 |
#مابين_الحلم_والحقيقة (دار الايتام 2)
#البارت_الرابع_والعشرون_والخامس_وعشرون
مدونة #موسوعة_القصص_والروايات
بعد ما خرجوا الشباب كلهم واتغدوا راحوا سهروا في مكان يجنن الجو كان جميل والضحك مكانش مفارقهم ملامحهم خصوصا بسبب نوح وتمارا
وفجأه وفي وسط ما هما اعدين
اتفاجئ البنات من اللي جايه عالشباب..وبتكلمهم
يخربيتك يا جاسر هو انا مش ههرب منك ابدا😂😂
جاسر...ميرنا يخربيتك يابت انتي ورايا ورايا سلم عليها جاسر وباسها
نوح...ميرنااا انتي جيتي امته
ميرنا...نووووح وحشتني اوي قربت منه وباسته عامل ايه اخر مره شوفتك كان من اربع سنين في لندن
نوح...عامله ايه
ميرنا ...انا بخير الحمد لله
ليل...يخربيت عقلك مجنونه زي ما انتي
ميرنا...واحشني يا بيج بوص الله
ليل...انتي اكتر ياميرنا والله
سلمت عليه ميرنا وباسته
وقربت من ادم..ازيك يا ادم
ادم....يعني ياربي مش كفايه عليا مجانين تبعتلي اكبر مصيبه في الدنيا
ميرنا...اخص علييييك طب بزمتك موحشتكوش
جاسر...انا لا لسه شايفك من مده
ميرنا...اه بس كنت لوحدك من غير مربع الرعب انا مبسوطه اوي والله لما شوفتكم مصدقتش قولت استحاله اشوفكم في كل سفريه كده صحيح مش تعرفونا عالموزز الحلويين دول
جاسر...يابت اتلمي بقى
ميرنا...اااه يخربيت ايدك وبعدين انا غلطت في ايه وربنا موزز
ابتسموا البنات رغم غيرة كل واحده فيهم منها.
جاسر....دي تمارا طبعا شوفتيها قبل كده
ميرنا...طبعا ازيك يا تمارا عامله ايه
تمارا....ازيك يا ميرنا
نوح ..ايه ده انتي شوفتي تمارا فين يابت ولما انتي شوفتيها مجتيش ليه
ميرنا...والله ابدا انا شوفتهم في شرم لما كانوا في شغل
جاسر....دي زهره
تمارا...هاي زهره
زهره...اهلا يا ميرنا
جاسر...ودي نور ودي عشق
ميرنا...هاي يانور هاي عشق...ايه ده اسمك عشق
عشق...ايوه
ميرنا...ايه ده الله اسمها حلو اوي
عشق...ميرسي يا ميرنا انتي احلى
ميرنا....اللانسيز اللي انتي لبساها تجنن قوليلي بسرعه درجتها ايه عشان كل ما اجيب واحده زرقا احس اني كلب هاسكي في نفسي
ضحك عليها الكل..😂😂😂
نوح...بيعجبني فيها صراحتها اللي قتلاها دي عى طول
ميرنا...اكدب يعني🤔🤔
ادم..ودي تيجي بردو
عشق...دي مش لانسيز يا ميرنا ده لون عيوني
ميرنا...ايه ده ماشاءالله بجد حلوه اوي والله انا مش بحسد
عشق...بضحك لا خلاص براحتك
ليل...انت متأكد ان البت دي متعلمه بره
جاسر...ورربنا ما متأكد 😂
ميرنا.. لا اصل لون عنيها جامد
ليل....نعمممم
ميرنا..في ايه يا عم ماقولنا ما بحسدش انا بشكر فيها 🤔🤔
جاسر....مسكها من راسها وهي واقفه في ايده..اعرفكم يا بنات بالمصيبه دي...ميرنا بنت خالي للاسف
ميرنا...🙄🙄🙄هو ايه اللي للاسف انت تطول
جاسر....يابت انتي لسانك اطول منك
ليل...بتعملي ايه هنا ياميرنا وجيتي امته اصلا
ميرنا...طب اعدوا يا جماعه مالكم واقفين كده ليه زي بيتكم بردو😁
نوح...رخمه رخمه يعني
ميرنا...ايه تقصد توزعني وكده لا بقولك ايه انا على قلبكم انا جايه هنا لوحدي وزهقانه
جاسر...امال فين صحابك
ميرنا...طب استى بس ياعم ارد عالراجل اللي سألني ده
ليل...اللي هو انا صح
ميرنا...😁😁
ادم....لاسعه😂
ميرنا...شكرا ياذوق 😒 بص بقى ياسيدي انا نازله هنا من حوالي شهرين مقضياها سفر وفسح وكنت مع صحابي شافهم معايا جاسر يوم ما قابلته هو وتمارا...
بس اتخانقت معاهم وقولتلهم اني مسافره تاني لندن بس بصراحه انا مش حابه ارجع عالاقل الوقت انا كنت نازله وناويه اني اعمل اي حاجه عايزه اشتغل اعمل مشروع وبصراحه نفسي اعمل حاجه هنا زهقت من السفر اوي وطبعا لما سبتهم واتخانقت معاهم معرفتش اسافر فجيت هنا ولسه واصله امبارح الفجر قولت افضي دماغي شويه في هدوء عشان اعرف افكر واشوف هعمل ايه الايام الجايه.
نوح...وجايه تفضي دماغك هنا بقى في النايت كلاپ
ميرنا...يعني معشليش يومين🙄
ليل...وماله عيشي المهم انتي عايزه تعملي ايه يعني وليه مجيتليش اشوفلك شغل انا ولا جاسر
ميرنا...والنبي ياليل اسكت هشتغل ايه معاكم ديزاين🤔
ضحك الجميع عليها وعلى خفه دمها وحضورها
نوح....الله يخربيت دماغك يا شيخه يا بت هتشتغلي اي حاجه بدل ما انتي اعده عاطله كده
ميرنا...انا نفسي احقق نفسي يانوح عايزه اعمل حاجه والمشكله اني مش عارفه انا عايزه ايه
عشق....لازم تعرفي تحددي هدفك عشان تقدري توصليله ياميرنا مينفعش تبداي شغل غير لما تحسي انك ممكن تكوني حاجه فيه
ميرنا...لجاسر...هي تعرف دادي ولا ايه🤔🤔
جاسر...اشمعنى😂
ميرنا...اصل الجمله دي قالهالي من شهرين وهو بيوصلني للمطار
ليل...عشق بتتكلم صح على فكره طول مانتي مشتتة كده مش هتعرفي تبدأي بالعكس كل الفلوس اللي معاكي هتسحبيها ومش هتعملي حاجه وهترجعي تاني لندن ايد ورا وايد ادام
ميرنا...طب اعمل ايه
ليل...فكري شوفي انتي عايزه ايه
عشق...بصي ميرنا هقولك على حاجه كل واحد فينا جواه حته هو شاطر فيها جدا ربنا اللي خالقنا كده واكيد انتي فيكي حاجه شاطره فيها
ميرنا...ودي اعرفها ازاي
عشق...دوري جوه نفسك شوفي اكتر وقت بتبقي مبسوطه فيه وانتي بتعملي ايه؟؟
ميرنا..وهي بتفكر🤔 وانا باكل🙄
ضحكوا كلهم عليها.
ليل...عشق للاسف انتي متعرفيش ميرنا يعني بتضيعي وقتك معاها عالفاضي
عشق...بضحك لا والله شكلها لذيذه ودمها خفيف
ميرنا...يالهوي والله انا حبيتك من ساعة ماشوفت جوز العيون دول😁
ليل...الله يخربيتك مش هتشوف تاني يابنتي حاولي تلبسي نضاره ولا حطي ايدك على عينك
ميرنا....عيب على فكره كده هتخلي الموزه تاخد فكره وحشه عني😒
جاسر...تشربي ايه يا مصيبه
ميرنا...انت لسه فاكر ده انا ريقي نشف😒😒
جاسر ...من رغيك يا شيخه
ميرنا...عايزه عصير فراوله
نادى جاسر عالويتر وقاله يجبلها عصير
ميرنا...صحيح بقى انتوا تعرفوا بعض ازاي يعني ولا دول الجو بتوعكم ولا ايه
ليل...يا ابني شيل البت دي من هنا بدل ما احدفها بره
ميرنا...الله مش بستفسر
جاسر....نور بنت حاج محمد شغال معانا فالشركه وتمارا ونور وعشق قرايبه والاربعه بيشتغلوا معانا فالشركه
ميرنا...وهو اي حد بيشتغل فالشركه بيسافر معاكم قول الصراحه بلاش كدب عيب انا خبره
جاسر....انتي ضايعه ياخبره والله😂😂
ميرنا..بصت للبنات طب بزمتكم انا مش بتكلم صح🤔
ابتسموا البنات وسكتوا عالمجنونه اللي اعده ادامهم.
ميرنا...اهم سكتوا والسكوت علامة الرضا😁
جاسر...انتي عايزه ايه يا بت😡
ميرنا...صراحه انا اول واحده هفرح ليك انت بالذات🙄
جاسر....اشمعنى يعني
ميرنا...اقول من غير ما تقلب ولا تضرب🙄
جاسر...قولي يا جبانه😂
ميرنا...بصراحه بقى انا بكره البومه اللي انت خاطبها دي
ابتسمت تمارا بفرحه معرفتش تداريها
ليل...بتحبيها اوي انتي
ميرنا..وهي دي تتحب من انهي اتجاه اصلا بس ابن خالتي شكله ما بيشوفش ياعيني
ليل...والله عندك حق 😂
ميرنا...شوفت بقى وبعدين بص انا صريحه بقى بزمتك القمر اللي جمبك دي ولا هايدي اللي شبه عروسة المولد
حست تمارا كأن حد جاب مايه ساقعه وحدفها عليها من كتر الاحراج ورغم لسانها الطويل اكتفت بالابتسامه وسكتت معرفتش تتكلم
جاسر....قومي يا بت انتي من هنا ومفيش عصير خساره فيكي
ميرنا...هو اللي يقول الحق كده ملوش مكان في البلد دي
ادم...متاخدوش على كلام ميرنا يا جماعه ميرنا كده مجنونه واللي في قلبها على لسانها
ميرنا...بس اتحب وادخل القلب بسرعه😒
نوح...الحمد لله لقيت حد غيري يتحط في دماغهم😂😂
ليل...بقولك يا ميرنا انتي راجعه امته
ميرنا....لندن
ليل...لا القاهره ولا مش ناويه تروحي القاهره
ميرنا...والله ناويه عشان اشوف طنط منى وحشتني جدا وطنط سهام كمان بقالي كتير مش شوفتهم بس بصراحه زي ما قولتلك انا مش عارفه اصلا هرجع امته
ليل...طيب عموما انا عايزك في حاجه كده لما ترجعي او ترجعي اصلا مخصوص عشان محتاجك كده في حوار
ميرنا...طب قول يلا
ليل...انتي يابت مخك ضارب بقول لما ترجعي وبخصوص شغلك يا ستي انتي بس قولي عاللي في دماغك وهيتنفذ فورا
ميرنا...ايه ده بجد
ليل...من امته ليل السيوفي بيهزر🤨
ميرنا...ده رفعلي حواجبه🙄
جاسر...عقبال ما يديكي بضهر ايده..صحيح انتي نازله في شاليه ولا فندق
ميرنا...لا شاليه ايه انا نازله في فندق قادره انا انضف واعمل اكل انا كفايه اوي اني بغير هدومي😒
عشق...بضحك ربنا بيوعدني دايما بنسخه من تمارا🙈
ميرنا...ايه ده هي تمارا خليفتي في الملاعب ولا ايه😂😂
عشق...هي تمارا بس معاكي تمارا ونور
ميرنا...حبايبي حبايبي والله بيفهموا احنا قادرين نتحرك 🤔
تمارا...قوليلهم والنبي احسن عشق على طول هرياني تريقه
ميرنا...بصي اعملي زيي كده ولا تسألي في اي حد ولا كأنهم بينتقدوكي المهم انك مرتاحه🤔
زهره...ابسطي ياتيمو انتي ونور لقيتوا حد دماغ زيكم
ميرنا....مع اني والله بجد وحشني اوي الاكل المصري. تقريبا كده مكلتوش وانا في ابتدائي
زهره...طيب هي مش مامتك مصريه
ميرنا...لا مامي مصريه ايوه بس احنا تقريبا مش بناكل غير في مطاعم بره ممكن ناكل في مطاعم عربيه بس مش مصريه فهماني
زهره...طب ليه مش بتعملكم أكل مصري هي فالبيت
ميرنا...سكتت شويه وابتسمت رغم الحزن اللي غطي ملامحها بسرعه....لا مامي كانت بتعمل احلي اكل بس هي تعبت فتره طويله وبعدين اتوفت من خمس سنين
زهره....بحزن انا اسفه والله ياميرنا مقصدش
سكتوا البنات لما شافوها بان على ملامحها الحزن...وسكتوا معاهم الشباب واتبدلت ميرنا من كتله طاقه ونشاط وتلقائيه في الكلام وشخصيه قويه لشخص أضعف مما يتصوروا وعرفوا ان الشخصيه اللي بتحاول تبان بيها هي قناع وراه حزن وكسره وضعف..
ميرنا...لا مفيش اي حاجه يازهره ربنا يرحمها
حبت عشق تغير الجو ده بسرعه
عشق...طيب بقولك ايه بقى ادام نفسك في الاكل المصري سبيها عليا وانا هأكلك اي حاجه تيجي في بالك ووحشاكي
ميرنا....بتعرفي تعملي اكل
عشق....جربي واحكمي بنفسك
تمارا...عشق اكلها تحفه بجد بتحب تتفرج على برامج الاكل وبتحب تجرب وبتحب تخترع واي وصفه تظهر ادامها عالنت تجربها فينا وبصراحه ولا مره عملت حاجه ومطلعتش حلوه
ميرنا...امممم لا دي جاتلي في ملعبي بقى
جاسر...اي حاجه فيها اكل جايه انتي
ميرنا...طبعا
نوح...الغريبه انك شبه القلم الرصاص😂😂😂
ميرنا...قلم رصاص في عينك ده انا موزه.
نور....بس لو جربتي اكل عشق هتدمنيه وانصحك بلاش عشان مش هتبقي قلم رصاص
نوح...بضحك لا حوشي اللي جربوا وبقوا 100كيلو ماانتوا زيها😂😂😂
تمارا...لا احنا بناكل ومش بنتخن
جاسر...زي القطط يعني تاكلوا وتنكروا😂😂
تمارا....تصدق شكلنا كده🤔
عشق...قولتي ايه ياميرنا
ميرنا...بعد اللي سمعته عن اكلك موافقه طبعا نفسي اكل محشي وملوخيه وكشري وحاجات كتير اوي
ليل...هي طلعالك من فانوس يابت انتي
عشق...ياسيدي سبها براحتها انا موافقه
ليل...ودول هتعمليهم فين ان شاء الله هنا.
ميرنا...لا خلاص لما اجي القاهره ليا عزومه عندك
عشق...عزومه واحده انتي يوميا هتاكلي معانا
ميرنا...اشطا وانا موافقه مترجعيش انتي بس في كلامك
عشق...لا مش هرجع
ميرنا...انتوا صحيح اعدين فين فالفندق ولا في الشاليه بتاعكم
جاسر.. لا انا والشباب فالشاليه بتاعي والبنات في الشاليه بتاع ليل.
عشق....بصت لليل هي ممكن ميرنا تيجي تأعد معانا بدل ما هي لوحدها
ليل...طبعا ممكن لو حابه يا ميرنا تعالي اعدي مع البنات وبعدين يا عشق انتي بتستأذني انتي والبنات حابين كده خلاص طبعا انا مليش دعوه
عشق...قولتي ايه يا ميرنا..
ميرنا...انا معنديش مانع طبعا اكون معاكو بس خليني احسن فالفندق عشان تكونوا على راحتكم
تمارا...راحتنا ايه بلاش عبط وبعدين ما احنا اعدين مع بعض كلنا انتي اللي هتضايقينا
زهره..تعالي ياميرنا بجد احنا مش هنضايق والله بدل مانتي اعده لوحدك كمان نسلي بعض كلنا
نور...واهو بالمره انا وانتي وتمارا نبقى حزب على عشق وزهره😂
ميرنا...بصت لجاسر
هز جاسر راسه بأبتسامه
ميرنا...بصتلهم طيب ماشي بس بجد مش هتضايقوا
عشق...والله ابدا احنا اللي بنقولك اهو على الله انتي بس متتخنقيش من تمارا ونور😂
ميرنا....لا متقلقيش احنا بس هنخليكم تنتحروا😂😂😂
وكويس اني لسه مفضتش الشنطه بتاعتي يادوب فتحتها خدت منها غيار وبس اجي بقى افتحها عندكم😁
ليل...جبتيه لنفسك يا حلوه اهي اتفقت عليكي معاهم.
ابتسمت عشق...شكلي اتسرعت😒
ليل...حاسس😉
خلص اليوم بسرعه و راح جاسر وتمارا مع ميرنا الفندق عشان يجيبوا شنطتها ويخلصوا حساب الفندق ورجعهم جاسر عالشاليه كان ليل وادم ونوح واقفين مع البنات
ليل...ايه خلصتوا
جاسر...اه كله تمام
عشق...اوعي تكوني نسيتي حاجه
تمارا...ياستي ارحمينا بقى منستش وربنا انا لميت معاها حاجتها وكان فاضل شويه اخد ملايات الفندق😒
ميرنا...بضحك حصل😂😂
ليل...يلا ادخلوا ارتاحوا بقى
ميرنا ..انا نورت الشاليه شكلي كده
ضحكوا عليها البنات
عشق...ايوه طبعا نورتي
جاسر...يلا ادخلوا وبطلي يابت رغي معاهم عشان تناموا بسرعه بكره محضرلكم يوم حلو اوي
تمارا....ماشي
ليل...مش عايزين اي حاجه
البنات...شكرا
نوح...لنور بصوت واطي هتوحشيني لحد بكره
نور...بأبتسامه وانت كمان
جاسر...يلا تصبحوا على خير
قلبي عندك يا عشق انتي وزهره من اللي هيتعمل فيكم🙄
عشق...بضحك ربنا معايا😂
ادم...سلام يا بنات
عشق...ليل ممكن لحظه
ليل...طيب اسبقوا انتوا انا جاي وراكم
مشيوا الشباب ودخلت ميرنا مع البنات.
ليل...في ايه يا حبيبي.
عشق...هو انا ممكن اطلب منك طلب يعني لو ينفع مش هينفع خلاص.🙈
ليل...طبعا ممكن وبعدين مفيش حاجه اسمها مش هينفع اللي انتي عيزاه يتعمل على طول
عشق...بحب..واحراج بص هو بكره المفروض عيد ميلاد تمارا وزهره الاتنين متسجلين في نفس اليوم وانا كنت عايزه احتفل بيهم وبصراحه بقى مش عارفه اجبلهم منين تورته وبرده مش في اي حاجه فالشاليه اقدر اعملهم حاجه بيها ولو في مش هعرف اعمل ادامهم عشان نفسي اعملهالهم مفجأه
ليل...بابتسامه حب بس كده بكره ياستي بعد ما نرجع من البحر هتغيروا بسرعه وهنخرج مع بعض ونحضرلهم مفاجأه هتعجبك اوي بس عايز اقولك حاجه
عشق...قول
ليل...جاسر بكره محضر لتمارا مفاجأه حلوه هو عارف تاريخ ميلادها من الباسبور لما سافروا
عشق...بفرحه بجد ياليل
ليل...بجد يا قلب ليل بس ممكن بكره لما نرجع تلبسي انتي بسرعه ونخرج مع بعض بسرعه نروح نجبلهم هديه
عشق...لا خلاص انا جيبالهم هديتهم من القاهره
ليل...ماشي يا قلبي طيب عايزه اي حاجه تاني
عشق.. ربنا يخليك ليا بحبك ياليل
ليل...وانا بحبك يا احلى عشق
بعد وقت بسيط دخلت عشق ومشي ليل عالشاليه.
فضلوا البنات يهزروا ويضحكوا شويه لحد ما حست ميرنا انها خدت عليهم اوي كانها تعرفهم من سنين والبنات حسوا انها طيبه وغيرتهم منها راحت لما شافوها بتتعامل معاهم كلهم كده عرفوا ان دي طريقتها وعلي طول حسوها منهم وبعد فتره اخيرا ناموا البنات وقررت عشق تسيبهم كلهم فالاوضه مع بعض وتروح تنام لوحدها براحه وهدوووووء😍😍😍😍😍
استنوا بارت قوي جدا جدا جدا 😉
مابين الحلم والحقيقة (دار الايتام 2)
البارت الخامس والعشرون....
عشق...يا صباح الفل اخيرا صحيتي
ميرنا...صباح النور ياعشق معلش جيت مشيتك من الاوضه
عشق...قولي جيتي انقذتيني اصل العيال دي خوافه وانا بصراحه مش بحب انام معاهم نومهم زفت
ميرنا....ده كان في حرب😂😂
عشق....هتقوليلي مانا عارفه بس صحيح ايه اللي صحاكي بدري كده انا قولت مش هتصحي بعد الرغي اللي كنتوا بترغوه ده
ميرنا...احنا تقريبا نايمين من 3ساعات بس
عشق....والله انا قولت هيحطوا راسهم عالمخده هيطيرو لاننا جينا من السفر منمناش اصلا ونزلنا البحر وبعدين سهرنا اليوم كان متعب بس دول من الاخر كده مش بيحسوا 😂
ميرنا...هو انتي بتعملي ايه
عشق...بحضرلكم الفطار وقولت اروح اتوضى عشان اصلي ركعتين الصبح واصحيكم تفطروا
ميرنا...بأعجاب انتي بتصلي ياعشق
عشق...ايوه الحمد لله
ميرنا....يا بختك
عشق...ويابختي ليه الحمام هناك اهو روحي اتوضي وتعالي صلي مفيش حد مانعك
ميرنا...مفيش حد مانعني فعلا بس للاسف مش عارفه اواظب عالصلاه خالص مع اني كنت بصلي والله بس بقالي فترة كنت بصلي واقطع وبعدين اقطعت خالص
عشق...شوفي ايه السبب اللي خلاكي تبعدي عن ربنا وحاولي تمنعيه فورا الصلاه جميلة اوي يا ميرنا الصلاة عماد الدين وهي صلة العبد بربه وكفايه انك بتتكلمي وانتي مرتاحه وانتي متأكده انه مش هيطلع سرك مش هيفضحك مش هيقولك غلط وعيب مش هينظر عليكي مش هينتقدك والوحيد اللي هتلجئيله وانتي جواكي مشاكل اد الجبال ومش هيمل من سماعك ابدا ربنا وحده هو اللي مش بعد ما يسمعك هيقولك معلش بالعكس ده هيقف معاكي ويحللك مشاكلك وهتحسي براحه غير طبيعيه بعد ما تحكي وتطلعي اللي جواكي
ميرنا...كلامك حلو اوي يا عشق بتفكريني بمامي الله يرحمها كنت ببقى مبسوطه وانا بسمعها وبسمع نصايحها ليا
عشق...ربنا يرحمها كل ما تفتكريها ادعيلها يا ميرنا هي في مكان احسن كتير الوقت
ميرنا....بدعيلها والله ربنا يرحمها يارب
عشق...يارب
طلعت ميرنا سيجاره
عشق...انتي بتدخني يا ميرنا
ميرنا...اه تقريبا من ساعة ما مامي اتوفت لو هتضايقي اقفلها
عشق...لا خالص يا ميرنا براحتك بس عالاقل نفطر الاول مينفعش تصحي تشربي كده
ميرنا...حاضر يا ستي بقولك ايه انا هروح اصحيهم
عشق...وانا هروح اصلي لحد ما يصحوا
ميرنا...تمام
بعد فتره بسيطه كانوا البنات صحيوا وفطروا مع بعض وخلصوا وفضلوا اعدين يضحكوا ويهزروا مع بعض
تمارا....عشق هو انتي مكلمتيش ليل
عشق.. لا ليه
تمارا...مفيش بس الضهر هيأذن خلاص ومحدش فيهم اتكلم ولا قالوا هنروح البحر ولا لا
نور...يمكن نايمين
عشق...اكيد نايمين هو زيكم ده اليوم امبارح يهد الحيل
تمارا...امال ليل امبارح اعد يقول احنا مش جاببن ننام وفتحلنا محضر
ميرنا...اهو ليل ده انا مستغرباه جدا
عشق...اشمعنى
ميرنا...يعني انا بقالي كتير اوي مشفتوش واخر مره شوفته كان متغير وجد زياده عن اللزوم وعلى طول متعصب لكن لما شوفته امبارح حسيت انه رجع زي الاول
تمارا...البركه في ناس🙄
عشق...بصتلها بغيظ واحراج وسكتت
ميرنا...بأبتسامه اه مانا لاحظت😉
تمارا ...والله يا ميرنا شكلك بتلقطيها وهي طايره وشكلي كده انا وانتي هنبقى صحاب😂😂
ميرنا....لا انا في الحاجات دي اعجبك اوي
عشق...بتحاول تعمل مش فاهمه تقصدوا ايه
ميرنا....عامله فيها بريئه😉
تمارا....بصت لعشق انا مليش دعوه هي اللي بتقول
ميرنا...اقصدك انتي طبعا 😁
عشق...انا لا خالص ليه بتقولي كده
ميرنا...لا تتوهي ماشي انما تكدبي عيني عينك مسمحش ابدا تقللي من قدراتي😂😂😂
عشق....عى فكره انتي رخمه زي تمارا😔
ميرنا....😂😂😂طب انا بتكلم صح ولا لا
عشق...لا
ميرنا...هو ايه اللي لا يا بنتي بقولك حسيت بتغيير ليل ده عينه مابتنزلش من عليكي ده كان هيفجرني لما كنت بعاكس في لون عنيكي وبعدين انتي هتستعبطي مانتي كمان عنيكي باين عليها
تمارا...هي كده العيون فضاحه🤭🤭🤭🤭
عشق...طب بلاش انتي هااا
ميرنا...لا دي انا قفشاها من يوم ما شوفتها اول مره وكانت هتفجرني برده لما كنت برقص مع جاسر
تمارا...ايه ده انا لا محصلش🙄
ميرنا...يابنتي عيب بقولك انا بلمحها وهي طايره. على فكره جاسر بيحبك اوي
تمارا....بلهفه بجد
عشق...بضحك اهي اعترفت من اول قلم😂😂😂
تمارا....🙄🙄🙄🙄
ميرنا....والله باين في عنيه وتصرفاته جدا وبعدين انا اعرفهم اكتر منكم على فكره وعارفه كل واحد طباعه عامله ازاي وحقيقي اكتر اتنين واضح عليهم جاسر وليل
تمارا...اشمعى
ميرنا...لا مش هقول غير لما تعترفوا😒
تمارا....ياستي انا بعترف اهو ايوه بحبه قولي يلا
ميرنا...ماكان من الاول😒😒
تمارا...حقك عليا انتي صح قولي بقى
ميرنا...مش قبل ما عشق تعترف🙄
عشق....انا انا
تمارا...وعشق بتحبه انتي لسه هتعلقي وربنا بتحبه
عشق...عيله رخمه😡
ميرنا...بضحك ماشي بصي بقى بالنسبه لجاسر...يمكن انا عارفه انه كان بيحب هايدي اوي بس بصراحه اللي بشوفه في عنيه من ناحيتك مش زي هايدي خالص ويمكن اللي اعرفه ان الكل مبيطقش هايدي لكن هو كان شايف غير كده لكن الوقت انا واثقه انه بقى رأيه من رأينا.
تمارا...بجد
ميرنا...والله العظيم..اما بقى ليل كان مرتبط ببنت اسمها ريما ويمكن كان كان الكل بيحبها إلا أدم الوحيد اللي كان مبيحبهاش ابدا وبصراحه انا مكنتش بستظرفها بس مشوفتهاش غير مرتين تقريبا فا ماكنش ليا كلام معاها وطول الوقت طبعا كنت مسافره فا مليش علاقه بيها وطبعا وقتها لو كان مين قال لليل حاجه عنها كان فجره لكن بعد فتره سابو بعض رجعوا تاني وبعدها سابها ليل تاني ومن بعدها اتغير حرفيا بقى وحش الكل بيخاف منه ليل تقريبا مكانش بيضحك ولا حتى يبتسم
بس ليل اللي شوفته امبارح غير خالص لمعة عنيه لعشق تبين انه فعلا بيحبها.
تمارا....انتي صح على فكره
نور...طب وانا🙄
ميرنا...انتي واقعه مع نوح وباين عليكي بس اعترفلك بحاجه ومتقوليش اني قولتلك
نور....والله ما هقول
ميرنا...انا اخر مره شوفت فيها نوح كان من اربع سنين كان جاي شغل في لندن واتقابلنا وخرجنا كذا مره مع بعض وسألته اذا كان مرتبط قالي لا وقالي انه بيحبك طبعا انا اول مره اشوفك يا نور بس يمكن كنت اعرفك من كلامه عنك بس اللي واضح من كلام نوح انه بيحبك من الطفوله تقريبا نوح يبان بيحب الضحك والهزار وملوش فالجد ابدا بس يمكن الحاجه الجد في حياته هو انتي يا نور
نور....بفرحه وعيون فيها دموع انا كمان بحبه اوي يا ميرنا وعرفت شعور نوح من ناحيتي متأخر يمكن لو قولتلك امبارح بس مش هتصدقيني قاللي كل حاجه انا كمان بحبه اوي وعمري ما شوفت راجل في حياتي غيره
ميرنا...الله الله ايوه كده اعترفوا...اما بقى بالنسبه للانسه زهره واضح ان في اعجاب مشترك بينها هي وادم بس تقريبا مصارحوش بعض لسه
زهره...هو انتي دارسه علم نفس ولا ايه🤨🙈
ميرنا...بضحك لا والله ابدا بس دايما اللي بره الحكايه بيبقى شايفها اوضح
تمارا....طب وانتي بقى يا ميرنا مفيش حاجه كده ولا كده اقولك على حاجه انا لما شوفتك مكنتش طيقاكي بجد بس لما اعدت معاكي امبارح وشوفتك على طبيعتك اكتر حبيتك
ميرنا...مانا قولتلك كان باين عليكي جدا😒😒
عشق...طب ايه مردتيش على سؤال تمارا
ميرنا...بصي انا كنت مرتبطه بولد بس كان في لندن وكان هيأسلم عشاني بس بصراحه كل طباعه مكانتش شبهي وبعدين لما اعدت مع نفسي وفكرت صح لقيت اننا مش هننفع مع بعض ابدا خصوصا حكايه انه هيأسلم عشاني دي كانت قلقاني اصل بصراحه مينفعش انه يغير ديانته عشان بس بيحبني ان ماكانتش تيجي منه هو وعشان نفسه يبقى ملهاش لازمه
عشق...براڤو عليكي يا ميرنا فعلا انتي صح.
ميرنا....بس لما جيت مصر في حاجه كده حصلت
عشق...حاجه ايه
ميرنا...هقولكم بس جاسر ميعرفش يا تمارا
تمارا...طبعا من غير ما تقولي
ميرنا...طبعا يا تمارا انتي عارفه هادي صح
تمارا...امممم🙄
هايدي...بصي لما انتوا رجعتوا انا طبعا كملت والوقت اللي كنت فيه هناك قابلته بالصدفه تاني يوم اعدنا مع بعض وقضينا اليوم سوا وخد رقم موبايلي بعد كده بقى يكلمني ونخرج طول الكام يوم اللي كنت فيهم هناك كنت دايما معاه عرفني حاجات كتير اوي عنه وانا حكيتله حاجات كتير عن حياتي تقدري تقولي عرفنا بعض ومن وقتها هو كل شويه بيكلمني ويمكن سبب من اسباب اني اتخانقت مع صحابي واحده منهم تقريبا كانت مضايقه اني بكلمه وكانت غيرانه مني لانها حاولت تلفت نظره بكذا طريقه بس هو قفلها في وشها انا والله مكانش في دماغي هادي فالاول يمكن كنت بكلمه عادي حساه طيب لذيذ محترم عادي يعني بس طريقتها ضايقتني واتخانقنا مع بعض وطول الاجازه كنت مقضياها مع هادي لحد ما حسيت اني مشدوده ليه لو مكلمنيش بحس لني مش على بعضي لما بيكلمني ببى طايره من الفرح لحد اول امبارح اعترفلي انه معجب بيا وانه حابب اننا نرتبط بس دي كل الحكايه عشان كده حاسه اني متلغبطه ومش عارفه اخد اي قرار في حياتي ارجع ولا اعد اعمل شغل ولا اشتغل مع حد مش عارفه مبفكرش غير فيه وبس
تمارا....طب وانتي قولتيله ايه
لما قالك كده
ميرنا....قولتله يديني وقت افكر مش عارفه يا تمارا متلغبطه يمكن ده السبب اللي جابني هنا قولتله اني محتاجه ابعد عشان اعرف افكر وهو احترم قراري وسابني براحتي ومن ساعة ما جيت بيطمن بس عليا عالواتس
تمارا...طب بصي بقى هتسمعي نصيحتي
ميرنا....ياريت
تمارا...هادي مايتسابش يا ميرنا الراجل ده محترم جدا ومؤدب بجد وحد كده راقي جدا مش عارفه هو قالك انه كان متجوز ولا لا
ميرنا...قالي
تمارا...بصي يا ميرنا صعب اوي انك تلاقي راجل مخلص هادي كان بيحب مراته وكانوا مع بعض سنين لحد ما اتجوزها بس هي ماتت بعد شهر من جوازهم ومن وقتها وهو اعد بس على ذكراها وصعب تلاقي راجل ياعد بعد وفاه مراته خصوصا لو في نفس سن هادي صغير وشاب وماشاء الله رجل اعمال كبير يعني بيشوف بنات كل ثانيه ومعنى انه يقولك انه معجب بيكي يبقى شاف فيكي اللي مشافهوش في غيرك
ميرنا....بس يمكن ده اللي مخوفني مش انه متجوز انه كان بيحبها اوي كده خايفه يقارني بيها خايفه لو وافقت يطلع كان بيحاول يلاقي مراته فيا
تمارا...ميرنا هادي مراته متوفيه بقالها كتير يعني لو كان بيحاول يهرب كان اتجوز من زمان والف واحده تتمناه بس هو قفل على قلبه فتره لحد ما يخرج من حزنه ممكن كنتي تخافي لو هو حاول يرتبط بعدها فتره صغيره ساعتها كنت هبقي معاكي واقولك بلاش لانه كان هيبقي بيحاول ينسي واحده بواحده تانيه
عشق...تمارا عندها حق يا ميرنا وبعدين واضح من كلامك انك اتعلقتي بيه
ميرنا...انا فعلا اتعلقت بيه وحاسه اني حبيته مسمعتش صوته بقالي يومين وهتجنن معرفش ايه اللي حصلي
تمارا...حبتيه يا ميرنا ادي لنفسك فرصه وفكري صح متضيعيهوش من ايدك بجد
ميرنا...انتي عرفتي ازاي صحيح كل ده
تمارا...سكتت شويه باحراج بصراحه بسببك انتي
ميرنا...انا😳ليه
تمارا...هادي حس اني مضايقه منك لما قمتوا ترقصوا مع بعض وقاللي اني بحب جاسر وهو بيحبني ونصحني اننا منكابرش اننا نعترف لبعض عشان العمر بيعدي وحكالي بقى اللي حصله بس دي كل الحكايه
عشق...فكري يا ميرنا انا يمكن معرفهوش ومعرفش اي حاجه من اللي تمارا بتقولها غير الوقت بس شكله حد محترم
ميرنا...جدا والله وراجل بجد
زهره...طيب ولما هو فيه كل ده وانتي حبتيه ما تقوليله موافقه وتخلصي
ميرنا....هعمل كده بس مش الوقت عشان برستيچي وعشان ميحسش اني مدلوقه عليه
نور....ياستي برستيچ ايه وزفت ايه انا نوح اول ما قاللي رديت عليه في ساعتها هي دي فيها تفكير
عشق...لا يا نور ميرنا بتتكلم صح انتي وضعك مختلف انتي بتحبيه من وانتي صغيره واتفاجئتي ان هو كمان بيحبك من نفس الفتره تقريبا لاكن هي اول مره تعرفه حتى لو اتكلمت معاه بس الوقت اللي اعدوه مع بعض مش كافي لازم تاخد وقتها لانها خطوه مهمه في حياتها
ميرنا...صح يا عشق ده نفس تفكيري
عشق...ان شاء الله ربنا يقربه منك اكتر لو كويس ويستاهلك ويبعده عنك لو وحش
ميرنا...يارب
رن..موبايل عشق في الللحظه دي كان ليل اللي قالها انهم يجهزوا عشان هيعدوا عليهم
قاموا البنات يلبسوا وبعد فتره
خلصوا..
تمارا...يخربيتك ايه ده انتي هتخرجي بمنظرك ده
ميرنا...وهي بتبص على نفسها بتأمل ايه وحش🙄
تمارا...وحش ايه ده مسخره
ميرنا....ده مسخره ده محترم شويه قولت البسه عشان شكلي ميبقاش وحش ادامكم وانا خارجه كده وانتوا محجبين
نور....لا صراحه محترم😂😂😂
عشق....سيبوها براحتها هي مش محجبه واكيد هي متعوده
ميرنا...ايوه انتى صح عشق دي حبيبتي بجد 🤔
عشق...ايوه بس تتلمي وتحاولي تجيبي حاجه تغطي جسمك ده شويه😡
ميرنا....😳😳😳يخربيت القلبان
تمارا....😂😂😂😂دي عشق يا بنتي امال انتي فاكره ايه بعد فتره بسيطه عدوا عليهم الشباب
جاسر...ايه اللي انتي لبساه ده يابت🤨
ميرنا...قمر مش كده
جاسر...قمر بالستر وكمل بصوت واطي بس مسموع بزمتك مش مكسوفه من نفسك وانتي خارجه كده معاهم😒
ميرنا...لا طبعا مكسوفه بس حاولت اختار اكتر حاجه محترمه عندي🙄
جاسر...دي اكتر حاجه محترمه
ميرنا....اه والله
جاسر...طب يلا يا ختي ادامي
خرجوا كلهم مع بعض راحوا ناحيه اليخت
عشق...كل ده نوم
ليل...لا والله انا صاحي من شويه بس جاسر خرج هو وادم عشان يظبطوا خروجه بليل ويتفقوا على كل حاجه مرضتش اكلمك عشان محدش فيهم يتكلم ويعرف انهم صحيوا
عشق...فهمت ماشي
ليل...عامله ايه
عشق...بخير
ليل...المصيبه دي عملت معاكم ايه
عشق...بابتسامه ميرنا لا والله دي لذيذه خالص وانا حبيتها اوي
ليل...هي طيبه اوي فعلا
فضل ليل وعشق يتكلموا مع بعض
اما بالنسبه لتمارا وزهره نسيوا خالص عيد ميلادهم من كتر ما هما كانوا مبسوطين بالسفر والجو العام
قضوا اليوم كله فالبحر بين هزار وضحك ولعب وجري ورا بعض كان الجو بينهم جميل ومع غروب الشمس كانوا طلعوا من البحر وراحوا عالشاليهات وابتدوا يجهزوا.
عشق....بقول ايه يا بنات ماتيجوا نلبس كلنا فساتين زي بعض
تمارا...اشطا انا اصلا كنت بفكر البس فستان
ميرنا...وانا موافقه بس بقول ايه ما بلاش انا معاكم انا بصراحه مسترخمه فكره اني ابقي عزول وسطكم دي اوي
عشق...عزول ايه انتي عبيطه يا بنتي لا طبعا
تمارا...بقولك ايه انا البحر هدني ومش قادره اناهد يلا اخلصي😡
ميرنا...ياساتر يارب طيب خلاص
لبسوا البنات وخلصوا
ميرنا...بقولكم ايه احما هنفضل مستنين كده تعالوا يلا نروحلهم
عشق...ايوه بس هما بيعدوا علينا هتبقي رخمه لو روحنالهم احنا
ميرنا...بت بقولك ايه فكي كده شويه ومتبقيش عامله زي الانسان الالي خليكي جريئه شويه مش لازم هما اللي يبدأوا كل حاجه يلا نروح
تمارا...انتي صح يلا يا بت يا ميرنا
عشق...علي هواكى ميرنا الوقت عشان مجنونه زيك
تمارا...بصراحه اه😂😂😂
عشق...طب يلا يا اختي انتي وهي
خرجوا البنات راحوا عالشاليه فتحلهم نوح
نوح...ابه الحلاوه دي كلها وجايبن بنفسكم لا كده كتير
ميرنا...إتلهي هما فين
نوح...اتلهي🙄 جوا يا اختي ادخلوا
دخلت ميرنا ودخلت وراها تمارا ونور وزهره
نوح...هتفضلي واقفه كده
عشق...خليني هنا الجو حلو
نوح...طيب استني ادخل اجيبهم واجي
وقفت عشق بره باحراج وهي سرحانه في امواج البحر وهي بتخبط في بعض بشكل يثير الفضول من هذا العالم الغريب
ما أروع البحر حين يطل عليه العشاق، وما أشد ظلمته حين تطل منه الذكريات وتنكسر على ضفافه الأحلام.
ليل...القمر بتاعي واقف بره ليه
عشق...بابتسامه ليل
ليل...مدخلتيش ليه
عشق...معرفتش انا مكنتش هاجى اصلا بس ميرنا وتمارا صمموا نجيلكم وبصراحه اتحرجت ادخل
ليل....عارف...المهم ايه الجمال ده
عشق...بابتسامه علي فكره انت بكاش اوي
ليل...اناااا ليه بس انتي مبتبصيش في مرايه ولا ايه
عشق...ببص
ليل...وبتشوفي ايه
عشق....بشوف نفسي
ليل...طب بزمتك مش قمر
عشق....طب بس بقي عشان خارجين اهم
ليل...حاضر
ادم...ما يلا بقي عايز اكل
جاسر...علي طول همك علي بطنك كده
ادم...يا ابني انت من ساعة ما رجعنا وانت بتطفح انا مكلتش😡
جاسر...بتبصلي فاللقمه اللي باكلها
ادم...اه انا ببصلك فاللقمه اللي بتاكلها😒
ليل...افضلوا واقفين واتخانقوا ما تخلصوا يلا
نوح...يلا قبل ما يتحول😂
عدت فتره مش كبيره كانوا اتعشوا مع بعض وغيروا المكان
ووصلوا لكافيه عالبحر يجنن كله بلالين وورد وشكله مبهج لدرجه خلت البنات كانوا طايرين وحاسين انهم بيحلموا
بصت عشق لليل وهي مبتسمه
ليل...مبسوطه
عشق...اوي ياليل المكان يجنن وهما هيتبسطوا بجد
ليل...اي خدمه انتي بس شاوري
عشق...ربنا يخليك ليا 😍
ليل...ويخليكي ليا ياحبيبي❣️
تمارا...الله المكان حلو اوي
جاسر...عجبك
تمارا...اوي انا مبسوطه اوي
جاسر ..ولسه هتتبسطي اكتر عشان محضرلك مفجأه
تمارا...مفجأه عشاني انا
جاسر....ايوه
تمارا...بفرحه ايه هي
جاسر...هتعرفي الوقت
دخلوا مع بعض وكان في تربيزه كبيره متحضرالهم
اعدو كلهم والشباب بيتكلموا مع بعض بطريقه مريبه وكل شويه جاسر او ادم يقوموا يكلموا حد من الويترات ويأعدوا.
ميرنا...لعشق والبنات هو في ايه انا ليه حاسه ان في حاجه
نور...وانا في حاجه مريبه بتتم من ورا ضهرنا🙄
زهره...انا كمان حاسه بس بصراحه المكان يجنن اوي😍
ميرنا المكان يهبل فعلا وعايز يتاخد فيه كام صوره ماتيجوا نتصور مع بعض
زهره...يلا
تمارا...يلا
قاموا البنات مع بعض فضلوا يتصوروا وياخدو صور مع بعض وفي وسط ما هما بياخدو سلفي جري نوح دخل بسرعه فالصوره كلهم ضحكوا واتلقطت احلي صوره ليهم مع بعض وبعد ما خلصوا رجعوا تاني اعدو عالتربيزه
تمارا ..بت يا عشق هو في ايه
عشق...وانا اعرف منين
ميرنا...سكوتك ده مش مريحني شكلها عارفه حاجه🙄
عشق...هو انا سبتكم لحظه مانا جايه معاكم اهو
زهره...طيب يمكن في مشكله اصل كل شويه يقوموا ويرجعوا
تمارا...لا جاسر بيقولي محضرلك مفاجأه
زهره...ايه ده بجد مفاجأه ايه
تمارا...مرضيش يقولي
ميرنا...شكله هيخطبك يا جميل
تمارا...😳😳ايه ده بجد🙄
عشق...بجد ايه انتي كمان يا هبله انتي اهمدوا شويه الوقت تعرفوا
ليل...بتتوشوشو علي ايه🤨
عشق...بضحك احنا ابدا مفيش
ليل...لا والله بعد الضحكه دي اكيد فيه
تمارا...بص تقولنا انتوا بتتوشوشوا مع بعض في ايه هنقولك احنا كمان
ليل...امممم اعتبر دي مساومه
تمارا...يعني
ليل...بتساومي ليل السيوفي🤨🤨 مبروك عليكي الرفد😒
تمارا...يخربيت اللي يهزر معاك انت صدقت 😁😁
ليل...ايوه كده اظبطي
جه ادم وجاسر ونوح اعدوا
جاسر...سحب منديل مسح وشه. ايه الاخبار بتتكلموا في ايه
تمارا..ولا حاجه انتوا بتروحوا فين
جاسر...ولا حاجه كنا بنحاول نظبط اعده تانيه بس خلاص هنا كويس ولا ايه
تمارا...ماحنا اعدين كويس اه
نوح...ايه وقفتوا تصوير ليه😂
نور...عشان متنطش في صورنا بعد كده😂😂
ادم...لزهره بهدوء.المكان عجبك
زهره...جميل اوي ماشاء الله
ادم...طيب الحمد لله علي فكره انا نزلت الصبح انا وجاسر قبل مانروح البحر حجزناه مخصوص عشان نسهر فيه
زهره...وده ليه
ادم...يغني عادي تغيير المهم انه عجبك
زهره...عجبني اوي
فضلوا يتكلموا ويهزروا مع بعض
وفجأه. فضل جاسر وادم يتكلموا مع بعض ويدخل معاهم فالحوار ليل ونوح والبنات بيحاولوا يعرفوا حاجه مش عارفين
وفجأه الانوار اتقفلت مكانش منور غير شاشات موبيلات بسيطه والسجاره اللي في ايد ليل ونوح وجاسر وبعض الشباب الموجوده
تمارا...ايه ده النور قطع
جاسر...مش عارف
نور...في ايه
ليل...اكيد في حاجه عطلت وهيظبطوها
وفجأه
ظهر نورمن بعيد وفضل يقرب وأشتغل موسيقي العيد ميلاد وابتدت انوار بسيطه تتفتح والشموع تظهر في قلب الكيك وصواريخ تضرب في السما بانوار تجنن البنات كانوا باصين بزهول مش فاهمين اي حاجه ابتدا كل اللي فالمكان يعملوا صياح بصوت عالي ويصفروا ويصقفوا
لحد ما قرب الويترات بالتورته عند التربيزه كانت تورته كبيره مكتوب عليها اسم زهره وتمارا قام الشباب وقفوا والبنات وكل ده تمارا وزهره مش فاهمين حاجه
جاسر...كل سنه وانتي طيبه يا احلي حاجه في حياتي
تمارا....بدموع ايه ده عيد ميلادي انت ازاي عملت كل ده
جاسر...انا عشانك اعمل اي حاجه
تمارا...كل ده عشاني 🥺
جاسر...لو كان في حاجه اقدر اعملها اكتر من كده كنت عملت
تمارا...انا بحبك اوي يا جاسر ده احلي عيد ميلاد في حياتي
جاسر...وانا بعشقك يا قلب جاسر
.....
ادم...كل سنه وانتي طيبه يا زهره
زهره...بفرحه..وانت طيب يا ادم
ادم...ايه مالك
زهره...مش عارفه متلغبطه ومحروجه جدا بجد انتوا عملتوا كل ده ازاي واصلا ازاي عرفتوا عيد ميلادنا
ادم...لا ده سر😉😉
زهره...بجد شكرا يا ادم
ادم...شكرا ايه بس يا عبيطه انتي دي حاجه بسيطه
زهره...كل ده وبسيطه بجد انا فرحانه اوي🥺🥺
ادم...طب ايه الدموع دي بزمتك ده وقتها
فضلت تنزل دموع زهره ورا بعض
ادم...في ايه يا عبيطه انتي
عشق...كل سنه وانتي طيبه يا زهورتي بلاش نكد بقي
زهره...وانتي طيبه يا عشق
عشق...هي كده يا لدم تفرح او تزعل دموعها سبقاها
ادم...طب خلاص هرجع التورته يا ستي
زهره..بضحك لا خلاص مش هعيط
نور...كل سنه وانتوا طيبين يا بنات حضنتهم نور
ميرنا...مش قولتلكم في حاجه مش مظبوطه طلع عيد ميلادكم كل سنه وانتوا طيبين يا بنات
نوح...كل سنه وانتوا طيبي بزمتكم في حد ينسي عيد ميلاده
تمارا...وانتوا طيبين والله بجد انا حقيقي نسيته خالص
زهره...انا كمان والله ما افتكرته اصلا
ليل...بصوا بقي من الاول كده جاسر كان متفق معايا هو وادم نعملكم مفجأه من قبل ما نسافر واتفقنا نظبط السفر علي عيد ميلادكم وامبارح غشق طلبت مني اننا نعملكم مفاجأه وعرفتها اننا اصلا محضرينها من الاول
ميرنا...ياسوسه يعني انتي كنتي عارفه
نور...كده يا عشق مقولتليش ينفع كده انا مش جبتلهم هديه
عشق...لو كنت قولتلك كان هيبان عليكي انتي مبيتبلش في بوئك فوله اصلا وكنتي هتبوظي المفاجأه
تمارا...هديه ايه يا عبيطه كفايه انكم معانا
زهره...فعلا يا نور وجودكم ده احلى هديه احنا اصلا اول مره يتعملنا عيد ميلاد اصلا
عشق...طيب بالمناسبه دي بقى انا جبتلكم هديه بس من قبل ما نسافر طلعت عشق علبتين من شنطتها كان فيهم سلالسل متعلق فيهم دلايه شبه المسله مكتوبه عليها عباره بالخط العربي؛؛
؛؛تحقق
؛؛حلمي
؛؛الجميل
؛؛بكم
تمارا وزهره في نفس واحد ايه ده الله تجنن
ليل...ايه حكايتك مع الاحلام
عشق...بضحك مش عارفه🙈
طلع ادم من جيبه هديه زهره كانت عباره عن سلسله في دلايه علي شكل قلب وفالوسط مكتوب i love you
زهره...اول ما شافتها قلبها دق🥺
جميله اوي
ادم...بابتسامه كل سنه وانتي طيبه يا زهره
زهره...وانت طيب يا ادم بجد شكرا اوي
ادم...طلع لتمارا علبه فيها احدث ساعه تاتش من ماركه عالميه
كل سنه وانتي طيبه يا تمارا ويارب السنه الجايه لسانك يقصر شويه
تمارا...بضحك وانت طيب يا ادم بجد ميرسي والله انا هعيط
جاسر...انا بقى ادوني فرصتي
ادم...ادخل يا عم
طلع جاسر علبه لزهره فيها نفس الساعه اللي جت لتمارا كل سنه وانتي طيبه يا زهره
زهره...الله هنبقى توأم في دي كمان ميرسي يا جاسر بجد
جاسر..على ايه يا زهره بس .ودي بقى هديتي لشبح الحته😉😉
تمارا...باحراج ووش احمر🙈🙈🙈
طلع جاسر علبه قطيفه شيك جدا فيها خاتم يجنن مصنوع من الدهب الابيض
فضلت تمارا متنحه لشكل الخاتم
جاسر...كل سنه وانتي طيبه يا اطول لسان شوفته في حياتي
تمارا...وانت طيب يا جاسر بجد ميرسي
نوح...على فكره مش نافع معاكي ميرسي انتي تغزيه على طول
تما ا...بضحك على فكره هزعلك😂🙈🙈🙈
نوح....ودي بقى هديتي ليكي انتي وتمارا انا معرفتش اجبلكم ايه فا جبتلكم احدث ايفون نزل السوق اي خدمه😉😉😉
زهره.. ايه ده الله 😍😍
تمارا...لا كده كتير والله😍😍🙈🙈🙈
ليل....انا بقى معرفتش اجيب ايه خالص فا قررت الهديه تكون مختلفه وتبقى كاش واجيب من الاخر وتجيبوا انتوا اللي تحبوه بنفسكم كل سنه وانتوا طيبين...اداهم كل واحده فيهم ظرف في مبلغ محترم
تمارا...لا بجد والله كده كتير انا حاسه اني بحلم
عشق...ماقولنا بلاش احلام بقى😂😂
زهره...شكرا بجد ياليل وشكرا ليكم كلكم على المفاجأه الحلوه دي وعلى الهدايا وكفايه بجد انكم افتكرتونا وفرحتونا اوي كده
ليل...انتوا تستاهلوا كل خير يازهره
ميرنا ..انا بقى هجبلكم حتت هديه تضرب كل هدياهم دي اتقلوا عليا😍😍
تمارا...حبيبتي يا ميرنا والله كفايه انك موجوده معانا
نور...وانا كمان هجبلكم هديه احلى من بتاعة البت عشق الرخمه دي 😔😔
عشق...خلاص بقى يا بومه مانتي لو لسانك في بوئك كنت اتفقت معاكي بس انتي فتانه😂😂
نور....ده انا سر😒😒
عشق...اوييي😂😂😂
نوح...بضحك فضحانا كده على طول
نور...والله بتكدب وبتتبلى عليا😒😒وبعدين انت تسكت خالص ومتكلمنيش مانت كمان عارف ومش قولتلي
نوح...مانا خفت من لسانك بردو😂😂😂😂😂
نور...كلكم رخمين اصلا😔😔
ليل...طب ايه مش هتقطعوا التورته اللي هتبوظ جمبنا دي
تمارا ...يلا
قطعوا التورته مع بعض بمساعده الويترات وكلوا منها مع بعض الفرحه كانت باينه عليهم كلهم
ادم....يا جماعه معلش انا عايز اقول حاجه ياريت تسمعوني
تمارا...ايه مفاجأه تاني
ادم...يعني بس محدش يعرفها ولا متفق عليها مع حد والله بس حبيت اقولها الوقت
جاسر...ايه عيد ميلادك بكره
ادم...بضحك كمان نسيت عيد ميلادي انت ليلتك سوده
جاسر...مش لما افتكر عيد ميلادي انا الاول😂
نوح...طب ايه قول
ادم...بصوا انا اللي هقوله ممكن كلكم تستغربوه بس انا قررت اني اقول اللي الجوايا والوقت بالذات
ادم....زهره تقبلي تتجوزيني
صدمه نزلت على البنات وخصوصا زهره😳😳😳😳اللي اتلغبطت وفضلت بصاله من غير ولا كلمه
جاسر....ايوه بقى
نوح ..طب وربنا كنت حاسس
ليل...ايه يازهره سكتي ليه
فضلت زهره ساكته ومش عارفه تقول اي حاجه وكأن لسانها اتلجم
بصت للبنات اللي فضلوا يهزوا راسهم بالموافقه وابتسامتهم ماليه وشوشوهم بفرحه
ادم....قولتي ايه يازهره
هزت زهره كتفها بعدم معرفه وابتسامه بسيطه ماليها الاحراج والتوتر
عشق...قولي يازهره مالك ساكته ليه
بصت زهره لادم وابتسمت وهزت راسها بالموافقه وهي حاسه ان خلاص هيغم عليها
صفروا الشباب وفضلت ميرنا وتمارا ونور يصيحوا من الفرحه
عشق...مبروك يازهره
الشاب مبرووووك
ادم....ابتسم لزهره بفرحه...
اتنهد براحه...بصوا انا يمكن عايز اعمل كده من فتره بس قررت اني اتاكد من مشاعري اكتر والحقيقه كل يوم كنت بحس ان زهره هي اللي ينفع تكمل معايا حياتي كنت حاسس انها هتوافق بس بردو كنت قلقان ترفض وقررت اني اقول وانا وحظي بدل ما انا اعد اسال نفسي ياتري هتوافق ولا هترفض...بس طبعا بما انها وافقت فكل حاجه هنتكلم فيها بعد ما نرجع وهتقدم لزهره رسمي
ليل...رغم اني كنت حاسس انك هتقول كده بس متوقعتش انك تعملها بسرعه كده
ادم...يعني استغليت الموقف تقريبا😉
ليل....مبروك يا صاحبي مبروك يازهره وبص لادم اظن انت لو لفيت على بنات مصر مش هتلاقي زي زهره
زهره...باحراج شكرا ياليل
جاسر...بقول ايه الواد ده مش اجدع مني وبصراحه بقى يمكن يكون شجعني
جاسر....وهو بيشاور على تمارا من الاخر كده انا بحب البت دي وهي كمان بتحبني😉😉😉 واللي معطلني على الخطوه دي هو ليل بس بصراحه انا مش قادر اصبر بقى واول ما نرجع القاهره لازم اخلص حوار هايدي وزي ما تيجي تيجي وهتقدم لتمارا رسمي موافقه ولا لا🤨🤨
ضحكوا كلهم على جاسر وفضلوا يباركولهم هما كمان بفرحه
ليل...معندكش تفاهم انت ها
جاسر...بقولك ايه انا خلاص جبت اخري وصابر عشانك
نوح...جاسر قطع عرق وسيح دمه😂😂😂
جاسر....كفايه بقى استنيت كتير
تمارا...بصوت واطي انت مجنون صح
جاسر...بصوت عالي مجنون عشان بحبك🤨
تمارا...بس اسكت🙈🙈🙈
اشتغلت موسيقي هاديه
نوح...بقول ايه بالمناسبه الحلوه دي نقوم نرقص بقى
جاسر...يلا بينا
نوح...لميرنا وانتي اعدي هنا لوحدك او اقولك صورينا😂😂😂
ميرنا...بس كده ده انا ههريكم تصوير
نوح...يلا يانور
نور...هزت راسها بفرحه يلا
مد جاسر ايده لتمارا يلا
تمارا...مسكت ايده وقامت
وقام ادم مع زهره
اما ليل مداش فرصه لعشق مسك كف أيدها وقام وخدها وراه على مكان الرقص
واول ما وقف شدها ليه وحط ايده على وسطها وسط زهولها
ليل...حطي ايدك على كتفي
عشق...باحراج وابتسامه ايه ده لا
ليل...حطي ايدك على كتفي بدل ما احضنك واشيلك والف بيكي😉
عشق...بضحك ليل بطل جنان وسيبني والنبي
ليل...والله العظيم هنفذ وحالا
حطت عشق ايدها بسرعه على كتفه
ليل...بأبتسامه ايوه كده 🤨
عشق....بحب مجنون
ليل...وانا بحب واحده علمتني ازاي اكون مجنون معاها هي وبس😉
عشق...بحبك❣️
ليل...وانا بحبك اوي❣️
فضلوا يرقصوا وميرنا تصورهم وهي مبسوطه عشانهم من قلبها الكل كان مبسوط وفرحان خصوصا زهره اللي حاسه انها مش واقفه عالارض
ولكن مش ديما الفرحه بتدوم اوقات بتحصل حاجات تعكر صفو فرحتنا
وفي عز ما هما مبسوطين اتفاجئوا باللي حصل🙄🙄🙄
يتبع
 #البارت_الرابع_والعشرون_والخامس_وعشرون مدونة #موسوعة_القصص_والروايات بعد ما خرجوا الشباب كلهم واتغ…){kind=link}
تعليقات
إرسال تعليق