 |
👌كمان بارت اهو علشان انتو غالين عليا 💥
بقلم ✍️ سلطان زماني
ماما جت القاهرة وخليت صدام قبلها واخدت الدهب
وسالتني قولتلها ده حقك قالتلي حقي ازاي جبتيه منين
ياريم قولتلها ده دهب المحروسة الي بابا كان مفضلها عليكي
وكل خيره رايح ليها وانتي تخدي الفتافيت قالتلي يانهارك
اسود ياحبيبتي خلاص انا نسيت الايام دي ومش عايزه
حاجه ولا عايزه يحصلك مشاكل بسببي انتي رجعيهم مكان
ما جبتيهم اتعصبت عليها وقولتلها متخلنيش اعلي صوتي
ويسموعني هنا اعملي الي بقولك عليه بطلي طيبه بقا
وساذجة يا امي طيبتك دي الي خلتهم يستضعفونا
ويستغلبونا ده حقك يا امي ولما تروحي كلميني طمنيني
وهقولك تعملي اي قالتلي حاضر يا بنتي بس انا جيت وكان
نفسي اشوفك واشبع منك انتي وحشاني اوي قولتلها المره
الجاية أن شاء الله تشوفي بنتك في بيت جوزها وابقي
ابعتلك تيجي تصيفي وتقعدي معايا متنسيش بقا تكلميني لما
توصلي بالسلامة
كلمتني أما وصلت وقولتلها انتي كل يومين تروحي محل
شكل وتقوليله أنا عايزة ابيع وبعد ما يبعلك وتاخدي الفلوس
اتفرجي علي الحاجات الي عنده واشتري من عنده وخليه
يعملك فاتورة ب اسمك وفعلا عملت كده
بعد اسبوعين اكتشفت مرات بابا اني الدهب اتسرق وسمعتها
بتصوت وتلطم عرفت انها عرفت سمعها بتقول ابن الكلب
الواطي سرقني وديني ما أنا سيباه طلعت لقتها قاعده ع
الأرض نورهان بتهديها وعبير بصتلي بصه أنها قاريه الحوار
عملت مش وخده بالي وفضلت اقولها افتكري ياماما يمكن
ادتيهم لحد وانتي ناسيه قالتلي بت انتي أنا عفاريت الكون
كله بتتنططط في وشي وقامت مصوته جامد وقالتلنا كلنا
سوبني في حالي مش عايزه اشوف حد سبتها ودخلت
اوضتي لقيت عبير جايه ورايا وقفلت الباب وقالتلي انتي الي
عملتيها ياريم صح قولتلها ايوا أنا
قالتلي يخربيت دماغك دي
انتي جبتي القلب ده منين ده انا بخاف افتح شنطتها اخد
فلوس منها مع انها قالتلي كذا مره لما تعوزي فلوس خدي
قولتلها لو شفتي القسوة والظلم والغباء الكره الي انا شفته
منها كان جالك قلب زاي وكنتي عملتي اكتر من الي عملته
عارفه ياعبير
عبير..عارفه ايه
ريم ..أنا الي حايشني عن امك ايه
عبير ..ايه
ريم .. زعل رحمه وسيف مني لو عملت فيها حاجه وزعلهم
هما علي امهم .
.دول الي كانو معجزني اني افكرلها في نصيبه واخلص منها
أو اذيها بجد لولا دول قسما بربي كنت خلتها تمشي في
الشارع تكلم نفسها زاي المجانين
عبير ..وانا ياريم مش غالية عندك زيهم
ريم ..أنا مهنش عليا اكسر عين سيف اخويا لما الدنيا كلها
تعرف اني أخته مش بنت
..كنت هرتاح وناري تبرد لو قولت اه
كنت عايزة اعرف امك اني مش شكروطة ولا بنت شكروطة زاي ما قالت عني كتير
بس مقدرتش انطق بحرف حنية سيف وحبه ليا هو ورحمه
لجمو لساني اكتفيت اني اعيشك شوية في قلق وخوف
وبعدها يعلم ربنا حبيتك وصعبتي عليا والدم حن وحاليا
غلاوتك متفرقش عنهم حاجه بس امك ونورهان استحالة
اصفالهم
عبير حضنتني ومسحت دموعي وقالتلي والله ياريم أنا
بحبك وانا اسفه ياحبيبتي علي كل حاجه وحشه عملتها
معاكي مكنش قصدي ومكنتش اعرف انك بالطيبه والحنيه
والجدعنه دي
يتبع
تعليقات
إرسال تعليق