 |
تكملة قصة الشكروطة 💃 بقلم ✍️ سلطان زماني
عملت اكونت فيك ودخلنا أنا عبير نزلنا اكتر من بوست في
كذا مجموعة وكتير اتكلمو معانا ودخلو خاص في الي بيهزر
والي بيكدب لحد ما وصلنا لدكتور بتعمل العملية دي في
عيادة محترمة ومعها ترخيص من وزارة الصحة ومعتمدة
رحنا أنا وهي واتكلمنا مع دكتورة هناك واتفقت معانا اني
العملية تكون قبل الدخلة ب شهر او 20 يوم وسعرها هيكون
15 الف واتفقت معها اني انا الي هدفعهم فضلت تحضن فيا
وتبوس فيا ف الشارع وتقولي انا ازاي مكنتش وخده بالي
من طيبتك وجدعنتك دي أنا بحبك اوي ياريم بحبك اوي
قولتلها وانا كمان ياحبيبتي وخلاص مسمحاكي ومش فاكره
ليكي ولا حاجه وحشه ونفسي نفضل اخوات وأصحاب
وحبايب كده طول العمر رجعنا البيت وعمي ابو مروان حدد
ميعاد الخطوبة بعد شهرين أنا وعبير في يوم واحد ومروان
نزلي مرتين وخرجت معه وبحبه ليا وكلامه وخوفه وحنينه
عليا نسيت كل الدنيا وصلحت كل الناس بس مرات بابا
رجعت تاني تلقح وتغيظ فيا وشايفه اني انتصرت عليها واني
ازاي اتساوه ببنتها فضلت اعدلها واعمل نفسي مش شايفه
مش عايزه اعمل مشاكل بعد الخطوبة بابا جيه وطلب من
ماما أنها تسلفه فلوس يجيب تاكس أو تبيع شقة من الشقتين
الي كتبهم ب اسمها موفقتش وفضلت تردح وتعايره وتستفزه
بكلامها واتخانقو مع بعض خناقة لرب السماء وضربها بالقلم
وقالها أنه هيسافر بكره وأنه مش عايز يشوف خلقتها تاني
استغليت الموقف ودخلت فتحت الدولاب ولميت كل الدهب بتعها وانا
طالعه من الاوضه عبير شافتني اتخضت بس مسالتنيش عن
حاجه دخلت اوضتي لبست بسرعة ونزلت عند محل صدام
قولتله خلي دول معاك وماما هتعدي عليك بكره تخدهم قالي
اي دول قولتله دهب اشتريته فتح الكيس وقعد يضحك قالي
ده ع اساس أنه كيلو جوافه ما تنطقي يابت اي حكايتهم
البتوع دول
قولتله سرقتهم من الي ماتتسماش مرات بابا قالي اه قولي
كده يا حرمية انتي يابت مش ناويه تبطلي سرقة بقا وتتوبي
قولتله ما انت عارف يا اخويا معنديش شغلانه غيرها أنا
السرقة بتحري في دمي فضلنا نضحك ولما جبتله سيرة اني
خلاص كلها شهور ومش هيشوف وشي تاني واني هعيش في
الغردقة وشه انقلب وغيرته بانت عليه وقالي ربنا يسعدك بس
بحزن غيرت الموضوع بسرعه واخدت جراب للموبيل بتاعي
واشتريت سماعة وقولتله أنا هروح قبل ما حد يرجع
واتكشف وبلف وشي وماشية مسكني من ايدي جامد وقالي
انتي عارفه انتي عندي اي ولا قولتله عارفه قالي ابقي اطمني
عليا وطمنيني عنك ياريم واوعي تنسي صدام قولتله انت
عملت معايا ياصدام الي ميخلنيش اقدر ولا اعرف انساك
عمري فضل يبص عليا زاي ما يكون بيشبع مني وحاسس أنه
مش هيشوفني تاني او دي اخر مقابله بنا وانا بصه في
الأرض بالعافيه ساب ايدي وانا اخدت بعضي ومشيت
واتصلت ب امي قولتله اعملي حسابك تنزلي القاهرة بكره
قالتلي ليه قولتلها لما هتيجي هتعرفي وقعدنا نحكي شوية
وعرفت منها أنها أطلقت من جوزها بسبب ولاده ووطلباتهم
الكتير الي مش بتخلص وأنها قاعده في شقة ستي الله
يرحمها
يتبع
تعليقات
إرسال تعليق