 |
قصه كامله
انا ريناد عندي عشرين سنه يتيمه فتحت عيني لاقيت نفسي في ملجأ اسأل نفسي ي ترا انا جيت هنا عشان أهلي مش موجودين ولا لا طب لو موجودين لي اتساب هنا
كارولين: رينو
اعرفكم دي كارولين صحبتي المقربه اكتر حد بحبو في المكان دا وبخاف عليها اوي ومقدرش ابعد عنها ابدا
....
ريناد بدأت تكتب لها : مالك ي مجنونه
اه نسيت اعرفكم انا خرساء
كارولين: انتي مالك بقيتي تقعدي لي بعيد عني
ريناد : انا جنبك ي حبيتي بس انا لاقيتك نايمه سيبتك وقعدت هنا لحد لحد.ما تقومي
كارولين وبتحضن ريناد
كارولين : لا من فضلك مش تسيبني خالص افضلي جنبي
الله الله انتو هنا ي قطط
قومي ي بت منك ليها شوفو شغلكو
التفتت كارولين لصوت دا تعرفو جدا وبتنزعج جدا كمان لما تسمعو
كارولين بهدوء مصطنع : مالك ي ابله نوره خير
نوره بتعوج : خير ي ختي خودي الخرسا دي وروحو المطبخ امسحو ولا انتو مش وراكو غير القعده والكلام والأكل والنوم وبس
كارولين بعصبيه : اياكي تقولي عليها خرسا انتي فاهمه والله اجيبك من شعرك وامسح بيك بلاط الملجأ انتي نسيتي ولااي
نوره بغيط : والله لتشوفي هعمل فيك اي اصبري عليا
كارولين : في داهيه
ودي بقا نوره بنت معانا في الملجأ بس زاي ما بتقولو بتمشي الملجأ علي مزاجها وتقول دا يعمل اي ودا مش يعمل اي ودا طبعا من أوامر المديره ولكن هيا مش باصه غير لينا انا وكارولين وبتحب تفضل تدايقنا
ريناد بتكتب في الدفتر : مش كان لازم تعملي كده المديره هتيجي
كارولين : مش تخافي
سكوووت
نوره : اهي ي ابله نجوي
نجوي بعصبيه : انتي لي علطول عامله ازعاج
كارولين لسه هتكلم راحت نجوي ماسكها من شعرها
كارولين بتألم : هيا الي غلطت صدقيني
قامت ريناد بسرعه تحاول تفك ايد نجوي من علي شعر كارولين
قامت نوره زقها علي الارض
كارولين وهيا لسه ايد نجوي ماسكها من شعرها : ي حيوانه
نجوي : شوف البت البجحه بتشتميها وأنا واقفه قدامي
ريناد فضلت تمسك في نجوي وتهز رأسها ب لا
نوره بضحك : معلش هنعلمها الادب ونجيلك
فضلت ريناد تعيط جامد
البنات فضلو يهدو في ريناد لكن هيا خايفه اوي علي كارولين ليعملو فيها حاجه واحشه
نجوي بشر : انا عارفه انك خدتي علي الاوضه المعفنه دي ومش هحرمك منها وزقتها جامد
كارولين بعياط : لا انا اسفه خلاص مش هعمل كده تاني طلعوني
بس ولا اكأن حد سامعها
بعد يومين من حبس كارولين
ريناد رافضه الاكل ومش بتنام فضلت تفكر تطلع صحبتها ازاي
لحد ما خلت الكل نايم وقامت راحت الاوضه الي كارولين فيها حست كارولين بحد بيحاول يفتح الباب لاقت ريناد جريت حضنتها مسكتها ريناد جامد وفضلت تجري وفتحت الباب وفضلت كارولين تقولها بتعملي اي يلا نرجع وريناد بتحط طوب كتير وشدت كارولين تساعدها تطلع علي السور ونزلوا وفصلو يجرو وحست بالحريه
ورمت المفاتيح في الجنيه وهيا برا
كارولين كل دا مصدومه : انتي مجنونه جبتي المفاتيح دي منين
فضلو ماشيين ومش لاقييين عربيه وقعدو في مكان شبه الصحرا قعدو اكتر من ساعه
فجاه وقفت عربيه نقل
نزل منها واحد كبير في السن
انتو مين ولي قاعدين هنا
كارولين بخوف : احنا
ريناد طلعت دفتره وكتبت ممكن تساعدنا
المجهول : تعالو اركبو
كارولين : لا مش هركب
المجهول : متخافيش ي بنتي انا
عندي ولاد قدكو اكيد مش هاذيكو
ركبوا وفضلو راكبيين نص ساعه وقفو قدام بيت في حي شعبي
البنات نزلت يبصو حوليهم
المجهول : تعالو معايا
فضلو واقفين
لو لسه خايفين خودي دي مفاتيح اوضه علي السطوح وانا اسمي محسن
ابتسمت ريناد
كارولين : شكرا لحضرتك
طلعو الاوضه واستغربو أنها مترتبه وفيها سرير
بس من التعب نامو
تاني يوم الصبح
كريمه : يلا ي حج الاكل جاهز
محسن : طيب اعملي اكل زياده
كريمه : لي ي حج
محسن : استني لما يحيي يجي يقعد معانا
يحيي : وانا جيت ي حج خير
محسن : اوضه السطوح بقا فيها ناس
كريمه : ناس مين دول
محسن : بنتين وانا جي بليل الساعه عشره لاقتهم قاعدين علي الطريق كونت بجيب بضاعه زاي ما قولتلك وانا راجع شوفتهم ركبتهم
يحيي : مش يمكن مش كويسين ي بابا
محسن : ي بني دول باين أنهم صغيرين
كريمه : طيب لي في الوقت دا طلعو وقاعدين كده في الطريق
محسن : الله اعلم عاوزك تجهزي اكل وتطلعي لهم وتفهمي منهم اي الي حصل لهم
كريمه : حاضر
يحيي انا نازل عاوزين حاجه
محسن : مش تتاخر عشان في حاجات هتعملها
يحيي : حاضر سلام
يحيي وهوا نازل خبط في بنت
حاسبي ي بنتي هتوقعي
انتي مين
أما شاف أنها نازله من فوق افتكر لما الحج محسن قال في بنات بقو عايشين فوق
يحيي : انتي الي بابا جبها امبارح صح
بصت له ريناد وكتبت له انت مين
يحيي : انا يحيي ابن الحج محسن الي جابك امبارح انتي وبنت كمان
ريناد : اسفه اني خبطتك مختش بالي
يحيي : ولا يهمك وقال دي اكيد مش بتسمع وهوا مش بيفهم في الاشاره
فهمت ريناد هوا بيفكر في أي كتبت له انا بسمع بس مش بتكلم
زعل اوي يحيي عشانها واتحرج : انتي رايحه فين
ريناد : انا نازله اشوف شغل
يحيي : اظن انتي جايه مع شخص امبارح تبقي تستني وتشوفي اي هيحصل وتفهمي الاول المكان ممكن تطلعي دلوقتي ماما هتطلع ليكو
ريناد هزت راسها بنعم وطلعت
ضحك يحيي علي طفولتها وأنها سمعت كلاموو : مطيعه وقمر
طلعت ريناد الاوضه
كارولين : انتي كونتي فين
ريناد : مفيش كونت عاوزه اشوف شغل
كارولين : انتي مجنونه ي بنتي احنا منعرفش حاجه هنا ولا الناس الي جينا عندهم دول واحكيلي الي عملتيه امبارح دا
ريناد بدأت تكتب لها
اكيد مش هنفضل في مكان زاي دا طول عمرنا وياريت عايشين كويس طول الوقت ضرب واهانه هنفضل في كده لحد امتا انا زعلت اوي علي الي حصل ليك
مكونتش اقدر اقعد اكتر من كده في المكان دا وانتي بتتاذي فخليت نجوي وهيا بتمر علينا بليل قبل ما تمشي خدت المفاتيح من غير ما تحس وخلتهم نامو وخدت ورقنا وطلعت ليك وهربنا ودا احسن لينا هنتعب شويه بس هنعرف نعيش احسن من المكان دا انا تعبت وانتي اكتر حد حاسس بيا وعارفه اني مش هقدر اكمل
كارولين بعياط :. انا اسفه ي حبيبتي اسفه خلاص انا معاكي في كل حاجه بس اكيد نجوي بدور علينا هنعمل اي
ريناد بخوف : مش عارفه
في مكان تاني
نوره : هربو ازاي
نجوي : مش عارفه انتي نايمه مش حاسه ولا الأمن حاسس
بقا عيال زاي دول يغفلونا
نوره : هنعمل اي
نجوي : ورقهم هيرجعهم
نوره : ازاي
نجوي : مش هيعرفو يمشو من غير ورقهم
نوره صح
نجوي بصدمه : الورق فين
نوره : خلاص بقا انسي
نجوي : ولاد ال والله ل اجبهم
............
كريمه طلعت لهم وخبطت
كارولين : مين حضرتك
كريمه بابتسامه : انا مرات الحج محسن
ريناد وقفت
كارولين : اتفضلي
كريمه : ي حبايبي انتو صغيرين فعلا
بصوت بقا انا بمثابه امكو طبعا اي حاجه تعوزها تقولو يلا بقا قومو كولو
كارولين تعبتي نفسك شكرا
كريمه : ولا تعب ولا حاجه
بصت ل ريناد اي حبيتي واقفه لي تعالي كولي
كريمه : والله ربنا عوضني أن يرزقني بيكو احكو ليا بقا انتوومنين واي حصل معاكو
.. ..
محسن : مالك ي كريمه
كريمه بحزن : زعلانه اوي عشان البنات دول
محسن : والله اول ما قولتي ليا وانا حزين عشانهم
كريمه : طيب هنعمل اي ي حج
اكيد الست دي مش هتسكت
يحيي : السلام عليكم
محسن وكريمه وعليكم السلام ورحمه الله وبركاته
كريمه : شوفت ي يحيي
يحيي : خير ي امي
كريمه : البنات هربانين من الملجأ
يحيي : اكيد مش هيسكوتو اول ميعرفو بهروبهم
كريمه : لازم تروح ونشوف هنعمل اي ي حج
محسن : تعالي ي يحيي معايا
في الملجأ
نجوي : مين
محسن : البنات عندي
يحيي : اي بابا دا
محسن اسكت
نجوي : بجد
محسن : انا حابب اتولي مسؤولية ريناد وكارولين
نجوي : البنات هربو ومش بقا ليهم اي ورق عندي والكاميرات كانت موقفه وهربوا من الباب الي عند الجنينه عشان الأمن
وهبلغ عنهم
محسن : فلوس اهي ولا اكانك شوفتي البنات دي
نجوي : ي باشا مش حكايه فلوس
محسن : اومال
نجوي : خلاص مش مهم انا اصلا مش فارق معايا هوما فين بس طلع من وراهم شغل حلو اهو
محسن : امضي بقا انك مش هتتعرضي لهم ابدا ولا شوفتيهم
نجوي : اتفقنا
بعد اسبوع
يحيي : بابا انا عاوز اتجوز
محسن : مين بقا الي عاوز تجوزها
يحيي : ريناد
محسن : بس ي بني دي بقالها اسابيع هنا لحقت تحبها
يحيي : من اول نظره يىحج
محسن : ماشي ي عم نشوف رأيها الاول
كريمه : فرحت قلبي يواد
يحيي : اهدي ي ماما مش عاوز حد يعرف أما نشوف رأيها
كارولين : انتي مش واخده بالك حاجه
ريناد : من اي
كارولين : من يحيي
ريناد : مالو
كارولين : بيحبك
ريناد فرحت بس افتكرت
الحادثه الي حصلت لها
كارولين : مالك
يحيي : ريناد ممكن اتكلم معاك شويه
ريناد طلعت وقفت معه
يحيي : اكيد حسيتي بالي هقولو
ريناد فضلت تصرخ
ويحيي مستغرب في أي
كارولين : طلعت تجري والحج محسن وكريمه
كارولين : في أي
ريناد : ابعد لا ابعد
كارولين : اهدي مالك بس
يحيي جه يمسك ايديها صرخت اكتر
يحيي زعل ونزل علي تحت
كريمه راحت تساعد ريناد تدخل اوضتها
كارولين : انا هروح اكلم يحيي
كريمه : ماشي ي بنتي
كارولين : يحيي
يحيي بدموع : انا عملت اي عشان يحصل لها كده
كارولين : مش انت
يحيي : في أي ي كارولين ممكن تحكي
كارولين : ريناد فقدت النطق بسبب واحد من الأمن اتهجم عليها وهيا في الجنينه لوحدها من وقتها وهيا مش بتكلم
ويحيي بغضب : والكلب دا فين
كارولين : اتحبس
يحيي مش تيأس خليك معاها
يحيي : مش هتبقا لحد غيري
ريناد بدأت تفوق
كريمه : مالك ي بنتي انتي كويسه
ريناد هزت راسها بنعم
بعد شهرين
وطبعا لسه يحيي بيحاول يقرب ل ريناد ومش بتخليه طبعا يكلمها
دخلت كارولين الاوضه بحزن
ريناد : في أي
كارولين : يهمك
ريناد : انا تعبانه مش ناقصه
كارولين : يبقا اسكت
ريناد : مش قصدي اتكلمي
كارولين : يحيي هيخطب
ريناد بصدمه بتحاول تداريها
طلعت برا شافتو مشي اول ما شافها استغربت
راحت وراه
يحيي : مالك مش انتي مش عاوزني لي جايه ورايا عاوزه أي انا هريحك مني انتي خلاص مش هتشوفيني
عيطت ريناد
يحيي : كفايه بقا لي بتعملي كده انا مش فاهم انا مش نضغط عليك
ريناد اتكلمت بصوتها : مش تسيبني
يحيي مش مصدق : اي قولتي اي
ريناد بعياط : انا اسفه علي كل حاجه دايقتك مني
يحيي : بعد اي ما خلاص فات الاوان خلاص هخطب
ريناد : اسفه ربنا يسعدك عن اذنك
يحيي مسك ايديها : اي ي بنتي جادليني زعقي اتمسكي بيا زاي ما فضلت متمسك ومتعلق بيك من يوم ما شوفتك معقول لدرجه دي
تستسلمي سمعيني صوتك دا احلي صوت سمعتو في حياتي كلها
ريناد : انا كونت خايفه
يحيي : اوعي تخافي جول ماانا معاك بحبك اوي ي ريناد
ريناد : بحبك
طلع محسن وكريمه وكارولين بتزغرط
كريمه : يااا فرحتو قلبي
كارولين بتحضن ريناد : اي اليوم القمر دا اخيرا سمعت صوتك وهشوفك بالابيض
ريناد : اي دا انتي بتصنتي علينا
يحيي : هيا الي اتفقت معايا ونخليك تتحركي بقا ي شيخه
ضحك الجميع
محسن : يلا بقا عشان نجهز للفرح
واتعمل اكبر فرح ل يحيي وريناد. والكل كان فرحان بيهم
ريناد كونت خايفه أفضل طول حياتي لوحدي بس ربنا بيعوض وفعلا عوضني باحلي عيله
يحيي : زوجتي المصون بحباااااك
كارولين : ولووولوووووووووووووووووي
النهايه
يارب يعجبكم خد وقت كبير مني يارب اشوف تفاعل كومنتات تفرح
تعليقات
إرسال تعليق