 |
#مابين الحلم والحقيقة (دار الايتام 2)
البارت الثامن والعشرون.والتاسع والعشرون
مدونة #موسوعة_القصص_والروايات
نوح....طب يلا وادي لفه جامده
وقفت الازازه
ميرنا... تسأل عشق.
ميرنا....امممم عشق هو انتي شبه مامتك اكتر ولا باباكي
سكت الجميع بعد سؤال ميرنا وفضلوا يبصوا لبعض🙈
سكتت عشق شويه
ميرنا....في ايه مالكم بتبصوا لبعض كده ليه انا قولت حاجه غلط🙄
فضلوا ساكتين
ميرنا...ايه ده في ايه بجد
عشق...اخيرا اتكلمت بعد ما حاولت تبان طبيعيه مفيش يا حبيبتي وانتي مسألتيش سؤال غلط ولا حاجه بس يمكن يكون ملهوش إجابه
ميرنا ..ازاي ماهو لا شبه بباكي او شبه مامتك
عشق...يمكن بس انا في الحقيقه مقدرش احكم انا شبه مين لاني معرفش شكلهم اصلا ولا عمري شوفتهم بس هي دي كل الحكايه
ميرنا....اسفه ياعشق والله ما اعرف انهم متوفين
ضحكت عشق ضحكت وجع تصدقي ياميرنا ولا دي كمان اعرفها
ميرنا...بصدمه 😳عشق والله انا مقصدش اضايقك بس ازاي في حد ميعرفش مامته وبباه متوفين ولا لا
عشق....مش انا بس انا وتمارا وزهره ويمكن ده ردي على اجابة سؤالك الصبح لما قولتي مين حنان ودار ايه....بأختصار يا ميرنا احنا طول عمرنا متربيين في دار ايتام ومحدش فينا يعرف اهله فين ولا مين وحنان دي كانت مديره الدار واكتر حد بوظ حياتنا بعد اهلنا اظن كده فهمتي شويه
ميرنا...بحزن واحراج
عشق انا اسفه والله اسفه يا بنات حقكم عليا بجد
تمارا...بضحك في ايه يابنتي انتي ناقص تلملنا تبرعات عادي بقى فكي مفيش حاجه
نوح...بضحك والله ياتمارا انتي مافي منك ضاربه الدنيا صارمه
تمارا...بضحك عشان هرتني شباشب يا نوح قولت مبدهاش بقى اروقها شويه😂😂
نوح....ايوه كده اضحكي مفيش حاجه تستاهل
عشق...عندك حق يا نوح وكفايه اننا مع بعض كلنا وربنا عوضنا اكتر بكتير ما كنا بنتمنى
ليل....ممكن بقى تلفوا الازازه يلا
عشق...حست انه اضايق عشانهم حبت تفكه...في ايه ما براحه شويه مش بجاوب على سؤالي ولازم اخد مساحتي فالاجابه🤨🤨🤨
ابتسم ليل بحب ...حاضر يا ستي
لف نوح الازازه تاني
وقفت على ميرنا وجاسر
نوح...ايوه يا ميرنا اديله
جاسر...بضحك الله يحرقك ويحرقها😂😂
ميرنا...تعلالي😂😂😂
جاسر...خليكي حنينه وادخلي برجلك اليمين
ميرنا...السؤال..🤨
نوح...البس يا معلم😂😂
ميرنا...بس بقى متضحكنيش
نوح...طيب خلاص اسالي
ميرنا.... بص انا عارفه ان انتوا الاربعه صحاب جدا وتقريبا تعرفوا كل حاجه عن بعض...السؤال بقى في حاجه سر في حياتك هما ميعرفوهاش🙄
جاسر....بتفكير لا خالص بتهيألي عمري ما خبيت عنهم حاجه وكمل بضحكه ضحكتهم كلهم...احنا كل بلاوينا مع بعض 😂😂😂
نوح...بضحك الله يحرقك🙈🙈🙈
جاسر....اه والله كل حاجه بنعملها مع بعض
ميرنا...هو ايه اللي كل حاجه بتعملوها مع بعض😳😳
فضلوا يضحكوا الاربعه وصوتهم كان مسمع المكان
ليل...الله يخربيتك ما تختار كلامك هيشكوا فينا منك لله😂😂
ضحكوا البنات وابتسمت عشق باحراج 🙈
ميرنا...يعني مفيش سر صح
جاسر...بضحك لا والله😂😂😂
لف نوح الازازه وهو لسه بيضحك وهما ميتين من الضحك على ضحكته هو وجاسر.
وقفت الازازه على زهره وجاسر
جاسر...بضحك هو مفيش حد غيري
نوح...مرزق😂😂😂
زهره....لا هسألك سؤال حلو متقلقش
جاسر...لا قولي انتي طيبه😂😂
زهره...مين قدوتك في الحياه وليه؟؟
جاسر....من غير تفكير ( ليل)
ليه بقى عشان حاجات كتير اوي مش عارف احددلك بالظبط بس ليل جدع و راجل تقدري تعتمدي عليه من غير تفكير يقدر يخرجك من اي مشكله في غمضة عين صاحب صاحبه بجد ليل مش بس ابن عمي ولا بس صاحبي انا ساعات بحسه ابويا
نوح...لليل ازيك يا حاج😂😂😂
مسك جاسر علبه مناديل حدفه بيها ياض انت تافهه كده على طول ابو شكلك😂😂
ميرنا...توقعت انك تقول انكل سراج
جاسر...بضحك سراج باشا😂😂😂عايز اقولك ان انا وهو مبنتفقش اصلا مع بعض انا وامي بنتفق اكتر بس بحسها في دنيا تانيه كده لوحدها يمكن كمان اكون قريب من سهام بحسها كده صاحبتي مقدرش حتى اقولها طنط لاني مبشوفهاش طنط لكن لو هنيجي للجد ليل وادم ونوح اقرب حد ليا وليل هو قدوتي
ليل...بضحك طمرت فيك التربيه😂
جاسر...حبيبي
نوح...بقول ايه تعالو كلنا نبدل اماكنا عشان اللي مسألش التاني نسأله
عشق...طيب انا عندي فكره كويسه
نوح...قولي
عشق...ايه رأيكم نفضل زي ما احنا كده ونمشيها بالدور كل واحد يجي عليه الدور يختار اي حد يسأله وبكده كلنا هنسأل بعض موافقين
الكل ...موافقين
نوح...بص لجاسر حلو ده
جاسر...وهو بيخبي وشه منك لله يا عشق🙈🙈
عشق...بضحك😂😂😂وانا مالي
نوح هنبدأ من عند مين
عشق...هنبدأ من عند ادم ونلف الدايره
نوح...اشطا يلا يا ادم اختار اي حد حابب تسأله
ادم...اممم هسأل ميرنا
ميرنا...🙄🙄
ادم...في حد حياتك ولو فيه هنا ولا في لندن؟؟
ميرنا...اممم اه فيه تقريبا وهنا في مصر مش لندن
جاسر...الله الله اصبري عليا🤨
ميرنا....بضحك اقول عليك ايه يا ادم🙈
عشق...يلا يا زهره
زهره...هسأل ادم
نوح...ايوه بقى😉
زهره...باحراج انتوا بتلعبوه معانا ليه😂🙈
ادم...معلش رخم يلا اسألي ملكيش دعوه بيه
زهره....ايه اكتر حاجه ندمان انك عملتها
نوح....بص لجاسر وكتموا ضحكتهم🤭
ادم...بصلهم ليكوا يوم اصبروا😒😒
ادم...بصي هي كذا حاجه اولهم اني في فتره من حياتي حوالي سبع شهور قطعت فيهم الصلاه تماما ومش عارف السبب يمكن اكون انتكست مش عارف بس في الوقت ده غلطت كتير شرب بقى بنات رغم اني الجو ده انا ماليش فيه بس بعد كده سبت كل ده ورجعت تاني للصلاه والحمد لله بطلت وعايز اقولك حاجه يمكن السؤال ده انا مبسوط منه عشان اقول ادامك بصراحه وميبقاش في اي حاجه مخبيها
زهره...بأبتسامه تمام وعموما احنا في الدنيا عشان نغلط ونتعلم من غلطنا ومظنش في حد مبيغلطش ابدا بس المهم اننا منفضلش نغلط وننسى ربنا
ادم...عندك حق
نوح...ماشاء الله فوله واتقسمت نصين لايقين على بعض😂😂
عشق...يلا يانور
نور....هسأل نوح🤨
نوح....اسألي يا اختي هي جت عليكي😂😂
نور...بص ياسيدي لو قولتلك عبر عن حياتك اللي عشتها لحد اللحظه اللي احنا عايشين فيها دي بكلمه واحده هتقول ايه🤔
رجعوا تاني جاسر ونوح يضحكوا بهستيريا😂😂😂😂
نوح...ما بلاااااااش😂😂😂
جاسر...ملاقتيش غير ابو لسان زفر ده
نور...بضحك لا بأدب😂😂
نوح...بعد ما سكت...والله مش عارف بس يعني ممكن اقول حلوه
ميتهيأليش فيها حاجه وحشه اكيد مش دايما حلوه ولا دايما وحشه بس إلى حدا ما تمام يعني يمشي حالها
نور...ماشي😂
يلا يا تمارا
تمارا...هسأل نور
نور...قولي يا مصيبه
تمارا...لو في حاجه نفسك تتحقق الوقت هتكون ايه
نور....من غير تفكير بابا يفوق ويخف بسرعه عشان وحشني اوي
تمارا...ربنا يشفيه يارب
عشق...جاسر
جاسر...بتحبي مين يا بت ياميرنا وعرفتيه امته اللي في مصر ده ان شاء الله🤨🤨
ميرنا...يانهار اسود انت مرقدلي انا قولت نسيت🙈🙈
جاسر...جاوبي يلا🤨
ميرنا....ماشي عموما هو حد انت تعرفه
جاسر...انا اعرفه مين🙄
ميرنا...هادي
جاسر...هادي مين
ميرنا...هادي الشافعي يا جاسر
جاسر...😳نعم يا اختي وده عرفتيه ازاي ان شاء الله
هايدي...انت ناسي اني قابلته لما شوفتك انت وتمارا في شرم
جاسر...ايه ولحقتي حبتيه يومها🤨
ميرنا...لا مش كده بس طول الفتره دي بنتكلم وهو قالهالي صريحه انه عايز يرتبط بيا واكيد يعني مش حبيته للدرجه دي بس اكيد معجبه بيه مرتحاله انا مدتلوش رأيي قولتله هفكر وعشان كده سبت شرم وجيت هنا
جاسر...بس اللي اعرفه ان هادي من ساعة ما مراته اتوفت وهو مدخلش في علاقه
ميرنا...عارفه وهو قاللي كل حاجه عنه وسايبني براحتي افكر وارد عليه. انت بقى رايك ايه
جاسر...معرفش دي حياتك انا اه مبستخفهوش بس هو محترم
ليل...انت ياض مفتري والله هادي راجل زي الفل ياميرنا على فكره واظن اللي يأعد فتره كبيره بعد مراته كده وتيجي انتي تحركيه يبقى اكيد حبك
ميرنا...عشق قالتلي كده على فكره
ابتسم ليل لعشق
جاسر.. ياعم انا مبزمش فيه انا بقولها انه محترم عموما انتي شوفي عايزه ايه وانا هظبطلك كل حاجه
ميرنا...ابتسمت وسكتت
نوح...يلا ميرنا أسالي انتي
ميرنا...هسأل تمارا ايه اكتر حاجه بتخافي منها وليه
تمارا....بضحك الفيران 🙈🙈🙈 والاماكن العاليه
ضحكوا كلهم عليها
ميرنا...بضحك وايه علاقت الاتنين ببعض
تمارا...مفيش بنهم علاقه ولا حاجه الفيران طبيعي بخاف منها عادي اكيد مش هحبه والعب معاه😂😂
ميرنا...طب والاماكن العاليه زي ايه وليه
تمارا...اي حاجه بعيده عن الارض بخاف منها وممكن يجرالي حاجه اصلا بسببها طيران دور عالي مقدرش ابص منه ليه بقى حنان الله يجحمها السبب
جاسر...طب بقول ايه نغير السيره دي عشان متقلبش نكد احسن
تمارا..لا عادي معنديش مشكله بصي ياميرنا حنان كانت دايما حطانا في دماغها وكانت دايما تعاقب كل حد بطريقه مختلفه يعني انا كان نصيبي اطلع اخر دور وده ملهوش سور وتقفل عليا الباب وتسبني طبعا الدور كان التالت مش بعيد اوي بس قلبت معايا بفوبيا معرفش ليه
ميرنا...وليه كانت بتعمل معاكي كده دي غريبه جدا
ميرنا...متعرفيش بقى شبه مرات ابوها ولا ايه
ضحكوا كلهم عليها
زهره...لا ياميرنا بصي تمارا طول عمرها بتتنرفز بسرعه ولما تتنرفز مكانتش بتمسك لسانها وكان صعب اصلا تعتذر مكانتش بترضى فكانت بتعاقبها بكده فهمتي
ميرنا...حتى لو دي مريضه
تمارا...قولتلك بقى اكيد شبه مرات ابوها😂😂😂
ميرنا...فهمت😂😂
نوح...يلا ياعشق
عشق...اممم مش عارفه اسأل مين
نوح...اي حد اللي يجي في بالك
عشق... طيب لفوا معنديش اسأله والله لحد ما افكر
نوح...طب يلا ياليل
ليل...هسأل عشق
عشق...بصتله وسكتت
ليل....بتحبي مين اكتر من البنات تحديدا زهره وتمارا
عشق...بابتسامه الاتنين طبعا
ليل...لا اختاري حد يكون اكتر شويه
عشق...لا والله الاتنين فعلت زهره بحس اني مامتها طول عمرها بتخاف ودايما انا تمارا اللي كنا بنجبلها حقها الوقت طبعا اختلفت عن زمان كتير اما تمارا بحس انها بتكملني بمعنى ان انا وهي دماغنا واحده احنا الاتنين بنقدر نتحمل مسؤوليه احنا الاتنين حياتنا اللي اتفرضت علينا مش موقفانا بالعكس ماشيين فيها كويس
عكس زهره دايما مضايقه دايما شايله هم اي كلام من اي حد دايما انا وتمارا بمعنى اصح مسؤولين عنها بس في العموم هما الاتنين بيقولوا انهم بيعتبروني مامتهم🙈
تمارا...دي حقيقه على فكره يمكن انا ابان قويه وجامده وداسيه في الدنيا والكلام ده بس انا مبطمنش او ممبقاش بالصوره اللي الناس بتشوفني فيها دي غير لما عشق تكون جمبي
نوح...عشق انتي اصلا بجد حد جميل اوي
بصله ليل بطرف عينه
نوح...🙄🙄او وحش على حسب يعني😂😂😂😂
اتحرجت عشق واكتفت بالابتسامه
ميرنا...طيب انا عندي سؤال لليل ممكن ولا هتضرب
ليل...على حسب بس اتكلي على الله وأسألي😂
ميرنا...بص هو سؤال رخم شويه بس هتجاوب عليه
ليل...بابتسامه قولي
ميرنا...يعني انا عارفه انك قوي وحد كده جامد في طباعه ليه لما سبت ريما اتغيرت اوي كده يعني بشوفك مش بيفرق معاك حد ازاي هي أثرت فيك كده
سكتوا كلهم مستنين رد ليل
ليل....بصي ياميرنا لما بتحبي بجد مبتبقيش شايفه عيوب اللي بتحبيه وريما كانت تبان ملاك عكس هايدي يعني كلنا مبنحبهاش لكن جاسر كان متمسك بيها لحد ما عرف حقيقتها بنفسه لكن ريما مكانتش كده كلهم كانوا بيحبوها
قاطعه ادم إلا انا🤨
ليل...دي حقيقه ادم بس اللي مكانش بيحبها المهم اكتشفت بعد كده انها اوسخ بنت في الدنيا ويمكن تغييري مكانش عشانها اد ما كان عشان حسيت اني مغفل ودي اكتر صفه تضايقني في الراجل انه يبقى مغفل مابالك بقى اكتشف ان انا طلعت اكبر مغفل بعدها لغيت قلبي خالص ويمكن اللي حواليا كلهم قالوا اني اتغيرت بس وقتها انا محستش اني اتغيرت بالبشاعه اللي قالوا عليها انا يمكن اتصدمت فضلت فتره بعيد عن الكل حتى اهلي معاهم بس مش معاهم تقدري تقولي حاضر غايب بس منكرش ان ريما كانت سبب كبير في تحويل مجموعه السيوفي لمكانه اكبر بكتير من اللي كانت فيها اكتشفت وقتها انها كانت معطلاني عن حاجات كتير اكتشفت انها كانت لعنه بعد ما بعدت عن حياتي زي ما يمكن اكون اتغيرت للأوحش في حاجات كتير بس قدر اثبت نفسي قدرت اخلي اسم عيلتنا مسمع في كل العالم
ميرنا....ايوه بس مينفعش انك تقفل على قلبك لمجرد ان حد طلع وحش انت المفروض تفرح انه شوفته علة حقيقته وتكمل حياتك
ليل....ماهو انا زي ماقولتلك انا مضايقتش عشانها اد ما اضايقت عشان حسيت اني مغفل لكن اكيد مبسوط اني اكتشفتها
ميرنا...وليه لقبت نفسك بمغفل سوري يعني ليه متقولش انك حبيتها ووثقت فيها
ليل...هقولك ليه عشان اللي. بيحب ياميرنا بجد لما حبيبه بيروح منه لاي سبب بيفضل طول الوقت زعلان عشانه وبيفتكر الوقت بتاعهم مع بعض
لكن انا لما ريما راحت مزعلتش وقتها غير على نفسي ومش هكدب عليكي كنت مضايق وفضلت فتره طويله مضايق عشان مبقتش معاها وزي ماقولتلك كنت رافض دخول اي بنت حياتي
بس مع الوقت اكتشفت ان ده مكانش حب اد ماهو كان تعود تجربتي مع ريما كشفتلي حاجات كتير اوي اولهم الحب يعني لو انا هقارن حبي الوقت بحبي بريما فاللي كان مع ريما ده ملهوش علاقه بالحب
ميرنا...بابتسامه يعني تقدر تقول الوقت انك مش قافل على قلبك
ليل...مش ريما هي اللي تخليني اققل على قلبي ياميرنا ولا ريما اللي تخليني اكره الحب يمكن اكون قفلت على قلبي فتره بس ده عشان كنت بحاول ادي نفسي هدنه مكنتش عايز ادخل في علاقه وانسى واحده بواحده واظلم حد معايا اما بقى عن قلبي فانا مفتحتوش هو هفتح لوحده
وبص لعشق وابتسم حست عشق بإحراج بعدت عينها عنه بسرعه
وكمل ليل...وهو باصص لعشق ونسي تماما انهم اعدين بيسمعوه كلهم سرحوا معاه وكانوا مركزين لدرجه ان عشق نسيت احراجها وبصتله وفضلت مركزه في عنيه وهي بتسمع كلامه اللي خارج منه بصدق...
ليل..مكنتش اعرف ان ليها تأثير قوي كده عليا مكنتش اعرف ان في حد هيدخل حياتي يخليني انسى اي حاجه حصلت فيها مكنتش اعرف ان في حد هيدخل حياتي يخليني اقول ياريتها ظهرت من زمان مكنتش اعرف اني ممكن احب الحياه من تاني مكنتش اعرف اني ممكن ارجع اثق تاني في حد غيرت حياتي بمعنى الكلمه بشوفها بحس اني طاير من الفرحه بشوف ضحكتها قلبي بيضحك معاها عرفت معاها يعني ايه اخاف على حد بحبه بجد يعني ايه نفسك تخبيها عن الدنيا كلها بشوفها بحس اني بحضنها بقلبي بأختصار هي خلتني اشوف الدنيا بعيونها هي
خلتني حسيت بمعني الابوه من قبل حتى ما اجيب اطفال كل احساس حلو في الدنيا حسيته معاها.......عشق❣️
پصتله عشق وهي عيونها كلها دموع🥺🥺🥺
ليل....بقولهالك ادامهم كلهم وقريب هقولهالك ادام العالم كله..
بحبك ولو هتمنى حاجه من الدنيا اتمنى ان اخر نفس يطلع مني اكون جمبك و باصص في عينك عشان اطمن....بحبك❣️
مسك ايدها باسها ادامهم كلهم
نزلت دموع عشق ورا بعض الشباب بيصفروا لليل اما البنات فدموعهم نزلت مع عشق بفرحه وحب
مسح ليل دموعها و باس أيدها تاني❣️
نوح...اظن بعد الكلام ده خلاص مفيش لزوم للعبه دي وخلص الكلام
جاسر....على فكره يا عشق ليل بيحبك بجد وامبارح كلنا كنا بنغلس عليه عشان ينطق هو كمان بس لما سمعته الوقت اكتشفت ان الكلام لما يطلع من القلب اصدق كتير من انك تحاولي تطلعيه في وقت مش بتاعه..
ادم....انا بعد الكلام ده حاسس ان قلبي ارتاح واطمنت على ليل عشان هو بيحبك بجد
ميرنا...وانا بعد الكلام ده بفكر اكلم هادي واقوله موافقه🙈🙈🙈😍
جاسر...وانتي بتعيطي ليه ياوحش الحته
تمارا...وهي بتعيط بس بقى بلاش رخامه.😔
جاسر...الحقوا دي بتعيط بجد
فضلت تمارا تعيط اوي راحتلها عشق واعدت جمبها
عشق...في ايه يا عبيطه انتي مالك
جاسر...تيمو حبيبي مالك بجد
منك لله ياليل نكدت على البت
ليل...انا عملت حاجه انا بحب في حبيبتي 😉 انت شكلك مبتسمعهاش كلام حلو فتأثرت🤨
جاسر...انا ده انا هاريها كلام حلو انطڨي يابت هيفكروا اني مقصر معاكي..
ابتسمت تمارا وهي بتعيط
ليل...انتي ياعبيطه في ايه مالك ايه بتجاملي عشق في العياط عيطت قومتي معيطه معاها
تمارا...وهي بتعيط انا بعيط لاني بجد فرحانه طول الوقت عشق شايله همنا كلنا طول عمرها بتشيل فوق طاقتها بجد اوقات كتير كانت تبان جامده وقويه وصعب تنزل دموعها من اي حد بس لما كان الليل يجي علينا كنت اسمع صوت عياطها وهي فكرانا نايمين كنت بفضل اعيط معاها وهي بتدعي ربنا عمري ما سمعتها بتدعي لنفسها دايما كانت بتدعيلي انا وزهره انا كنت ديما ادعيلها عشان هي ديما ناسيه نفسها انا في حياتي عمري ما شوفت في نضافة قلبها وانا الوقت مبسوطه بجد عشان عشق تستاهل انها تفرح بجد
خدتها عشق في حضنها فضلت تمارا تعيط جاسر فضل يطبطب على ضهرها بحب وتأثر عشق دموعها نازله في صمت
البنات بعيطوا معاهم الشباب واضح عليهم التأثر
بعد كام دقيقه خرجت تمارا من حضنها مسحت لعشق دموعها
نوح...اقسم بالله اللي قال على البنات نكد ظلمكم ده انتوا معجونين بالنكد واكلينه وشاربينه
في ايه يا جدعان يعني بعد الكلام الحلو ده تقلبوا الاعده نكد كده وانتي يا حاجه ياللي بتعيطي هو الراجل قال في حقها كلام وحش لا سمح الله يابرميل نكد ماهو اعد يقول كلام حلو اهو في ايه بقى
تمارا...بضحك على فكره انت الاحساس عندك خلصان
نوح...الحمد لله انه خلصان عالاقل مقلبش نكدي كده قوموا يلا الوقت اتأخر خلونا نمشي عشان نلحق ننام 😡😡😡
ضحكوا عليه كلهم وفضلوا يهزروا يضحكوا مع بعض ورجع الجو بينهم تاني
وبعد فتره بسيطه قاموا عشان يرجعوا عالشاليه مع بعض فضلوا يتمشوا لحد الشاليه
مسك ليل عشق من ايدها ومشي بيها
عشق...ليل سيب ايدي
ليل...لا بقولك ايه كانت مشكلتك انهم ميعرفوش و اهم خلاص عرفوا 🤨
عشق...بضحك طب خلاص ياساتر😂
ليل...بموت فيكي
عشق...وانا بموت فيك
حط ايده على كتفها ضمها لحضنه وهما ماشيين بصتله عشق عشان تعترض رفعلها حواجبه ضحكت ومشيت جمبه وهي طايره من السعاده
جاسر....حبيبي
تمارا...نعم
جاسر....بحبك
ابتسمت تمارا...وانا كمان بحبك اوي
جاسر...مسك ايدها باسها عشان خاطري لو بتحبيني بلاش اشوف دموعك دي تاني ممكن
تمارا...حاضر
جاسر...وعد
تمارا...وعد
كملوا طريقهم ورا عشق وليل
ادم....على فكره انا اتبسطت اليومين دول اوي عشان كنت معاكي
زهره...باحراج بجد
ادم...بجد ومكنتش اعرف اني هتبسط اوي كده كمان
زهره...انا كمان مبسوطه يمكن يكونو اليومين دول احسن يومين عدوا عليا بجد
ادم....ربنا يقدرني واخلي الايام الجايه دي تكون اسعد ايام حياتك واقدر امحي اي ذكرى وحشه عندك
زهره...ادم كان في سؤال نفسي أسألهولك واحنا بنلعب بس مقدرتش لكن محتاجه اني أسأله ممكن
ادم...اكيد ممكن
زهره...بارتباك هو انت مش محتاج وقت اكتر تفكر خايفه تكون اتسرعت وترجع تندم
وقف ادم بصتله زهره باستغراب
مسك ادم ايدها بين ايده
ادم....زهره انا يمكن لما طلبت طلبي ده كنت حاطط ايدي على قلبي وخايف ما توفقيش زهره انتي تشرفي اي حد في الدنيا وانا عايز اكمل معاكي حياتي عشان بجد حبيتك ويتهيألي مش هلاقي احسن منك يكمل معايا وانا ميهمنيش اي حاجه في حياتك غيرك انتي وبس قرب ايدها من شفايفها باسهم
حست زهره انها هيغمَ عليها لاول مره تعيش الاحساس ده
ادم...ابتسم ومسك ايدها في ايده وكملوا طريقهم
وصلوا الشاليه ودخلوا بعد ما الشباب وصلوهم ومشيوا
دخلوا حضروا شنطهم وجهزوا كل حاجه واخيرا راحوا كلهم في النوم
في صباح يوم جديد صحيوا ابطالنا بعد الظهر كملوا اللي ناقصهم وجهزوا عالاخر عدوا عليهم الشباب راحوا اتغدوا واعدو شويه عالبحر يودعوه لحد غروب الشمس ورجعوا حطوا شنطهم في العربيات
وبعد رفض من ميرنا انها تروح معاهم ليل وجاسر اقنعوها وافقت وركبت مع تمارا وجاسر العربيه
وطلعوا ورا بعض..
استنوني 🙈🙈🙈🙈🙈🙈🙈🙈🙄🙄🙄🙄🙄🙄وربنا يستر وانا ماليش دعوه واللي ليه سلطه علي دماغي يجي يفجرها ونخلص كلنا بقي😂😂😂😂😂
#
مابين الحلم والحقيقة (دار الايتام 2)
البارت التاسع والعشرون..
طول الطريق كان الشباب مقضينه هزار وضحك ويقطعو على بعض بالعربيات ويسبقو بعض ويقفلوا الطريق على بعض عدي الوقت بينهم ضحك بين الشباب وخوف ورعب من البنات اللي كانو مقضينها صوات وخصوصا عشق اللي كانت مرعوبه من سواقة ليل اللي كان طاير وسابق الكل
بعد وقت بسيط هديوا وقرروا يمشوا براحه..
ليل...بضحك هتفضلي خايفه كده كتير😂
عشق...ليل على فكره اللي بتعملوه ده مش صح😡
ليل....ياحبيبي بنهزر وبعدين ما جاسر اللي استفزني
عشق...ياليل السواقه مفيهاش هزار واحنا في طريق مفتوح مش فارق معاكم نفسكم طيب مش فارق معاكم اللي راكبين معاكم طيب بلاش مش فارق معاكم ارواح ناس تانيه ممكن تأذوها😔
ليل...ياحبيبي الطريق فاضي وكل وفين وفين بتيجي عربيه واكيد طبعا فارق معانا نفسنا وانتوا والناس كمان بس ده هزار شباب يعني متكبريش الموضوع بقى
عشق....مكبرش الموضوع بزمتك ده هزار ..عايزه بس اقولك اني كل يوم بيحصل حادثه ويروح فيها شباب كلهم لسه صغيرين بسبب الهزار ده
عشان خاطري ياليل بلاش الهزار على الطريق وبعدين انت كنت هتقلب جاسر بالعربيه لما قفلت عليه تخيل بقى لا قدر الله لو جاسر معرفش يتحكم بسرعه في العربيه كان حصله ايه هو وتمارا وميرنا
😡
ليل...بضحك خلاص بقى ياستي حقك عليا انا اسف واوعدك مش هتتكرر تاني وبعدين بلاش نكد بقى الواد نوح كان معاه حق انتوا نكديين اوي
عشق...😳😳احنا نكدييين
ليل...بضحك لا البنات لكن انتي لا
عشق...ليه هو انا مش بنات🤨🤨
ليل...انتي ست البنات😉
ابتسمت عشق بحب ...بتسكتني بالكلمتين دول صح
ليل...بصراحه 🙄اه 😉😂
عشق...بقى كده
ليل...لا والله بهزر بس عموما ياستي اوعدك مش هنهزر كده تاني
عشق...اما نشوف...بقولك ايه هو احنا بكره هننزل الشركه
ليل...ايه خدتي على الراحه ولا ايه يا هانم🤨
عشق...لا والله ابدا بالعكس الشغل وحشني واصلا الساعه الوقت 9وخلاص قربنا نوصل وهنروح ننام يعني اكيد مش هنبقى تعبانين
ليل....على فكره انا بهزر والله لو بجد مش قادره وحابه ترتاحي انتي والبنات بكره خليكوا وتعالوا بعد بكره
عشق...لا طبعا انا مش تعبانه اصلا وفي شغل كتير متأجل كفايه كده بقى
ليل...ماشي عموما فكري واللي انتي عيزاه اعمليه
عشق...لا هاجي بقولك ايه
ليل...ايه ياحبيبي
عشق...بأرتباك فضلت تفكر تقوله ايه
ليل...في ايه يا عشق قولي على طول اللي انتي عيزاه متفكريش
عشق...امم هو يعني المفروض انك هتبدأ الشغل في مشروع ريما امته🙄
ليل....حبيبي انا قولتلك قبل كده ان المشروع ده واي كلام فيه في ايدك انتي انا بره المشروع ده خالص
عشق...مانا عارفه انك قولت كده بس بردو مقولتليش ابتدي معاها امته
ليل...وانا اقولك ليه المفروض انك انتي تختاري الوقت مستنياني ليه
عشق...ايوه بس انا فكرت ان انت اللي هتقولي امته
ليل...لا ياحبيبي انتي اللي هتقولي مش انا
عشق....يعني ابتدي
ليل...لو جاهزه ابتدي مش جاهزه خليها مستنيه لحد ما انتي تقرري هتبدأي امته
ابتسمت عشق بحب
ليل...كان سايق ومش باصص لها بس حاسس بأبتسامتها
سرحت عشق في ملامحه لكن فاقت على صوته الهادي
ليل...بأبتسامه وهو باصص على الطريق هتفضلي بصالي كده كتير
عشق...ابتسمت ايه ممنوع
ليل...بصلها لا طبعا مش ممنوع مسك ايدها باسها وشدها لحضنه وكمل سواقه وهو واخدها في حضنه..
اما عند جاسر
فا بعد ما تمارا اتخانقت معاه عشان بيجري بالعربيه هي وميرنا
اطمنت لما هديوا سندت راسها على كتفه وراحت في النوم
جاسر...لميرنا هاتيلي ازازه مايه ياميرنا
ميرنا...حاضر...اتفضل
جاسر...شكرا
ميرنا...بابتسامه حرام عليك نشفت دمها البت نامت من الخوف
جاسر...ماهي خدت حقها دي زرقتلي دراعي من الضرب
ميرنا...بضحك تستاهل انتوا رعبتونا اهو اللي عملتوه ده لو عملتوه في لندن كان زماننا مقضين باقي اليوم في السجن
جاسر...بضحكه تقوليلي
ميرنا....بس شكلها بتحبك اوي يا جاسر
جاسر...بحب باس تمارا من راسها
وانا كمان بحبها اوي
تمارا...سمعتهم وهي نايمه....انتي يابت يا ميرنا ازاي تقوليله اني بحبه بتتكلمي على لساني ليه طب انا مش طيقاه بقى
ميرنا...يا مامي دي صاحيه
جاسر...بضحك خضتيني ياشيخه يا بت انتي مش نمتي
تمارا...بصوت نايم هو اللي يعرفكم يعرف ينام صوتكم خارم وداني
ميرنا...بضحك طب نامي خلاص مش هتكلم انا بكلمه عشان مينامش في الطريق بسليه
تمارا...طب ما تطلعوا اللب بالمره
جاسر...خلاص يا ام لسان طويل ده بدل ما تقومي تتكلمي معانا
قامت تمارا من على كتفه وادي قومه ارغي يا عم الحاج
جاسر...😒😒😒يخربيت رومانسيتك
تمارا...لا والله رومانسيه لحد ما قطعتلي الخلف
جاسر...بجرئه ماتخافيش انا هرجعلك الخلف تاني
تمارا...😳😳 انت قليل الادب على فكره
ميرنا...بضحك الله الراجل بيصلح غلطته😂😂
تمارا...😳😳غلطت ايه اللي بيصلحها ياللي اشوفك زي ما انا عايزه هو الادب معداش على عيلتكم خالص كنت فاكره جاسر بس طلعتي انتي كمان زيه
ميرنا...بضحك ده انا مؤدبه
جاسر...هو احنا عملنا حاجه بس
تمارا...انا هنام احسن ما ارتكب فيكم جريمه
سندت تمارا راسها على الكرسي
جاسر...ارجعي يابت على كتفي تاني
تمارا...بعينك😒😒
جاسر....ارجعي بدل ما اسوق بسرعه
رفعت تمارا راسها وبصت لميرنا
تمارا...معلش يا اخت ميرنا بس ابن عمتك مجنون 😁😁
وراحت نايمه على كتفه
ميرنا...بضحك ماصدقت يا جاسر واخد بالك
جاسر...ضحك وسكت
بصتله تمارا
جاسر...ايه وانا مالي
تمارا...مانت بتضحك ومبسوط اوي يا اخويا ببنت خالك
جاسر...يا بت انا نطقت منك لله يا ميرنا😂😂😂
تمارا...هنام ومش عايزه اسمع صوتك😒
ميرنا...بضحك حاضر يا ابله تمارا🙄
تمارا...بصوت واطي لكن مسموع الله في عينك قال ابله قال
فضلوا يناقروا بعض طول الطريق..
اما عند ادم ونوح
نوح....ادم تركن واجي اسوق شويه
ادم...لا خليك انا تمام..انا فكرتك نمت اصلا مش سامعلكم صوت
نوح..لا نور اللي نايمه
ادم...طيب نام لو عايز انا تمام
نوح...اشطا لو تعبت قولي اكمل بدالك
ادم...اوك
سند نوح راسه على راس نور اللي نايمه على كتفه ولبس ماسك على عينه ونام
ادم....زهره لو عايزه تنامي نامي
زهره...لا خالص انا صاحيه معاك وبعدين هنام كلنا ونسيبك
ادم...وايه المشكله نامي وارتاحي ماهما نايمين اهم
زهره...لا عشان هتحس انك عايز تنام خليني صاحيه معاك عشان تفوق
ادم...بابتسامه طيب مش جعانه في سناكس كتير في الشنط معاهم كلي اي حاجه
زهره...لا انا شبعانه خالص مش عايزه انت عايز تاكل اي حاجه انت مكلتش كويس لما كلنا الاكل مش عجبك
ادم...فعلا البيتزا اللي نوح طلبها معجبتنيش
زهره...طيب خلاص هجبلك حاجه تاكلها عايز ايه
ادم...هو في ايه
زهره...استنى هقولك
لفت زهره خدت الشنطه اللي على ايد نور
فضلت تطلع اللي فيها
زهره...اهو اختار
خد ادم علبه صغيره فيها بسكوت
زهره....مش عايز حاجه تانيه
ادم...لا خلاص انتي كلي حاجه
زهره...والله مش قادره انا شبعانه جدا رجعت زهره كل حاجه تاني في مكانها
ادم كان بيحاول يفتح البسكوت مكانش عارف ماشي مركز في الطريق عشان ضلمه خالص يادوب نور عربيته وكل كذا متر عامود نور
خدت من زهره البسكوت
فتحتهوله
زهره...اتفضل
خده ادم من ايدها وطلع واحده ادهالها
زهره....والله مش عايزه يا ادم
ادم...عشان خاطري
زهره...ماهو في كتير لو جعانه هاخد
ادم...عشان خاطري😉
ابتسمت زهره باحراج ومدت ايدها خدتها منه وفضلت مسكاها في ايدها..
ادم...يلا كليها🤨🤨
زهره...والله شبعانه طب اقولك حاجه
ادم...قولي
زهره...هشيلها وهفضل مخلياها معايا
ادم...بابتسامه وهو رافع حواجبه
ذكرى ياعني🤨
زهره...اه يعني
ادم....ياعبيطه هو النمل هيخليها😂
زهره...ايه ده ممكن ياكلها🙄
ادم...بضحك ممكن ده اكيد
زهره...ايوه بس انا عايزه اشيلها ذكرى
ادم...طيب كليها وانا هبقى اديكي حاجه تشيليها ذكرى 😂😂
واضح الجنان فيكم كلكم مش تمارا ونور بس
زهره...بضحك تصدق انا غلطانه اني عابزه اشيل حاجه ذكرى منك
ادم...يا مجنونه هو حد قالك اني هموت
زهره...بسرعه بعد الشر عليك
ابتسم ادم....ايه خايفه عليا
بعدت زهره عينها عنه بسرعه وأنبت نفسها على ردها ده🙈🙄
ادم...بضحك ايه بعدتي وشك عني ليه
فضلت زهره باصه ادامها وضربات قلبها سريعه ومش قادره تبص في وشه وضربت لخمه
ادم....بقى كده مبترديش عليا طب يارب اموت😒
زهره..بصتله ادم بلاش كده بجد هزعل منك بتدعي على نفسك كده ازاي
ادم...مش انتي مش راضيه تكلميني
زهره....عايز ايه
ادم...خايفه عليا؟
زهره...اكيد طبعا
ادم...ليه🙄
زهره...هو ابه اللي ليه عشان لازم اخاف عليك
ادم....وليه لازم
زهره...بابتسامه انت عايز ايه يا ادم
ادم...بضحك يا ستي مش عايز بسألك سؤال وخلاص
زهره....عشان لازم اخاف عليك يا ادم
ادم...طب وده حب مثلا
بصتله زهره باحراج😳
ادم...ضحك يا بنتي في ايه ليه البصه دي
زهره...انت قلبت على نوح ليه
ادم....رخم يعني
زهره...بضحك شويه
ادم...اممم بقى كده طب ايه رأيك اني مش هسيبك انهرده🤨🤨
زهره...بأبتسامه اكيد يا ادم حب
ادم...بجد يا زهره
زهره..هزت زهره راسها
ادم....ربنا يخليكي ليا مسك ادم ايدها باسها
حست زهره باحراج سحبت ايدها بهدوء وهي طايره من الفرحه وكملوا طريقهم
عدى الوقت بسرعه..
واخيرا وصلوا
طلعهم ليل لحد فوق مع الامن دخلهم الشنط ونزلوا
دخلوا البنات على اوضهم
ميرنا....شكرا بجد يا ليل مش عارفه اقولك ايه
ليل...بتشكريني على ايه يا عبيطه انتي هو انا عملت حاجه
ميرنا...ميرسي ياليل هسيبكم انا بقى واروح اشوف اوضه عشان مقتوله من النوم
ليل...استني يا ميرنا عايزك
ميرنا...نعم
ليل...بكره ان شاء الله عايزك تيجي مع البنات الشركه اتكلمت انا وعشق واتفقنا نحكيلك كل حاجه عشان احنا محتاجينك معانا الفتره الجايه دي
ميرنا...طيب تمام انا تحت امركم طبعا
ليل...الامر لله وحده عموما روحي يلا نامي وبكره نتكلم
ميرنا...ماشي تصبح على خير
ليل...وانتي من اهله
عشق...هعدي عليكي الوقت قبل مانام
ميرنا...ماشي يا قلبي
عشق...روح على طول بقى ونام
ليل...انام ايه انا عندي مشوار مهم
عشق...مشوار ايه🤨
ليل...حب يلاعبها يعني يا عشق مشوار كده وهبقى اروح
عشق...بغضب بسيط لكن واضح
هو ايه اللي مشوار الساعه 11ونص
ليل...طب وايه يعني يا حبيبي ده السهر بيبتدي من بعد كده كمان
عشق...نعم سهر ايه ياليل انت بتهرج بعدين هتسهر مع مين هما قادرين يسهروا دول تلاقيهم نايمين تحت
ليل...ومين قالك اني خارج معاهم
عشق...بحزن امال انت خارج مع مين ياليل😔💔
ليل...عشق مش وقته يلا تصبحي على خير
عشق...بحزن وانت من اهله😔
مشي ليل كام خطوه وهو بيضحك ووقف رجعلها تاني
ليل...مدخلتيش ليه😉
عشق...مستنياك تدخل الاسانسير وكنت هدخل
ليل...طيب انتي مالك مكشره ليه
عشق...لا مش مكشره😔 عايزه بس انام
ليل...بحب يعني مش مضايقه اني هسهر
عشق....لا😔
ليل...طب عيني في عينك
عشق...يلا ياليل روح عشان متتأخرش
ليل...طب وانتي مالك اتأخر ولا لا🙄
عشق...لا مالي طبعا عشان هفضل قلقانه عليك لحد ماتوصل
مسك ليل ايدها باسها
بحبك يا عشق والله العظيم بحبك
على فكره انا بهزر معاكي انا مروح على البيت يا مجنونه
عشق ..بصتله بجد
ليل...وحيات عشق❣️
عشق...انت رخم على فكره
ليل...بس بحبك 😉
عشق...طيب يلا امشي بقى
ليل...بتطرديني🤨🤨
عشق...بأبتسامه اه بطردك
ليل...ماشي يا ستي وانا راضي يلا ادخلي ومترغيش مع العيال دي وروحي غيري وخدي شاور و نامي على طول عشان تقدري تصحي الصبح
عشق...حاضر يا حبيبي اول ما تروح طمني عليك
ليل...حاضر يلا ياقلبي ادخلي واقفلي
عشق...طيب هشوفك لحد ما تدخل الاسانسير
ليل...ادخلييي🤨
عشق...هدخل حاضر بس
ليل...قولت ادخلييي🤨
عشق...ياساتر حاضر
ليل...تصبحي على خير😉
عشق...وانت من اهل الخير يا قلبي😍
مشي ليل هو والشباب
عشق...خبطت عالباب عند ميرنا
ميرنا...ادخل
عشق...فتحت ايه لسه صاحيه
ميرنا...كنت باخد شاور كنت هتجنن واوصل باي طريقه عشان الشاور ده
عشق....طيب الاوضه تمام
ميرنا...كله تمام
عشق...طيب مش جعانه اجبلك اي حاجه
ميرنا...بابتسامه حبيبتي ياعشق شكرا انتي على طول شايله الهم كده
عشق...ولا هم ولا حاجه انا بس بطمن عليكو
ميرنا...انا مش جعانه والله ولو جعانه هاكل
عشق ..عموما التلاجه فيها حاجات كتير لو حسيتي انك جعانه عيشي مع نفسك
ميرنا...حاضر روحي يلا بقى غيري وخدي شاور
عشق...هشوف تمارا وزهره الاول يلا تصبحي على خير يا حبيبتي
ميرنا....عشق
عشق...نعم
ميرنا....انتي طيبه اوي
عشق...بابتسامه يلا يا بت يابكاشه انتي نامي😘😘
ميرنا...حاضر هبعت بس رساله لهادي وانام على طول هو اكيد نام بس قاللي اطمنه لما اوصل
عشق...ماشي يا حبيبتي يلا اشوفك الصبح
ميرنا...😘😘😘
.....
راحت عشق عند تمارا
توتي خلصتي شاور
تمارا...اه مش قادره هموت من التعب
عشق...طيب نشفي شعرك التكييف هيتعبك كده
تمارا...والله ما قادره حتى اتسرح
عشق راحت عليها مسكت منها الفرشه سرحتلها شعرها وهي اعده تتاوب تحت ايدها
عشق...يلا قومي نامي بقى
تمارا...حاضر تصبحي على خير يا قلبي
عشق...وهي بتبوسها وانتي من اهل الخير
خرجت عشق راحت بصت على زهره مكانتش في الاوضه
عشق...زهره انتي لسه بتاخدي شاور
زهره...من الداخل ايوه ياعشق انا بلبس اهو
عشق....طيب ياحبيبتي انا بشوفك قبل ما ادخل مش عايزه اي حاجه
قيل ما انام
فتحت زهره وخرجت
زهره...ايه ده انتي لسه بهدومك
عشق...كنت ببص على ميرنا وتمارا
زهره...انتي على طول شايله همنا كده يا عشق
عشق...امال اشيل هم مين بس وضربتها على كتفها وبعدين مانا على طول بطمن عليكم قبل مانام
زهره...وهي بتحضنها ربنا يخليكي لينا يارب يا عشق
عشق...ويخليكوا ليا ياحبيبتي بقولك ايه جعانه اجبلك حاجه تاكليها
زهره...لا خالص مش عايزه انا مقتوله نوم
عشق...طيب يلا اتسرحي ونامي علي طول
زهره....حاضر تصبحي على خير
عشق...وانتي من اهل الخير😍
راحت عشق على اوضتها
خدت هدوم ودخلت خدت شاور وبعد شويه خرجت ظبطت نفسها وطلعت عالسرير بتعب
كلمها ليل
عشق...الووو
ليل...ايه لسه صاحيه
عشق...اه وصلت
ليل...اه يا حبيبي انا كنت ببص على مهره وعشق عشان وحشوني وطالع
عشق...وحشوني انا كمان
ليل...وانتي وحشتيهم ووحشتي صاحبهم
عشق...بحب وصاحبهم واحشني
ليل....بجد
عشق...طبعا بجد
ليل...بحب طب يلا يا قلبي روحي نامي بقى
عشق...حاضر يا حبيبي تصبح على خير
ليل...وانتي من اهلي😍
.......
بعد ما الشباب طمنوا البنات راح كل واحد في ثبات نوم عميييييق
........
عشق....انت مين وليه بتعمل كده
...مش مهم انا مين المهم بعمل كده ليه
عشق...بتعمل كده ليه
...بكمل رسالتي
عشق...رسالة ايه
...الرساله اللي جيت عشانها الدنيا واديني خلصتها وماشي
عشق...طيب استنى شويه
...مبقاش ينفع لازم امشي
اشوفك بخير
عشق....ارجوك استنى
استنى استنى ...
صحيت عشق....اعوذ بالله من الشيطان الرجيم...شربت مايه وقرأت قرآن وصلت الفجر ورجعت تنام شويه كمان....
في صباح يوم جديد
قام ابطالنا من نومهم وبعد ما خلصوا روتينهم الصباحي راحوا على الشركه كلهم
وبعد وقت بسيط كان الكل في الشركه
خلص ليل شويه اوراق هو وعشق
جاسر وتمارا من بداية الصبح كانوا مسحوليين في الشغل
وكان الوضع نفسه عند ادم ونوح ونور وتمارا
اما عند ميرنا فكانت في المكتب مع ليل وعشق بتلعب في موبايلها لحد ما ليل وعشق يخلصوا الشغل المهم اللي في ايدهم
وبعد وقت مش قصير اخيرا خلصوا اللي في ايدهم واعدوا مع ميرنا ابتدوا يحكولها كل حاجه بالحرف طول الوقت ميرنا بتسمع فاتحه بقها ومبرقه عينها من اللي بتسمعه😳😳
ليل....دي كل الحكايه زي ما سمعتيها مني انا وعشق
ميرنا...انا مش قادره استوعب اللي سمعته ده
ليل...ميرنا يمكن انتي الوحيده اللي ممكن تكوني عارفه الحقيقه كامله لحد الوقت ومش هفكرك الجزء بتاع عمي ده جاسر ميعرفهوش ولا اي حد فيهم
ميرنا...لعشق انتي ازاي مستحمله كل ده بجد
عشق ...مش مهم يا ميرنا المهم انها تعدي زي مانا عايزين
ميرنا...انا معاكم في اي حاجه بس مفهمتش لسه انتوا عايزني في ايه
ليل...هقولك يا ميرنا كل حاجه بس طبعا اتفاقنا ده الكل هيعرفه عشان محدش يستغرب اللي هتعمليه
ميرنا...طيب تمام
عشق....بضحك ميرنا مصدومه
ميرنا...انا حقيقي فعلا مصدومه مش مكدباكي على فكره بس الموضوع بالنسبالي غريب
عشق....اذا كان هو نفسه غريب عليا انا
ليل...المهم انا هفهمك كل حاجه الوقت انا عايزك فيها هتنفذيها بالحرف يا ميرنا انا عارف انك ذكيه اللي اقولك عليه بالحرف طبعا انا واثق فيكي وبيتهيألي انتي انسب حد للي هقوله ده
ميرنا.....ان شاء الله ياليل هنفذ كل حاجه زي مانت عايز
ليل...ان شاء الله بصي بقى يا ستي ..........و ابتدا ليل. يقول لميرنا الخطه اللي هينفذوها 😉😉😉😉
خلص اخيرا اليوم كان طويل عليهم جدا بعد رحله متعبه
وبعد ما خلصوا شغلهم قرروا يروحوا لحاج محمد عشان يطمنوا عليه نور كانت فرحانه انها راحه تشوفه وتطمن عليه
وصلوا كلهم المستشفى وكانت معاهم ميرنا لاول مره
طلعوا بصوا عليه وكأن كل حاجه زي ما هي ونفس نومته مفيش اي تغير نايم لسه مفاقش لسه الاجهزه متوصله بيه
نور...نزلت دموعها وحشتني اوي يا بابا هتصحى امته بقى
عشق..ان شاء الله هيفوق ويفرح بيكي انتي ونوح
نور...يارب ياعشق نفسي ياخدني في حضنه اوي نومته طالت اوي
تمارا....المهم انه يقوم بالف خير هو بس بيعرف غلاوته عندنا
نور...يارب يا تمارا
زهره...طب اقولك على حاجه انا حاسه انه هيفوق ويبقى زي الفل وحاسه كمان ان هو هيفرح بينا كلنا مع بعض
نور...بابا فاته احداث كتير اوي انا هحكيله ايه ولا ايه
عشق...بضحك تصدقي بالله الراجل ده دخل في غيبوبه مخصوض عشان رغيك ده
تمارا...وخصوصا يوم الخميس😂😂🙈
نور...بابتسامه طب والله وحشني يوم الخميس اوي معاه🙈🙈🙈
زهره...ربنا يقومه بالسلامه يارب
ميرنا...ربنا يشفيه يارب يا نور ان شاء الله
نور...يارب يا ميرنا
ميرنا...الشباب جايين اهم
نور...بلهفه ايه الدكتور قال حاجه
ليل...نفس كلامه يانور
نور...يعني ايه مفيش جديد
ليل...بس اللي يطمن ان مفيش اي مضاعفات ولا اي حاجه وحشه الدكتور بيقول ان كل الاجهزه بتاعته شغاله كويس جدا ومفيش اي قلق خالص عليه بس الغيبوبه دي ملهمش اي يد فيها دي بتاعة ربنا يعني ممكن يفوق الوقت بعد شويه بكره اسبوع شهر ربنا اللي عالم المهم انه بخير
نوح...ادعيله يا نور
نور...بدعيله والله ربنا يقومه بالسلامه
الجميع...ان شاء الله
فضلوا كلهم واقفين شويه يتكلموا عن حالة حاج محمد ويحاولوا يفكوا نور ويطمنوها واخيرا قرروا يمشوا نزلوا مع بعض تحت لمكان العربيات ماهي راكنه
وفجأه...😭😭😭😭😭🙄
 البارت الثامن والعشرون.والتاسع والعشرون مدونة #موسوعة_القصص_والروايات نوح....طب يلا وادي لفه جامده…){kind=link}
تعليقات
إرسال تعليق