 |
مابين الحلم والحقيقة (دار الايتام 2)
البارت الثاني والثلاثون.والثالث والثلاثون
مدونة #موسوعة_القصص_والروايات
نزلوا البنات الشركه من تاني ورجعوا اهتموا من تاني بالجامعة والمحاضرات عشان الامتحانات قربت كانوا لسه في حالة حزن كبيره لكن الي حد كبير اتأقلموا
اتفق ليل مع الشباب انهم يحاولوا يشغلوا البنات في شغل كتير عشان يقدروا يخرجوا من حالة الحزن دي وكل تركيزهم يكون في الشغل وبس
في خلال الاسبوع حاجات كتير اتغيرت واولهم ميرنا😔
وفي صباح يوم جديد عصيب ملئ بالتوتر
الكل كان مندمج في الشغل كان في شغل كتير جدا وده طبعا من بعد ما رجعوا من السفر وموت حاج محمد كل ده كان مخليهم مش قادرين يركزوا في الشغل
ليل...بلغ شاهي انها تبلغهم كلهم بأجتماع طارئ و ضروري وكان باين عليه العصبيه
بلغت شاهي الجميع
وبعد حوالي عشر دقايق كان الكل في غرفه الاجتماعات.
ليل....المفروض اننا تقريبا ماسكين اهم ست مشاريع في السنه دي
سلمنا منهم اتنين والشهر ده المفروض هنسلم منهم واحد وطبعا عشان الظروف اللي كنا فيها الفتره اللي فاتت واللغبطه اللي كانت حاصله هنضطر نأجل معاد التسليم اسبوعين كمان مش فاهم اصلا ليه التأجيل المفروض الشغل كان اتسلم في معاده احنا اللي كنا مشغوليين وعندنا ظروف مش العمال والموظفين والمهندسين بس دي غلطه وانا هحاسب اللي قصر فيها عشان احنا طول عمرنا مواعيدنا ثابته ومظبوطه ولو حصلت مره او اتنين واتأخرنا بيبقى يوم بالكتير لكن اسبوعين محصلتش طبعا انا بحمد ربنا ان اللغبطه والتأخير ده حصل في مشروع هادي عشان عارف انه هيقدر ده ماعلينا خلينا في المهم شاهي
شاهي...تحت امر حضرتك
ليل...شايفه الورقه دي
شاهي...ايوه يامستر ليل
ليل....الورق اللي هناك ادامك ده عايزك تطلعيلي كل النسخ اللي شبهها هنا
شاهي...تحت امر حضرتك
راحت شاهي تطلع نسخ الورقه من كوم ورق محطوط على تربيزه تانيه....كمل ليل كلامه
ليل.....خلصنا من اول مشكله نركنها على جنب ليل كان بيتكلم بعصبيه شديده ومفرطه لاول مره يتكلم بيها الكل كان ساكت بما فيهم الشباب.
ليل....الكارثه التانيه مااحنا مبقاش عندنا غير كوارث اليومين دول...
المفروض امبارح كنت بعمل جرد السنه وطبعا اللي مسؤول عن اي مليم في الشركه قسم المراجعات اللي مسؤول عنه استاذ نوح واستاذ ادم ونور وزهره المفروض بتخلصوا مراجعه ويجيلي كل الورق اراجعه مره اخيره صحح
ادم...تمام ياليل واحنا راجعنا الورق وكله تمام مفيش اي غلطه ولا فيه اي نقص فالميزانيه
ليل....ده بامارة ايه ان شاء الله انا راجعت الورق والميزانيه اللي بتتكلم عليها دي ناقصه 11مليون يا ادم باشا
ادم....نعم 11مليون ازاي
ليل...هو ايه اللي ازاي يا استاذ ادم بقولك ناقصه 11مليون والمفروض ان انتوا الاربعه مراجعين الورق ده كله امبارح
نوح...ليل احنا راجعنا الورق دي مية مره قبل ما نسلمهولك
وبعدين انت بتتكلم في رقم يعني اكيد لو في نقص كنا خدنا بالنا
ليل...طيب تمام وانا بقولك ناقص 11مليون حابب اعرف راحوا فين
والورق ادامكم تقدروا تبصوا عليه حالا وتعرفوني فين العلط يمكن انا مبفهمش ومبعرفش اراجع
ادم...ليل براحه وواحده واحده اكيد انت غلطان
ليل....واحده واحده ايييه بقولك نقص 11مليون من الميزانيه وبعدين انا اللي اطلع غلطان ايه وانا اول مره اراجع انا عايز اعرف الفلوس دي راحت فين
فتح ادم الورق هو ونوح وفضلوا يراجعوا بسرعه الورق واكتشفوا ان فعلا في نقص
ادم....فعلا في نقص بس كده في حاجه غلط الورق ده احنا راجعناه مع بعض امبارح كذا مره ومش انا بس احنا الاربعه كنا بنراجعه يعني لو واحد غلط وده طبعا مش وارد في غيره تلاته بيراجعه وراه
ليل...تمام...مين بدأ بالمراجعه
نوح....نور وبعدين زهره وبعدين انا وبعدين ادم
ليل...حلو يعني الورق يا ادم لما وصلك كان سليم صح
ادم...ايوه صح وانا راجعت تاني وراهم ومفيش اي نقص وبعتلك الورق مع ميرنا
ليل....وانا مراجعتش الورق ده امبارح انا من الصبح وانا براجع فيه وكل مره بلاقي نقص
يعني كده الشيك اللي ناقص ده كان بينك انت وميرنا
ادم...بغضب تقصد ايه ياليل انا راجعت الورق واديته لميرنا
ميرنا....مستر ليل لو حضرتك فاكر انا خرجت من المكتب بعد ما خدت الورق من ادم ولقيت حضرتك ادام المكتب على طول وحضرتك خدته مني يعني مكنتش لسه اتحركت بيه ولا في اي حاجه وقعت مني
ليل...حصل يا ميرنا يبقى انتي بره الحوار ده
ادم...يعني ايه الغلط عندي انا يا ليل
ليل....والله ما عرفش انا فعلا كنت واقف ادام مكتبك ولقيت ميرنا خرجت وقالتلي انها كانت جايه تسلمني الورق خدته منها وانت بتقول انك اخر واحد مستلم الورق عشان تراجعه وكان سليم بعد ما التلاته اللي قبلك راجعوه افهم من كده ايه
ادم...بضحكه بسيطه لكن كلها استغراب ليل هو المعني اللي واصلي ده بجد ولا ايه
ليل....الحق ميزعلش يا ادم باشا ولا ايه
ادم....حق ايه انت اتجننت يا ليل ولا ايه
ليل...وهو بيضرب عالمكتب بعنف ادددددم خلي بالك من طريقة كلامك مش ليل السيوفي اللي يتقاله كده
ادم...ولا انا يا ليل ينفع انك تطلعني حرامي انا من يوم ما اشتغلت في مجموعه السيوفي ومفيش مليم نقص فيها حافظ انت على كلامك معايا
نوح...ليل اللي بيحصل الوقت ده مينفعش
جاسر....اهدى يا ليل انت وادم الموضوع ميتحلش كده ويمكن الشيك ده محطوط هنا ولا هنا
سراج....اعدوا يا شباب وفكر يا ادم يمكن نسيت تختم الشيك ده وحطيته في اي مكان
ادم...هو ايه اللي نسيت يا سراج باشا ورق المفروض خلاص هسلمه لليل هشيل منه شيك بتاع ايه اصلا ومن امته في ورق بيفضل معانا بعد الجرد
سراج...ايوه يا ادم بس ده مبلغ مش صغير وليل معاه حق يتعصب
ادم...بابتسامه زهول يعني ايه انت بتأكد على كلامه يا سراج باشا
سراج...ادم انا لا بأكد ولا اي حاجه بس بنتكلم بالعقل
ادم...عقل ايه اللي في كلامكم مفيش كلمه بتقولها فيها عقل انتوا عارفين انتوا بتقولوا ايه اصلا انتوا مطلعني حرامي
نوح...محدش قال كده يا ادم اهدى بس
ليل....هو ايه اللي اهدى يا نوح انت كمان خلاص احنا غلط فين الشيك ده
شاهي....مستر ليل مفيش اي نسخه للورقه دي موجوده في الورق
ليل...بابتسامه اهوووو الشيك مش موجود منه النسخ بتاعته كلها براڤو اتلعبت صح واللي خد الاصل خد النسخ كلها
جاسر...طيب ياليل يمكن الغلط في البدايه في المراجعه مش يمكن من الاول اصلا الشيك ده مكانش موجود ولما وصل لادم هو راجع صح وراهم لانه مش محطوط الشيك ده وسط الورق
ليل....لا والله امال راح فين الشيك
ادم....ايه انت مش راضي تقتنع باي حاجه غير ان انا اللي خدت الشيك ده بالنسخ بتاعته
عشق....ليل ممكن تهدي الكلام ميبقاش كده
تمارا...طيب احنا ممكن ندخل المكتب ندور معاهم واكيد هنلاقيه
ليل...انا مش عايز اي حد يدخل في الحوار ده
سكتت عشق وتمارا
ادم...بصلهم وضحك متحاولوش ليل باشا مصمم يطلعني حرامي
ليل...انا مطلعتكش حرامي يا ادم انا مش هتبلى عليك
ادم...تمام يا ليل وانا معرفش اي حاجه عن الشيك ده
ليل....تمام وانا هحولك للتحقيق
قام ادم...وقف وهو بيبص لليل
ولحد ده ما يحصل انا بره الشركه وبره البيت وهبعتلك رساله بمكاني يا ليل باشا لاني اكيد مش هربان ولا خايف من اي حاجه بس من اللحظه دي يحرم عليا اني اكون معاك في مكان واحد لا شغل ولا بيت
زهره...ادم استنى لو سمحت
نوح ..استنى يا ادم
خرج ادم من المكتب بعد ما رزعه كان في قمة غضبه
جاسر...لليل في ايه ياجدع ايه اللي انت عملته ده ده ادم ياليل انت انجننت فعلا
ليل...قولت محدش يدخل
جاسر...لا هتدخل يا ليل ادم عمره ما حط ايده على مليم من فلوس الشركه طول عمره اكتر حد امين
انت لو عايز تشك بحد يبقى تشك فينا كلنا وادم لا
ليل...بامارة ايه لو هو امين فين الشيك فين النسخ فين
ميرنا....جاسر صراحه ليل معاه حق ومن غير ما حد يزعل مني مشكلتكم هنا في مصر ان عشان انتوا بتكونوا صحاب مبتشكوش في بعض مع ان ممكن اقرب حد واثق فيه يعمل كده لكن بره يا جاسر بيفصلوا شغلهم عن قرابتهم او معارفهم الشغل شغل واللي بيغلط بيتحاسب بيتعاملوا جد الشغل مش فيه هزار
جاسر...انتي بتقولي ايه مش ادم يا بنتي انتي مش فاهمه حاجه
ادم انضف من انه يعمل كده
ليل...بس هي بتتكلم صح مايمكن عشان احنا شايفين انه ميعملش كده ومدينله الامان بزياده خان الثقه دي وهو مطمن اننا مش هنشك فيه
نوح...وهو ماسك دماغه انا مش قادر استوعب اللي بيتقال مش مصدقك ياليل
ميرنا....بصوا انا هقول حاجه حصلت ادامي ومش عايزه خد يضايق مني دي شهاده حق هتحاسب عليها امبارح مستر ليل بعتني اخدت الورق من ادم اول مره قاللي لسه بخلصه نص ساعه وتعالي خديه انا قولتله تمام وبلغت مستر ليل بس لما دخلت عليه كان ماسك ورقه في ايده وبيدور على ورق تاني المفروض لو هو بيراجع يكون مركز يكون هادي عشان يقدر يراجع لكن ادم كان بيدور على ورق وكان باين عليه انه متوتر جدا وبيدور بسرعه رهيبه حتى لما قالي اعدي عليه بعد شويه مكانش باصصلي وكان مركز جدا في الورق وبصراحه بقى المنظر اللي شوفته بيه امبارح ده يقول ان هو اللي عمل كده وانه كان بيدور على باقي النسخ عشان يقدر يخفيها بسرعه
ليل....طيب مقولتيش الكلام ده ليه ادامه
ميرنا...بصراحه الوضع مش محتاج خناق وكان عندي امل شاهي تلاقي الورق خوفت اقول كده في الاخر الورق نلاقيه ويبقى منظري مش حلو وادم وقتها كان حقه يزعل مني
ليل...وبعد ما خدت منك الورق نوح بعدها بعشر دقايق جه المكتب عندي ولما سالته عن ادم قاللي مشي خلص شغل وقال رايح مشوار صح يا نوح
نوح...ايوه ياليل بس هو كان عنده معاد مع صاحب الڤيلا اللي هيبيعها ماهو قايلك
ليل...صح وقاللي كمان انه بكره هيديله مقدم عشان كده كانت مستعجل
ميرنا...كده اسفه بجد دي واضحه اوي كل حاجه ضده
جاسر....بعنف انتي تسكتي خالص انتي اصلا بتدخلي ليه هي ايه اللي واضحه انتي مجنونه
نوح...ميرنا من فضلك متدخليش عشان صدقيني هتزعلي مني
ميرنا...انا بقول اللي شوفته
جاسر...ده لو كنتي بتشوفي اصلا
ليل....ايييه ما تمسكوا في بعض ادامي احسن هي بتقول اللي هتتسأل عليه يوم القيامه...وبعدين انا مش فاهم انتوا بتدافعوا عنه اوي كده ليه
جاسر....اييييه يمكن هنتقاسم معاه يا ليل باشا..
ليل...هو انت مش شايف بتدافعوا عنه ازاي
جاسر...والله لو في حد يدافع عنه حتى لو شافه بعينه بيسرق يبقى انت يا ليل ادم مش من دمي ولا في بيني وبينه صلة قرابه مبنامش معاه في بيت واحد زيك
ومع ذلك انا بثق فيه اكتر ما بثق في نفسي عشان صاحبي واللي بيني وبينه اكبر بكتير من شويه فلوس يا ليل....انا خلصت شغل وتقريبا اجتماعك خلص ولولا ان الشركه فيها شغل كتير وحاجات اكتر متوقفه على شغلي كنت سبت الشركه انا كمان
ليل....لا والله للدرجادي
جاسر... اه للدرجادي ياليل مش هاين عليا اسيبك معكوك في الضغط ده كله عشان انت مني ياليل بس للاسف حتى اللي بقوله ده انت مش هتفهمه..
بعد اذنكم
زهره....جاسر خدني معاك من فضلك
ليل....ايه على فين مش في شغل ولا هو نادي اللي عايز يمشي يمشي واللي عايز يأعد يأعد
زهره...زي ما جاسر قالك يا مستر ليل احنا خلصنا شغلنا اصلا ومن انهرده اعتبرني مستقيله
ليل...بضحكة سخريه لا والله ليه ان شاء الله يا زهره هانم انتي عايزه تخربي بيتي الشغل مش هيمشي من غيرك
زهره...من غير تريقه من فضلك يا مستر ليل الموضوع مش مستاهل
ليل...ايه زعلانه عشان ادم بردو
زهره...يمكن انا معرفش ادم اد ما حضرتك تعرفه يمكن المواقف اللي شوفتها معاه مش اد المواقف اللي انت عشتها معاه بس ثقتي في ادم وامانته تخليني ارفض اعد في مكان اتهان فيه
ليل...وده بصفتك ايه ان شاء الله
زهره....بصفتي اني هبقى مراته وكرامته من كرامتي انت مدتلوش الحق انه يدافع عن نفسه وحكمت عليه ووارد اي حد يتحط في الموقف ده وبردو وقتها مش هتسمي عليه اللي خلاك تشك في ابن خالتك وصاحب عمرك مش هيخليك تشك في اي حد تاني مفيش بينك وبينه قرابه
ليل....حلو الكلام ده مقنع بس يمكن في كلام مقنع اكتر من اللي انتي بتقوليه ده
زهره...زي ايه
ادم...زي انك متفقه معاه مثلا🤨
زهره....بثقه وابتسامه هاديه زي ما هتحول ادم للتحقيق انا ببلغك من الوقت ادام الناس دي كلها انا كمان مستعده للتحقيق
ليل...حلو وانا موافق انتي وادم متحوليين للتحقيق
تمارا....مستر ليل انت بتقول ايه
عشق....ليل اللي بيحصل ده مينفعش
ليل...ايه في حد عايز يتحول للتحقيق هو كمان الاجتماع انتهى اتفضلوا😡😡😡
خرجوا كلهم من المكتب وكلهم متعصبين
فضل في الاوضه سراج وشاهي وميرنا
ليل كان باين عليه العصبيه الشديده بيهز رجله بطريقه مستفزه ورغم برودة الغرفه من التكييف لكن حبات العرق كانت بتجري على وشه
سراج...اهدى ياليل مش كده ولو ادم هيبان بس مش معقول تخسر كل اللي حواليك
ليل...كلهم وقفوا ادامي وكلهم واقفين مع ادم وشايفني شيطان ولحد اخر لحظه انا مرضتش اقولهم اني راجعت الكاميرات وشايف بعيني ادم وهو بياخد الورق
سراج...ينهار اسود معقول
ميرنا...انا مكنتش مرتحاله لما شوفته بس متزعلش مني يا ليل انت اللي غلطان المفروض كنت قولتلهم ووريتهم الكاميرا بنفسك عشان محدش يغلطك او يشوفك زي ما بتقول
ليل...مرضتش يا ميرنا عشان لاخر لحظه محافظ على شكله وباقي على العيش والملح والدم اللي بينا وبعد كل ده هما كلهم جايين عليا مع انهم المفروض يعرفوا اني ادام جيت على حد منهم يبقوا واثقين اني اتأكدت قبل ما اظلمه هما عارفين اني بثق فيهم ثقه عمياء ومش بسهوله اتعصب واقول اللي قولته ده بس بروده طريقته في الكلام انه مظلوم هي اللي عصبتني وفالاخر نوح وجاسر يقفوا ادامي
سراج....خلاص اهدى بقى وصلي على النبي كده ولو على جاسر ونوح انا هكلمهم وافهمهم كل حاجه
ليل ..ولا تفهم ولا تتكلم خلصت بكره يعرفوا كل حاجه لما يتحول للتحقيق
ميرنا...طيب هو انت هتحول زهره فعلا زهره طيبه ميتهياليش تعمل كده
ليل....متخلنيش اشك في ذكائك بقى انتي لسه قايله في الشغل مينفعش نقول ده يعملها وده ميعملهاش وادم وزهره في بينهم مشروع جواز واكيد متفقين
ميرنا...في دي عندك حق ولو فعلا متفقين هيبان.
شاهي...مستر ليل اجيب لحضرتك قهوه
ليل...بغضب انتي لسه واقفه هنا
شاهي...بخوف حضرتك مقولتليش امشي
ليل...اتفضلي على مكتبك وابعتيلي القهوه بتاعتي على المكتب
شاهي...تحت امرك بعد اذنكم
سراج...انا هقوم امشي انا بقى ياليل عشان عندي مشوار مهم واي جديد بلغني
ليل...ماشي ياعمي اتفضل انت
ميرنا...انت لسه ادامك كتير
ليل...لا انا هشرب القهوه واحاول اهدى شويه وهمشي
ميرنا...طيب انا همشي
ليل...استني هشرب القهوه واوصلك معايا
ميرنا...طيب تمام
راحت ميرنا على مكتبها وراح
ليل على مكتبه.
كانت عشق خلصت لم الورق وظبطت كل حاجه ومستنيه ليل يرجع المكتب
دخل ليل فجأه المكتب من عير ما يخبط ورزع الباب حست عشق برجفه في قلبها من شكله وطريقته العنيفه بس حاولت تجمع نفسها وتبان طبيعيه
راح ليل اعد على المكتب وكانه مش شايفها تجاهلها تماما
جمعت عشق نفسها وراحت ادام المكتب
عشق....ليل محتاج حاجه قبل ما امشي
ليل....مين قال انك ماشيه😡
عشق...بثبات انا خلصت شغل وده وقت المشي بتاعنا كلنا تقريبا
ليل...لسه في شغل يا عشق
عشق...شغل ايه
ليل....هتكلمي ريما تديها معاد بكره عشان نشوف الشغل المتعطل بتاعها
عشق...بصتله بصدمه
ليل...ايه بتبصيلي كده ليه
عشق...عشان المفروض انك قولتلي كلميها وقت ما تحبي متكلميهاش خالص انتي حره وقولتلي انك بره الموضوع بتاعها ده وانا اللي هكون مسؤوله عن مشروعها ده مش انت
ليل... وانا مقولتش حاجه غير كده انتي اللي هتبقي مسؤوله عن كل حاجه لا هي ولا مشروعها يخصوني اصلا بس من اللحظه دي اي شغل الفتره دي متأجل هيخلص و بسرعه كمان
عشق...تمام ياليل زي ما تحب
فين رقمها
ليل طلع رقمها واداها موبايله خدت عشق الموبايل واتصلت برقم ريما من تليفون المكتب
ريما....الوووو
عشق....مساء الخير
ريما...مساء النور مين معايا
عشق...معاكي عشق الوكيل من مكتب مستر ليل السيوفي
ريما...اهاااا خير في حاجه
عشق...ابدا كنت محتاجه ادي حضرتك معاد بكره عشان نناقش تفاصيل المشروع
ريما...اوي اوي المعاد امته
عشق....معادك هيكون من 10صباحا لحد 10وربع
ريما...بسخريه وليه ربع ساعه ده كتير اوي ممكن نخلص الكلام في دقيقه
عشق...للاسف مفيش وقت اكتر من كده عشان في مواعيد كتير
ريما.. اوك مفيش مشكله.
عشق....اوك
قفلت عشق من غير سلام وهي الغضب باين في عنيها
ابتسم ليل وهو باصصلها
بصتله عشق...حاجه تاني
ليل....بسخريه كان ناقص تاكليها
عشق...وأكلها ليه عادي يعني
ليل...ماهو واضح
عشق...ليل محتاج حاجه تاني
ليل....انتي مالك قالبه وشك ليه
عشق...وهقلبه ليه في حاجه حصلت انا حتى شيفاك هادي خالص وملاك
ليل...بابتسامه انتي بتتريقي صح
عشق...وهتريق ليه مانت ملاك فعلا لو عاللي حصل من شويه ده عادي عصبيه بسيطه
ليل...عشق بلاش طريقتك دي بالله عليكي انتي مش فاهمه حاجه وانا على اخري
عشق...تطلع ادم حرامي ولما زهره تدافع عنه تطلعها متفقه معاه وتحول الاتنين للتحقيق
ليل...مش يمكن انا متأكد يا عشق ان ادم عمل كده
عشق.. ادم بالذات لو شوفته بعينك كدبها اكيد في حاجه غلط ليل انا خوفت منك بجد
قام ليل راح وقف ادامها خفتي مني انا يا عشق
عشق...ايوه ياليل
ليل....عشق انا في الشغل مبعرفش اي حد وانتي عارفه كده كويس وده حقي مينفعش اتسرق واسكت لو نوح شوفته مكان ادم ده كان هيبقى رد فعلي ويمكن انا كنت فؤ الحاله دي عشان بحاول اكدب نفسي ومش عارف لاني شوفت بعيني
عشق...شوفت ايه ياليل اللي مخليك متأكد كده
ليل...شوفت ادم فالكاميرا وهو بيطلع النسخ وبيشيلها في جيبه
عشق...مستحيل اكيد ده ورق يخصه او اكيد اي حاجه إلا انه يسرقك ياليل
ليل...بس هو سرقني ياعشق وخذلني وخلاني احس اني مينفعش اثق في اي حد كل ما ادي الامان الاقي حد قريب مني بيسرق الامان من تاني مني
عشق...طيب اعد معاه عشان خاطري حاول تتكلم معاه حتى لو هو اعرف عمل كده ليه مش يمكن محتاج فلوس
ليل...عشق ادم مش محتاج ولا المبلغ ده يهزه اصلا المشكله ان يمكن تكون دي مش اول مره لان حقيقي يمكن تكون اول مره انا اراجع وراهم اوقات كان بينقص مبالغ بس كانوا بيقدمولي ورق بتلفيات وحاجات في الاجهزه استهلكت واتجاب بدالها كنت ببقى تمام لكن المرادي مفيش حاجه متقدمه ويمكن اللي كان بينقص الاول كان بياخد وانا معرفش
عشق....انا بردو مش مصدقه ولا مستعوبه وحتى لو كان المفروض تتكلم بينك وبينه واعمل فيه اللي انت عايزه بس مش ادامنا كلنا كده ادم كان بيتكلم بصدق ليل انت بتثق فيا انا احساسي بيقول انه برئ من تهمتك دي
ليل....لما يتحول للتحقيق يبقى يدافع عن نفسه
عشق...بردو هتعمل كده
ليل...معنديش حل غير كده
عشق...بصتله وزهره يا ليل
ليل...هي اللي طلبت انا من الاول موجهتلهاش اي حاجه
عشق....شوف ياليل اي حاجه تعملها كوم وانك تمس حد من اخواتي كوم تاني
ليل...عشق من فضلك ابعدي انتي عن كل ده وبعدين التحقيق ده شويه اسأله بتتوجهلها يعني مش هيتقبض عليها ولو بريئه خلاص
عشق...وانا قولتهالك يا ليل ابعد اخواتي عن اي حاجه وألا ساعتها هتكون بتعاديني انا شخصيا
ليل...بصلها بغضب بعاديكي ياعشق
عشق...ايوه ياليل بتعاديني لو فاكر ياليل اني هحبك اكتر ما بحبهم تبقى غلطان ولو انا قدرت اعمل كده لازم تخاف مني ومهما كان درجة حبي ليك مش هتيجي 1%من اللي كلت وشربت ونمت واتربيت واتعلمت وضحكت وحزنت وعملت كل حاجه في حياتي معاهم زهره وتمارا كل حاجه ليا مش هقدر استحمل عليهم اي حاجه ساعتها صدقني مش هتلاقي عشق اللي واقفه ادامك الوقت هي اللي واقفه معاك وقتها.
ليل....وانا عمري ما هأذي حد منهم ياعشق
عشق...لو باقي عليا اتمنى اللي بتقوله ده تنفذه بعد اذنك
خرجت عشق من المكتب ونزلت خرجت من الشركه كلها
كان نوح وجاسر ونور وزهره وتمارا واقفنلها تحت
عشق...بجمود معلش اتأخرت عليكم
تمارا...ايه كل ده
عشق...فين ميرنا
تمارا...متجبليش سيره البت دي بدل ما اقتلها
زهره...انا بجد اتصدمت فيها
نوح....عادي يابنات بقى ميرنا طول عمرها متربيه بره واكيد اتطبعت بطبع الاجانب اغلبهم عمليين والاحاسيس والكلام ده مبيفرقش معاهم جامدين جدا وبعدين هي متعرفش ادم اوي اه تعرفه من قبلكم بس انتوا عاشرتوه اكتر منها بكتير
جاسر...سيبوها دي ليها روقه افصل بس من اللي حصل انهرده ده
عشق....سيبكم منها الوقت ياجماعه وتمارا وزهره انا بقولكم ادام نوح وجاسر تتعاملوا معاها عادي ده رايها وهي حره متنسوش انها اعده معانا في البيت واظن هتبقى قلت ذوق منكم لو اتعاملتوا معاها بطريقه مش حلوه
نوح...عشق بتتكلم صح
تمارا...ماشي ياعشق
زهره...انا مش هتعامل معاها اصلا لا حلو ولا وحش
عشق...حد فيكم كلم ادم
جاسر.. اه كلمته كان رايح يحجز اوضه في فندق قولتله يطلع على الشقه بتاعتي
عشق...يعني مراحش البيت زي ما قال دي طنط اكيد هتتجنن لما تعرف
جاسر...اكيد حتى مراحش خد هدوم عشان ميشوفهاش وتمنعه
نوح...انا هبقى اجبله كام غيار واوديهمله
جاسر...ليل مقالش حاجه
عشق...بيقول متعرفوش حاجه وشايف ان احنا اللي ظالمينه وبيقول كمان....سكتت عشق
جاسر...بيقول ايه
عشق ..يعني بيقول انه متأكد عشان كده متعصب وانه شاف ادم في الكاميرات وهو بيحط ورق في جيبه
جاسر...مستحيل طبعا
نوح....اكيد مستحيل بقول ايه انا رايح لادم حد جاي معايا
جاسر...تعالي نوصلهم ونروح سوا
زهره...هو انا ممكن اجي معاكم
عشق...بقول ايه تعالوا نروح كلنا اكيد هو مضايق الوقت ومحتاج حد يتكلم معاه
جاسر...طيب تمام يلا
ركبوا كلهم مع بعض
وراحوا لادم...
ميرنا...كانت بتخلص ورق لحد ما ليل يخلص اللي وراه
شاهي....تحبي اساعدك
ميرنا...ميرسي يا شاهي انا تقريبا خلصت بس مستنيه ليل يخلص القهوه ويوصلني
شاهي...ممشتيش مع البنات ليه زي كل يوم
ميرنا...يعني بيتهيألي بعد اللي قولته ده مش هيبقوا طايقني خصوصا انهم مش بيفكروا بنفس
طريقتي هما بتحكمهم المشاعر والاحاسيس والجو ده
شاهي....بصراحه من غير ما تزعلي انا اصلا مش عارفه انتي ازاي اعده معاهم انتي حاجه وهما حاجه تانيه خالص ازاي قادره تاعدي معاهم في مكان واحد لا طريقه تفكيرك ولا استايلك ولا في اي حاجه تشبهكم
ميرنا...عادي كنت هأعد مع طنط مامت جاسر دي تبقى خالتي
شاهي...ايوه مانا عارفه
ميرنا...بس هي مش من سني وتعبانه دايما وانا بصراحه مليش دماغ للحاجات دي ومش هيبقى معايا حد حتى جاسر كنت هروح عشانه بس لقيته معظم الوقت مع البنات فا مكنتش هشوفه ولا هلاقي حد اعد معاه فقولت ايه المشكله اني اعد معاهم واشوف جاسر هناك
شاهي....ممكن سؤال بس لو مش حابه تردي تمام كأني مسألتش
ميرنا...لا عادي ادينا بنتسلى لحد ما ليل يخلص
شاهي...هو انتي معجبه بمستر جاسر مش قصدي حاجه بس شيفاكي يعني رايحه مخصوص عشان متأكده انك هتشوفيه هناك
ميرنا...ابتسمت بحزن ينفع مردش
شاهي...اكيد طبعا براحتك بس عايزه اقولك حاجه والله بجد انا ارتحتلك اوي ويمكن اكيد خدتي بالك البنات شغالين هنا من قبلك بس مليش كلام معاهم على اد مانا بشوفهم اقل منك في حاجات كتير بس هما طبع التناكه والغرور في دمهم مش زيك خالص عالاقل انتي الوقت بتتكلمي معايا عشان كده لو حابه تتكلمي فضفضي يمكن ترتاحي
ميرنا...انا طول الوقت مش حابه فكرة الجواز والارتباط دي خالص
عشان طول عمري بحب جاسر حتى من قبل ما يخطب اللي اسمها هايدي دي هي عمرها ما أذتني بس انا عمري ما حبتها عشان كنت شايفه ان هي خدته مني كنت بضايق وانا شيفاه بيحبها الحب ده كله وهي عادي مش مهتمه اوي كنت بتمنى اكون مكانها عشان واوريله اد ايه بحبه اكتر منها بكتير بس لما لقيته متمسك بيها بعدت اوي وتقريبا مكنتش بنزل اجازات ولو نزلت مكنتش بروح عشان ماشفهوش
ومن فتره شوفته مع تمارا في سفريه شغل وبصراحه حسيت انه كان واحشني بجد قررت اعد حسيت ان نظراته هو وتمارا فيها حاجه قولت ادام عنده نيه يكلم حد غير هايدي ليه مفضلش انا كمان هنا يمكن يحس بيا واخر سفريه دي اتخانق مع هايدي وسابها وبرده مكانش شايفني ولا حاسس بيا خالص كنت مبسوطه انه ساب هايدي بس خوفت اكتر اللي خلاه يسيب هايدي بعد كل الحب ده عشان تمارا يبقى اكيد بيحبها اكتر من هايدي وقتها بس شلت هايدي من دماغي شويه مع اني بردو مش حباها لاني حاسه انها شاركتني فيه وركزت مع تمارا ساعتها قررت افضل معاهم واحاول ابعده عنها بأي طريقه بس بصراحه مش عارفه ويمكن بعد اللي حصل في الاجتماع ده ندمت اني اتكلمت عشان جاسر زعل مني وهي اكيد هتستغل موقف زي ده هي متعرفش اني بحب جاسر وكلهم فاكريين ان في حد تاني في حياتي...بس ميعرفوش انه من طرف واحد هو اللي بيحبني لكن انا قلبي مع جاسر وبس
شاهي...بصدمه...انتي شايله كل ده وساكته
ميرنا...اشيل واسكت احسن ما اتكلم واتعب بصي يمكن اللي بحبها فيهم عشق بس بردو هتكلم واقولها ايه مهما كان مش هتحبني اكتر من تمارا
شاهي...بغضب اهي عشق دي راس الحيه وبترسم على ليل لحد ما شكلها وقعته
ميرنا...هي فعلا بتحب ليل وتقريبا ليل بيحبها
شاهي...رسموها صح عشق لمستر ليل وتمارا لمستر جاسر وزهره لمستر ادم حتي بنت حاج محمد اللي كان شغال عندهم رسمت على نوح واتفقوا مع بعض ما كلهم مصلحتهم واحده انا اللي مستغرباله بجد ازاي اصلا يبصولهم
ميرنا....كل ده انا مش شاغلني اد ما شاغلني جاسر
شاهي...طب واللي يبوظلك علاقته بتمارا
ميرنا...ازاي
شاهي...دي بتاعتي انا بقى
ميرنا...ايوه بس انا مش حابه اي حد يتأذي بسببي انا كل اللي عيزاه جاسر يمكن اه مضايقه من تمارا زي ما كنت مضايقه من هايدي بس محبش ان حد يتأذي وبعدين انا نفسي يحس بيا من غير اي حاجه ما تحصل
شاهي...ماهو لو بعدناها عن طريقه هيحس بيكي وساعتها انتي بقى تشوفي شغلك
ميرنا....موافقه بس انتي بتقولي بعدناها تقصدي مين
شاهي.....هقولك بس ده بيني وبينك طبعا
ميرنا...اكيد
شاهي...انا علاقتي بهايدي حلوه جدا وعرفت منها انها ناويه تنتقم من تمارا وجاسر خصوصا تمارا ولو هايدي عرفت هتوسعلك سكه
ميرنا ..بس انا مش هسمحلها تأذي جاسر
شاهي...بصي هايدي وجاسر كده كده علاقتهم باظت وهايدي عارفه كده كويس عشان كده عايزه تنتقم من تمارا عشان توجع جاسر فلو انتقمت من تمارا ساعتها جاسر مش هيلاقي غيرك ادامه وساعتها دي شطارتك انتي بقى
ميرنا ..وتفتكري هايدي هتسيبلي جاسر بسهوله
شاهي...لا انتي متعرفيش هايدي من الاخر هايدي دي واطيه ميهمهاش غير الفلوس واللي عرفته منها انها واقعه مع شاب غني اوي ميقلش عن جاسر وفي مشروع خطوبه بس برده هي عايزه تنتقم بتقول عشان كرامتها
ميرنا...تمام جسي نبضها بس من غير ما تقولي اني معاكي حسيتي انه تمام خديلي معاها معاد
شاهي...تمام
خرج...ليل في الوقت ده يلا ميرنا
ميرنا...اه يلا انا مستنياك باي ياشاهي
شاهي...باي يا ميرنا
مابين الحلم والحقيقة (دار الايتام 2)
البارت الثالث والثلاثون....
خرج ليل وميرنا من الشركه ركبوا العربيه مع بعض عشان ليل يوصلها...
ميرنا....بقولك ايه
ليل...قولي
ميرنا...انا بفكر مروحش على الشقه
ليل...عايزه تروحي فين
ميرنا...لا انا اقصد امشي خالص يعني اخد شنطتي واروح اعد في اي مكان
ليل...وده ليه
ميرنا...مش عارفه بس حاسه بعد اللي حصل في الاجتماع انهرده ده كلهم مش هيبقوا طايقني وانا بصراحه مش حابه اعد في مكان حد مضايق مني فيه
ليل...لا طبعا وبعدين لو بتفكري انك تمشي عالاقل هتروحي تأعدي عن خالتك مش تشوفي مكان تاني
ميرنا...ايوه مانا حتى لو هروح عند طنط جاسر هناك وافتكر يعني جاسر كان فاضل ثواني ويقتلني عشان ادم
ليل...اسمعي انتي معملتيش حاجه غلط ولا غلطتي في اي حاجه انتي بتقولي شهاده حق واظن دي حاجه متزعلش حد فيهم صح
ميرنا...ايوه بس كلهم كان واضح انهم قالبين عليا وكلهم اتغيروا
فجأه دول حتى مقالوليش هنروح سوا ولا اي حاجه
ليل...ميرنا مشي من البيت مش هيحصل اما بقى على انهم قالبين عادي وزي ما قولتي المشكله هنا ان الكل بيتعامل بمشاعره فطبيعي كلهم يتعاطفوا مع ادم وميصدقوش اي حاجه عليه وشويه كده وهتلاقيهم بقوا عادي فا انتي روحي واتعاملي عادي خالص كأن مفيش اي حاجه حصلت مفهوم
ميرنا....تمام
ليل...هروحك عالبيت عشان عندي مشوار
ميرنا...تمام
...............
وصل جاسر ونوح والبنات ادام شقه جاسر اللي اعد فيها أدم
فتح جاسر باب الشقه ادم كان نايم على شازلونج من غير قميص
دخل جاسر والبنات
اول ما البنات شافوه تنحوا🙈
جاسر....ادم ادم اصحى
صحي ادم واول ما شافهم كلهم اتخض وبسرعه سحب التيشرت ولبسه
ادم...اسف معرفش انكم جايين
تمارا...احنا اللي اسفين معلش صحناك
ادم ..لا خالص انا كنت مريح بس شويه وتقريبا عيني راحت في النوم
جاسر...ايه الاخبار
ادم...تمام الحمد لله
نوح...ايه يا ابني مالك مقفل الشبابيك كده ليه وقافل التكييف الجو حر اوي
ادم...انا جيت من بره اعدت زي ما شوفتني كده
نوح...راح فتح التكييف بقولك ايه مفيش مايه
ادم...لا في انا جبت شويه حاجات وانا طالع وفي ميه فالاكياس اللي في المطبخ وشاي وقهوه
نوح....تمام ايه روحت اتسوقت😂😂
ادم....بمزاج سئ يعني عارف ان جاسر بقاله كتير مش بيجي هنا فاكيد الشقه فاضيه
جاسر...ايوه فعلا الشقه اصلا محتاجه تتنضف
ادم...عادي انا هبقى اتعامل
تمارا...لو محتاج حاجه احنا ممكن نعملها
ادم...لا لا خالص يا تمارا متقلقيش انا هتعامل
عشق....هو ايه اللي لا... طبعا مش هينفع احنا مع بعض عالاقل نظبطلك المكان اللي هتنام فيه اللي هتأعد فيه
ادم...بلاش ياعشق الله يخليكي متتعبوش نفسكم
عشق...تعب ايه بس خلاص احنا هنظبط الدنيا قولنا المهم الوقت فك شويه بلاش تضايق نفسك
ادم...عادي والله ياعشق انا تمام
جاسر....ادم انا عارف انك مضايق من اللي حصل طبعا مش هقولك متضايقش بس ليل في حاجه مضيقاه انا اول مره اشوفه شايط بالمنظر ده خصوصا علينا احنا
ادم...بس هو مكنش شايط يا جاسر ليل بيتهمني بالسرقه ياريتها جت على عصبيه ولا خناق ولا زعل عادي كلنا عارفين ان ليل عصبي ووارد ان اي حد فينا بتعصب عالتاني. لكن نسرق بعض ياجاسر
نوح...بس انت عارف يا ادم ليل بيحبك اد ايه وصدقني اكيد حد عمل كده عشان يوقعكم في بعض
ادم....بناقص الحب يا نوح ادام مفيش ثقه
نوح...يا ابني هو لو مبيثقش فيك كان خلاك مدير قسم المراجعات ده انا شغال معاك يا ادم واتعلمت الشغل منك
ادم...وراحت فين الثقه يانوح
عشق...ممكن تهدى بس صدقني يمكن انا كمان مش مستوعبه اللي حصل ده بس انا بفكر زي نوح في حد حابب ان انت وليل يبقى في بينكم مشكله
ادم....ومن امته ياعشق ليل بيصدق حاجه علينا ومن امته بيحكم قبل ما يتأكد.
جاسر....بأرتباك ادم هو في حاجه كمان
ادم...في ايه حاجه تاني اتسرقت
جاسر...لا مش كده بس ليل قال لعشق انه متأكد
ادم...كمان متأكد من قبل التحقيق
عشق...لا بس هو بيقول انه شافك لما راجع الكاميرات وشافك بتحط ورق في جيبك وانت بتراجع الورق
ادم....نعم ورق انا حطيت ورق في جيبي...سكت ادم ثواني ايوه صح بس انا كنت رايح للسمسار بتاع الڤيلا عشان كان واخدلي معاد من صاحبها والمفروض اننا كنا هنخلص امبارح والورق ده كان صورة بطاقه وعقد بيع مبدأي وشويه ورق كده خاص بتسجيل الڤيلا وانا براجع هما كانوا على المكتب ولما لقيت نفسي هتلغبط حطتهم في جيبي عشان مغلطش والم الورق مع بعضه
ده كل اللي حصل
جاسر...انت متأكد من اللي بتقوله ده
ادم...في ايه يا جاسر انت مش مصدقني انت كمان
جاسر...ياعم لا والله اكيد لا طبعا بس بتاكد منك عشان كده ده كلام جديد لازم ليل يعرفه
ادم....يعرف ايه انا مش عايزه يعرف اي حاجه يبقى يعرف اللي هو عايزه لما يحولني للتحقيق انا مش محتاج ابررله اي حاجه
عشق...بس لازم يعرف انك معملتش كده
ادم...مش فارق كتير يا عشق يعرف ميعرفش النهاية واحدة انا وليل كل اللي بينا خلص لحد كده
تمارا...ادم حتى لو هو غلط في حاجات لازم نحاول ننساها عشان نقدر نكمل مع اشخاص قريبين مننا
ادم...كان قريب يا تمارا لكن بعد اللي حصل خلاص مبقاش
ليل بيتهمني بسرقه 11مليون بالرغم انه عارف ومتأكد ان ده مبلغ تافهه بالنسبالي ياريته جه كلمني بينه وبيني يمكن كنت هزعل بردو انه شك فيا بس عالاقل كان هيفضل بينا لكن ليل كان ناقص يلم موظفين الشركه ويقولهم ادم حرامي من قبل حتى مايتأكد انا طول عمري ما بشكش في ذكاء ليل لحظه لكن انه يطلع بالغباء ده صدمني مداش نفسه فرصه يفكر الورق اللي في ايدي ده ايه
نوح...بص انا مش هدافع عنه عشان اخويا عشان انت كمان اخويا عارف انه غلط بس عشان خاطري مش عايز نوصل للطريق ده مع بعض مش هقدر استحملها يا ادم..
ادم...هو اللي باع يانوح وداس عاللي بينا اللي انت بتتكلم عنه ده باوسخ جزمه
نور...طيب بصوا بقى انا من بدري سامعه ومش بتدخل بس بجد سيبكم من كل اللي حصل ده وخصوصا انت يا ادم واكيد الايام هتصلح كل حاجه المهم الوقت انك تثبت انك برئ وساعتها انا واثقه ان ليل هيعتزرلك ويردلك حقك
ادم...بضحكه سخريه بقيت متهم ومحتاج اثبت برائتي ربنا يسامحك ياليل
نور....انا والله ما اقصد اللي اقصده انك متقولش مش هينفع ترجع زي الاول سيب كل حاجه للوقت
ادم.....سبيها على الله
جاسر...على فكره نسيت اقولك
زهره سابت الشغل
ادم....بصلها باستفهام سبتي الشغل ليه
زهره....بصت لجاسر لا عادي يعني مفيش حاجه
ادم...هو ايه اللي مفيش حاجه ليل قالك حاجه انتي كمان
نوح...ياعم اهدى بس شدت هي هي وليل بسببك وطلبت انها تقدم استقالتها لانها مش مصدقه اللي حصل معاك
ادم....ليه كده يا زهره عملتي ليه كده
تمارا...مش بس كده دي اتحولت للتحقيق هي كمان😂😂😂
ادم...بغضب نعمممم
جاسر...بص لتمارا بغضب😡
تمارا...🙄🙄ايه عكيت الدنيا
جاسر...ايه لسه مش متاكده😡
ادم...هو في ايه ما حد يفهمني
زهره...مفيش يا ادم لما شدينا مع بعض قولتله انا كمان مش هكمل عشان اللي منك وفيك شكيت فيه هتعمل معانا احنا ايه فقالي ولا عشان انتي معاه فاللي عمله
فا قولتله عادي حولني انا كمان للتحقيق
وقف ادم بغض طب لا ده كده اتجنن
جاسر...اعد بس يا ادم في ايه
نوح...ادم عشان خاطري اهدى شويه
ادم...هو ايه اللي اهدى بس بتقولك حولها للتحقيق ليل اتجنن
عشق...اهدى يا ادم ده كلام والله بس عشان زهره وقفت ادامه
جاسر....يا جدع انت اعد بقى متخيلناش
اعدوا الشباب وفضلوا يهدوا ادم وبعد شويه قامت نور وتمارا وعشق يظبطولوا البيت شويه
وفضل نوح وجاسر مع بعض
اما ادم فاخد زهره واعد بيها بعيد عنهم شويه.
ادم....عملتي ليه كده يا زهره
زهره...عادي يا ادم
ادم...هو ايه اللي عادي يا زهره اديكي خلتيه يفكر اننا متفقين مع بعض ويصدق ويقتنع باللي بيقوله عليا
اتجمعت الدموع في عين زهره والله مقصدتش كده خالص يا ادم بس انا مقدرتش استحمل الكلام ده عنك مقدرتش اسمع كل الكلام ده عليك وافضل مكمله
ادم....بهدوء ايوه يا زهره بس انتي ملكيش ذنب وملكيش دعوه بكل اللي حصل ده اصلا
زهره...ازاي يا ادم مليش دعوه ازاي اكون واثقه فيك وعارفه انك استحاله تعمل كده وافضل مكمله في المكان اللي صاحبه اتهمك فيه بالسرقه وبعدين اللي خلاه شك فيا عشان دافعت عنك وقولتله اني هقدم استقالتي طب ماانا بردو لو كنت فضلت ساكته وكملت بردو كان هيشك فيا
ادم...طب خلاص ممكن تبطلي عياط حقك عليا انا متزعليش بقى لو اتعصبت من غير ما اقصد
زهره...بس انا مش زعلانه منك انا مضايقه عشانك بسبب اللي حصل
ادم...ابتسم...عارفه يا زهره مجاش في بالي انك تعملي كده ولا حتى توقعته اصلا ولو كنتي فضلتي والله ما كنت هزعل بس انتي خالفتي كل توقعاتي
زهره....مطقتش اسمع حاجه عنك واسكت انا بفكر امشي من بيته اروح اي مكان
ادم...لا طبعا هتروحي فين
زهره...هاخد مفتاح شقه بابا من
نور وهروح اعد هناك
ادم...مش هينفع طبعا وانا مش هوافق تروحي الشقه دي هناك ولوحدك مش كفايه اللي حصل لعشق
زهره...ايوه بس انا
ادم...مفيش بس لو عالشغل مقدور عليه لكن انك تسيبي الشقه مش هينفع وياستي هانت شويه والڤيلا تخلص ونتجوز وهتمشي برضاكي او غصب عنك😉
ابتسمت زهره بحب وفرحه
ادم...ان شاء الله هخلص باقي الاجراءات اليومين دول وهنبتدي نجهز فيها على طول وتجهزي بقى عشان تختاري كل حاجه بنفسك😍
زهره....حاضر😍
.........
نوح....انا مضايق من ليل بجد
جاسر...اتجنن ومعرفش ايه اللي حصله
نوح...ادم صعبان عليا اتحط في موقف رخم
جاسر...هو موقف رخم بس عليا النعمه الواد ده طيب انا لو كنت اتحطيت في نفس الموقف ده بيتهيألي كنت قتلت ليل
نوح...ادم طيب طول عمره ومحترم بالرغم اني شايفه هادي بس انا عارف انه من جواه غضب الدنيا.
فضلوا يتكلموا مع بعض وبعد شويه البنات خلصوا واستأذوا كلهم من ادم ومشيوا بعد ما اطمنوا انه بقى احسن
وراحوا مع بعض في طريقهم للبيت..
بعد ما وصل ليل ميرنا للبيت.
اتفاجئ ليل بميرنا بتكلمه
ليل...ايه ياميرنا في حاجه حصلت بينكم ولا ايه
ميرنا...لا خالص بس انا جيت مش لقتهم قولت اسألك لو تعرف من عشق هما فين
ليل...مش فوق يعني ايه مش فوق
ميرنا...معرفش تفتكر راحوا مكان تاني
ليل...نعم مكان تاني اقفلي يا ميرنا هرجع اكلمك تاني
ميرنا...طيب تمام.
قفل ليل بغضب وهو خايف يكون اللي ميرنا قالته ده اللي حصل خصوصا انها من وقت ما خرجت من الشركه مكلمتهوش
اتصل ليل عليها
كانت في العربيه مع جاسر وتمارا وزهره.
عشق...الوو
ليل...بغضب انتي فين يا عشق
عشق...انا مروحه
ليل...مروحه فين
عشق...هو ايه اللي فين على الشقه هيكون فين
ليل...وانتي فين اصلا كل ده انتي ماشيه من بدري
عشق...روحنا مع بعض كلنا لادم
ليل...نعم روحتي لادم ليه ان شاء الله
عشق...عادي يا ليل قولنا نروح نشوفه بعد اللي حصل خصوصا انه كان ماشي متنرفز
ليل...وانتي مالك متنرفز ولا لا وازاي تروحي من غير ما تقوليلي
عشق.. اولا انا ماعملتش حاجه غلط انا مش رايحه لوحدي ثانيا عادي بنشوفه كويس ولا في حاجه ثالثا وده الاهم انت بتتعصب ليه
ليل...انتي مش شايفه انك غلطانه
عشق....انا معملتش حاجه غلط وبعدين لو انت شايف اني متكلمتش مكلمتنيش انت ليه تشوفني يمكن حصلي حاجه
ليل...ماشي يا عشق انتي فين
عشق...احنا مروحين خلاص قربنا
ليل...تطلعي تكلمني.
عشق...اوك
ليل.سلام
عشق...سلام.
عدى وقت بسيط وصلوهم الشباب تحت البيت طلعوا البنات الشقه بعد ما سلموا عليهم ودخلوا كانت ميرنا اعده مستنياهم
عشق...السلام عليكم
ميرنا..عليكم السلام
دخلوا البنات في صمت رهيب خصوصا زهره
اللي كانت راحه اوضتها هي وتمارا
ميرنا....ممكن تستنوا لحظه
وقفوا البنات وهما بصنلها من غير كلام
عشق...في ايه يا ميرنا
ميرنا....انتوا زعلانين مني صح
عشق....هنزعل منك ليه
ميرنا...زهره انتي زعلانه مني
زهره...بعد اذنك انا داخله اوضتي
ميرنا...مش هأخرك يا زهره
بصوا انا عارفه انكم مضايقين مني مع اني مش شايفه اني عملت حاجه غلط انا قولت اللي شوفته انا موجهتش لادم اتهام بالقصد انا قولت اللي اعرفه وبس
وبعدين يمكن اكون غلط ويمكن اكون صح بس اللي اعرفه اني مينفعش اخبي حاجه شوفتها ولا ينفع اكتم شهادت حق صح با عشق
عشق...محدش قال اكتمي شهاده يا ميرنا بس عالاقل قبل ما نوجهه اتهام زي ده نكون متأكدين
ميرنا...انا موجهتلهوش اتهام انا قولت اللي شوفته والله العظيم وخفت ليل يشك فيا بعد ما ادم قال انه اداني الورق فحبيت افكر ليل باللي حصل بيني انا وهو ادام المكتب مش اكتر
بصوا انا مكنتش اقصد اي حاجه وحشه انا حكيت اللي شوفته ولو عالكلام اللي قولته فانا كان قصدي اننا منفكرش بمشاعرنا ونبقى زي دول بره...لكن انا مش حابه ادم يتأذى عموما متزعلوش مني وانا لو مش حابين افضل معاكم انا ممكن امشي اي مكان ومش هزعل والله حتى لو حابيين تخرجوني من حياتكم
عشق...اكيد لا يا ميرنا ومش معنى اننا اختلفنا في رأي اننا نطلع من حيات بعض
ميرنا...طيب هتفضلوا مكشريين كده فكوا بقى ده لسه جاسر مشواره طويل لحد ما يتصالح انا كنت هروح اعد معاهم في الڤيلا بس صراحه خوفت من رد فعله اوي
عشق....حصل خير يا ميرنا
ميرنا...زهره لسه زعلانه
زهره...لا ميرنا مفيش حاجه عموما انا بردو عند كلامي ومليش علاقه بطباع بلاد بره ادم برئ وهفضل اقول انه برئ بعد اذنكم
ميرنا...تمارا زعلانه مني
تمارا....مفيش حاجه يا ميرنا خلاص حصل خير بعد اذنكم عشان تعبانه ومحتاجه ارتاح
نور...وانا كمان محتاجه انام تصبحو على خير
عشق...وانتي من اهله
ميرنا...شكلهم زعلانين مني
عشق...لا متحطيش في بالك يومين ويصفوا هما قلبهم ابيض
ميرنا...ماشي
عشق...يلا انا هدخل انا كمان عايزه اخد شاور وانام
ميرنا...ماشي يا حبيبتي تصبحي على خير
عشق...بابتسامه وانتي من اهله
عشق...دخلت الاوضه اتصلت على ليل.
ليل ..ايوه
عشق...انا روحت
ليل....تمام هتعملي ايه
عشق...هنام
ليل...ماشي يا عشق تصبحي على خير
عشق...وانت من اهله..
في صباح يوم جديد صحي الكل عالشغل بأستثناء ادم وزهره
وبعد مشكله كبيره حصلت بين سهام وليل بعد ما عرفت ان ادم ما رجعش الڤيلا وعرفت اللي حصل. قلبت على ليل واتصلت بأدم تترجاه يرجع لكن ادم رفض بشده وحاول انه يهديها..
كان الجو في بعض التوتر في الشركه
واغلب الوقت كانت ميرنا مع شاهي.
وجه وقت الميتنج بتاع ريما وصلت ريما الشركه فالمعاد المحدد
دخلت شاهي تبلغ ليل انها موجوده بره كانت عشق بتخلص ورق مع ليل .
شاهي....مستر ليل
ليل...ايوه ياشاهي
شاهي...مدام ريما بره بتقول انها عندها معاد مع حضرتك.
ردت عشق بسرعه ....دخليها اوضة الاجتماعات يا شاهي وانا هخلص اللي في ايدي واروحلها.
فضلت شاهي واقفه باصه لليل ومتغاظه من عشق.
ليل....واقفه ليه ياشاهي
شاهي....ايوه يعني اعمل كده
ليل...اه اعملي اللي عشق قالته
شاهي....تمام بعد اذن حضرتك
بص ليل لعشق تجاهلته تماما وكملت الورق...وبعد حوالي خمس دقايق...راحت عشق على الاوضه من غير ليل.
دخلت عشق كانت ريما اعده
مستنياها حاطه رجل على رجل وبتلعب في موبايلها لابسه بنطلون هيتفرتك من عليها تيشرت ابيض بنص كم مفتوح من عالصدر بطريقه مستفزه.
دخلت عشق على طول علي الكرسي ادامها.. مساء الخير اسفه عالتأخير
ريما...مساء النور لا ابدا مفيش تأخير ولا حاجه
عشق....تشربي ايه
ريما...انا طلبت نسكافيه من شاهي
عشق...تمام..طيب عشان منضيعش وقت نتكلم في الشغل لحد ما شاهي تيجي
ريما...بأستغراب ايوه مش لما ليل يجي
عشق...بصتلها شويه بثقه وسكتت
لا ليل مش هيجي ليل عنده شغل وبعدين انا اللي معاكي يعني انا المسؤوله عن مشروعك
ريما....بغيظ لييييل هو انتي مش السكرتيره بتاعته على حد علمي هنا الكل بيقوله مستر...
عشق....اهاااا عندك حق بس انا مش السكرتيره انا وليل شغلنا واحد تقدري تقولي بنعمل نفس الحاجه مع بعض او بالاصح لو هو مش موجود انا اللي باخد اي قرار يخص الشركه
ريما....انتي اللي بتاخدي اي قرار يخص الشركه امال لو موجود بتعملي ايه...
عشق.....لو اني شايفه ان ده ملوش علاقه بالميتنج بس هجاوبك يعني تقدري تقولي كده ان ليل مش بيقبل اي مشروع غير لو انا وافقت عليه😎
ريما...بصتلها بغيظ
ابتسمت عشق بنصر....ها نبدأ
ريما....ايوه بس انا محتاجه ليل هو اللي يمسك المشروع انا متفقه معاه على كده يوم الحفله
ليل...اوك وهو عرض عليا المشروع وانا وافقت واديني ادامك اهو مستنيه نتكلم في الشغل.
ريما....بضحكة سخرية مش فاهمه يعني ايه ليل مش هيباشر الشغل بنفسه
عشق...هو في حاجه معينه يعني عيزاها من ليل اظن حضرتك ليكي شغل عايزه تعمليه وانا جاهزه..
ريما..وقفت بغضب وانا غيرت رأيي مش هعمل مشاريع
عشق... بابتسامه خبث اوك زي ما تحبي
ريما...خدت شنطتها والغضب عاميها وخرجت من الاوضه ابتسمت عشق بفرحه قامت وراحت على مكتبها
ليل...كانت الابتسامه مرسومه على وشه من اللي عشق عملته فيها....كان شايف كل حاجه عاللاب توب بتاعه...كان فرحان بيها وحاسس انها بنته اللي بتغيير عليه...ورغم انه كان مضايق منها عشان مش بتتكلم معاه لكن كان طاير من الفرحه اول ما شافها خارجه من اوضه الاجتماعات قفل وكمل شغل كأن مفيش حاجه حصلت ورجع للجمود من تاني
دخلت عشق المكتب وقفت ادامه..
تجاهلها دقيقه كامله وبصلها.
ليل...خير ياعشق في حاجه
عشق...لسه واخد بالك اني واقفه
ليل...معلش مركز في حاجه
عشق...يعني مش هتسألني عملت ايه
ليل...لا عشان عارف اللي هيحصل مش محتاجه سؤال🙄
عشق...تقصد ايه🤨
ليل...يعني اقصد انك مبقاش يتخاف عليكي فالشغل
عشق...ايوة بس خلاص مفيش مشروع ولا ريما.
ليل....وده ليه ان شاء الله
عشق...عشان هي مضايقه ان حضرتك مش هتمسك الشغل بتاعها
ليل...وقولتلها ايه
عشق...بأرتباك قولتلهااا يعني انك عندك شغل كتير ومش هتقدر وانك مضغوط.
ابتسم ليل غصب عنه
عشق...بتضحك على ايه
ليل...ولا حاجه عموما عادي مش عايزه براحتها خلاص معصبه نفسك كده ليه
عشق...ولا معصبه ولا حاجه انت اللي هادي زياده عن اللزوم انا رايحه اكمل شغل😡😡
ليل...ببرود طيب
عشق...😳😳
بص ليل في ورقه وكمل كأنها مش موجوده..
خرجت في الوقت ده ريما مش شايفه من الغضب ادامها كلمت هايدي حكتلها علي كل حاجه.
هايدي...وهنعمل ايه الوقت ولاد الكلب مخططين لكل حاجه لازم نفكر
ريما...مبقاش فيها تفكير يا هايدي عليا وعلى اعدائي بعد اللي حصل جوه ده واللي اتعمل فيا ده واللي شوفته بعيني من البت دي والثقه اللي بتتكلم فيها يبقي كلام شاهي صح..
هايدي....طب والعمل
ريما...هنفذ يا هايدي حرقة القلب هتبقى جماعي وديني لااحرق قلب الكل.
هايدي...تمام يا ريما بس لازم نتقابل ونتكلم في كل حاجه قبل التنفيذ
ريما...فاضيه انهرده
هايدي....اه فاضيه
ريما...بليل هكون عندك واخوكي يكون موجود وعايزه شاهي والاهم من كل ده ميرنا
هايدي....تمام دي اكتر حد هينفعنا
ريما....اكدي عليها انهرده ضروري
هايدي....تمام هكلمهم الوقت........
عدى حوالي اربع ايام والوضع زي ماهو زهره وادم مش بيجوا
ميرنا دايما مع شاهي..وفي وسط شغل اليوم
وفي وقت البريك خرجت عشق راحت لتمارا في مكتبها ومعاهم نور.
تمارا...مش هتاكلوا
عشق...مش عايزه
نور...ولا انا مليش نفس
تمارا...خلاص ولا انا بقول ايه صحيح
عشق...قولي
تمارا...هي ميرنا مالها اعده مع اللي ماتتسمى دي ليه كده
عشق...شكلها بدأت الخطه اللي اتفقنا انا وليل عليها معاها
نور...خطه ايه.
عشق...ليل اتفق معاها انها توصل لشاهي ان تمارا وجاسر هيرتبطوا عشان اكيد هتوصل لهايدي وهايدي هتظهر كل اللي مخبياه وقالها عايزها بردو تعرف ان نوح ونور هيرتبطوا عشان سامر كمان يعرف من هايدي ولو في حاجه في نيته يبتدي يعملها وطبعا احنا عاملين حسابنا
...واخر حاجه قلها تعرفها ان انا وليل كمان هنرتبط عشان اكيد هايدي هتوصل لريما
تمارا...طيب وليل هيستفاد ايه من كل ده طب ما هايدي اكيد متأكده ان في حاجه بينا وسامر اكيد متاكد ان نور ونوح بينهم حاجه ماهو علي طول بيوصلها وبيستناها في الجامعة يعني واضحه اوي يمكن حوار ان ريما تعرف ده انا اللي مش فهماه اوي
عشق...عشان هايدي وسامر يعرفوا ويتاكدو اكيد هايدي مش هتسكت ولا هتكتفي باللي حصل لازم هتعمل حاجه ساعتها هتقع في شر اعمالها ووقتها ليل هيجيب الولد اللي خبط بابا ويعترف عليها ونخلص منها خالص
اما سامر فا احنا عارفين انه ضايق نور كذا مره ومنهم مره نور ضربته ادام الناس كلها وطبعا لو هنقارن الفتره اللي سكت فيها بالحلم اللي حلمته فا ده فات كتير من غير اي رد فعل لسامر وده في حد ذاته يقلق محدش عارف ساكت ليه ولا بيفكر في ايه هو واخته الشيطانه دي وعارفين انه بيكره نوح جدا فلو وصله ان هو ونور هيتجوزوا اكيد هيعمل حاجه وبسرعه
نور...هو انتوا ليه مستعجلين ان يحصل حاجه ترعب
عشق...مش مستعجلين يا نور بس عايزين نخلص عايزين نرتاح من تعب الاعصاب ده ويمكن دي تكون فكرتي اصلا لاني تعبت يا نور من القلق اللي ملازمني ده عايزه اطمن واطمن عليكو عايزه كل حاجه حلمت بيها تخلص وتنتهي عايزه اغير تفاصيل الحلم ده عشان خلاص بجد انا بنهار
تمارا...طيب مش يمكن يا عشق ان حوار سامر ده مش هيحصل بما ان في حجات بتتغير فالحلم بتاعك المهبب ده
عشق...للاسف مفيش حاجه اتغيرت يا تمارا يمكن حاجات بسيطه تفاصيل صغيره لكن الموقف بيحصل المرادي انا عايزه احنا اللي نخلي الموقف يحصل بسرعه بس طبعا هنكون جاهزين
نور...تفتكري هتوقفي حاجه ياعشق مش قولتي قبل كده ان محدش بيقدر يوقف المكتوب
عشق...اه قولت بس المرادي هوقف المكتوب في حلمي وهخلي الواقع انضف منه.
تمارا...بس انا ليه مش مرتاحه لميرنا حاسه انها ضاربه معاها صحوبيه اوي وليه حاسه ان هي متغيره معايا
عشق....لا عادي ماهو ليل قالها طول ماهي ادامنا تتعامل كده عشان تديها الامان و تفتكر انها مش طيقانا وتطمنلها.
ميرنا....ايوه بس الاحساس اللي بقول عليه ده بحسه في البيت كمان مش معاكم انتوا معايا بالذات
نور...لا خالص انتي اللي حاطه في بالك كده ماهي بتتعامل معانا عادي..خصوصا بعد حوار ادم بتحاول تلطف الجو يعني
تمارا...يمكن
عشق...بقول ايه انا رايحه عالمكتب
نور...وانا كمان
تمارا...وانا هحضر نفسي عشان في ميتنج بره.
عشق...تمام اشوفك في البيت بقى
تمارا...ماشي ياقلبي باي
باي يانور
نور...باي
خرجت عشق عالمكتب هي وليل من يوم ما راحت لادم من غير ما تعرفه والكلام بينهم بسيط او يكاد يكون معدوم الاتنين مضايقين اللي بينهم كلام فالشغل وبس لكن هو كان اللي مفرحه مقابلتها بريما لدرجى انه كل شويه يرجع الفديو ويشوفها وهي بتحاول تغيظ ريما.
خلص اليوم على ابطالنا الجو كان ممل الى حد كبير بسبب اللي حاصل..
في صباح يوم جديد
نزل الكل عالشغل معادا ليل
لدرجه ان عشق كانت هتتجن وتعرف هو فين وليه مجاش محدش كان عارف خالص ولا حتى نوح اللي معاه في نفس البيت
واللي كان قالقها اكتر انها بتتصل بيه مقفول....اتصلت بزهره عشان تسأل ادم لو كان راحله او حصل بينهم حاجه...
لكن زهره خيبت امالها في اخر امل ليها ..بأنها مع ادم بيختاروا حاجات للڤيلا...
فضلت عشق مضايقه وهتتجنن وتعرف هو فين هتموت من القلق
خلص اليوم من غير ما يرجع
لكن موبايله اتفتح وبعتلها رساله..
ليل...عشق حبيبتي اسف عارف انك قلقانه عشاني واتصلتي كتير بيا والموبايل مقفول انا كويس يا حبيبتي متقلقيش بس كان عندي مشوار شغل ضروري شويه وهكلمك وحشتيني😉..
عشق....ليل طيب سمعني صوتك لو عايزني اطمن انا حاسه ان فيك حاجه وحاسه ان مش انت اللي بتكتبلي اصلا عشان خاطري اسمع صوتك بس...😢
ثواني ورن موبايلها....بأسمه
فتحت عشق بسرعه وهي ساكته وبتسمع بس.
ليل....يعني بزمتك ينفع حد غيري يقولك حبيبتي او وحشتيني ده انا كنت كسرت دماغه ودماغك
نزلت دموع عشق اول ما سمعت صوته....ليل انت كويس
ليل...في ايه يا مجنونه بس اه كويس والله عندي مشواريين بس وقفلت الموبايل عشان محدش يكلمني واخلص على طول مكنتش اعرف اني هتأخر كده بطلي عياط يا عبيطه..
عشق...حرام عليك انت نشفت دمي ودمنا كلنا..
ليل....حقك عليا انتي وهما ياستي خلاص بقى يلا امشي انتي قولتي اسمع صوتك مش ارغي
عشق....طب انت فين
ليل...مش هقولك دي مفاجأه
عشق...طيب متقفلش تليفونك تاني
ليل....حاضر يا حبيبي
عشق...وانت ماشي كلمني
ليل....حاضر بحبك يا عشق
عشق...وانا كمان بحبك عشان خاطري خلي بالك من نفسك
ليل...حاضر يا قلبي وانتي كمان لما تروحي كلميني
عشق...ماشي
ليل...يلا باي
عشق...باي..
قفلت عشق بعد ما شمت نفسها مسحت دموعها وخرجت طمنتهم عليه ومشيوا كلهم.........
استنوني...
بارت ملوووووش حل🤫🤫
 البارت الثاني والثلاثون.والثالث والثلاثون مدونة #موسوعة_القصص_والروايات نزلوا البنات الشركه من تاني…){kind=link}
تعليقات
إرسال تعليق