 |
الجزء_الثالث والرابع الأخير ❤️💕❤️محمد احمد
شيقه💕❤️💕
ضحكت وخدت الموضوع بهزارسحبت نفسي منه - بطل هزار يا رخم
وسبته بسرعه وروحت اقف جمب ماما عشان خوفت لحمزة يسمع هو بيقول ايه وساعتها كنت هقول علي نفسي يا رحمن يا رحيم لغايه اما خلصت الخطوبه وعدا اليوم وعدت بعده فترة من اصعب الفترات علي قلبي بدئت اختفي من حياة حمزة وبحاول منتقابلش كتير وبتجنب انثي الكلب خطيبته اللي بقت نطاله كل يوم وفي كل مكان وبتجنب وجع قلبي وانا شايفاهم سوا بس وحشني وحشني صوته وصوت ضحكته وحشني الغمازتين اللي بينورو وشه اكتر ماهو منور اما بيبتسم او يضحك وحشني خوفه عليا وحشني غيرته وحشني رخامته عليا وحشني حنيته وحشني وجوده في حياتي حقيقي حياتي من بعده فاضيه وملهاش طعم
خرجت بليل شويه اقف في البلكونه اهو اغير جو البيت ولقيت نفسي بغني - " فين لياليك عمال بناديك مشتاق لعينيك وحشني لقاك 💙"
لقيت اللي بيكمل غني معايا من فوق - " بالي مشغول بهواك علي طول والليل بيطول وانا مش وياك 💙"
اتنهدت وبصتله لفوق كان واقف في بلكونتهم فوق ومبتسم وقالي - وحشتيني
ابتسمت - ما تنزل
ضحك-:تدفعي كام
- خفه يالا
دخل وهي دخلت تحضرله سندوتش والباب خبط راحت تفتح بسرعه - وحشتيني يا وردتي
ابتسمت بكسره - امسك
- ايه ده
- سندوتش مربي بالقشطه اللي بتحبها
خد السندوتش ومسك كف ايدها التانيه باسه كالعاده 💛- تسلم ايدك وتسلميلي
ابتسمت في هدوء وبصت للارض في هدوء
- مالك يا ورد ايه مغيرك
بصيت علي ايده اللي فيها الدبله- بعدك يا حمزة
- انا دايما جمبك انتي اللي بتبعدي
- جمبي بس مش ليا خلاص مبقاش ليا الحق في اللي كنت بعمله زمان
- حبيبي انتي تعملي اللي انتي عايزاه
اتنهدت ودموعي نزلت - لاول مره يا حمزة احس اني وحيده حتي في وجودك لاول مره احس اني يتيمة ومليش حد لاول مره احس اني هشه واقل شويه هوا هيكسروني
- ورد انا هفضل جمبك لاخر يوم في عمري لو الدنيا كلها سابتك انا لا يا ورد ورد انتي بنوتي وصحبتي واختي وامي انتي كل حاجه حلوه في حياتي صدقيني لو في مليون سبب يخلوني ابعد عنك هدور علي سبب واحد يخليني جمبك وهمسك فيه دانتي وردتي يا ورد 💙صدقيني انا لو شفت الدنيا كلها محدش هيملي عليا حياتي ودنيتي غيرك 💜
في الوقت ده كنت نفسي اصرخ في وشه واقوله طالما انا بالنسبالك كل ده ليه محبتنيش ليه دوست علي قلبي بجزمتك وانت مش حاسس ليه واجع قلبي وعمال تزود وجعه بكلامك وليه مع كل ده ولسه بحبك
بس ان جيتو للحق هو يستاهل قلبي اللي اتخطفله هو يستاهل كل شئ جميل في الدنيا حتي لو مش معايا أنا
- حمزة أنت وجودك بيطمن قلبي 💜
- وحمزة دايما موجود يا ورد
فضل سهران معايا في البلكونه وماما شاركتنا السهرة وفضلنا نضحك ونهزر وضحكته بتداوي جرح قلبي منه حقيقي ضحكته دي سحر بيخطف قلبي
وعدت الايام وجت اجازة الصيف والعيله كلها جت وبنتجمع كلنا فوق السطوح اللي احنا مجهزينه عشان نتلم فيه كل اجازة رانيا اخت حمزة نزلت من السفر بعيالها وعمتو كمان جت هي ومراد وعمو اخد اجازة وكانت لمة فعلا
عمي بصلي وقال - بما ان القاعده دي محتاجه غنوه حلوة ما تمتعينا بصوتك يا ست ورد
ابتسمت - عيوني يا عمو
وقررت اغني اغنيه احرق دم السلعوه خطيبة حمزة وتبقي من قلبي لحمزة وبصتله وبدئت اغني - " انا دنيته بحالها وحياته كلهاانا اهله وناسه وروح قلبه وحبيبته انا اللى لو يغلط مسامحة فى حقها وانا اللى لما يغيب عليها ترد غيبته انا الحضن اللى من تعبه بيهرب ليه انا القلب اللى من خوفه بيتحاما بيه انا مش واحدة بتحبه بتموت فيه انا بموت فى التراب اللى بيمشى عليه 💙" .
" انا كحمزة في الوقت ده معرفش قلبي مخطوف بصوتها ونظراتها ليا حقيقي في الوقت ده كنت مستعد امسكها قدام الكل واقولها باعلي صوت بحبك يا وردتي "
خلصت والكل سقف واعجبو بصوتي ودايما بيبهرهم ولقيت مراد بيقول - حيث كده انزلي شقة عمك اعمليلنا كوبيتين شاي وتعالي عايزك قدامهم في موضوع مهم
هزيت براسي ونزلت اعمل الشاي وانا بفكر ياتري عايز ايه وياترا حمزه فهم بقي وهيحس ولا هيفضل غبي سرحت محستش بنفسي غير وانا بصب الشاي علي ايدي وبصرخ
- اااااه
لقيت اول واحد نزل يجري عليا اما سمع صرختي هو حمزة- ورد ورد مالك يا ورد
وانا ماسكه ايدي بوجع - صبيت الشاي علي ايدي
- انتي بتستهبلي يا ورد مش تاخدي بالك
مسكني ومسك ايدي وجاب علبة الاسعافات الاوليه وطلعنا علي السطح كان الكل مستغرب قعدته تحت رجلي وهو بيطهرلي الحرق وبيلفهولي وخايف عليا كأني بنته بجد
بصلي بخوف ولهفه - انتي كويسه
ابتسمت - متقلقش يا بابتي انا زي القرده اهو
باس ايدي المحروقه وقام قعد جمبي وقدام الكل شد راسي لحضنه
قامت ماهي خطيبته قالت بعصبيه - لا بقي كده كتييير انت مش مراعي ان في حيوانه جمبك اسمها خطيبتك
اتعصب - في ايه يا زفته هو حد داسلك علي طرف
- قاعد تبوس وتحضن فيها واكن هوا قاعده جمبك
قام وقف واتعصب - لا انتي تلزمي حدودك انا علاقتي بالدنيا كوم وورد دي كوم تاني خالص واللي مش عاجبه يتفضل مع الف سلامه الباب يفوت جمل
شدت شنطتها ومشيت وانا الفرحة مش سيعاني شديته قعدته ودخلت في حضنه قدام الكل ما الكل عارف تعلقي بحمزة
بصلي وضحك - مبسوطه
وانا دافنه وشي في حضنه وبضحك- جداااا
ضحك وبعدين الفرحة مبتدومش وقت طويل لقيت مراد بيقول - بما اننا كلنا متجمعين فاحب اطلب منك يا خالو انت وحمزة ايد ورد
لقيت حمزة بعد عني وقال باعلي صوته - نعمممم
- ايه يا مراد هي ورد انا فاتحتها في الموضوع بس خدته بهزار فا فولت اكلمكم انتو عشان لو هي مكسوفة
بصلي وعنيه بتطلع غضب - كنتي تعرفي يا ورد
خوفت ومعرفتش ارد
- ردددي
- ا ا اه هو قالي بس بس انا كنت فكراه بيهزر
بعصبيه وزعيق - ومقولتليش ليييه
عمي ادخل اما لاقاه نازل زعيق وانا دموعي نزلت - في ايه يا ولد انت بتزعقلها ليه ده موضوع ميخصكش مراد طلبها مني انا يعني الموضوع يخصني انا وهي اطلع انت منها هي مغلطتش ان جالها عريس زي اي بنت
- لا يخصني ويخصني اووي والجوازة دي مش هتم ساااامع
وكان في الوقت ده ماسك مراد من ياقة قميصه وعنيه كلها غضب
مراد رد عليه رد كفيل يخليه يقتله وقتي - هتم والحضن اللي كنت فيه ده دلوقتي هيبقي ملكي انا ومش هتجرئ تقربله تاني انت سامع
محسناش غير ومراد بيصوت في ايده وهو خانقه بكل قوته وعمتي بتصوت وتقول الحقووه منه
بعياط - وحياتي عندك يا حمزة سيبه عشان خاطري عشان خاطر وردتك عشان خاطري يا حمزه سيبه
رماه وبصلي وقال - حسابك لسه مخلصش
ونزل وهو وشه احمر وعروقه باينه من كتر العصبيه
وانا كمان نزلت اعيط في اوضتي بعيط اول مره اشوف حمزة عصبي وقاسي كده وفضلت علي الوضع ده طول الليل لغايه اما سمعت صوته برا وباعلي صوته بينادي عليا طلعتله
- نعم عايز ايه مني تاني
- هتوافقي عليه
- وانت مالك دي حاجه تخصني
بعصبيه - ردي عدل احسنلك واتقي شري انا علي اخري
- انت انت ايه ياخي انت ظااالم انت اناااني
اتصدم من كلامي ده وكملت بعصبيه وزعيق ودموع - ايووه انت اناني عشت عمري كله احب فيك وانت عملت ايه ولا حسيت بيا وروحت جريت علي اول كلبة خطبتها وحرقت قلبي و اليوم اللي جيت اعيش فيه حياتي زيك وجالي عريس وجيت اكمل حياتي زي مانت كملت استقويت عليا وعليه وبتخرب الجوازة ومش عايزها تتم عشان انت اناني اييييه ياخي ولا بترحم ولا بتسيب رحمة ربنا تنزل بكرهكككك يا حمزة علي قد الحب اللي حبتهولك بكرهك علي قد وجع قلبي منك بكرهك علي قد انانيتك بكرهك وهحرق قلبك وهتجوزه .
معرفش انا ازاي قدرت اقول لحمزة الكلام ده ازاي وجريت من قدامه وحبست نفسي في اوضتي الدموع مفارقتنيش طول الليل لدرجه ان الصبح بغسل وشي وببص في المرايه لقيت عيوني مورمة وحمرااا ووشي بهت من كتر العياط .
فضلت قاعدة اعاتب نفسي علي اللي قولته لحمزة لغايه اما جالي مكالمة من رقم غريب رديت - الو
- ............
سمعت اللي اتقال والفون وقع من ايدي وفضلت اصرخ بكل ما فيا
...........يتبع........................
👈الناس الي بتقول باقي القصه مبتوصلش ليا.🙄
👈. باااقي القصه انا بنزلها بس مابتوصلش ليك😥 عشان
مش متفاعل معايا 👈علق ب 20 ملصق
اتفاعلو بعشر تعليقات ولايك وتفاعل كتير عشان انزل البارت الاخير
#محمداحمد
#الجزء_الرابع_والاخير
انتهت
دايما الجزء الأخير محدش بيعلق 😥
--------------
بحزن - ٣شهور يا حمزة وانا محرومه منك ٣شهور يا حبيبي وانا محرومه من ضحكتك وصوتك ٣شهور وانا محرومه من حنيتك وغيرتك وحشتني يا حمزة وحشتني يا بابتي ق٠
وبصتله وهو نايم متركبله اجهزة كتير ومش واعي للدنيا وقلبي بيتقطع علي منظره - حمزه مش كفايه بقي نوم وتقوملي قوملي حتي لو هتزعقلي وتضربني هقبل منك اي حاجه بس قوم
مسكت ايده - قوم يا حمزة متيتمنيش منك انت كمان قوم عشان خاطري انا دانا ورد قوم يا حمزة وردتك دبلت من غيرك
قربت وهمستله - لو الدنيا بحالها فقدو الامل في انك تقوم هفضل جمبك برضو وهفضل مستنياك تقوم حتي لو استنيت سنين .
اقدر اقولكم بكل وجع الدنيا انا حياتي وقفت بعد المكالمة اللي جاتلي بأن حمزة كان في الموقع بتاع شغله وللاسف وقع من الدور الخامس من يوميها وهو دخل في كومة مفاقش منها وانا جمبه ليل نهار علي امل انه يستجيب ليا ويفوق حقيقي انا لو خسرته هخسر روحي وقلبي وهخسر نفسي ويكون أنا وكلامي السبب في وصلو للمرحله دي بأنب نفسي كل دقيقه علي كلامي ليه جرحته وهو عاقبني اسوء عقاب عاقبني بوصلو الحاله دي انا زي طفله تاهت في وسط الزحمه من باباها انا لاول مره احس اني قشايه شويه هوا هيطيروني حتي بوجود عمي بس طول عمري حمزة هو اللي ساندني ومن غيره اديني اتكسرت بس انا واثقه انه هيعافر عشاني حمزة مش هيرضالي الكسره انا واثقه في حمزة واثقه في قدرة ربنا اللي قادر ينجهولي .
بصتله واتنهدت بحزن وخرجت بره اشوف مرات عمي اللي حالتها هي كمان تقطع القلب قعدت جمبها وطبطبت عليها بحنيه - هيفوق انا واثقه انه هيفوق
- اااه يا وجع قلبي عليه يا ورد
- متقلقيش ربنا كريم وعالم اننا مش هنقدر نكمل من غير وجوده عالم انه ضهرنا وسندنا
ردت بوجع الدنيا - يااارب
- اضحكي يا زوزو وقولي يارب هتلاقيه طالع جايبني من قفايا كمان شويه بس قولي يارب
- يارب يا ورد يارب
شويه ولقينا المعزة خطيبته داخله علينا بكل برود بتقول - مفاقش برضو
- سيادتك شايفه ايه
- طب ماهو يعتبر ميت ما يشيلو الاجهزة ويريحو نفسهم ويريحونا بقي
مسكتها من هدومها وصوتي علي - دانا اللي هخليهم يشلوكي علي النقاله لو ممشتيش من خلقتي دلوقتي
بصتلي بقرف ومشيت وانا بصيت لحمزة وقولتله - معرفتش جبتلنا المعزة دي من انهو داهيه مانا كنت قدامك طول عمري حلوه ونغشه وروشه بس يلا وانت زي القرع بتمد لبره بس يلا المهم تقوملي يا ولا واسمع صوتك
قومت ومسكت مشطه وبرفانه وسرحتله شعره ورشيتله من برفانه المفضل - مظبطاك انا يا سي حمزة بس علي الله يطمر وتفوق بقي ...اممم تبقي اقولك خبر هيفرحك مراد خطب ايوه خطب بس مش انا رفضته في نفس اليوم اللي فتح معاك الموضوع فيه وقولتله ان كل شئ قسمة ونصيب بس ساعتها قولتلك اني عايزاه عشان احرق قلبك زي مانت حرقت قلبي وخطبت بس للاسف انا اللي قلبي اتحرق عليك تاني واهو اديني في دوامه مش عارفه اخرج منها بقالي ٣ شهور بس انا عارفه ان الخبر ده هيفرحك وهتتأكد ان مش لحد غيرك وهتقوملي اكيد مستنياك يا حمزة مستنياك يا حبيبي .
ايام بتفوت وايام بتمر وانا لسه جمبه وهو ولا حاسس بالدنيا لغايه اما الدكتور صدمني وقال - احنا اسفين بس مضطرين ان من هنا ل ٤٨ساعة لو مفاقش هنشيل الاجهزة احنا استنينا بدل الشهر ٣
صرخت فيه بكل مافيا - انت مجنووون تشيل ايه دانا اروح فيكو في داهيه
- اهدي يا انسه بس احنا يأسنا من حالته وده قرار المستشفي بعد اذنك
مشي وسابني في صدمه وكسرة وبصيت لحمزة وزعقتله بكل ما فيا - قوووم انت مستني ايييه مستني اما يشيلو عنك الاجهزة وتسبني لوحدي قولي مستني اييييه انا تعبت
قعدت في الارض وانا بعيط بعيط عياط بعمري كله خلاص حمزة هيروح مني يعني دول اخر ٤٨ساعة هشوفه فيهم ااااه يا وجع قلبي .
عدا اول ٢٤ ساعه ومفيش أي استجابه وففدت الامل وقعدت جمبه احفظ ملامحه في اليوم اللي فاضل فضلت بصاله وانا دموعي نازله ياااه جه اليوم اللي اودع فيه حمزه جه اليوم اللي مش هشوفه تاني بعد كده قلبي في الوقت ده كان بيصرخ وروحي بتنسحب مع كل دقيقة بتعدي وهو زي ماهو
فاجأه بصوت ضعيف ومتألم ومن غير ما يفتح عيونه قال - ايه هو انا حلو للدرجادي عشان قاعدة تتأمليني
اتصدمت جدا واترميت علي الارض جمبه وفضلت اعيط منوقلبي وصوت شهقاتي يعلي انا بعيط من كتر مانا مش مصدقه وفرحانه
فتح عنيه براحه وبصلي ومسك ايدي وبصوت ضعيف قالي - اهدي بس انا جمبك خلاص انا اهو متخافيش
فضلت اعيط بهستريا وبين شهقاتي العاليه اللي خارجة من قلبي مع قوة العياط قولتله - كانو هياخدوك مني يا حمزة كانو هياخدوك من ورد
شد ايدي رغم تعبه وقربها منه وباسها - خلاص يا عمري انا جمبك محدش هيقدر يبعدك عني
عياطي بدء يقل الي حد ما بس لسه دموعي نازله شلالات - اااه يا حمزة انا تعبانه اوي
رغم تعبه والكسور اللي ماليه جسمه شدني نيمني علي صدره وحضني وده شئ كان كفيل يطمن قلبي ويهدي خوفي وعياطي اول ما بقيت في حضنه حسيت كأني مغترب كان مسافر سنين واخيرا رجع بلده
- ااااه يا راحة قلبي بقربك يا حمزة
ابتسم - حمزة دايما جمبك يا وردتي
كنت مش عايزه اقوم من حضنه لدرجة اني خايفه اقوم انده الدكتور واقوله انه فاق واسيبه كنت خايفه يغمض عينه حتي
فضلنا كده ونقلو حمزة اوضه عاديه والعيلة كلها اتلمت حواليه والفرحة مش سيعاهم وانا طول الوقت جمبه وماسكه ايده اكنه هيتوه مني
جت وجه البرص تتطمن عليه وكنت ساعتها انا وهو لوحدنا - حمدلله علي سلامتك يا بيبي
بصتلها بصه افحمتها وبعدين دخل الدكتور وبلغنا بخبر صدمنا صدمة عمرنا - للاسف يبشمهندس حمزة الاشعات بتبين انك عندك كسورة جامده في العمود الفقري وده ادي اللي شلل دائم للاسف
كانت اكبر صدمت في حياتي شهقت من الخضه دي وتبتت في ايد حمزة اكتر وانا الدموع بدئت تتجمع في عيني
بس هو يمكن كان هااادي عكس اي حد يعرف الخبر وده كان قلقني عليه ومخليني متبته في ايده بكل قوتي عشان اطمنو
بس بعد الدكتور ما خرج لقينا المعزة بتقول بتوتر - ا ا ا انا ا ا اسفه يا حمزة عارفه انه مش وقته بس مش هينفع اكمل من كده انت بقيت مسؤليه كبيرة عليا وانا صدقني مش هقدر اتمني ليك حياة تعوض فيها اللي خسرته .
وقلعت الدبله وحطتها في ايده ومشيت فضل ساكت شويه وباصص للدبله قولتله - حمزة
بصلي قولتله - انا جمبك وهفضل جمبك حتي لو السما اتطبقت علي الارض
- ليه هتكملي جمبي
بكسوف - امممم عشان بحبك مثلا وعمري ما شوفت حد زيك وعمري ما هطمن علي نفسي غير معاك انت انت وبس يا حمزة
- حتي لو بقيت عاجز
- وايه يعني انت طول عمرك ساندني فيها ايه اما اسندك انا شويه
- وفرق السن اللي بينا
- يابني مليون مره اقولك دول ١٢ سنه عمي امال اللي بينهم ١٥ و ٢٠ سنه ومتجوزين ومبسوطين يقولو ايه
- ابعدي احسن يا ورد
- لو في بعدك الف خير انا مش بخير الا معاك يا حمزة وردتك من غيرك بتدبل وهفضل شايفه انك احلي حاجه حصلت في حياتي ومش هشوف احلي منك
- مش خايفه يكون بينا عدم تفاهم قدام شويه
- متأكده ان لو الدنيا كلها مفهمتنيش انت الوحيد اللي بتفهمني وانت الوحيد اللي بتطمن خوف قلبي
- مش خايفه معرفش احتويكي
- انت اهبل يالا دانت محتويني من وانا في اللفه دانت محور حياتي اللي لو عشت عمر فوق عمري مش هلاقي حد محتويني زيك ده كفايه ان متأكده انك مهما قسيت عمرك ما هتقسي عليا انا كفايه انك مستحملني وقت خنقتي ومستحمل هبلي وجناني وغيرتي ومستحملني كلي علي بعضي اصلا قولي بقي ازاي مدكش كل الحب اللي في قلبي
- اممم دانتي واقعه بقي
ضحكت - ياااه يا جدع اخيرا خدت بالك
- طب حيث كده كل الكلام اللي قاله الدكتور ده بح وانا اللي محفظهولو اساسا
- اييه !!
ضحك - زي ما سمعتي كنت بطفش المعزة علي رائيك
ضحكت بفرحة بانت في نبرة صوتي - يعني انت كويس
ضحك - حديد يا بت ...بس انتي طلعتي راجل وتستاهلي عمري اللي ضاع في حبك
فضلت اضحك بفرحة الدنيا اخيرا نطق انه بيحبني وهو ضحك علي ضحكي
بعد حوالي سنه =
في مكان علي البحر
= يا مدام بصيله في عيونه بقي داحنا ما صدقنا ظبطنا وقفتك ببطن حضرتك دي
- يا سافل يا قليل الادب بتغلط في عيالي ليلتك سودا ...اااه قلعني فردة الجزمة دي يا حمزة عشان مش طيلاها وعايزة اضربه بيهاااا
- يا ست هو الراجل غلط في ايه هدي اعصابك انتي بس وبعدين عنده حق كل ده كرش ايه بتربي العيال جوا ولا ايه
- اه بربيهم جوا يا خفيف مش احسن ما يطلعو مهزقين ومتربوش شبه ابوهم
برقلي كده وانا بدئت ارجع لورا وقال - بتقولي ايه ايه كده سمعيني مين اللي مش متربي ومهزق
ببرأه - تؤ تؤ مش انا اللي قولت ده لساني
- اعمل فيكي ايه دلوقتي
ببرأه وطفوله بصيت في الارض- اسفه يا بابتي
- جتك نيلة في حلاوتك اللي مجناني
- بجد انا حلوه يا حمزة حتي بعد ماتنفخت كده
- حبيبي انتي احلي واحده شافتها عيوني وقلبي
- انا بحلو بوجودك يا حمزه بحبك يا ولا 😂💙
- بحبك يابت 😂💙
بصتله في عيونه وانا الضحكة طالعه من قلبي بجد وعيوننا قادره تنطق بكل الحب اللي جوانا لبعض واتاخدتلنا صورة من احلي ذكرياتنا سوا كفايه ان احنا فيها كنا تلاته 💜
" حقيقي الحب ده شئ عظيم جدا بس اما احنا نعرف نختار صح وكل اللي اقدر انصحكم بيه انكو تحترمو بعض واتبسطو مع بعض وادعمو بعض دايما خليكو سند لبعض مش عيب انكو تتنازلو وتوصلو لحل وسط طالما الطرف التاني مقدر التنازل ده اوعي تخلو اليوم يعدي وتنامو وانتو متخانقين ابدا خلو اهم قانون في بيتكم هو انسوا وسامحو وياريت كمان متحاولوش تغيرو طباع بعض لان الطبع مبيتغيرش واللي بيحب بيتقبل كل عيوب الطرف التاني عشان مفيش حد فينا كامل شجعو بعض تبقو احسن سواء عمليآ او شخصيآ واهم حاجه الصراحه اوعو تتكسفو تصارحو بعض قولو كل حاجه نفسكم فيها بس بدون تجريح في الطرف التاني من الآخر اختارو صح 💙"
تمت
ومتنسونيش في دعوه حلوه 💛
فضلاً 🙏
علق ب 20 ملصق عشان يصلك الجديد عند النشر
اتمني دعم الجميع بالتفاعل والتعليقات
اتفاعلو
#محمداحمد
تعليقات
إرسال تعليق