 |
زوجتى بالخطأ الحلقه التاسعه والعاشره
بقلم غاده اشرف
نظر رعد أمامه بصدمه وأخذ يفتح عينيه ويغلقها عدة مرات ليتأكد مما يراه أمام عينيه أخذ يفيق فى تلك النائمه وهيا لا تشعر بما يحدث حولها
رعد. نهار اسود هو اى الاحصل وهيا مغمى عليها كدا لى
اتجه رعد وأحضر كوب ماء وسكبه على وجهها لتستيقظ وتمسك رأسها بألم
رعد. اى الا جابك هنا واى الا ملبسك الفستان بتاع مايا
كانت ماسه تحول الايفاقه وتمسك رأسها بألم حتى سمعت تلك الكلمات بصدمه فنظرت إلى حالها لتجد نفسها بفستان مايا
ماسه وهيا تحاول أن تفتكر . انا اى الا جابنى هنا واى الا لبسنى الفستان ده
جاءت أن تقف ليخل وزنها وكادت أن تقع ليهرول إليها رعد ويمسك بها
رعد. انتى كويسه
ماسه بتشتت. انا اى الا جابنى هنا مش المفرود مايا الا تكون هنا
لتكمل والدموع تسيل على خديها . انا انا مش فاكره حاجه
وبدأ صوتها يرتفع
رعد بغضب. انتى كمان بتعلى صوتك فين مايا واى الا جابك هنا اكيد انتى الا عملتى كل ده عشان تجوزينى اه وانتى هتلاقى جوازه ذى دى فين
ماسه بصراخ. لااااااااااا مش انا
فى الاسفل كان الجميع جالس ليسمعون صوت صراخ بالاعلى يأتى من جناح رعد فيتجهون مهرولين إلى الاعلى حتى وصلوا إلى جناح رعد وأخذوا يتركون الباب حتى فتح لهم رعد
خالد. فى اى يا رعد واى الصريخ ده
مها. اى يا رع
ليقطع كلامه صاعقه نزلت عليها من شدة الصدمه
مها. ما سه
نظر الجميع إلى الداخل ليجدون ماسه وكانت تبكى بشده
ندى بصدمه. ماسه انتى اى
خالد بصدمه. ماسه اى الا جابك هنا
مها بعضب. فين مايا انطقى وانتى اى الا جابك هنا اكيد عملتى فيها حاجه
رعد بغضب. مامااااا ممكن تسكتى
مها. اسكت ازاى انت مش شايف اى الا حصل
رعد. أهدى وهنفهم اى الا حصل دلوقتى
ترجل الجميع إلى الأسفل وجلسوا وكانت ماسه بأحضان امها ندى تبكى بشده
مها. ادينا قعدنا ممكن الست ماسه تفمهنا بقى اى الا حصل
ماسه بشهقات. انا أن مش عا رفه
انا كنت قاعده مستنيه عمو خالد يبعتلى العقد بتاع التدريب والعقد جه ومضيت عليه وبعدين شربت عصير ومعرفش الا حصل بعدها غير لما انا فوقت ولقيت نفسى بفستان الفرح بتاع مايا وفى اوضتك
رعد. بابا فين عقد تدريبها الا هيا مضت عليه
خالد وهو يعطيه إياه. اهو
اخذ رعد العقد ونظر له بصدمه
رعد. مش ممكن
خالد. فى اى يابنى
مها. اى يا رعد
رعد بذهول. مايا
مها. مالها مايا
رعد. الامضه دى امضة مايا مش ماسه معقول يكون العقدين ابدلوا
خالد. مش ممكن
رعد بحده. فين عقد الجواز بتاعى
نادى رعد احد رجاله بصوت حاد وأمره بأن يأتى بعقد الزواجويبحث عن مايا أيضا وبعد ثوانى معدوده اتى عقد الزواج
وفتحه رعد ونظر إليه وصدمه اخرى نزلت عليه فورا رؤيته لأسم ماسه فى عقد الزواج
خالد . فى اى يا رعد
جنات. اى يا ابيه لقيت اى فى العقد
وكل هذا ورعد مازال فى صدمه شديدة
اخذ خالد منه العقد ونظر بصدمه
مها. اى فى اى
خالد. الامضه الا هنا بإسم ماسه
مها. مش ممكن مش معقول
خالد. اكيد العقدين ابدلوا
مها بشر وهيا تنظر إلى ماسه. لا اكيد البنت دى هيا الا عملت كدا ايوا اكيد هيا هيا الا خطتت لكل ده وهيا الا بدلت العقود وخطفت مايا ولبست فستانها وكل ده عشان تتجوز رعد وتاخد فلوسه
ماسه ببكاء. لا لا
مها. انتى تخرسى
ندى. لا يا مها هانم انا بنتى استحاله تعمل كدا انا بنتى متربيه ومتعلمه وانا واثقه فيها
مها. انتى ازاى تكلمينى كدا
ماسه. لو سمحتى خليكى فى حالك انا قولت ان انا معرفش اى حاجه عن الا انتو بتقولوه ده
ثم أكملت ببكاء شديد وصراخ والله ما اعرف والله مااعرف
نظر إليه خالد وجنات بشفقه فاتجه إليها خالد وأخذ يهدئها
ماسه بشهقات . عمو خالد انت مصدقنى صح انت عارف عنى انى مابكدبش صح قولهم إن كل الا هيا بتقوله كذب قولهم انت مصدقنى قولهم مش انت عارف كدا
خالد بحزن. عارف يابنتى عارف
مها. خلاص لعبتك انكشفت وعرفنا حقيقتك وحقيقة امك
رعد. مامااااا ماحدش يجيب سيرة داده ندى على لسانه
مها. نعمم انت باين عليك اتجننت انت كل الا شاغل بالك ندى بس ومش شاغل بالك مايا عروستك الا البت دى خطفتها
ماسه ببكاء شديد. لا لا والله قوللهم يا ماما انتى مصدقانى
ندى. بس يا روحى متعيطيش
رعد بخنقه. خلاص اسكتو
ليدخل عليهم أحد من رحالة رعد
رعد. لقيتها
الرجل. لا ملقتهاش فى اى حته
رعد بغضب . هتكون راحت فييين
مها. هتكونى ودتيها فين انطقى
رعد. ماماا خلاص
مها. اطلعى برا وانتى كمان يا الا اسمك ندى ماشوفش وشك هنا تانى
رعد بغضب نارى. لا ماسه مش هتمشى ولا داده ندى ماسه هتبقى مراتى وداده ندى هتبقى حماتى والجوازه هتم
مها بصدمه. استحاله مش ممكن
رعد. انا قولت كلمه وخلاص انا معنديش استعداد انى يتقال عليا انا الراحل الا عروسته سبته وهربت لا مش رعد الناصري الا يتقال عليه كدا ولو هيا هربت فنا اتجوزت غيرها وفى يومها كمان مش رعد الناصري الا يتعمل معاه كدا وربى لوريكى يا مايا
خالد. وانا موافق ومش هلاقى حد احسن من ماسه
رعد. داده ندى انتى موافقه؟
ندى بدموع. ايوا بس يابنى
رعد. مابسش قولى أن انتى موافقه
ندى. ماشى يابنى موافقه
رعد. تمام
ماسه. بس انا مش موافقه
رعد . لى بقى إنشاء الله
ماسه. هو كدا انا مابحبكش ولا عاوزه اتجوزك
رعد. انتى ناسيه أن انتى مراتى اصلا وان عقد الجواز ده انتى ماضيه عليه بنفسك
ماسه بدموع. لا الجواز ده باطل
اتجه إليها رعد ومسكها من يدها
رعد. انا هدخل اتكلم معاها شويه واتجه بها إلى المكتب ودخل وقفل الباب
ندى. هيعمل اى فيها
خالد. تلاقيه بس بيقنعها ولا حاجه
مها بشر. اه يا زباله يا اوساخ بقى انتى وبنتك تعملوا كل ده كل ده يطلع منك انتم
ندى. ربنا الا عالم أن احنا معملناش حاجه ولا لينا ذنب وبعدين كتر خيرنا يا مها هانم أن احنا وافقنا ع الجوازه دى أنا لو رعد مكانش زى ابنى واكتر ولو ماكنش يهمنى منظره ادام الناس وقيمته ماكنتش وافقت
مها. ما كفايه بقى وش الطيبه ده انتى خلاص انكشفتى على حقيقتك
جنات. ماما ميصحش الا انتى بتقوليه ده
مها. انتى تسكتى خالص
خالد. لا يا مها انتى الا لازم تسكتى ومتفتحيش بؤقك بكلمه واحده
مها. بقى كدا ماشى انا هوريكم
وقطع كلامهم عودة رعد وخلفه ماسه ومازالت الدموع تسيل ع خدها
خالد. ها يابنتى قولتى اى
ماسه بصمود والدموع تنهال بغزاره . موافقه
خالد . ع خيرة الله
مها. ازاى ازاى يا رعد لا مش ممكن طلقها يارعد طلقها دى واحده حيوانه هيا والعيبها الوسخه
رعد بغضب. مامااا مسمحلكيش تغلطى فى مرات رعد الناصري من هنا ورايح ماسه مراتى وهيا الا هتشيل أسمى وانا مش هسمح لاى حد مهما إن كان أنه يغلط فيها ولا يجى عليها مفهوووووم
كانت ماسه فى أحضان امها تبكى بشده وكأنها منعزله عن ذلك العلم مازالت فى صدمتها فهى الآن أصبحت متزوجه
نظر إليها رعد وشعر بالضيق فاتجه إليها
رعد . يلا
نظرت له ماسه ثم لوالدتها
أشارت لها والدتها بالموافقه
فجاءت ماسه أن تقف لكن لم تستطيع فكانت أعصابها تكاد تكون معدومه
ندى بقلق. ماسه مالك يا روحى
حملها رعد بين يديه وكانت ماسه فى قمة الخجل وحاولت النزول لكن كان رعد متحكم بها بشده وجاء أن يذهب بها ليوقفه صوت ندى
اتجهت ندى له وقالت
خلى بالك منها يا رعد انت اخت اغلى ما عندى
رعد. متقلقش يا داده ومتروحيش انهارده باتى هنا
ندى. لا يابنى ماينفعش لازم امشى
رعد. طب خلاص خلى السواق يوصلك
ندى. حاضر
رعد. عن اذنكم
ندى وخالد وجنات. اتفضل
ترجل رعد الذى كان حامل ماسه بين يديه إلى الاعلى واتجه إلى جناحه
فى الاسفل
ندى. عن اذنكوا انا لازم امشى
جنات. ما تباتى هنا يا داده انهارده وخلاص
ندى. لايابنتى معلش
خالد. طب خلى السواق يوصلك يا ندى
ندى. بعد اذنك يا خالد بيه ممكن بس اتكلم معاك فى حاجه
خالد. طبعا
خرج خالد وندى
ندى بدموع. ارجوك خلى بالك من ماسه انا عارفه أن طلاما هيا مع رعد هتبقى فى امان وهتكون كويسه بس علشان خاطر ربنا انت كمان عاملها كويس انا عارفه أن انت بتحبها بس الله واعلم بعد ما بقت مرات ابنك هتبقى عامله ازاى عندك بس عشان خاترى حاول تعوضها عن حنان الاب الا هي معشتوش
خالد. انتى بتقولى اى يا ندى ماسه دى زى جنات بنتى وربنا يعلم أنا بحبها أدى اى وازاى متقلقيش
ندى. ربنا يخليك
خالد. انا عارف ان انتى قلقانه من مها بس خلاص متقلقيش بعد الا رعد قاله ده هيا مش هقدر تعملها حاجه مها بتخاف من رعد
ندى. حاضر انا متشكره جدا استأذن انا
خالد. مع السلامه
اتجهت ندى وركبت السياره وعادت إلى منزلها وهيا منشغله بالتفكير فى أمر ابنتها ماسه
فى الداخل
مها. كانت عوزاك فى اى وبعدين انا مش عارفه هيا الست دى سحرالكوا هيا وبنتها اى الا جرالكو
خالد بغضب . مهاااا كفايه كلام انهارده وياريت تقفلى ع الموضوع ده خالص خلاص رعد اتجوز ماسه والموضوع انتهى احمدى ربنا أن هيا طلعت بنت اصول ووافقت احسن ما كنا انفضحنا وسط الناس
مها. بس
خالد. انا طالع اقعدى اتكلمى مع نفسك بقى
جنات. وانا كمان طالعه اوضتى
واتجه كل منهم إلى غرفته تركوا مها تكاد تشعل من شدة النيران التى بداخلها
فى جناح رعد
كانت ماسه جالسه على الأريكة ومازالت دموعها مستمرة في الهطول
بينما كان رعد فى المرخاض يأخذ شاور لعل المياه تطفأ بعض النار التى بداخله
خرج رعد وهو يرتدى سروال وتيشرت يبرز عضلاته
نظر إلى ماسه الجالسه على الأريكة ضمى ركبتيها إليها ورأسها عليهم وتبكى بصوت منخفض
اتجه إليها رعد وازاح وجهها عن قدميها ورفع وجهها ونظر إلى عيونها الخضراء
رعد. متبكيش
ماسه. لى كل ده يحصل وآلله العظيم انا ما ليا ذنب فى حاجه ولا عملت اى حاجه من الا مامتك بتقول عليها دى
رعد. انا عارف
ماسه. خلاص طلاما انتى عارف ما تطلقنى وخلاص وكل واحد يروح لحاله وسيبنى انا اروح اشوف حياتى مع الا بحبه وانت كمان
رعد بغضب فورا ذكر كلمه حبيب. انتى مفكرانى انى فرحان انى اتجوزتك لا خليكى عارفه أن هما كلهم كام شهر وهنطلق وكونى عارفه أن انا عملت كدا عشان شكلى بس قدام الناس
ماسه. انت اى انت لا يمكن تكون بنى ادم كل الا همك شكلك ادام الناس ومش همك أن انت كدا ضيعت حياة بنت ملهاش اى ذنب
رعد بغضب . خودى بالك من كلامك وتصرفاتك لانى مش هغفرلك كتير وبعدين مش انا الا جبت قولتلك امضى ع العقد بالغلط
ماسه. وانا كنت اعرف منين
رعد. انا مابحبش اتكلم كتير وخلاص انسى الموضوع ده ومش هنتكلم فيه تانى انتى دلوقتى بقيتى مراتى
ثم أكمل بغضب
وخلى فى علمك لو جبتى سيرة حبيبك ده تانى أو اتكلمتى فى الموضوع ده هتتعاقبى يا ماسه
كانت اول مره اسمع اسمها منه شعرت بشئ غريب فإسمها يخرج بطريقه مختلفه من فم الرعد يخرج بطريقه تناغميه
اتجه رعد الى السرير ونام عليه
ماسه بكيد. انت رايح فين
رعد. رايح اصيف هكون رايح فين يعنى هنام
ماسه. انت هتنام ع السرير
رعد . اومال هنام فين
ماسه بكيد. طب وانا هنام فين
رعد. والله ماحدش حاشك لو عاوزه تنامى تعالى نامى
ماسه. لا طبعا
رعد وهو يغمض عيونه.خلاص انتى حره
نظرت له ماسه بغضب واتجهت وأخذت خداديه وهيا تركل بقدميها فى الارض مثل الاطفال بغضب
نظر لها رعد بنصف عين وابتسم على منظرها الطفولى وهيا مد شفتيها مثل الاطفال
وضعت ماسه الخداديه على الأريكة ونامت عليها بعد تفكير ساعات وكذلك الرعد
فى مكان يعم فيه الظلام
كانت تجلس مايا ع كرسى مقيده بالاحبال وتحاول التخلص من تلك المقيدات ولكنها لا تستطيع
البارت خلص
رأيكم وتوقعاتكم
ياترى اى الا خلى ماسه توافق و ياترى اى الا حصل مع مايا
زوجتى بالخطأ الحلقه العاشره
بقلم غاده اشرف
تانى يوم استيقظ رعد من نومه ونظر إلى الاريكه ووجد ماسه ما زالت نائمه وابتسم على مظهرها الطفولي وهيا نائمه ثم قام اتجه إلى المرخاض
بعد قليل
استيقظت ماسه وفتحت عيونها بنعاس ونظرت إلى الغرفه وصرخت
ماسه. عااااااا
ادارت وجهها لتنصدم بجسد رعد
نظرت له واصرخت مره اخرى
كتم رعد صوتها بتعجب
رعد. انتى ملبوسه ولا اى بتصرخى لى
استوعبت ماسه الأمر وحقيقه وجودها فى الغرفه فهدأت مره اخرى
رعد. خلاص هديتى
أشارت ماسه رأسها بالاستجابة فأزال رعد يديه من ع فمها
رعد. اى صاحيه عامله زي الحمير كدا عماله تصرخى
ماسه بغضب . انا حماره اومال لما انا ابقى حماره انت تبقى اى هيلف ثور ديناصور
رعد بغضب. انا ديناصور
ماسه بغباء. انت كل الا فرق معاك ديناصور مسمعتش هيلف ثو
وسكتت واستوعبت ما قالته
ماسه بتفكير. الله يرحمك يا ماسه
رعد بغضب. قولتى ااااى
ماسه . وحد الله يا كبير العصبيه مش حلوه عشانك
وفرت من أمامه هاربه إلى المرخاض
وفورا دخولها أغلقت الباب بالمفتاح وأخذت تتنفس بصعوبه
ماسه. ينهار ازرق دا كان هياكلنى
لا طبعا ولا يقدر يعمل حاجه دنا ماسه ع سنه ورمح
واتجهت لتأخذ شاور
فى الخارج
كان رعد غاضبا من تلك الفتاه
رعد. ماشى يا ماسه انا هوريكى بقى انا صور وديناصور ماشى استلقى وعدك بقى
لبس ملابسه وأخذ يصفصف شعره ووضع برافنه الجذاب والمميز ثم خرج
بينما ماسه نظرت من الباب بنصف عين ولم تجده بالغرفه فخرجت وهيا تبتسم بشر
ماسه . هههههههههه يسلام عليكى يا ماسه ايوا كدا وريه النجوم فى عز الضهر ماشى يا رعد أن ماوريتك ومكسرتلكش مناخيرك الا فى السما دى
ثم أكملت بطريقه ساخره كل اما حد يجى يكلمه يقول انت متعرفش انا مين انا رعد الناصري هههههههههه انا هوريك يا رعد
ليأتى صوت من خلفها يهمس بأذنيها ويقول هتعملى اى يعنى
ماسه . هعمل دنا هولع ف
وفورا استوعبت ماسه الصوت وأخذت تتحرك ببطئ لتستدير وتدعى ربها الا يكون ما فى عقلها
استدارت ماسه ووجدت رعد ينظر إليها والشر يتطاير من عيونه
ماسه بزعر. اشهد ان انا لا اله الا الله وان محمد رسول الله يالهوووووووى
رعد بهدوء مرعب . سمعينى بقى قولتى اى
ماسه وهيا ترجع للخلف. ماهو ماهو
رعد بزعر. انا هوريكى يا ماسه
ماسه بخوف . أهدى يا وحش والله دا شيطان ودخل ما بينا
لم يستمع لها رعد واتجه إلى البلكونه
ماسه برعب. يالهووى راح البلكونه اكيد هيموتنى وهيزقلنى من البلكونه هبقى عروسة الجنه احييه احييه
عاد رعد وبيده حبل
ماسه برعب. وحياة امك يا شيخ ماتمتوتنى مشنوقه مابحبش الموته دى
نظر لها رعد وحملها ووضعها بعنف على السرير واتجه إليها
ماسه. ولاااااا انت هتعمل اى ياااض
نظر إليها رعد بغضب ومسكها وقيدها بالحبل
بعد قليل
كانت ماسه مقيده كليا بالحبل
ماسه بخوف. وبعد ما ربطنى كدا هترمينى من البلكونه صح ااااه يا ماسه يا صغيره ع الموت ياختى كنتى ورده مفتحه ياختى كنتى فله مفوحه ياختى
رعد. باااس اى مصوره وانفتحت متخافيش انا مش هموتك انا هسيبك مربوطه كدا
ماسه . لا وحياة ابوك طب طب انا عاوزه ادخل الحمام
رعد. هههههههههه لو عرفتى تفكى نفسك ابقى ادخلى شاو سنيوريتا
خرج رعد وهو مبتسم بشر
بينما ماسه فكانت غاضبه
فى الاسفل كان الجميع جالس
خالد. ع فين يا رعد
رعد. ع الشركه
خالد. اى يابنى مش المفرود تقعد جنب عروستك يومين هو انت مش عريس ولا اى
رعد. معلش يا بابا عندى شغل مهم جدا
مها بتتريقه. والمحروسه سبتك تخرج
رعد. ماسه مقدره دا كويس ومقالتش حاجه وياريت تخليكى فى حالك
مها. أنا غلطانه اصلا انى كلمتك
رعد. ايوا
جنات. اومال فين ماسه يا ابيه
رعد. فوق يا جنتى وياريت محدش يطلعها عشان نائمه وسيبوها تنزل لوحدها
خالد. تمام
رعد. سلام
اتجه رعد الى الشركه
فى مكان آخر
استيقظت مايا لتجد نفسها في غرفه يبدو عليها القدم كانت مقيده بالاحبال
مايا. انتو يا الا بره انتو جايبنى هنا لى وأخذت مايا تنادى بأعلى صوتها
لينفتح الباب ويدخل منه رجلا مخيف
مايه بخوف. انت مين وجايبنى هنا لى
الرجل. معنديش اوامر انى اتكلم معاكى واسكتى بدل ما اسكتك بطريقتى
مايا. طب فكنى وسيبنى امشى
الرجل. قولتلك لا
وخرج الرجل مره اخرى وأخذت مايا تصرخ
فى الجامعه عند شهد
شهد. البت ماسه تأخرت
سلامة عقلك
ادارات شهد وجهها
شهد. سلام قول من رب رحيم
زين. اى شوفتى عفريت
شهد. ياريت
زين. نعم
شهد. اقصد لا طبعا يا دكتور
زين.واقفه كدا لى
شهد. اى هما عملوا كمين هنا ولا اى
زين. بت انتى اتكلمى عدل
شهد بسرعه. بت أما تبتك لو كنت حمار كنت ركبتك يا ايحا يا تلقيحه يا ابره مصديه فى كوم أش مرميه يا
استوعبت شهد الأمر وكانت فى حاله لا تحسد عليها
نظرت شهد أمامها بصدمه وشاورت ع مكان وقالت
اى دااااا
نظر زين إلى الخلف
وبأقل من لحظه فرت شهد هاربه من أمامه
نظر زين أمامه مره اخرى بعد أن اكتشف انها خدعه منها ووجدها تجرى بسرعه كبيره إلى الخارج
زين بغضب. ماشى وحياة امى لوريكى
فى منزل احمد
دق الباب واتجه احمد نحوه وفتح ليجد ندى والدة ماسه أمامه
احمد. طنط ندى اهلا يا طنط ادخلى
تقدمت ندى ودخلت وجلست
احمد. منوره يا طنط والله
ندى بحزن. بنورك يا حبيبي
احمد. مالك يا طنط باين عليكى الحزن هو فى حاجه حصلت
ندى بحزن. بص يا احمد أنا جيالك فى موضوع مهم جدا بس متزعلش من الكلام الا هقوله ده
احمد. فى اى يا طنط أنا بدأت اقلق
ندى. احمد ماسه اتجوزت
احمد. اتجوزت؟ أتحوزت امته وازاى
ندى. امبارح
احمد. ازاى
ندى. هقولك
وقصت ندى له كل ما حدث ليلة أمس
احمد. طب واى الا خلى ماسه توافق
ندى. هو دا الا أنا مش فهماه ومش عارفه السبب
احمد. عموما يا طنط ماسه دلوقتى زى اختى وانا هفضل ابنك بردوا الا انتى ربتيه وان كان ع ماسه فربنا يسعدها ويكتبلها حياه كريمه مع جوزها
ندى بتعجب. يعنى انت مش زعلان يا احمد
احمد. لا يا طنط وادعيلى انا كمان انى الاقى بنت الحلال الا تسعدنى عشان تبقى خلصتى من ماسه ومنى
ندى بإبتسامه. ربنا يخليك ليا يا احمد
احمد. ويخليكى ليا يارب ومن أنهارده انا وماسه اخوات
ندى. طبعا يابنى
ثم أكملت بحزن . انت زى ابنى واكتر
احمد. حببتى يا طنط
ندى. يلا أنا هقوم بقى
احمد .راحه الشغل ولا اى
ندى. لا مش هروح انهارده
احمد. تمام يلا أنا طالع معاكى عشان اروح الشغل
ندى. يلا يابنى
خرجوا الاثنان وعادت ندى إلى منزلها واتجه احمد الى عمله
عند ماسه
ماسه وهيا مقيده بالاحبال
ماسه. اه يانى طب انا جعااانه اوى والهيلف الا اسمه رعد شكله نسانى هنا وماما مجاتش لحد دلوقت اه دنا كلاب بطنى بتهوهو من كتر الجوع ماشى يارعد ماشى ومن موقعى هذا اعلن انا ماسه عن بداية الحرب نيهههههها
عند رعد فى الشركه
كان رعد يعمل لتأتى صورة ماسه فى خياله
رعد بتفكير. ماشى يا ماسه انا بقى هوريكى وهعلمك ازاى تبقى زى الصنم اول ما تسمعى أسمى
شذى. استاذ رعد استاذ رعد
رعد. امم ها فى حاجه يا شذى
شذى. بنادى ع حضرتك من الصبح
رعد. عاوزه اى
شذى. كنت طالبه توقيعك ع الأوراق دى
اخذ رعد منها الوراق ووقع عليها
رعد. فى اى اجتماعات انهارده ؟
شذى. ايوا يا فندم فى اجتماع دلوقتى
رعد. تمام
خرجت شذى وقام رعد هو الآخر اتجه إلى الاجتماع
فى شركة ادم
كان احمد جالس فى مكتبه شارد فى امر ماسه
احمد بتفكير. هو انا اى مضايقتش لما عرفت ان ماسه اتجوزت هو فى اى مش دى ماسه الا كنت بحبها وكنت متفق انا وهيا ع الجواز معقوله الحب ده يكون حب اخوى
جنات . احمد
احمد. نعم يا جنات
جنات. اى معاد الانصراف جه
احمد. والله مأخدتش بالى طب يلا أنا عازمك ع الغدا
جنات . اشط يلا بينا
وخرجوا الاثنان واتجهوا إلى مطعم لتناول الغداء
احمد. مالك يا جنات حاسك متلغبطه
جنات. امبارح حصل شوية لغبطه انما اى ولا حكايات السينما
احمد . ع جواز ماسه ورعد
جنات. انت عرفت منين
احمد. من طنط ندى هيا حاكتلى انهارده
جنات. طنط ندى طنط ندى الا عندنا
احمد. ايوا
جنات. وانت تعرفها منين
احمد . اصل احنا جيران وانا ماسه كنا ع طول مع بعض وطنط ندى زى امى بالظبط وانا بحبها اوى هيا وماسه
جنات بضيق. بتحب ماسه ازاى يعنى
احمد بخبث. زى الناس
جنات بحزن. تمام
رأى احمد معالم الحزن ع وجهها
احمد. يابنتى ماسه زى اختى واكتر كمان وبعدين انتى ناسيه أن هيا مرات اخوكى دلوقتى
جنات. تمام عادى يعنى
ابتسم لها احمد فخجلت جنات
فى المساء
عند مايا
كانت مايا مازالت مقيده بالاحبال وكانت تبكى بشده
ليدخل عليها ذلك الرجل
الرجل. يلا خلصى قومى معايا
مايا. هتودينى فين ارجوك متأذنيش
الرجل. لا هتخرجى من هنا ومشوفش وشك السمح ده تانى بدل ما أعلملك عليه
مايا برعب. حاضر حاضر
فك الرجل مايا وأخرجها واسرعت مايا بالذهاب
عند رعد انتهى من الاجتماع وأخذ يعمل فى مكتبه وتأخر الوقت كثيرا ونظر إلى ساعته وجدها الثانية عشر مساءا
رعد. يااه انا اتأخرت اوى لازم امشى
قام رعد وخرج من الشركه وركب عربيته وعاد إلى الڤيلا مره اخرى
عند ماسه
ماسه. ااه يانى هو أتأخر كدا لى وماحدش سأل عليا خالص هو انا عامله زى الكلبه كدا لى
وفضلت ماسه تتحدث حتى نامت مكانها
بينما وصل رعد الڤيلا وترجل إلى جناحه ووجد ماسه نائمه وهيا مقيده نظر لها رعد وابتسم بشفى وذهب وأحضر كوب مياه ثم سكبه فى وجهها
استيقظت ماسه وهيا مفزعه
فنظرت أمامه ووجدت رعد ينظر إليها بإبتسامه ساخره
ماسه بخبث.انت جيت حمدالله على السلامه
رعد. اومال فين لسانك ولا القطه كلته
ماسه بتمثيل الحزن. لا ماهو خلاص حرمت وقررت انى انى مش هعملك حاجه تانى ولا هيضايقك لغايت الكام الشهر دول يعدوا وكل واحد يروح لحاله فكنى بقى انا جعاانه اوى وعاوزه ادخل الحمام
رعد. لا مليش مزاج دلوقت واتجه رعد إلى المرخاض
ماسه بغضب. اععععع ماشى ماشى
بعد قليل
خرج رعد
ماسه. حرام عليك فكنى بقى عاوزه ادخل الحمام
رعد. افكر
جلس رعد بجانبها وأخذ يعمل على اللاب توب
بينما ماسه اخذت تبكى بصوت خافض
سمه رعد صوت بكائها فنظر إليها وحزن لها
رعد. بتبكى لى
ماسه. عشان جعانه
رعد.انا هفكك المره دى بس بعد كدا لمى لسانك
ماسه بخبث. حاضر بس فكنى
فكها رعد وأخذت ماسه تمسك يدها بتعب
قامت ماسه وهيا تعدل من حالها وقالت حمدالله ع سلامتى
ابتسم رعد عليها
بينما ماسه اتجهت إلى المرخاض وخرجت بعد قليل واتجهت خارج الغرفه
رعد. راحه فين
ماسه. هشوف حاجه اكلها فى ام الڤيله دى مكالتش حاجه من امبارح
رعد. تمام ومش عاوز مشاكل
ابتسمت له ماسه بغصب وخرجت واتجهت إلى الاسفل
ووجدت الجميع جالس
جنات. ماسه عاش من شافك اى يابنتى طول اليوم فى الأوضه
ماسه. معلش بقى كنت تعبانه شويه
مها بتريق. تلاقيكى مش واخده ع الجو
ماسه بشراسه. لا يا خالتى دا حتى الجو شرح
مها. سوفاج
ماسه بتريقه. سوفاج مين يا خالتى انتى تعبانه
خالد. هههههههههه انتى مشكله يا ماسه
ماسه. وانت عثل بقولك با جنات تعالى معايا المطبخ اجيب حاجه اكلها عشان انا جعانه اوى
جنات. اشط يلا بينا
دخلت كل من جنات وماسه المطبخ وأخرجت ماسه طعام كثير
ماسه. ااه دنا واقعه من الجوع
جنات. بالهنا والشفا
جلست ماسه وأخذت تأكل بشراسه من شدة جوعها
حتى انتهت وخرجت
جنات. تعالى اقعدى معايا في
ماسه. اوك يلا
وجلست ماسه مع جنات وخالد ومها التى كادت أن تشيط من ماسه
بعد ساعه
عند رعد
رعد. هيا ماسه راحت معقوله بتاكل بقالها ساعه احسن تكون هربت
خرج رعد من جناحه ونزل الى الاسفل ووجد ماسه جالسه معهم
رعد. اى يا ماسه كل ده بتاكلى
ماسه. لا انا قعدت شويه مع جنات وعموا خالد
رعد. طب يلا عشان نطلع بقى
ماسه. احم اه يلا تصبحوا ع خير
الجميع ماعدا مها. وانتى من اهل الخير
جائوا أن يتجهوا إلى الاعلى ليجدوا صوت صراخ ينادى رعد
ررررررعد
نظر الجميع إلى مصدر الصوت وانصدموا
بجد انا اسفه اوى انا عارفه أن انا اتأخرت وانا اسفه ليكم انجوووووووى يا جمرات
توقعاتكم يا جمرات ❣️
تعليقات
إرسال تعليق