مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت💖بقلم سولييه نصار 💖💖كامل 

-اتفضلي يا عروسة.

قلتها وانا مبتسم كنت مبسوط اني اخيرا اتجوزت الانسانة اللي حبيتها...صحيح هي لاسعة شوية وتصرفاتها غريبة بس طيبة وبنت حلال وهتصوني ...

دخلت بكسوف وقعدت علي الانتريه وهي باصة في الارض ...قربت منها وقعدت جمبها وانا ببصلها بسعادة ...كنت منبهر بيها ازاي ياسمين اللي مبتفصلش دقيقة تكون مكسوفة بالشكل ده .لسه هتكلم سبقتني هي وقالت :

-يالا اخلص مش هتضربني 

-اضربك 

قولتها وانا مصدوم 

قامت وقالت :

- يالا اضربني 

-ياسمين انتي اتجننتي!!

-سيف متتهربش من الموضوع بقولك يالا اضربني وقولي انك متجوزني عشان تنتقم مني لان ابويا سرق ثروة ابوك وأبوك مات بحسرته

-بس ابوكي مسرقش ابويا

-ولا قتله 

-قتله ايه يا بنتي ابويا عايش .

-طب بلاش دي اضربني وقولي انك اتجوزتني غصب وأبوك غصبك عليا عشان تنصب عليا وتاخد ثروتي!

-ثروتك ايه يا منار ده ابوكي بعد ما جهزك قرب يشحت فوقي يا ماما 

-يوووه ما انت لازم لازم تعمل كده 

-لا مش هعمل كده 

-يبقي طلقني ... طلقني عشان انت انسان قاسي مش عايز تضربني ولا تهينني وفي الاخر تحبني ..طلقني يا عمر   

-عمر 

- ده افيه

- يا حبيبتي ما انا بحبك دلوقتي ليه اضربك الاول واعذبك وبعدين احبك ده ايه الفرهده دي 

-طيب شغلني خدامة واع*تدي عليا يالا

- انتي ماز*وخية يا بت 

-يوووه يا سيف يعني مش هتعيشني جو الروايات وتعذبني وتذلني وبعدين تحبني 

-طيب واذلك ليه ما احبك علطول 

مسكت ايديها وقولت :

- يالا يا حبيبتي بقا دي ليلة دخلتنا 

زقتني بعصبية وزعقت:

- لا والف لا مفيش دخلة الا لما تعيشني جو الروايات

-طب اسمعيني ايه رايك نتجاوز جزء بتاع الضرب والذل ده وندخل علي الحب علطول...قربي تعالي

جريت وقالت :

- لا يا سيف اضربني الاول

- لا حول ولا قوة الا بالله يا بنتي انتي مجنونة .

قربت فجريت الناحية التانية فقولت وانا متعصب :

-ياسمين خلاص اتعصبت

-بجد اتعصبت 

-ايوة وفعلا هضربك

قربت وقالت بحماس:

- يالا اضربني

- لا اله الا الله محمد رسول الله...يا بنتي بقا ارحمي امي وسيبك من الروايات اللي اكلت عقلك دي هتتلحسي ...هي  جوازة سوده وانا اتبليت بيها انا عارف ....

مسكت ايدها جامد وشيلتها وانا بقول :

-سيبك من الروايات والكلام الفاضي ده انا هقرالك شعر ...

دخلتها الأوضة وهي بتضرب فيا ...فجأة نزلت وطلعت فوق السرير وهي بتزعق:

- لا والف لا يا سيف مفيش دخلة الا لما تعيشني في جو الروايات مش اكون مخلصة نص روايات مصر في الاخر متعيشنيش جوها ...اومال انا اتزفت واتجوزتك ليا انطق !!

-انتي اتجوزتيني عشان اضربك 

-ايوة وتذلني وتتجوز عليا عشان ابويا اخد ثروة ابوك بعدين تعرف اني بريئة ومليش دعوة وتترجاني عشان اسامحك وانا عشان مهزقة هسامحك علطول 

-غيري هدومك والبسي يا ياسمين انا هرجعك لأهلك مبتجوزش مجانين انا يا ماما 

- لا يا سيف مفيش طلاق برضه الا لما تضربني والا .

مسكت الفاظة وقالت :

-هكسرها علي نفوخك 

- يالا يا ياسمي....

قطعت كلامي لما رمت الفاظة علي راسي ...حسيت بالدم نزل علي وشي وفي ثواني اغمي عليا !

ياسمين:يالهوووي الراجل مات ...سيف قوم يا راجل انا كنت بهزر معاك !!

يتبع 

#تزوجت_مجنونة 

#سولييه_نصار 

-الجزء الاخير 💖بقلم سولييه نصار شكرا علي تفاعلكم القمر💖

سيف ...قوم يا سيف بالله عليك احنا اتفقنا تعيشني في جو روايات رومنسي مش رعب 

قعدت جمبه وبدأت تلطم:

- انا ق*تلت جوزي  في ليلة الدخلة ...خلاص هيحبسوكي يا نوسة ....هتقضي بقية عمرك في السجن وأهلك هيجبولك عيش وحلاوة أه ياني ياما اترملت في دخلتي يا ناس ...

فتحت عيني بألم وانا بحط ايدي علي الجرح وقولت:

-عايزة تموتيني  بدري ليه 

-سيف انت مموتش 

-انتي كنتي عايزاني اموت ؟!!

- لا طبعا بس فكرت 

-فكرتي في ايه يا اخر صبر ...يا حظي المنيل يا كفارة ذنوبي 

-فكرت انك لو موت اكيد دلوقتي هبقي أرملة جذابة...اروح اشتغل في شركة والمدير يحبني ولما يعرف اني كنت متجوزة هيعاملني وحش بعدين يتجوزني غصب ويضربني وبعدين يعرف اني بريئة ومكسورة وانت كنت بتعذبني  هيندم  فيحبني ويطلب مني السماح وانا عشان مهزقة هسامحه عادي ...بس اهم حاجة يكون طويل ...عريض المنكبين كده ...نظراته حادة كالاسد ويتغزل فيا ويقولي الموج الازرق في عينيكي يناديني ...

-بس انتي عينيكي سودا مش زرقة  

-خلاص يقولي الموج الاسود في عينيكي مش هتفرق .

-ياسمين انتي مجنونة صح 

-ليه يا حبيبي 

-حبك برص غوري جيبي القطن عشان تنضفي الجرح ده والا هق*تلك النهاردة روحي 

جريت بسرعة فقلت:

-حسبي الله ونعم الوكيل اعمل ايه ياربي في المهلبية اللي في دماغها دي 

.....

كنت قاعد وهي قاعدة قدامي بتنضف الجرح ...بصتلي بخوف وقالت:

-صحيح هتوديني عند اهلي .

-انتي شايفة ايه 

- يا سيف حرام عليك لما ارجع دلوقتي الناس هتقول عليا ايه 

-لما يشوفوا دماغي هيقولوا انك واحدة همجية مكانك حديقة الحيوانات مش بيتي 

-الاه انت اللي مكنتش عايز تضربني 

- يا بنتي انتي هبلة...لا بجد هبلة ...انا لو مديت ايدي عليكي هتكرهيني مش هتحبيني ...بعدين اللي يضرب ست مش راجل ...ومفيش واحدة عاقلة هتحب واحد بيقل منها ويعذبها الا اذا كانت الواحدة دي عندها ميول ما*زوخية ..وده مرض نفسي محتاج دكتور نفسي 

- انا مش مجنونة 

- لا لما تتصرفي كده تبقي مجنونة 

-بس الروايات 

- يا حبيبتي الروايات دي حلوة ماشي اخرنا نقراها ونستمتع بيها لكن علي أرض الواقع انا لو ضربتك مش هتبصي في وشي تاني وانا مستحيل اعمل كده ...انتي ربنا كرمك ازاي اجي انا واهينك.

بصتلي بخجل وقالت :

-اسفة يا حبيبي اوعدك هتخلص من الأفكار دي ..وعد 

-الحمدلله ...اخيرا كده نقدر نبدأ ليلتنا الاولي بعد العذاب ده 

شيلتها فقالت :

-بقولك ايه يا سيف 

- عيونه 

-ليه متضربنيش وتذلني الاول بعدين تحبني 

- يا لهوووووووي

-بهزر بهزر 

قالتها وهي بتضحك فقولت :

-ياربي اتجوزت مجنونة 

- انا مجنونة يا سيفو

-واجمل مجنونة للاسف💖

-خلصانة يا سيفو نتجاوز جزء الضرب من الروايات وندخل في الحب ..

- بحبك يا مجنونة 

-وانا كمان يا عاقل 💖

تمت 

#تزوجت_مجنونة

#سولييه_نصار

شكرا لتفاعلكم الجميل 💖