوه…){kind=link}
تعليقات
إرسال تعليق