مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤بقلم سولييه نصار

-أنا عايز أطلقك! 

اتصدمت من طلبه... عيوني دمعت وانا بسمع كلام حسن.... أنا وحسن اتجوزنا بس من تلات شهور... هو مبيحبنيش بس أنا بحبه هو جاري وحبي الأول بس هو عمره ما شافني حتي لو اتجوزني مقدرتش اكسب قلبه..

-عارف يعني ايه تطلقني بعد تلات شهور من جوازنا... أنت عارف الناس ممكن تقول  عليا ايه؟! 

-وأنا مش هقدر أعيش معاكي بالشكل ده مقدرش اظلمك.... مقدرش أكون معاكي وانا بفكر في واحدة تانية غيرك 

-واتجوزتني ليه؟! 

-كنت فاكر أنك هتقدري تنسيهالي بس فشلتي... كل يوم بفتكرها... كل يوم بتوحشني.... كل يوم بنفر منك أكتر.... مش بإيدي والله يا نعمة 

-بس بإيدك تطلقني وتخلي الناس تجيب سيرتي... حرام عليك يا حسن أنا عملتلك ايه لده كله أنا مأجبرتكش تتجوزني!! أنت اللي خبطت علي باب بيتي وطلبتني!! أنت اللي طلبتني ووعدتني أنك هتحافظ عليا ومش هتكسر قلبي

-أنت اتجوزتيني وانتي عارفة إني مبحبكيش 

-كلامك صح أنا عارفة أنك مبتحبنيش رغم حبي ليك بس افتكرت  أنك راجل وقد كلمتك لما وعدتني أنك مش هتجرحني بس للاسف طلعت غلطانة 

-نعمة احترمي نفسك 

ابتسمت بتريقة :

-ايه الكلمة وجعتك يا باشمهندس... كلامي مش صح يعني اللي بيرجع عن وعده ميبقاش راجل أنت دايما اللي بتقول كده 

-أنا.... أنا 

-أنت إنسان أناني في الأول عشت دور الضحية بسبب أن اللي بتحبها خانتك مع صاحبك واتجوزته وجيتلي تتجوزني ووعدتني بالأمان.... أنت قولت يا حسن أن الخيانة بتوجع فازاي توجعني كده 

-أنا مخونتكيش! 

-لا خونتني... لما تفكر فيها تبقي بتخوني لما تشتاقلها تبقي بتخوني. 

-أنا عايز اطلقك عشان كده عشان انتي متستاهليش إني اخونك بالشكل ده.... انتي إنسانة طيبة وتستاهلي كل خير 

-فعلا أنا انسانة طيبة وهبقي طيبة بس مش معاك 

-يعني ايه؟! 

قالها وهو متوتر فابتسمت وقولت:

-يعني أنا مش موافقة علي الطلاق يا حسن... لو عايز تطلقني يبقي فورا تسلمني النص مليون اللي كتبتهم علي نفسك مؤخر... 

-بس انتي قولتي أن دي شكليات وانك مش عاوزة مؤخر وحتي كنتي هتقطعي الورقة اللي ابوكي صمم يمضيني عليها 

-حضرتك ده كان كلام انفعالي في ساعة وردية كده لكن في السواد ده لازم ابقي واقعية بابا كان عارف نوعيتك عشان كده ضمن حقي 

-أنا مش معايا المبلغ ده حاليا 

-مش مشكلة استناك لحد ما تجمعه ولحد ما تجمعه أنا هبقي علي ذمتك... تصبح علي خير يا بيبي ياريت تنام في أوضة الأطفال لأني مش طايقاك 

...... 

مرت الأيام بيني وبين حسن في شد وجذب وبدل ما كان هو بينفر مني أنا بقيت بنفر منه ومطنشاه... قررت أطلع واشتغل وابني كياني وعرفت أن اللي بتسلم حياتها لراجل هي اللي خسرانة.... استمر روتيني كده ما بين مشاكل مع حسن وشغل لحد في يوم ما لقيته داخل عليا بواحدة لابسة فستان فرح!! 

-نونو حبيبتي أحب أعرفك بعليا مراتي الجديدة 

-يا نهار أبوك مش فايت!!!! 

يتبع

الجزء الاخير❤❤بقلم سولييه نصار 

-ايه يا نونو بس متضايقة ليه حقي اتجوز... زي ما حقك تاخدي المؤخر ولو مش عاجبك ارفعي خلع واتنازلي عن حقوقك أو اضربي رأسك في الحيط أيهما أقرب... 

بصتله بغيظ كان نفسي اخبطه علي رأسه وأمسح الابتسامة السخيفة دي... بس لا التهور مش هينفع.... اخد الحق حرفة.... وفي اللعبة دي أنا اللي هفوز .... ابتسمت ببرود وقولت :

-مبروك يا حيلتها 

قربت من حسن وقولتله بصوت واطي :

-والله يا هباب البرك أنت لاطين عشتك أنت وباربي اللي جيبهالي دي هتشوف يا حسن 

-وماله يا نونو 

-انت اللي بدأت أفتكر 

-هفتكر متقلقيش 

..... 

دخلت اوضتي وقفلت علي نفسي الباب.... الحيوان يتجوز عليا ويجيبها شقتي... أنا هوريك يا حسن أما خليتك تلف حوالين نفسك مبقاش أنا 

طلعت تليفوني واتصلت باللي هتقدر تساعدني كويس 

...... 

-بعد أسبوعين 

جه إخطار لحسن إني رفعت عليه قضية طلاق للضرر 

-نعمة!!!!! 

صرخ حسن فجريت حوالين السفرة وأنا بقوله:

-أعقل كده هتبقي قضيتين قضية طلاق للضرر وقضية اعتداء 

-أنا هخليها قتل يا نعمة 

جريت علي أوضة النوم وقفلت الباب علي نفسي وقولت:

-الله متبقاش قماص يا أبو علي أنا مرضتش أرفع عليك قضية خلع اكراما للعشرة 

-اكراما للعشرة ولا عشان تخليني علي الحديدة! 

-الاتنين يا حسحس بعدين خلاص روح لمراتك عيب كده ومتزعجنيش عشان موقفك في القضية ميبقاش وحش 

-ماشي يا نعمة والله لاوريكي 

ابتسمت وأنا بفتكر اللي عملته لما البيه اتجوز... اتصلت بصديقة عزيزة وهي محامية شاطرة.... كنت محتارة اعمل ايه بالضبط... نصحتني إني مرفعش خلع والا هخسر كل حاجة.... نصحتني إني اعمل طلاق للضرر عشان أقدر اخد حقوقي منه... قالتلي أنه عشان اتجوز عليا أقدر حقوقي لأن ده يعتبر اذي نفسي ليا غير أنه جاب مراته تعيش معايا... كل حاجة كانت متسهلة ليا وصاحبتي وقفت معايا في كل خطوة.... رحنا ورفعنا قضية عليه وقدرت أجمع شهور اللي هما جيراني اللي شافوا بعينهم أنه جاب مراته تعيش معايا!! كان مدان من كل النواحي والمرة دي نويت اخد حقي كامل... مش هشفق عليه... هو مشفقش عليا لما كسر قلبي 

..... 

مرت الشهور وأنا وحسن في صراع... بس كل الأدلة كانت لصالحي... كنت واثقة إني هفوز وقررت إني اكمل لحد ما جالي حسن في يوم وقال :

-عايزة ايه عشان تتنازلي عن الدعوة 

ابتسمت بشر لما وصلت الي أنا عايزاه وقولت:

-تكتب شقتك بإسمي 

-انتي اتجننتي دي تمنها أكبر من المؤخر بكتييير 

-خلاص نكمل الدعوة وأنت مش معاك فلوس وهتتبهدل 

سكت وعرفت أن مفيش مفر وفعلا كتب البيت بإسمي وطلقني وأنا قعدت في البيت وبالفلوس اللي معايا جددته كله فكرت إني لو اتهورت وخليته يطلقني من غير ما اخد حقوقي كان ايه اللي هيحصل وعرفت أن الغضب مبيحلش المشاكل برود الأعصاب والهدوء هو اللي بيحلها...حسن ندم علي اللي عمله وحاول يرجع كتير بس انا رفضت لأني استاهل اللي احسن منه... استاهل راجل أحس معاه بالأمان وأنا واثقة أنه هيجي قريب 

تمت 

#ستندم