 |
مابين الحلم والحقيقة (دار الايتام 2)
البارت الثلاثون..والواحد وثلاثون
بعد ما ليل بلغ عن حاله حاج محمد ان حالته لسه زي ماهي لكن مفيش قلق..
فضلوا كلهم واقفين شويه يتكلموا عن حالة حاج محمد ويحاولوا يفكوا نور ويطمنوها واخيرا قرروا يمشوا نزلوا مع بعض تحت لمكان العربيات ماهي راكنه
ميرنا صحيح يا ليل انت قولتلي عاللي هعمل الفتره الجايه بس مقولتليش انا كده هاجي الشركه ولا ايه
جاسر....يانهار اسود
ليل...يابنتي انتي دماغك دي متركبه صح ولا انتي لسه مهيسه طبعا هتنزلي ما كل اللي قولتهولك وطلبته منك مش هينفع غير لو نزلتي
ميرنا...بضحك طب خلاص متزؤوش كده انا بطمن بس
ادم...ذكيه اوي
تمارا...خلاص كلكم عالبت ما براحه
ميرنا...حبيبتي يا تيمو لقيت حد يدافع عني
جاسر...لا ودي دفاع يعجبك اوي
تمارا...ايه مش على حق🤨🤨
جاسر...على حق يا وحش الحته🙄
ليل...يلا بينا قبل ما تتفتح
الجميع يلا
وفجأه سمعوا ست كبيره بتنادي بالتحديد على ليل يابيه يابيه لحظه لو سمحت
وقفوا كلهم بصوا للست بأستغراب
ليل...بتناديلي انا يا حاجه
الست ...ايوه يا ابني معلش لو تسمحلي بدقيقه من وقت حضرتك
ليل...طبعا اتفضلي اساعدك ازاي
الست...بابتسامه تسلم يا ابني انا مش محتاجه مساعده انا بس كنت عايزه اقولك على حاجه مهمه تخصك
ليل....حاجه مهمه تخصني انا طيب اتفضلي
الست....بس ارجوك يا بيه اللي هقوله ده ما يتجابش سيرتي فيه انا مش حمل قطع العيش يا ابني انا بربي ولاد بنتي يتامي امهم وابوهم ماتوا في حادثه وانا كل اللي ليهم ومش عيزاهم يتأذو
بصولها الكل بقلق وتوتر
ليل....بقلق اطمني يا حاجه متقلقيش بس قوليلي في ايه
الست...هو يا ابني الراجل اللي انتوا بتيجوا تزوروه ده يقربلك
بصتلها نور بخوف...ماله بابا
ليل...لحظه يا نور بص للست ايوه يا حاجه في ايه ماله
الست....بصت لنور بحزن ورجعت بصت لليل طيب معلش ممكن اكلم حضرتك لوحدك
ليل...طبعا
نور...بغضب بسيط هو ايه اللي طبعا لا مش ممكن قولي بابا ماله
الست...ابوس ايدك يا بنتي وطي صوتك
ليل...نور لحظه هشوفها عايزه ايه وهقولك
نور....وادام هتقولي يبقى ايه لزومه تروح معاها قولي يا ست انتي في ايه
ليل...بقلة حيله...طيب تقدري تتكلمي
الست....بص يا ابني انا يمكن اكون شغاله هنا من سنين ويمكن اكون مليش مصدر رزق غير هنا وبس يعني المفروض متدخلش في حاجه زي دي بس انا ربنا شاهد عليا عشان الساكت عن الحق شيطان اخرس
ليل...ياستي قولي في ايه ومتقلقيش من اي حاجه والله ولو لا قدر الله حصل اي حاجه تضر شغلك انا متكفل بيكي انتي وولاد بنتك
الست....بص يا ابني خد الراجل اللي فوق ده من هنا
ليل....ليه وبعدين انا طلبت كده من الدكتور اللي متابع حالته قاللي غلط عشان حالته مش مستقره وقولتله اني مستعد اجبله طياره خاصه تنقله اي بلد في العالم يتعالج بره قاللي اللي هيتعمل هنا هيتعمل بره وبره مش هيعملوا اي حاجه
الست....في دي كان عنده حق يا ابني بلاد بره مفيش حاجه في ايدهم يعملوها عشان الراجل اللي فوق ده ميت يا ابني ميت من يوم ما جه المستشفي
حطوا البنات ايدهم على بوئهم في صدمه واتملت عينهم بالدموع اما نور فا بصتلها بصدمه وسكتت
ليل....انتي بتقولي ايه حاج محمد عايش والدكتور مأكدلي انه حالته مستقره وقلبه شغال كويس
الست...اسمعني يا ابني ارجوك بعد ما جه في حالته دي اتعملوا كذا عمليه والحاله اللي جه بيها كانت واضحه نبض القلب بتاعه كان ضعيف جدا واثناء العمليه الاخيره مات انا يا ابني مش بضحك عليك انا كنت معاهم جوه يمكن هما الشهاده لله مقصروش معاه انهم يلحقوه بس السر الالهي طلع عمره خلص بس
الدكاتره من كلامهم انك حد واصل اوي فا اتفقوا مع بعض ومع مدير المستشفى انهم يحطوه على اجهزه عشان يبان ليكم انه عايش وفنفس الوقت البوم اللي بيعدي عليه في المستشفى انت بتدفع كتير وهما اللي مستفيدين من وجوده هنا لانهم بياخدو اللي هما عايزينه منك وانت مبتعترضش
نور....انتي كدابه بابا عايش حرام عليكي متقوليش عليه كده انا مليش غيره
الست...بحزن على حالة نور وانا هكدب ليه يا بنتي هستفيد ايه ولو عايش ليه هقول انه ميت يا بنتي انا زي مانتي شايفه ست كبيره مش حمل بهدله بس محدش ضامن عمره واخاف من ربنا ما يتقفل عليا قبري وانا كاتمه شهاده حق وغلط شوفته بعيني طول الفتره اللي فاتت مكنتش بنام ضميري مأنبي مش عارفه اسكت وفي نفس الوقت كنت خايفه اتكلم كل ما اجي اكلم الاستاذ الاقيه مع الدكاتره كنت بخاف وامشي بسرعه بس قررت اني اقولكم من يومين ولقيتكم ما بتجوش لكن انهرده لما شوفتكم ما صدقت وجريت وراكم عشان اقولكم واريح ضميري
نور....ليل ارجوك اعمل حاجه انا حاسه ان بابا عايش
الست....صدقيني يا بنتي ابوكي ميت ولازم تتصرفوا الراجل روحه متعلقه ارحموه ده اكرام الميت دفنه وعشان تصدقوني حضرتك يا بيه شكلك واصل وليك معارف وتقدر تجيب من اي دكتور تعرفه موافقه بنقله واطلع يا بيه وقول للمدير انك عايز تنقله مستشى تانيه مش هيوافق ابدا يا ابني ده لو الاجهزه اللي محطوط عليها اتشالت هتعرف انه ميت
ليل...حط ايده على راسه وهو حاسس انه تايهه
عشق....ليل من فضلك اعمل حاجه
ليل....بص للست معاكي تليفون يا حاجه
الست...ايوه معايا
ليل...طيب ادهولي من فضلك عشان اكيد هحتاجك
الست...ارجوك يا ابني متجيبش سيرتي هيأذوني او يأذوا ولاد بنتي وهيتقطع عيشي
ليل...قولتلك متخافيش انا مش هخلي حد يأذيكي انتي وولاد بنتك ولو على قطع عيشك هعوضك اضعاف اللي بتاخديه بس لازم تقولي كل ده في محضر
الست...بخوف ارجوك يا ابني ابعدني عن السكه دي
ليل....هبعدك متقلقيش بس لو اضطريت لده اعذريني مفيش غيرك ادامي
الست...بخوف وتوتر اديتله رقمها ورن عليها ليل اتاكد انه رقمها...
ليل...ده رقمي سجليه واي حاجه تحصل بلغيني بيها
الست...طيب حضرتك هتعمل ايه
ليل...متقلقيش هتصرف
الست...طيب معلش هرجع انا بسرعه للشغل عشان اتأخرت واخاف يحسوا
ليل...اتفضلي
مشيت الست وفضلوا كلهم واقفين الصدمه باينه على ملامحهم البنات دموعهم نازله نور واقفه مصدومه لكن ثابته ومش بتتكلم
جاسر....هنعمل ايه ياليل
ليل...مش عارف دماغي واقفه حاسس اني مش عارف افكر
تعالوا نخرج من هنا نأعد في اي مكان نفكر
نور....هنمشي ونسيب بابا مش عارفين اذا كان ميت ولا عايش مش عارفين الست دي بتقول الحقيقه ولا بتكدب
ليل...نور انا حقيقي دماغي واقفه خالص نحاول نهدى شويه عشان اعرف ابدأ ازاي
جاسر...طيب تعالوا نمشي من هنا نروح المكان اللي روحناه قبل كده هو قريب من المستشفى واكيد هنلاقي حل
خرجوا كلهم مع بعض ومفيش حد فيهم بيتكلم الكل ساكت والحزن مخيم على ملامحهم
راحوا مع بعض على كافيه قريب من المكان
ادم...ايه ياليل بتفكر في ايه
ليل...مش عارف ارتب اي افكار يا ادم مش عارف ابدأ ازاي اكلم حد من الدكاتره اللي نعرف ولا نبلغ مش عارف
جاسر...احنا عايزين موافقه من مستشفي تانيه بس المشكله انهم لو شافوا التقرير بتاعه هيخافوا من المجازفه دي
نوح...وحتى لو قولنالهم الكلام اللي الست دي قالته اغلب المستشفيات هتخاف وتقلق وهيرفضوا
ليل...فضل يكلم كذا دكتور من معارفه عشان يتنقل عندهم بس من غير ما يقول ان هو ميت وكلهم قالوا محتاجين التقرير
جاسر....ايه
ليل....نفس كلام التلاته اللي قبله محتاجين التقرير انا شايف ان مفيش اي حل غير اننا نبلغ
ادم...او حل تاني قبل البلاغ نرجع المستشفى ونقول اننا جبناله مكان في مشتشفى تانيه ولو رفضوا يبقى نبلغ على طول عشان تبقى اثبات حاله وان حصل مشادات بينا ميبقاش روحنا عملنا محضر كده من نفسنا
نوح....بس بردو يا ادم لو راح قال كده اول حاجه هما كمان هيسألوا عليها فين موافقه المستشفي من غير تقرير او يعجزونا اكتر ويطلبوا اسم المستشفى والمصيبه الاكبر لو كلهم بيطبلوا لبعض مع بعض
ليل....نوح عنده حق ده اللي بفكر فيه وقلقان منه
تمارا...طيب ما احنا نروح نطلب التقرير بتاعه من المستشفى
ادم...هيفهموا ان في حاجه لان التقرير ده مبيطلبش غير لو انتي حابه تنقلي المريض او تسفريه بره او تعرضي حالته على دكتور استشاري كبير وكل ده هيترفض خصوصا لو يعني حاج محمد مات
فالوقت ده كان موابيل ميرنا رن للمره الرابعه من غير ما يفصل
جاسر...في ايه يا بنتي ما تشوفي موبايلك ده
ميرنا...طيب بعد اذنكم لحظه
راحت ميرنا بره الكافيه ردت على هادي اللي هيموت عليها من القلق
ميرنا...الووو
هادي...ايوه يا ميرنا في ايه انتي كويسه
ميرنا...ايوه يا هادي انا بخير متقلقش
هادي...مال صوتك
ميرنا...ابدا مفيش
هادي...مفيش ايه انتي معيطه
ميرنا...كان شريط ذكرى والدتها عدى عليها واتأثرت بحزن نور
ميرنا...لا انا كويسه
هادي...كويسه ايه في ايه يا ميرنا
ميرنا...مفيش يا هادي بس حصل ظرف كده مش حلو لبنت من البنات اللي انا معاهم
هادي...طيب قوليلي في ايه يمكن اقدر اساعدك
ميرنا...مفتكرش.
هادي...طب قوليلي بس في ايه
ميرنا...حكيتله كل حاجه وهي بتعيط
ميرنا....بس ده كل اللي حصل وانا اعده معاهم الوقت في كافيه قريب. من المستشفي عشان ليل فصل مره واحده هو والشباب مش قادرين يركزوا
هادي....يعني المشكله كلها في التقرير الوقت
ميرنا...تقريبا كده انا مش فاهمه اوي اللي بيتكلموا فيه
هادي...ميرنا طيب ممكن تديني ليل او تقوليله لو موافق اني ادخل وساعه زمن كل حاجه هتكون خلصانه
ميرنا...بجد يا هادي
هادي...بجد يا ميرنا انا ليا واحد صاحبي اوي عنده مستشفى والمدير بتاعها اخوه وهو كمان صاحبي ومش هيتأخروا عليا في طلب زي ده ومن غير تقرير كمان
ميرنا...طيب ياريت بجد
هادي...طيب ادخلي بلغي ليل ولو تمام انا موجود
ميرنا...طيب انا هرجعلك تاني على طول
هادي...مستنيكي
دخلت ميرنا بسرعه كان ليل لسه بيحاول مع كذا دكتور من معارفه عشان يوصل لحل.
ميرنا....ليل
ليل...ايوه يا ميرنا
ميرنا...هادي كان معايا على الموبايل وقولتله اللي حصل وهو قالي استأذنك واعرض عليك لو توافق هو يساعدك في الموضوع ده وبيقول ساعه زمن ويكون مخلصلك كل حاجه
جاسر...طب وهادي هيتصرف ازاي وبعدين هو مش لسه مجاش القاهره
ميرنا... لا هو جه اول امبارح قبل ما نرجع احنا بيوم عشان عنده حاجات يخلصها قبل الاجتماع اللي هيعمله معاكم وهو بيقول ان ليه واحد صاحبه جدا صاحب مستشفى واخوه هو مدير المستشفى وصاحبه جدا بردوا ومش هيعترضوا على مساعدته ابدا ومن غير اي تقرير كمان
ليل....طيب ده كويس اوي مسك ليل موبايله واتصل بهادي
رد...هادي بعد تاني جرس
هادي....الووو
ليل...ازيك يا هادي
هادي...الحمد لله ياليل بخير
ليل...هادي ميرنا بتقول انك ممكن تساعدنا هتقدر ولا هنضيع وقت
هادي...ساعه زمن بالظبط وهخلصلك كل حاجه
ليل...طب ولو حصل اي حاجه ورفضوا
هادي...في مية حاجه نعملهم اسهلها البلاغ بس في حل تاني ان المستشفى بتاعت صاحبي تبعتلك دكتور استشاري يباشر حالته وطبعا الدكتور هيعرف بنفسه انه ميت في او لا
ليل....طيب ده كمان حل كويس اوي
هادي ...طيب هقفل الوقت وتبعتلي بس اسم المستشفى اللي هو فيها حاليا وعرفني انتوا فين بالظبط
ليل...تمام
قفل ليل مع هادي وبعتله اسم المستشفي ومكانهم في رساله عدى حوالي ساعه ونص كان هادي اتحرك وقال لصحابه اللي وافقوا انهم يساعدوه واتفقوا انهم يجهزوا عدى عليهم هادي خد منهم الموافقه وبعت معاه عربيه اسعاف سبقته ووقفت ادام باب المستشفي
اما هادي فوصل ادام الكافيه ركن عربيته ودخل جوه كان ظاهر على شكله وهيئته الهيبه والوسامه اول ما لمحته ميرنا رغم حزنها حست ان قلبها بيرقص
دخل هادي بخطوات واثقه
هادي...مساء الخير جميعا
قام ليل..سلم عليه وحضنه هو ونوح وادم وجاسر رحبوا بيه
واعد معاهم
ليل...ايه الاخبار يا هادي معلش طبعا جالك موضوع ملغبط في وقت مش مناسب
هادي...عيب ياليل متقولش كده انا معملتش اي حاجه وبعدين انت غالي عندي انت والشباب وانا لما عرفت من ميرنا انا اللي عرضت عليها يعني عادي مفيش اي حاجه
جاسر...طيب وقدرت توصل لحاجه
هادي...طلع من جيبه ورقه...دي الموافقه جبتها من المستشفى وجيت عليكم على طول ولازم نتحرك الوقت المستشفى بعتتلنا على المستشفى عربيه اسعاف
جاسر...ايوه واحنا هنعمل ايه بعربية الاسعاف والقصد من كل الحوار ده اننا نعرف الراجل عايش ولا لا احنا غرضنا مش النقل اصلا
هادي...تمام جدا بس حركة الاسعاف دي هتربكهم اكتر اننا جاهزين بالموافقه والعربيه وكل حاجه
تمارا...بس مش هما ممكن يوافقوا يتنقل عادي ويخلوا مسؤوليتهم وكده كده الاجهزه باينه انه عايش
هادي.... طبعا انا بعيد خالص عن الطب بس اللي فهمته من صحابي عشان يتنقل من العنايه لسرير اسعاف هيضطروا يشيلوا كل الاجهزه دي وطبعا بتتم بسرعه عمليه النقل للعربيه وبيوصلوه بيه الاجهزه تاني ولو هو لاقدر الله متوفي بعد حوالي دقيقه بيبان ان هو متوفي وطبعا هو باعت مع الاسعاف دكتور استشاري زمانه وصل هو كمان وده هيقدر يحدد اذا كان متوفي ولا لا ويعرف متوفي من امته ويعرف ان الاجهزه فعلا اللي كانت مبينه انه عايش ولا لا
نور...كانت بتسمع كل ده وساكته مش بتنطق ولا تعيط
ليل...طيب تمام يلا بينا نروح
هادي...يلا
اتحركوا كلهم عالمستشفى مع بعض واول ما وصلوا شاف هادي الدكتور الاستشاري وصل ومستنيه وفي عربية اسعاف
اتكلموا مع الدكتور قبل ما يطلعوا في كذا حاجه وفهم منهم شوية حاجات
الدكتور...بس معلش ممكن سؤال
ليل...طبعا
الدكتور...اثناء ما كان في الرعايه حد دخلكم جوه تشوفوه ولا كنتوا بتشوفوه من بره الاوضه
ليل....لا كانوا مانعين جدا وكنا بنشوفه من الازاز وقالوا انه غلط وفي يوم شوفت ان في رعايه تانيه بيدخل اهل المريض يزوره لما قولت للدكتور قال ان حالته افضل من حاج محمد لكن حاج محمد غلط اننا ندخله لانه عامل كذا عمليه واي كلام ده ضغط عليه اي لمسه غلط عليه عشان العمليات فالافضل ليه اننا نفضل بره
سكت...الدكتور شويه
ليل...في حاجه يا دكتور
الدكتور....لا بس في رعايات فعلا مبتدخلش وبيكون ممنوع الزياره اصلا بس على حد علمي هو المفروض انه اتحسن بس في غيبوبه طيب مادخلتوش ليه طول الفتره دي
جاسر...حضرتك شاكك في حاجه يا دكتور
الدكتور...مش عارف الوقت نشوف بس خلينا الاول نطلع ولما نطلع انا عايز اشوف المريض ده بلاش نروح للمدير الوقت
ليل...طيب تمام يلا بينا
طلعوا كلهم تاني لكن مش مع بعض طلب ليل منهم يستنوا يطلعوا هما الاول عشان ميحصلش شوشره وطلع هو وهادي والدكتور وجاسر
بص عليه الدكتور من بره
ليل...ايه يا دكتور
الدكتور انا محتاج ادخل ثواني
هادي...طيب ادخل مفيش اي حد موجود
دخل الدكتور بهدوء بسيط
واول ما دخل عمله كشف سريع فتح عينه وركز عليها بكشاف الموبايل حرك جزء من منديل بين عينيه جس بايده النبض في عروق الرقبه وايده
ثواني وخرج وملامحه متبشرش بخير
ليل...خير يادكتور
الدكتور....الراجل ده ميت وبقاله فعلا فتره
اتصدم ليل وسكت
جاسر...طيب ايه اللي عرفك انه ميت
الدكتور.... في كذا علامه نقدر نحدد اذا كان الشخص ده متوفي او لا اولهم فقدان الشعور بأي نبض لمدة دقيقة كاملة من فحص الشريان بالرقبة
اتساع حدقة العين ودي واضحه جدا لما قربت كشاف الموبايل مستجابتش
حركت جزء من المنديل على قرنية العين مفيش اي رد فعل بإغلاق الجفون وطبعا في
ظهور اغشيه بيضا في القرنية
وواضح جدا تيبس عضلات الجسم بطريقه ملحوظه وده بيحصل بعد حوالي 3 إلى 4 ساعات على الوفاة وبيظهر لون أحمر أو احمر في أزرق بنفسجي على جلد الميت وده بيحصل بعد الوڨاه من ساعه لتلاته ولون جسمه غامق جدا وواضح ويمكن ده السبب اللي كان مخليهم يرفضوا انكم تدخلوا لانكم هتلاحظوا جدا لون الجسم هتلاحظوا تخشب الجسم طبعا الاجهزه دي لو اتشالت فا هو ميت اصلا دي بس عشان اهل المريض يطمنوا انه عايش صوت وحركه طبيعيه للقلب والتنفس من خلال الاجهزه لكن هو ميت للاسف
في الوقت ده كان طلع ادم ونوح بالبنات
راح ليل وهادي والدكتور لمدير المستشفي
نور...لجاسر الدكتور قال حاجه
جاسر...بارتباك لا خالص هو راح الوقت مع ليل عند المدير هيعملوا اللي قولنا عليه وان شاء الله خير ويطلع كل ده كدب
نور....وهي بصاله يارب
فضلوا كلهم واقفين مستنينهم
وبعد حوالي نص ساعه سمعوا صوت عالي وخناق صوت ليل كان جايب المستشفى كلها بطريقه ترعب
جريوا عليه كلهم
مدير المستشفى...ليل باشا اللي بتعمله حضرتك ده غلط مش قانوني
ليل...قانوني ايه يا زباله الوقت حالا انا هعرفك ايه هو اللي قانوني انا بلغت ادامك وهنشوف لما النيابه تيجي هتعمل ايه
جاسر.. لهادي ايه اللي حصل
هادي...رفض وقال غلط ومش من مصلحته واتعفرت لما ليل قاله معانا استشاري يبص عليه ويطمنا وبردو رفض ليل قاله الراجل ده ميت طبعا شدوا مع بعض ليل اتصل ادامه بكذا حد وبلغ وادينا مستنين
ليل....نمشي ايه انت عبيط ولا ايه انت مش عارف انت بتكلم مين يا هبل انت انا ليل السيوفي اللي وحيات غلاوه الراجل الطيب ده لهرميك في السجن انت واللي كانوا وراك بينفذوا كل حاجه
حاول دكتور فيهم يدخل بالخباثه لحاج محمد
ليل....مسكه انت رايح فين الاوضه دي محدش هيدخلها غير لما النيابه تيجي وتحقق
مدير المستشفى من فضلك بلاش شوشره احنا مستشفى محترمه
ليل...محترمه هنعرف اذا كانت مستشفى محترمه ولا لا لما تيجي النيابه ويدخل الدكتور الاستشاري ادامهم يكشف ويثبت حاله لو عايش اللي انت عايزه هعمله لكن لو ميت هاخد روحك بأيدي
هادي...ليل اهدى بقى من فضلك احنا مستنين لحد ما النيابه توصل ومحدش هيدخل ياسيدي الوقت اهدى واللي احنا عايزينه كله هيحصل
وقف ليل ادام الباب مانع اي حد انه يدخل كلهم واقفين حواليه مدير المستشفى راح على مكتبه بيعمل كذا تليفون حاسس انه في ورطه كبيره وحواليه الدكاتره اللي كانوا معاه يوم العمليه
عدى حوالي ساعه إلا ربع ووصل المستشفى الجارد بتوع ليل بره المستشفى وجوه المستشفى...ووصل حمله من الداخليه وكلهم جايين مجامله لليل ومعاهم وكيل النيابه جه بسرعه مدير المستشفى والدكاتره عشان مايبانش عليهم حاجه
وكيل النيابه مساء الخير ياليل في ايه
ليل...سيف باشا مساء النور حكاله ليل كل حاجه هو والظباط اللي جم معاه
وكيل النيابه لمدير المستشفى....المريض حالته اتحسنت عن الاول
مدير المستشفى... طبعا يا باشا الدكاتره مع حضرتك تقدر تسألهم وتعرف منهم اكتر عن حالته واحنا اصلا مبلغين ليل باشا بكل حاجه بتحصل ومطمنينه انه افضل كتير
وكيل النيابه...مين ياليل الدكتور الاستشاري اللي معاك
الدكتور ..انا يا فندم
وكيل النيابه اتفضل معايا
مدير المستشفى يا باشا ده غلط على المريض انا هخلي مسؤوليتي
وكيل النيابه وقف انت هتعرفني شغلي وبعدين تمام تقدر تعقمنا عشان الراجل ده لو عايش ميتأذيش ولا ايه
سكت مدير المستشفى
وكيل النيابه للممرضين اللي واقفين حد يا ابني يجي يلبسنا لبس الرعايه ده🤨
راح بسرعه ممرض لبس الدكتور ووكيل النيابه ودخلوا
ابتدا الدكتور يعيد الكشف عليه ادام وكيل النيابه كلهم بره من ورا الازاز نور ضربات قلبها كأنها طبول من شدتها
ليل مركز مع نظرات وكيل النيابه والدكتور بيقولوا كلام هو مش سامعه..
وبعد عشر دقايق من الكشف خرجوا
وكيل النيابه
البقاء لله يا ليل
انهاروا البنات وراحو لنور بسرعه
نور...البقاء لله ازاي بابا عايش انتوا ليه مصممين انه مات بابا عايش بابا انا بحس بيه كل ما اجي ازوره انه بيتحسن ازاي تقولوا انه ميت
نوح...نور اهدي من فضلك
نور..بعدت ايدها عنه بعنف وانهيار اهدى ايه بيقولك بابا مات قولي ازاي حد يرد عليا بابا بقاله اكتر من شهر وقالوا انه في غيبوبه طب لما هو ميت قالوا انه عايش ليه ادوني امل انه هيصحى ليه انا كنت باجي كل يوم اقف ادام الازاز ده والدكاتره دول كلهم شايفني وانا واقفه اعيط وادعي ربنا انه يقوملي بالسلامه ايه مصعبتش عليكم مفيش حد فيكم ضميره وجعه وانا ميته عشانه طب بلاش انا مصعبش عليكم الراجل ده وهو محتاج اننا نكرمه اييييه مسمعتوش عن اكرام الميت دفنه
مدير المستشفى...اللي بيحصل ده كدب وتلفيق
ليل...باندفاع انت لسه هتنكر يا ابن الكلب وقبل ما يوصله لحقوه من ايد ليل
ليل وديني لاهقتلك
وكيل النيابه ليل اهدي احنا هنا بنشوف شغلنا من فضلك سبنا احنا نتعامل...
عدى حوالي 3ايام بين تحقيقات وتحويل حاج محمد للطب الشرعي عشان يعرفوا سبب الوفاه وتاريخها... بعد التحقيقات وكلام كتير انتهى باعتراف الدكاتره اللي كانوا معاه في العمليات انه مات في تالت عمليه وبعد اعتراف الممرضه اللي قالت لليل كل حاجه عليهم اتحولوا للنيابه
واخيرا طلع قرار بدفن حاج محمد
وبعد ما خلصت كل الاجراءات وطلعوا شهاده وفاته استلموا جثته من مصلحه الطب الشرعي
البنات كانوا في حاله وحشه جدا اما نور فا اتبدلت تماما مبتتكلمش ساكته طول الوقت الحزن كبرها ضعف سنها....
وصلوا بيه المقابر الخاصه بعيله السيوفي...
وقبل ما ينزلوه على قبره
نور....ليل من فضلك ممكن لحظه
هز ليل راسه سابوه زي ماهو في التابوت قريت نور واعدت على ركبتها...بدموع وصوت واطي مش ظاهر منه اي كلمه غير صوت دموعها
نور....سبتني يا بابا خلاص مش هشوفك تاني مش هكلمك تاني طب انا كنت كل يوم باجي اشوفك في المستشفى كنت مبسوطه حتى لو مكنتش بكلمك او احضنك بس كفايه انك ادامي...وكلهم بيقولوا انك كويس طلعت طول الفتره دي كنت ميت يابابا ليه وجعت قلبي كده ياحبيبي ليه مفوقتش حتى لو دقيقه تاخدني في حضنك ليه مودعتنيش يا بابا ليه مفيش بينا كلام وداع افتكرك بيه ليه روحت بسرعه من غير كلام ولا وداع عملت فيا كده ليه ياحاج محمد وجعت قلبي اللي طول عمرك بتعمل المستحيل عشان ميدوقش الوجع هتوحشني اوي
نوح...شد ايدها عشان تقوم خدوها منه البنات وانهاروا مع بعض فضلت سهام والدة ليل واقفه ماسكه ايدها تحاول تهون عليها هي ومنى والدت جاسر...
بعد مده بسيطه خلصوا الدفن وقفوا شويه يقرأوله قرأن ويدعوله دعاء المتوفي وبعد شويه مشيوا روحهم ليل علىى الشقه عشان يجهزوا للعزا طلبت سهام انها تفضل معاهم هي ومنى
راحوا الشباب خلصوا كل حاجه
فضلت نور نايمه على السرير وساكته
وابتدا النهار يروح عدى عليهم الشباب خدوهم وراحوا على مكان العزا كانت قاعه كبيره مخصوصه للمناسبات..كانت مليانه ناس من الشركه والبيت القديم وناس بتجامل ليل
عدوا الشباب والبنات وقت طويل كله تعب بقالهم حوالي اربع ايام مش بيناموا من يوم وفاته للتحقيقات المستمره..
خلص اخيرا العزا
راح الشباب مكانهم كانت عشق اعده وواخده نور في حضنها وهي ساكته مبتتكلمش دموعها نازله في صمت
ليل...خلاص الناس مشيت
سهام...ايوه ياحبيبي خلاص
ليل...تمام عامله ايه يانور
نور..............
ليل...نور انتي كويسه
نور..............
عشق...بدموع مش راضيه تتكلم خالص
نوح...راح ادمها اعد على ركبته نور قولي اي حاجه متقلقيناش عليكي
نور................
نوح....عشان خاطري طمنيني عليكي
سهام... نور يا حبيبتي انتي مؤمنه بالله اكيد ربنا مبيعملش حاجه وحشه مش يمكن ده افضل ليه مش يمكن لو كان عاش كانت الحادثه أثرت عليه
ليل....طيب يلا نروحهم هي اكيد محتاجه ترتاح سيبوها شويه لحد ما تهدي
سهام....انا هبات معاهم مش هسيبهم
ليل...طيب روحي واجيلك بكره انتي مش معاكي غيار
عشق...بدموع روحي ياطنط عشان ترتاحي من الصبح وحضرتك معانا روحي ارتاحي وغيري وتعالي بكره
سهام...وانا قولت مش هسيبكم انا جايه معاكم ولا انتوا مش عايزني اجي
عشق...طبعا لا ياطنط ده بيت حضرتك انا بس عشان متتعبيش لكن لو حضرتك مصممه خلاص تعالي ولو عالغيار حضرتك نفس جسمنا تقريبا وفي لبس كتير جديد اختاري اللي ترتاحي فيه وخليكي معانا
سهام...خلاص اتحلت اهي
منى....وانا كمان هفضل معاكم
جاسر.. لا يا امي مش هينفع انتي علاجك فات وقته مرتين مينفعش
منى...مش هيحصل حاجه من يوم
جاسر...لا يا امي هيحصل بالله عليكي روحي خدي علاجك والصبح يا ستي انا هوصلك لحد عندهم
تمارا...روحي حضرتك يا طنط عشان علاجك وشكل حضرتك مرهق جدا طنط سهام معانا
منى....ماشي بس الصبح هتجيبني يا جاسر
جاسر...حاضر يا امي
نوح...كان اعد كل ده على ركبته ماسك ايد نور باصصلها ومش بيتكلم وهي مش معاه
نوح...نور ردي عليا عشان خاطري
ادم...طيب يلا يا جماعه
ليل....هادي بجد انا مش عارف اقولك ايه انت وقفت معانا وتعبت بجد وراح الاجتماع اللي كنت جاي عشانه والدنيا متلغبطه عالاخر بجد انا بعتزرلك جدا
هادي...ايه ياليل اللي بتقوله ده بس انا معملتش اي حاجه انتوا اخواتي ويمكن انا معرفش حاج محمد اوي بس واضح انه راجل طيب وربنا مسخرله كل واحد يعمله حاجه وانا كنت من ضمنهم واظن الناس اللي عزت فيه دي تأكد كلامي ربنا يرحمه
ليل...يارب وان شاء الله هكلمك عشان نظبط كل حاجه
هادي...ليل اعتبرني مجتش القاهره اصلا مفيش مشكله الشغل يتأجل اسبوع اتنين عادي
ليل...مش عارف اقولك ايه
ادم.. مش جديد على هادي طول عمره جدع
هادي...حبيبي يا ادم طيب قبل مااستأذن مش محتاجني في اي حاجه
ليل...ربنا يخليك ياهادي انت كفايه عليك كده اوي
هادي...طيب لو احتجتني في اي وقت انا موجود
جاسر...شكرا ياهادي تعبناك
جاسر...تعبكم راحه ياصاحبي وان شاء الله تكون اخر الاحزان البقاء لله يا انسه نور
بعد اذنكم..
ليل سلام ياهادي
راح معاه ادم يوصله
وكلهم اتحركوا وراه خرجوا على العربيات
مشي سراج ومني
جاسر...خد تمارا وميرنا اللي كان باين عليها الحزن زيهم زعلانه عشان نور وعشان افتكرت والدتها
وزهره وادم مشيوا
ووراهم نوح ونور
وليل خد عشق ووالدته
ركبت عشق ورا وطول الطريق دموعها مش بتوقف ليل عينه عليها في المرايه وهاين عليه ينزل ياخدها في حضنه عارف انها اتعلقت بيه بسرعه وعارف ان الحلم الوقت هو اللي مأثر عليها وتاعبها مش قادره تصدق انها رجعت تاني لنفس الوجع بعد ما اطمنت انه عاش طب ليه فضل طول الفتره دي ايه الحكمه في كده
واللي كان تاعبها اكتر هو حلمها
اللي قالته لليل اول ما وصلت الشركه وحس انها متغيره طمنها ليل لكن عشق كانت حاسه ان في حاجه هتحصل لكن مكانتش تعرف انه عم محمد المقصود
💔💔💔💔💔
مابين الحلم والحقيقة (دار الايتام 2)
البارت الواحد والثلاثون...
وصل ليل تحت البيت هو والشباب
وطلعوا مع بعض
وراح ادم وجاسر يجيبولهم عشا محدش فيهم كل اي حاجه من الصبح ومن يوم الوفاة تقريبا محدش بياكل اي حاجه كلهم باين عليهم التعب والارهاق وعدم الاكل مغير ملامحهم..
دخلوا الشقه واول ما دخلوا اعدوا كلهم كان صوت القرأن شغال في الشقه..
نور...باصه للفراغ من غير كلام من غير دموع من غير اي ردود افعال ملامح باهته ستاره من الحزن واضحه على عيونها جسم هزيل وشها شاحب.
عشق...نور حبيبتي تحبي تقومي تغيري
نور..........
عشق...طيب قومي ارتاحي انتي بقالك كذا يوم مش بتنامي
نور.........
سهام....قومي يانور يا حبيبتي غيري هدومك وخديلك شاور عشان تفوقي لحد ما ادم وجاسر يجيبوا العشا
نور.........
نوح....نور قومي يلا مع عشق والبنات
عشق...مسكتها من ايدها قومي يانور معايا تعالي
قامت نور بضعف مشيت مع عشق وراحت معاهم زهره.
ولع ليل سيجاره وهو كمان ملامح الحزن باينه عليه.
سهام...مسكينه الصدمه كبيره عليها اوي اكتر من شهر شيفاه ادامها وهي متعرفش انه ميت
تمارا...اعده ساكته ودموعها نازله
ليل....ربنا يرحمه يارب المهم انه ارتاح
نوح...انا قلقان على نور اوي حاسس انها محتاجه دكتور
ليل متقلقش يانوح لو فضلت كده اكيد هجبلها دكتور
سهام...متقلقوش هي بس الصدمه شديده عليها متستهونوش باللي هي فيه مامتها متوفيه والوقت باباها ملهاش حد خلاص ونور سنها صغير واللي حصل فوق طاقتها ربنا يصبر قلبها
ميرنا....بدموع صعبانه عليا اوي وفكرتني بموت مامي وقتها حسيت اني تايهه ولوحدي رغم ان بابي كان جمبي ومسابنيش مابالكم بقى هي لوحدها معهاش حد فيهم
تمارا...يمكن انا مجربتش الاحساس ده قبل كده بس بجد الراجل ده فراقه وجعني اوي
سهام....اهدوا يابنات وصلوا على النبي كده ده مكتوب وكلنا هنموت اه الفراق وحش بس مينفعش حياتنا تقف على حد ادعوله بالرحمه وادعي لمامي ياميرنا بالرحمه اللي بيموت مبيبقاش محتاج مننا اننا نعيط عليه اد ماهو محتاج لكل دعوه مننا
تمارا...ربنا يرحمه ويسامحه ويغفرله
ميرنا... ربنا يرحمهم يارب
ليل...على فكره نور مينفعش تشوفكم كده كفايه اللي هي فيه المفروض تساعدوها تخرج من حالتها دي طول ماهي شيفاكم كده هتفضل هي كمان كده وحالتها هتسوء اكتر
تمارا....غصب عننا ياليل ربنا يعلم يمكن هو غالي عند نور اوي بس هو غالي عندنا احنا كمان اوي
نوح ..ربنا يرحمه يارب بس عشان خاطري ياتمارا حاولوا زي ماليل قال وخصوصا انتي وميرنا حاولوا تخرجوها من اللي هي فيه ده
تمارا...حاضر
ميرنا...حاضر يانوح
خبط الباب في الوقت ده
راحت ميرنا فتحت
كان ادم وجاسر رجعوا بالاكل خدت ميرنا من ادم وراحت هي وجاسر حطوا الاكل في المطبخ
ورجعوا اعدوا معاهم
جاسر...ايه فين نور
سهام....عشق خدتها هي وزهره تغيرلها وتخليها تاخد شاور عشان تفوق
جاسر...طيب كويس ربنا يصبرها
وبص لميرنا وتمارا وانتوا الاتنين حاولوا تفكوا كده عشان هي كمان تفك
سهام...لسه والله قايلين لهم الكلام ده.
جاسر...هي الوقت محتجاكم جمبها انا عارف انكم مضايقين خصوصا انتي ياتمارا لانك عاشرتيه بس بجد هي الوقت محتجاكم
تمارا...حاضر ياجاسر
خرجت عشق وهي باين عليها الارهاق وحبات العرق على وشها لكن كانت متماسكه
سهام....ايه يا عشق نور كويسه
عشق...الحمد لله ياطنط خدت شاور وغيرتلها وسرحتها وبتصلي
سهام....طيب كويس فين زهره
عشق...دخلتها تاخد شاور هي كمان
سهام....ماشي ياحبيتي
عشق...يلا تمارا انتي وميرنا قوموا غيروا هدومكم وخدوا شاور لحد ما اظبط العشا
تمارا....اعده ساكته ودموعها نازله
ميرنا....طيب انتي مش هتدخلي
عشق ..متشيليش همي قوموا انتوا بس ملكوش دعوه بيا
ليل كانت عينه عليها وحاسس انها بتحاول تتماسك عشانهم.
عشق....مسكت تمارا من ايدها يلا حبيبتي قومي انا طلعتلك غيار هتلاقيه على سريرك قامت معاها تمارا دخلت اوضتها ودخلت ميرنا
بعد شويه رجعت عشق
عشق...طنط انا طلعتلك غيار جديد في الاوضه عندي تعالي يلا معايا عشان تاخدي شاور وتغيري هدومك دي
سهام....طيب لما احضر معاكي العشا
عشق.. لا روحي يلا انتي عشان الاكل ميبردش بس وعشان مش هتعرفي تاكلي بهدومك يلا تعالي
قامت سهام راحت معاها عشق على الاوضه ورتها الهدوم
عشق...ايه رأيك هيجوا مقاسك
سهام...اه حلويين اوي ياحبيبتي
عشق...طيب تمام انا هخرج واسيبك براحتك خدي شاور وظبطي نفسك
سهام...شكرا يا عشق
عشق...بابتسامه بسيطه على ايه بس يا طنط بعد اذنك
سهام...اتفضلي يا حبيبتي
خرجت عشق بره
عشق...تشربوا حاجه
ليل...تعالي ياعشق اعدي ارتاحي شويه
عشق...لا انا كويسه
جاسر...اعدي يا عشق انتي مش بتأعدي ابدا وشايله همهم كلهم اعدي شويه
عشق...متقلقوش عليا انا كويسه والله هروح اظبط الاكل لحد ما يخلصوا بعد اذنكم
جاسر....بحس ان عشق امهم فعلا زي ما البنات بيقولوا
نوح...فعلا مسابتش نور لحظه مهتمه بتفاصيل تمارا وزهره اوي كأنهم ولادها حتى ميرنا اللي لسه عرفاها من كام يوم بتعاملها زي ما بتعاملهم
ادم....عشق بنت حلال وجدعه
ليل.....قام طفى السيجاره وراحلها على المطبخ
بصوا الشباب مكان ماهو رايح عرفوا انه رايح لعشق...
دخل ليل على عشق المطبخ كانت رايحه جايه في للمطبخ تطلع اطباق ومعالق وتحضر الاكل.
وقف ليل ربع ايده وفضل باصصلها من غير ولا كلمه
عشق....محتاج حاجه ياليل
ليل...لا
عشق....اعملك قهوه ولا شاي ولا لما تاكل احسن فضلت عشق تكلمه وتروح وتيجي ومرتبكه وكانها ماسكه نفسها بالعافيه بس بتداري ده كله بكلامها الكتير وحركتها السريعه
مسكها ليل من ايدها مره واحده
بصتله عشق وعينها كلها دموع وكأنها بتحاول تشغل نفسها طول الوقت عشان متنهارش
ليل...وهو ماسك ايدها وباصص في عينها... طول الوقت ماعدتيش شايفك راحه جايه شايفك شايله هم كل اللي حواليكي حتى امي بتحاولي تهوني على نور وزهره وتمارا بتحاولي تخلي ميرنا تفك عشان متفتكرش والدتها شايفك بتمسحي دموع كل واحده فيهم شايفك بتاخدي كل واحده فيهم في حضنك عشان تهوني عليها.. بس انا عارف انك تعبانه ياعشق ومحتاجه اللي يهون عليكي
انهارت عشق في الوقت ده
عشق....انا قلبي واجعني ياليل اوي
شدها ليل جوه حضنه مسكت عشق في القميص بتاعه وفضلت تعيط
ليل...عيطي ياعشق عشان تفوقي وترتاحي طول الكام يوم اللي فاتوا كنت عايز اخلص من اي حاجه انا مشغول بيها عشان اخدك في حضني عشان عارف انك محتاجاه
عشق...خرجت من حضنه ليل انا بجد تعبانه كان عندي امل انه يعيش طول الوقت كنت بدعي ربنا انه يفوق طول الوقت الحلم مش بيفارقني يمكن اللي تاعبني اكتر اني قولت القدر بيتغير واهو عاش بعد الحادثه مماتش اه في غيبوبه بس الحلم اتغير واكيد هيفوق منها طلع ميت يا ليل من اول يوم طب في الحلم هو فاق وكلمك ووصاك علينا وقدرنا نودعه شويه لكن هو راح من غير ما نودعه راح من غير ما يوصيك علينا راح بعد ما كان عندنا امل انه يعيش راح ياليل وخلاني اعرف ان كل حاجه في حلمي بتتحقق تمارا عملت الحادثه هايدي كانت السبب في موته اللي اتهجموا عليا اتهجموا تاني مبقاش فاضل كتير على النهايه يا ليل كل حاجه وحشه شوفتها في حلمي بتتحقق في ايه يوجع في حلمي لسه متحققش غير اللي هيحصل لنور ونوح وغير المواجهه الاخيره ياليل اللي المفروض انا هسيبكم فيها لما شوفت اخر حلم وحكتهولك طول الحلم الشخص ده كان مديني ضهره مشفتوش بس هو قاللي ياليل انه خلاص كمل رسالته وماشي
طيب كان يقصد ايه رسالة ايه اللي كملها وهو بقاله فتره في غيبوبه طب ايه اللي طمنه عشان يسبنا ويمشي
ليل.....عشق يمكن مش كل حلم بنحلمه بيتحقق ويمكن يتحقق بس مش شرط ان الحلم اللي نحلمه يكون مكتوب مش لازم كل حاجه تتحقق وانا لما وعدتك اني مش هخلي حاجه تحصل طول الوقت كنت بحاول احقق حاجات جديده مشوفتهاش في حلمك عشان تتأكدي ان في جديد في حياتك بس موت حاج محمد مكنتش اقدر اوقفه لان ده عمره وهو مش محتاج يفوق عشان يوصيني عليكم يا عشق انا وعدتك يا عشق وهوعدك تاني لاخر يوم في عمري مش هسيبكم مش هخلي حاجه تمسكم مش هسيبكم تتوجعوا هتفضلوا مسؤولين مني لاخر يوم في عمري هسلم كل بنت فيهم للي قلبها اختاره هخليكي تطمني عليهم بنفسك وقولتهالك وهقولهالك تاني ياعشق انا مستحيل اسيب الموت يا خدك مني بلاش تخلي الحلم يأثر عليكي انا طول الوقت بشوفك اقوي واحده فالدنيا بأيمانك ازاي الوقت اشوفك بالضعف ده
عشق...مش ضعف يا ليل بس خوف تخيل كده شوفت حلم وبيتحقق بالحرف ادامك وياريته حلم حلو ده حلم بتشوف فيه كل حد غالي عليك بيتأذي ادامك صدقني ده احساس متعب اوي
ليل...عارف ياحبيبتي بس لو حلمك مكتوب ياعشق لو حصل ايه هنشوفه عشان محدش بيهرب من المكتوب بس مينفعش حتى لو ده المكتوب نفضل طول الوقت في حزن ووجع لحد ما يتحقق الحلم حاولي تنسيه ياعشق انتي ازاي مفكرتيش ان يمكن يكون ربنا ميزك عن اي حد انك تشوفي الحاجه قبل ما تحصل مش يمكن انتي مفضله عند ربنا
عشق....بس انك تعرف الغيب دي حاجه متعبه اوي ربنا قال لو علمتم الغيب لاختارتم الواقع وصدقني انا نفسي اكون مميزه عند ربنا إلا في الحاجه دي عشان تعبت
ليل....عشان خاطري اهدي شويه
عشق....احساسي بالذنب من ناحية نور مموتني
ليل....ليه ياعشق هو انتي اللي موتيه ده عمره ياحبيبتي بيكي من غيرك خلاص معاده جه وبعدين عايز اقولك حاجه يمكن الفتره اللي حاج محمد كان فيها في المستشفى احنا كلنا قربنا من بعض اوي كل واحد فيهم اعترف بحبه للتاني يمكن اطمن عليهم اكتر مع بعض نوح اعترف بحبه لنور قبل ما يحصل بينهم الحادثه ادم وزهره كمان زيهم جاسر وتمارا واظن جاسر ساب هايدي قبل اي حاجه تاني ما تحصل
انا وانتي ياعشق وحاجات كتير اوي حصلت الفتره البسيطه دي ويمكن ربنا أجل معاد حزننا على حاج محمد لحد ما كلنا نكون مستقرين وكل واحد فينا عارف هو عايز ايه يمكن دي الرساله اللي قالهالك حاج محمد حب يطمن عليكم ويوصينا عليكم بطريقه غير مباشره ولما ربنا طمنه ان انتم بقيتوا في امانتنا راح صح ولا ايه
عشق...هزت راسها
ليل...امسحي دموعك دي عشان بتموتني ياعشق اجمدي وعايز اشوفك ديما قويه وصدقيني نعدي الفتره دي بس وهخليكي تطمني عليهم كلهم ومش هيبقى غيرك وقتها بس هطمنك انتي كمان على نفسك وانتي في بيتي وفي حضني
ابتسمت عشق براحه خدها ليل في حضنه تاني.
ليل...بحبك ياعشق وهعمل كل حاجه في الدنيا عشان بس اسعدك واشوفك مبسوطه.
عشق ...ربنا يخليك ليا ياليل وتفضل دايما سندي
ليل....طب يلا بقى امسحي دموعك دي وتعالي نخرج الاكل
عشق...حاضر
مسحت عشق وشها وابتدت تخرج الاكل
زهره شافتها هي وميرنا ابتدوا يساعدوها
عشق.. فين تمارا ونور
زهره...تمارا كانت بتصلي في اوضتها ونور بتقرا قران
عشق...طيب انا هروح انادي عليهم حطوا انتوا باقي الاكل
زهره...ماشي ياعشق
راحت عشق نادت على تمارا وراحت على نور لقتها اعده ماسكه المصحف في ايدها وقفلاه وسرحانه
خدت عشق منها المصحف
عشق....يلا يا حبيبتي عشان تاكلي
مسكتها من ايدها وخرجت بيها بعد ما ظبطتلها طرحتها...
عشق...يلا ياجماعه قوموا
سهام...عشق انتي مش هتغيري طيب
عشق....لا بعدين عشان الاكل ميبردش بس
سهام....طيب ياحبيبتي
قاموا كلهم اعدوا على السفره
وابتدت عشق تديهم الاكل
عشق...يلا يانور كلي ياحبيبتي
هزت نور راسها بلا
عشق...مينفعش يا نور كده هتتعبي
سهام....نور بقولك ايه اللي بتعمليه ده مينفعش يا حبيبتي الاكل ملوش دعوه بالزعل كده يجرالك حاجه وبعدين هو احنا هنعترض على قضاء الله وقدره حرام يابنتي متوجعيش قلب ابوكي عليكي خليه يطمن ويرتاح انك كويسه اتكلمي يا حبيبتي عيطي صوتي خرجي اللي جواكي متفضليش كده الحزن بيجيب حزن يا نور ولو فضلنا طول العمر نبكي ويوجعنا فراق حد غالي علينا مش هيرجع وهو مش هيرتاح غير لو بقينا احسن
اللي بيموت يانور بيرتاح اللي بيتعب هو اللي عايش بس ادام احنا لسه عايشين مفيش مانع نزعل ونحزن بس منوقفش حياتنا منضغطش على نفسنا منحولش حياتنا لجحيم لحد ما تيجي ساعتنا...طول ما احنا عايشين لازم نكمل واول ما يجي اللي فارقنا على بالنا ندعيله بالرحمه هو مش محتاج غير كده مننا
نور....اخيرا اتكلمت بابا راح من غير ما يودعني يا طنط راح من غير اي انذار اه كان تعبان اه كنت عارفه انه في غيبوبه بس كان عندي امل انه يصحي منها وياخدني في حضنه بس محصلش صوته كان واحشني اوي بقالي كتير مسمعتش صوته بقاله كتير متكلمش معايا بس كان عندي امل حتى لو بسيط انه يعيش لكن راح فجأه بابا عمره ماسابني يوم ما ماما اتوفت اتوجعت اوي رغم اني كنت صغيره وقبل ما تموت فضلت تعبانه فتره فكنت دايما بعيده عنها بحكم اني طفله وبحكم اني مش فاهمه بس بردو لسه فكراها واتوجعت عشانها ومن وقتها انا وبابا كنا كل حاجه لبعض عديت باوقات كتير اوي كنت بحتاج فيها ماما لاني بنت كنت ببقى محتاجه اتكلم في حاجات مينفعش اقولها لبابا كتير اوي قالوا لبابا انه يتجوز كان دايما يرفض ويقول استحاله اجيب مرات اب لنور وتبقى ست البيت انا مش بشوف ست للبيت ده من بعد مراتي غير نور مش هخلي حد يتحكم فيها ولا حتى يضايقها بكلمه عشان انا اكون سعيد
تروح سعادتي العمر كله ولا اشوف نور مضايقه لحظه بسبب ست غير امها كان بيقول ان انا الفرحه اللي في حياته بابا مكانش مجرد اب طيب وحنين بابا كان صاحب بجد اكتر حد شوفته سند اطيب حد جه الدنيا دي عمري ما شوفته بيتخانق مع حد عمري ماشوفت حد مضايق منه يوم اجازته كان الكل بيتحايل عليه ياعد معاهم شويه عالقهوه مكانش بيرضى يسبني ابدا ويقولهم انهرده يوم سهرتي مع نور دي بتستنى اليوم ده بفارغ الصبر كنت ساعات اقوله انزل غير جو والله ما هزعل مكانش يرضى ابدا ويقولي اليوم ده انا بستناه اكتر منك عشان ناعد ونسهر نتفرج على الافلام سوا عشان اتكلم معاكي فاللي مضايقك واللي مفرحك عشان اعرف كل حاجه حصلت معاكي طول الاسبوع
بابا مكانش في زيه كان امنية حياته يشوفني بتخرج وبيسلمني بايده للي اختاره وانا عروسه مكنتش اعرف ان انا اللي هوصله لقبره عمري ماتخليت ان دي تبقى النهايه وبابا يطلع مودعني من يوم ما راح المستشفى بابا لما كنت بروح المستشفى والله العظيم لما كنت بقف ادام الازاز كان بيضحك واحس انه فرح طب لو هو كان ميت ازاي كنت بحس بفرحته دي وانا واقفه ادامه كل مره كنت بشوفه بيبتسم اقول هانت وخلاص هيفوق هو حاسس بيا مش فاضل غير كرم ربنا انه يفوقه واخده في حضني واسمع صوته..طلع بعد كل ده ميت وانا مش عارفه...كملت بدموع وجع بابا وقف حياتي خلاص بابا خد روحي معاه اول ما عرفت انه مات
قامت عشق من مكانها خدتها في حضنها حضنتها نور وهي اعده عالكرسي وانهارت
نور...بابا مات يا عشق مات خلاص بابا خد كل حاجه معاه ياعشق بابا راح من غير ما
عشق...بس با نور بس
نور...بابا راح خلاص
قامت سهام والبنات وهي بتمسح دموعها
سهام...بس يابنتي بس اهدي وحدي الله
ميرنا...ادعيله يانور
نوح.. عينه كانت بتلمع بالدموع بس ماسك نفسه كان باصص عليها وبيهز رجله بعنف حاسس ان قلبه واجعه عليها.
الشباب كلهم كانوا ساكتين وقلبهم واجعهم بجد على نور..
بعد فتره بسيطه هديت نور شويه
سهام...الوقت هتبقي احسن بعد ما خرجتي اللي جواكي ده كله استغفري يانور وادعيله ياحبيبتي
عشق...تعالي يانور اغسلي وشك.
نور....انا اسفه حقكم عليا بس والله غصب عني
ليل....متقوليش كده يانور احنا حاسين بيكي يلا قومي مع عشق واغسلي وشك وتعالي يلا
قامت نور مع عشق غسلت وشها.
عشق...بقيتي احسن
نور...الحمد لله
عشق...بدموع اجمدي يانور عشان خاطري انا معنديش استعداد اتوجع على حد فيكم عشان خاطري متوجعيش قلبي وفوقي بقى عشان انا كمان تعبانه اوي والله العظيم
حضنتها نور اوي..حقك عليا انا عارفه اني تعبتك معايا بس والله غصب عني
عشق...اتعبيني زي ما انتي عايزه بس المهم اشوفك كويسه
نور...ربنا يخليكي ليا ياعشق
عشق...طب يلا بقى عشان تاكلي البت تمارا هتخلص الاكل كله هي ونوح وادم
ابتسمت نور غصب عنها....حاضر
خرجت عشق مع نور
اعدتها عالكرسي
ليل....يلا بقى ممكن تاكلي وكلكم تاكلوا
نور...حاضر يلا كلوا انا كويسه
بصلها نوح من بعيد بوجع
ابتسمت نور بحزن وهزت راسها ليه
ابتسم نوح بحزن عليها
وابتدوا ياكلوا مع بعض في هدوء
صحيح مكانوش بياكلوا كويس بس كانوا بيحاولوا
بعد ما خلصوا
كانت سهام بتنام على نفسها خدتها عشق دخلتها اوضتها تنام فيها اعترضت سهام عشان دي اوضه عشق لكن عشق صممت وقالتلها انها هتنام مع نور انهرده ...وبعد ما اطمن عليهم ليل
ليل...احنا هنمشي انا والشباب بقى وانتوا يلا قوموا ارتاحوا شويه كلكم تعبانين
نور....ليل
ليل...ايوه يانور
نور...بجد شكرا على كل حاجه عملتها وشكرا انك دفنت بابا في المدافن بتاعتكم وشكرا على وقفتك معايا انت ونوح وادم وجاسر بجد انا لو ليا اخوات مكانوش عملوا اللي انت عملته ده
ليل...بابتسامه بطلي عبط ايه اللي انتي بتقوليه ده انتي اختي الصغيره يانور وحاج محمد ربنا عالم غلاوته عندي ده كان واحد مننا انا معملتش حاجه ولا انا ولا حد فيهم تستاهل الشكر ده كله عشان ده جزء بسيط بنرده من جمايل الراجل الطيب ده.
ادم...ربنا يرحمه انتي اختنا يانور واي حاجه احنا دايما هنكون في ضهرك..
نور...ربنا يخليكم ليا يا ادم واقدر انا ارد اللي عملتوه مع بابا ومعايا
جاسر...عايزه تردي اللي عملناه
نور...طبعا
جاسر...تفوقي وتجمدي وترجعي زي الاول تاني وساعتها بس هتكوني رديتي اللي عملناه يا ستي لما تطمنينيا عليكي
ابتسمت نور...حاضر
ادم....ادخلوا يلا ناموا وارتاحوا شويه..زهره محتاجه حاجه
زهره...شكرا يا ادم سلامتك
ادم...يلا تصبحوا على خير
خرج ادم يجيب الاسانسير
جاسر...لتمارا يلا ياحبيبي ادخلي نامي
تمارا...حاضر
جاسر...مش محتاجه حاجه قبل ما امشي
تمارا.. لا سلامتك ياحبيبي
جاسر....يلا تصبحي على خير
تمارا...وانت من اهله خرج جاسر ورا ادم ودخلت تمارا اوضتها هي وزهره وميرنا
ليل...عشق ادخلي خدي شاور وتنامي على طول
عشق...حاضر
ليل...متقوليش حاضر وتفضلي صاحيه
عشق...لا والله انا خدت غيار قبل ما اقفل على طنط وهاخد شاور وانام
ليل...قبل ما تنامي كلميني
عشق...حاضر
ليل...يلا ياحبيبي تصبحي على خير
عشق...وانت من اهل الخير
ليل...راح جمب نوح انا بره
نوح...تمام
خرج ليل وراهم
عشق...نور حبيبتي انا هروح اغير لحد ما تيجي
نور...ماشي ياعشق
نور...بابتسامه بسيطه انت هتفضل مكشر كده
نوح...قلقان عليكي
نور...انا كويسه ادامك اهو
نوح....لا مش كويسه وعايز اشوفك احسن
نور...حاضر يانوح
نوح...عشان خاطري يانور اجمدي شويه عارف انه غصب عنك والله بس مش قادر اشوفك كده
نور..صدقني هبقى كويسه
نوح...يارب يا حبيبتي نامي وارتاحي وبطلي عياط واهدي شويه
نور...حاضر
نوح...قرب منها باس راسها خلي بالك من نفسك
ابتسمت نور بحب حاضر
نوح...بحبك يانور
ابتسمت نور في صمت
نوح ..يلا ادخلي واقفلي
نور...تصبح على خير
نوح...وانتي من اهل الخير
دخلت نور الاوضه واعدت عالسرير سرحانه بعد فتره بسيطه خرجت عشق وهي بتنشف شعرها
عشق...انا قولت هلاقيكي نمتي
نور...لا لسه
عشق...سرحت شعرها بسرعه وصلت وراحت جمب نور
عشق...تعرفي بقى ان العيال دي زمانهم متغاظين
نور...بابتسامه طبعا واكيد بيحسدوني كمان عشان هتنامي معايا
عشق...بحب احسن خليهم متغاظين...ممكن يلا بقى تيجي في حضني كده وتنامي
نور...حاضر
خدتها عشق في حضنها وفضلت تمشي ايدها على شعرها وتقرألها قرآن لحد ما نامت نور في ايدها
غطتها عشق كويس
واتصلت على ليل
ليل...الووو ايوه ياعشق
عشق...ايوه ياليل روحت
ليل...لا لسه في الطريق في حاجه ولا ايه
عشق...لاكنت بفكرك روحت كنت هقولك اني هنام
ليل...طيب ياحبيبي يلا نامي انا قربت عالبيت خلاص
عشق....لا هستناك بس تروح عشان اعرف انام
ليل...حبيبي احنا ماشيين ورا بعض اطمني وانا خلاص قربت
عشق...معلش هستناك هقرأ قرآن شويه لحد ما توصل
ليل...بحب بزمتك انتي هو في كده بحبك ياعشق
عشق...بابتسامه وانا كمان ياحبيبي يلا ركز فالطريق
ليل...حاضر اول ما اوصل هكلمك
عشق...ماشي يلا باي
ليل...باي
مسكت عشق المصحف وفضلت تقرا شويه وبعد حوالي تلت ساعه
رن موبايلها
عشق...الو
ليل...ايه ياحبيبي انا وصلت خلاص
عشق...بجد ولا بتضحك عليا
ليل...والله بجد انا في الاوضه كمان طلعت
عشق...تمام ياحبيبي
ليل....يلا روحي نامي
عشق...حاضر وانت كمان
ليل...هاخد شاور وانام علي طول
يلا تصبحي على خير
عشق...وانت من اهله
..........................
عدى اليوم وسط وجع وحزن
وعدى حوالي اربع ايام
فضلت سهام معاهم يومين لحد ما اطمنت عليهم وروحت بس كانت بتجيلهم هي ومامت جاسر تطمن عليهم ويمشوا
نور...زي ماهي حزينه لكن بقت افضل
البنات...بيحاولوا يتأقلموا
كان في حاله من الصمت بينهم حزنهم كان ظاهر على عنيهم
لكن عايشين
الشباب مكانوش بيسبوهم لحظه غير وقت الشغل اما البنات مكانش حد فيهم بينزل لسه
وبعد مرور اسبوع كامل وبعد ما الحياة رجعت تمشي تاني
نزلوا البنات الشغل من تاني
واخيرا اقتربت النهايه
اقتربت الحقيقه من الحلم والحلم من الحقيقه
ومابين الحلم والحقيقه خيط
لا يعلمه غير الله☝️☝️#
 البارت الثلاثون..والواحد وثلاثون بعد ما ليل بلغ عن حاله حاج محمد ان حالته لسه زي ماهي لكن مفيش قلق…){kind=link}
تعليقات
إرسال تعليق