 |
تكملة البارت الرابع 💥بقلم ✍️ سلطان زماني
✍️حوار بين عمر وصحبه خالد :!
خالد ..اي يابني مالك مش علي بعضك ليه
عمر .. هدير موبيلها مغلق بقاله يومين ومعرفش عنها حاجه
هتجنن وعايز اكلم ام ٤٤ دي بس خايف تشك او تعرف
وتعملي نصيبه ومعرفش حد يطمني عليها غيرها
خالد ..يادي ام ٤٤ دي يابني ما تفكك من بنتها وخليك معها
كل الي انت فيه ده من خيرها متنكرش
عمر..مش بنكر ياصحبي بس زهقت قرفان من نفسي ومن
الي بعمله ده الاول كنت صغير مش فاهم والسكينة كانت
سرقاني دلوقتي خلاص بستحقر نفسي كل ما المسها
خالد..والنبي يابني دي فرصة وانت مش عارف تستغلها
علشان اهبل
عمر..ياعم خدها انت الفرصة دي واستغلها أنا خلاص قرفت
منها ومن تسلطها عليا وتدخلها في حياتي
خالد..ما أنا كلمتها قبل كده وقفلت السكة في وشي وشكت
فيك انك ادتني رقمها وعملت عبيطة
عمر..وحده غيرها كانت تفهم أنها ولا شي بنسبالي بعد الحركة
دي وتبعد عني وتحلني بس اقول أي بني ادمه براس كلبة
خالد..انت مش قولت أنها كانت هتجوزك بنت واحد شغال
عندهم وهتفرشلك الشقة وهتكفل بكل المصاريف ليه
معملتش كده لو همك ع الجواز والاستقرار زاي ما بتقول
عمر..يابني دي بت غلبانه مخها ع قده امل حطه في دماغها
اني علاقتنا تفضل مستمره حتي بعد ما اتجوز ودي الي
شفتها مناسبه لا هتعترض ولا هتحس اني بخونها فهمت
خالد..دي وليه مش سهلة وحده بالدماغ دي هتغلب توقع راجل في حبها ويديها الي بتخده منك
عمر..امل مش شمال ياصحبي وانا مقدر حبها ليا واخلصها ومساعدتها وكل الي عملته علشاني بس انا بجد زهقت مليت وحشتني حياتي وحشني نفسي أنا يا خالد ..مهما اقولك مش هتفهم
خالد ..ليه مش هفهم حمار أنا
عمر..أنا ياض بحس اني عجوز معها عايش سن مش سني
بتكسف امشي معها في الشارع ولا واحنا راكبين العربية
ونظرة الناس لينا أنا متأكد انها بتكون مبسوطة وطايره من
السعاده بس انا لا حتي واحنا ع السرير مع بعض مش بكون
مبسوط انا اوقات كتير بنيمها ع بطنها علشان مشفش وشها
واتقفل
خالد ..طب ياسطا وبنتها هتعمل معها ايه
عمر..هدير دي حاجه تانية خالص كنت داخلها علشان اوجع
قلبها علي بنتها واعلقها بيا واخليها مدام واسيبها بس الي
حصل اني حبيتها ازاي ي خالد أنا معرفش
خالد..حبيتها ازاي انت هتصيع تحب واحده انت في علاقة
بينك وبين امها
عمر ..ما انت لو عرفتها مش هتصدق اني الملاك دي بنت
الشيطانه دي ..أنا قبلتها كتير وكنت ممكن اعمل كده فيها
بس مقدرتش نظره عينها كلها براءة وحب وطيبة بنت تحسها
لسه علي الفطرة متعرفش تكدب ولا تحور من غير ما احس
لقتني بحبها فكرت كذا مره ابعد عنها والله مقدرتش كنت
بلاقيني غصب عني اكلمها واطمن عليها واسمع صوتها
خالد..طب وانت متخيل انك لو اتقدمت هتوافق انك تتجوز
بنتها ماهما ممكن يفكرو انك طمعان في فلوس بنتهم
عمر ..أنا لو طمعان كنت طمعت في امها ياعم دي كانت سكة
نجسه حتي الفلوس الي بخدها منها كانت فلوس حرام
مفيهاش بركة كلهم اتصرفو ومحستش بيهم ولو رفضت أنا
ههددها اني هفضحها بالصور والمحادثات والمكالمات الي
بصوتها وخليها بقا تخرب ع الكل
خالد..انت اتجننت ياض تفضح مين ..ما انت هتفضح نفسك
يا اهبل وامك وأخواتك وأهلك كلهم هيعرفو تخيل لما يعرفو
اني ابنهم كان مرافق وحده ست قد امه 4 سنين بتصرف
عليه وعايش ع قفها
عمر..أنا مش هتنزل عن هدير هي دي الي بنسبالي فرصه
بجد ولو ضيعتها هفضل اندم عليها عمري كله
خالد ..ليه ياعم الي خلقها مخلقش غيرها
عمر .. اه مخلقش غيرها وبمعني أصح مش شايف ولا عايز
اشوف غيرها يا صحبي أنا أول مره شكلي احب ولا ايه اتاري
الي بيني وبين اسراء كان لعب عيال بدليل اني لما امل عملت
فيها كده انا اضايقت وزعلت علي شكلي قدمها بس إنما هي
مفرقتش عندي محستش يفرقها ولا اثر فيا إنما هدير مش
قادر اصبر ع بعدها شوف وانا قاعد معاك كام مره اسمك
الفون وافتح الفيس والواتس اشوفها يمكن فتحت وبعتت
حاجه أنا عمري ما حصل معايا كده انا بجد بحبها ولقيت فيها
عوض ربنا ليا
خالد..يعني العبة قلبت جد وحبتها
عمر..اه يا صحبي هتجنن ياض وهموت لو بقت لحد غيري
خالد..أنا مش عارف ياصحبي والله اقولك ايه
عمر ..متقولش حاجه أنا هجمد قلبي وهقف قصادها والي يحصل يحصل
خالد..ربنا يسترها معاك ياصحبي بس الست دي عايزة حكمة مش عايز تسرع
عمر.. الي فيه الخير يقدمه ربنا
يتبع 💥 رايكم ياحلوين ♥️
البارت الخامس من هنا
تعليقات
إرسال تعليق