مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤

-جبت النتيجة وطلع عندي كانسر في الرحم 

قولتها وأنا بمسح دموعي... بصيت لخالد اللي اتصدم فقولت :

-الدكتور أول ما قالي كده اتصدمت حسيت نفسي في كابوس يا خالد 

-منة! 

-انهارت كنت هبوس ايديه عشان يقولي أن التحاليل كدب بس هو مرضاش... قالي للاسف أنها صح... اترجيته قولتله إني مخطوبة وهتجوز قريب... بس هو قالي لازم نشيل الرحم لأن حالتي صعبة ... قولتله إني نفسي في طفل... نفسي كان أم... ده حلمي زي حلم بنات كتير. 

قعدت أبكي... حاول خالد يهديني بس مقدرتش... كنت حاسة كأن جبل علي قلبي.... حسيت أن الدنيا بقت زي خرم الابرة وكأن كل الأبواب اتقفلت في وشي.... 

بصيت لخالد المصدوم... كنت مقدرة وضعه كويس... هو مش ذنبه أنه يتحرم من انه يبقي أب.... مش هتظلمه معاها 

-مقدرة طبعا لو حبيت تفسخ الخطوبة... ده حقك أنا خلاص انتهيت 

بصلي بتوتر فكملت :(بقلم سولييه نصار )

-لو حابب النهاردة هبعت أخويا يجيب حاجتك... وربنا يكرمك مع بنت الحلال اللي تستاهلك.. وأنا ربنا يقف معايا في مصيبتي. 

وكنت لسه هقوم لما مسك أيدي وقال:

-اقعدي يا منة لو سمحتي. 

قعدت وانا كلي أمل... رغم إني حاولت أبين إني قوية بس علي العكس تماما... أنا منهارة... قلبي وجعني ومقدرش اخسر خالد... أنا بحبه... وصعب عليا اخسره... صعب اشوفه مع حد غيري.... بس برضه مش عايزة اظلمه 

-الفرح هيتعمل في ميعاده 

-خالد؟! 

-أنا مش واطي عشان اتخلي عنك في أول مشكلة... انتي وقفتي معايا كتير... وجه الوقت أقف معاكي... هنتجاوز ده سوا يا منة متخافيش... هنتجوز وفورا هنبدأ العلاج وأنا هقف معاكي خطوة بخطوة... ده وعد 

دموعي نزلت وانا مش مصدقة... خالد مش هيتخلي عني..

-طيب والأطفال... مش نفسك يكون عندك طفل... ازاي هتعيش من غير ما يكون ليك ابن أو بنت تربيهم... تشوفهم وهما بيكبروا قدامك وتفتخر بيهم... ويسندوك لما تكبر.... قولي يا خالد هتتخلي عن كل ده عشاني أنا!!! أكيد هيجي يوم وتندم... هيجي يوم وتتمني يكون عندك اولاد من دمك زي باقي الناس 

-ميهمنيش أنا هبقي معاكي للابد 

مسكت ايده وقولت:

-يعني أنت عمرك ما  هتسيبني صح... قول آه يا خالد... 

-أيوة يا حبيبتي هفضل معاكي علطول. 

مسحت دموعي وابتسمت... وشكرت ربنا أن حب حياتي هيبقي جمبي. 

........ 

-أنت اتجننت يا خالد عايز تحرم نفسك من الأطفال عشانها... يا أخي يقطع الحب اللي يخليك تدمر حياتك بالشكل ده. 

زعقت والدة خالد فيه فقال وهو متضايق:

-يا ماما أنا بحبها 

قربت وقالت بثقة :

-حبك ليها هيختفي لما تمر السنين وأنت من غير طفل.... لما شعرها الحلو يقع... وبشرتها تصفر... 

-ماما لو سمحتي اسكتي 

-أنت اسكت وافهم أنا عندي خبرة اكتر منك... قولي تقدر تعيش من غير اطفال... بسألك جاوبني 

سكت خالد بعدها قال بحزن :

-أنا بحبها 

-خلاص اتجوزها بس بشرط! 

-ايه هو 

-تتجوز واحدة تاني عليها عشان تجيبلك عيال... اشرط عليها كده الأول وشوف هترضي ولا لا!! 

يتبع

الجزء الاخير❤شكرا لتفاعلكم القمر❤

بصلها بصدمة وقال:

-بتهزري صح.. ازاي عايزاني اكسرها كده حرام عليكي 

-لو معملتش كده انت اللي هتتكسر لما تقضي طول حياتك من غير طفل... يا بني أنا من حقي اشوفلي حفيد... ليه عايز تمنعني من الحق ده عشانها.... أنا مش بقولك سيبها أنا بقول تتجوز واحدة تاني وهي مفروض لو بتحبك تتقبل كده 

-وهي ليه تتقبل ده مين هتتقبل كده 

زعقت والدته وقالت:

-لازم تتقبل معندهاش خيار... أنت كتر خيرك هتتجوزها رغم مشكلتها (بقلم سولييه نصار )

-أنا بجد مصدوم من تفكيرك.... منة مش ذنبها أنها مريضة... منة محتاجة اللي يقف جمبها... يساعدها وياخد بإيدها... مش يتخلي عنها ويرميها ويكسرها... 

-انا مليش دعوة بالكلام ده 

-لا يا ماما  ليكي دعوة مش دي منة اللي وقفت جمبك لما تعبتي وعملتي عملية خطيرة في القلب.... مسابتكيش لحظة... عاملتك كأنك مامتها كانت بنفسها تديكي الدوا باتت ليالي في المستشفي معاكي لما كنت مسافر... وقفت معاكي وقفة عيلتنا ذات نفسها موقفتش تقدري تنكري. 

سكتت ومعرفتش تتكلم وعقلها كان بيسترجع اللي منة عملته معاهم... فعلا منة عملت معاها كتير... بس هي كمان من حقها يبقالها حفيد كانت مشتتة مش عارفة تاخد قرار بصيت لابنها وقالت:

-اللي عايز تعمله اعمله يا خالد بس فكر الأول مش بقولك سيبها... بس أعرض عليها الأول الفكرة يمكن تتقبلها. 

أبتسم خالد وقال :

-صدقيني يا ماما حتي لو منة وافقت أنا لا... أنت هقف معاها للآخر  

-براحتك أنا مش هتدخل 

...... 

مر اسبوعين وجه يوم فرحي أنا وخالد... خالد كان مصر نتمم الفرح كذا مرة سألته أن كان حابب يتراجع رفض تماما... سأل عن وضعي وروحنا كذا دكتور وعملنا كذا تحليل لحد ما قررنا نجرب الكيماوي.. 

اتجوزنا أنا وخالد وعيشني أيام حلوة... كنت بنسي تعبي ومرضي... بعدين بدأنا الكيماوي... كان ألم العلاج لا يطاق كنت بحس بنار في جسمي.... أحيانا كنت بتمني الموت بس خالد كان بيساعدني ويدعمني... عمره ما نفر مني بسبب شكلي اللي اتغير ولا شعري اللي وقع بالعكس وقف معايا وشجعني.... ومع الالتزام بالعلاج حصلت المعجزة وخفيت بعد عملية استئصال السرطان من غير اضرار بالرحم.... كنت بعيط لما الدكتور قالي إني ممكن احمل... قد ايه عوض ربنا جميل.... صليت وانا ببكي وبشكر ربنا 

..... 

بعد خمس سنين 

- خالد... عبد الرحمن بطلوا لعب وتعالوا كلوا.. 

شال خالد الكورة ومسك ايد عبد الرحمن اللي عنده سنتين وجولي..  كنت مبسوطة وانا ببص علي عيلتي الصغيرة عبد الرحمن كان شبه خالد اووي.... قربوا مني وباسني خالد علي رأسي وقال :

-ابنك شكله هيطلع لاعب كورة شاطر اووي 

-طالعلك يا حبيبي. 

قعدنا ناكل بصيت لخالد وقولت:

-لما رجعلي المرض تاني يا خالد هنعمل ايه 

مسك أيدي وقال:

-هقف معاكي للنهاية وهحبك للنهاية❤

تمت