 |
البارت الرابع 💥بقلم ✍️ سلطان زماني
حوار بين امل ام هدير بطلة قصتنا وخالة هدير اختها :؛
الخالة .. ماتلمي دورك بقا أنا خايفة الموضوع يتعرف وجوزك
يعرف ولا يشم خبر بالموضوع ده اي مزهقتيش منه
امل ..ازهق من عمر ياريت عارفه ولا قادرة أنا كنت أتوقع منه
اي حاجه رد علي الي عملته فيه
بس عمري ما كنت أتوقع أنه ياذيني في بنتي
الخالة ..عملتي فيه ايه
امل ..من ساعة ما ظهرت بنت الكلب اسراء دي وعمر اتشقلب
حاله بقا يعايرني علي فرق السن الي بينا وبقا يهملني ومكنش
يحتاجني غير لما يتنزق في فلوس أو يحصل معه مشاكل
في شغله يكلمني احلهاله وبعد ما اساعده أو اخلصله
مصلحته يبعد ويهملني تاني بسبب الكلبة دي
الخالة ..ايوا وحصل اي
امل ..في مره اتقابلنا عندي في الكمبوند الي في زايد وهو
دخل اخد شاور وكان سايب موبيله ع الكومدينو لقيته بينور
ببص لقيتها هي بتتصل فتحت عليها وقفلت شاشة الموبيل
ووطيت صوت السماعة علشان كان صوتها طالع بسيط
واستغليت لما طلع خليته نام معايا تاني وهو معايا وهي من
بعدها كلمتني وشتمتني وانا كلمت ابن اختك عماد واديته اسمها
علمها الادب وبيتها يومين في قسم الهرم عنده والبت بعدها
طلعت وابوها جوزها ل ابن عمها وسافرت معه وعمر رجعلي
بس حسه أنه مش صافيلي ولا نسيها
الخالة ..يخربيتك انتي اتجننتي رسمي حب اي ده الي
يخليكي تعملي كده
امل ..واعمل اكتر من كده كمان ده روحي حب عمري ده الي
اتوولدت ع ايده ده الي معه بحس روحي طفلة عيله لا
اتجوزت ولا خلفت ولا كل القرف الي انا فيه ده معه بحس
اني عايشة لا لا طايرة هو الي غبي مش عارف اني مفيش
وحده هتحبه زاي ولا قدي وتضحي علشانه
الخالة..انتي بقالكم مع بعض اكتر من ٤ سنين
امل..وهعيش معه عمري الي جاي كله انتي متعرفهوش ده
احنا اول ما عرفنا بعض كان رقيق اوي وحنين اوي ومبهور
بيا وطالع بيا السماء كنت لما اغيب عنه اسبوع بتجنن ويبقا عايز ينتحر
الخالة..واي الي غيره كده
امل..طماع عينه زايغة شبع من جسمي ومن حبي ومن
فلوسي في ناس كده اول ما تشبع تتفرعن وتتغير بس وديني
ل ارجعه حافي زاي اول ماعرفته
الخالة.. يابت كبري دماغك منه سبيه بقا يعيش حياته اهم
حاجه ابعديه عن بنتك
امل..اسيبه يعيش حياته واولع أنا بقا ارجع للجحيم الي كنت
عايشة فيه مش هسيبه أنا ممكن اموت فيها
الخالة..بدال ما تحمدي ربك أنه سترها معاكي كل ده وتفوقي
بقا وتبعدي بقا انتي خلاص قريب هتبقي جده
امل ..منه لله ابوكي بقا أنه جوزهوني واجبرني اني اوافق
ومكنش بيرضه يطلقني منه لما اشتكي لحد ما خلفت هدير
كمان واهو عيالي كبرو وشبابي ضاع واجمل سنين عمري
قضتها مع راجل جبله عديم الاحساس متبلد في كل شي
حتي الكلام الحلو مش بيعرف يقوله البيت بنسباله للنوم أو للاكل وبس
الخالة..يعني ال ٤ سنين دول عوضوكي عن الي شفتيه ده
امل ..أنا مع عمر اكتشفت اني في حياة ودنيا عارفه اول يوم
مارست معه الجنس كنت حسه اني بنت بنوت ولا اكني عمري
اتجوزت ولا خلفت مفيش وجه مقارنه بينه وبين جوزي في
رقته وحبه وشغفه ولهفته وحضنه وشوقه كل حاجه حستها
معه كل حاجه غيرته عصبيته خوفه عليا حاجات كتير صعب
القيها تاني لو سبته
الخالة.. اعقلي تفكيرك ده هيضيعك الواد ده شكله مش سهل
أنه يوصل لبنتك ويعلقها بيه بالشكل ده ده عيل يتفاتله بلاد
امل ..هو عمل كده علشان الزفته اسراء والي أنا عملته فيها
أنا فهمه دماغه من كتر ما حبيته فهمته حفظته حفظ هو مش
بيحب هدير هو علشان عارف اني ممكن احبسه واي وحده
هيحبها أنا هعرف أبعدها قرب من بنتي عايز يقولي وريني بقا
هتحبسي بنتك ازاي أو هتعرفيها اني في بنا علاقة بس برضو
عمري ما كنت اتخيل أني دماغه توصل لكده
الخالة..والله أنا بقيت اخاف عليكي من الزفت ده ابعدي عنه
والله قلبي مقبوض ومش مطمنه
امل..ارجعه حافي زاي ماعرفته وأعرفه قيمتي وبعدها ارميه
زاي الكلب بس ياريت اقدر اعمل ده ياااريت
الخالة..أنا عمري ما شفت حب بالشكل ده الواد صغير
وشايف نفسه وعايز يعيش حياته مع وحده من سنه ويبقا
زوج وأب وليه حياة زايك كده بتحرميه من ده ليه وتقفي قصاده
امل..وانا يعني الي كبرت أنا لسه زاي ما أنا ده انا لما بمشي
مع هدير بيفكروني اختها مش امها ومين قال إني وقفه
قصاد أنه يتجوز أنا كنت هجوزه بنت عم حمدي السواق بتعنا
الخالة..بنت عم حمدي دي بت هبله وعلي نيتها
امل..اه امال عايزاني اجوزه وحده تخده مني وتغير عليه
ومتخلنيش اعرف اشوفه تاني وتمتلكه هي ..ده انا كنت
هتكفل بكل حاجه وهو الي مرضيش وفضل عليا اسراء
بتاعته دي
أنا الي هيجنني الواد ليه ميحينيش ويتمسك بيا زاي كده ليه
مش شايف اني بموت عليه واني وقفت جمبه وساعدته واني
مفيش وحده هتعمل معه الي عملته معه
الخالة ..الحب مش بالعافيه يا ختي ومفيش حاجه بتدوم ولا
بتفضل ع حالها أنا هرحله الشركة وهكلمه ملكيش دعوه
بالموضوع ده انا هخلصه
امل ..اوعي تعملي كده انا هقابله واتكلم معه المهم عندي
دلوقتي هدير متحسش بحاجه وانا هخليه هو يبعد عنها
ويغير رقمه وينسها
يتبع ..أن شاء الله البارت القادم هيكون حوار بين عمر وصحبه الانتيم الهدف منها اني الصورة تكمل وتوضح ليكم يلا تفاعلو 👏👏🥳
تعليقات
إرسال تعليق