 |
مابين الحلم والحقيقة (دار الايتام 2)
البارت الرابع والثلاثون.والخامس والثلاثون
مدونة #موسوعة_القصص_والروايات
روحوا البنات بعد ما وصلوهم الشباب وشويه وادم وصل زهره بعد ما خلصوا تجهيز حاجات للڤيلا...
فضلت عشق طول الليل مستنيه ليل يكلمها وبالرغم انه فتح موبايله لكن متكلمش
الفضب والقلق كانوا مسيطرين عليها حتى بعد ما سمعت صوته وطمنها بنفسه لكن كانت حاسه ان في حاجه غريبه وحاجه قلقاها
التفكير كان هيموتها لكن هدوء جاسر ونوح اكدولها انه كويس واكيد دي مفاجأه زي ما قال بعتتله رسايل كتير واتصلت اكتر ومكنش بيرد بعد وقت طويل استنيته يكلمها ومتكلمش غلبها النوم وراحت في سابع نومه.
في صباح يوم جديد صحي الجميع
جهزوا البنات عشق كان مزاجها وحش جدا ساكته ومش بتكلم حد خالص بعد ما فطروا وجهزوا نزلوا للسواق وراحوا عالشركه
عشق..شاهي مستر ليل جه
شاهي بغيظ ايوه موجود لسه واصل من شويه ومعاه مدام ريما
جوه
اتصدمت عشق من جملتها سابتها وراحت عالمكتب ومن غير ما تخبط فتحت الباب ودخلت لقت ريما اعده على الكرسي اللي أدام المكتب وليل اعد ادامها وسايب كرسي المكتب بتاعه اول ماشافتهم اتصدمت لكن بسرعه حاولت تجمع نفسها
عشق....صباح الخير
ليل....صباح النور ياعشق
عشق....سوري دخلت على طول معرفش ان معاك حد فؤ المكتب ولا اعرف ان عندك معاد الصبح كده
ليل....لا عادي دي ريما تعالي ياعشق
ريما...بأبتسامه حاولت تستفز عشق هو المفروض ان انسه عشق تكون عارفه كل حاجه ياليل شكلها شاطره اوي
عشق....بابتسامه ميرسي
ليل...طبعا عشق اشطر مني انا شخصيا
ارتاحت شويه عشق لما شافت نظره الغيظ على وشها بعد جملة ليل
ليل...تعالي اعدي يا عشق
عشق....من غير تردد راحت اعدت على كرسي المكتب بتاع ليل
ابتسم ليل وهو شايف عشق بتتعامل بثقه
بصت ريما بأستغراب ازاي اعدت على مكتب ليل وهو اعد كده
عشق لليل....خير يا ليل في حاجه
ليل...ابدا بس ريما مضايقه شويه وبتقول يعني ان انتي طريقتك معاها مكانتش حلوه🙄
عشق....بصت لريما انا ليه هو في حاجه حصلت اصلا هي كانت مصممه انك انت اللي تمسك مشروعها ولما قولتلها انك مشغول
ومش هتقدر وانا اللي هكون معاها رفضت وقالت انها غيرت رأيها لو في حد المفروض يضايق يبقى انا لاني ادتها معاد وضيعت جزء من وقتي معاها وفي الاخر حتى متكلمناش في الشغل.
ريما...بضحكة سخريه ضيعت وقتك معلش اسفه مكنتش اعرف ان وقتك مشغول اوي كده
عشق...بابتسامه اديكي عرفتي
حاول ليل يكتم ضحكته
ريما...بصت لليل ها ياليل قولت ايه في اللي طلبته منك
ليل....والله ياريما زي ما قولتلك. انا ماسك شغل كتير حقيقي معنديش وقت انا بنام بالعافيه بس قولتلك لو عشق وافقت تاخد مشروع من اللي انا ماسكهم ده انا همسك المشروع بتاعك
ريما...مش فاهمه
ليل....يعني المسأله الوقت في ايد عشق
ريما كرامتها كانت منعاها انها تطلب كده من عشق وعشق كانت بصالها وهي مبتسمه مستنياها تطلب منها.
ريما...عصرت على نفسها لمونه واخيرا اتكلمت..ها قولتي ايه يا انسه عشق
عشق...ببرود في ايه
ريما...😡فأنك تمسكي مشروع بدل ليل وليل يمسك مشروعي
عشق...اسفه مش هقدر المشاريع اللي ليل ماسكها هي فعلا شغاله وانا مش بعرف امسك شغل من ورا اي حد ليل ليه طريقه في شغله غير طريقتي ولو مسكت مشروع هو كان ماسكه لازم اغير الطريقه كلها وطبعا ده هيبقى فيها خساره وقت ومجهود وفلوس يعني خساره اكيده وانا شايفه ان مشروعك لسه زي ماهو جديد فاعادي مستعده امسكه لكن شغل ليل كان ماسكه لا سوري مش هقدر
ريما...بس انتي قولتي ان شغلك انتي وليل واحد ازاي مش هتقدري تكملي بداله يعني لو في اي ظروف ليل اتحط فيها واضطريتي تمسكيه هتقولي لا
عشق...اولا انا وليل اه شغلنا واحد بس طريقتنا مش واحده ثانيا اديكي قولتي اضطريت يعني مجبره فاكيد همسك الشغل بداله لكن انا الوقت مش مضطره ولا مجبره فاكيد مش هقبل
ريما لليل...وبعدين ياليل ايه رأيك
ليل...انا غصب عني مش هقدر فعلا امسك كل ده اكيد هقصر في مشروع منهم وانا متعودتش عالتقصير في شغلي ياريما
القرار بقى في ايدك انتي ياتقبلي مشروعك يكون في ايد عشق او لا
بصت ريما لعشق بغيظ باين في عيونها كانت عشق بصالها وهي مبتسمه
ريما....هفكر وارد عليك ياليل
ليل...تمام يا ريما زي ما تحبي وانا منتظر ردك
ريما...اوك يا ليل هستأذن انا
ليل...اتفضلي
قامت ريما خرجت فورا من المكتب وهي حالفه تدفع عشق التمن.
بص ليل لعشق وفجأه ابتسامتها اتحولت قامت وقفت عشان تروح مكتبها وقبل ما تمشي مسك ليل ايدها بسرعه
عشق...سيب ايدي ياليل
ليل...استني بس هفهمك
عشق...مش عايزه افهم ولا اعرف حاجه
ليل...عشان خاطري اهدي بقولك هفهمك
عشق...تفهمني تفهمني ايه تفهمني سبب اختفائك اليوم كله امبارح وانك مكلمتنيش غير مره واحده بعد يوم طويل قافل فيه الموبايل ولا بعد ما كلمتني وانا بكلم فيك وببعتلك وانت مبتردش انت قولتلي شويه وماشي خلاص ايه كل ده مكنتش مشيت نمت بره البيت كان يومك مشغول لدرجه انك مش عارف تكلمني طول اليوم...ولا تفهمني ايه ياليل تفهمني انك مدي للهانم معاد الصبح وانك اول يوم تيجي بدري اوي كده وقبل ما اي حد فينا يجي عشان تكون علي راحتك معاها ايه خايف حد يشوفك
ليل...بغضب عششششق خلي بالك من كلامك ليل السيوفي مابيخافش من حد وانتي عارفه كده كويس ومش عشان بحاول افهمك ابقى خايف منك انا بحاول افهمك عشان واثق انك هتزعلي وخايف على زعلك مش خايف منك
عشق...وانا مش عايزه اعرف ولا افهم
مسكها ليل بعنف من دراعها قبل ما تمشي
ليل... لا هتعرفي وتفهمي وهتتعدلي ياعشق عشان طريقتك مش عجباني من يوم اللي حصل بيني وبين ادم من يوم ما روحتيله من غير ما اعرف ولا حتى كلفتي خاطرك تبعتيلي ماسدچ انك راحه معاهم
عشق...سيب ايدي يا ليل..واه مقولتلكش ولا هقولك اقولك ليه اصلا انت مالك بيا اعمل ايه ولا معملش ايه انا حره انت ملكش عليا كلمه ولو كنت بستأذن منك اروح اي مكان او اسمح انك تحدد اليوم ده على مزاجك عشان تكون معايا فانا بقولهالك الوقت كنت غلطانه ياليل واديني بصلح غلطي وبقولك متدخلش في حياتي انا حره خليك براحتك مع الهانم بتاعتك لكن انا طلعني من دماغك
ليل وصل غضبه منها لأعلى درجه
فحب يفرغ غضبه فيها بطريقته عشان واثق ان اللي هي فيه ده غيره من ريما...شدها ليل بعنف ومسك وشها بأيديه الاتنين ونزل على شفايفها بقبله كلها عنف وغضب لدرجة ان عشق كانت تحت ايده بتحاول تبعد عشان تتنفس لكن هو كان رافض مسابهاش غير لما حس بدمها بيسيل بعد عنها وبسرعه عشق ضربته بالقلم على وشه انت واطي وقليل الادب...
تمالك ليل نفسه بعد القلم عشان ميقتلهاش
ليل...اسمعي المشروع بتاع ريما
انا قررت امسكه وملكيش اي دخل بيه مفهوم....اما بقى عن وجودها هنا بردو هتعرفي انا جيت الصبح انا ونوح شاهي بلغتني انها مستنياني في المكتب ولما دخلت وشوفتها قالتلي انها حبت تبجي بدري قبل ما اتشغل او اي حد يرفض يخليني اقابلها وده طبعا لانها متصله بيا فوق ال 50مره وانا مردتش عشان كنت عامل حسابك وحساب زعلك وحسيت اني لو رديت عليها هكون بخونك وبخون حبي ليكي واظن لو هي تفرق معايا مكنتش سيبتك عملتي اللي عملتيه فيها ده امبارح وكنت دخلت معاكي عشان متضايقيهاش ولا سبتك الوقت وانتي بتحاولي تستفزيها اولهم بأعدتك على مكتبي انا سمحتلك بحاجات كتير اوي يا عشق مستحيل اسمح لمخلوق انه يعملها بس سمحتلك عشان انتي مش اي حد اتفضلي يا عشق امشي حالا من ادامي روحي مكتبك ولما تتعودي تثقي فيا يا عشق هبقى اتكلم معاكي
نزلت دموع عشق بحزن. كان نفسها تقوله انها واثقه فيه بس هي زي اي ست بتغير على حبيبها..
عشق...ليل انا..😢
ليل...على مكتبك يا عشق😡
راحت عشق على مكتبها وهي بتعيط من غبائها وكلامها اللي مكانش ينفع يتقال..
عدى اربع ايام والحال بينهم زي ماهو ليل مبيتكلمش معاها خالص عشق حاولت كذا مره لكن كان بيصدها او يقولها انه مشغول يومين جه متأخر الشغل ويومين مجاش خالص حتى لما كانت بتحاول تكلمه او تبعتله مكانش بيرد عليها خالص
عشق...طول الاربع ايام كانت اعده على طول لوحدها مش بتبطل عياط حاسه بخنقه رهيبه مقضيه وقتها نوم عشان تهرب من البنات وأسالتهم...خلال اليومين دول تمارا حطت ميرنا في دماغها اكتر وبقت مش طيقاها...خصوصا بعد اخر موقف حصل بينهم فالشركه
فلاش بااااك.
ميرنا...كانت اعدة ترغي مع شاهي ويضحكوا فجأه لقت جاسر وتمارا خارجين من المكتب
قامت ميرنا بسرعه على جاسر
ميرنا...جاسسر
جاسر...افندم
ميرنا ..ممكن اتكلم معاك
جاسر ...مش فاضي ياميرنا عندي ميتنج ومتأخر يلا ياتمارا
مسكت ميرنا ايده...استنى بس عشان خاطري مش هأخرك
بصت تمارا على ميرنا ومسكت ايدها لجاسر وطريقتها اللي فيها دلع كانت هتولع واتأكدت ان في حاجه كده غريبه ومش مظبوطه
جاسر...عايزه ايه ياميرنا
ميرنا...مش عيزاك تفضل زعلان مني ومخاصمني كده
جاسر....ميرنا سبيني عشان خاطري
ميرنا...مش هسيبك غير لو قولتلي انك مصالحني
جاسر...بس انا مضايق منك يا ميرنا وانتي عارفه
ميرنا...عارفه وصدقني مكنتش اقصد ولو اللي قولته ده كنت عارفه انه هيزعلك مكنتش قولته ولا حتى نطقته.حقك عليا بجد انا اسفه انت عارف انا بحبك اد ايه
تمارا...😡😡😡😡
جاسر...وانا كمان بحبك يا ميرنا انتي عارفه كده كويس
تمارا...😡😡😡😡
جاسر...بس اللي قولتيه مكانش ينفع خصوصا وهو الوضع بايظ بين ليل وادم والدنيا والعه
ميرنا...والله مكنتش اقصد مكنتش اعرف انك هتزعل مني كده خلاص بقى حقك عليا ولو عايزيني اقول اي حاجه لليل انا مستعده
جاسر...لا متقوليش حاجه ولا تعملي اي حاجه ليل مجنون وممكن يفكر ان ادم هو اللي قايلك تعملي كده
ميرنا...بس انا عيزاك تصالحني جاسر من يوم اللي حصل وانا مضايقه ومش عارفه اعدي اليوم بتاعي وانت زعلان مني
جاسر....خلاص يا ستي مش زعلان منك
ميرنا....بجد بحبك يا احلي جاسر فالدنيا
جاسر...وانا كمان يا مجنونه. سبيني بقى عشان عندي ميتنج مهم
ميرنا....ماشي باي باي ياتمارا
تمارا...باي
باااااك
عدت الايام تقيله على عشق اللي زعلانه مع ليل وتمارا اللي هتولع من غيرتها على جاسر
........
زهره....عشق برده قافله على نفسها
نور...اه صعبانه عليا اوي ومعرفش مالها
زهره....طيب قولت لها ان العشا جهز انهرده الخميس وبكره اجازه اهو نسهر مع بعض شويه.
نور...قالت مش عايزه تاكل ومحدش يخبط عليها
زهره...البت دي مالها
نور...شكلها كده زعلانه مع ليل
ميرنا...ايوه واضح كمان على ليل
تمارا...بصت لميرنا بغضب 😡ملكوش انتوا دعوه اكيد شويه وهيبقوا كويسين ...المهم بكره عيد ميلاد عشق
زهره...ايوه طبعا عارفين وانا ونور وميرنا بنحاول نفكر في فكره نحتفل بيها عشان تفك شويه من الاكتئاب اللي هي فيه ده
تمارا...لا ليل قاللي انه عاملها مفاجأه بكره وعايزنا نحاول بأي طريقه اننا نخرجها من البيت وقال في عنوان هيبعتهولي نروح عليه وهو هيكون هناك
زهره...عنوان ايه ده
تمارا...وانا ايش عرفني يا غبيه هسأله يعني بيقول مفاجأه واكيد مش هيعرفهالنا
نور....طيب هي عشق بحالتها دي اصلا هتوافق انها تخرج
تمارا...مش عارفه عشان كده بقولكم لازم نحاول نخرجها
زهره...طب هنعمل ايه
تمارا...معرفش سبيها على الله بكره نحلها
زهره...ان شاء الله
نور...طيب يلا تعالو ناكل بقي
تمارا...يلا قوموا
قاموا البنات كلوا وخلصوا ودخلت كل بنت فيهم على اوضتها عشان تنام.
اتصلت زهره على ادم..
ادم...الووو
زهره...نمت
ادم...لا ياحبيبي لسه اكيد هقولك قبل ما انام
زهره...انت في الشارع ولا ايه ايه الصوت ده
ادم...بضحك. ايه هتجوز مخبارات ولا ايه
زهره...اه لو عاجبك
ادم...عاجبني طبعا..السجاير بتاعتي خلصت فنزلت اشتري
زهره...ومقولتش ليه للسوبر ماركت يجبلك
ادم.. حسيت اني جعان وفي حاجات نقصاني قولت انزل انا بنفسي
زهره...ماشي
ادم...عموما انا بكلمك وداخل عالبيت خلاص
زهره...طيب كويس بقولك ايه
ادم...قولي يا ست البنات
ابتسمت زهره بحب
زهره...بكره عيد ميلاد عشق وكنت عايزه اعملها مفاجأه بس تمارا بتقول ان ليل عاملها مفاجأه وعايزنا نخرجها من البيت وهو يقابلنا
ادم...كل سنه وهي بألف خير بس لو بتقوليلي عشان اجي اكيد مش هعرف انا بعدين ابقى اجي لعشق واقولها كل سنه وهي طيبه بنفسي.
زهره...لا مش اقصد كده انا اقصد يعني اني هنزل معاهم اصل مش هينفع مروحش مش عيزاك تضايق بس مش هعرف
ادم....انتي عبيطه يازهره لا طبعا يا حبيبتي مش هضايق دي اختك ولو تقصدي على ليل ولا حتى انك تخرجي في مكان في ليل هضايق انا دماغي مش صغيره يا زهره
زهره...يعني مش هتزعل مني
ادم...لا طبعا يا حبيبي روحي واتبسطي وسلميلي على عشق لحد ما اشوفها..
زهره...بفرحه ماشي يا حبيبي
ادم...انا دخلت الشقه خلاص
زهره...هتنام امته
ادم...شويه بس هاكل واشرب سيجاره وانام
زهره...تمام روح كل وقبل ما تنام كلمني
ادم...ماشي يا قلبي يلا باي
زهره...باي.
عدى اليوم بسرعه صحيوا البنات كلهم عشق كانت في المطبخ بتحضرلهم الفطار حست انها مقصره معاهم بقالها كام يوم كل تركيزها مع ليل وبس لكن لما فضلت تكلمه وميردش كرامتها وجعتها وميت تفكير كان بيراودها واولهم انه شكله حن لريما وخصوصا بعد ما قالها انه هيمسكلها المشروع
قررت عشق...انها متفكرش فيه وانها مش هتكلمه غير لو هو كلمها
حضرت عشق الاكل واتجمعوا البنات فطروا مع بعض وخلصوا اعدت عشق معاهم لكن بردو من غير ما تتكلم كتير
تمارا اختفت هي والبنات شويه وشويه ورجعوا ماسكين شنط ورا ضهرهم ووقفوا ادامها.
عشق بخوف مالكم واقفين كده ليه زي ما تكونوا عاملين عامله
تمارا...طلعت الشنطه من ورا ضهرها
كل سنه وانتي طيبهههههه يا عششششق
البنات كلهم طلعوا الشنط كل سنه وانتي طيبه يا عشششق
عشق...بفرحه ايه ده انا قولت اكيد هتنسوا
تمارا...بزمتك ينفع ننسي ولا احنا امته نسينا يا اختي
زهره...العمر الطويل ليكي ياقلبي
عشق...حبيبتي يا زهره
فضلت عشق تبوسهم وتحضنهم وتفتح معاهم فالهدايا كانت مبسوطه اوي رغم ان في جزء جواها ناقص وهو عدم وجود ليل
تمارا....ده لسه في مفاجأه انا عزماكي بره عالغدا
زهره...هي بس😡
تمارا...بأبتسامه وانتوا كمان يا ستي يالله ان شالله ما حد حوش
عشق.. ايوه بس انا مش عايزه اخرج خلينا هنا
تمارا...بت انتي بطلي كآبه وربنا لا هنخرج وهتلبسي الطقم اللي انا جيباهولك انا تعبت يا ماما لحد ما لقيته
عشق...والنبي بلاش عشان خاطري
تمارا...والله ابدا هنخرج نتغدى وعايزين نأعد في مكان اوك نروح سينما بردو اوك
زهره...يلا بقى ياعشق وافقي قبل ما ترجع في كلامها
نور...ايوه وهي عامله اوبشن فظيع
فضلوا يتحايلوا عليها البنات
افتكرت عشق ليل وعرفت انها لو خرجت من غير ما يعرف وهو عرف هتستفزه وتخليه يتكلم
فوافقت فرحوا البنات وقاموا مع بعض يجهزوا
وبعد وقت بسيط كانوا كلهم جهزوا ونزلوا بلغت تمارا ليل
واول ما نزلت كان السواق مستنيهم
عشق.. انتي كلمتي السواق ليه مش كنا خدنا اوبر او اي تاكسي
تمارا...جاسر مرضيش وقال عشان منتقسمش على عربيتين نفضل مع بعض وبعتلنا عربيه اكبر
عشق...تمام
فضلوا البنات يهزروا ويضحكوا وابتدت عشق تتأقلم وتفك خصوصا انها عارفه ان ليل هيبقى مش علي بعضه لو عرف انها نزلت من غير ما تقوله مكانتش تعرف ان هو اللي عامل المفاجأه وان هو كان هيتجنن ويصالحها بس سابها عشان متشكش لحظه ان هو ورا المفجأه وتفكر انه نسيها
عدي الوقت بسرعه البنات مكانوش عارفين ايه هي المفجأه بما فيهم تمارا مكانوش مركزين فالطريق ولا شايفينه
بعد وقت مش قصير اخيرا وصلوا البنات ادام اللوكيشن اللي ليل بعته لتمارا
نزلوا البنات وهما بيضحكوا ولسه مش مركزين
وكن اول ما نزلوا اتصدمواااااا😱
واللي صدمتها كانت الضعف تمارا لما عشق سألتها
عشق....انتي جيبانا فين
تمارا....😳😳😳هااا
عشق....بقولك جيبانا فين
تمارا....معرفش معرفش
نور...هو في ايه انا مش فاهمه حاجه
ميرنا...ولا انا في ايه يابنات
زهره....جيبانا هنا ليه ياتمارا
تمارا...بأرتباك انا اناااا معرفش
عشق...بتوتر هو ايه اللي متعرفيش مش انتي اللي اديتي السواق اللوكيشن وانتي اللي عامله المفجأه..
ظهر اخيرا
ليل من ورا عشق ومعاه نوح وجاسر..
ليل....لا مش هي
بصت عشق بسرعه وراها في صدمه...😳
ليل... انا اللي بعتلها اللوكيشن وانا اللي عامل المفجأه انا قولتلها انهم يقنعوكي تنزلي بأي طريقه وعلى فكره تمارا متعرفش انها جايه هنا واظن المفجأه واللغبطه اللي باينه على وشها تأكدلك كده...
تمارا...حرام عليك ياليل كانوا هيكلوني انت جبتنا هنا ليه
عشق....احنا هنا ليه ياليل
ليل....حبيت اقولك كل سنه وانتي طيبه حبيت اقولك اني مش ناسي عيد ميلادك حاولت افكر كتير في هديه تخليكي مبسوطه ويمكن من بعد اللي حصل في الحفله جاتلي الفكره بعد ما فهمتك اني ماليش علاقه بالمديره بتاعة الدار قولتلك هجبلك حقك منها بس كمان فكرت في حاجه مهمه الست دي لو اثبتنا اللي هي عملته ودتها في ستين داهيه مين هيمسك الدار بدالها مش يمكن يكون حد من نفس عينتها فكرت كتير ملاقتش احن ولا اطيب ولا احسن منك يمسك الدار ويكون امين عالبنات اللي فيه
البنات....اتصدمواااا😳
اما عشق....فصدمتها كانت الضعف😳😳 مش فاهمه
ليل....طلع ورقه من جيبه فتحها ادامها....
ده عقد بيع وشراء من المالك لعشق احمد الوكيل واللي ناقصه على امضتها يعني امضة صغيره بقيتي صاحبه الدار ده وانتي المتحكمه فيه وتقدري تعملي اي حاجه في حنان واللي كانوا وراها
براحتك
عشق...نزلت دموعها ليل انت بتهرج مش كده🥺🥺
ليل...بابتسامه يعني بزمتك مش شايفه البلالين اللي ماليه الدار عشان يحتفلوا بيكي معايا
صحيح عايز اقولك حاجه انا قولتلك ان صاحب الدار رجل اعمال وحد محترم لما طلبت منه معترضش وطلبت منه ميعرفش اي حد شغال في الدار ان انتي بقيتي صاحبته ولو حد سأل يقول ليل السيوفي وطبعا بعد البلالين دي كلها سألوا وعرفوا واكيد طايريين واولهم حنان بيتهيألي هتكون صدمه لما تشوفك معايا انتي والبنات وصدمه اكبر لما تعرف ان مالك الدار الحقيقي انتي ياعشق..
عشق..بصت للبنات بفرحه ودموعها نازله هي وهما حضنوا بعض بفرحه
بصتله عشق...ليل انا مش بحلم صح
ليل....هو تقريبا انتي بتحلمي لانك لو صاحيه وفايقه كده كنتي فهمتي من اول ما شوفتي الدار او عالاقل كنتي ركزتي في اسمه الجديد..
بصت عشق عالاسم
دار الحلم❣️
عشق...بحبك يا ليل
ليل....وانا بعشقك يا قلب ليل
نوح...اظن اعتراف صريح نطلع عالمأذوون😂😂
ليل..لا لسه المأذون مش الوقت
بص لعشق...ايه جاهزه تدخلي
بصت عشق عالدار بارتباك
وبصتله مش عارفه
ليل...انا بقول ادخل الاول وانتوا تيجوا ورايا ايه رأيك
عشق....هزت راسها
دخل ليل مع الشباب ومعاهم ميرنا ونور
وسابوا التلاته بره لحد ما ليل يقولهم يدخلوا
رحب الدار كله بليل اللي جاي مع حراسه بشكله اللي يرعب ويخض اي حد كانت حنان طايره من الفرحه عشان ليل اللي خد الدار خصوصا ان هو اللي متكفل بالدار من اربع سنين فمتأكده انها ضمنت تاخد من وراه فلوس كتير
حنان....في المايك اعدوا يا ولاد هدووء..طبعا احنا بنرحب بحضرتك يا ليل باشا نورت الدار واكيد شرف لينا ان حضرتك تكون المالك بتاع الدار مش عارفه اعبر ازاي عن سعادتي بس اكيد حضرتك واصلك احساسي واحساسنا كلنا وان شاء الله دايما هنكون عند حسن ظن حضرتك والدار هتكون احسن دار في مصر كلها....
صقف الجميع ومدتله حنان المايك عشان يروح يقول كلمه...
راح ليل بثقه بعد ما اتصل على عشق وقفل فهمت انها تدخل
ليل...مساء الخير عليكم جميعا مساء الخير يا بنات
طبعا انا مبسوط اني اشتريت الدار ومبسوط اكتر اني معاكم واني هقضي جزء من يومي مع بنات حلوييين زيكم...طبعا هنلعب ونهزر مع بعض لكن مش قبل ما اوجه الشكر لاستاذه حنان طبعا
وطبعا شكرا عالترحيب الحلو ده وعالكلام الحلو اللي قولتيه في حقي
لكن...حابب بس اوضح معلومه بسيطه ليكي ولكل حد موجود في الدار هنا....ان انا مش المالك الحقيقي للدار انا طلبت كده من مالك الدار الاصلي عشان حبيت اعملهالكم مفجأه بصاحب الدار الجديد واللي واثق ان اغلبكم هيفرح جدا بوجود المالك الجديد وسطكم خصوصا البنات الحلوين دول....
فضلوا البنات يتكلموا مع بعض وحنان تتكلم مع مها و الشله بتاعتها....ويبصوا حوالين بعض مستنين ليل يقول مين المالك الحقيقي
وفجأه شاور ليل على مكان عشق
ليل...احب اعرفكم بمالك الدار الجديده عشق احمد الوكيل..
واخواتها تمارا وزهره احمد الوكيل.
صريخ وصوات من البنات اول ما شافوهم جريوا كلهم عليهم وفضلوا يحضنوا فيهم ويعبروا عن اشتياقهم ليهم فضلت عشق تحضن في البنات الصغيرين كانت طايره من الفرحه وهي شيفاهم من تاني طبعا كلهم كانوا اخواتها واصحابها لكن تمارا وزهره كانوا الاقرب وكانوا الاكبر
وقفت حنان بصدمه وكأنها اتلجمت ثواني هي والشله اللي معاها
جريوا الدادات عليهم حضنوهم وسلموا عليهم لانهم كانوا بيحبوهم جدا
بعد وقت من السلام
طلعت عشق جمب ليل هي والبنات
عشق...بصوت مهزوز من كتر التوتر..
طبعا انا مش عارفه اقول ايه ولا اعبرلكم عن الفرحه اللي جوايا دي ازاي خصوصا لما شوفت اخواتي والدادات والمكان نفسه اللي كان بيجمعنا سوا...عايزه اقولكم وحشتوني اوي عارفه اني قصرت معاكم من يوم ما خرجت بس اللي يخرج من الدار دي كان استحاله يرجعلها وانتوا كلكم عارفين الطريقه اللي خرجنا بيها.
وقفت حنان واللي حواليها يتلفتوا بخوف زي الحراميه
عشق....وقت ما خرجت كنت مقسومه نصين نص معاكم مش قادره اتخيل اني مش هشوفكم تاني ونص مبسوط انه طلع من سجن مؤبد...وعايزه كمان اقولكم انا مكنتش اعرف لحد من دقايق بسيطه اني بقيت صاحبة الدار ده بس يمكن ليل عارف اد ايه الدار دي كانت حاجه كبيره عندي فحب يفاجئني يوم عيد ميلادي والحقيقه ان دي اكبر هديه اتقدمتلي في حياتي واللي لو عشت عمري كله مش هيتقدملي زيها تاني ويمكن الهديه دي عشانكم اكتر ما هي عشاني عشان انا مظنش ان في حد هيحبكم ويخاف عليكم ويعاملكم بطريقه أدميه اد واحده شافت زل ووجع ومرمطه في الدار دي من انهرده انتوا احرار في الدار دي انتوا جوه بيتكم مش جوه دار رعايه ايتام
من انهرده كلكم اخواتي واصحابي
الدار دي مش بتاعتي دي بتاعتنا كلنا الدار دي هتبقى بيت العيله
الدار دي هتبقيى زي اسمها الجديد حلم ....حلم بتحلموه جواها واكيد هتخرجوا عشان تحققوه
فضلوا البنات كلهم يصقفوا ويصوتوا ويصفروا....من فرحتهم
عشق.....لحظه يا بنات هنحتفل ونعمل كل حاجه مع بعض بس مش قبل ما نخرج من وسطنا الشياطين اللي دمرت بنات كتير خرجت وبنات هربت وبنات ماتت وبنات اتوجعت
من اللحظه دي مش عايزه اشوفك يا حنان انتي والشله بتاعتك دي كلها ولو حتى صدفه
ليل...لا لحظه انا قولتلك اني عاملك مفجأه وقولتلك اعملي اللي انتي عيزاه فيها بس مش لدرجة انك تطرديها كده بالساهل بردو الاستاذه حنان ليها فضل كبير
بصتله حنان بابتسامه حست انه هيقف معاها اما عشق فبصتله بصدمه لحد ما سمعت باقي جملته
فضل عظيم حقيقه وعشان هي كانت ست عظيمه فخروجها من الدار مش هيكون بسهوله كده دخل فالوقت ده حمله من الداخليه معاهم امر بالقبض على حنان ومها وكل اللي معاهم وخدوهم عالبوكس
بصتله عشق...بصدمه😳
ليل.. نسيت اقولك ان ده تاني جزء من المفجأه الكام يوم اللي فاتوا واللي حضرتك كنتي شاكه فيا بعد ما خلصت كل ورق الدار طلبت انا وماما اننا نختار كام بنت يعني نعملهم أذن يخرجوا بره الدار ولما خرجوا حاولنا نعرف منهم المعامله اللي بيتعاملوها جوه الاول كانوا خايفين بس بعد كده اطمنوا وحكولنا وروحت لحد حبيبي من الداخليه خد اقوال كذا بنت وطبعا فهمتوا اللي حصل معاكم والمفروض ان هو مستنيكم تقولوا اقوالكم يعني قرار القبض عليهم اكيد حتى من غير اقوالكم بس اقوالكم هتشدد عليهم الحكم
عشان انتوا خرجتوا من هنا بطريقه مش قانونيه...عايز اقولك كل حاجه وحشه في حياتك يا عشق هتخلص وكل ذكري كانت وحشه في حياتك هتبقى حلوه واولهم الدار بس اسمعي 🤨🤨لو حد اشتكالي منك هعلقك
ضحكت عشق من بين دموعها..
عشق....انا مبسوطه اوي
ليل....وانا مبسوط عشان قدرت ابسطك بس بقولك ايه
عشق...قول
ليل ..طبعا انتي المالك الحقيقي للدار بس طبعا شغلك معايا مش هيقف عشان كده انا بقول ايه رأيك لو ماما بقت هي مديره الدار وهي ومامت جاسر مسكوه
عشق..بفرحه طبعا موافقه
ليل.. اظن انتي والبنات وماما ومامت جاسر هتخلوا الدار دي جنه
ظهرت...سهام ومني من وراه.
سهام...طبعا هنخليه جنه ياولد
حضنتها عشق هي ومني بفرحه.
سهام...مبروك يا عشق عملت انا وليل كل اللي نقدر عليه لحد ما خدنالكم حقكم
عشق....انا بحبكم اوي بجد
سهام...واحنا بنحبك اكتر
حضنتها سهام بحب
وابتدوا يحتفلوا بعيد ميلاد عشق وسط كل بنات الدار
جاب نوح تورتايه كبيره عليها صورة عشق والبنات
وخلص اليوم عليهم في حب وفرحه وسعاده ملهاش حدود😍😍😍😍😍😍😍
مابين الحلم والحقيقة (دار الايتام 2)
البارت الخامس والثلاثون....
خلص اليوم بسرعه فالدار ودعت عشق البنات وكل الموجودين في الدار اللي كانوا كلهم بيحبوها اتصورا كتير مع بعض فرحوا وضحكوا ولعبوا ورقصوا وعاشوا كلهم يوم طفولي هادي نضيف بعيد عن دوشه العالم الخارجي وعن قلوب ماليها المرض والحقد...
ليل...ايه هتروحوا فين
زهره....انا مش قادره فاصله خالص عايزه اروح اليوم كان متعب جدا
نور ..وانا كمان مش قادره
ميرنا..اه نروح افضل عشان بكره شغل كمان
سهام....انا هروح انا ومني مع السواق وانتوا شوفوا هتعملوا ايه
سلمت سهام ومني عالبنات..
سهام....كل سنه وانتي طيبه يا عشق عقبال مية سنه وانتي مبسوطه ومحققه كل احلامك
عشق..
ميرسي يا طنط بجد حقيقي تعبت حضرتك وتعبتك يا طنط مني وبجد فرحتوني اوي
مني....تستاهلي الفرحه دي يا عشق وان شاء الله هنبتدي مع بعض شغل فالدار وهنخليه زي ما تحبي تشوفيه
سهام....لو عندك اي افكار ياعشق حاجه حابه تضيفيها للدار انشطه اي حاجه اكتبيها وقوليهالنا واحنا هنفذها علي طول بقينا موظفين معاكي ياستي
عشق...بحب لا متقوليش كده طبعا وانا واثقه ان حضرتك وطنط مني هتخلوه احسن من اي افكار هتجيلي لانكم ليكم خبره اكتر مني في الجمعيات والخير اللي بتعملوه اكيد في افكار لانشطه وحجات كتير هنتكلم فيها طبعا مع بعض المهم اني بجد مبسوطه اوي
سهام...ربنا يفرح قلبك يا عشق انتي وتمارا وزهره
ميرنا...ايه ده وانا ونور لا🤔
سهام...لا طبعا ويفرح قلبكم انتوا كمان يا ام نص لسان
ضحكوا البنات وودعوا سهام ومني..
نوح....ايه يلا
ليل...امشوا انتوا انا هخطف عشق شويه وبعدين هروحها
تمارا....بغمزه ماشيه معاكي الله يسهلوا😉
عشق...اتلمي يابت
ليل..اعوذ بالله من اولها كده حسد يلا ياعم جاسر خد المصيبه دي من هنا
جاسر..مسكها من رقبتها بهزار جيبالي علي طول الكلام اخنقك واخلص منك
تمارا....مانت لو بتخطفني كان زماني سكت
نوح...ابقي اخطفها ومترجعهاش يا جاسر
جاسر...بضحك يا سلام عز الطلب
ليل...يلا يا عشق دول دماغهم تعبانه سلام
مسكها ليل من ايدها وراح فتحلها باب العربيه ركبها وراح بسرعه ركب وطار
جاسر....الله يسهلواااا
نوح....يارب العجله تتخرم
ليل...من الشباك لما ارجعلك يا واطي
ضحكت عشق بصوت هي والبنات.
جاسر...يلا يا قلبي
نوح...ايه علي فين هتخطفها انت كمان
جاسر...بضحك خطف عالسريع كده يلا روح انت البنات وانا جاي وراك
نوح...يارب نعدي اهو هيخطفك
تمارا...بضحك اطلع انت منها بس
نوح...طلعت يا ستي
مشي جاسر وتمارا
وخد نوح البنات يوصلهم البيت
عدي وقت بسيط
وصل ليل علي كورنيش النيل ركن العربيه الجو كان يجنن السما صافيه الهوا جميل
انوار المراكب عاكسه نورها عالنيل بشكل خلاب
وكل كام متر كل اتنين واقفين مع بعض
ليل...تحبي تنزلي نقف هنا
عشق....اه ياريت الجو جميل اوي
ليل...طيب يلا
نزل ليل وعشق من العربيه
وقفوا عالنيل
وقفت عشق تاخد نفسها بسعاده...
ليل...بصلها بحب...مبسوطه ياعشق
عشق....انا طايره يا ليل حاسه اني مش ماشيه عالارض من وقت ما شوفتك ادام الدار وقولتلي ان الدار بقي بتاعي وانا حاسه اني بجد بحلم مين كان يصدق ان الدار اللي اتربيت فيها واللي شوفت فيها ايام كتير صعبه وخرجت منها من كذا شهر تبقي بتاعتي مين كان يصدق ان حنان مديره الدار يتقبض عليها وفي نفس اليوم ابقي انا صاحبه الدار ده واقدر اعملي فيه الانا عيزاه وامشيه بالطريقه اللي كنت طول عمري بحلم انها تمشي بيها..
ليل...لا ياستي انتي مش بتحلمي الدار بقت بتاعتك وتقدري تعملي فيها الانتي عيزاه وكل حاجه يا عشق هتتمني انها تحصل فيها هعملها عشان اشوف الفرحه اللي في عينك دي...عارفه يا عشق لما جاتلي الفكره دي قلقت عارف انها ممكن تبان فكره مجنونه بس وقتها كنت في حيره بين حاجتين اول حاجه انك تكوني مبسوطه زي ما انا شايف كده تاني حاجه كنت مرعوب تضايقي وان الفكره متعجبكيش
عشق ..بالعكس ليه بتقول كده يمكن الدار دي الحلو فيها كان اقل بكتير من الوحش اللي شوفته انا واخواتي والبنات كلهم بس وجودي مع تمارا وزهره كان حلو وجودي مع كل البنات كان حلو اه حنان مكانتش بتهنينا علي اي فرحه تحصل فالدار بس كنا اتعودنا يمكن الوقت الوحيد اللي كنا بنشوفها بتتعامل معانا كويس هو الوقت اللي كان بيكون في زياره لحد مهم جاي الدار من قبلها بكام يوم كنا بنشوفها بتتعامل معانا بأحسن طريقه كانت بتخاف ان حد فينا يتكلم او يقول حاجه وحشه في حقها..
بس انا عموما عمري ما تخيلت الفكره دي هي فعلا فكره مجنونه بس احلي فكره واحلي هديه
ليل...انتي قولتي ان الدار احلي هديه جاتلك واحلي هديه هتجيلك بس اوعدك يا عشق طول مانا عايش كل عيد ميلاد ليكي هيكون احلي حاجه جاتلك بحبك ياعشق ولو هتمني حاجه من الدنيا دي بجد مش هتمني غير اني اشوف الضحكه اللي شايفها الوقت دي
عشق....وانا بحبك اوي ياليل مع اني يعني كنت زعلانه منك عشان مش بتكلمني الفتره اللي فاتت😔
ليل...لا ياشيخه انتي كمان عايزه انتي اللي تطلعي زعلانه المفروض مين اللي يزعل انا ولا انتي
عشق...وانت تزعل ليه بقي
ليل...ازعل ليه بصي انا مش عايز اتكلم في حاجه تزعل ولا كنت ناوي بس ادام انتي فتحتي الموضوع ماشي هتكلم اولا انتي اللي شكيتي فيا لما شوفتي ريما فالمكتب وانتي اللي كنتي بتتعاملي معايا وحش بسبب موضوع ادم ولما روحتي مقولتليش انا عمري ما هقولك لا علي اي حاجه وانتي عارفه كده بس اللي طالبه مكانش صعب اوي كده اني اعرف انتي فين مش تحكم زي ما انتي حسبتيها اد ماهو اني اكون مطمن عليكي وعارف انتي فين...
عشق....اولا موضوع ادم اه كنت مضايقه منك بجد عشان ادم ميستحقش منك كده وبخصوص موضوع ادم لما قولناله انك متأكد عشان شوفته قال ان الورق ده كان ورق خاص بورق الڤيلا وخاف يحطه مع ورق الشركه فا حطه في جيبه يعني لو كنت سألته بينك وبينه مكنش كل ده حصل
ليل...عشق سيبك من موضوع ادم عشان لو حصل ايه انا مش هصدق اي حاجه هو يقول اللي عايز يقوله طبيعي يبرأ نفسه واللي مخليني لحد الوقت محولتوش للتحقيق هي امي اللي واقفه بيني وبينه ومخلياني واقف عاجز اني اخد حقي
عشق...تاخد حقك من اخوك يا ليل
ليل...ادم لو طلب روحي هديهاله بس لو حاول يسرقها اكيد مش هسكت يا عشق فهماني
عشق...نسبنا الوقت من موضوع ادم عشان انت مقفل دماغك عالاخر...اما بقي في موضوع ريما حط نفسك مكاني كنت هتضايق ولا لا لما اعرف من شاهي انها معاك جوه الصبح كده بالنسبالي كانت غريبه انك تدي معاد بدري كده
ليل...والله ما اديت حد معاد اللي قولتهولك هو اللي حصل ويمكن ده اللي زعلني منك انك مصدقتنيش
عشق...مين قالك اني مصدقتكش بس يمكن اكون غيرت عليك ياليل
ليل...بفرحه بجد
عشق...باحراج ايوه بجد يارخم قبلها بيوم مجتش وطول اليوم قافل موبايلك وبتقول مشوار مهم وبعدها الاقيها الصبح وشويه وتتخانق معايا وتقولي انك هتمسك مشروعها وبعدها تختفي كذا يوم ولو جيت مش بتكلمني
ليل....اختفيت قبلها عشان كنت بخلص مع صاحب الدار وبحاول اقنعه انه يسيبهولي وبعد محاولات كتير وافق وبعدها كنت بخلص معاه الورق وبسجل في الشهر العقاري كنت بحاول اظبطلك المفجأه وانا وامي تعبنا لحد ما خلصنا زياره البنات واقوالهم انا كنت متمرمط بين تسجيل وتخليص ورق وبين الداخليه وتحقيقات كنت بسابق الزمن عشان اخلص كل ده قبل عيد ميلادك والمفجأه تكون كامله مكنتش بكلمك عشان متحسيش بأي حاجه ولا تلاحظي حاجه خالص وعشان لما اجي اصالحك اصالحك الصلح اللي يليق بعشق مش اي صلح وخلاص
وبعدين بقي كفايه اوي اني حاولت اصالحك واعمل حاجه تفرحك بعد القلم اللي ادتيهولي انتي عارفه ياعشق اني في حياتي عمر ما حد رفع ايده عليا غيرك انا امي وابويا عمرهم ما عملوها ولا اي حد خلقه ربنا يتجرأ يعملها ولو حد مكانك يا عشق والله كنت دفنته حي
عشق...باحراج...تستاهل عشان انت قليل الادب
ليل...بابتسامه علي فكره انا معملتهاش قله ادب انا عملتها غضب يعني لو كنت معملتش كده كنتي زمانك الوقت بقيتي من الشهدا ياعشق بس حبيت اعاقبك بطريقه اسبشيال شويه😉
عشق...بابتسامه قليل الادب بقولك
ليل...لا قله الادب لسه مأجلها شويه بعد ما نتجوز 😉
ضحكت عشق وبعدت عينها عنه باحراج وارتباك
ضحك ليل عليها
ليل...بقولك ايه بتحبي الحمص
عشق....امممم جدا
ليل...طب بقولك ايه تعالي نجيب من الراجل اللي هناك ده
عشق...اه بس ليل السيوفي بجلاله قدره هيقف ياكل حمص من علي عربيه بسيطه زي دي
ليل....هو انا صحيح ليل السيوفي بس ده ميمنعش اني دايس في اي عربيه اكل في الشارع يا بنتي انتي هتتجوزي راجل مش فرفور يا بت 🤨🤨
ضحكت عشق عليه
بحبك ياليل
ليل...وانا بحبك اضعاف مانتي بتحبيني❣️
................
ركن جاسر عربيته وبص لتمارا
تمارا...انت وقفت ليه لا بقولك ايه الوقت متأخر والمكان هادي اوعي شيطانك يوزك لا اقتلك😒
ضحك جاسر عليها...يا بت انتي دماغك علي طول شمال كده طب ده انا طول عمري شمال بس موصلتش للڤيل بتاعك ده
تمارا...طول عمرك شمال ازاي ان شاء الله🤔
جاسر....اهدي يا وحش الحته مقصدش
تمارا...اه بحسب😒
جاسر...بقول ايه خلينا فالمهم انتي مالك فيكي ايه
تمارا...مالي ما انا كويسه اهو
جاسر...لا بقالك كام يوم حاسس انك متغيره
تمارا...ارتبكت لا خالص مفيش
جاسر...هو انا مش عارفك يا تمارا ولا ايه انتي مضايقه من يوم ما ميرنا وقفتني عشان تصالحني ويومها انا فاكر دبيتي معايا خناقه ملهاش اساس اصلا وكأنك بتتلككي انتي زعلانه مع ميرنا قوليلي انتي بدل ما انا اسالها بنفسي
تمارا...بسرعه لا متسألهاش بس بجد مفيش
جاسر....تمارا والله لو ما قولتي هسألها
تمارا....سكتت شويه وبصتله بص بقي انا بصراحه مش مرتاحه لميرنا
جاسر....ازاي
تمارا....ميرنا بقالها شويه متغيره وطريقتها واسلوبها معاك مضيقاني وانا سكت ومش حابه اتكلم لانها فالاول والاخر بنت خالك
جاسر....ابوه بردو مش فاهم طريقتها معايا ازاي بتتكلم بأسلوب مش حلو يعني ولا ايه
تمارا...اسلوب مش حلو ايه لا مقصدش كده خالص اقصد يعني انها. انها انها
جاسر...ماتقولي في ايه يابت انتي علقتي
تمارا...بصراحه كده انها معجبه بيك او بتحبك
بصلها جاسر وهو مبرق عينه وفجأه فضل يضحك لدرجه عصبت تمارا
تمارا...انت بتضحك علي ايه هو انا بقول نكته😡
جاسر....فضل مكمل ضحك
تمارا....انا هنزل وكمل ضحك انت
مسكها جاسر من ايدها وهو بيضحك استني بس يا مجنونه انتي
تمارا...بعصبيه بردو بتضحك
جاسر...مالازم اضحك اللي بتقوليه ده يضحك
تمارا...يضحك في ايه ان شاء الله
جاسر....عشان تمارا دي زي اختي بالظبط وهي نفسها عارفه كده يابت دي لما كنت بتعجب بحد او حد يعجب بيها كانت تيجي تقولي يبقي بتحبني ازاي
تمارا...ده مش سبب علي فكره مش يمكن كانت بتحاول تلفت نظرك والبعيد ما بيحسش😡
جاسر...بضحك البعيد اللي هو انا صح
تمارا...جاسر بلاش استفزاز متضحكش انا بتكلم جد انا بنت واقدر احس بمشاعر اي بنت زيي جاسر ميرنا بتضايق لما تلاقيني واقفه معاك بهزر بنضحك بنتكلم
والوقت واحنا ماشيين كنت حاسه انها مضايقه
جاسر...اديكي بتقولي اهو حاسه يعني مش متأكده وبعدين يمكن انتي عملتي حاجه ضايقتها عشان كده هي متغيره معاكي وانا معرفش لسانك والاهم من كل ده اظن ان هي قالت انها معجبه بهادي وهادي كمان قالهالها صريحه
تمارا...وانا ايش عرفني انها بتحبه فعلا وبعدين انا معملتلهاش اي حاجه والله
جاسر...ماشي يا ستي مصدقك طيب تحبي انا اتدخل واحاول اعرف في ايه
تمارا...لا لا خلاص متقولش ولا تعيد سيبها بقي كده لحد ما هي تتكلم
جاسر...زي ما تحبي بس عايزك تعرفي ان انا وميرنا استحاله يكون في بينا اي حاجه لا من ناحيتها ولا من ناحيتي
تمارا...ماشي
جاسر...افردي بوزك ده بقي بدل ما ازعلك يا وحش الحته😒😒
ضحكت...تمارا ماشي هفرده يلا روحني بقي
جاسر...ماشي😉
عدي كذا يوم عشق كانت بتروح الشركه و بتحاول تروح الدار لمني وسهام عشان يبتدوا الشغل فيه البنات كلهم مبسوطين زهره بتجهز الڤيلا هي وادم جاسر ونوح بيروحوا لادم بيتكلموا مع بعض معادا ليل وادم مكنش في بينهم كلام خالص
ليل...قرر انه ميتكلمش مع ادم ولا يحوله للتحقيق عشان والدته
فات اكتر من اسبوع الحاله والانسجام اللي بينهم كانت تجنن اللي بيجمعهم الحب كل يوم بيعدي بيقربوا من بعض اكتر واكتر...
وفي وسط ماهما بيقربوا من بعض وعايشين في حب وسعاده..كان فيه اللي بيحاول يخرب السعاده والحب ده....
في مكان اخر
اجتمعت ريما بهايدي وسامر وشاهي لاخر مره قبل التنفيذ.
ريما....ايه الجديد يا شاهي
شاهي...ولا اي حاجه كلهم عايشين في حاله حب وانسجام عالاخر والدنيا معاهم ماشيه تمام.
هايدي ...هي فين ميرنا وفين سراج باشا
ريما....هتفضلي غبيه لحد امته يا هايدي
هايدي....مش فاهمه
ريما...مش فاهمه لأنك غبيه
سامر....اكيد عشان جاسر
ريما...اهو قالك اهو
انا اديت سراج وميرنا معاد غير المعاد اللي هنتقابل فيه وقولت نتجمع احنا قبلهم بساعه...عشان في اتفاق مينفعش يسمعوه انا هصفي الكل ياهايدي مش هكتفي بحرق قلوبهم عالبنات وطبعا لو سراج عرف كده هيقف فيها عشان ابنه....لانه فاكر ان اي حاجه هتحصل بعيده عن ابنه وميرنا بايعه اي حاجه إلا ان جاسر يحصله اي حاجه وطبعا هي كمان لو عرفت هتبوظ الدنيا عشان خاطره
هايدي...اه فهمت
ريما...الحمد لله اخيرا
شاهي....هو انا ممكن اسال سؤال
ريما....اسألي
شاهي...هو انتي هتنتقمي من ليل في عشق ودي متوقعه هايدي في تمارا ودي متوقعه نوح وادم ليه
ريما...بضحكه غل انا عن نفسي ميخصنيش نوح ولا جاسر....انا اللي يخصني ليل وادم..هحرق قلبهم علي اللي بيحبوهم
شاهي...طب ادم ماله ومالك
ريما...ادم سبب كل حاجه وحشه في حياتي لولا ادم شافني وقال لليل كان زماني انا وهو في بيت واحد من سنين ماكنش عمره كرهني بعد حبه ده كله يمكن زمان انا فعلا غلطت بس اترجيت ادم كتير وكنت هبوس ايده انا ميعرفش ليل ورفض وقاله وباظت حياتي مع ليل ومن وقتها حتي بعد ما اتجوزت وبقي معايا الفلوس دي كلها حياتي عباره عن سواد مش بفكر في اي حاجه غير اني اعيشهم في جحيم احرق قلب ليل على الزباله اللي بيحبها واحرق قلب ادم وادمره هو شخصيا...حتي ليل السواد اللي بقي في قلبي من ناحيته مخليني مش شيفاه
اما بقي نوح وجاسر ف دول يخصوا هايدي وسامر
هايدي...يمكن عمري ماحبيت جاسر بس كمان عمري ما كرهته حتي لحد اللحظه اللي احنا فيها دي وبعد اللي عمله معايا كمان فالساحل مبكرهوش بس كل حاجه عملها فيا كان بيزيد كرهي لتمارا مش ليه..يوم ما طلبت انها تتقتل ومات بدالها الراجل اللي اسمه محمد اللي شغال فالشركه مقدرتش اقول لنفسي كفايه مقدرتش افكر في اي حاجه غير اني افضل انتقم منها واوجع قلبه عليها زي ما وجعني
سامر...انا بقي حابب انتقم من البت الزباله اللي اسمها نور عشان فكرت نفسها حاجه وعيشالي عالشرف والمبادئ والاخلاق عايشه في زمن مش بتاعها وانا مبحبش النوعيه دي مبيجوش معايا سكه وبزهق بسرعه كنت هنفضلها بس هي لعبت في عداد عمرها لما مدت ايدها عليا ونصيبها الاسود خلاني اشوف معاها نوح وده اكتر حد بكرهه في حياتي ويمكن ده اللي خلاني اصمم اني افضل وراها عشان اقهره عليها
شاهي....ياه ده كل واحد فيكم شايل ومعبي اوي...يمكن انا كرهت عشق ومكنتش بتنزلي من زور بس ده عشان انا كنت بحاول مع ليل وهو رافض او بمعنى اصح مكانش شايفني
يمكن من اول ما اشتغلت فالشركه وانا بصراحه انبهرت بليل شكله شخصيته ثقته في نفسه فلوسه زي اي بنت عندها طموح انا محبتهوش ولا هو عمره كان هيحبني حاولت الفت نظره بكل الطرق لكن مكانش هو هنا لحد ما ظهرت عشق كنت بشوفه واحد تاني سلمها نفسه وشركته وكل حاجه مبقاش بيفكر غير ازاي يسعدها وبس اخرهم يوم عيد ميلادها لما اشترالها الدار اللي كانت متربيه فيها
ساعتها مش متخيله ازاي يبص لعشق اللي ملهاش اصل وميبصليش حتى لو مره.
كانوا كل واحد فيهم بيطلع اللي جواه والكاس في ايده كل واحد فيهم بيظهر الغل والحقد اللي جواه من ناحيتهم لكن بوجهة نظره كانوا بيخططوا فالطريقه اللي تدمرهم من غير رحمه وكأن الشيطان هو اللي مجتمع بيهم...بعد شويه صغيره دخل سراج ومعاه ميرنا سلموا عليهم وأعدوا
سامر...حط كاس لسراج وميرنا
سامر...باشا اتفضل
سراج شكرا يا سامر
سامر...القمر بتاعنا
ميرنا...لا ميرسي يا سامر انا مش بشرب
سامر...غريبه حياتك كلها بره ومش بتشربي
ميرنا...لا عادي جربت قبل كده بس محبتهاش يعني فا مكررتهاش تاني لو في اي عصير تمام.
ريما...هتلاقي هناك يا سامر كل حاجه.
سراج...ايه الاخبار اتفقتوا علي ايه
ريما....زي ماقولنا هنحرق قلب الكل
سراج...بتحزير إلا جاسر ياريما
ميرنا....لا جاسر لا احنا متفقناش علي كده
ريما...ومين قال اني هعمل حاجه لجاسر جاسر اصلا مكنش موجود في اللعبه يمكن انا حطيته عشانك انتي وهايدي وبردو مش هعمله اي حاجه هوجعه بس في تمارا واظن ساعتها هايدي هتبقي مبسوطه وانتي كمان يا ميرنا والملعب هيكون ادامك مفتوح وقتها تقدري تحطي جون
ميرنا...بفرحه مستنيه اليوم ده بفارغ الصبر
سراج...مش فاهم ازاي يبص لتمارا دي اصلا
ريما....ماحنا هنعرفه غلطه بقي وهنخليه يكره اليوم اللي حبها فيه
سراج...التنفيذ امته خلينا نخلص بقي
ريما....ان شاء الله انا قررت انه هيبقي يوم الاجازه بتاعتهم واتفقت مع ميرنا امبارح فالتليفون عاللي هتعمله
سراج...طب وادم مختفي هنجيبه ازاي
ريما...انا هجيبه بطريقتي وهيجي متقلقش خصوصا انه واقع مع ليل ودي فرصه هو كده في مركز ضعف
سراج...عندك حق
هايدي..انا مستنيه اليوم اللي اشوف فيه تمارا تحت رجلي
ريما...بضحك متقلقيش كلها يومين عالاجازه وهكتب بأيدي النهايه نهايه عيلة السيوفي
سراج...بضحكه شر تقصدي ليل ونوح السيوفي
عشان وقتها مش هيبقي فيه غير سراج وجاسر السيوفي
ريما...بضحكة مكر متقلقش مش هيفضل غيرك
سراج بتحذير انا وابني ياريما.
ريما...اطمن😉
يتبع
 البارت الرابع والثلاثون.والخامس والثلاثون مدونة #موسوعة_القصص_والروايات روحوا البنات بعد ما وصلوهم …){kind=link}
تعليقات
إرسال تعليق