مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

💥النهاية 💥بقلم ✍️ سلطان زماني 

 عمي ابو مروان اتلكم بخصوص الحاجات بتاعتي وكده وبابا 

قاله أنه الدنيا معه مش متظبطه ومكنتش عامل حسابي أنا 

حاطط لكل وحده فيهم 50 الف والي خلاني كنت موافق ع 

خطبها الاولاني أنه كان هيجيب كل حاجه وعمي شاف أنه 

هيبقا حمل عليه وعلي ابنه 

الي عرفته بقا من سيف اخويا اني ام مروان نزلت بفلوس 

ورثها اشترتلي المطبخ والغسالة 

والتلاجة والبوتجاز حتي اطقم الملايات والفوط والبشاكير 

وحاجة المطبخ كلها وأنها فرحان بيا وشايفه اني استاهل اكتر 

من كده وقالت ل مروان هي دي يابني الي هتعمر معاك 

وهتحافظ عليك دي مش زاي بنات اليومين  دول. وخد بالك 

دي بنتي قبل ما تبقا مراتك شلها في عنيك يابني وهي 

هتشيلك في قلبها البت دي قلبي ارتحلها من اول ما شفتها

 وهو قالها 

أنه بيحبني وأنه بجد نفسه يرضيني ويسعدني  

..........          .........  ......    .....................

نرجع بقا للي تنشك مرات بابا 

مرات بابا خربت الدنيا علي بابا وقالتله دهبي يرجع قعد 

يشتمها ويقولها بعد العشرة دي كلها تسرقيني  وسيف كلمها 

وقالها عيب واخواتها وهي مش سكته وتعبت واتحجزت 

يومين في المستشفي وبابا صمم أنه يطلقها بعد فرحنا انا 

وعبير ووصلها الكلام أنه مش طيقها وأنها مش ست اصلا ولا 

عمرها عجبته ولا كان مرتاح معها واني ام ريم برقبتها 

اول ما عرفت اتجننت وفضلت تتصل بيه وتهزقه لحد لما 

مبقاش يرد عليه ولا يعبرها وبقت تكلم مرات عمي ام مروان 

تسألها عليه وتقولها خليه يرد عليا ويكلمني وتقولها حاضر 

هقوله 

لحد ما في مره سمعتها وهي بتكلمه وبتقوله يعني انت فعلا 

كرهتني وهتطلقني يا ابو سيف خلاص يا اخويا أنا مسمحاك 

بس ينفع تطلقني بعد العمر ده كله ..دي كانت ساعة شيطان 

حقك عليا يا اخويا وبابا كان فعلا خلاص نفسيته قفلت منها 

وناوي علي الطلاق عرفت من مروان بقا اني أبوه اقنع بابا أنه 

يهدي الجو معها ويرجع لحد ما يخليها ترجعله الشقتين 

بتوعه حقه وبعد كده اتلككلها ع اي غلطة وطلقها بابا اقتنع 

بكلامه وبدأ يلطف الجو معها خلاص احنا كان باقي علي 

ميعاد كتب الكتاب والدخله اقل من شهر كلمنا الدكتوره 

ورحنا أنا وعبير العيادة ومسكه في أيدي اوي ومرعوبة وانا 

كمان قلقانه وخايفه عليها اوي بس مش راضيه احسسها 

بحاجه وعماله اقولها اهدي ياقلبي أنا معاكي اهو متخفيش 

دي عمليه بسيطة وهبله اجمدي كده يابت ده احنا هندخل ع 

مرحلة الحمل والولاده وفي بلاوي مستنيانا واضحكها لحد ما 

فكت دخلت هي وفضلت مستنيها برا اول ما الدكتوره 

خرجت جريت عليها وانا وشي كله اصفر ومخضوضه اوي 

عليها قولتلها اي يادكتوره الاخبار ابتسمت وطمنتني قالتلي 

الموضوع مش مستاهل القلق ده كله بعد شوية هتخرج اهم 

حاجه تمشي علي التعليمات مظبوط دخلتلها فضلت العب في 

شعرها واطمنها وقامت لبستها هدومها وروحنا  تقريبا كده 

عبير ال24 ساعة معايا مش بتسبني لحظة بقيت انزل أنا 

وهي نشتري الحاجات الي نقصها واشتري لنفسي ولما لقتها 

مستغربه اني بجيب الحاجات دي منين قولتلها اني بعت 

الدهب بتاع مامتها اشتريت قمصان نوم وهدوم خروج كتير 

اوووي ومرات بابا كانت شكه اني باخد من فلوس عبير 

واجيب وهي قالتلها اني امها بعتتلها فلوس وهي جت معايا 

استلمنها بعتنا الحاجات دي في شركة الشحن وعمي ومرات 

عمي نزلو قبل كتب الكتاب ب 3 ايام وحجزو القاعة  وحجزنا 

الفساتين والكوافير واتفقوا علي كل حاجه ومروان مضي 

علي قيمتي والشهود بابا وجوز رحمه ومروان قام وادنهاني 

وقالي دي حقك وباس ايدي قدام الكل وحضني 

ورحمه وسيف اخويا عملولي حنه تحت البيت عمري ما كنت 

أحلم بيها وكان كفايه عليا بجد فرحتهم الي شيفاها في 

عينهم بيا وعملنا الفرح وكانت ليلة ولا الف ليلة وليلة وربنا 

كرمني ب ام تانيه عوضني بيها عن كل الحرمان اي شفته من 

مرات بابا والحمد لله حاليا أنا ملتزمة وبصلي الوقت بوقته 

وبخاف ربنا في جوزي وبعيش اسعد ايام حياتي مع اخويا 

وابني وجوزي وحبيبي مروان ابن عمي ♥️

قولو بقا رايكم واستنوني في قصة جديدة تحياتي 

واحترامي  للجميع ♥️