 |
مابين الحلم والحقيقة (دار الايتام 2)
البارت السادس والعشرون.والسابع وعشرون
فضلت ميرنا اعده مكانها مبسوطه وهي شيفاهم بيرقصوا ومبسوطين خدتلهم صور كتير مع بعض وصورتهم فديو كتير..لكن قطع اندماجها اتصال هادي...
قامت ميرنا خرجت بره المكان عشان تعرف تكلمه..
ميرنا...الووو
هادي...ازيك ياميرنا
ميرنا...بفرحه بتحاول تداريها الحمد لله انت عامل ايه طمني عليك
هادي...بخير الحمد لله اخبار السفر معاكي ايه مبسوطه
ميرنا...اه الحمد لله الجو حلو اوي وكله تمام
هادي...يارب دايما
ميرنا...مش بتتصل ليه
هادي...حبيت اسيبك براحتك وقولت انتي اكيد هتتصلي بس لما متصلتيش قولت اتصل انا
ميرنا...اشمعني
هادي...بصراحه
ميرنا....بصراحه
هادي...وحشتبني يا ميرنا من يوم ما سافرتي وانا مش على بعضي ودايما متعصب ومتنرفز ومقضي الوقت كله نوم عشان متعصبش على اي حد حاسس انك مسافره بقالك كتير مش يومين
ميرنا...بابتسامه كل ده وبعدين لحقت اوحشك
هادي...انتي وحشتيني اول ما قولتي انك مسافره يا ميرنا
ميرنا....وانا اللي ظلمتك ده انا قولت انت مصدقت قولتلك اني مسافره
هادي....مصدقت ايه انا كان نفسي امنعك
ميرنا...ومعملتش كده ليه
هادي...عشان مينفعش وعشان حبيت احترم رغبتك واسيبك على راحتك لحد ما توصلي لقرار بصي
انا مش بكلمك الوقت عشان افتح الموضوع اللي كلمتك فيه انا هفضل سايبك براحتك لحد ما تيجي انتي وتبلغيني ردك انا بس كلمتك عشان زي ما قولتلك وحشتيني
ميرنا....على فكره انت كمان وحشتني
هادي....قولتي ايه
ميرنا...لا خلاص هي بتتقال مره واحده وبس
هادي...لا هزعل والله
ميرنا...باحراج...انت كمان وحشتني
هادي....يعني ايه افهم من كده انك فكرتي
ميرنا...يعني بس عشان خاطري سيبني شويه زي ما اتفقنا عشان اعرف ارد عليك بجد
هادي...وانا مش عايز الوقت اكتر من اللي سمعته. عايزك بس تخلي بالك من نفسك
ميرنا...حاضر وانت كمان وبطل عصبيه الناس ملهاش دعوه بعصبيتك دي
هادي....حاضر ياستي ده انا هنزل اعتزر لكل واحد اتعصبت عليه لو ده يرضيكي
فضلت ميرنا تتكلم معاه
اما في الداخل...
جاسر....بحب مبسوطه
تمارا...مبسوطه بس انا حاسه اني طايره بجد ده احلى عيد ميلاد في حياتي كلها
جاسر....دي مجامله🤨
تمارا...بضحك لا والله ابدا طيب اقولك على سر
جاسر...قولي
تمارا...يمكن طول السنين اللي فاتت كل عيد ميلاد ليا يجي كنت ببقى مضايقه جدا ومكتئبه وكارهه اليوم اللي جيت فيه الدنيا اصلا
بس المرادي حاسه اني كاني بتولد من جديد احساس مختلف وشعور مختلف حاسه اني حابه الحياه متفائله مطمنه ودي اهم حاجه
جاسر...وياتري ليه بقى مطمنه
تمارا...عشان انت معايا يا جاسر
وجودك في حياتي فرق كتير اوي
جاسر...انتي اللي غيرتي حياتي يا تمارا خليتي ليها قيمه بجد وخلتيني افتح على حاجات كتير مكنتش شايفها.
تمارا...ربنا يخليك ليا ياجاسر انا بحبك اوي.
الحقيقه جاسر يتحب كل الناس بتحبه بس بتفرق بقى كل واحد بيحبه ازاي..
بص جاسر وتمارا بسرعه للصوت اللي جه من وراهم
جاسر...هايدي😳
هايدي...وحشتني يا بيبي
جاسر...انتي بتعملي ايه هنا
هايدي...ابدا يا حبيبي قولت اعملهالكم مفاجأه وجيت مع صحابي وبصت لتمارا...تسمحيلي اخد منك خطيبي عشان ارقص معاه
تمارا...كانت واقفه مصدومه ومش قادره تنطق ولا تتكلم وكأن الدنيا اسودت في وشها مره واحده
بصلها جاسر حاسس بيها وهو كمان اتصدم ومعرفش يتكلم ولا يعمل اي حاجه
هايدي....ايه يابيبي هتفضل واقف كده كتير حطت هايدي ايدها علي كتفه وابتدت ترقص معاه وهو منزل ايده ومش بيتحرك باصص بس غلى تمارا بطرف عينه
حست تمارا...انها حتى الخطوه مش قادره تخطيها وكان حد مربط رجليها ولما جمعت نفسها مشيت بسرعه من ادامهم راحت عالتربيزه خدت شنطتها عشان تمشي.
في الوقت ده كان كلهم شافو هايدي وكلهم خدوا بالهم من اللي حصل
ليل...تعالي بسرعه يا عشق نروح وراها
عشق...بحزن على تمارا يلا
راحوا على التربيزه خدوا الحاجه بتاعتهم بسرعه وخرجوا كلهم ورا تمارا بسرعه
لمحتهم ميرنا وهما خارجين يجروا ورا تمارا.
ميرنا...هادي ممكن اقفل وشويه وهرجع اكلمك
هادي..في حاجه ولا ايه
ميرنا...ها لا ابدا بس دادي بيتصل بيا هرد عليه وشويه واكلمك
هادي...ماشي تمام يلا باي
ميرنا...باي
قفلت معاه ميرنا وراحت وراهم بسرعه
فضلت تمارا تمشي بسرعه ولما سمعتهم بينادوا عليها فضلت تجري
عشق...تمارا استني عشان خاطري
نور...استني يا تمارا
فضلت تمارا تجري وتمشي بين الناس وهي حالتها مش حلوه كل ما تفتكر انها وقفت ساكته مش عارفه تنطق تحس بوجع في قلبها شايفه انها مكنش ليها الحق تتكلم هتتكلم تقول ايه واحده وغيرانه على خطيبها هي اللي معاها الحق حست ان جاسر خذلها لما وقف ساكت ومنطقش كانت مستنيه منه رد بس ده رقص معاها وسابها واقفه تايهه.
اما عند جاسر وهايدي
كان لسه جاسر تحت تأثير الصدمه وكل تفكيره وحواسه مع تمارا
هايدي...ايه هتفضل ساكت كده
فضل جاسر ساكت بيحاول يهدى عشان ميفقدش اعصابه.
هايدي...انا بكلمك على فكره مكنتش اعرف انك هتضايق اوي كده لما تشوفني مع اني كنت شيفاك مبسوط وبتضحك وعارف ترقص كمان مع تمارا هانم
جاسر.. عايزه ايه يا هايدي مش عملتي اللي في دماغك وجيتي
هايدي...ايه هو اللي في دماغي اقولك انا اللي في دماغي ياجاسر انت كدبت عليا قولتلي انك مسافر مع ليل ونوح وادم ولما قولتلك اجي معاك رفضت وقولت مش هينفع عشان انتوا مسافرين مع بعض شباب وحابب تريح دماغك ومش هينفع تبقى معايا طول الوقت وسايبهم مكنتش اعرف اني مغفله وبيتضحك عليا منك وانتوا هنا مقضينها مع الزباله دول
جاسر...هايدي انا ماسك نفسي عنك بالعافيه وصدقيني انا خايف افقد اعصابي عليكي
هايدي...انت كمان ليك عين تتكلم فهمني ايه اللي انا شوفته ده ليه كدبت عليا وازاي اصلا دول يسافروا معاكم قولي ان اللي سمعته دع مش صح الهانم بتقولك بحبك والمفروض بقى انا اسمع كده واسكت صح يا جاسر
جاسر....اه تسمعي وتسكتي عشان انتي اللي حطيتي نفسك فالموقف ده انتي اللي جيتي ورايا انتي اللي مش عايزه تفهمي اني خلاص زهقت
هايدي...زهقت يعني ايه زهقت ويعني ايه انا اللي حطيت نفسي فالموقف ده اه صح انا اللي غلطانه اني جيت وراك عشان افاجئك انا اللي غلطانه عشان المفروض لما كنت شوفت الهانم في حضنك بترقص وبتقولك بحبك افضل واقفه بعيد لحد ما تخلصوا الرقصه والكلام الرومانسي ومقطعش عليكم اللحظه انت فاهمم انت بتقول ايه
جاسر...مسكها من ايدها بعنف تفهمي اني خلاص زهقت ومش عايز اكمل تفهمي اني مبقتش احبك ولا حابب اشوف وشك تفهمي اني ساكت عليكي بس لحد ما الراجل اللي انتي خبطتيه بالعربيه يقوم بالسلامه واللي كنتي اصلا فالبدايه قاصده تمارا
بصتله هايدي بصدمه😳😳
جاسر...ايه اتصدمتي كنتي فاكره اني مش عارف ولا فاكره اصلا اني مش هعرف لا يا هايدي هانم يا زعيمة العصابه انا عارف كل حاجه وبالدليل كمان مش انا بس كلنا يا هايدي واوعدك قريب جدا هسلمك بأيدي واخلص منك ومن شرك انتي عارفه يا هايدي انا اكتر حاجه حزين عليها اني كنت مكدب كل اللي حواليا اللي شايفهم مبيحبوكيش وانا كنت واقع في حبك وشايف انهم ظالمينك وجايين عليكي مكنتش اعرف اني اكبر مغفل مكنتش اعرف اني حاطط ايدي على عيني ومش شايف غيرك..
هايدي....بارتباك..انت بتقول اييه ودليل ايه انا معملتش اي حاجه من اللي
قاطعها جاسر كفايه كدب هايدي كدبنا كتير على بعض بما فيه الكفايه وديني يا هايدي من اللحظه دي مش هسمحلك تبوظي اي حاجه في حياتي مش هسمحلك ابدا تأذي اي حد في حياتي عشان ساعتها واللي خلقني وخلقك لا هاخد روحك بأيدي
هايدي...مسكت ايده بسرعه جاسر اسمعني بس ارجوك
حدف جاسر ايدها بعيد عنه...مش عايز اسمع اي حاجه كفايه اوي لحد كده من اللحظه دي انتي بره حياتي ولو كنت زمان بتعامل معاكي على انك جزء مني فالايام الجايه يا هايدي انا هبقى اكبر عدو ليكي مش عايز اشوفك تاني في حياتي وادعي عم محمد ميجرالوش حاجه لو لسه خايفه عاللي باقي في عمرك..اما تمارا لو حاولتي بس تمسيها هتكون اخر لحظه في عمرك بتطلع على ايدي انا..
سابها جاسر وخرج من المكان بسرعه راح وراهم
كلم جاسر ليل
ليل..ايوه ياجاسر
جاسر...انتوا فين ياليل
ليل...احنا رايحين ورا تمارا بسرعه عالشاليه
جاسر...تمام انا جاي وراكم
ليل...تمام
قفل جاسر وطار وراهم
بعد مده بسيطه وصلت تمارا الشاليه وهي مش شايفه ادامها دخلت بسرعه عالاوضه وقفلت وراها بالمفتاح مسكت شنطتها وابتدت تحط حاجتها فيها
وصلوا كلهم الشاليه
راحت عشق عالاوضه حاولت تفتحها لقتها مقفوله
عشق...تمارا افتحي الباب
تمارا............
عشق...تمارا عشان خاطري دخليني اتكلم معاكي بس
زهره....افتحي ياتمارا لو بتحبينا
ليل...وسعوا....تمارا افتحي الباب ده عايز اتكلم معاكي
تمارا...جوه اعده تلم في حاجتها ومبتردش ودموعها نازله
ليل...تمارا لو مفتحتيش هكسر الباب ده افتحي بقولك هنتكلم معاكي وبعدين اعملي اللي انتي عيزاه ثواني خلصت تمارا شنطتها قفلتها وراحت بيها عالباب فتحته
وخرجت ادامهم وشنطتها وراها
عشق...تمارا انتي رايحه فين استني
زهره...تمارا استني عشان خاطرنا
ليل....تمارا اقفي احنا بنكلمك وقفت تمارا ضهرها لباب الشاليه سابت الشنطه من ايدها
تمارا...ايوه ياليل
ليل...انتي رايحه فين
تمارا...دموعها نازله انا راجعه القاهرة
ليل...ده على اساس انك هتاخدي تاكسي مثلا
تمارا...اخد اللي اخده ياليل بس انا مش هأعد دقيقه واحده هنا
ليل...طيب ممكن تهدي بس واللي انتي عيزاه هعمله
تمارا...اهدى ازاي
ليل...زي الناس تمارا مينفعش تمشي لازم تستني جاسر وتسمعي منه
تمارا...اسمع منه ايه اسمعه بعد ايه اصلا الوقت اللي المفروض كان اتكلم فيه عدى خلاص ياليل
نوح...تمارا جاسر ملهوش ذنب هو ميعرفش ان هايدي جايه
تمارا...عارفه انه ميعرفش بس لما عرف عمل ايه سابني واقفه لوحدي وكمل رقص معاها ده اللي انتوا عايزني استناه
نوح...تمارا مينفعش تمشي وتتخلي عن جاسر بسهوله كده لهايدي مينفعش توصليها للي هي عيزاه
فاللحظه دي وصل جاسر ادام الباب شايفهم كلهم واقفين وهي واقفه مدياه ضهرها ومش شيفاه...كلهم لمحوه وسكتوا
تمارا...هو انت بتضحك على نفسك ولا عليا يا نوح جاسر ايه اللي اتخلى عنه لو في حد اتخلى عن التاني فهو يانوح اما بقى بالنسبه لهايدي اوصلها لايه هي معاها حق اصلا هي صح وانا اللي غلط هو خطيبها وحقها تدافع عنه انما انا ايه انا ولا حاجه انا مفيش حاجه تربطني بجاسر هي اللي خطبته مش انا هي المفروض تبهدل الدنيا مش انا
ليل...بس جاسر بيحبك وانتي بتحبيه وانهرده قالها صريحه يا تمارا انه عايز يكمل معاكي انتي مش معاها
تمارا...يافرحتي بيحبني وبحبه يافرحتي انه عايز يكمل معايا مش معاها انتوا مش فاهمين اللي بتقولوه صح جاسر سابني وفضل معاها هي جاسر منطقش لما شافها جاسر شافها بتتكلم معايا كده وسكت طب انا سكت عشان كان منظري زباله وانا اللي غلط واستاهل ضرب الجزمه عشان مكنش ليا اي حق افتح بوئي اصلا عشان هي معاها حق وانا مليش اي حق هي بتدافع عن خطيبها انما انا ايه...هايدي انا وقفتها عند حدها كذا مره وانتصرت عليها كذا مره بس المرادي هي قدرت بكل بساطه تخليني ادام نفسي قليله اوي تخليني لاول مره معرفش ارد ولا اتكلم ولا اخد حقي لاني مليش اي حق
ادم...تمارا طيب اهدي عشان خاطرنا احنا متضيعيش فرحة اليوم ده والله العظيم جاسر كان طاير وهو بيجهزلك اليوم ده جاسر بيحبك بجد
تمارا...بدموع عارفه بس الحب ده يفيد بأيه يا ادم وانت شايف اللي بيحبك ساكت مش بيدافع عنك ولا عن حبه ليك هايدي مسخرتني ادام جاسر وهو وقف ساكت انا لاخر لحظه كنت مستنياه يقولها اي حاجه تديني ثقه في نفسي حتى لو واحد في الميه بس جاسر معملش كده سابني لا عارفه امشي ولا اقف كنت حاسه ان الدنيا قفلت في وشي اليوم اللي انت بتتكلم عنه ده يا ادم صدقتي كان احليى يوم في عمري كله انا انهرده حسيت اني اتولدت بجد جيت للدنيا بجد حسيت اني ليا اهل وسند يعوضوني عن حرماني من اهلي اللي رموني بجد وفي لحظه حسيت اني لسه زي مانا واقفه عند نفس الخطوه اللي مش عارفه اعديها في حياتي الدار يا ادم اللي فتحت عيني عالدنيا لقيت نفسي متربيه فيها
بصت ميرنا باستغراب وهي مش فاهمه ايه اللي بيتقال ده😳
ليل....تمارا مش يمكن هو اتصدم من وجودها زي ما انتي اتصدمتي حاولي تسمعي منه يا تمارا سبق وعشق حطتني في نفس الموقف لما شافت حنان في الحفله لمجرد انها اتصدمت بس حكمت عليا اني اعرفها اديله فرصه يا تمارا
تمارا...انا مش هدي فرصه لاي حد ياليل لو في حد محتاج فرصه فانا اللي محتاجه ادي فرصه لنفسي محتاجه افكر صح محتاجه احترم نفسي وابعد نفسي عن الوضع اللي انا حطيت نفسي فيه مينفعش احب راجل خاطب مينفعش ابقى مع راجل وعارفه انه في حياته حد والحد ده خطيبته اصلا وكملت وهي بتعيط جاسر خذلني ياليل واكتر حاجه توجع بجد احساس الخذلان يمكن اكون جربته من يوم ما اتولدت وجيت الدنيا دي بس مع جاسر الخذلان إحساسه مختلف ياليل...🥺🥺🥺مسكت الشنطه ولفت شافت جاسر واقف وراها سادد الباب بطوله حاطت ايده الاتنين في جيبه قلبها اتقبض من خضتها.
جاسر....رايحه فين
تمارا مسحت دموعها بسرعه راجعه القاهرة
جاسر...مين قال انك هترجعي
تمارا...انا اللي قولت واظن اني مش محتاجه اذن عشان اعد او امشي
جاسر...محدش يقدر يمنعك يا تمارا بس انتي مش هتمشي غير لما تسمعيني
تمارا...وانا مش عايزه اسمعك كنت مستنيه اسمعك في وقت كان لازم يطلع صوتك فيه ومحصلش وانا الوقت مش مضطره اسمعك
جاسر...لا هتسمعيني يا تمارا بمزاجك غصب عنك هتسمعيني
عشان انا مخذلتكيش زي ما قولتي يا تمارا بس يمكن اكون اتصدمت من وجود هايدي يمكن عشان محبتش ان انتوا الاتنين تتصادموا مع بعض وكلنا يبقى منظرنا وحش يمكن محبتش اتكلم عشان هايدي متقولش كلام يوجعك وتقفي ساكته لمجرد انك شايفه انك ملكيش حق تتكلمي
اللي بيحب بجد يا تمارا من قلبه بيدافع عن اللي بيحبه لو هيموت عشانه مبيقولش ان في طرف احق مني فيه انتي بتحبيني وعارفه اني بحبك ومبحبش هايدي عارفه اننا ساكتين عليها لحد ما حاج محمد يقوم بالسلامه وساعتها انا اللي هسلمها بأيدي عشان تاخد اللي تستحقه عارفه اني خايف عليكي منها خايف تأذيكي او تفكر تعمل اللي عملته مع حاج محمد بس انتي واضح انك نسيتي ان الحادثه دي كنتي انتي اللي مقصوده بيها ولولا ان العربيه خبطت حاج محمد وانا شديتك كان زمانك ميته اوعي تفكري ان هايدي بتدافع عن حقها فيا او حبها ليا
هايدي لا بتحبني ولا عمرها حبتني انا بالنسبالها بنك متنقل وبس انا حقها فهي ملهاش اي حق فيا هايدي بتدافع عن حقها اللي كانت هتاخده من وجودها معايا المشكله بقى ياتمارا انك عارفه كل ده وفاهمه كل ده ومع ذلك اضايقتي اني سكت لما شوفتها يمكن اكون غلطت وكان لازم اتكلم بس للاسف مكنتش عارف عواقب ده ايه لو اتكلمت وانتي موجوده هايدي حاولت تقتل قبل كده يا تمارا واللي يفكر فالقتل مره يفكر فيها مليون مره وانا معنديش استعداد اخسرك يا تمارا عشان بحبك وعشان انتي تفرقي معايا وعايز بس اقولك حاجه يمكن بعد خروجك من المكان قولت لهايدي كل حاجه كان نفسك تسمعيها بس انا قولتها لما اتطمنت انك مشيتي وبعدتي عنها يمكن في حاجات مكنش ينفع اقولها يا تمارا بس قولتها عشان اللي انتي حسيتي بيه انا حسيت اضعافه وانا شايفك ساكته ومش عارفه تتكلمي تمارا اللي انا اعرفها لسانها مبياعدش في بوئها لحظه لكن اللي كانت واقفه وساكته دي انا معرفهاش ومحبش اني اعرفها انتي مش ضعيفه ياتمارا ولا انتي محتاجه حد حى لو انا عشان يديكي ثقه في نفسك انا بحبك يا تمارا وعمري ما خذلتك ولا عمري هخذلك
عشق....اظن كده بقى ممكن تهدي وتسمعي
ليل...وانا اظن بعد اللي جاسر سمعولها ده مفيش حاجه تتقال
تمارا....بدموع ولسه ماسكه شنطتها انا عايزه امشي
بص جاسر لليل...اسف يا جماعه مضطر استخدم اسلوب تاني مسك جاسر ايدها وبعد شنطتها عنها وخرج من الشاليه وهي في ايده وجاررها وراه
تمارا...سيب ايدي
جاسر...مسمعش صوتك
تمارا...جاسر سيب ايدي لا اصوت والم الناس دي كلها عليك
جاسر...صوتي واعملي الي انتي عيزاه معنديش مشكله
تمارا...طب براحه هقع
جاسر...اقعي مش مهم فضل جاسر ساحبها وراه وهي تتكلم ومفيش اي فايده.
......
عشق...هو راح فين
ليل...بضحك سيبك منهم دول جوز مجانين واتلموا عى بعض
عشق...ايوه بس
ليل...متقلقيش شويه وهتلاقيها راجعه بتضحك
زهره....سبيها يا عشق هي سمعته ومعرفتش ترد الوقت يتصالحوا
ادم...متقلقوش جاسر مش هيسيبها غير وهي بتضحك
نوح...منها لله بوز الاخس هايدي بوظت علينا الاعده
ما تيجوا نخرج تاني نأعد في اي مكان لسه بدري الساعه 12 مش معقول ننام الوقت
زهره...انا اصلا مش جايلي نوم
ادم...طيب يلا بينا نروح نأعد في اي مكان
نور...طيب وتمارا وجاسر
نوح...لو كلمونا هنقولهم على مكانا مع اني ميتهياليش اصلا هيرجعوا الوقت
ادم...طب يلا بينا
ليل...بقول ايه روحوا انتوا وانا هاخد عشق كده ونتمشى شويه عشان عايزها في حاجه مهمه بخصوص الشغل
نوح..وهو بيغمزله😉😉ماشي
ليل..عض على شفايفه بغيظ
نوح..وهو بيلحق نفسه يلا يا جدعان بسرعه
ميرنا....بقول ايه انا مش قادره مصدعه اوي
نور...لا يلا متبقيش رخمه
ميرنا...والله ما قادره
زهره...يلا بقى شويه وهنرجع هتأعدي لوحدك
ميرنا...هطلع اخد شاور وانزل اعد عالمرجيحه اللي فالجنينه دي عشان عجباني😂😂 وعايزه اكلم دادي اطمن عليه
نور..بصوت واطي دادي ولا هادي🤔
ميرنا...بضحك تصدقي ماشيه على بعض عموما يا اختي الاتنين
اتكلوا على الله بقى
نور...ماشي
خرجوا الشباب كلهم وسابوا ميرنا
اما عشق وليل فراحوا يتمشوا عالبحر.
..........
وصل جاسر وهو ساحب تمارا وراه عند مكان المرسي بتاع اليخت
جاسر ..صوتك لو طلع هحدفك فالبحر مش ناقص حد يفتكر اني خاطفك😒😒
تمارا...والله لاقول انك خاطفني🥺
جاسر...طب اسمع صوتك بيطلع يا تمارا..
وصلوا ادام المسؤولين عن سواقه اليخت.
واحد من المسؤولين جاسر باشا اي خدمه
جاسر...لا شكرا يا توفيق انا طالع اليخت
طيب مش محتاجني معاك
جاسر...لا شكرا انا غالبا مش هتحرك ولو اتحركت مش هبعد
تمام يا باشا
نط جاسر عاليخت ومسك ايد تمارا لحد ما عدت ودخلوا جوه
تمارا...بغضب بزمتك انت مش بتهرج يقولوا عليا ايه الوقت وانا داخله معاك لوحدنا كده
جاسر...محدش يقدر يقول حاجه وبعدين ماحنا الدنيا كلها شيفانا اهو
تمارا...جاسر مشيني عشان متزعلش مني
جاسر...والنبي زعليني🤨
تمارا...بتحاول تداري ضحكتها جاسر بلاش رخامه
جاسر....طب بتداري ضحكتك ليه
تمارا...مبضحكش على فكره
جاسر...قرب منها بحب..بحبك والله العظيم بحبك ومقدرش على زعلك ولا بعدك واول ما نرجع هتقدملك وهنحدد معاد جوازنا كمان عشان انا مش هقدر استنى خطوبه وهبل انا عايز اكون معاكي عايز الناس كلها تعرف انك مراتي في اقرب وقت
تمارا...وانا مش هتجوزك😔
جاسر...طب عيني في عينك كده
بصتله تمارا وبعدت عينها عنه بسرعه
جاسر....شوفتي بقى عينك مش قادره تيجي في عيني عشان من ورا قلبك
تمارا...هي جت ليه
جاسر..هي مين
تمارا...متستعبطش😡
جاسر...طب خلاص يا ساتر ...والله ما اعرف بس غالبا كده عرفت من الشيطانه شاهي انكم مش بتروحوا الشركه فتاكدت انكم معانا
تمارا...وبعدين
جاسر...ولا قبلين خلاص اصلا الحوار خلص وهايدي مبقتش تخصني ولا معايا
تمارا...يعني هي كانت تخصك 😡
جاسر...ماتهدي ياوحش الحته بقى والله ما اقصد اقصد ان حتى ارتباطها بيا مبقاش موجود خلصت وعشان خاطري اقفلي بقى السيره دي مش حابب اسمع سيرتها تاني
سكتت تمارا شويه
جاسر....ايه فينك
تمارا...خليك في حالك
جاسر...اتعدلي
تمارا...لا😡
جاسر...هزعلك
تمارا....متقدرش
جاسر...انا فعلا مقدرش عشان بحبك
تمارا....بحزن بجد
جاسر...انتي لسه مش متأكده
تمارا...ايوه
جاسر....قرب منها ومن غير إنذار نزل على شفايفها بقبله طوييييييله😉😉😉❣️❣️❣️😍❣️😍❣️
وبعد فتره بسيطه بعد عنها...اتأكدتي
تمارا...بأحراج انت قليل الادب🥺
جاسر....والله بحبك وحيات امي بحبك ❣️
تمارا...وانا كمان بحبك❣️
شدها جاسر لحضنه وضمها بقوه كل سنه وانتي معايا وفي حضني وجوه قلبي ومفيش غيرك في حياتي ابدا
حضنته تمارا اكتر...بحبك يا جاسر
......................
اعدت عشق وليل عالرمل كان المكان هادي ليل بيشرب سيجاره وعشق باصه عالبحر
ليل....بصلها حبيبي ساكت ليه
بصتله عشق بابتسامه هاديه مفيش بس الدنيا دي غريبه اوي
ليل....اشمعنى
عشق...يعني من شويه كنا مبسطوين جدا كلنا وفي لحظه كلنا اتضايقنا واتنكد علينا بسبب اللي حصل وجه جاسر قال كلمتين هديت تمارا وراحت معاه ساعات بسأل نفسي ليه لما بنكون مبسوطين لازم حاجه تحصل تبوظ فرحتنا وليه بترجع تتحل بسرعه طيب لما هي هتتحل ليه اصلا بتتعقد ليه مش بتمشي حلوه كده على طول ليه لازم حاجه تحصل تعكر لحظه سعاده احنا عايشنها انت فاهمني
ليل...فاهمك طبعا ويمكن هي حاجه تحير بس انا ممكن ارد عليكي واقولك ليه
يمكن لو مكنش في حاجه حصلت بوظت لحظه حلوه احنا عايشنها كان في حاجات مش هتحصل زي ان جاسر ينهي كل حاجه مع هايدي او زي ان تمارا تطلع كلام من جواها وجاسر يسمعه عالاقل عشان يعرف هو وجعها في ايه وميكرروش تاني وبردو مكنش جاسر قال كل الكلام اللي كانت تمارا حى وهي في اسعد لحظات حياتها معاه اكيد كانت محتاجه تسمعها منه عشان تطمن وربنا خلي كل ده يحصل عشان جاسر يقولها كل اللي كانت محتاجه تسمعه
الدنيا دايما ياعشق بتحطنا في مواقف كتير حلوه بقى وحشه بس هي تجربه لازم ندخل جواها ونعدي منها مش مهم كسبانين او خسرانين المهم اننا فالاخر نطلع منها فاهمين مرتاحين متطمنين والاهم من كل ده ان عقلنا اللي شغال ومبيفصلش يهدي ويطمن سواء بنتيجه هو عايزها او نتيجه هو رافضها المهم انه يوصل فهمتي حاجه
عشق...بابتسامه فهمت طبعا
ليل...عشق
عشق...نعم
ليل...تتجوزيني❣️
عشق...😳
ليل...ايه سكتي ليه
عشق...ليل انت عارف انا بحبك اد ايه بس صدقني مش هينفع عالاقل الوقت
ليل....ليه بتقولي كده ياعشق
عشق...عشان في حاجات كتير لسه متحققتش عشان خايفه يا ليل خايفه نغير اي حاجه فالحلم واصحى على كارثه بس بعد ما ابقى معاك مش هقدر يا ليل اعيش لحظه اني معاك وفي حاجه وحشه بتحصل
ليل....عشق انا اول مره اشوفك متشائمه بالطريقه دي انا اتعلمت التفاؤل منك انتي
عشق...مش تشاؤم يا ليل اد ما هو خوف ليل انا عمري ما خوفت من الموت بس انا الوقت خايفه اوي خايفه اموت اسيبك بعد ما قدرت اوصل لقلبك
ليل....مفيش حاجه ياعشق هتاخدك مني ولا حتى الموت!!!!
ابتسمت عشق وهي دموعها بتتجمع بسرعه رهيبه في عيونها
حتى جملتك دي ياليل سمعتها في حلمي وانا شريط حياتي بيقف 🥺
ليل...بلاش عشان خاطري كلامك ده عشق انا يمكن ابان قوي جدا بس صدقيني انا محتاجك جمبي بصي هقولك حاجه ايه رأيك نعتبر انك محلمتيش واي حاجه تتكرر ادامك اعملي نفسك بتشوفيها وتسمعيها لاول مره خلينا نغير بايدنا الحلم خلينا نغير كل اللي شوفتيه ونكتب بدايه ونهايه بايدنا خلينا نحط كل الناس اللي حابه تأذينا تحت عيننا من غير ما نتعب نفسنا بالتفكير ونضيع احلى لحظات حياتنا في خوف خلينا نقول ان اي حاجه هتحصل ربنا هو اللي حابب انها تحصل اتفقنا
ابتسمت عشق...اتفقنا
مسح ليا دموعها بايده يعني موافقه
هزت عشق..راسها وهي بتبتسم باحراج
حط ايده ليل علي كتفها وضمها ليه بحب وهو بيبوسها من راسها
ليل...هنغير كل حاجه وحشه يا عشق وهنفضل مع بعض
عشق....مسكت ايده اوي كفايه انك معايا ده لوحده مطمني
باسها ليل من ايدها بحب وفضل واخدها في حضنه وهما باصين عالبحر.......😍😍😍😍
مابين الحلم والحقيقة (دار الايتام 2)
البارت السابع والعشرون...
ابتدا الصبح يطلع وكل واحد فيهم في دنيا تانيه مع اللي بيحبه..
تمارا...من داخل حضن جاسر ..
جاسررر
جاسر....ايه ياحبيبي
تمارا...هو احنا هنفضل هنا مش هنخرج بقى
شال جاسر السيجاره ونفخ الدخان بعيد
جاسر...ايه زهقتي مني بسرعه كده
تمارا...زهقت؟؟انا لو عليا عايزه افضل معاك على طول بس مش عيزاهم يقلقوا
جاسر...هيقلقوا ليه ماهما عارفين انك معايا انتي زهقتي انا عارف🤨
تمارا...بضحك والله ابدا بس بصراحه انا محروجه من ليل وادم ونوح اوي
جاسر...ده على اساس مش كل واحد فيهم واقع ولا ايه
تمارا...حتى ولو بس احنا بقالنا كتير اوي مع بعض
جاسر...حاضر يا حبيبي يلا بينا
تمارا...يلا
خرج جاسر وتمارا مع بعض وهو ماشي شابك ايده في ايدها
........
اما عند ليل وعشق فكان ليل اعد بيشرب سيجاره وواخد عشق في حضنه وكف ايده على راسها بحنيه وهي رايحه في النوم وفي عالم تاني حضن ليل والبحر وصوت الموج والهوا..❣️
مكانش ليل عايز يصحيها ولا كان عايز يرجعها الشاليه كان عايزها في حضنه وبس
لمح ليل جاسر وتمارا خارجين وجاسر بيبتسمله وبيغمزله
مكانش ليل عارف يتصرف عشان مش حابب عشق تتحرج ولا هاين عليه يصحيها ويخرجها من حضنه
جاسر....اعدتي تقولي نخرج نخرج اهو كل واحد فيهم مع نفسه
تمارا...بقولك ايه
جاسر...يانعم
تمارا...تعالي نمشي عالشاليه مش عايزه تضايق ولا تتحرج
جاسر...مع اني عايز ارخم على ليل بس ماشي عشان خاطر عشق بس
تمارا...بضحك رخم اوي
جاسر...اوي😂
.......
ليل...عشق حبيبي اصحي يلا
عشق..فتحت عينها وخرجت من حضنه
عشق....ايه ده انا نمت ازاي
ليل...حضني نيمك
ابتسمت عشق بأحراج
ليل...دخلي شعرك جوه جاسر جاي مع تمارا هناك
عشق....ايه ده هما شافوني وانا نايمه
ليل...لا يا حبيبي هما جايين بيتكلموا مش واخدين بالهم انا صحيتك على طول
عشق....تمام
قرب جاسر وتمارا منهم لما لمحوا عشق صحيت
جاسر....صباح الفل
ليل... صباح النور يا خويا
اعد جاسر جمبهم هو وتمارا
تمارا...ايه فين الباقي
ليل...والله ماعارف انا خدت عشق نتمشى عالبحر وهما قالوا هيروحوا يكملوا سهرتهم وميرنا في الشاليه مرضيتش تخرج
عشق...عامله ايه الوقت
تمارا...تمام
جاسر....يعني ينفع تسأليها عامله ايه وانا معاها خلاص صالحتني طبعا هي تقدر تستغني عني😉😉
تمارا...قصدك ايه يعني🤨
ليل...بقول ايه انت وهي مش عايز بعد كده لعب عيال وانتي ياتمارا بالذات الواد بيحبك وانا اول مره اشوفه كده ياريت مفيش اي حاجه تبوظ اللي بينكم بعد كده
مفهوم
جاسر....انا تمام هي بس تبطل عصبيتها والجنان بتاعها
تمارا...حاضر ياليل
ليل....بأذن الله اول ما نرجع هنظبط كل حاجه الايام الجايه دي هنخلص موضوع ادم وزهره وانت وتمارا وان شاء الله نطمن على حاج محمد ونفرح بنوح ونور
عشق...يارب يقوم بالسلامه
تمارا...وحشني اوي
عشق...انا كمان وحشني بجد
ليل....وحشنا كلنا الراجل الطيب ده و حاسس انه قريب هيقوم بألف خير
جاسر...يارب يشفيه
ليل...المهم ان شاء الله كل حاجه هتتظبط اليومين الجايين دول وهنخلص منكم كلكم عشان افضي لنفسي بقى
جاسر...بيحاول يرخم عليه ايوه هتعمل ايه بقى 🙄
ليل....ملكش فيه جاسر...الله ماليش فيه ايه بس يعني انت حامل همنا كلنا لازم نشوفلك عروسه
كتمت تمارا ضحكتها اما عشق فكانت بتبص بعيد عنهم عشان تضيع احراجها.
ليل...متقلقش العروسه عندي
جاسر....ايه ده بجد طب هي مين
ليل...انت عايز تضرب صح
جاسر..بضحك انا ليه طيب تصدق انا غلطان وعموما بردو عشان بحبك عروستك عندي
ليل...ايه اشتغلت خاطبه
جاسر...عشانك اشتغل اي حاجه
تمارا....على فكره انا عارفه العروسه😂😂😂
ليل...تصدقوا بالله ان انتو الاتنين لايقين على بعض حقيقي نفس الرخامه
تمارا...بضحك طب وانا مالي
جاسر...رخمين عشان خايفين على مصلحتك ولا ايه يا عشق
جم في الوقت ده زهره وادم ونوح ونور
نوح...ياصباح الفل بتعملوا ايه
جاسر...تعالوا اعدوا وهشهدكم على ليل
ليل...ليلة امك شكلها مش فايته
جاسر...بضحك يا ابني انت حاططني في دماغك ليه بس انا قلبي عليك
ادم...في ايه
جاسر...احضرنا ياادم انت عاقل
ادم...اعد قول يا اخويا
اعدوا الاربعه معاهم على الرمل
جاسر..بص يا سيدي ليل بيقول اليومين الجايبن دول اول ما ننزل هنخلص موضوعك انت وزهره وانا وتمارا ونور ونوح ان شاء الله بس نطمن على حاج محمد
ادم...حلو فين المشكله
جاسر...المشكله اني بقوله عندي ليك عروسه هو زعلان
ادم...وزعلان ليه يا ليل ايه ناوي تعيش كده
ليل...لا ياسيدي مش ناوي بس اطلعوا انتوا منها بس
نوح...انا كمان عندي ليك عروسه قمر على فكره
ليل...ده واضح ان العيله كلها بقت تشتغل خاطبه عموما ارتاحوا انا عندي العروسه اخلص منكم وهتجوزها
نوح...وهو بيغمزله طب قول اول حرف
ليل...بضحك والله العظيم انا ما عايز اضرب حد فيكم
عشق...قامت وقفت عشان تخلص من الاحراج اللي هي فيه ...احنا اتأخرنا على
ميرنا مش هنقوم ولا ايه
نوح...الله ده في هروب😂😂😂
ليل...وهو باصصله بغيظ😡
نوح...انت هتتحول ولا ايه ياليل انا طيب والله😂😂😂
عشق...اهرب ليه انا مش بهرب ههرب ليه اصلا🙄 انا بس عايزه اروح اشوف ميرنا بقالنا كتير سايبنها
مسكها ليل من كف ايدها اوي وبصلها حست عشق بالتوتر والارتباك اكتر من لمسته ليها ادامهم
ليل...اعدي ياعشق
عشق...ايوه بس
ليل...اعدي بس
اعدت عشق وسحبت ايدها منه براحه وشها اتحول للون الاحمر
ليل....بقول ايه فككم من الهبل ده بقى خلينا في المهم الساعه الوقت 6 ومحدش فينا نام واظن بكره احنا هنمشي على المغرب ان شاء الله يعني انهرده اخر يوم لينا
فزي الشاطرين كده تقوموا الوقت تلحقوا تناموا شويه الساعه 12الضهر كده ننزل عالبحر وبليل نخرج ونسهر براحتنا وابقوا ارجعوا ناموا بكره طبعا مفيش نزول بحر عشان مفيش وقت وعشان نقدر نسوق يادوب نتغدى ونبتدي نتحرك
جاسر...تمام خلونا نلحق ننام شويه عشان انا فاصل فعلا
ادم...ماشي يلا بينا
قام الكل اتحركوا
مشيت عشق جمب ليل وهي مضايقه
بصلها ليل.
ليل...🤨🤨حبيبي مبوز ليه
عشق...ابدا مفيش
ليل...عليا انا انتي مضايقه من الرخمين دول صح
عشق...مش مضايقه بس اتحرجت بجد
ليل...ليه يا حبيبي بس هو في حد ليه حاجه عندنا وبعدين هو احنا بنعمل حاجه غلط احنا بنحب بعض زي ما هما بيحبوا بعض
عشق...ايوه بس هما قالوا ده ادامنا لكن احنا لا
ليل...يعني انتي مشكلتك اننا مش قولنا خلاص يا ستي استني انادي عليهم واقولهم
مسكت عشق ايده بسرعه ليل بطل جنان
ضحك ليل...طيب خلاص جبانه اوي.
بعد مده بسيطه دخل كل واحد فيهم عالشاليه
كانت ميرنا نايمه
تمارا...دي نامت
عشق...سيبوها نايمه متصحوهاش
صحيت ميرنا ...ايه ده انتوا رجعتوا
نور...لا لسه انتي بتحلمي
ميرنا...بابتسامه بس يارخمه..بتعملوا ايه كل ده وصيعتوا فين
زهره...مفيش كل واحد فينا اعد في مكان انتي نمتي امته
ميرنا...انا لسه نايمه من شويه صغيره
تمارا...وايه اللي مصحيكي يا اختي كل ده لوحدك
ميرنا...بفرحه كنت بكلم هادي لسه قافل معايا من شويه
تمارا...ايوه يا عم يعني كنتي بتصيعي زينا في التليفون
ميرنا...كده بصيع
تمارا...ايوه تمشي تحت بند الصياعه بردو
ميرنا...بضحك ماشي نمشيها
نور...ايه في جديد
ميرنا...مفيش اعد يتكلم معايا كتير ويحكيلي عن كل حاجه في حياته وقالي انه مش بيكلمني عشان يضغط عليا بس انا وحشته فحب يكلمني
زهره...وانتي قولتيله ايه
ميرنا...ولا حاجه كنت بسمعه وبتكلم معاه بس بردو مش قولتله اي حاجه انا حاسه بيها من ناحيته
زهره...كويس
ميرنا...هو رايح بكره القاهره عنده شغل وهيأعد اسبوع وقالي انه هيعدي على جاسر وليل عشان يخلص معاهم شغل
تمارا...اشطا يبقى انتي راجعه معانا بكره وش
ميرنا...ايه ده انتوا راجعين بكره
تمارا...اه يا خساره الاجازه خلصت
ميرنا...انا مش عارفه هرجع امته اصلا كده هتسيبوني يا رخمين
زهره...طيب ما ترجعي معانا هتأعدي تعملي ايه هنا لوحدك وبعدين عشان تشوفي الموز و تتكلموا مع بعض
ميرنا...بتفكير مش عارفه انا اصلا مش مظبطه اي حاجه عن رجوع القاهره عموما هشوف الصبح اي فندق فاضي يارب الاقي فيه مكان فاضي
تمارا...وفندق ليه انتي هتيجي معانا طبعا
ميرنا...لا طبعا مش هينفع مش كفايه اعدت معاكم هنا
زهره...انتي يا بنتي عبيطه ماحنا اعدين لوحدنا
ميرنا... انتوا بتقولوا اعدين في شقه ليل وبصراحه انا هتحرج منه جدا
نور...مالكيش دعوه انتي واحنا هنخلي ليل يقولهالك بنفسه
عشق...بطلي عبط يا ميرنا انتي خلاص معانا
ميرنا...طيب خلاص خليني بردو بكره وان شاء الله بعد بكره هاجي انا كده كده هرجع طيران
تمارا...بت بلا طيران بلا زفت متجبليش سيره الطيران ده خالص هترجعي معايا انا وجاسر في العربيه
ميرنا...طيب هشوف سيبوني بس اظبطها كده مع نفسي الاول
تمارا...احنا خلصنا كلام خلاص وبعدين دي عشق هانم قالتهالك بنفسها دي الجو بتاع الموز يعني اللي هتقول عليه هيتنفز
عشق...بنرفزه تمارا بلاش رخامه بقى
ميرنا...ايه ده مالها عشق عملتبلها ايه يابت انتي مالك يا عشق من ساعة ما جيتي وانتي شكلك مضايق
عشق...مفيش
تمارا...بت يا عشق مالك نتي اضايقتي ولا ايه
نور...شكلها اضايقت من هزارهم
ميرنا...ايه ده في ايه انا مش فاهمه
تمارا...ابدا الشباب اعدوا يرخموا على ليل وان عندهم عروسه ليه وهو قال ملكوش دعوه انا عندي عروسه وفضلوا يرخموا عليه ويقولوا عارفينها هي اتحرجت وشكلها اضايق بسبب كده
عشق...تمارا انا كنت في نص هدومي وانتي عارفه انش بتوتر من الطريقه دي وانتي كمان دخلتي معاهم وفضلتي تستظرفي
تمارا...والله ما قصدت يا عشق وبعدين احنا عارفين كل حاجه
عشق...مش مهم انتوا المهم هما
تمارا...طب ماهما اصلا عارفين كل حاجه يا عشق وانتي شايفه انهم بيخبوا حاجه عن بعض وبعدين دي مش حاجه سر يعني ايه المشكله انكم بتحبوا بعض
ميرنا...متكبريش الموضوع يا عشق عادي ده هزار وبعدين الحب مفيهوش كسوف او احراج انتوا مش بتعملوا اي حاجه غلط
عشق...عارفه بس انا اتوترت وبعدين انا وليل مش قايلين ده بطريقه صريحه
زهره...عشق عادي مفيش حاجه بجد كبري دماغك هما كانوا بيهزروا
عشق...خلاص مفيش حاجه حصل خير انا هروح انام شويه
تمارا...عشق زعلانه مني
عشق...لا ياتمارا حصل خير
تمارا...تبقي زعلانه
عشق.. لا والله مفيش حاجه خلاص
ميرنا...هو انا ممكن أسالكم سؤال لو مش حابين تجاوبوا براحتكم
تمارا...قولي
عشق...قولي ياميرنا
ميرنا....هي مين حنان اللي كنتوا بتتكلموا عنها ودار ايه اللي انتي قولتي عليها امبارح يا تمارا وقتل ايه اللي هايدي متورطه فيه انا سمعت حاجات كتير بس مفهمتش منها اي حاجه بصوا انا مش بتدخل والله بس فضول مش اكتر مش حابين بيس طبعا ومش مضايقه والله
عشق...مش سر ولا حاجه يا ميرنا دي حكايه طويله بس
تمارا...وانا افضل اننا نحكيهالك لما نرجع القاهره هتبقي معانا اهو نلاقي حاجه نتكلم فيها
ميرنا...طيب اشطا موافقه
تمارا...انا هقوم اغير وارجع انام شويه
ميرنا...وانا هكمل نوم
عشق...يلا تصبحوا على خير
نور...احنا بقينا الصبح خلاص
عشق...بابتسامه اهو اي حاجه المهم اننا ننام
عدت كذا ساعه
صحيوا كلهم فطروا وابتدو يجهزوا وبعد شويه عدوا عليهم الشباب وراحوا مع بعض البحر طول الوقت كانت عشق مش مظبوطه حاول ليل معاها كتير لحد ما فكت خالص نزلوا كلهم البحر قضوا مع بعض وقت طويل بين هزار وضحك ولعب في الميه وتحديات بين الشباب والبنات الجو بينهم كان يجنن
خلص يومهم وودعوا البحر وراحوا جهزوا وخرجوا تاني اتغدوا مع بعض وبعد كده خدهم ليل على مكان في اعده عربي في جو خيالي وسط السما والبحر والهوا كانت الاعده والجو العام يجنن
نور...بقول ايه ما تيجوا نلعب
نوح...اه يلا نقوم نجري ورا بعض
تمارا...ايه ده الله يلا
مسكها جاسر من ايدها هو ايه اللي يلا اعدي ياهبله بص لنوح وانت يا اهبل منها هو ايه اللي يلا نقوم نجري ورا بعض
نوح...😂😂اومال نعمل ايه طيب مش بتقول نلعب
جاسر...منك لله بوظت هيبه عيلة السيوفي
ليل....لا والتانيه بتقوم مستعده
تمارا...بضحك طب والله هتبقى لعبه حلوه😂😂😂
جاسر...بصلها 🤨🤨اعدي يا ماما عشان مزعلكيش
تمارا.. وانا قولت حاجه نوح هو اللي بيقول🙄
نوح...بضحك بعتيني كده قوام
تمارا...مش شايف بصته 😒
نوح...شرس هاا😂😂😂
تمارا...بضحك اوي😂😂🤭
نور...ياجدعان في ايه كل ده عشان قولت نلعب وبعدين انا اقصد يعني نلعب بالازازه دي ونلفها ونسأل بعض
ادم...حلو انا موافق
زهره...وانا كمان
ميرنا..وانا طبعا
تمارا...انا كمان يلا بقى
جاسر...ما تشوفوا لعبه تانيه
تمارا...ليه مش عايز تتسأل 🤨🤨هي اللعبه دي اللي هنلعبها بقى
نوح....اشرب يا معلم
جاسر...وانا قولت حاجه هلعب طبعا
تمارا...ايوه كده
نور...طيب عشق وليل موافقين
ليل...معنديش مشكله يلا موافقه ياعشق
عشق....ماشي بس ياريت أساله ينفع يتجاوب عليها
نور...خليها على الله 😂😂
عشق...ربنا يستر🙄
ليل...بصوت واطي ايه خايفه🤨
عشق..انا لا هخاف من ايه🙄
ليل...اومال ايه انتي مخبيه حاجه ولا ايه
عشق..لا خالص
ليل...ماشي هنشوف😡
ضحكت عشق غصب عنها وحطت أيدها على بوئها🤭
ابتسم ليل على ضحكتها الجميله
ادم...طب ايه ماكفاياكو رغي وكل واحد ماسك ودن التاني ما تخلصوا
ميرنا...يلا بقى صحيح
نوح...بقول ايه انا عارف اللعبه دي بس اول مره العبها اعمل ايه بقى
نور...ولا اي حاجه احنا هنلف الازازه اللي هتيجي عليه ضهر الازازه هيجاوب عالسؤال اللي هيسأله اللي جه عليه وش الازازه
فهمت كده
نوح ..اشطا يلا انا جاهز
جاسر...نوح خف هااا
نوح...بضحك ده انتوا هتتقطعوا بقول ايه اي سؤال هسأله هتجاوبوا عليه واللي مش اد اللعب من الوقت يخرج
جاسر...في سره يا ابن الجزمه
نوح...برطم بالكلام مش سامعك بس حاسس انك بتشتمني😂😂😂
جاسر...بضحك هقتلك وربنا😂😂
نوح...ادعي متجيش تحت ايدي
جاسر...هو مفيش حل غير اني اعد جمبك عشان الازازه متجيش عليا ولا عليك😂😂😂
تمارا...طب ابق قوم من جمبي
نوح....جالك الموت😂😂😂😂
نور...يلا بقى هبدأ
نوح...يلا لفه حلوه كده بقى ها😂😂
نور...طب بقولك ايه ما تلفها انت لفه جامده كده
نوح...ياسلام عز الطلب😂😂
جاسر...ماكنتي لفتيها انتي يا اختي😂😂😂
نور....متقلقش مش هتيجي
تمارا...يارب تيجي عشان اشوفك قلقان من ايه🤨
جاسر...بزمتك اقلق وانتي جمبي🙄
نوح...بضحك ده انت قلقان عشان جمبها😂😂😂😂
جاسر...ماتسكت الواد ده ياليل وربنا هضربه
ليل....وانت خايف من ايه اوي كده صحيح
جاسر...حتى انت يا كبير😂منكم لله
لف نوح الازازه جامد فضلت تدور لحد ما وقفت
على زهره وليل
ليل...يسأل و زهره...تجاوب
نور....ليل اسأل زهره
ليل....بصوا انا معنديش مشكله اني العب ولا حتى اني اتسأل سؤال محرج او رخم زي نوح كده
ضحكوا كلهم 😂😂
ليل...بس عندي مشكله اني مش بعرف أسأل خصوصا بنات يعني
زهره...انا معنديش اي مشكله في اي سؤال اللي يجي في بالك أسأله
ليل....تمام..سرح ليل شويه عشان يفكر
نور...بقول ايه كل واحد فيكم اللي يجي في باله سؤال يسأله من غير ما يقول ينفع او لا يعني اللعبه دي بتعرفنا على بعض اكتر وتخلينا نعرف شخصيات بعض والاعده دي مش بتتكرر كتير
ميرنا...صح والكل يبقى اد اللعب
نوح...هو ده الكلام ما تخلص يا عم ليل
ليل...طيب تمام انا جه في بالي سؤال
زهره...اسأل ربنا يستر🙈
ليل...بصي ياستي من غير إحراج كده تجاوبي
زهره...اممم ماشي
ليل...كنتي متوقعه ان ادم يطلب ايدك احنا كلنا بجد والله اتفاجئنا مع اننا كنا عارفين انه معجب بيكي بس متخيلناش انه ياخد الخطوه دي عالاقل الوقت او حتى من قبل ما يعرف حد فينا انتي بقى توقعتي وايه هو احساسك وقتها
ابتسم ادم واستنى اجابتها اما الباقي بقوا يصقفوا
نوح...ايوا بقى ياليل هي دي الاسئله😂😂😂
عشق...لليل حرام عليك😂
ليل...مش قالت اسأل اي سؤال😂
زهره...خدت نفس وسط احراجها وضربات قلبها..ماشي انا هجاوب
ليل...يلا سامعينك
زهره....بصراحه مكنتش متوقعه خالص خصوصا اني بحس ان ادم مع نفسه ومش قصدي بس بحس انه اهدى واحد فيكم وبعدين بحس انه بياخد وقت في التفكير وده لاحظته لما اشتغلت معاه والاهم من كل ده انه مش بيبان عليه اي حاجه غير بصعوبه..
اما بقى عن احساسي اكيد اتوترت واتلغبطت وحسيت لثواني كده ان عقلي وقف مش عارفه اقوله ايه ولا ارد اقول ايه
ليل...طيب انتي وافقتي عشان بتبادليه نفس الشعور ولا ايه
زهره...بضحك واحراج هي اللعبه دي مش سؤال واحد 🙈
ليل...طيب تمام هنخليها السؤال الجاي
لف نوح الازازه وقفت على عشق وزهره
ليل...بضحك عشق متسأليش غير سؤالي خليها تجاوب هي باين عليها مرزقه انهرده😂
عشق....ماشي جاوبي يا ستي على سؤاله
زهره...ليه كده يا عشق ده انا بحبك🙈
نوح...يلا جاوبي مفيش هروب
زهره...طيب هو السؤال كان ايه معلش
عشق....وافقتي عشان بتبادليه نفس الشعور ولا عشان ايه؟
سكتت زهره وهي بتضحك ومحرجه وادم باصصلها وهو بيشرب سيجارته مبتسم ومش بيتكلم
زهره....اكيد مش عشان اي حاجه غير اني موافقه واكيد مش هوافق غير وانا حاسه بأي حاجه من ناحيته
نوح...ماشيه معاك يا عم ادددم
جاسر....اوعى الجامد😉
زهره...لف بقى يلا
مسك نوح الازازه عشان يلفها
أبتسم ادم لزهره وهو بيغمزلها😉
ضحكت زهره وبعدت وشها عنه بسرعه
لف نوح الازازه وقفت عليه هو وعشق
نوح يسأل عشق
نوح...الله الله الله تعاليلي
عشق...نوح افتكر ان هي هتلف تاني وممكن انا أسألك🙈
ضحك عليهم الجميع
وابتسم ليل ليها بحب
نوح...بصي هبقى طيب معاكي اول سؤال بس
بس بعد كده مفيش طيبه
عشق...ماشي..شكرا يا استاذ نوح🙄
ليل...جبانه😂😂
نوح ..بصي ياعشق لو عندك فرصه لجريمه واحده تعمليها بشرط ان مش هتتعاقبي عليها بالقانون هتكون ايه🤨
عشق...اممم ايه السؤال ده🙄
نوح جامد صح انا اصلا يابنتي جامد اللعبه دي اتعملت عشاني😂😂😂
عشق...بص انا بطبعي مش شخص عدواني مش بشكر في نفسي بس فكره الجريمه والانتقام دي مش بتاعتي خالص وبعدين انا عن نفسي لو في اي شخص هيوصلني لدرجه الانتقام او اني اعمل فيه جريمه بيتهيألي هأعد مع نفسي شويه واكيد فكره اني اخاف من القانون دي بعيده عني تماما لاني دايما بعمل حساب لربنا قبل اي حد في العالم ف ميتهيأليش اني ممكن اعمل كده ابدا
نوح...طيب ممكن سؤال كمان ولا مينفعش
تمارا...لا هو سؤال الدور الجاي خلاص
عشق...طيب خليه يسأل معلش
نوح...انتي بتقولي انك مش ممكن تعملي كده مش يمكن ده عشان مفيش حد أذاكي يعني انتي مش فالموقف عشان تحكمي
عشق...بالعكس يانوح لو عالاذيه فانا من يوم ماجيت الدنيا وانا بتأذي واولهم من امي وابويا يعني اكتر شخصين المفروض يكونوا بيادموا بأيدهم الحب مش الاذى وبعد كده غيرهم كتير زي حنان مثلا وصدقني يا نوح لو ادامي فرصه اني ارتكب جريمه في الناس دي عشان ارتاح عالاقل مش هعملها وهديهم ضهري وامشي وهسيبهم لانتقام ربنا اظن حقي وقتها هيرجع اكتر مانا كان ممكن اجيبه
ابتسم نوح بحزن عندك حق
لف بسرعه الازازه عشان يغير مودها
وقفت الازازه على ليل وميرنا
ميرنا تسأل ليل
نوح...سوال صعب يا ميرنا هاا😂
ميرنا....استنى بس افكر
بص انا بسرق منكم شكل الاسئله بس لحد ما الاقي اسئله جامد قولي حكمه بتأمن بيها في حياتك
ليل....بصي هو في كتير بس من الحكم بحبها اوي
...إذا لم تؤمن بقيمه نفسك فلم يؤمن بك احد..
زهره...حلوه اوي
نوح....طب يلا وادي لفه جامده
وقفت الازازه
ميرنا... تسأل عشق.
ميرنا....امممم عشق انتي......
وسكت الجميع🙄
 البارت السادس والعشرون.والسابع وعشرون فضلت ميرنا اعده مكانها مبسوطه وهي شيفاهم بيرقصوا ومبسوطين خدتل…){kind=link}
تعليقات
إرسال تعليق